Voal.ch po sjell intervistën e ish-drejtorit të Parkut Kombëtar të Butrintit, Auron Tare i cili gjatë intervistës tha se forma e menaxhimit që ka pasur më parë është e duhura. Sipas Tares parku nuk ka nevojë për investime të mëdha, pasi vet parku nxjerr rreth 2 mln euro në vit. Më tej, Tare u shpreh se integriteti shkencor i qendrës është prekur, e se aktualisht ka ndërtime me ose pa leje. Ju ftojmë ta ndiqni intervistën:
Sopranoja me famë botërore Inva Mula reagon në rrjetin social me rastin e largimit nga jeta e gjeniut të skenës “Nderi i Kombit” Artisti Mirush Kabashi:
“Takimi yne i fundit ishte ne skene mbas Karnavaleve.
Nje perqafim plot emocion dhe i paharruar per te mbetur dhe i pashlyer ne perjetesi.
Fjalet varferohen per te perkufizuar mirenjohjen
se njeriu dhe artisti Mirush Kabashi i kalon kufijte e njerezores
dhe kthehet ne legjende te nje kohe pa kohe ku vetem Yjet e kane prane.”
Lamtumire MIK!”
Kreu i grupit parlamentar të PD, Gazment Bardhi tha në një komunikim për mediat pas mbylljes së seancës të së hënës se aksioni i opozitës do vijojë.
Bardhi u shpreh se opozita nuk ka ndërmend të tërhiqet nga zbatimi i Kushtetutës për të drejtat kushtetuese të opozitës për të ngritur komisione hetimore.
“Opozitës po i mohohet e drejta për të pasur përfaqësues të saj në Komisionin e Reformës Zgjedhore dhe shqiptarëve s’do iu jepet mundësi që në zgjedhjet e ardhshme shqiptarët të kenë zgjedhje të ndershme.
Opozitës i mohohet e drejta për të kontrolluar qeverinë. Kjo e drejtë na mohohet prej dy muajsh.
Ajo që patë sot ishte vijim i aksionit tonë për të mos lejuar dhe deputetët e PS që të punojnë në mënyrë normale. Sot në Kuvend jemi përballur me rrethimin nga forcat e sigurisë, u rrethuam me forca sigurie. Kjo godinë dhe kjo sallë ka humbur misionin e vetë dhe të përfaqësimit të qytetarëve, por është pushtuar nga forcat e sigurisë. Ne do të vazhdojmë që qëndrojmë në këtë aksion.
Nuk kemi ndërmend të tërhiqemi, pasi do të thotë që të pranojmë rënien e shtetit të shtetit të së drejtës. Apeli im për mazhorancës është që në vend të forcës, të fusë në punë arsyen dhe logjikën”, tha Bardhi.
Në vitin 2022, numri i vizitave në shërbimin parësor si pika e parë e kontaktit me shërbimin shëndetësor nga popullata, ka pësuar një rritje me 1,0 %, krahasuar me një vit më parë. Por INSTAT raportoi se numri i infermierëve në këtë shërbim ka një rënie me 0,7 %, ndërkohë edhe numri i mjekëve krahasuar me një vit më parë ka një tkurrje me 1,9 %.
INSTAT raportoi se në shërbimin parësor vitin e kaluar ishin vetëm 1777 mjekë, ose 35 më pak se me 2021, ndërsa numri i infermierëve ra në 6792 ose 50 më pak se vitit 2021.
Forca e punës në mjekësi sidomos me shërbimin parësor po tkurret prej emigracionit drejt vendeve perëndimore kryesisht Gjermanisë.
Një studim i thelluar i ekspertëve ilir Gëdeshi (Qendra e Studimeve Ekonomike dhe Sociale), Russell King (Departamenti i Gjeografisë, Universiteti i Sussex) dhe Amarildo Çeka (Shkolla e Popullsisë dhe Shëndetit Publik, British Columbia) tregoi se në vitin 2020, brenda vendit numëroheshin gjithsej 4745 doktorë, ndërsa jashtë vendit ishin 1028 të tillë.
Siç shihet, mjekët që janë të punësuar jashtë vendit janë sa 22% e atyre brenda vendit. Dega e mjekësisë në vend është më e shtrenjta për nga kostot dhe koha që duhet për shkollim. Për formimin e një mjeku specialist duhen 6 vite studime të përgjithshme dhe specializimet që zgjasin deri në katër vite.
Anketat e viteve të fundit tregojnë një dëshirë të madhe për të emigruar te moshat e reja, por fenomeni është i lartë në fushat e shëndetit, me qëllim largimin.
Të dhënat e fundit zyrtare tregojnë se numri i studentëve në arsimin e lartë ka pësuar rënie me rreth 13% nga 2019 – 2023, por në degët ku mund të gjesh punë në emigracion ka rritje.
Këtë vit akademik, në fushat e studimit që lidhen me shëndetësinë janë 22,834 studentë, të cilët përbëjnë 18% të gjithë totalit të studentëve. Numri i studentëve me drejtim degët e shëndetit është më i lartë se nevojat e tregut të brendshëm, por ky trend lajmëron tendencat e emigracionit të profesionistëve në të ardhmen.
Burimet nga Fakulteti i infermierisë tregojnë se shumica e studentëve, që në vit të parë regjistrohen në mësimin e gjuhës gjermane, me qëllim që kur të kenë mbaruar studimet të kenë aftësitë gjuhësore për t’u punësuar në tregun gjerman.
Rritja e mprehtë e emigrimit të mjekëve ishte pas vitit 2016 dhe lidhet kryesisht me rritjen e papritur të fluksit të mjekëve drejt Gjermanisë.
Kjo rrjedhë u lehtësua nga “Rregullorja e Ballkanit Perëndimor”, e prezantuar nga qeveria gjermane në fund të vitit 2015, e krijuar për të tërhequr mjekë nga vendet e Ballkanit, njohja e diplomave të tyre dhe ofrimi i aksesit të lehtë në vendet e lira të punës dhe lejet e punës./B.Hoxha/MONITOR
Liman Lleshi, delegat i degës të PD në Bulqizë, ka marrë pjesë në mbledhjen e Kuvendit Kombetar të thirrur nga ish-kryeministri Sali Berisha.
Gjatë fjalës së tij, ai bëri një thirrje të pazakontë, ku tha ‘Berishë shtrëngohu se regjimet nuk rrëzohen me tribuna’.
“Ju bëj thirrje demokratëve që ka ardhur koha jo vetëm e tubimve, por momenbti kur një kryetar i partisë nuk njeh ligje. Nuk ka fjalime, duhet të bashkohemi për të rrëzuar këtë diktatorë të dytë.
Thirrja ime për demokratët është: Berishë shtrëngohu se regjimet nuk rrëzohen me tribuna. Trimat vdesin, frikacakët poshtërohen. Ne jemi trima!’, u shpreh ai.bw
Vrasja tronditëse e Liridona Murselit, e cila u ekzekutua me porosi të bashkëshortit të saj, ka ngjallur regime të shumta.
Një marshim- protestë do të zhvillohet në Tiranë lidhur me këtë ngjarje.
Mashimi do të nisë të dielën në orën 11:30 nga Ministria e Brendshme drejt Ambasadës së Kosovës në Tiranë.
30 mijë euro ishte shuma që Naim Murseli kishte premtuar për vrasjen e saj.
Granit Plava, i cili është arrestuar si ekzekutuesi i krimit, ka deklaruar se ka marrë nga porositësi 15 mijë euro, ndërsa i është premtuar se do marrë edhe 15 mijë euro të tjera.
Për këtë krim është arrestuar edhe një anëtar i FSK-së, i cili është gjithashtu nip i Naim Murselit, Kushtrim Kokalla.
Për shkak të reshjeve të dendura të dëborës, aksi rrugor bypass-Qafë Murriz, pjesë e rrugës së Kombit, aktualisht është bërë i pa kalueshëm. Policia e Shtetit tha se firma e mirëmbajtjes po punon për pastrimin e plotë të borës nga rruga dhe deri në përfundim të punës së tyre, qarkullimi i mjeteve do të bëhet nga aksi i vjetër rrugor Klos-Burrel-Ulëz. Akset rrugore Peshkopi-Bulqizë, Bulqizë-Klos; Peshkopi-Kukës, janë të kalueshme vetëm me zinxhirë.
Policia Rrugore apelon për drejtuesit e mjeteve që të mos qarkullojnë pa goma dimërore dhe zinxhirë, të tregojnë kujdes të shtuar në drejtimin e mjetit, të shmangin lëvizjet e panevojshme, të moderojnë shpejtësinë dhe të mos bëjnë manovra të rrezikshme në rrugë. Në rast nevoje për ndihmë, telefononi në numrin 112.bw
I jepet sot lamtumira e fundit, mjeshtrit të madh të humorit, aktorit shkodran Zef Deda, i cili u ndal dje nga jeta pas një sëmundje të rëndë.
Deda ndërroi jetë në moshën 73-vjeçare, ndërsa dha frymë në qytetin e tij të lindjes dhe atje ku zhvilloi karrierën artistike.
Pas ndarjes së tij nga jeta, i biri, aktori Julian Deda njoftoi se homazhet për mjeshtrin e humorit do të mbahen ditën e sotme në hollin e Teatrit “Migjeni”, që ishte edhe “shtëpia e dytë” për artistin e ndjerë.
Pas homazheve, në orën 13:00, kortezhi do niset për në meshë dhe më pas do të përcillet për në banesën e fundit. “Me dhimbje te thelle, ju njoftoj për ndarjen nga jeta te babait tim, Zef Deda.
KUSH ISHTE ZEF DEDA
Zef Deda ishte një nga komedianët më të mirë të Shqipërisë, i cilësuar edhe si Charlie Chaplin i Shqipërisë. Lindi në Shkodër më 27 korrik 1950, ndërsa u shkollua në qytetin e tij të lindjes, dhe në Politeknikumin e Ndërtimit në Tiranë. Deda filloi shkollën e lartë për Gjuhë-Letërsi, por nuk e mbaroi dot për arsye shëndetësore. Aktori ka punuar për më shumë se 40-vite në Teatrin Migjeni të Shkodrës. Talenti i tij spikat që në moshë të vogël, pasi me një shkathtësi dhe me një plastikë të shkëlqyer psiko-fizike ai arrinte të realizonte qindra figura artistike.
Pas një shkëputje prej 6 vitesh, për shkak te emigrimit jashtë atdheut, ai kthehet në vitin 1996 në Shqipëri për të ushtruar profesionin e aktorit. Zef Deda gjithashtu ka interpretuar edhe shumë komedi si: “Vëllai nga babai”, “Kollovari”, “Big Brother Shkodra 1”, “Big Brother Shkodra 2”, etj.bw
Kukësi është përfshirë nga reshjet e dendura të borës, ndërkohë që janë shfaqur vështirësi në qarkullimin e automjeteve.
Raportohet se rruga Kukës-Peshkopi është bllokuar, pasi trashësia e dëborës arrin deri në 6 cm.
Sakaq, reshjet e dendura të borës kanë krijuar shtresa akulli në rrugë, ndërsa lëvizja e automjeteve bëhet me zinxhirë dhe goma dimërore.bw
Shkup, 24 nëntor 2023 – Në Institutin e Trashëgimisë Shpirtërore dhe Kulturore të Shqiptarëve në Shkup, para dy ditësh kanë mbërritur disa dokumente të rëndësishme.
Bëhet fjalë për disa certifikata të gjendjes civile të vitit 1930, të lëshuara nga prefektura e Kamzës, të sjella nga Rozi Dako, stërmbesa e Sevastisë dhe e Kristo Dakos, ku dëshmohet përkatësia ortodokse shqiptare e kësaj familje, konkretisht e Sevastisë, Parashqevisë, Kristo e Robert Dako.
Pasi ia dorëzoi Skender Asanit, drejtorit të ITSHKSH këto dokumente, Rozi Dako deklaroi se më në fund po hiqen të gjitha dilemat dhe keqkuptimet rreth përkatësisë fetare të familjes së saj.
“Kjo është edhe një përgjigje ndaj të gjithë atyre që padrejtësisht tentuan ta deformojnë dhe përvetësojnë përkatësinë fetare të familjes sime.
Fatkeqësisht kisha greke dhe ajo bullgare si dhe qarqet e ndryshme politke e ideologjike të këtyre shteteve, në të kaluarën ishin munduar që ta zbehnin elementin ortodoks shqiptar, duke i imputuar artificalisht përkatësi të tjera kishtare e fetare. Ne nuk i takojmë as Kishës greke as Ekzarkisë bullgare, as Kishës Ungjillore, por i takojmë vetëm ortodoksisë shqiptare”, deklaroi Rozi Dako.
Këto dokumente e vulosin një të vërtetë që qëllimisht ka dashur të pluhuroset nga ambiciet asimiluese të disa qarqeve të caktuara, të cilat duke e përdorur autoritetin e familjes Qiriazi kanë dashur t’i realizojnë qëllimet e tyre.
Ortodoksia shqiptare e familjes Qiriazi derivon nga aspiratat iluministe të Rilindjes Kombëtare, e cila luftoi për një autoqefali të plotë, duke dëshmuar në këtë mënyrë se shqiptarët përkatësinë e tyre fetare ortodokse e kanë të lidhur ngushtë me çështjen kombëtare.
Në një konferencë për shtyp të datës 21 nëntor, kryetari i Konferencës Ipeshkvnore të Shqipërisë, imzot Angelo Massafra, paraqiti kërkesën e Kishës Katolike drejtuar autoriteteve dhe institucioneve që të dënohet ligjërisht apologjia e komunizmit. Ipeshkvijtë përvijojnë edhe udhë për t’i njohur të rinjtë me krimet e diktaturës dhe për të trajtuar si duhet të mbijetuarit
R.SH. – Vatikan
“Mos harroni, që të mos përsëritet më”: kjo pati qënë thirrja e Papës shenjt Gjon Pali II, gjatë vizitës së tij të paharruar në Shqipëri, në vitin 1993. Atëherë, ata që sapo kishin kaluar nëpër tmerret e komunizmit ishin gjallë e kujtesa e fuqishme. Pas 30 vitesh, dëshmitarët e asaj periudhe shuhen ngadalë, ndërsa brezi i ri, përveç dëshmisë së prindërve, ka pak mjete në dispozicion për të “mos harruar”. Duke u nisur nga kjo premisë, Konferenca Ipeshkvnore e Shqipërisë e ndien për detyrë t’u drejtohet institucioneve të Shqipërisë me kërkesën e qartë për të ndaluar apologjinë e komunizmit.
Pas asamblesë së përgjithshme të saj, pikërisht dje, më 21 nëntor, kreu i ipeshkvijve shqiptarë, imzot Angelo Massafra, kryeipeshkëv metropolit i Shkodër-Pultit, mbajti një konferencë për shtyp, me të cilën u kërkoi qartë autoriteteve:
“Të miratohet një ligj, i cili të parashikojë krimin e apologjisë së komunizmit, njësoj si në vendet evropiane, që e kanë dënuar dhe parashikojnë sanksione të rënda për krimin e apologjisë së nazizmit dhe të fashizmit; librat e historisë të shkruajnë të vërtetën e komunizmit në Shqipëri; burgjet dhe vendet e torturës të konsiderohen dhe të ruhen si Muze, si p.sh. Burgu i Spaçit; të persekutuarit politikë dhe të mbijetuarit nga burgjet të kenë shpërblimin e përshtatshëm; aktet ligjore dhe nënligjore të përcaktojnë rregulla të qarta mbi dekoratat, titujt e nderit dhe medaljet, në mënyrë që të shmanget vlerësimi dhe lartimi i funksionarëve të organeve të diktaturës komuniste”.
Ja deklarata e plotë…
Letra publike – Kisha Katolike kërkon të vendoset me ligj dënimi i krimeve të komunizmit
Ish-drejtuesi i Policisë Fatjon Softa i ftuar në studion e News24 ka komentuar arrestimet e fundit të një grupi të trafikut të drogës, ku mes tyre bënte pjesë edhe ish-zyrtari i lartë i Policisë, Erzen Breçani.
Ai u shpreh se një grupi kriminal i nevojitet mbështetje nëse ky i fundit ushtron aktivitetin kriminal në gjithë territorin, ndërsa shtoi se shpesh struktura të Policisë janë akuzuar për favorizim të grupeve me qëllime të tilla.
Softa zbuloi më tej se të dhënat e zbuluara nga aplikacioni i komunikimit SKY tani pritet të sjellin rreth 50 arrestime të tjera, mes të cilëve do të ketë edhe persona në nivele të larta.
Sot po diskutojmë emra shumë të njohur në këtë grup të arrestuarish. Breçani ka qenë drejtues i lartë, si në forcat speciale edhe më tej në Policinë e Shtetit. Kemi pasur disa komunikime normale në distancë, por jo më shumë. Emri i tij ishte një surprizë për të gjithë.
Një person që do të ushtrojë një aktivitet që shtrihet në gjithë territorin, i nevojitet një mbështetje, që e favorizon atë në veprimtarinë kriminale. Struktura të policisë janë akuzuar për favorizim të grupeve kriminale. Këto të dhëna kanë ardhur nga aplikacioni SKY dhe tani priten deri në 50 veta që do të arrestohen, prej tyre edhe në nivele të larta.bw
Pagoi dhjetëra mijëra euro për t’i vrarë gruan, kush është Naim Murseli? Jeta e tij luksoze në Suedi dhe fotot e shumta me… AJO COPĒZ QIELLI DIMĒROR I POETES ANTONIA POZZI – Nga Eda & Visar Zhiti – Takimi me Edi Ramën- Vrasësi i Liridonës donte të bëhej investitor strategjik në Shqipëri LLUKA QAFOKU POET Nga LEKË TASI Arti në zi! Shuhet ‘Sokrati’, ndërron jetë në moshën 75-vjeçare aktori i njohur Mirush Kabashi “Mit’hat Frashëri synonte që Çamëria t’i mbetej Shqipërisë, kurse Ismail Qemali s’ka patur asnjë shpresë, por më pas Mit’hati e pranoi…”- Ngjarjet e panjohura të shpalljes së pavarësisë më 1912 Kurti: Kosova ende nuk e di cili është dëmi ekonomik i shkaktuar nga lufta Zyra e Puidgemont: Do të kërkojmë në Parlamentin e ri që Spanja ta njohë Kosovën Interpoli lëshon urdhër-arresti për Milan Radojçiçin Drejtësia e re me SPAK-un pararojë, pro qeverisë për shkatërrimin e opozitës- Nga Ndriçim Kulla Kjo është arsyeja kryesore pse burrat vrasin partneret e tyre- Nga Aurel Dasareti Gjermania mendon rikthimin e shërbimit të detyrueshëm ushtarak, ministri i Mbrojtjes e pranon: Heqja, ishte gabim
Komentet