Prokuroria kishte 1 vit që po hetonte për dyshimet për korrupsion rreth gjyqtarit Shkelqim Miri i cili u ndalua diten e sotme nga Policia.

Sipas grupit të hetimit, gjyqtari i Apelit dyshohet të ketë marrë 20 mijë euro për të ndryshuar kualifikimin e një vrasjeje të ndodhur në Burrel, në vitin 1997.

Dyshohet se gjyqtari ka ndryshuar akuzën nga vrasje, në plagosje të rëndë me dashje.

Shtetasi i akuzuar quhet Gentian Doda, i cili njihet si “kundërshtar” i famijles ‘Dedja’. Per kete te fundit Policia eshte vene ne levizje ne kerkim te tij pas ndalimit te gjyqtarit. Doda akuzohet per korrupsion pasi dyshohet se eshte ai qe ka dhene shumen e majme qe gjyqtari te ndryshonte akuzen.

NGJARJA PËR TË CILËN BËHET FJALË:

Në korrik të vitit 2016, prokuroria e Matit ka kërkuar dënimin me 20 vjet burgim për Gentian Doda, i ekstraduar nga SHBA në 2012 i akuzuar për vrasjen e Gazmir Dedja dhe Asllan Gjoka, ngjarje e ndodhur në tetor të vitit 1997. Autori Gentian Doda dhe viktima Gazmir Dedja kanë qenë anëtarë të grupeve rivale në Burrel, konflikti ndërmjet të cilëve ka vijuar për shumë vite dhe me shumë viktima
Përpasjet e ashpra ndërmjet dy grupeve rivale janë shtrirë edhe në qytete të tjera.

Në vitin 2010, në Tiranë është vrarë edhe vëllai i viktimës, Halil Dedja, i cili u gjet i vdekur në hyrje të pallatit ku banonte. Ditën e ngjarjes së vitit 1997, autori Gentian Doda dhe viktima Gazmir Dedja janë konfliktuar verbalisht dhe më pas, i pandehuri e ka qëlluar me automatik, duke e plagosur rëndë. Nga plumbat ka mbetur i vdekur aksidentalisht Asllan Gjoka. I plagosuri ka mundur të mbijetojë vetëm dy ditë për shkak të plagëve të marra, por ka arritur t’u tregojë familjarëve se kush e kishte qëlluar, duke identifikuar Gentian Dodën.

Menjëherë pas krimit, i pandehuri është larguar jashtë Shqipërisë dhe është arrestuar në vitin 2012 në Shtetet e Bashkuara të Amerikës, në zbatim të urdhër-arrestit ndërkombëtar të lëshuar nga autoritetet shqiptare. Pas ekstradimit, i akuzuari kërkoi rivendosjen në afat dhe rishikim të dënimit të dhënë më parë ndaj tij për këtë vepër penale.

Ndalohet gjyqtari i gjykates se Apelit, Shkelqim Miri. Pas kontrollit të banese gjyqtari u ndalua nga policia dhe aktualisht mbahet në qeli. Mesohet se Prokuroria e Përgjithshme ka njoftuar KLD për rastin dhe pritet që të vendoset nëse do të jepet apo jo autorizimi për arrestin e gjyqtarit.

Ai që prej vitit 2010 është gjyqtar i Gjykatës së Apelit të Tiranës, që kur u transferua nga Gjykata e Apelit të Durrësit. Burime të rezervuara nga Prokuroria e Përgjithshme thanë se ndaj Mirit ka nisur një hetim prej gati një viti.

Megjithatë, nuk jepen të dhëna se për çfarë hetimi bëhet fjalë konkretisht dhe për çfarë akuzohet.

Ajo çfarë e thonë me siguri burimet, është fakti se dje në banesën e tij është kryer një kontroll, me urdhër të Prokurorisë së Krimeve të Rënda. Nga kontrolli i befasishëm, mësohet se janë gjetur një shumë e konsiderueshme parash, rreth 300 milione leke.

Përballë këtij fakti, që deri tani nuk mund të hidhet poshtë, minimalisht akuza që mund të ngrihet ndaj gjyqtarit është ajo e fshehjes së të ardhurave, parashikuar nga neni 180 i Kodit Penal.

Megjithatë, burimet thanë se nuk është vetëm kjo akuza për të cilën gjyqtari është hetuar prej një viti.

HETIMI
Një rreth i ngushtë prokurorësh dhe oficerësh të Policisë Gjyqësore kanë qenë në dijeni ditën e djeshme për kontrollin që u krye në banesën e gjyqtarit të Apelit të Tiranës, Shkëlqim Miri.

Burime të rezervuara nga organi qendror i akuzës thanë dje se nuk është një kontroll rutinë, por në zbatim të një procesi hetimor që ka nisur prej afro një viti. Kontrolli i djeshëm ka qenë i befasishëm, në mënyrë që të mos i jepej asnjë mundësi subjektit nën hetim, që të manovronte, apo të fshihte provat.

Përballë këtij fakti, në rast se ndaj tij nuk do të ngrihet akuzë tjetër, gjyqtari akuzohet për fshehje të të ardhurave, që përbën kundërvajtje penale dhe dënohet me gjobë ose me burgim deri në dy vjet.

ETLEVA DELIA/PANORAMA

Përveç hetimit penal prokuroria krimeve të rënda do të kalojë në sitë pasurinë e ish-ministrit të Brendshëm Saimir Tahiri. Grupi hetimor i ka nisur shkresa disa institucioneve dhe bankave për të verifikuar të gjithë pasurinë e ish-ministrit duke qenë se për të janë ngritur akuza e trafikut të drogës në kuadër të grupit të strukturuar kriminal dhe korrupsionit.

Informacion i detajuar pritet nga bankat e nivelit të dytë, pas verifikimeve te llogarive në emër të Tahirit dhe familjarëve të tij më të afërt. Një sërë shkresash i janë nisur edhe hipotekave për të pasur një listë të pronave të paluajtshme që ish-ministri i Brendshëm dhe rrethi i tij familjar posedojnë. Raportim është kërkuar edhe nga drejtoria e transportit rrugor për makinat që janë në emër të ish-ministrit. Të dhëna  prokuroria ka kërkuar edhe OSHEE, por pa specifikuar se për çfarë do të shërbejnë në hetimin e kësaj dosje.  Krimet e Rënda me këtë veprim hetimor kërkojnë që të hedhin dritë mbi dyshimet që ata kanë se Saimir Tahiri ka qenë i përfshirë në trafikun e drogës që kryente grupi “Habilaj” dhe për këtë ai ka përfituar shuma të ndryshme monetare. Në të njëjtën kohë e njëjta procedurë është ndjekur edhe për Orest Sotën në makinën e të cilit u gjetën 863 mijë euro dhe 2 patenta lundrimi të Saimri Tahirit.

Ndërsa drejtori i Policisë së Elbasanit Altin Qato ka zhvilluar një takim mesditën e kësaj të enjteje ne prokurorinë e krimeve të rënda. Në fokus të diskutimeve ka qenë pikërisht hetimi i Sotës dhe ngjarjet e shtatorit ne Elbasan, ku një makinë policie u godit nga një mjet i blinduar./Tv Klan/

Nga Senad Nikshiqi
SHKODËR- Pas lirimit nga Gjykata e Krujës News24 ka qenë në banesën e Genc Tafilit
në lagjen “Ndocaj” në Shkodër. Banesa qëndron e mbyllur dhe ka dalë në shitje prej vitesh. Familja Tafili është zhvendosur nga qyteti prej fillesave të problemeve me familjen Pjetrushi, por edhe të tjerë.

Në lagjen Ndocaj banesa është e kyçur, familja është zhvendosur prej kohësh pas problemeve dhe është nxjerrë në shitje. Dera e ndërtesës është e kyçur me një dry të vjetër dhe të ndryshkur.

Fqinjët janë tepër te rezervuar për të folur para kamerave por larg saj pohojnë se prej kohësh nuk kanë parë asnjë lëvizje në banesën e Tafilajve. Sipas tyre familja është larguar në Tiranë dhe në shtëpinë e vjetër nuk jeton me askush. Lajmi për lirimin nga burgu të Genc Tafilit natyrisht që iu ka bërë përshtypje. Duke mos dashur të mbajnë kontakte asnjë prej banorëve nuk ka komunikuar me fqinjët e zhvendosur.

Teksa i kishin mbetur edhe 3 vite burg, Gjykata e Krujës liroi me kusht Genc Tafilin, i dënuar me 25 vite burgim për bashkëpunim në vrasjen e kolonel Arben Zylyftarit në vitin 2000. Në atë kohe policia e Shkodrës organizoi një operacion për arrestimin e Bahri Tafilit, babait të vëllezërve Genc dhe Admir Tafili. Në një shkëmbim zjarri gjatë operacionit u vra i kërkuari, por edhe drejtori i policisë Arben Zylyftari. Për vrasjen e Bahri Tafilit familja akuzoi shefin e krimeve të asaj kohe, Prelë Pjetrushin. Pas ngjarjes që futi në konflikt dy familjet, në vitin 2001 Admir Tafili kreu një atentat, mbi shefin e krimeve të Malësisë së Madhe, Prelë Pjetrushi, por ky i fundit arriti të mbijetojë. Duke u ndier i kërcënuar, ai u detyrua të largohet në SHBA.

Në lidhje me këtë ngjarje, në vitin 2002 policia arrestoi Admir Tafilin i cili u dërgua në burgun e Shën Kollit për të vuajtur dënimin. Në fundin e shtatorit 2010, Prelë Pjetrushi erdhi nga SHBA në Shqipëri për të parë prindërit dhe vëllezërit e tij dhe lajmi shkoi deri në burgun e Shënkollit. Admir Tafili u arratis nga ky burg, por Pjetrushi u largua menjëherë nga Shqipëria sapo mësoi se personi që i kishte bërë atentat edhe më parë ishte i lirë. Pak muaj më vonë Admir Tafili ende i arratisur, ekzekutoi në shenjë hakmarrjeje 2 vëllezërit e Prelës, Nik e Gjovalin Pjetrushi.

Basir ÇOLLAKU

Bledar Naçi është ish-oficer i Antidrogës, dikur i dekoruar nga Saimir Tahiri dhe i përgëzuar nga Edi Rama për “heroizëm” dhe sot, i detyruar të strehohet nga përndjekja e shtetit që i shërbeu për shumë vite. Njësoj si Dritan Zagani dhe Antonio Nazeraj, jeta e Bledar Naçit mori tatëpjetën kur u përplas me grupin e Habilajve që udhëtonin me makinën e ish-ministrit të Brendshëm, në fund të vitit 2013.

Dje, në pjesën e parë të intervistës për “Gazetën Shqiptare”, ish-efektivi i Antidrogës së Fierit rrëfeu detajet e shoqërimit të vëllezërve Habilaj dhe lirimin e tyre me urdhrin e drejtorit të policisë. Pas këtij incidenti, njësoj si shokët e tij Naçi u akuzua se i kishte marrë 10 mijë lekë të reja një personi që sot rezulton i dënuar për disa vepra penale.

“Gazeta Shqiptare” ju sjell sot pjesën e dytë të intervistës me ish-efektivin e policisë, Bledar Naçi (sot ndodhet në një vend të BE) ku ai flet për trafikun e heroinës dhe kokainës. Naçi tregon dy incidente: i pari, kur sekuestruan 3.5 kg heroinë dhe “i zoti i mallit” i kërcënoi duke thënë se “Përgjimet që ju i dëgjoni në zyrë, mua mi sjellin nga Tirana dhe i kam në shtëpi”.

Dhe incidenti tjetër, kur ai dhe Zagani ndaluan një skaf të dyshuar për trafik dhe policia e Vlorës u përplas me ta me armë, pasi nuk lejonte sekuestrimin e skafit.

(vijon nga numri i djeshëm)

Pastaj erdhi arrestimi, burgosja dhe dënimi?

Jam arrestuar me datë 2 maj 2014, dhe jam liruar nga burgu me datë 14 janar të vitit 2015

Jeni pyetur ndonjëherë gjatë qëndrimit në burg?

Jo, gjatë qëndrimit në burg nuk jam pyetur asnjëherë. Pas disa muajsh më ka ardhur në qeli shefi i SHKB Fierit, duke më paraqitur një shkresë ku më kërkohej të firmosja mbylljen e hetimeve, se nuk ishin gjetur prova për të vazhduar hetimet më tej. Ishte ky person që më ka ardhur dhe në mjediset e burgut të Vlorës. Nuk jam pyetur asnjëherë nga prokuroria

Jeni dënuar pastaj?

Jam dënuar dy vjet me shërbim prove. Pas daljes nga burgu jam larguar nga Shqipëria pas disa muajsh.

Përse, ishit i pasigurt, kishit kërcënime?

Kërcënimet ndaj meje jashtë burgut kanë rrjedhojë dhe ato që janë bërë gjatë qëndrimit në burg. Kjo ka ndodhur dhe në burg

Si?

Mund ta verifikoni. Në burgun e Vlorës kam ndenjur në qeli me persona që ishin të dënuar me 25 vjet për vrasje,

Në qeli të dënuar ka..?

Po e di këtë, kam qenë në dhomë me persona që kanë qenë të dënuar për vrasje, për grabitje me armë dhe për pengmarrje, jam kërcënuar dhe nga të dënuar të tjerë.

Keni denoncuar?

Jam goditur brenda në burg.

Si goditur?

Po më kanë qëlluar të burgosur, duke më thënë se ti u ke bërë shumë keq miqve dhe shokëve tanë, gjatë kohës që ke punuar në polici, sidomos kohët e fundit. Jam masakruar, sepse një moment kam qenë vetëm dhe jam qëlluar, më kanë thyer dhëmbët e nofullës së sipërme, në burgun e Vlorës.

Ju nuk e keni denoncuar?

Ku ta denoncoj. Jam këshilluar dhe jam mbyllur në qeli, sepse këto gjëra mund të nisnin si sherre banale dhe mund të ishte fort mirë një tentativë ekzekutimi ndaj meje dhe kam shpëtuar për fat të ndërhyrjes së disa punonjësve të burgut që u ndodhën dhe hynë me shpejtësi. Kanosja ka vijuar edhe pas daljes nga burgu, kanë ardhur mesazhe direkt dhe indirekt, në lagjen time dhe në banesën time

Ju i keni denoncuar?

Ju pyesni a i kam denoncuar? Te cila polici? Te ajo e Fierit, që mua më futi brenda në atë mënyrë, te ata drejtues policie që kishin ato lidhje dhe njohje, ajo polici do më jepte garanci për jetën time..!!!

Ju keni punuar gjatë në polici, sipas informacioneve tuaja, cili është aktiviteti i grupeve kriminale në qarkun e Fierit, Vlorës, po të këtyre zonave?

Aktiviteti i tyre, është shumë i organizuar, jo vetëm në kultivimin e hashashit dhe janë të shtrirë dhe në trafikun e heroinë dhe të kokainës. Janë aq të organizuar sa nuk mund t’u ofrohesh dot. Janë shumë të organizuar sa policia këtyre grupeve, nuk mund t’u ofrohet dot.

Po nëse nuk i ofrohet policia kush mund ta bëjë?

Po ta them edhe një herë, policia këtyre grupeve nuk mund t’u ofrohet dot. Policia u ofrohet atyre, po të ketë drejtues policie që nuk janë të lidhur me to.

Kjo është akuzë, e keni të mbështetur në informacione?

Kjo është e vërtetë nuk është akuzë. Dhe unë mund t’jua shpjegoj konkretisht.

Po.

Gjatë muajit dhjetor 2013, seksioni Antidrogës, ku kam qenë edhe unë pjesë, ka bërë një kapje sasie heroinë, 3.5 kilogramë, e pastër dhe ky person është arrestuar e ka shkuar në burg dhe droga është sekuestruar. Gjatë hetimeve që kemi pasur na kanë dalë në lidhje me të, me numra telefonash persona që kanë biznese shumë të fuqishme në Fier.

Të kesh një numër, nuk e fajëson një person?

Këtë dua të shpjegoj. Nga hetimi këtij personi kanë dalë numra telefonash të këtyre bizneseve të personave që ne kishim në hetim, personave që kanë biznese në Fier, po flas për biznese të mëdha dhe jo për lokale e dyqane lagjesh. Dhe unë jam kërcënuar edhe nga ky person për të cilin po flasim, unë edhe ish-kolegu im Antonio Nazeraj.

Perse?

Sepse ky person ishte në ndjekje dhe në hetim nga ana jonë. Kjo çështje nuk bënte fjalë vetëm për 3.5 kilogramë, ishte akoma edhe më e madhe. Gjatë hetimit kemi marrë shumë informacione për adresa, për numra telefonash, informacione që përcillen tek të gjithë eprorët deri të drejtori, me numra telefonash, me automjetet që kanë dhe lëvizin me to, adresat e banesave dhe numrat e telefonave që këta i ndërronin herë pas here qëllonte gjithnjë që ne na dilnin të fikur. Këto info janë të përcjella në rrugë zyrtare tek eprorët tanë.

Por pastaj si vepruat me këtë hetim?

Gjatë kohës, që ky person dhe shumë persona të tjerë ishin nën hetim, vjen ky person dhe unë isha me kolegun tim Antoni Nazeraj dhe kërkon, na vjen aty ku ishim, kërkon të flasë me ne. Urdhëro i themi, çfarë ke për të thënë?

Dhe çfarë ju tha..?

Atë emrin tim tha mos e përmendni më, sepse ju e keni të kotë, mos shkruani më për mua, sepse ato disqet e përgjimeve të bisedave që dëgjoni ju në zyrë, unë i dëgjoj në shtëpi dhe unë i marr të gatshme nga Tirana. Kështu na tha mos u merrni me mua, merruni me të tjerë, e kjo për ne ishte një kanosje e hapur për shkak të detyrës, se mund t’ia kalojmë mirë bashkë, por edhe mund të mos ia kalojmë mirë. Ky person bashkëpunonte dhe me grupe të tjera.

Sa grupe të tjera kishte..?

Mund t’ju them se ky grup i fuqishëm kriminal kishte lidhje dhe me grupe në Vlorë dhe ka pasur lidhje të fuqishme edhe në politike, njëkohësisht kishte lidhje të forta edhe me Habilajt, këto informacione ne i kishim zyrtare, ishte grup paralele me Habilajt, por shumë më i fortë se ai.

I keni zyrtare këto informacione?

Sigurisht që i kemi bërë zyrtarisht dhe janë arkivuar, nëse këto i kanë hequr, atëherë kjo është punë tjetër.

Keni pasur bashkëpunim apo përplasje në luftën kundër trafikut?

Ne kemi pasur përplasje edhe me policinë e Vlorës në operacione kundër trafikut dhe për këtë mund t’ju tregoj një rast konkret.

Cili rast?

Kemi qenë në një shërbim në Lushnjë, së bashku me shefin e sektorit Dritan Zagani, se kemi qëndruar disa ditë dhe kemi pasur rezultate në kapjen e narkotikëve. Një ditë, na eshtë dhënë urdhër nga eprorët që kishin një informacion për një skaf në zonën e Levanit dhe kemi shkuar unë dhe Zagani. Gjatë rrugës Zagani komunikonte herë pas herë me shefin dhe informohej për detajet gjatë operacionit, informohej salla nga inspektori, dhe kështu zinxhir na vinte informacioni.

Çfarë mjeti ishte ai që po ndiqnit?

Ishte një Land Rover që po tërhiqte skafin për ta zhvendosur dhe po kalonte territorin e qarkut Fier, kishte mbërritur te ura e Mifolit. Ka qenë një këmbëngulje e Zaganit dhe e shefit që komunikonte dhe na u tha ta ndiqnim deri në destinacion që ta ndalonim, ndonëse kishte hyrë në zonën e Vlorës, duhej të përfundonim operacionin dhe unë dhe Zagani kemi vijuar ndjekjen dhe e kemi ndaluar mjetin

Çfarë bëtë?

Kemi kërkuar dokumentacionin e mjetit, ishte skaf me tre motorë, shefi bënte komunikimin dhe unë isha mbështetës. Eshtë kërkuar dokumentacioni, është kërkuar shpjegim nga poseduesi i mjetit, përse ke dalë në këtë periudhë, për çfarë arsye dhe ne kishim infot e inspektorit. Në këto momente që në po kërkonim shpjegimet ndaj këtij personi, nga na e shefit, në këto çaste mbërrijnë oficerë të policisë së Vlorës, katër persona, dy prej të cilëve i njihja se ishin oficerë policie.

Ata ju mbështetën ju?

Kanë debatuar me Zaganin, ne donim që mjeti të shoqërohej në Fier, gjatë kësaj kohë Zagani ka komunikuar me shefin duke kërkuar forca të tjera të mbështesnin operacionin dhe ishim në pritje të ardhjes së forcave.

Si ndodhi?

Dhe oficerët e Vlorës na thanë se ju nuk keni të drejtë, Zagani bisedoi me to dhe ata na thanë se jemi informuar nga salla operative se në rrugë është një skaf.

Ju s’besoni?

Jo unë besoj se janë lajmëruar nga personi që kishte skafin. Duke pritur forcat ata na thanë se jemi të Triportit dhe vetëm ne kemi të drejtë të bëjmë verifikim

E latë?

Zagani ka debatuar me këta persona, flas me ata që unë i njoh, që nuk kanë pranuar dhe donin me çdo kusht mjeti të shkonte në Vlorë dhe jo në Fier se ne jemi ekspertë. Zagani tha se ne do marrim e shoqërojmë mjetin, shef Zagani si ish-shef i Kufirit dhe njohës i mirë i ligjeve dhe procedurave u bëri të ditur atyre se po respektonin ligjin dhe ky debat u bë i nxehtë

Si?

U arrit deri në fyerje dhe nxjerrje armësh…

Nxjerrje armësh?

Po, në vend të na ndihmonin, ata këmbëngulnin në të tyren për të marrë mjetin dhe ne nuk jemi mbështetur nga policia e Vlorës në këtë operacion për të sekuestruar këtë skaf me tre motorë, polica e Vlorës është bërë pengesë, duke kërkuar me çdo kusht marrjen e mjetit

Si vajti..?

Nga ato kishte dhe persona të tjerë që po afroheshin dhe ne ndërkohë ne prisnim forcat tona dhe ne ishim në këto momente ne rrezik, kur ka ardhur patrulla e policisë dhe personi që kishte mjetin na kërcënuar mua dhe Zaganin duke na thënë se për këtë që po bëni do t’ju fus plumbin dhe ka shfrytëzuar situatën e debatit për t’u larguar.

Kush e mori mjetin?

Mjeti është marrë me forcë nga ne, janë marrë çelësat e mjetit, ndërkohë që erdhën dhe forcat tona mbështetëse. Personi në ikje e sipër na kërcënoi, Zaganin dhe mua, duke thënë se për këtë do ju fus plumbin, dhe u largua ndërkohë që oficerët e Vlorës e lejuan të ikte dhe nuk bënë asgjë.

E morët skafin dhe e dërguat në Fier?

Po skafi është marrë nga ne dhe është dërguar në drejtorinë Fierit dhe ka qëndruar një orë aty..

Si një orë..?!!

Ka qëndruar rreth një orë, jo më shumë se një orë, para drejtorisë së policisë së Fierit dhe e kanë marrë dhe është larguar.

Hollivood?

Ashtu mund të duket. Por nuk jam vetëm unë dëshmitar në këtë ngjarje. Nuk di si e kanë bërë dokumentacionin dhe kanë urdhëruar nga larg, por skafi menjëherë është larguar, nuk di kush ka urdhëruar nga lart që ka ndodhur kjo, po të them këtë që di.

Është bërë informacion?

Sigurisht është bërë informacion nga inspektori i zonës, është bërë raport shërbimi dhe është kërkuar nga shefat, dhe informacionit të tij i është bashkëngjitur informacioni ynë dhe është përcjellë për në drejtori lart.

Skafin e kanë marrë?

Jo e kanë marrë se nuk është grabitur, skafin është urdhëruar që ta largojnë ta marrë dikush. me gjithë makinë, fuoristrada me gjithë karrel

Trafiku i heroinës e kokainës ka pasur zgjerim këto vite, Habilajt thatë bashkëpunonin me grupe të tjera, kishte grupe më të forta se ky grup thatë?

Ka pasur grup të tjera dhe ka ende grupe në Fier, ekzistojnë janë të lidhur me njëri- tjetrin. Janë të lidhura. Nuk kanë targa grupet, targa Fieri apo Vlora, ka pasur dhe ka ende grupe shumë më të fuqishme se Habilajt, por këta hapnin rrugën. Këto grupe kanë pasur dhe kanë mbështetje politike. Kam info të sigurta. Vitet e fundit është fuqizuar akoma më shumë. Ka grupe në Fier që nuk mund të blesh një kilogramë apo dy kilogramë, ata nuk shesin më pak se 10 kile kokainë, por nuk kanë dashur të hetohen.

Kjo nuk është supermarket..?

Jo nuk është ashtu, por ka grupe që shesin me shumicë, janë dora e parë e trafikut dhe nuk japin me kilogramë, por me 10 kilogramë e lart.

Ku e dërgojnë?

Në Evropë, kryesisht në Itali, heroina vjen nga Afganistani, kokaina nga Amerika Latine por edhe Holanda.

Fieri ka grupe që nuk mund t’u ofrohesh dot edhe sot e kësaj dite që në flasim. Nuk i ofrohesh dot.

Kush i mbron?

Policia nuk u ofrohet se janë drejtuesit që janë të lidhen, një oficer antidroge, një polic i thjeshte është gjithnjë i rrezikuar dhe i shitur dhe në jo pak raste ne kemi qenë të dekonspiruar dhe të shitur. Kjo na ka ndodhur. Informacionet që bëj unë dhe kolegët përcillen më lart te eprorët nga shefat e seksionit dhe sektorit nuk kemi qenë asnjëherë të tradhtuar, sepse ne kemi bërë shumë shpesh info të përbashkëta, ku kemi firmosur bashkërisht në këto dokumentacione shkresa, raporte shërbimi, kur informacioni shkonte lart në drejtoi e drejtorinë e përgjithshme, atëherë ne shpesh ishim të zbuluar…

Vijon…

Junta ushtarake nuk e shpëton dot Titanikun e Rilindjes nga fundosja.

Edi Rama është kryqëzuar nga opinioni i brendshëm, nga shtypi, nga partnerët ndërkombëtar dhe agjensitë e tyre të zbulimit e luftës ndaj trafiqeve e korrupsionit, si personi përgjegjës për shndërrimin e Shqipërisë në Kolumbi të Evropës, në një oaz të krimit të organizuar ku ligjin e bajnë të fortët e baronët e lidhur me pushtetin.

Kryeministri ndërmori ditët e fundit një akt të dëshpëruar e të paprecedent. Me firmën e tij dhe vulën e ustallarëve të cilët e kanë kapur peng e vënë me shpatulla pas murit, Kryeministri i Republikës Parlamentare të Shqipërisë emëroi si të Plotëfuqishëm të Ligjit, 12 ish-ushtarakë. Këta prefektë dronë të Ramës, përfaqësues të zellshëm e të bindur tē krahut të armatosur të Rilindjes janë bërthama e farkut të ardhshëm, plani i kahershëm i Ramës për të importuar modelin kolumbian të kësaj organizate të majtë, kriminale e famëkeqe, e cila në katër dekada ka shkaktuar mijëra viktima në vendin e saj.

Prefektët ushtarakë e guvernatorë të këtij lloji kanë vendosur vetëm diktaturat e modelit tē Frankos, Pinoçetit, Metaksait dhe perandoritë koloniale në Afrikë, Azi dhe Amerikën Latine.

Ramës i plasi në dorë bomba Tahiri dhe megaskandalet e Kodhelit, Beqjes, Nikollës, Ahmetajt.

I rezultoi se Tahiri është truri e tutori i bandës Habilaj.

E mori vesh se drejtuesit e policisë së shtetit janë filmuar nga zbulimet partnere duke ngarkuar thasët e drogës në skafet e trafikantëve.

U bind se i është çjerrë maska e logos së fushatës “Ne bëjmë shtet”.

Rama tani ka vendodur të zhveshë kostumet firmato Armani, Versace, e Piere Carde dhe të qeverisë në ditët e tij të fundit me uniformē ushtarake si timonier i madh, si Mao, Fidel Kastro, apo kolonel Gedafi.

Edi Rama u detyrua, e madje u urdhërua, të mos ia dorëzojë drejtësisë ish-ministrin e Brendshëm, Tahiri, peshkaqenin e madh të narko-shtetit e arkitektin e krimit elektoral të blerjes sē votave dhe tjetërsimit të vullnetit politik të shqiptarëve.

Në vend te tij Rama bëri kurban zingjirin komandues tē policisë së shtetit dhe drejtuesit e burgjeve.

Filloi përndjekjen ndaj administratës qëndrore e asaj vendore me të njējten egërsi si dikur në Spanjēn mesjetare Ferdinandi dhe Izabela ndaj arabëve e çifutëve. Por nëse çifuti në Spanjën mbretërore mesjetare që nuk pranonte të konvertohej, të pagëzohej, ekzekutohej dhe u mbytën në det rreth një milionë të pabindur në atë kohë, Edi Rama nuk ka nevojë ta bajë një gjë të tillē.

Studime dhe anketime të organizatave prestigjoze të huaja kanë nxjerrë në pah të vërtetën tronditëse të Rilindjes e të Qeverisë Rama:
57 për qind e nënshtetasve të Republikës ku ai sundon e nuk qeveris, jo vetēm nuk duan t’ja shohin fytyrēn, por janë të gatshēm të largohen përtej detit, e madje përtej diellit, për faktin e tmerrshēm se Republika jonë nuk është më shteti i qytetarëve tē saj.

Narko-shteti i Ramës ështē kthyer në një oktapod gjigand, i cili gëlltit gjithçka me oreksin e tij të paprecedent: malet, fushat, bregdetin, minierat, hidrocentralet, kalatë e teatrot antike, zonat turistike dhe lumenjtë e kristaltë të Alpeve.

Modeli i Ramës e Rilindjes nuk është Shteti i Të Drejtës, sundimi i ligjit dhe demokracia parlamentare.

Ai ka vënë nē krye tē parlamentit ish ministrin e Brendshëm të diktaturës komuniste, në emër të etërve të tij shpirtërorë Hoxha-Alia, Gramoz Ruçin.

Mendja diabolike e tij krijoi “Gardën ushtarake të prefektēve”.

Krahasoni Shqipërinë dhe Spanjën, Edi Padronin e klaneve kriminale dhe Kryeministrin Mariano Rajoy të Spanjës demokratike. Lideri i Spanjës përkundër rebelimit e seperatizmit Katalanas nuk iu drejtua ushtrisë, por futi në veprim gardën civile.

Rama nuk pranoi t’ia dorëzojë drejtësisë kumbarën e banditëve, Tahirin e skandaleve të njëpasnjëshme dhe thërret ushtarakët për të bërë ligjin.

Para një dekade disidenti i shquar antikomunist At Zef Pëllumbi pati profetizuar se Edi Rama do tē shkatërrojë Partinë Socialiste.

Kjo ndodhi vërtetë.

Ai e zëvendësoi PS-në, një aset të rëndësishëm kombëtar, me Rilindjen, përtej fasadës së të cilës fshihet pushteti i baronëve të drogēs dhe trafiqeve. Për këtë krim politik Rama ështē përgjegjës para qindra-mijëra shqiptarëve, të cilët e kanë votuar PS-në dhe kanë besuar sinqerisht tek alternativa e saj.

Por ai ka 5 vjet që e ka kaluar vizën e kuqe dhe tashmë nuk është rrezik vetēm për tē majtēn e vërtetë. Jo. Ai tashmë është rreziku numër një (nr. 1) i demokracisë, i sigurisë kombëtare, i fjalës së lirē, i opozitës, i shoqërisē civile dhe i integrimit tē Shqiperisē në Bashkimin Evropian.

Nëse Serbia e Millosheviçit, e Mlladiçit e Sheshelit, makina ushtarake e të cilëve përgjaku Ballkanin dhe shkaktoi dhjetra mijëra viktima është sot para Shqiperisē në proçeset integruese evropiane, kjo ndodh për një fakt të qartë e kokëfortë: Rama dhe Qeveria e tij i kanë bllokuar për tre vjet negociatat për antarësimin e Shqipërisë në BE, kanë përzanë investitorët e huaj prej dy vitesh, sepse nuk e shohin më Evropën si njē alternativë e qëllim të strategjisë së tyre politike.

Paratë e qarkulluara nga droga ne vitin 2015-2016 e kanë tejkaluar në mënyrë të frikshme buxhetin e Qeverisë Rama.

Dyert e BE dhe investimet e huaja janë të mbyllura për Shqipërinë për sa kohë që të qëndrojë në këmbë pushteti dhe Republika e Kanabisit.
Prandaj duhet me urgjencë një qeveri e re antimafia me konsensus të gjërë politik për të çuar përpara proçeset integruese të Shqipërisë.

Por Rama po ban të kundërten e konsensusit.

I ngazëllyer nga fitorja ndaj Xoxes sē tij – Kokēdhimës, triumfi ndaj Blushit e zërave refraktarë në PS, e ka trimwruar Narcistin dhe ka shpallur si platformë të tij politike luftën ndaj Opozitës, Mediave, Akademisë së Shkencave, Prokurorisë, Pushtetit Gjygjësorē dhe të gjithë segmenteve të shtetit të cilat po përpiqen të ruajnë pavarësinë e tyre kushtetuese.

I tmerruar nga fakti se Opozita ështē bashkuar dhe denoncimet e saj për përfshirjen nē aferat e krimit tē qeveritarëve të lartë po vërtetohen dita-ditës, po kërkon me ngut aleatë për tē shpëtuar lëkurën.

Po ku t’i gjejē Rama aleatët?

Perëndimi e ka bojkotuar dhe etiketuar si kryeministrin e vendit më problematik të Evropës.

Tutorët e tij në Lindjen e Afërt dhe të Largët i kanë tërhequr veshin se me papërgjegjshmërinë e tij e ka dekonspiruar skenarin e tyre dhe po vë nē rrezik interesat e strategjinë e tyre për dominimin ideologjik, ekonomik e kulturor të Ballkanit.

Armët e timonierit Rama janë patentat e Sajmir Tahirit dhe dhuna e kartonave në parlament.

Kjo strategji mund të funksionojē për pak kohē sa të hapet “Kutia e Pandorës”. Dosja ÇEZ, dosja Kodheli, Beqja, Nikolla, Ahmetaj janē bomba që ai nuk ështē në gjendje t’i çaktivizojë. Shpërthimi i tyre do ta shembë “Raishtagun Ramist” dhe do ta përmbytē “Titanikun e Rilindjes”. Patentat detare të Tahirit nuk e shpëtojnë dot. Opozita është e vendosur t’i shkojē deri në fund betejës për të çmontuar shtetin e shndërruar në Keops të mafies dhe tw krimit.

Përtej numrit tē mandateve opozita ka një “as” nē dorë:
Kauzën e saj tē drejtë tē mbështetur nga qindra e mijëra shqiptarë.

Edi Rama, timonieri i Republikës së drogës e të krimit, kumbara dhe avokati i politikanëve e qeveritarëve të etiketuar si bashkëpunëtorë të ngushtë të Habilajve e sivëllezërve të tyre, ka shpallur me pompozitet “Vitin e Gjergj Kastriotit (Skënderbeut)”. Kot nuk thonë se patriotizmi është streha e fundit e horrave dhe banditëve.

Po çfarë e lidhë këtë Don Kishot të pushtetit me emrin e Heroit tonw Kombwtar Gjergj Kastrioti?!

Para qindra vitesh në vitet 1460 -1461 Gjergj Kastrioti mori pjesë në Luftrat Civile në mbështetje të Ferdinandit të Napolit. Së bashku me Venedikasit luftoi derisa vdiq në vitin 1468 në Luftën Osmano-Venedikase 1463-1479.

Nëse Kryetrimi Shqiptar Skwnderbeu zbarkoi triumfalisht në Barleta në vitin 1465 me kalorësi e topa dhe vendoste fatin e Vatikanit e të Mbretërisë sē Aragonës, e të Mbretit Alfons, sot po zbarkojnë në Bari, Brindizi e Ankona jeniçerët e Ramës e të Tahirit me tonelata drogë.

Ky është Gjergji i Ri i Rilindjes, njw rusofil e greqishtfolës që kërkon ta nderojë Moisiun tonë, Gjergjin e Madh.

E ndërsa prijësi i Rilindjes e shpalli vëlla Erdoganin e mik Vuçiçin, Gjergj Kastrioti ua ndali turrin Sulltan Muratit dhe Sulltan Mehmetit tē Turqisë, tw Brankoviçit të Serbisë dhe e mbolli tokën e Arbërit me kufomat e barbarëve.

Sot pas pesë shekujsh, Edi Rama, miku i serbëve e i turqëve, timonieri i maxhorancës, e ka mbjellë me hashash dhe ua dërgon si trofe dhe emblemë të Republikës së tij Evropës në vitin 2018, në vitin e Skënderbeut.

Viti 2018 është viti i Gjergj Kastriotit, por kurrësesi Viti i Ramës dhe i bandës së tij në pushtet.

Sa herë që shqiptarët janë ndodhur në udhëkryqet e historisë dhe kanē luftuar për lirinē e tyre i janē drejtuar ikonēs së tyre: Gjergj Kastriotit.
Shenjtori i lirisë nuk i ka braktisur kurrë, e në këtē vit të 550 vjetorit të tij nderimi më i madh që do t’i bajnë bashkēkombasit është si kurban peshqesh rrëzimin e Ramës e tē Qeverisē së tij.

Porosia e fundit e Heroit Kombëtar Shqiptar, Gjergj Kastriotit–Skwnderbeut, ishte: Qëndroni të bashkuar, mbrojeni lirinē tuaj. Amanetin nuk e tret as dhéu.

Ansambli Opozitar sot ka për detyrē njē mision të madh, përmbysjen e narko-shtetit dhe kthimin e Shtetit të së Drejtës. Rrëzimin e kësaj maxhorance me vota të blera dhe kthimin e institucioni të votës së lirë. Kthimin e pushtetit në shërbim tē qytetarit e jo të mafies. Këtë mund ta bëjë një Qeveri Konsensuale Antimafie.

Gjykata penale e Tiranës ka lënë të lirë gruan që u kap me mbi një ton drogë së bashku me bashkëshortin në Rinas.

Merita Sula, u la e lirë nga gjykata, e ndërsa bashkëshorti u mbajt në qeli pasi mori përsipër gjithë përgjegjësinë.

Sasia e kanabisit prej 1 ton e 239 kilogram kanabis është u gjet në banesën e Hasan Sulës në Rinas më 4 nëntor, ku u arrestuar edhe bashkëshortja e tij, Merita Sula.

Arrestimi

Burre e grua ne Rinas u arrestuan nga policia, kurse dy djemte e tyre jane shpallur ne kerkim. Ata u prangosen gjate operacionit te koduar “Papafingo”, pasi gjate kontrollit ne banesen e familjes Sula u zbuluan 1 ton e 239 kg kanabis.

Pas denoncimit të kreut demokrat Lulzim Basha se gjatë kontrollit në makinën e biznesmenit O. S janë gjetur edhe dy patenta që i përkasin ish-ministrit të brendshëm Saimir Tahiri, Panorama ka siguruar foton e tyre.

 

 

Policia e Shtetit bëri me dije se është arrestuar shtetasi O.S dhe bëri me dije se i është gjetur një shumë prej 800 mijë eurosh, por nuk deklaroi për asnjë patentë të ish-ministrit.

Dy lejet e drejtimit në emër të Saimir Tahirit që u gjetën në makinën e biznesmenit siç shihet në foton që janë dy leje drejtimi për mjet lundrues të nivelit ‘Skipper’ (kapiten)’.

Gjatë një lidhje telefonike për ‘News24’, gazetari i ‘Meridionews’ Daio De Luca ka thënë se Gjykata e Rivlerësimit të Katanias ka vendosur sot mosndryshimin e masës së sigurisë për 10 të arrestuarit e dosjes ‘Habilaj’ të akuzuar për trafik droge. Gjykata la masën e sigurisë e ’arrest në burg’ për të pandehurit, duke përfshirë edhe kreun e bandës, Moisi Habilaj.

I pyetur nëse bëhet fjalë për një Saimir të dytë apo për ish ministrin Saimir Tahiri i cili permendet ne hetime, gazetari italian tha se nga hetimet e deritanishme bëhet fjalë për ish ministrin e Brendshëm.

Çfarë ndodhi sot me këtë proces?
Sot u zhvillua gjyqi i rivlerësimit dhe u konfirmuar masa me burg për të gjithë arrestuarit.

Mbrojtja tha që nuk ka prova?
Mbretja e Habilajt kërkoi masën e arrestit për të pandehurit pasi pretendoi se nuk ka prova për të mbajtur në burg.

Ministri i Brendshëm i Italisë, Marco Minniti së bashku me  një delegacion të nivelit të  lartë të ministrisë dhe  Policinë italiane do të vijnë neësër në një takim zyrtar në Shqipëri.

Ardhja e tyre bëhet disa ditë pas publikimit të ‘Dosjes Habilaj”, dosje e përgjimeve në të cilën përmendet edhe emri i ish-ministrit të Brendshëm, Saimir Tahiri.

Fokusi i kësaj vizite nuk do të jetë kjo çështje, siç bëhet me dije nga njoftimi për shtyp.

“Në kuadër të kësaj vizite, në Pallatin e Kongreseve do të zhvillohet ‘Konferenca e përbashkët mbi raportin përmbyllës së misionit të monitorimit ajror për vitin 2017, në luftën kundër kultivimit të bimëve narkotike’, ndërmjet Policisë së Shtetit, Policisë italiane dhe Misionit të BE-së”, shkruhet në njoftim.

Axhenda:

Ora 10:00             Takim i ministrave Xhafaj-Minniti, në Ministrinë e Brendshme (do t’ju shpërndahen pamjet nga MB)

Ora 11:00             Takim i ministrit të Brendshëm italian me Presidentin e Republikës, në Presidencë

Ora 11:30             Konferenca përmbyllëse e “Misionit të monitorimit ajror 2017 në luftën anti-kanabis (takimi do të zhvillohet te Pallati i Kongreseve dhe do të jetë me regji qendrore)

Duke e kuptuar se po i vjen fundi lojës së tij ai ka leshuar sinjalin “Sos” për padronët e tij dhe ju kërkon me deshpërim ndihmë për të sajuar dosje imagjinare kunder kujdo që është rreshtuar në kahjen e kundërt të krimit, të narkoshtetit dhe emisarëve të përçarjes krahinore dhe kombëtare.

Përpjekja për të demonizuar protagonistët e mëdhenj të demokracisë shqiptare Berishën, Hajdarin e së fundmi Liderin e Opozitës Basha, si dhe ish-grupin e deputetëve demokratë të Tropojës, Hysen Osmanaj, Xhevdet Mehmeti dhe mua, të votuar në mënyrë plebishitare nga populli i Malësisë së Gjakovës dëshmon humbjen e ekuilibrit mendor, ç’orientimin logjik e politik të tutorëve të tij, të cilët të verbuar nga urrejtja nuk arrijnë të kuptojnë se populli i Tropojës e ka dhanë masivisht e në vazhdimsi verdiktin e tij duke e nxjerrë me votën e lirë jashtë loje qeverinë e krimit e të bandave zëdhënës e megafon i prishur i të cilës është Izet Haxhia.

Ky tellall në mërgim i Bermundës, ku do të fundoset, akuzon me një fjalor prej shpifësi e njeriu të papenduar për krimet e tij, të cilat paturpësisht kërkon t’ua faturojë të tjerëve.

Ai kërkon të rindezë konflikte dhe përçarje në Tropojë.

Duke qenë megalloman, tërësisht mediokër e injoraNt me taktikat e strategjinë qa ja servirin arkitektët e skenarit kriminal, si ka mbetur rrugë tjetër veçse të tentojë të pamundurën: Ta fusë pykën në nyjën e lisit, edhe pse është i bindur se pyka në nyje nuk ngulet dot, por ose thyhet, ose kërcen mbrapsht e t’i ban tyrinjtë përshesh.

Për mua si person dhe kolegët e mi ka vendosur sovrani duke na votuar në menyre referendare, duke na besuar përfaqësimin në Parlamentin e Shqipërisë .

Poshtersia e tij arrin deri aty sa të sulmojë edhe profesorin tonē të nderuar Xhevdet Mehmeti. 2.400 vjet më parë Aleksandri i Madh shprehej për mësuesin e tij Aristotelin: “Nëna më lindi në tokë dhe Aristoteli më ngriti në qiell”. Nuk e di si ndihet profesor Mehmeti për ty se çfarë monstre ka pregatitë.

Izet, ju si mjek harruat betimin e Hipokratit të madh për t’u shërbyer dhe për të mjekuar e shëruar edhe armiqtë e tu, kurse ju Izet bëtë një betim tjetër: Asgjësimin e PD-së së Tropojës dhe futjen e vllavrasjes në vendlindjen tuaj.

Keni bërë kaq shumë krime e zullume sa jeni dënuar me burgime të rënda, me vendime të formës së prerë në Shqipëri e Greqi, si vrasës.

Akuzat që mē bëni mua janë të kahershme, të dala boje.

Ju dhe tutorët tuaj bëni mirë të mos harroni se për mua ka vendosur Sovrani dhe Drejtësia njëherësh.

Unë jan një qytetar i lirē dhe nder tê rrallët që kam këmbëngulur vazhdimisht për vetingun në drejtësi, për hapjen e dosjeve të diktaturës dhe demokracisë dhe për pastrimin e politikës, të administratës dhe mediave, nga monstra të tilla si tutorët tuaj.

Ti endërron që njerëzit të besojnë ty, ndërkohë që ju jeni modeli i besëprerjes, i intrigës dhe i shpifjes.

Dosjet janē në Tiranë Izet. Shteti që ju i shërbeni me këto shpifje le ti hapë.

Unë pres qetësisht dhe i gëzuar, sepse jam i bindur se njerëzit do të tallen me ty dhe ustallarët tuaj si me lëkurën e ujkut.

Izet, populli i Tropojës na ka vlerësuar për atë që ne meritojmē:
Mua më ka votuar disa here si kryetar i Këshillit Bashkiak të qytetit Bajram Curri, si zv/kryetar i Këshillit të Qarkut Kukës dhe së fundmi deputet në Kuvendin e Shqipërisë.

Mē kanë nderuar me disa tituj, çmime e çertifikata nderi në të gjitha trojet etnike të Kombit Shqiptar.

Nuk dekurajohem aspak nga Protestat e Rusisë e të Serbisë për aktivitetin tim të dendur në shërbim të Kombit Shqiptar.

Ndihem krenar që jam “Qytetar Nderi” i qytetit të Bajram Curri, “Nderi i Qurkut Kukës” me vendime unanime, kurse ty populli ta ka venē nofken “rrehan”, pra shqip e shkoqur: njeri i rrahur.

Sigurisht që unë jam krenar për këto vlerësime të larta, por nuk më vjen çudi që dhe ju të ndiheni mirë me faktin që CV-ia juaj është e mbushur me rrahje e dhunē e me faktin tjetër që mburreni me hakmarrjen.

Ju mundoheni të më intimidoni mua me faktin se nuk mora hak ndaj atentatirit për vrasjen e mbetur në tentativë nga njē efektiv policie në Tropojë, koleg i vëllait tuaj Ismetit, dhe miku juaj i ngushtē.

Këtu gabon rëndē!

Modeli im nuk ēshtē modeli i hakmarrësit, i vrasësit politik apo i cubit tē mbështetur dhe sponsorizuar nga pushteti kriminal.

Modeli im ështē Anton Çeta, Binak Alia, Tunxh Miftari, Azem Hoxhë Dollapi, stërgjyshi im Shpend Zeqir Haklaj e burra të tjerë të Malsisë së Gjakovēs, pajtimtarë të mēdhenj, fjala e tē cilëve ka peshuar sa malet.

Modeli politik kombëtar e kulturorē që më frymëzojnë mua janē Gjergj Kastrioti – Skënderbeu e Ismail Qemali, Mbreti Zog I e Ibrahim Rugova, Nënë Tereza e Ismail Kadare, Ramush Haradinaj e Ali Ahmeti, e së fundmi Kryetari i Opozitës z. Basha.

Modeli juaj ështē dhuna dhe vrasja politike. Ju ju frymēzojnë modelet e Haxhi Qamilit e Napoleon Zervēs.

Badiguardi Izet, gjykatat në tē gjitha nivelet kanë thanë fjalën e tyre të fundit për ty e pēr mua.

Gjykatat e shqiptare mē kanë çertifikuar si qytetar tē lirē, gjykatēsi popull më ka besuar disa herë perfaqësimin e tij nē nivel lokal e qendror.
Kurse për ju ka dhënē vendimin përfundimtar me pushkatim moral për të mos u kthyer më kurrë në sheshet e krimit.

Unë jam këtu dhe shkel i lirē çdo cep të trojeve etnike shqiptare, ndërsa ju ikanak ja mbathët si lepur, për t’i shpëtuar drejtësisë.

Ju ka tmerruar fakti që Azem Hajdari u kthye në vendlindje madhështor. U dogj skenari juaj për të shkaktuar gjakderdhje, për të kryer krime e fshehur dorën, pikērisht nē këtë ditë të shënuar për Tropojën dhe demokracinë shqiptare. Ju si një antivlerë e Tropojēs dhe ustallarët tuaj nuk e imagjinoni dot faktin se kjo trevë heroike e Shqipërisē do të ngrejë përmendore tē tjera bijve të bijëve të saj të shquar Ali Ibrës e Mic Sokolit, Haxhi Zekës dhe Sokol Ramës, Prel Tulit, Col Delisë e Tahir Sinanit dhe heronjve të rezistencēs antikomuniste.

Ju mbetët peng në hipotekën e piratëve të krimit duke u shndërruar nē një skllav të kohëve moderne.

Braktisët mjekësinē për t’u berē badiguard, por pikērisht në këtë profesion u tregove tinzar dhe i pabesë duke dhënē antimodelin e atij të cilit Kreu i Shtetit i beson jetën.

Po të sjell në vemendje se modeli i këtij profesioni të vështirë është ai i Levetēs – badiguardit trim tē Skënderbeut që e shpetoi nga vdekja në betejë duke e mbuluar me trupin e tij dhe major Llesh Topallajn që dha jetën për të mbrojtur Mbretin Zog në atentatin e Vjenës nga plumbat e Ndokë Gjeloshit.

Ti solla në vēmendje këto fakte për të dëshmuar se libri është pasuria ime më e çmuar dhe dija është feja ime e vërtetë.

Nuk kam investuar për palate, vila luksoze, makina të blinduara apo skafe, por për libra. Prapa shpinës në foto nē shtëpinē time janë disa prej tyre.

I kam shkruar katër libra Izet, së shpejti do të botohen edhe dy të tjerë.

Bota mediatike vizive dhe e shkruar më ka tashmë një personazh të përhershēm.

Ju thoni se që herët dija të këndoja dhe të kërceja, edhe për kërcimin kam marrë disa çmime kombëtare e ndërkombëtare.

Dhjetra festivale kombëtare i kam organizuar në mbarë trojet etnike që synojnë unifikimin kulturorē e shpirtëror tē Kombit Shqiptar, e sigurisht kam spikatur si producent.

Për këtë aktivitet shumēdimensional jam nderuar nga Presidenti i Republikës së Shqipërisë me titullin: “Mjeshtër i Madh”.

Në arkivin e RTSH- së ndodhen mbi 120 orë filmime dokumentarësh, ndërkohē që nē arkivin e shtypit të përditshëm dhe google mund gjesh qindra artikuj të shkruar jo sot por për gjatë 20 viteve.

Unë jam mik i modestisē, por më duhet të ju them se kjo është përgjigja ime për ty, për kulturën time, për të cilën kam investuar një jetë të tërë.

Pikërisht tani që po shkruaj kēto rreshta shpirti i Shotës vrarë nga terrori shtetēror 16 vjet më parë më thotë: Vëlla Azgan tregoi tellallit të krimit Haxhi Miletit se Haklajt kanë dy shekuj që e derdhin gjakun për Lirinë e Pavarësinē e trojeve etnike dhe konsolidomin e Shtetit Shqiptar.

Tregoi renegatit, idhujtarit të Hamza Kastriotit, Napolon Zervës e Haxhi Qamilit se kemi katër deshmorë tē Atdheut, dhe nē qoftē nevoja do të japim dhe të tjerë për kauzën e shenjtë të Lirisë dhe Bashkimit Kombëtar.

Motër Shotë, ti je martire dhe vendi yt ēshtē në paqen e pērjetshme.
Tē jap fjalēn qē kjo do të jetē replika e fundit me këtë bastard, të cilin Tropoja e Shqipēria e kanē flakur me neveri në shkretëtirat e Azisë.

Ai do të ketē tē njëjtin fat si Hamza Kastrioti, i cili vdiq si lypsar në rrugët e Stambollit apo nē variantin e Judës, i cili me 30 asprat që u shpërblye për tradhëtinë ndaj Krishtit bleu një litar dhe u vetëvar.

Izet Haxhi Miletit mund t’i ndodhë me keq akoma, ashtu si Ali Kimikut tē Sadamit t’i këputet qafa në litarin e vet.

Po e mbyll poetikisht këtë epilog tē replikës me ty duke zgjedhur këto vargje të bukura nga “Lahuta e Malësisë” të Homerit të ndjesive Shqiptare, Gjergj Fishta: “S’ashtë për burra hapsi as shkopi/ Për ta a shpata ose konopi”.

I ftuar në emisionin “Opinion” në “TV Klan” për të diskutuar për polemikat e dorëheqjes së shefit të Shërbimit Informativ Kombëtar Visho Ajazi Lika, gazetari Artan Hoxha tha se nuk duhej të ishte larguar.

Kryeministri Rama është përgjuar me ambasadorin tonë në Beograd, po ashtu është përgjuar kreu i PD-së Lulzim Basha. Është përgjuar edhe Saimir Tahiri me ambasadorin italian dhe atë grek. I vetmi që nuk është përgjuar nga zyrtarët është  Saili Berisha” tha Hoxha

Dorëheqja e shefit të SHISH, gazetari plas bombën: Visho Ajazi ka përgjuar mbi 800 herë Metën dhe Ramën

Gazetari Artan Hoxha i ftuar në Studio e Hapur” me Eni Vasilin në “News 24” ka folur për dorëheqjen e shefit të Shërbimit Informativ Kombëtar.

Artan Hoxha tha se ky shef shërbimesh ka përgjuar edhe presidentin edhe kryeministrin.

“Visho Ajazi është emëruar pas një marrëveshje mes Presidentit Nishani dhe kryeministrit Berisha në atë kohë. Pati këndvështrime kundër tij, pasi kishte qenë nëndrejtor në kohën e Gazidedes. Edhe partnerët strategjikë e mbështetën emërimin. Në dijeninë time dorëheqja e Ajazit është bërë ditën e premte.

Ky shef Shërbimi është akuzuar edhe nga Presidenti Meta edhe nga kryeministri Rama. Meta është përgjuar 823 herë, në telefonata të gjatë e të shpeshta me një person. Rama është përgjuar me po të njëjtin person që është përgjuar edhe Meta. Rama është përgjuar disa herë me këtë person, rreth 70 herë. Rama është përgjuar edhe mbi 600 herë në biseda të tjera. Gjuha e përbashkët mes Ramës dhe Metës është dorëheqja e Visho Ajazit dhe jo emërimi i Helodon Bendo. Kjo që ka ndodhur sot është një lojë poshtë tavolinës.” tha Hoxha.

Ish-kreu i SHISH, Visho Ajazi Lika qe u dorehoq sot nga detyra nuk ka pasur asnje presion por ka dashur te beje nje tjeter hap ne karriere dhe ambicien e tij i vetmi qe e ka ditur eshte kryeministri Edi Rama.

“Ka konkurruar para 5 muajsh për një pozicion në Bruksel, ka konkurruar në një konkurs me dosje.Eeshte një detyrë në rang ndërkombërar në Bruksel. Eshte bere nje hap i tille ne dakordësi me kryeminsitrin Rama, i cili e dinte një gjë të tillë. Ishte i vetmi që nuk u befasua. Nuk ka pasur as presion dhe asgjë tjetër. Reagimet politike kanë qenë për shkak të paqartësisë që shoqëroi këtë cështje”.

I diplomuar në matematikë. Ka bërë dhjetëra kurse e trajnime brenda dhe jashtë vendit. Ka treguar aftësi në disa sektorë specifikë.

Helidon Bendo pritet të shënojë emrin si drejtuesi i 10-të në krye të SHISH pas vitit 1991 por edhe i pari drejtues i SHISH që ka kaluar të gjithë karrierën e vet nga inspektor i thjeshtë deri në drejtimin e këtij institucioni.

Ai pritet të jetë gjithashtu i pari drejtues që është diplomuar pas rrëzimit të komunizmit dhe I pari që ka mbështetjen e të gjitha institucioneve të larta të shtetit dhe të shërbimeve partnere.

Dy ish drejtorë të rëndësishme në strukturat e shërbimit sekret shqiptar Sokol Gashi dhe Naim Meçalla dhanë dje vlerësimet për kreun e  ri të SHISH që ka propozuar kryeministri Rama dhe është në pritje të dekretimit të presidentit te Republikes.

Të ftuar gjatë emisionit “Debati në Channel One” të gazetarit Roland Qafoku, Meçalla tha se ka punuar me Bendon gjatë kohës që mbante detyrën e drejtorit të Analizës dhe tha se ai njihet për integritet, profesionalizëm dhe aftësi të larta profesionale.

“Kam patur rastin të punoj dhe bashkëpunoj me të dhe më erdhi mjaft mirë kur dëgjova që kryeministri e ka propozuar për kreun e SHISH pikërisht Bendon. Jam i bindur që SHISH do të arrijë suksese nën drejtimin e këtij institucioni”. Në të njëjtën linjë ishte edhe Sokol Gashi pavarësisht se u shpreh se ai do arrijë rezultate vetëm nëse politika do të lejojë të punojë brenda detyrës së vet.

SKANDALET NË SHISH

Por dy ish-drejtuesit bën publikë një sërë problemesh që ka aktualisht SHISH. Sipas Gashit në këto pesë vite të drejtimit të Visho Ajazit SHISH u kthye në një organ që më parë raportonte te ai që dihet se ku se sa te kryeministti që e ka detyrë kushtetuese. “Batuta në rrjetet sociale është se pas largimit të Visho Ajazit nuk do të ketë më qytetar dixhital dhe Berisha do të mbesë pa punë”, tha Gashi.

Me një përvojë të gjatë në SHISH duke qenë katër herë drejtor në drejtori të veçanta Gashi tha se Presidenti i SHBA e nis ditën e punës duke lexuar 5 faqe raport të përditshëm që CIA ia vendos në tavolinë çdo mëngjes. Ndërsa tek ne unë nuk e di sa herë e ka takuar dhe sa herë ka shkuar Visho Ajazi Lika në zyrën e kryeministrit Rama në këto 4 vite që ai është shef i qeverisë.

Mjafton ky fakt për të kuptuar se si ka punuar SHISH në këto 5 vite. Për Gashin duke përjashtuar drejtorinë e Antiterrorit që është krenaria jonë, strukturat e tjera të SHISH kanë probleme thelbësore që nisin nga mungesa e financimit e deri tek organizimi dhe kjo ka sjellë që shërbimet e huaja jo dashamirëse ndaj Shqipërisë janë ulur këmbëkryq në vendin tonë dhe ne nuk kemi patur mundësi ti kundërpërgjigjemi.

Sipas Gashit fondet për shërbimin tonë sekret janë skandaloze. “Imagjinoni që ne kemi rezidentë vetëm në tre shtete kufitare me ne, ndërsa në shtete të tjera nuk kemi fare. Në vend që agjentët tanë të shkojnë te burimet burimet vijnë këtu sepse shërbimi ynë nuk ka parë. Pra për mua ky është një skandal që duhet të ndërhyhet më menyrë imediate”- tha ai. Por sipas Gashit skandalet në SHISH nuk mbarojnë këtu.

“SHISH është kthyer në një vatër e nepotizmi të pashoqë kur vetë drejtuesit e SHISH kanë emëruar familjarët e tyre në poste të ndryshme. Madje ka raste kur baba, nënë, bir dhe bijë punojnë në strukturat e këtij shërbimi duke u kthyer një skandal më vete. Shërbimi Informativ Shtetëror ka një organikë prej 700 deri në 800 punonjës të shtrirë në të gjithë vendin por edhe jashtë.

Nga Azgan HAKLAJ

Keni mëshirë për shpifësit e mashtruesit, thoshte Seneka, sepse ata janë skllevërit e vërtetë të shoqërisë dhe njerëzimit. E citova këtë sentencë të filozofit të madh të Romës, sepse në qoftë se ka njeri për të cilin vlen më së shumti mëshira e lutja ky është Izet Haxhia.

Peng i mëkatit, skllav i shërbimeve sekrete i Klosit e sojit të tij, siç dëshmoj edhe vet si bashkëpuntor i ish shikasit të Gazidedes, një kukuvajkë e zëdhenës i ish-sigurimit të shtetit dhe pse jo i shërbimeve sekrete të huaja serbo-greko-turke. Qëllimi final i platformës së tyre është destabilizimi i Shqipërisë, përçarja e lufta civile mes bashkëkombasve, e më në fund coptimi i trojeve etnike për t’i kthyer në plaçkë tregu për orekset e këtyre shteteve ish-perandori të dikurshme, armike shekullore të Shqipërisë.

* * *

Shumë miq më këshilluan të mos merrem me ty Izet, sepse më thanë se ky interpret konspiracionesh, ky Rasputin i vogël, ka përgenjeshtruar vehten duke i kërkuar falje Dritan Zaganit, të akuzuar në fakt për një periudhë që ti dole bllof, sepse për në atë kohë që ti zotëri bën fjalë i bie që ai të ketë qenë student (shih ditëlindjen). Por unë vendosa t’iu përgjigjem tutorëve e mentorëve tuaj që të udhëheqin në sulmet e paprincipta ndaj çdokujt që nuk është në vathen e tyre.

Këto ditë ju zgjodhët të sulmoni një çift ekselentë juristësh me shpifje e intriga për shkak të detyrës, znj Elisabeta Imeraj dhe z Agron Bajri, por dhe grupin e prokurorëve në bllok, duke u bërë pjesë e ansamblit të korbave të zi Mero Baze – çorapes dhe Muç (t) Nanos që dirigjojnë frontin antimalësorian edhe pse urrejtja krahinore është krim.

Izeti iu erdhi në ndihmë qeverisë narkotrafikante në krye të të cilës janë trinomi Rama, Tahiri, Xhafa e të tjerë.

Ai sulmoi një zyrtar që kishte zbuluar oktapodin e zullumit të Tahirit dhe po mundohej të këpuste këto tentakula kriminale, konkretisht Dritan Zaganin duke e lidhur me mua, por që shpejt përgënjeshtroj vehten duke i kërkuar falje.

Shpifësi i përdorur duhet të më kërkonte falje mua, sepse Dritan Zagani këtij mashtruesi publik i duhej për të më goditur moralisht mua, i xhelozuar nga aktiviteti im në shërbim të demokracisë dhe kontributi ndaj Kombit Shqiptar.

Por, si padashje, ai, Izet Haxhia, zbulon skenarin e përplasjeve, si dhe tentativën për eleminimin fizik të Zaganit dhe faturën për ta lanë tek Haklajt, pse jo tek unë, me argumentumin e fshehjes së gjurmëve, natyrisht për të fshehur skenaristët, regjizorët dhe aktorët e vërtetë të ekzekutimit, si gjithmonë.

* * *

Ka 20 vjet që organizatori, skenaristi, regjizori i vrasjes së Tribunit të Demokracisë Azem Hajdari, i dënuar tashmë nga gjykata në tre nivelet, është strehuar me përkujdesjen e Fatos Klosit e miqëve të tij serbo-grekë në një katund tē Turqisë për t‘i shpëtuar drejtësisë duke u kthyer në instrument përgojues deri në jargavitje për këdo që e urdhërojnë ustallarët e tij.

Prej aty, ky Symbyl Agë i oborrit të Klosit, firmos, vulos e çertifikon pa u menduar dy herë enqiklikat e gatshme të cilat ia servir padroni Klosi.

Bodiguardi Izet gjatë viteve që ka shërbyer ka intriguar me mjeshtri të lartë artistike për Haklajt tek Berisha dhe Azemi dhe të njëjtën gjë për te dy tek Haklajt në vitet  ‘97-2000 për interesat e tij utilitare, që tashmë dihen kur dhe humbi pavarësinë dhe u ba instrument në platformën anti-PD në Tropojë dhe në të gjithë Shqipërinë.

Ju sugjeroj Izet të lexoni librin e vëllait tuaj, Ismetit, që thotë për këto vite: Më thirri ministri i Brendshëm i asaj kohe dhe më tha do të emëroj shef komisariati në Tropojë dhe detyra kryesore që ke është arrestimi i Kryetarit të PD-së Tropojës, Azgan Haklaj.

Nē fakt arrestimi im ndodhi, por më vonë.

Partia Demokratike me kandidoi për deputet. Populli i Tropojës më votoi për faktin se shpirtërisht përfaqësoja familjen blu, Partinë Demokratike, më votoj për AND-në familjare Haklaj që i ka dhanë katër dëshmorë Atdheut në betejat për liri dhe pavarësi të Kombit Shqiptar, si dhe nē mbrojtje tē institucioneve të shtetit demokratik. Partia Demokratike më kandidoi për kontributin tim në mbrojtje të vlerave të demokracisē, për asgjë të pamoralshme në shërbim të dikujt dhe në dëm të dikujt tjetër, siç aludoni ju me gjuhën tuaj tē helmtë si të nëperkës.

Filozofi i madh Niçe na mëson se: “Liria e juaj është deri në kufirin e fillimit të lirisë sē tjetrit”. Shtetari i moçëm, arkitekti i Spartës aristokratike, Likurgu, thotë: “Kur mbaron liria jote fillon liria e tjetrit”.

Gjatë jetës tuaj, ju Izet, i shkelët këto parime duke intriguar për të gjithë.

Ju intriguat për Azem Hajdarin derisa ia arritët qëllimit, ekzekutimin e tij.

Sigurisht që thonë se ke marrë pjesë dhe në ngjarje të tjera të dhimbshme, edhe tek Haklajt, e tani bën sikur të dhimbsen shumë.

Se sa të dhimbsen e tregon fakti i tentativës tuaj për kurbanizimin e Zaganit dhe faturën t’ua kaloni me lehtësi Haklajve pas interpretimit mjeshtëror tē konspiracionit të rradhēs qē ta servirin mendjet diabolike që të kanē skllavëruar.

Ti zgjodhe pikërisht ditët e inaugurimit të Shtatores së Azem Hajdarit në Tropojē për të ndërmarrë këtë fushatë shpifjesh.

Nē fakt zhveshe karakterin tënd tē vërtetë. Veshja e mantelit të Pejgamerit për të hapē 7 vulat e librit “Zbulesa” tē Shēn Gjonit për t’u treguar shqiptarëve të vërtetat e mëdha, të cilat ti i dinë, ështē përpjekja jote dëshpëruese dhe dështimi juaj i turpshēm i rradhës dhe përfundimtar.

Por Haxhia nuk ngopet me vrasjen e Azem Hajdarit, me përgjakjen e Tropojës dhe vrasjen e qindra djemve të saj. Ai është peng i betimit solemn para Fatos Klosit se do ta zhdukë PD-në e Tropojës.

* * *

A i mbani mend Izet deklaratat që ju bënit gjatë Referendumit të Kushtetutës në vitin 1998?!

Sigurisht, kori që drejtonit në të cilin bënte pjesë edhe autori i atentatit ndaj meje që do merrte pjesë dhe në atentatet ndaj Azemit, Hidajet Gjeçi: “Sa të jemi gjallë ne nuk ka PD në Tropojë”. Dhe unë ju përgjigjesha vendosmërisht: “Sa tē jem gjallë unë ka PD në Tropojë”. Po i pate harruar rilexoj gazetat e asaj kohe. Natyrisht Tropoja votonte në Referendum sistematikisht kundër padronēve tuaj dhe PD e udhëhequr nga unë ka fituar edhe me rezultate spektakolare duke i marrë të gjitha njësitë administrative të Tropojës, 8 me 0.

Para 500 vjetësh Sulltan Mehmeti ekzekutoi të gjithë vëllezërit e tij për të hypur në fronin e Stambollit. Izeti është i gatshēm tē firmosē ekzekutimin e tē gjithē personazheve të demokracisë e të patriotizmit shqiptar: Azem Hajdarin ta rivrasë; të vrasë Berishën; tē nxjerrë nga varri e të vrasë Rugovën, Ismail Qemalin e Isa Buletinin; ta zhdukē Gjergj Kastriotin nga Sheshi për tē mbajtë nē Fron Trinjakët, bijtë e Eskobarit: Tahirin, Xhafën, Edi Ramën.

Izet Haxhia, ju keni lindur në Gash tē Malësisë të Gjakovës, por në damarët e tu nuk rrjedh asnjë pikë gjaku e këtij fisi të lavdishëm, i cili u shndërrua në shekuj në parzmore të Atdheut, në simbol shekullor të betejave historike për liri e pavarësi.

Linde në Tropojë dhe u bane dirigjent i përgjakjes së saj.

Ishe badiguard i Berishës dhe thure intriga, artikulove akuza e shpifje, sa do ta kishte zili vetë Nastradin Hoxha.

Mburreshe si mik e bashkëpuntor i Azemit, si protagonist i Dhjetorit ‘90 dhe udhëhoqe ekzekutimin pa mëshirë të Heroit të Demokracisë, ashtu si Bruti para 2000 vjetësh Jul Qezarin.

Haxhia, ky senator i krimit, është i tërbuar ditët e fundit ngaqë me dt. 27 tetor 2017 u inaugurua Shtatorja e Azem Hajdarit. Ai nuk guxon ta shohë as me dylbi vendlindjen e tij dhe monumentin e studentit liberator, tribunit të demokracisë, Azem Hajdari.

Ështē tërbuar nga frika e burgosjes së Sajmir Tahirit dhe si dem i harbuar sulmon këdo e shpif gjithçka e për gjithkënd që e urdhërojnë, në mënyrë të padrejtë e cinike.

* * *

Si sharlatan që është sulmon prokuroren Imeraj, bashkëshortin e saj Agron Bajri, pinjoll i familjes atdhetare e nacionaliste të legjendarëve Kadri dhe Deli Bajri, grupin e prokurorëve të Çështjes Tahiri, familjen Lushaj, Pishtarët e Demokracisë Saliun dhe Ukën e shumē djemë të Partisë Demokratike, deputetin Hysen Osmanaj, madje përsëri Azemin, dhe iu hakërrehet tē gjithë Tropojanëve.

Haxhiaj është tërbuar sepse e din mirë se Gashi, Tropoja e kanë leçitë (shlyer nga defteri) sipas gjuhës së tij turke.

Për Tropojën Izeti nuk ekziston.

Ai, Izeti, e shiti Tropojën për 30 aspra si Juda ndaj Jezu Krishtit.

Tropoja e Shqipërisë dhe e Flamurit Kuqezi nuk i bjen kurrë në gjunjë trekolorit serb, kryqit grek, gjysëm-hanës turke, koktejet më tē hidhur me të cilët ngre dolli Izeti.

Si përfundim, për ty Izet, kam zgjedhur një histori të vërtetë të ndodhur në bjeshkët e Btoshës (të Gashit) në Lekbibaj (Tropojē) para shumē kohësh: Njē çoban i thotë Fratit (qenit të tij) kujdes tufën e deleve. Ikën çobani për punēt e tij dhe e lenë fratin e lidhur, por vjen ujku dhe e mbytë gjithë tufën. Frati i këputë vargonjtë e hekurtë dhe e mbytë ujkun, të cilin e mbulon me delet e mbytura. Kur vjen çobani e sheh çfarë ka ndodhur, çmendet nga zemërimi dhe e vret Fratin. Pasi pastron vendin nga delet e ngordhura dhe e gjen ujkun, çobani nga dëshpërimi tenton të vrasë edhe vetvehten. Ndërhyjnë familjarët e të tjerēt dhe nuk e lejojnë. Çobani i mërzitur thërret të gjithë fshatin dhe e varrosi Fratin në bjeshkët e Btoshës me gjamën e burrave të Lekbibajve. Edhe sot e kësaj dite i thonë:  tek Varri i Fratit”.

Ti, me shpifjet e tua, kërkon përfitime e lavdi Izet, por të siguroj se ke humbë gjithçka. Nuk do të kesh lavdi as sa Frati !

Boll má !

GSH.al

Kryeministri Edi Rama ka zhvilluar nje takim me Presidentin e vendit, Ilir Meta. Burime per “Panorama” bejne me dije se kryeministri eshte parë te hyje ne ambientet e Presidences ku ka nisur nje takim me kreun e shtetit.

Nuk ka ende detaje per qellimin e takimit mes kryeministrit dhe presidentit te vendit, por nuk perjashtohet mundesia qe mes tyre te diskutohet per zgjedhjen e kreut te ri te SHISH.

Kjo, pasi vetem pak me pare u njoftua se Visho Ajazi Lika ka dhene doreheqjen nga detyra qe mbante, nje doreheqje, sipas burimeve te para, e pakerkuar nga presidenti, por e dhene per motive personale nga vete Visho Ajazi Lika.

Sipas ligjit të SHISH, kryetari zgjidhet me propozim nga kryeministri dhe me pas dekretim nga ana e presidentit te vendit.

Ky eshte takimi i pare mes Rames dhe Metes, qe pas betimit ne Presidence te kabinetit qeveritar.

Kujtojme se takimi mes tyre vjen vetem pak kohe nga perurimi i nderteses se Vetingut dhe urimit te Rames per nisjen e punes se komisionereve.

Takimi vjen në një kohë debatesh te forta, per çështjen e Saimir Tahirit dhe dosjes se akuzes per perfshirjen e tij ne banden e trafikut te droges dhe lidhjeve me Habilajt.

Policia e Tiranes ne nje njoftim pe mediat ben me dije se gazetarja Adelajda Xhamani, e cila nderroi jete sot ne mengjes ne shtepine e saj, vuante nga epilepsia. Adela u nda nga jeta krejt papritur ne oret e para te mengjesit te sotem.

Vajza simpatike nga Kavaja, kishte mbaruar studimet për Gjuhë-Letërsi. Prej vitesh Adela punonte në shtypin rozë.

Njoftimi i policisë:
Më datë 29.10.2017, rreth orës 05:10, në rrugën e Thesarit, është gjetur e vdekur në banesën e saj, shtetasia Adelajda Xhamani, 31 vjeç, e cila jetonte vetëm.
Nuk ka shenja dhune. Shtetasja e mësipërme vuante nga epilepsia.
Pritet vendimi i mjekut ligjor.

“Dritan Zagani nuk ka qenë kurrë i dënuar nga krimet e rënda. Edi Rama dje gënjeu drejtpërdrejt para miliona shqiptarëve.

Tahiri e arrestoi Zaganin sepse ai nuk heshti por guxoi, ngriti zërin dhe hetoi lidhjet kriminale Tahiri-Habilaj. Sipas kodit mafioz të hakmarrjes kundër atij që flet, Edi Rama dhe Saimir Tahiri kërkuan ta bënin shembull Zaganin për t’i treguar çdo kujt se çfarë i pret nëse flasin.

Por akuzat qesharake të montuara nga Shërbimi i Kontrollit të Brendshëm, një drejtori e Ministrisë së Brendshme nën urdhrat e Tahirit, nuk dhanë asnjë rezultat me gjithë presionin e madh që Rama dhe Tahiri ushtruan.

Punonjësit e shërbimit të kontrollit të Ministrisë që arrestuan Zaganin duhet të hetohen dhe të merren të pandehur për montim akuzash dhe konspiracion në mbështetje të krimit. Këtë duhet të bënte Edi Rama, të çonte këta punonjës në prokurori.

Por Edi Rama nuk është më kryeministër. Tani ai është avokati mbrojtës i Tahirit dhe i Habiljave. Siç e shikoni ai merret vetëm me mbrojtjen e krimit dhe me asgjë tjetër. Bredh studio më studio, podium më podium e në çdo vend duke bërë avokatin mbrojtës të Tahirit. Sepse kështu mbron veten e tij.

Edi Rama dhe Saimir Tahiri ndiheshin të plotfuqishëm dhe të pamposhtur deri dje. Sot ata janë në dëshpërim, sepse po ndeshen me të vërtetën dhe sepse kanë humbur çdo kontroll.

Dhe ky është vetëm fillimi. Në ditët e ardhshme do ketë të reja të tjera që zbulojnë përfshirjen e qeveritarëve shqiptarë dhe të Ramës në mbështetje të krimit dhe të trafikantëve të drogës.

Edhe bota tashmë e ka kuptuar dhe nuk mund të lejojë më një shtet të kontrolluar nga krimi në mes të Europës. Dua të përshëndes me këtë rast deklaratën e djeshme të Grupit të Partisë Popullore Europiane, më të madhit dhe më të rëndësishmit në Europë ku drejtojnë shumicën e qeverive të kontinentit.

Tashmë qëndrimi amerikan dhe europian është i qartë: mbështetje për prokurorët dhe gjyqtarët që po hetojnë lidhjet e politikës me krimin, dënim të sulmeve dhe ndikimeve politike ndaj drejtësisë, barazi para ligjit të çdokujt, përfshi edhe politikanët më të lartë”.

Ky është reagimi i kreut të PD-së Lulzim Basha, pas deklaratave të mbrëmshme të kryeministrit Edi Rama.

Kryeministri Edi Rama i është përgjigjur sot mesazheve të improvizuara të Berishës, Bashës, Metës, Kryemadhit dhe Tahirit gjatë emisionit “Zonë e Lirë”.

Rama është treguar ironik me Bashën dhe Berishën, ndërkohë që Metës i ka kujtuar shprehjen “me qetësi dhe dashuri”.

Sali Berisha jam: O Edvin Habilaj, o kumbar, shite Saje Qorrin dhe mbylle këtë histori me kaq se ndryshe nuk mbyll dot mandatin…

Eh mor plak, unë dhe ti kemi një problem, flemë pak. Ta mirëkuptoj hallin, e di që nuk do flesh, por bëj si të bësh. Shëndet.

Lul Basha jam: të thashë që trëndafilin e ke zëvendësuar me hashashin. Pas skandalit që të ka plasur…

Eh mor Lul, thashë se u bëre burrë, por prapë lule më lule mbete.

Luli jam prapë: e pe sa butë u sollëm në Kuvend për Sajmen

O Lul është koha e gjumit për ty vlla, nuk ke takat për Arjan Canin. Fli gjumë vlla.

O i gjati Ilir Meta jam, duhet të takohemi patjetër, kemi ca gjëra pa mbyllur. Nëse do shpëtosh Tahirin mos e prek Llallën.

Me qetësi dhe dashuri zoti president, ah sa bukur.

Mona jam. O kriminelë kujt i thua motër ti. Unë motra jote?

Ca të bëj unë, iku tepsia, ka shpërthyer dashuria për atdheun tani. Motra ishe, motra mbete.

O Edo Gaz Demi jam. Ta kryva porosinë te shtëpia e Sajmes…

Gazo rroftë Partizoni se ka nevojë këtë radhë.

O Shef Sajmja jam: Erdhi kontrolli, unë qëndrova stoik, piva një puro në ballkon. Ata skanë parë gjë, pas puros do pi një trefletësh

S’është ky. Puron në PS e pi vetëm Fino.

Sajmiri jam shef. Jo Tahiri, shoferi i kamionit. Cfarë fitoj po dëshmova se kam marrë 5 milionë euro në muaj.

Shko te fronti se atje fiton.

Jam Moisi Habilaj…

Mos na e prish, kalo te tjetra. Me keta palo kusherinj…

O i madh ‘Lolo’ jam…

Kalo pra nga këta.

Lali Eri jam, beniamini jot i vetëm tashme. Te lutem mos u trishto shef per Sajmen se ti mbuloj une shpenzimet me Tironen tone. 

Më pëlqeu ajo e autobuzit elektrik, por mos dil ne media sikur je ketu, kur je jashte shtetit. Te lutem.

Ngjela jam. Ti nuk e kupton demokracinë. Po të kishe lexuar librat e mi nuk do kishe dështuar…

Avokat shyqyr që u bëre u gjallë, qëkur nxorra Lulin nga çadra nuk më flet më.

Pse i ka mbet qejfi Ngjelës?

Qëkur nxorra Lulin nga çadra. Aty filloi.

Donald Lu jam. Më interesonin bandat e Elbasanit se jetoj te rruga e Elbasanit…

Skanë parë gjë akoma Don, rrugë më rrugë. Cdo njeri që në rrugë ka zgjedhur të bëjë ato që s’duhet këmba këmbës deri në fund.

Koco jam. Po të zë mallkimi im biri im.

U bë shumë kohë që nuk dëgjohemi. Ske çfarë i bën, për mua është rruga pastaj miqësia. Jo miqësia që dikton rrugën. Natën.

Jam Briseida e tatimeve, të kujtohet? Mos e dorëzo lehtë Sajmirin, ai bëhet kamizak për ty.

I keni rënë në qafë Briseidës ju të kazanit.

O Skënderbe Elisa Spiropali jam. Askush nuk e bën dot figurën tënde, o i pari i vendit.

Këto nuk mi thotë mua. Këto ua thotë të tjerëve.

Përgjimet nga prokuroria italiane për bandën e Habilajve tregojnë për jetën e trafikantëve, rreziqeve, ulje-ngritjeve të trafikut dhe keqpërdorimet e milionave të fituara brenda natës, si dhe pikëpamjet e tyre mbi politikën shqiptare, përfshirë komentet tashmë të famshme për funksionimin e politikës si një organizatë kriminale

Roli i Tahirit

Dokumenti i policisë italiane e përmend ish-ministrin e Brendshëm Sajmir Tahiri si gjatë përgjimeve, ashtu edhe gjatë komenteve në tre raste. Në njërin rast, (faqja 100), dy të dyshuarit, Moisi Habilaj dhe Sabaudin Çelaj diskutojnë me njëri-tjetrin se çfarë ka më shumë se sa ata Saimir Tahiri. Moisiu beson se Saimiri ka bërë 5 milionë euro brenda një muaji ndërsa Çelaj thotë se këto janë para të parëndësishme për të pasi atij 20 milionë nuk i  mjaftojnë në një fushatë elektorale. Në kohën e zhvillimit të kësaj bisede, 16 dhjetor 2013, Tahiri kishte vetëm tre muaj në postin e Ministrit të Brendshëm, por ai pati qenë deputet që nga viti 2009.

Në rastin tjetër,  (f 93) Moisiu thotë se ka blerë dy byzylykë, një për gruan e Saimirit dhe një për nënën. Sabi pyet se sa kanë kushtuar. Moisiu thotë: 2 mijë euro.

Në rastin e tretë, (f. 193-194) policia italiane shënon se më 3 mars 2014, Moisi Habilaj dhe Sabaudin Çelaj patën mbërritur në Sicili me makinën A8, nën pronësinë e Saimir Tahirit. Ata u kthyen në Shqipëri më datë 24 mars po me makinën e Tahirit.

Në rastin më problematik për Tahirin, ai përmendet si përfitues i mundshëm i një shume parash nga trafiku i drogës./Marrë me shkurtime nga Reporter/

Banka Botërore lajmëron një ulje të konsiderueshme të investimeve të huaja në vendin tonë në vitet në vijim. Në një projeksion të fundit për Shqipërisë, investimet e huaja direkte do të përfshihen në një trajektore rënëse që këtë vit dhe për të vijuar kështu të paktën deri në vitin 2019.

Banka thotë se IHD këtë vit do të arrijnë në 8.3 për qind të PBB nga 8.7 për qind që ishin vitin e kaluar. Por vitin e ardhshëm ato nuk pritet të jenë më shumë se 7 për qind e PBB dhe më 2019 do të jenë 5.6 për qind e PBB-se.

Në vlerë absolute investimet e huaja pritet të bien me 22%.
Banka thotë se vitet e fundit investimet e huaja direkte kanë qenë motori kryesor i rritjes ekonomike në Shqipëri ndaj dhe rënia e tyre do të gjenerojë një hendek.

Ekonomia e Shqipërisë u rrit 3,4 për qind në 2016 dhe kjo rrit u nxit më së shumti nga investimet private në dy projektet kryesore, gazsjellësi TAP dhe HEC-et në lumin Devoll.

Banka thotë se remitancat dhe investimet e huaja financojnë pjesën dërrmuese të importeve.
Sipas BB, tani, më shumë se kurrë thekson urgjencën e reformave strukturore për të përforcuar ribalancimin e sapo nisur nga burimet e brendshme të rritjes ekonomike, në ato të jashtme me mbështetje më të madhe tek investimet.

Përfitimet e rritjes ekonomike me krijimin e vendeve të reja të punës duhet të konsolidohen dhe zgjerohen, në mënyrë që të thyhet zinxhiri i emigracionit, reformave të cekëta, si dhe rritjes së ngadaltë ekonomike.

BB rekomandon eliminimin e faktorëve dekurajues dhe barrierave për punësimin formal, për të mundësuar ritme më të shpejta të rritjes ekonomike, krijimin e vendeve të reja të punës dhe reduktimin e varfërisë.

Përmirësimi i klimës së biznesit dhe qeverisjes për të mundësuar kompanitë që të krijojnë më shumë vende pune, të zgjerohen dhe të rrisin produktivitetin është një rekomandim tjetër.

Rritja e barazisë, cilësisë dhe efikasitetit të shërbimeve publike dhe sistemeve të mbrojtjes sociale, duke reduktuar në të njëjtën kohë rolin e qeverisë rekomandohen për tu bere. /Monitor/

Gjykata Penale e Tiranës dënon me 11 vite burg ish- administratorin e kompanisë DIA. Burimet thonë se Prokuroria kërkoi dënimin e Ismailajt me 15 vite burg, për skandalin e CEZ-DIA, por gjykata e zbriti dënimin me 4 vite.

Po kështu me vendim të Gjykatës së Tiranës, Kastriot Ismailajt i konfiskohen dhe 4 milionë dollarë.

Ndonëse ai kërkoi dje që të rihapej hetimi pasi dispononte 100 prova të reja, Gjykata e Tiranës ka dënuar me 11 vite burg Ismailajn.

Ky verdikt vjen pas një seance maratonë dhe pas 1 vit e gjysmë hetimesh. Kastriot Ismailaj u akuzua për “Mashtrim me pasoja të rënda” dhe “Pastrim të parave”, vepra këto të kryera në bashkëpunim me persona të tjerë.

I besoj Nacionalizmit të Popullit tim.

I besoj Shpirtit nacionalist të Popullit tim për Bashkim Kombëtar Shqiptar, për Shqipërinë Etnike,

Si t’iu besoj deputetëve të Kuvendit të Shqipërisë kur mbi 80 për qind e tyre nuk e njohin realisht e konkretisht Hartën e Shqipërisë Etnike, nuk kanë në pasaportat e tyre diplomatike vizita pune apo turistike në viset etnike shqiptare të Kosovës, të Maqedonisë, të Malit të Zi, të Luginës së Preshevës, të Camërisë…!

Nuk e dijnë kah e ku i bie Shkupi e Mitrovica, Plavë-Gucia e Presheva, Drenica e Tivari, Preveza e Vermoshi…!

Shqipëria do të bahet dhe Kombi do të bashkohet kur edhe përfaqësuesit e popullit në kuvendet e tyre në Shqipërinë Nanë apo në Kosovë, në Maqedoni…do ta njohin ma shumë e do ta duan ma mirë Shqipërinë Etnike në të gjithë territoret e saj në gjashtë shtete të Ballkanit.

Në vitin 2015, ish-ministri Saimir Tahiri deklaroi se nuk kishte të dhëna që Habilajt kishin precedentë në momentin që u shiti makinën, por një vendim i Gjykatës së Vlorës i vitit 2005 tregon se Moisi Habilaj u hetua pasi gjurma e gishtit të tij u gjet mbi pakot me 53 kg kanabis, por ia hodhi drejtësisë me vetëm 10 muaj burg

I arrestuari në Itali për trafikimin e rreth 3.5 tonëve kanabis, Moisi Habilaj nuk ka qenë person i panjohur për drejtësinë shqiptare. 39-vjeçari që implikon në përgjimet e tij edhe ish-ministrin e Brendshëm, Saimir Tahiri i ka shpëtuar ndëshkimit të drejtësisë në vitin 2005, periudhë kur është proceduar nga Prokuroria e Vlorës për akuzën e “mbajtjes, përpunimit dhe tregtimit të lëndëve narkotike në bashkëpunim”.

BIRN disponon një vendim të nëntorit 2005 të gjykatës së Vlorës, ku Moisi Habilaj rezulton se është proceduar dhe gjykuar së bashku me tre persona të tjerë, pasi gjatë një operacioni u gjetën 53 kg kanabis i ndarë në 54 pako e gjysmë, e cila ishte bërë gati për shitje.

Hetimet zbuluan një gjurmë gishti të Habilajt në pakot e drogës, por Gjykata e Vlorës e ka dënuar atë me 10 muaj e 20 ditë burg për akuzën e “moskallëzimit të krimit”.

Lidhjet e Habilajve me ish-ministrin e Brendshëm, Saimir Tahiri dhe përmendja e tyre si kontigjentë të policies në kultivimin e kanabisit u denoncuan për herë të parë në publik nga ish-oficeri i Antidrogës në Vlorë, Dritan Zagani në vitin 2015. Sipas Zaganit, vëllezërit Habilaj lëviznin me makinën e ministrit të Brendshëm dhe ishin të paprekshëm nga policia e Vlorës.

Në deklaratat publike pas këtij denoncimi, Tahiri pranoi se ia kishte shitur makinën njërit prej vëllezërve Habilaj-me të cilët kishte lidhje fisnore, por u mbrojt me faktin se nuk kishte të dhëna se ata ishin implikuar në kultivimin apo trafikimin e kanabisit.

Padijeninë për implikime të mëparshme të vëllezërve Habilaj, Tahiri e përsëriti edhe intervistën e tij në emisionin “Opinion” më 19 tetor 2017, ku pranoi si gabim të tij faktin që nuk kishte kryer verifikime.

“Unë duhej të kisha kërkuar mirë kujt po ia shisja makinën. Pa paragjykuar fare dhe pa menduar se kjo makinë u ishte shitur ca njerëzve që kanë aktivitet kriminal, më shkoi mendja që të kërkoja makinën time dhe të shkoja me pushime. Kjo më ngarkon me përgjegjësi morale pa asnjë diskutim, por jo me faj,” tha Tahiri në Opinion.

I pyetur nga BIRN, një nga prokurorët e çështjes që po heton dosjen “Habilaj” tek Krimet e Rënda tha se kanë pasur informacione të nevojshme dhe të sigurta se ky person dhe anëtarë të grupit të tij mereshin me aktivitet kriminal.

Sipas prokurorit, në shumë raste ka munguar vullneti i përbashkët polici-prokurori për të hetuar këtë grup, madje në disa raste hetimi për Habilajt është braktisur dhe dekonspiruar, duke mbartur çështjen për vite me radhë.

Procedimi penal që mban numrin 165 i vitit 2005 në ngarkim të të pandehurve Shpërblim Alliu, Moisi Habilaj, Flamur Zeka dhe Ylli Hoxha tregon se lënda narkotike e ndarë në 54 pako e gjysmë, e cila peshonte 53 kilogramë u  gjet në shtëpinë e shtetasit Mustafa Alliu në fshatin Panaja të rrethit të Vlorës.

Nga deklarimet e shtetasit Mustafa Alliu ka rezultuar se kjo sasi droge i përkiste të pandehurit Shpërblim Alliu.

Nga ana e prokurorisë është kryer përpunimi kimiko-fizik i sipërfaqeve të brendshme dhe të jashtme të pakove me lëndë narkotike dhe ka rezultuar në shiritin e dytë të natribanit, nga ana e brendshme u gjetën dy gjurmë të cilat i përkisnin njëra të pandehurit Moisi Habilaj dhe tjetra te pandehurit Flamur Zeka. Në njërën prej sipërfaqeve të mëdha të pakove është gjetur gjurma e pëllëmbës së të pandehurit Shpërblim Alliu, ndërkohë që gjurmë gishti ka pasur edhe i pandehuri në atë kohë, Ylli Hoxha.

Sipas vendimit të Gjykatës që pasoi këtë procedim, Moisi Habilaj ka pranuar se ai kishte dijeni për sasinë prej 53 kg drogë, pasi në një vizitë në shtëpinë e Alliut ai e kishte hapur ngjitësin. Megjithatë, Habilaj ka pretenduar se pasi e ka mbyllur sërish atë, e ka këshilluar të pandehurin Shpërblim Alliu që ta asgjësonte.

Përfaqësuesi i Prokurorisë, Dorian Tafili ka kërkuar dënimin me 7 vite burg për Moisi Habilajn, i cili në atë kohë akuzohej për veprën penale të “mbajtjes dhe përpunimit të bimëve narkotike”, por Gjykata e ka rrëzuar këtë kërkesë, duke e dënuar përfundimisht me 10 muaj e 20 ditë burgim për “moskallëzim krimi”.

Pasi pranoi gjykimin e shkurtuar, Gjykata dënoi me 4 vjet burg Shpërblim Alliun ndërsa Zeka dhe Hoxha u dënuan gjithashtu për moskallëzim krimi.

Avokati Eduard Veçani, i cili në atë kohë mbronte Flamur Zekën kujton për BIRN se klienti i tij ka qenë punëtor i thjeshtë, i cili kishte pranuar të paketonte sasinë e drogës kundrejt 10 apo 15 mijë lekëve të vjetra.

Sipas avokatit Veçani, këto dënime u lanë në fuqi dhe nga gjykata e Apelit Vlorë.

Dymbëdhjetë vjet pas dënimit minimal nga Gjykata e Vlorës, Moisi Habilaj akuzohet nga Prokuroria e Katanias për trafikimin e 3.5 tonëve kanabis drejt Italisë, në bashkëpunim me 6 shqiptarë dhe katër italianë gjatë viteve 2013-2017.

Në hetimet voluminoze të antidrogës italiane, Habilaj është përgjuar ndërsa përmend rryshfete apo dhurata për Tahirin dhe familjarët e tij. Këto përgjime, por edhe prova të tjera e shtynë Prokurorinë e Krimeve të Rënda që t’i kërkonin Kuvendit të Shqipërisë të autorizonte arrestimin e Tahirit, si person i dyshuar në trafikun ndërkombëtar të drogës.

Por deputetët e Partisë Socialiste në Këshillin e Rregullores, Mandateve dhe Imunitetit votuan kundër kërkesës së Prokurorisë, duke paralajmëruar votën kundër arrestimit edhe në seancën e së mërkurës në Kuvendin e Shqipërisë.

BIRN

Fjalim të dikujt, që është në ankth të madh, pasi nuk di se cfarë gjëmash ka në dosjet e tjera përtej Adriatikut. Kështu e ka përmbledhur gazetari Andi Bushati fjalën e sotme të Ramës për Saimir Tahirin.

“Fjalimi i Rames sot: edhe me Saimirin edhe kundër Saimirit, është pasqyrim i ankthit të atij që nuk di se ç’gjëma të tjera ka në dosiet përtej Adriatikut, prandaj ai dhe e mbron dhe e sulmon ish ministrin dhe kujdeset te thotë: un s’kam ditur gjë se ç’bënte ai dhe i kisha lënë dorë të lirë”- shkruan ai në një postim në FB.

Në një shkrim me titull “Kush po i sjell përgjimet?”, ne “Opinion.al”, gazetari Blendi Fevziu paralajmëron se ditët në vijim pas situatës ku është futur politika shqiptare vështirë se do të jenë të qeta. Ai thotë se po qarkullon një foto e një ministri tjetër të qeverisë me Habilajt.

 

 

Nga Blendi Fevziu –

Kanë mjaftuar disa materiale të publikuara në dhjetë ditët e fundit për të hapur një kuti të zezë të politikës shqiptare dhe padyshim vesin më negativ dhe më problematik të saj, lidhjet me krimin.

Kanë qenë fillimisht krerët e partive opozitare, Basha dhe Kryemadhi që kanë afishuar në emisionin Opinion fotot e disa politikanëve të rëndësishëm të PS të shoqëruar me persona në kërkim nga autoritetet italiane. Fotot, një pjesë e të cilave në zyrat elektorale të PS, u pasuan të nesërmen nga një tjetër foto, ku po i njëjti person që shfaqej në mbedhjet e PS kishte pozuar edhe në çadrën e protestës së PD!

Vetëm 4 ditë pas fotove, PD publikoi një dosje hetimore italiane ku gjendeshin mbi 400 faqe përgjimeve të Habiljave të Vlorës, të cilët, përfshinin edhe ish Ministrin e Brendshëm Saimir Tahiri. Prokuroria kërkoi arrestimin e Tahirit, në një gjest, që është padyshim më i forti i 25 viteve të fundit. Deputetët u ndanë në Komisionin e mandateve, por historia nuk mbyllet këtu. Nuk mbyllet as të mërkurën kur të votohet për fatin e Tahirit. Nisur edhe nga informacionet që po qarkullojnë e që po paralajmërohen prej kohësh, pyetja bazë është: a janë këto materialet të vetme dhe sporadike apo pjesë e një fushate për pastimin e politikës dhe prerjet e lidhjeve të saj me krimin? A është kjo një betejë e disa partive opozitare që po demostrojnë pak materiale kompromentuese që kanë apo më tej? Një fushatë e ngjashme me atë të Zajevit në Maqedoni që publikoi disa mijëra përgjime dhe tronditi thellë vendin? A është një betejë vetëm e Prokurorisë, që ka vendosur të veprojë më në fund apo diçka më e madhe? Pyetja padyshim që meriton një analizë më të thellë. Dhe nis thuajse një vit e gjysëm më parë.

Në momentin që kanabisi ishte në kulmin e kultivimit të tij dhe kur ambasadorët e huaj thuajse nuk flisnin për të, në Tiranë u shfaqën disa zyrtarë ose oficerë të organeve ligjzbatuese të vendeve të ndryshme të BE që nisën të marrin informacione nga gazetarë dhe njerëz të specializuar pikërisht këtë problem. Nga vjeshta e vitit të kaluar, në Tiranë u shfaqën ekipe të mediave kryesore europiane si M6, BBC, DË etj, të cilët nisën ta etiketojnë Shqipërinë, në ekrant e tyre, si eksportuesin më të madh të kanabisit në Europë. Për këtë deklarim ata referonin burimet e shërbimeve të tyre sekrete.

Në fillim të vitit, në mediat tona nisën të shpërndahen informacione që ishin furnizuar nga shërbimet dhe zyrat ligjzbatuese perëndimore. Ato flisnin për fuqizimin e krimit të organizuar në Shqipëri dhe për rrezikun, ende të pakonfirmuar, se ai mund të përdorej nga terrorizmi.

Disa muaj më parë, po këto burime, në kontrast me qetësinë diplomatike, nisën të flasin për një rrezik direkt që i qaset Shqipërisë dhe të paralajmërojnë publikimin e dokumentave që kompromentojnë njerëzit e fuqishëm politik në Shqipëri. Cili ishte shqetësimi që ata kanë shprehur në takime me shumë njerëz influentë në media dhe jo vetëm?

Shqetësimi i parë dhe kryesor ka qenë fakti që kulivimi thuajse legal i Kanabisit po fuqizonte tej mase bandat dhe krimin e organizuar në vend. Ky fuqizim mund të paralizonte policinë, gjyqësorin, prokuroinë dhe padyshim mund të blinte lehtësisht politikën. Ose mund ta bënte krimin pjesë të politikës siç kishte ndodhur në disa raste në 2013. Pra krimi po bëhej aq i fuqishëm sa çrrënjosja e tij do ishte shumë e vështirë.

Shqetësimi i dytë ishte lidhja e politikës me krimin. Po sipas këtyre burimeve qyteti i dytë dhe i tretë më i madh i Shqipërisë janë thuajse krejt nën kontrollin e bandave që i përdorin institucionet si ndërmarrje private. Dokumentat që qarkullojnë dëshmojnë me foto dhe me tekst ndikimin që bandat kriminale të këtyre qyteteve kanë mbi pushtetin lokal.

Shqetësimi i tretë ishte “legalizimi” i krimit dhe sfida thuajse publike që ky po i bën qytetarëve normalë të këtij vendi. Përfaqësues të përfitimeve të paligjshme dhe kriminale janë fotografuar për javë të tëra në rrugët e qyteteve kryesore, në restorante dhe në klubet e natës. Shpesh herë në shoqërinë e njerëzve me pushtet në këtë vend. Ajo që bie në sy është moskokëçarja e këtyre keqbërësve të vegjël, që ndihen krejt të pashqetësuar. Siç thoshte një oficer perëndimor, po këta keqbërës që në Belgjikë dhe Hollandë lëvizin me transport publik për të mos rënë në sy, këtu parakalojnë më makina 200 mijë euroshe pa asnjë shqetësim. Dhe sfilojnë përpara policisë që është e paaftë t’i ndalojë ose në shumë raste trembet nga lidhjet e forta politike të tyre. Pra këta banditë ordinerë, ndihen pak a shumë zotër të vendit.

Shqetësimi i katërt ishte investimi i parave të krimit në Shqipëri dhe përfitimi i më shumë të ardhurave që më pas investohen po në aktivitete kriminale.

Javën e dytë të shtatorit, videoja e përplasjes së policisë në Elbasan ka qenë shokuese jo vetëm për opinionin në Shqipëri, por edhe për partnerët tanë. Ajo ka qarkulluar në zyra të rëndësishme në Bruksel, duke bindur tashmë edhe politikën për alarmin që shërbimet e specializuara e kishin lëshuar edhe më parë: krimi po sfidon hapur në Shqipëri dhe shteti është ia paaftë të reagojë. Nuk është çudi që fushata e fundit të ketë nisur edhe nga ky shqetësim.

Nisur së paku nga këto të dhëna, por edhe të tjera që me siguri njerëzit e medias nuk i dinë, situata vështirë që të jetë e qetë në ditët në vijim. Në redaksi portalesh kanë qarkulluar fotot të një tjetër ministri të qeverisë në shoqërinë e një njeriu të Habilajve gjatë fushatës në Vlorë. Edhe pse në një drekë disi të gjerë. Qarkullojnë përgjime të një kryetari bashkie të rëndësishëm me eksponentë të njohur të botës së krimit, një dosje që implikon të afërmin e një Ministri, raporti i një shërbimi perëndimor për klanet dhe familjet mafioze në Shqipëri si dhe një dosje e rëndësishme korrupsioni që me gjasë do të vihet në lëvizje edhe nga organet e hetimit shumë shpejt!

Bashkë me këto do të shtohet presioni edhe diplomatik për luftë reale kundër krimit dhe për pastrimin e politikës prej tij. Siç thonë njerëz që janë marrë me krimin për shumë vite në Europë: krim të organizuar ka kudo, por krim që të sfidojë shtetin publikisht, ndodh shumë rrallë të gjesh.

Duke deklaruar votën e tij dhe grupit të PS-së kundër arrestimit të Saimir Tahirit, si një kerkëse që duhet refuzuar dhe e papranueshme, pas letrës së bakallit që e cilësoi ai formulimin e akuzës, kryeministri Rama tha se pret të bëhet drejtësi dhe pret deri në fund që Tahiri të provohet se është i pafajshëm.

Duke iu bashkuar raportit të shumicës te Keshilli i Mandateve, Rama theksoi se grupi i PS-së është dakord dhe do të votojë që deputetit Tahiri t’i kontrollohet banesa dhe ti ndalohet lëvizja jashtë Shqipërisë.

“Pranojmë dhënien e autorizimit për mos daljen jashtë shtetit, detyrimin për t’u paraqitur, garancinë pasurore, kontrollin personal dhe të banesës së Tahirit. Në asnjë rast për asnjë deputet tjetër, nuk do ta kisha kuptuar pranimin e këtyre kërkesave që mbeten ekstrem. Kjo është një cudi e re shqiptare, pasi pyetja a është i pafajshëm Tahiri nuk mund të rrijë pezull”- tha Rama.

Pas nje fjale te gjate kryeministri Edi Rama, duke leshuar akuza te forta ndaj prokuroreve dhe duke theksuar se kerkon te dije nga drejtesia a eshte i pafajshem Tahiri, e ka quajtur kerkesen per arrestimin e tij te papranueshme.

Ku u gjet ky zell i madh i një Prokurorie që s’ka lëvizur as fijen e flokut ndaj krimit, me një bilanc memec, me ca akuza të pabaza.

Vazhdon avazi, policia kap natën dhe kriminelët vijnë në mëngjes duke dredhur zinxhirin në dyert e gjykatave.

Prokurorët ta mbledhin veten, të fokusohen te çështja dhe të bëjnë punën e tyre, dhe jo të gjykojnë me këtë mungesë të tmerrshme provash. Ne do t’i japim një mbështetje serioze hetimit. Refuzojmë kërkesën për arrest”.

Rama deklaron voten 

Prandaj jam i detyruar që të flas qartë, a është i pafajshëm Tahiri? Të gjithë presin që t’i bashkohem qëndrimit të Tahirit kundër një gjyqi farsë, që i ngjan një farse të inskenuar nga inatçorë. Por jo, edhe më parë i bëhej i njëjti gjyq nga prokurorët dhe gjykatat. Gjyq politik, kopje surrogato. A është i pafajshëm Tahiri? Mund ta rrëfej pa asnjë ndrojë. Përgjigjen e Saimirit edhe në publik edhe përballë. Është fiks sikur e keni dëgjuar ju. Asnjë fjalë më shumë. “Me makinën kam gabuar, por pa asnjë qëllim dhe dashje duke mos më shkuar mendja për pasojat. Asgjë nga ato të tjerat nuk është e vërtetë, zero” fjalët që kam dëgjuar unë. Por mua nuk më mjafton përgjigja e Saimir Tahirit,e kam të pamundur të mjaftohem. Pasi akuzat janë gabuar me duart e një organi ligjzbatues, prokuroria e krimeve të rënda. Do ishte zhgënjimi më i rëndë nëse do të zbuloja nëse Tahiri nuk është ai që unë njoh, që e kam besuar dhe mbrojtur, por një vemje që turpëron fjalën njeri. Kushdo të mendojë ç’të dojë ‘Jo lëshoi Saimirin’ Jo kështu e të tjera, nuk më intereson. Për mua sot dhe deri kur të dalë e vërteta a është i pafajshëm Tahiri? Kësaj pyetje nuk i kam ikur dhe nuk i iki.

Kësaj pyetje nuk i iki. Boll e kam bërë avokatin e Saimir Tahirit. E kam bërë pa ma kërkuar ai, me mish e me shpirt pa shkëmbyer kurrë asnjë favor tjetër përvec miqësisë ideve dhe me Tahirin. A jam pishman? Jo!. Pasi gjithçka bëmë në një punë dreqi, nuk kanë munguar gabimet, por nuk kemi gabuar me qëllim. Uroj të mos e kem pishmanin e jetës time gjithçka i kam dhënë dhe kam marrë nga Tahiri që kur hyri në PS. Detyra si avokat me Tahirin ka përfunduar ditën që Tahiri zgjodhi një avokat për t’u mbrojtur.

Kjo parti nuk ka për t’u bërë mburoja e askujt përballë drejtësisë, por në emër të drejtësisë nuk do të lëmë të poshtërohen deputetë. Me alibinë që po luftohet krimi, me synimin për të bërë një rrugë dhe dy punë ky vend nuk ngjiten kurrë më lart por rikthehen në rrugët e tatëpjetave. Arbitrariteti është i patolerueshëm. Drejtësi po, deri në fund. Ta harrojnë arbitraritetin. Ku bën vaki në cilin shtet, që t’i kurohet të akuzuarit që të provohet se nuk është fajtor.

Ai që akuzon duhet të vërtetojë cdo akuzë që ngre. Akuzuesi nuk jep asnjë provë. Kjo barbari a nuk u ngjan me atë që ndodhi në fillim të viteve ’90 që drejtësia çoi pas hekurave kryetarin e partisë tonë. Me ca letra magazine nga Italia, por me demek për të bërë drejtësi. Kush e inskenoi pas 25 vitesh atë stafetë barbarie, mes politikës së baltos dhe drejtësisë së burgos. Shqiptarët presin zbatimin e Vettingut, që e udhëhoqëm ne. Kur Shqipëria pret të celë negociatat të arrestohet një deputet pa e marrë në pyetje dhe pa prova të faktuara. Ku u gjet ky zell i një prokurorie të rënda që nuk ka lëvizur gishtin që kur është ngritur.

Kështu i luftojnë kriminelët këta? Policia kap dhe lidh pranga, kriminelët dil në mëngjes duke dridhur zinxhirët, por ne cfarë jemi ne ligjvënësit shqiptarë, apo na dinë ekspertë kontabël, që firmosin bilance, apo inspektorë pune si ata të Gërdecit.

Apo ne na erdhi në shtet Saje Qorri dhe një rrugë e dy punë, rrëzojmë qeverinë dhe bëjmë çorap drejtësinë? Kemi prova, por janë sekret, por mirë u mbyll dera. Po cfarë doli? Asgjë. Nuk besoj që ata njerëz me shkollë me një farë eksperiencë që ato 4 fletë bakalli justifikojnë faturën e arrestit të një deputeti. Kaq për atë shfaqje dramatike dhe komike. Uroj që prokurorët ta mbledhin veten të mbyllin komunikimin me nxitësit e kësaj cështje.

Refuzojmë kërkesën për arrest unanimisht, pranojmë dhënien e autorizimit për mos daljen jashtë shtetit, detyrimin për t’u paraqitur, garancinë pasurore, kontrollin personal dhe të banesës së Tahirit. Në asnjë rast për asnjë deputet tjetër, nuk do ta kisha kuptuar pranimin e këtyre kërkesave që mbeten ekstrem. Kjo është një cudi e re shqiptare, pasi pyetja a është i pafajshëm Tahiri nuk mund të rrijë pezull.

***

“Boll e kam bërë avokatin për të, më vjen shumë mirë që ai e ka thënë që nuk ka nevojë të bëjë askush avokatin e tij”- ka thënë kryeministri Rama gjatë fjalës së tij në mbledhjen e tij në grupin e PS.

Kjo parti nuk ka për tu bërë asnjëherë mburoja përballë drejtësisë, por edhe nuk do lëmë asgjë për të bërë që të poshtërohen deputetet.

Puna jonë dhe e deputetëve mbaroi që në kohën që deputeti Saimit Tahiri pajhtoi një avokat.

Drejtesi po deri ne fund dhe ta mesoje cilido, arbitraritet kurre dhe ta harroje. Ne cilin shtet te se drejtes i kerkohet te akuzuarit se eshte fajtor, per te vene kujen, e ka ai qe akuzon barren te faktoje me prova cdo akuze qe ngre.

Katundi yne ku akuzat kercasin perdite, i akuzuari nuk ka cfare provon kur akuzuesi nuk jep asnje prove per akuzat qe ngre.

Kryetari i kësaj partie, i vetmi politikan i dënuar me burg në këtë vend me të njëjtën lehtësi vrastare, me ca letra magazinash nga Italia pa lidhje direkte me të por demek me luftën e së resë për të bërë drejtësi, kush e inskenoi me ngutin më të madh rikthimin sot pas 25 vjetësh të asaj stafete barbarie të politikës që baltos, ta harrojë se e kthen mbrapsh në ato zgafella Shqipërinë e sotme.