VOAL

VOAL

PS pret të fitojë shumicën

June 26, 2017
blank

Komentet

blank

28 deputetë të PD firmosin dokumentin: Njohim Bardhin si kryetar

Mbahet sot seanca e radhës plenare në Kuvendin e Shqipërisë.

Mësohet se 28 deputetë nga 35 që janë të regjistruar zyrtarisht në Kuvend në përbërje të Grupit Parlamentar të Partisë Demokratike, i kanë dërguar sot një vendim Kryetares së Kuvendit, ku deklarojnë se njohin si Kryetar Grupi Parlamentar të PD Gazment Bardhi.

Deputetët që kanë firmosur janë Agron Gjekmarkaj, Asllan Dogjani, Bledion Nallbati, Bujar Leskaj, Dashnor Sula, Dhurata Cupi, Edi Paloka, Ervin Salianji, Ferdinand Xhaferaj, Flamur Hoxha, Gazment Bardhi, Greta Bardeli, Helidon Bushati, Ina Zhupa, Isuf Celaj, Jorida Tabaku, Kastriot Piroli, Lefter Gështenja, Lindita Metaliaj, Ludovik Hasanaj, Qani Xhafa, Ramadan Likaj, Saimir Korreshi, Sorina Koti, Tomor Alizoti, Xhelal Mziu dhe Zheni Gjergji.bw

blank

Nis gjyqi në Arbitrazh për kontratën në Portin e Durrësit: Kompania gjermane kërkon 40 milionë euro dëmshpërblim

Është zhvilluar seanca e parë në Gjykatën e Arbitrazhit në Uashinghton për kontratën koncesionare të kompanisë gjermane “EMS APO”, e cila paditi shtetin shqiptar.

Padia kundër shtetit shqiptar nga “EMS Shipping & Trading GmbH (German)” që operon në Terminalin Lindor të Portit të Durrësit u regjistrua në Gjykatën e Arbitrazhit më 7 Prill 2023.

Referuar njoftimit në faqen zyrtare të Gjykatës së Arbitrazhit https://icsid.worldbank.org/cases/case-database/case-detail?CaseNo=ARB/23/9 më 18 Shtator 2023, tribunali ka mbajtur seancën e parë me video konferencë.

Fatura financiare e dëmshpërblimit e kërkuar në Arbitrazh për trajtim të pabarabartë dhe diskriminues nga kompania gjermane EMS APO që përpunon anijet e mallrave rifuxho në Durrës është në vlerën e 40 milionë eurove. Fatura 40 milionë euro për arbitrazhin në Portin e Durrësit; Kompania: U dëmtuam qëllimisht – Revista Monitor

Drejtuesit e kompanisë më herët pohuan për Monitor se institucionet shqiptare penguan qëllimisht aktivitetin e tyre që nga 2020, kur nisën trajtimin preferencial për operatorin privat në Porto Romano, për të vijuar më pas zënien e hapësirës së portit të Durrësit për zhvillimin e projektit të “Durrës Yahts Marina”. Ndërsa nga autoritet shqiptare sipas EMS nuk pati asnjë komunikim se nëse do të transferohej aktiviteti i tyre në projektin e portit të ri tregtar. Edhe projekti për ndërtimin e portit të ri i prezantuar publikisht nuk parashikonte asnjë hapësirë për mallrat rifuxho sipas koncensionarit.

Objekti i kontratës koncesionare është menaxhimi, operimi dhe mirëmbajtja e Terminalit Lindor në Portin e Durrësit. Shteti shqiptar dhe EMS-Fehn-Group (d.m.th. EMS Shipping & Trading GmbH) kanë lidhur kontratën koncesionare në maj të vitit 2013.

Kontrata shtrihet për një periudhë 35-vjeçare nga viti 2013 deri në vitin 2048. EMS-Fehn-Group themeloi Operatorin Portual Shqiptar EMS Shpk. (EMS APO) si njësi operacionale në Durrës. Kontrata i jep EMS-Fehn-Group/EMS APO të drejtën për të përpunuar ngarkesat rifuxho, ngarkesat e përgjithshme dhe ngarkesat projektesh në Terminalin Lindor.

Pse arriti kontrata koncensionare deri në Arbitrazh?

Drejtues të grupit “EMS APO” deklaruan më herët për Monitor se për 2022 volumi i ngarkesave të përpunimit të mallrave rifuxho ranë 70% krahasuar me vitin paraardhës. Ish Ceo i grupit Manfred Mueller tha se rënia e volumit të punës fillimisht u nxit nga trajtimi preferencial i autoriteteve shqiptare për një operator portual në Porto Romano, si dhe nga pasiguritë në lidhje me të ardhmen e EMS APO për shkak të njoftimit se Porti i Durrësit do të shndërrohet së shpejti në një port argëtimi.

Pas ndryshimit të kontratës të Portit MBM (Multi Buoy Mooring) në 2020 nga Parlamenti në administrimin e “Kastrati Group” ku përveç shërbimit të përpunimit të ngarkesave dhe depozitimit të naftës në Porto Romano u shtua që “koncesionari mund të ngarkojë-shkarkojë dhe përpunojë në këtë port, anije që transportojnë mallra të tjera”, në Gusht 2021 qeveria nëpërmjet një vendimi lejoi zgjerimin e portit ekzistues në Porto Romano, duke i hapur rrugë projektit të ri.

Projekti i Durrës Yacht & Marina që përkon me zhvillimin e një porti jahtesh, ngritjen e 13 mijë apartamenteve dhe hoteleve do të zhvillohet në truallin e portit aktual të Durrësit, ka vënë në pikëpyetje vijueshmërinë e aktivitetit ekonomik të shumë operatorëve që përpunojnë mallrat në këtë port, por edhe të qindra qytetarëve durrsake të cilët janë të punësuar në këtë port.

Shqetësimi u ngrit edhe koncesionari EMS EPO të cilët deklaruan se qeveria shqiptare njoftoi transformimin e Portit të Durrësit në një port argëtimi pa u dhënë informacion të saktë dhe një grafik të qartë për ndërtimin e portit të ri publik në Porto Romano, si një vend alternativ për aktivitetin e Fehn-Group/EMS APO.

Zbatimi i projektit të ri përfshin zënien e 90% të truallit mbi të cilin operon kompania koncesionare. Për drejtuesit e kompanisë marrëveshja për “Durrës Yachts Marina” bie në kundërshtim pasi ka mbivendosje me kontratën koncesionare të EMS-Fehn-Group.

“Konflikti aktual me autoritetet shqiptare u kristalizua në vitin 2020, ndonëse problemet kishin disa vite më parë që po shfaqeshin. Ne në EMS-Fehn-Group kemi përshtypjen e fortë se autoritetet shqiptare kanë penguar qëllimisht aktivitetet e Operatorit Shqiptar Portual EMS (EMS APO’s) me qëllim që të nxjerrin kompaninë jashtë biznesit, duke i akorduar të drejta shtesë një operatori privat në Porto Romano, ashtu siç u përmend më lart, ndoshta për të mundësuar jo të drejtë mbylljen e aktiviteteve tregtare në Portin e Durrësit dhe veçanërisht duke filluar me zonën e Terminalit Lindor, në funksion të një porti argëtimi”, citohej Manfred Mueller në intervistën e tij për Monitor. https://www.monitor.al/mueller-i-ems-shteti-shkeli-kontraten-dyshime-se-projekti-shteteror-ne-porto-romano-do-behet-ndonjehere/

Më 29 Korrik 2023 Autoriteti Portual Durrës nisi ndërhyrjet për largimin e kompanisë gjermane në kundërshtim me kontratën koncesionare sipas drejtuesve të saj. Shkak i ndërhyrjes ishte për t’i hapur rrugë zhvillimit të projektit të Durrës Yahts Marina, ku për fazën e parë të ndërtimit të godinave me apartamente, sipas drejtueseve të kompanisë koncesionare EMS APO do të shfrytëzohen 90% e hapësirës së terminalit lindor ku operon kompania gjermane. /D.Azo/MONITOR

blank

I 12-ti në historinë e Shqipërisë- Nis Censi i Popullsisë dhe Banesave 2023, penalitete për qytetarët që refuzojnë, ja çfarë duhet të dini

Censi i Popullsisë dhe Banesave 2023, nisi zyrtarisht sot, përmes INSTAT.

Censi do të sigurojë një panoramë të gjendjes aktuale të popullsisë së Shqipërisë, ku përfshihen aspektet sociale, ekonomike, lëvizjet demografike dhe shumë të dhëna të tjera, të cilat do të tregojnë qartësisht si dhe ku jetojnë qytetarët e Shqipërisë në 2023.

Numërimi i të gjithë popullsisë dhe banesave, është operacioni më i rëndësishëm statistikor në vend, dhe bazuar në këto të dhëna, institucionet do mund të planifikojnë saktë ndërhyrjet dhe shërbimet e nevojshme për banorët.

Ky është censi i 12-të në historinë e Shqipërisë, i cili vjen 100 vjet pas censit të parë, zhvilluar në vitin 1923 dhe falë zhvillimeve teknologjike pritet që të zbatojë plotësisht standardet europiane të zhvillimit të censeve.

Për këtë proces janë punësuar rreth 7 mijë persona. Kostoja totale parashikohet të shkojë 16.9 milionë euro.

Mbledhja e informacionit do të realizohet duke shkuar në çdo shtëpi. Nëse një qytetar refuzon të bëhet pjesë e censit të popullsisë parashikohen penalitete, që variojnë nga 50 deri në 100 mijë lekë.

Të gjithë personat të cilët jetojnë në një familje do të numërohen. Çdo person i moshës 18 vjeç e sipër mund t’i përgjigjet vetë pyetjeve.

Anketuesit do të pyesin mbi informacione personale, arsimin, gjendjen shëndetësore, punësimin dhe elementë të tjerë të jetesës. Gjithashtu, Censi përfshin pyetje rreth etnisë, besimit fetar dhe gjuhës.

Megjithatë, mund të thoni se nuk preferoni t’u jepni përgjigje këtyre pyetjeve specifike. Censi nuk përfshin pyetje rreth gjendjes suaj financiare (të ardhurat, kursimet, etj.) apo preferencave politike.

Anketuesi mban përsipër të hedhë të dhënat në tabletë dhe t’ia dërgojë INSTAT-it elektronikisht. Të dhënat e secilit janë të mbrojtura me ligj dhe kodohen në mënyrë që informacioni individual të mos identifikohet.

blank

Basha mbështet kandidatin e Ramës në Kukës

Lulzim Basha ka filluar bashkëpunimin me mazhorancën për zgjedhjet e pjesshme lokale në Kukës.

Ashtu siç e ka bërë zakon bashkëpunimi i tij me Ramën konsiston në dy drejtime.

I pari, nxjerr “analistët” pranë tij në ekranet e qeverisë për të dekujaruar opozitën në betejë duke aluduar se mazhoranca është e fortë, nuk mundet, kandidati opozitës nuk ka program etj.

I dyti, bashkëpunon me komisionerët që KQZ ia jep dhunshëm Bashës, komisionerë të cilët ky i urdhëron që të numërojnë për mazhorancën ditën e përfundimit të procesit.

Kjo gjë është vërejtur sot në një kronikë të Top Channel, ku Lavdrim Lita, i njohur si mbështetës i Lulzim Bashës, ka dhënë një koment për garën elektorale të 24 shtatorit në Kukës.

Duket qartë nga komenti, kur analisti e paraqet garën në Kukës si të pashpresë për opozitën dhe sulmon kandidatin e saj, Emri Vata. Por ndërkohë që sulmon kandidatin Vata, analisti nuk thotë se PD-ja e vulës nuk ka mundur dot të nxjerrë as kandidat për Kukësin, pasi nuk ka njerëz.

Komenti i analistit:

“Zgjedhjet në Kukës janë interesante për të parë nëse do të kemi avancim të kandidatit të opozitës. Por duket e vështirë. Emri Vata nuk është banor i kukësit, nuk jeton me problematikat e qytetit dhe oferta që ka servirur është vetëm sulmi i atyre pak ditëve të Safet Gjicit. Shanset janë më të larta të kandidatit të PS-së pasi ai ka qenë drejtor i tatimeve, si dhe ka mbajtur edhe postin e prefektit, e është përditë me qytetarët atje”.syri,net

blank

Amant Josifi u arrestua për llogari të Spanjës, si e mbrojti Rama për mashtrimin 2.4 miliardë euro

Arrestohet në Dubai Amant Josifi, i shpallur në kërkim nga autoritetet spanjolle për 2.4 miliardër dollarë me Call Center-at.

Burime nga SPAK bëjnë me dije se Amant Josifi do të ekstradohet drejt Spanjës.

Në fakt, ai u arrestua për llogari të SPAK, ndërkohë që autoritetet shqiptare e lanë të lirë të largohej.

Autoritetet shqiptare kanë kërkuar thjesht informacion nga Shqipëria për shkak të identifikimit të tij si shtetas shqiptar

E pyetur zyrtarisht, Policia e Shtetit pohon se nuk kanë njoftim për ndalimin apo arrestimin e tij

Raportohet se Amant Josifi është ndaluar një javë më parë nga autoritetet e Emirateve të Bashkuara Arabe me kërkesë të drejtësisë spanjolle. Josifi ka mbajtur postin e këshilltarit të ish Ministres së Mbrojtjes Olta Xhaçka.

Amant Josifi deri në vitin 2017 rezulton aksioner në kompanisë “Pegasus Communication” bashkë me vëllain e kryeministrit Edi Rama, Olsi Rama

Amant Josifi nuk rezulton një person në kërkim nga drejtësia shqiptare, pavarësisht akuzave të drejtësisë së Spanjës/

Ai akuzohet nga drejtësia spanjolle si koka e një grupi të fuqishëm të mashtrimit me platformat elektronike “Forex”. syri.net

blank

Tensione në Kuvend- Nikolla njeh Açkën në vend të Bashës, Bardhi: Nuk e cakton PS kreun e grupit

Momente tensioni në seancën e Kuvendit.

Kryetarja Lindita Nikolla, vazhdoi sërish në mënyrë skandaloze dhe antiligjore, që të përcaktojë se kush do e drejtojë grupin parlamentar të PD.

Ajo tha se Lulzim Basha ka vendosur që Flutura Açkës do i delegohet detyra e kreut të grupit.

Pas kësaj deklarate, reagoi ashpër Gazment Bardhi.

Ai citoi një shkresë ku thuhet se grupi parlamentar i PD nuk ka bërë asnjë ndryshim të kryetarit.

Bardhi theksoi se nuk është detyrë e PS që të caktojë se kush e drejton grupin e PD.

“Për anëtarët e grupit të PD është e papranueshme që maxhoranca të ndërhyjë në punët e brendshme të grupit parlamentar të PD-së”, tha Bardhi.syri.net

blank

Tryeza e dytë me Berishën dhe deputetët e PD, Bardhi: Morëm disa vendime të rëndësishme

Pas përfundimit të mbledhjes mes Sali Berishës dhe deputetëve të PD, Gazment Bardhi foli para gazetarëve.

Ai u shpreh ndër të tjera se sot u morën disa vendime.

“Kemi marrë disa vendim. Së pari vendosëm të propozojmë një paketë ligjore për të nisur punën për rritjen e pensioneve, ndihmës ekonomike, minimumi jetik. Sa i takon llogaridhënies së qeverisë, do të ketë seanca dëgjimore në Komisione për çështje me interes për publikun. Kemi unifikuar të gjitha qëndrimet për rëndin e ditës në seancën e radhës”, u shpreh ai.bw

blank

Shqipëria nis regjistrimin e popullsisë javën e ardhshme

Piramida në Tiranë që më herët ishte muze për diktatorin e ndjerë Enver Hoxha. Shqipëri, 23 gusht 2023

 

Jetmira Delia-Kaci

Më 18 shtator në Shqipëri do të nisë regjistrimi i popullsisë dhe shtëpive. Ky proces është përgatitur që katër vjet. Ai fillimisht ishte shtyrë për shkak të pandemisë COVID-19, e më pas për, siç është thënë, “mossigurimit me kohë të mjeteve të nevojshme për grumbullimin e informacionit në terren”.

Kryeministri i Shqipërisë, Edi Rama, gjatë një konference për media më 13 shtator tha se regjistrimi është operacioni më i rëndësishëm statistikor për të “lexuar të sotme dhe zhvilluar të ardhmen”.

“Është e rëndësishme për vendin tonë që numri i shqiptarëve që jetojnë në këtë vend të jetë real që askush të mos thotë as që janë shumë dhe i keni shtuar rrugëve dhe as që janë pak, e duke qenë pak jeni një vend që nuk meritonin vëmendjen që pretendoni”, tha Rama.

Ndërkaq ambasadori i Bashkimit Evropian, Luigi Soreca, theksoi se është e rëndësishme që ky regjistrim të ketë informacion të besueshëm statistikore.

Ai tha se BE-ja ka dhënë 4.8 milionë euro grante për agjencinë e statistikave (INSTAT) për të mbështetur këtë proces.

“Ky aktivitet ka rëndësi jo vetëm për të ofruar informacione për vendimmarrësit dhe hartuesit e politikave, bazuar në shifra, por edhe për vetë lehtësimin që do krijojë në rezultatet e prodhuara nga ky aktivitet për një planifikim më të mirë, për kopshtet, shkollat, spitalet, parqet, rrugët e të tjera. Do lehtësojë komunitetin e biznesit për vendimmarrje mbi planet e tyre zhvillimore. Gjithashtu do të jetë një bazë për krijimin e regjistrave statistikorë të rezidentëve në vend, të ndërtesave dhe banesave”, tha drejtoresha e INSTAT-it, Elsa Dhuli.

Regjistrimi do të ofrojë të dhëna për popullsinë rezidente, mbi karakteristikat demografike, sociale, të dhëna për strehimin, shëndetësinë, punësimin e të tjera. Grumbullimi i tyre do kryhet me pajisje elektronike. Pyetësorët janë me tetë module dhe 100 pyetje.

Në modulin për individ do të përfshihet një informacion të gjerë për statusin civil, arsimin, punësimin e të tjera. Po ashtu, do të ketë modul për shtëpitë, sektorin e bujqësisë dhe sektorë të tjerë.

Procesi i marrjes së të dhënave në terren do të zgjasë gjashtë javë dhe mbyllet me 28 tetor. Më pas do të publikohen të dhënat e para në qershor 2024, ndërsa më të detajuara në dhjetor 2024.

Për regjistrimin e popullsisë do të angazhohen 7.500 persona. Ky do të jetë regjistrimi i dymbëdhjetë i popullsisë në Shqipëri.

blank

Spartak Braho paraqitet në SPAK, e humb fillin kur del para mediave

Ish-deputeti Spartak Braho është paraqitur sot në SPAK.

Nuk dihet arsyeja se pse Braho ka shkuar në Prokurorinë e Posaçme.

Ndërkohë, pas disa minutash ai doli nga SPAK, por e humbi fillin kur doli para mediave.

Pas daljes nga SPAK, Braho tha se kishte shkuar në prokurori për punë profesionale. “Punë profesionale. Duhet zhvilluar më tej ligji për veprimtarinë e SPAK”, tha ai.syri.net

blank

Dule: Rama e ka pas planifikuar në detaje që kur ishte në opozitë projektin e grabitjes së pronave në bregdetin e Jugut

Kreu i PBDNJ-së Vangjel Dule, i ftuar në studion emisionit “Open” në News24, foli për çështjen e kryebashkiakut të Himarës, Fredi Beleri dhe lidhjen e kryeministrit Rama me këtë rast.

Sipas tij Rama është shkaku se pse Beleri është në burg sot, ndërsa shtoi se kreu i qeverisë ka inskenuar dhe dirigjuar arrestimin e tij.

Dule u shpreh se Rama ka pasur qysh prej vitit 2011, kur ai ishte kryetar i opozitës, planin për tjetërsimin e pronave në Himarë.

Sipas tij ky është një plan i hershëm i Ramës për tjetërsimin e pronave të pronarëve të ligjshëm dhe në favor të klientëve të tij, pasi me zgjedhjen e Jorgo Goros si kryebashkiak asokohe është dëbuar misioni i OSBE-së që kishte projekt regjistrimin e pronave në Himarë.

“Rama është i fundit që mund të flasë për drejtësinë, ai është shkaku pse Beleri është në burg. Zgjedhjet në Himarë ishin të qeta. Rama ishte i pari lider politik që u shfaq në Himarë gjatë fushatës. Pasi shkon dhe nuk e pret njeri në sheshin e Himarës, shtyn takimin dhe vijnë autobusët me mbështetës nga zonat përreth.

Rama ka fyer Belerin dhe të gjithë ata që e kanë dëgjuar. Ndaj Belerit kanë nisur një farsë me një qytetar të dënuar më parë për mashtrim. Kjo shkon në prokurorinë e Vlorës dhe çështjen e merr ish-drejtuesja e Hipotekës, e cila pasi shkoi në shkollën e Magjistraturës emërohet në Vlorë. Më të besuarit e partisë e qeverisë emërohen kështu. Më pas mandati i arrestit të saj gjykohet nga i vëllai në Vlorë. Këto janë nuklat e kryeministrit. SPAK nuk është deri në këtë moment.

Për mua është Rama ai që e inskenoi dhe dirigjoi arrestimin e Belerit. Arroganca të verbon. Kaq dua të them për të. Historia e Ramës me pronat ka nisur që kur ka qenë në opozitë, që në vitin 2011. Kur Goro u shpall kryetar bashkie në Himarë, dëboi misionin e OSBE në projektin që kishte për regjistrimin e pronave në Himarë. Është plan i hershëm i Ramës për tjetërsimin e pronave të pronarëve të ligjshëm dhe në favor të klientëve të tij”, u shpreh ai.

blank

Gazment Bardhi: PD nuk ka kryetar

Deputetët e grupimeve Bardhi-Berisha u bënë bashkë dje pas gati 2 vitesh konfliktesh të hapura. 43 deputetë u ulën në një tryezë të përbashkët, duke iu përgjigjur pozitivisht ftesës së Gazment Bardhit.

I ftuar sot në rubrikën “Opinion” në News24, Bardhi foli për këtë takim, teksa tha se ftesa ka qenë edhe Lulzim Basha.

Ai tha se pavarësisht ndasive, demokratët kanë shumë çështja që i bashkojnë dhe që do duhet të bashkohen.

“Takimi dje nuk ishte një takim mes meje dhe Berishës, por më gjerë. Unë mora iniciativën për një mbledhje të përbashkët me 59 deputetë të PD dhe aleancës për Ndryshim.

Ishte ftuar në takim edhe Basha. Gjykuam se kemi çështje që na ndajnë, por shumë të tjera që të mos koordinojmë aksionin tonë. Dje jemi bërë bashkë për disa çështje.

Fryhet kjo historia që unë dhe Berisha kemi shfryrë ndaj njëri tjetrit, por ne nuk jemi në politike për çështja personale, por unë jam në pozicion që jam për interes të qytetarëve.

Fakti që kemi shkëmbyer këto akuza, do duhet të vuajnë pasoja opozitarët? Ne nuk jemi fëmijë, dhe nuk jemi në politikë për të nxjerrë inatet mes njëri-tjetrit.

Zgjidhja optimale për mua për PD do të ishte bashkimi dhe ringritja e partisë me një lidership të ri. Por këtë mendim timin nuk ia diktoj dot as Berishës dhe as Bashën. E si pasojë kalojmë nga zgjedhja optimale në atë të mundshme”, tha Bardhi në studion e Neës24.

“Në raport me non-gratan e Berishës, nuk kam ndryshuar mendim, do qëndroj krah SHBA dhe MB. Mes Sali Berishës dhe Ramës, zgjedh Berishën, mes Sali Berishës dhe një lideri të ri, zgjedh një lider të ri”, deklaroi deputeti.

Sa i përket deklaratës së Bashës kur tha se po shkon drejt “bunkerit anti-amerikan”, Bardhi tha se ai është duke thelluar përçarjen e opozitës dhe që mund të çojë drejt shuarjes së saj.

“Ai e di që është e pavërtetë, por unë kam mendimin që Basha bën shumë gabim që flet si zëdhënës i ndërkombëtarëve sepse është duke i shërbyer një teze të rrezikshme sikur vendimmarrjet e partnerëve tanë strategjik, kanë qenë ndërhyrje e Ramës për të shkrirë opozitën. Qarkullon kjo tezë, e cila nuk përputhet me realitetin. Mbajtja ndezur e konfliktit po e dëmton opozitën dhe po e çon drejt shuarjes”, tha Bardhi.

Por, duke marrë parasysh akuzat e forta që kanë bërë ndaj njëri-tjetrit, Bardhi-Berisha, sa e moralshme është kjo mbledhje ‘bashkuese’, dhe sa e besueshme?

“Krejtësisht e moralshme sa kohë s’kam hequr dorë nga qëndrimet dhe parimet e mia, e njëjtë edhe Berisha. Ne nuk jemi bashkuar! Secili në atë tryezë ishte i barabartë me të tjerët dhe kishin një mendim dhe qëndrim të tyren. Ku është e keqja këtu?!”, deklaroi deputeti Bardhi.

I pyetur se kush e drejton PD aktualisht, Bardhi tha: Për momentin PD nuk ka kryetar, vendimmarrja është shtyrë për një moment tjetër…bw

blank

Bardhi: Përcaktuam agjendën parlamentare! Ja 3 komisionet

Pas përfundimit të takimit me 43 deputetët e opozitës, Gazment Bardhi theksoi se është caktuar agjenda parlamentare për sesionin e ardhshëm.

Në deklaratën e tij për mediat, Bardhi renditit 3 prioritetet e opozitës parlamentare, siç ishin ngritja e komisioneve hetimore për masakrën zgjedhore të 25 prillit 2021 dhe 14 majit 2023, për koncesionet dhe PPP-të në shëndetësi, vjedhjen e të dhënave nga patroanzhistët, si dhe për çështjen e zbatimit të ligjit për konfliktin e interesit me abuzimin me detyrën.

‘Kjo opozitë ka përballë qeverinë më të korruptuar në 32 vite histori  të vendit. Çdo ditë përballemi me skandalet e kësaj qeverie ku milionat e eurove janë kthyer si bileta të autobusit dhe kanë humbur vlerën për shkak të abuzimeve me vlera marramëndëse’, u shpreh Bardhi.

Bardhi: Falenderoi secilin nga kolegët e opozitës në Kuvendin e Shqipërisë që u bë pjesë e një takimi të nevojshëm dhe madje të vonuar të të gjithë deputetëve opozitarë të Parlamentit Shqiptar.

Sot në takimin me 43 deputetë të Partisë Demokratike Aleancës për Ndryshim kemi caktuar një pjesë të agjendës parlamentare për sesionin e ardhshëm parlamentar.

Së pari prioritet i punës së deputetëve të opozitës në parlament do të jenë zgjedhjet e lira dhe të ndershme. Çuarja përpara e reformës zgjedhore e cila për fat të keq është bllokuar prej dy vitesh dhe është vendosur si prioritet i punës së gjithë deputetëve të opozitës atyre që e ndjejnë veten ende opozitar në Parlamentin e Shqipërisë duke rikonceptuar komisionin e Reformës Zgjedhore, edhe detyrat që duhet të përmbush edhe detyrat që duhet të përmbush me afate dhe përgjegjësi të qarta ky komision i ri i reformës zgjedhore.

Është e papranueshme ndërsa që opozita ka denoncuar masakrën zgjedhore të 25 prillit, ka denoncuar masakrën zgjedhore të 14 maj të mos çojë para një prioritet jo vetëm të opozitës por edhe të Shqipërisë.

Na rezulton se komisioni i reformës zgjedhore nuk ka pasur asnjë produkt dhe nuk mund të vazhdohet më kështu. Vendimi i parë që kemi marrë është rikonceptimi i deytareve të përbërjes së komisionit.

Kjo opozitë ka përballë qeverinë më të korruptuar në 32 vite histori  të vendit. Çdo ditë përballemi me skandalet e kësaj qeverie ku milionat e eurove janë kthyer si bileta të autobusit dhe kanë humbur vlerën për shkak të abuzimeve me vlera marramëndëse.

Për këtë arsye kemi vendosur ngritjen e 3 komisioneve hetimore së pari për koncesionet PPP dhe problematikat në shëndetësi. Ende nuk është finalizuar hetimi mbi këto çështje. Komisioni hetimor do të ndihmojë edhe punën e Prokurorisë për hetimin penal.

Çështja tjetër është për të cilën kemi rënë dakord ka të bëjë me të dhënat e qytetarëve abzimi me patronazhistët apo shqetësimi më i fundit i ngritur nga SHBA për ndërhyrje serioze në sistemin TIMS dhe ngritjen e një komisioni hetimor për këtë çështje.

Jemi njohur dhe njihemi çdo ditë ku zyrtarë publik marrin vendime për të pasuruar miq shok dhe familjarë të tyre dhe një tjetër komision do të ngrihet për çështjen e zbatimit të ligjit për konfliktin e interesit me abuzimin me detyrën.

Këto ishin dy shtyllat kryesore të diskutimit të sotëm. Këtë takim e shoh si të vonuar të deputetëve të opozitës në parlament dhe si një mundësi e humbur gjatë këtyre 2 viteve për të pasur një agjendë të përbashkët politike dhe parlamentare të të gjithë deputetëve të opozitës.

Për një pjesë të vogël të kolegëve që nuk u bënë sot pjesë e këtij takimi unë dua të vazhdoj të besoj se misionin i tyre është mbrojtja e interesit publik dhe opozitarizmi, kjo është një tryezë e çdo deputeti të opozitës dhe nuk duhet të mbajë larg kësaj tryeze asnjë deputet që është mandatar nga qytetarët.


Send this to a friend