Se pari, duhet pranuar se Donald Trumpi eshte nje çudi jo vetem ne politiken amerikane por dhe ne ate boterore. Une mendoj se nje nder arsyet qe solli kete prurje/profil ne lidershipin amerikan eshte mbi te gjitha ndryshimi demografik ne SHBA ne keto dekadat e fundit dhe qe si rrjedhoje e renies se murit te Berlinit pruri emigrante nga shoqerite komuniste te Evropes Lindore apo dhe prurjet e Latineve nga shoqeri edhe keto ish komuniste, te gjitha permendur me siper si shoqeri kolektiviste qe adhurojne liderin narcizist. Ky elektorat qe nder vitet e fundit eshte shtuar se tepermi ne SHBA ju bashkengjit pjeses solide republikane qe sollen fitoren e trampizmit ne SHBA ne vitin 2016, por qe do ta kishin sjelle edhe ne 2020, nese nje mase e madhe demokratesh nuk do te dilnin ne votime.

Por ndersa sikur e quajne analistet, Trumpizmi eshte nje kult dhe si i tille do te doje kohen e vet te analizohet dhe zberthehet, sot le te ndalemi tek pyetja qe kam hedhur ne titull : Pse Shqiptaret e duan Trumpin masivisht?

Per t’i dhene kredite, Trumpi hyri ne politke si profili i liderit te drejtperdrejte qe thote çfare i vjen ne mendje dhe nuk mendon gjate per pasojat. Kjo lirshmeri e tij u pranua masivisht nga njerezit e lodhur prej fjaleve te perzgjedhura te politikaneve. Duket se ne pak vite shume kuptuan se edhe ne politike sado ta ushtrosh lirshmerine e fjales e drejta jote per te thene çfare mendon, qofsh ti edhe kryelideri i botes, me jep mua te drejten te te skualifikoj si te tille nese ti prek ndjenjat e mia. Kjo erdhi pasi ne mos nje forme ne nje tjeter Trumpi nuk la shtrese sociale, etnike, politike, raciale, seksuale apo nderkombetare pa etiketuar apo ofenduar. Por ndonese ky stil komunikimi shume shpejt u be i lodhshm per shume njerez, ai nuk i lodhi trumpistat apo dhe shume shqiptare te tille, dhe kjo ka aresyet e veta. A nuk vime ne nga nje mjedis qe kur nje person me te meta mendore dilte ne rruge , ne ne vend qe ta ndihmonim , talleshim me te apo i binim me gure ; a nuk jemi zhvilluar ne si njerez ne nje mjedis ku etiketimet per njeri -tjetrin nuk na benin pershtypje? Sa here kemi thene: ajo hundmadhja, ajo kembeshtrembta, ai pederasti, ai maloku etj etj. Kur dolem nga mjedisi i izoluar shqiptar ne e kuptuam se ky qendrim yni jo vetem qe nuk eshte etik, por eshte i papranueshem dhe i denueshem ne shoqerite e zhvilluara. E pranoj, u ndergjegjesuam, por tashme ishte vone , arketipi yne i trasheguar do te nxirrte koke sa here t’i jepej rasti.

Se dyti, shqiptaret e pelqejne Trumpin se ata i terheq lideri narcizist. Ne vendin tone ne kemi pranuar te drejtohemi vetem nga lidere te tille. Ne nje shkrim timin te meparshem une bej nje analize te liderit narcizist dhe atje ve theksin qe ndjekesit shqiptare gjithmone kane pelqyer te udhehiqen nga lidere te tille. Nuk besoj se kohet moderne apo ato te shkuara kane pasur nje lider me shkallen e narcizizimt te Donald Trump.

Jam e bindur se mijra teza doktoraturash do te shkruhen per te analizuar narcizimin e tij. Nen presionin e kultures sone zgjedhja apo aprovimi i Trumpit eshte pjese organike ne perzgjedhje te liderit narcisist dhe kuptohet kete kulture instiktivisht ne trashegojme kudo ku jetojme. Shume here e modifikojme , e zhvillojme , e integrojme , por shume here ajo ngre krye pa kuptuar dhe na ndjek ne si e tille.

Deri ketu rreshtova ato faktore ndikues qe jane tregues i arketipeve tona apo kultures qe ne perfaqesojme si komb. Perpos ketyre ka dhe disa aresye te tjera. Shqiptaret nga natyra kane qene gjithmone, sipas proverbit qe ata e kane po te tyren : “Jam me ate qe merr kalane”. Po te besh nje vezhgim te vogel perqindja me e madhe e Shqiptareve qe kane votuar Trumpin ne SHBA vijne nga shtete apo qytete shume konservatore ku numri me i madh i popullsise eshte me Trump. Nese jeton ne mjedis te tille, shume here jo urban, do besh dhe biznes me ate komunitet, do t’i pershtatesh, do mbijetosh dhe kjo eshte ne traditen e shqiptareve qe nga koha e Turqise. .. ..

Nje aresye tjeter pse shqiptaret jane me Trump e gjen bazen se Shqiptaret emigrante apo te diaspores jane shume te lidhur me rrenjet dhe atdheun dhe kjo eshte nje supervlere e jona. Kudo te jene shqiptaret nuk e harrojne vendin e tyre . Dhe ketu une gjej shpjegimin se si ka mundesi qe nje shqiptar derdh djersen dhe punon ne Amerike per 9 dollar ora, eshte pa sherbim shendetesor, dhe serisht voton per Trump, kur nga ana tjeter Biden i premton sherbim shendetesor dhe t’ja rrise oren e punes ne 15 dollar?

Une mendoj se ky qytetar shqiptaro- amerikan e ben kete se ka lidhje organike, shpirterore , te qenesishme dhe konstante me vendin e tij dhe ka informimin qe Shqiperia ne keto 30 vjet eshte menaxhuar shume keq nga njerez te perzgjedhur nga Sorosi qe i bie te jete me Partine Demokratike ne SHBA por pa asnje funksion ne te dhe pa asnje lidhje direkte me Joe Biden.

Shqiptari i thjeshte ne SHBA apo Tirane behet instiktivisht me Trump si refuzim dhe urrejtje qe ka per politikat dhe njerezit e Sorosit ne Shqiperi. Kesaj ndjenje natyrale i ve kapakun politika dhe media shqiptare me demagogjine apo afrimet e saj aspak profesionale.

Permbi te gjitha, kur vjen puna te mbroje Joe Biden ne ekranet shqiptare si per ironi te antisoristeve thirren te flasin soristat qe s’kane paguar nje dite taksa ne SHBA , e jo me pastaj te kene eksperiencen e perditshmerise se jetes ne kete vend, apo te jene eksperte te politikes apo lidershipit amerikan, e mbi te gjitha soriste me lidhje direkte me qeverine shqiptare qe paturpesisht nuk u pozicionua politikisht per Joe Biden, .. !!!

Nga ana tjeter, eshte e çuditshme te degjosh nje politikane te PD qe intervistohet te flase per zgjedhjet ne SHBA e ne mes te tjerash te thote se: “Trumpi i duhej Amerikes” !!! Kur pjesa me elite dhe avantgarde apo super mendje e SHBA, perfshi ketu edhe eliten Republikane thote se Trumpi ishte nje aksident i pafalshem i Amerikes. Natyrshem , çdo shqiptar tek degjon keto zera per nje apo nje tjeter aresye instiktivisht behet trumpist. Jo çdo qytetar ka kohe te ndjeke politiken boterore , ate amerikane e keshtu me rradhe . Ndaj ne vendet e zhvilluara kur vjen puna te bejne propagande apo ekspertize zgjedhin njerezit e duhur dhe qe kane njohjen e duhur, ndryshe krijohen shoqeri te çorientuara !!

E ne gjithe kete mesele Presidenti Trump me te drejte mund te thote: “ Une nuk e di ku bie Shqiperia , por keta me dashkan kaq shume, shume me teper se Bushet dhe Bekerin, apo Klintonin qe ka bere aq shume per ta”!!! … Nga ana tjeter Presidenti Joe Biden mund te thote “ Une kam bere kaq shume per Kosoven, djali im ka kontribuar ne Kosove, nuk e kuptoj pse me mungoi vota masive e Shqiptareve??” ..Ne vete si Shqiptare kudo ku jetojme , kurre se kuptuam pse e kemi kujtesen shume te shkurter dhe te miren qe na behet e harrojme kaq shpejt …!!!

Nje grup tjeter shqiptaresh u rradhiten pro Trump pasi ky krijoi dhe i meshoi teorise konspirative antimarksiste qe qarkulloi si qarkore sidomos ne radiot latine se me te ardhur bileta Biden -Harrin ne SHBA do te vije socializmi !!!

Amerika si themel, kulture dhe shtylle udherrefyese eshte e gjitha kapitaliste, eshte aq kapitaliste sa i gjithe motori i saj politik ecen mbi shinat e biznesit, sikur thote edhe proverbi: “ Ne SHBA ka vetem nje parti, ajo e biznesit” .

Te dyja partite jane thelbesisht te lidhura me boten e biznesit, aq sa e ke te veshtire t’i ndash . Si ka mundesi qe ne krahun e kunder te Trumpit “antisocialist” u rradhiten gjysma e korporatave me te fuqishme te ShBA? Nuk kane frike këta superkapitalista qe Biden ‘komunist” do ju sjelle komunizmin e do te shtetezoje pronat ..???

Amerika nuk preferon as ekstremin majtas dhe as ekstremin djathtas. Kjo eshte eshte pergjigja e prere qe na dhane zgjedhjet e fundit dhe aresyeja qe Joe Biden u zgjodh president.

Amerika ka ndryshuar shume qe kur une shkela per here te pare ne te 20 vjet te shkuar. Ajo do te vazhdoje te ndryshoje dhe ne gjithmone e me teper do te njohim lidere qe u pershtaten diversitetit te kulturave te shumta ne vend e qe po rriten gjithmone e me shume. Megjithate une mendoj se SHBA gjithmone kane ditur te mbrojne identitetin e saj pa u perzier ne ideologjira te çfare do lloj dhe qe per te kane qene gjithmone trup i huaj. Besoj se edhe kete here, pjesa me perparimtare dhe e edukuar, ajo avantgarde dhe elita e biznesit amerikan duke zgjedhur president Joe Biden vuri veton dhe ne fund te dites amerikanet i treguan botes se ata njohin vetem nje ideologji – Amerikanizmin!