Dje

Në atë kështjellë të gjithë u pamë në llogore

Sot je Mekë e shenjtë shqiptarie

Bunkerët kuvendonin me diellin e tokën

Jasharajt tubonin armët

Herët e kishin kuptuar

Se armiku kish zakone dinakërie.

Ke folur kaherë  me qiellin në gjuhën e pushkës

Atje kullat kuvendojnë me rrufetë e zjarret

Zoti i shqiptarëve bëhet i gjallë

N´Prekazin antik

Mes malit e fushës

Zbret troku i kujtesës

Për lirinë e prangosur mallkojmë zuzarët.

Ti kuvendon me stërgjyshërit shekullorë

Mjegullat e vjetra lahen me eshtra rrëzë mali

Nuset e Jasharajve mbajnë jataganë, fishekë e bombë.

E nga shtegu i istikamit

Del si bajloz përralle  bacë Adem Jashari.

Në Prekaz zanat përkundin djepat në çdo kohë

Mbi mermerët gdhenden qindra emra

Rrezja e diellit e hënës gjithmonë rrezullon

Këtu përtërihen brezat

Pleqëria ketu nuk banon sa të jetë jeta.

Prekaz gusht 2022