Prokurori i Antimafias Nicola Gratteri lë Kalabrinë dhe nga nesër ai do të jetë në krye të Prokurorisë së Antimafias së Napolit, që është dhe Prokuroria më e madhe në Itali.

“Largohem nga Kalabria me bindjen se i dhashë njerëzve besim e se nuk jemi më si Afrika e Veriut e Italisë”, ka deklaruar Prokurori i Antimafias së Katanzaros, në ditën e fundit të punës së tij në Kalabri e gjatë një takimi me mediat.

“Unë i njoh mirë fuqitë e forta, e njoh mirë masonerinë e devijuar, e di se cfarë është strekëmbëshi. Për shumë vite kam ngrënë bukë dhe helm. Unë e di shumë mirë se ku po shohin, janë përpjekur dhe do të përpiqen të më godasin, por vitet e fundit kam pasur gjithmonë shpatulla të gjera dhe nerva prej celiku. Dhe unë do të vazhdoj t’i kem ato.”- Kështu është shprheur Nicola Gratteri në takim me gazetarët në ditën e tij të fundit si prokuror i Antimafias së Katanzaros.

Ditën e premten më datë 20 tetor, ai do të transferohet në Napoli e do të bëjë betimin si prokuror i këtij qyteti duke marrë detyrën e tij të re, i zgjedhur e i emëruar nga Këshilli Suprem i Magjistraturës italiane mbajtur në 13 shtator 2023.

“Ata që më njohin mirë, tha Gratteri, e dinë që kam punuar gjithmonë me Kodin Penal në dorë pa e parë askënd në fytyrë dhe gjithmonë e kam kuptuar se cfarë duhet bërë o jo. Unë kurrë nuk kam pasur probleme gjatë kohës sime në krye të Prokurorisë së Katanzaros. Unë kurrë nuk kam bërë faull reagues pavarësisht se jam provokuar shumë herë në të gjitha mënyrat, madje edhe në mënyrë të vrazhdë dhe të dizorganizuar, me qëllim që të humbas durimin. Por nuk e humba kurrë. Në të vërtetë, shumë herë kam buzëqeshur dhe kam menduar: gjëra të gjora. Shpresoj që pasardhësi im të ketë forcën, nervat prej celiku dhe shpatullat e gjera, sepse menaxhimi i Prokurorisë së Katanzaros nuk është i lehtë. ”,

“Tashmë edhe magjistratët e rinj, ata që erdhën 5-7 vite më parë, kanë fituar përvojë të mirë, u shpreh Gratteri. Dhe shoh që këta kolegë janë rritur, po rriten dhe prandaj sigurisht që do të ketë vazhdimësi. Mendoj se gjëja më e rëndësishme që bëmë ishte t’u jepnim njerëzve më shumë besim, unë po largohem nga Kalabria – përfundoi Gratteri – duke lënë idenë se “ne mund të ndryshojmë, se nuk jemi më Afrika e Veriut.”

Nicola Gratteri do të bëj nesër betimin si Kryeprokuror i Antiamafias së Napolit, Prokuroria më e madhe e Italisë e të një prej qyteve më të populluara italiane me 3 milionë banorë.

Nicola Gratteri prej prillit 1989 jeton nën mbrojtjen e shtetit me një skuadër troprojesh prej 8-10 oficerësh që e ndjekin në cdo orë të ditë.

Në një nga intervistat e fundit thotë se “prej 25 vitesh nuk ka mundur të bëj një banjo në det.”

Mbi punën në Katanzaro thotë se për dy gjëra është krenar; “nga ana morale se i ktheu shpresën kalabrezëve e nga ana pratika se mundi të ndërtojë në Katanzaro Prokurorinë Antimafia më të bukur të Italisë në një monaster të 1400 me sallën bunker më të madhe të Italisë.”

“Nuk punoj për para thotë. 7400 euro në muaj e kjo punë nuk bëhet për lekë. Nëse një magjistrat ka zili dikë me Ferrari duhet të zgjedh të bëhet noter. E mendoj se jemi të privilegjuar se rroga e një prokurori është trefish më e lartë se e një nëpunësi.”

antimafia nicola gratteri alba kepi