Gjykata Supreme e Kosovës ka konfirmuar se gjykatat duhet të obligojnë veteranët e rrejshëm, t’i kthejnë përfitimet e paligjshme nga pensionet në buxhetin e Kosovës.
Një interpretim të tillë, Gjykata Supreme e Kosovës e ka dhënë në shtator të vitit 2020, në rastin e të dënuarit Albert Krasniqi i cili akuzohej nga Prokuroria e Pejës se kishte përfituar pension në emër të veteranit përmes dokumenteve të falsifikuara shumën prej 3,740 euro.
Për këtë akuzë, Krasniqi ishte gjykuar nga Gjykata Themelore në Pejë me 6 muaj burgim ku me pëlqimin e tij, ky dënim, i ishte zëvendësuar me 1200 euro gjobë.
Ndaj tij ishte shqiptuar dënimi plotësues që i njëjti të kompensonte dëmin ndaj Ministrisë së Punës dhe Mirëqenies Sociale (MPMS), në shumë prej 3.740 euro.
Ky vendim ishte vërtetuar edhe nga Gjykata e Apelit në prill të këtij viti, duke e refuzuar ankesën e mbrojtës të pandehurit si të pabazuara.
Mirëpo, me pretendimin se Gjykata e Pejës dhe Apelit kishte bërë shkelje procedurale dhe shkelje të ligjit material, i pandehuri Krasniqi përmes mbrojtësit të tij ka paraqitur kërkesë për mbrojtjen e Ligjshmërisë në Gjykatën Supreme.
Sipas mbrojtjes gjykatat e rregullta kanë bërë shkelje të ligjit penale kur ishte obliguar i dënuari për të kthyer shumën prej 3740 euro të marra në emër të pensioneve, pa patur kërkesë për kompensim nga e dëmtuara Ministria e Punës dhe Mirëqenies Sociale.
Mirëpo një pretendim të tillë të mbrojtjes, si të pabazuar e ka refuzuar Gjykata Supreme e Kosovës.
Sipas Supremes, gjykata e shkallës së parë ka vepruar drejtë kur ka shqiptuar dënimin plotësues “urdhëri për kompensimin e dëmit”, ndaj të dënuarit Krasniqi, pasi sipas Supremes shqiptimi i dënimit të tillë është obligativ për gjykatën në rastet kur konstaton se është shkaktuar dëm material si pasojë e veprës penale, edhe pa patur kërkesë nga pala e dëmtuar.
“Sipas vlerësimit të Gjykatës Supreme të Kosovës, gjykata e shkallës së parë drejt ka vepruar kur e ka shqiptuar edhe dënimin plotësues, urdhri për kompensimin e humbjes apo dëmit të paraparë me nenin 64 par.1 të KPK, sepse kur gjykata dënon personin i cili është shpallur fajtor për çfarëdo vepre penale që përfshin vjedhjen, humbjen, dëmtimin apo shkatërrimin e pasurisë, gjykata do të urdhërojë kryesin që të bëjë dëmshpërblimin e viktimës së veprës penale. Në rastin konkret pra gjykata nuk është e lidhur me kërkesën pronësoro-juridike nga ana e të dëmtuarës sepse shqiptimi i dënimit plotësues është obligative konform nenit 62 të KPK. Pra, gjykata këtë dënim plotësues e ka shqiptuar duke marrë parasysh se MPMS është palë e dëmtuar dhe se sipas nenit 62 dhe 64 të KPK, ka mundur të shqiptoj një dënim të tillë plotësues pa kërkesën pronësoro-juridike të paraqitur nga ana e të dëmtuarësa”, thuhet në arsyetimin e Gjykatës Supreme, raporton “Betimi për Drejtësi”.
Ndryshe, ky vendim gjyqësor konfirmon rekomandimet e IKD-së të cilat i kishte dhënë për sistemin e drejtësisë në trajtimin e rasteve të “veteranëve të rrejshëm”.
Instituti i Kosovës për Drejtësi (IKD), në shtator të vitit 2019, pas analizimit të rasteve gjyqësore dhe aktakuzave të Prokurorisë së shtetit që lidhshin me rastet e veteranëve ka publikuar raportin analitik me titullin” “Drejtësia “amniston” veteranët e rrejshëm, dëmton buxhetin e Republikës së Kosovës: Analizë e aktakuzave, proceseve gjyqësore dhe aktgjykimeve në rastet e “veteranëve të rrejshëm”.
IKD kishte gjetur se sistemi i drejtësisë kishte “amnistuar”, veteranët e rrejshëm pasi nuk kishin obliguar të pandehurit t’i kthejnë pensionet e kundërligjshme të marra në emër të kinse veteranit luftëtar.
Si rrjedhojë IKD ka rekomanduar që me qëllim të mbrojtjes së buxhetit në trajtimin e këtyre rasteve, Prokuroria e Shtetit të bëjë propozime për shqiptimin e dënimeve plotësuese për kompensimin e dëmit të shkaktuar me përfitimet e kundërligjshme të “veteranëve mashtrues” nga buxheti i Republikës së Kosovës dhe se gjykatat e Republikës së Kosovës, edhe në mungesë të një propozimi nga Prokurori i Shtetit, kanë kompetencë ligjore që sipas detyrës zyrtare të shqiptojnë dënime plotësuese.
Konferenca për ecurinë e çështjes ndaj Hashim Thaçit, Kadri Veselit, Jakup Krasniqit e Rexhep Selimit do të mbahet më 18 nëntor në ora 11:00 në Hagë. Kështu kanë njoftuar Dhomat e Specializuara.
Thaçi e të tjerët po akuzohen për krime lufte, vrasje e trajtim çnjerëzor, shkruan Gazeta Express.
Thaçit iu konfirmua aktakuza më 5 nëntor i cili po atë ditë u arrestua dhe u dërgua në objektin e Dhomave të Specializuara në Hagë.
Ish-shefi politik i UÇK-së, Hashim Thaçi, i ka hedhur poshtë të gjitha pikat e aktakuzës kundër tij, gjatë paraqitjes së tij të parë në Gjykatën Speciale.
Ish-presidenti Hashim Thaçi, bashkë me ish-kryetarin e PDK-së, Kadri Veselin dhe shefin e Grupit Parlamentar të LVV-së, Rexhep Selimin u nisën me një avion për në Dhomat e Specializuara në Hagë. Një ditë përpara, ish-kryeparlamentari Jakup Krasniqi ishte arrestuar dhe ishte dërguar për në paraburgimin e Dhomave të Specializuara.
Arrestimet erdhën pasi një gjyqtar i procedurës paraprake i Gjykatës Speciale, ka konfirmuar aktakuzat ndaj katër ish-krerëve të UÇK-së.
Ata akuzohen për krime lufte dhe krime kundër njerëzimit. Aktakuza i bën përgjegjës Thaçin, Veselin, Krasniqin e Selimin për një sërë krimesh që pretendohet se janë kryer në disa qendra ndalimi gjatë viteve 1998-1999. Prokuroria e Specializuar i akuzon krerët e UÇK-së se kanë qenë ose duhej të ishin në dijeni të këtyre krimeve.
Gjykata Kushtetuese do të mbajë seancë publike për ankesën e Lëvizjes Vetëvendosje lidhur me rastin e deputetit Etem Arifi që votoi në ditën e formimit të Qeverisë Hoti. Nga Kushtetuesja kanë bërë të ditur për Gazetën Express se kjo seancë është caktuar me datë 2 dhjetor dhe do të mbahet përmes një video konference. GJK-ja për këtë temë do t’i drejtohet edhe Komisionit të Venecias.
Qeveria Hoti mund të rrëzohet nëse Gjykata Kushtetuese e interpreton si ndesh me ligjin votën e deputetit Etem Arifi që edhe pas dënimit me burg kishte vazhduar të marrë pjesë në seanca.
Kjo çështje që është dërguar për interpretim gati gjashtë muaj më parë ende nuk ka marrë epilog, derisa, në Gjykatën Kushtetuese kanë bërë të ditur në një përgjigje për Gazetën Express se për këtë rast do të mbahet seancë publike.
Kjo seancë që do të zhvillohet përmes video konferencës do të mbahet me datë 2 dhjetor.
“Gjykata ka marrë vendim që të mbajë seancë dëgjimore publike përkitazi me këtë rast më 2 dhjetor 2020 dhe për këtë do të njoftohen së shpejti të gjitha palët e interesit të përfshira në këtë lëndë. Për shkak të rrethanave aktuale me pandeminë Covid-19, seanca dëgjimore do të organizohet nëpërmjet video-konferencës, në përputhje me rekomandimet dhe udhëzimet në fuqi të Institutit Kombëtar të Shëndetësisë Publike të Kosovës”, thonë nga Kushtetuesja, derisa, bëjnë të ditur se Gjykata për këtë çështje do t’i drejtohet edhe Komisionit të Venecias.
“Njëherësh, duke pas parasysh çështjet e ngritura në kërkesë, Gjykata po ashtu ka marrë vendim që t’i drejtohet edhe Forumit të Komisionit të Venecias, përkitazi me praktikat dhe rregullat e aplikueshme në situata të ngjashme, në shtetet anëtare të Komisionit”, thonë nga Kushtetuesja për Express.
Në Kushtetuese thonë tutje se që nga fillimi kanë pasur komunikim të vazhdueshëm me të gjitha institucionet dhe palët e përfshira në këtë rast.
“Bazuar në dispozitat kushtetuese dhe ligjore në fuqi, Gjykata ka afat 60 ditë për shqyrtimin e kësaj kërkese, që fillon pas dorëzimit të të gjitha dokumenteve të nevojshme për shqyrtim kushtetues të lëndës. Përkitazi me këtë çështje, Gjykata ka pasur komunikim të vazhdueshëm me institucionet dhe palët e përfshira në rast edhe gjatë muajit shtator, me qëllim të kompletimit të dosjes së lëndës”, thuhet në përgjigje.
Etem Arifi ishte njëri prej 61 deputetëve që votoi pro zgjedhjes së Qeverisë Hoti. Për partinë e Albin Kurtit, Vetëvendosjen, e cila ishte rrëzuar nga pushteti, vota e deputetit të Partisë së Ashkalinjëve është jovalide për faktin se ai është dënuar për korrupsion me vendim përfundimtar të Gjykatës.
Për këtë arsye nga LVV-ja ishin drejtuar për interpretim në Kushtetuese. Cilido vendim i këtij organi mund të sjellë një situatë të re politike në vend./GazetaExpress/
Me zgjedhjen e Joe Bidenit si President në SHBA mund të ndryshojë edhe qasja e Shtëpisë së Bardhë ndaj Ballkanit. Nëse kjo mund të influencojë edhe ndaj marrëveshjes së shtatorit në Uashington mes Prishtinës dhe Beogradit, prof. Daniel Serwer thekson, se “Marrëveshja qëndron, megjithëse nuk do të ketë ndonjë domethënie të madhe edhe nëse ajo zbatohet. Marrëveshja nuk e detyron SHBA për asgjë, dhe deri tani unë nuk kam dëgjuar asgjë lidhur me zbatimin e saj nga Prishtina dhe Beogradi.”
Me hapjen e proceseve ndaj ish-drejtuesve të UÇK-së, Hashim Thaçit dhe të tjerëve në Gjykatën Speciale në Hagë dhe impaktit që ato mund të kenë në Kosovë, Daniel Serwer thotë, se “ne duhet ta kuptojmë që procesi zhvillohet kundër përgjegjësisë individuale të personave, jo me përgjegjësi kolektive. Shqetësimi është se ai po zhvillohet vetëm në njërin drejtim, sepse Dhomave të Specializuara u mungon juridiksioni të merren me autorët serbë të krimeve dhe Serbia ka dështuar në vënien e tyre në bankën e të akuzuarve. Kjo është për të ardhur keq”./DW
Avokati nga Britania e Madhe, David Hooper ishte personazh i rëndësishëm dhe tejet interesant gjatë paraqitjes së parë në Gjykatën Speciale të klinetit të tij, ish-presidentit të Kosovës, Hashim Thaçi. Gazeta Express ju sjell profilin e mbrojtësit kryesor të Thaçit në Hagë.
Hooper nisi ta sfidojë Prokurorinë e Specializuar por edhe vetë Gjykatën Speciale qysh në paraqitjen e parë, duke adresuar në pjesën më të madhe të seancës kritika për shumë çështje.
Ai fillimisht tha se nuk ka qenë e mundur që “të themelohet një trupë mbrojtëse” e Thaçit për shkak të mos kryerjes si duhet të detyrave nga ana e gjykatës. Më vonë, Hooper shtroi pyetje për prokurorët e Speciales, duke kërkuar nga ta akuzat për trafikim organesh, që ishin themel i ngritjes së Gjykatës Speciale.
Ai u përplas edhe me gjykatësin Nicolas Guillou lidhur me simbolet e Kosovës, që mungojnë në këtë institucion të drejtësisë që funksionon nën juridiksionin e Kosovës. Replikat nisën kur avokati David Hooper e ngriti çështjen e mungesës së simboleve të Kosovës në Gjykatën Speciale.
Avokati tha se Thaçi nuk e meriton të qëndrojë në paraburgim, ndërsa shtoi se do ta kërkojë ligjërisht lirimin e tij me kusht, ndërsa rikujtoi se presidenti i zgjedhur i Shteteve të Bashkuara të Amerikës, Joe Biden, e kishte quajtur Thaçin “George Washington i Kosovës”.
Avokatit i ka penguar edhe transferimi në pranga i Thaçit nga paraburgimi deri në sallën e gjyqit, duke e cilësuar këtë si trajtim të padinjitetshëm.
Kush është David Hooper?
Avokati britanik David Hooper ka përvojë në shumë fusha, veçanërisht në të drejtën penale, ku ka qenë i përfshirë në një gamë të gjerë çështjesh të rëndësishme gjatë viteve, shkruan Gazeta Express.
Ai paraqitet si mbrojtës para gjykatave ndërkombëtare penale. Hooper edhe më herët shërbeu në Hagë si avokat. Ai mbrojti figura të rëndësishme që u përballën me procese të rënda gjyqësore, si gjeneralin Germain Katanga nga Republika e Kongos dhe zëvendëspresidentin e Kenisë, William Ruton.
Më parë, Hooper ishte avokat mbrojtës edhe në Tribunalin Penal Ndërkombëtar për Ruandën, Arushan e Tanzaninë. Po ashtu, ai ishte avokat edhe në Tribunalin Penal Ndërkombëtar të Hagës për krimet në ish-Jugosllavi.
Puna që e bën prej shumë vitesh, e ka bërë atë që të vlerësohet si avokat i dëshmuar në shumë prej çështjeve që i ka trajtuar.
David Hooper ishte edhe kryetar i Ekspertëve Ndërkombëtarë të së Drejtës Penale në Konferencën e Gjenocidit dhe të Krimeve të Luftës të Shoqatës Ndërkombëtare të Avokatëve për Gjykatësit Irakianë.
Ai diplomoi në Universitetin e Kentit në Canterbury. Po ashtu, Hooper studioi edhe në Kolegjin Jesus në Universitetin e Cambridgeit.
Hooper njihet për njohuritë dhe espertizën e tij të konsiderueshme në fushën e krimit ndërkombëtar, duke qenë akter kryesor i mbrojtjes juridike në një numër jo të vogël të çështjeve. Në odat e avokatëve, ai vlerësohet si avokat mbresëlënës me një stil simpatik dhe bindës, i cili pasqyrohet edhe në rezultatet fantastike që ai i ka arritur në karrierë.
Avokati britanik është pjesë dhe avokati më i shquar i grupit “25 Bedford Row” që merret me mbrojtje penale të klientëve.
Hooper e kishte përfaqësuar ish-ministrin e Planifikimit në Ruandë, Augustin Ngirabatware në një gjyq në lidhje me pretendimin e se kishte ndërhyrë në dëshmitarët e mbrojtur lidhur me dënimet e klientit për përfshirje në gjenocidin e Ruandës më 1994.
Rastet komplekse që Hooper i ka trajtuar përgjatë karrierës së tij përfshijnë edhe hetimin e çështjeve dhe menaxhimin e ekipeve mbrojtëse. Ai ishte avokat kryesor i mbrojtjes në Tribunalin Ndërkombëtar për Ruandën (ICTR) në rastin e Andre Rwamakuba, një ministër në Qeverinë e Ruandës më 1994, dhe më vonë avokat i At Nsengimana, një prift katolik i akuzuar për gjenocid. Të dy u shpallën të pafajshëm.
Pjesë e ekipit të avokatëve të Thacit është edhe amerikani Pierre-Richard Prosper, ish-prokuror dhe ish-zyrtar i Qeverisë Amerikane. Ai ka shërbyer si Ambasador Special për Çështje të Krimeve të Luftës nga administrata e ish-presidentit amerikan George W. Bush në periudhën 2001-2005. Në skipin mbrojtës të Thaçit bën pjesë edhe avokati i njohur kosovar, Dastid Pallaska. /GazetaExpress/
Kryetari i Lëvizjes Vetëvendosje, Albin Kurti është shëruar nga Covid-19. Ai është parë sot gjatë ditës në zyrat e Lëvizjes Vetëvendosje, duke u takuar me anëtarët e kësaj partie.
Më 28 tetor Kurti kishte njoftuar se ka dalë pozitiv në testin për Covid-19.
Në Kosovë është duke vazhduar trendi i rritjes se rasteve me koronavirus, në 24-orët e fundit janë konfirmuar 637 raste të reja me coronavirus, ndërsa numri i viktimave ka arritur në 768.
Ish kryetari i Partisë Demokratike të Kosovës, Kadri Veseli, tha të martën se është i pafajshëm për të gjitha akuzat e Prokurorisë së Posaçme e cila e ngarkon atë për krime lufte dhe krime kundër njerëzimit.
Zoti Veseli u paraqit në Gjykatën e Posaçme në Hagë, disa ditë pasi dha dorëheqje nga të gjitha funksionet politike për t’u përballur me akuzat e Prokurorisë për veprat përndjekje dhe burgosje, ndalim arbitrar, akte të tjera çnjerëzore, trajtim mizor, torturë, vrasje, vrasje e paligjshme dhe zhdukje me forcë të personave.
Sipas prokurorisë, “krimet janë kryer midis afërsisht prillit 1998 dhe gushtit 1999 në një numër vendndodhjesh në Kosovë dhe Shqipëri. Në Kosovë – Bare, Bajgorë, Llapashticë, Majanc, Potok dhe vende të tjera në komunën e Podujevës, në Drenoc dhe vende të tjera në komunën e Rahovecit, malet e Berishës në Llapushnik dhe vende të tjera në Drenas, Ferizaj dhe vende tjera në këtë komunë, Gjilan, Jabllanicë në Gjakovë, disa vende në Kaçanik, Kleçkë dhe vende të tjera në Lipjan, Likoc dhe vende tjera në Skenderaj, Malishevë dhe vende të tjera në këtë komunë, Shpella e Volljakës në Klinë, Novobërdë, Zllashë dhe vende të tjera në Prishtinë, Prizren dhe vende të tjera në këtë komunë, Suharekë dhe vende të tjera në këtë komunë, Viti si dhe Cahan e Kukës në Shqipërinë Veriore”.
Krimet, thuhet në akuzën e prokurorisë, “u kryen si pjesë e një sulmi gjerësisht të përhapur dhe sistematik kundrejt popullatës civile në Kosovë dhe Shqipëri midis marsit 1998 dhe shtatorit të vitit 1999. Në veçanti krimet kishin në shënjestër njerëz që kishin bashkëpunuar ose kishin lidhje me zyrtarë të institucioneve shtetërore të ish Jugosllavisë, ose nuk përkrahnin metodat e Ushtrisë Çlirimtare të Kosovës, duke përfshirë edhe personat që kishin lidhje me Lidhjen Demokratike të Kosovës dhe të përkatësisë etnike serbe, rome e të tjera”.
“I dëgjova dhe i kam lexuar të gjitha pikat e aktakuzës. Më lejoni të deklarohem me bindje të plotë se jam tërësisht i pafajshëm në lidhje me të gjitha pikat e aktakuzës”, tha Veseli.
Zoti Veseli, është një nga katër ish drejtuesit e lartë të Ushtrisë Çlirimtare të Kosovës, që u arrestuan javën që lamë pas nga prokuroria e Posaçme.
Me të njëjtat akuza prokuroria e ngarkon edhe ish presidentin e Kosovës, Hashim Thaci dhe ish zëdhënësin e Ushtrisë Çlirimtare të Kosovës, Jakup Krasniqi, të cilët u deklaruan të pafajshëm të hënën në paraqitjen e tyre para Gjykatës së Posaçme.
Ndërkaq, Rexhep Selimi, deputet i parlamentit të Kosovës nga radhët e lëvizjes Vetëvendosje do të paraqitet të mërkurën para gjykatës.
Gjykata e Posaçme u themelua në vitin 2015 dhe vepron në bazë të ligjeve të Kosovës, por me personel ndërkombëtar. Ideja për themelimin e saj pasoi pretendimet e ngritura në raportin e vitit 2011 të hartuar nga i dërguari i Këshillit të Evropës, Dick Martty, i cili ngriti dyshimet për përfshirjen e ish kryengritësve në vrasjen e civilëve serbë dhe kundërshtarëve politik shqiptarë.
Ngritja e gjykatës së posaçme si dhe ngritja e akuzave janë shoqëruar vazhdimisht me reagime dhe protesta ne Kosovë, ku pohohet se në këtë mënyrë po bëhet barazimi me mizoritë e kryera nga forcat serbe gjatë luftës së viteve 1998 – 1999, që mori fund me ndërhyrjen e NATO-s.
Ish-presidenti i Kosovës, Hashim Thaçi gjatë paraqitjes së parë në Hagë, u deklarua i pafajshëm për të gjitha pikat e aktakuzës për krime lufte dhe krime kundër njerëzimit, të ngritur nga Dhomat e Specializuara. Pala mbrojtëse tha se do të dorëzojë kërkesën për lirimin e përkohshëm të Thaçit.
Veprat që rëndojnë ndaj Thaçit kanë të bëjnë me krime lufte, ndalimit të paligjshëm ose arbitrar, trajtimit mizor, torturës dhe vrasjes së paligjshme dhe krimet kundër njerëzimit të burgosjes, akteve të tjera çnjerëzore, torturës, vrasjes së paligjshme, zhdukjes me forcë të personave dhe përndjekjes, të cilat sipas Dhomave të Specializuara, janë kryer midis marsit 1998 dhe shtatorit të vitit 1999.
Sipas aktakuzës, krimet dyshohet se janë kryer në disa lokacione të Kosovës, por edhe në Kukës dhe Cahan në Shqipërinë Veriore “dhe u kryen nga anëtarë të Ushtrisë Çlirimtare të Kosovës (UÇK) kundër qindra civilëve dhe personave që nuk merrnin pjesë aktive në luftime”.
“Deklarohem i pafajshëm për të gjitha pikat e akuzës”, tha Thaçi, kur u pyet nga gjykatësi i procedurës paraprake, nëse ndihet i pafajshëm apo fajtor rreth atakuzës për krime lufte dhe krime kundër njerëzimit.
Ai e cilësoi aktakuzën kundër tij si “të paqëndrueshme” dhe tha se është i pafajshëm “plotësisht”.
Mbrojtja: Ku janë akuzat për vjedhje organesh?
Avokati i Thaçit, David Hooper tha se aktakuza është tejet e redaktuar, dhe nuk është aq informuese dhe treguese për mbrojtjen.
Mbrojtja e Thaçit pyeti gjykatën se ku janë akuzat për vjedhje organesh dhe të ashtuquajturën Shtëpi të Verdhë, që sipas tij, janë “njollë mbi Kosovën dhe kosovarët”.
Avokati i Thaçit, David Hooper.
“Ku janë këto pretendime për vjedhjen e organeve njerëzore dhe historisë e Shtëpisë së Verdhë e cila ishte e rëndësishme për krijimin e kësaj gjykate”, tha Hooper, duke shtuar se asnjë nga këto pretendime nuk përmenden në aktakuzën e konfirmuar ndaj Thaçit.
Hooper ngriti edhe çështjen e vendosjes së prangave ndaj Thaçit, gjatë marrjes nga qendra e paraburgimit e deri në sjelljen në objektin e gjykatës.
Administratorja e Dhomave tё Specializuara Fidelma Donlon tha se parashihet që të akuzuarit të shoqërohen me pranga deri në futjen e sallës së gjyqit, pavarësisht se kush është personi që akuzohet.
Hooper madje kritikoi që Dhomat e Specializuara dhe Zyra e Prokurorit të Specializuar, që ndryshe njihen si Gjykata Speciale, që nuk kanë simbole të Kosovës, ndonëse janë krijuar nga Prishtina zyrtare.
“Këto pretendime Thaçi i dinte se ishin gjepura, ai ndihmoi Komisionin Evropian në krijimin e kësaj gjykate”, tha ai.
Hooper ka thënë se pala mbrojtëse do të bashkëpunojë me gjykatën, por ka argumentuar, se për shkak të kohës së shkurtër, që prej njoftimit për konfirmimin e aktakuzës e deri në paraqitjen e parë të klientit të tij para gjykatës, nuk kanë arritur që të formojnë një ekip mbrojtës.
Mbrojtja po ashtu ka kërkuar që Zyra e Prokurorit të Specializuar të argumentojë se pse Thaçi po mbahet në paraburgim dhe të paraqes fakte se pse ai po konsiderohet se mund t’i ikë drejtësisë.
Alan Tieger nga Zyra e Prokurorit të Specializuar tha se brenda javës do të japin informacione për mbrojtjen duke argumentuar se kanë vendosur që ta ndalojnë Thaçin që të ruajnë sigurinë e proceseve gjyqësore dhe të mbrojnë dëshmitarët si dhe për të parandaluar ndërhyrjen mbi drejtësi.
Sa i përket rrezikut për drejtësi, prokurori Tieger, i cili ka qenë prokurori kryesor në rastin ndaj Radovan Karaxhit në Gjykatën Ndërkombëtare për Krimet në ish-Jugosllavi, përmendi disa nga aktivitetet e fundit të Thaçit, të cilat ai tha se mund të shihen si rrezik për ndërhyrje.
Prokurori Alan Tieger.
“…përfshirë ngjarjet apo aktivitetet e fundit, si për shembull faktin që zoti Thaçi, ditën e fundit fare përpara se të fillonte procesi i arrestit, u informuam për faljen e dy personave të cilët ishin të dënuar për vrasjen e një bashkëpunëtori të pretenduar që nga viti 2001, që ishin dënuar më 2012 dhe pastaj ishin larguar në drejtim të paditur për një periudhë kohore”, tha Tieger.
Mediat në Kosovë kanë raportuar se Thaçi, në ditën e fundit si president i Kosovës, ka falur dy të dënuar në rastin gjyqësor të njohur në opinion si “Bllaca”.
Gjykatësi i procedurës paraprake, Nicolas Guillou i lexoi Thaçit të gjitha të drejtat dhe kërkoi nga palët që të deklarohen rreth një date për mbajtjen e konferencës statutore.
Pala mbrojtëse tha se sugjeron që konferenca statutore të mbahet më 30 nëntor.
Në Rregullorën e Procedurës dhe Provave të Dhomave të Specializuara të Kosovës, rregulla 96 thuhet se “Gjykatësi i procedurës paraprake thirr një konferencë mbi ecurinë e çështjes sa më shpejt që të jetë e mundshme, pas paraqitjes së parë të të akuzuarit”.
Më herët gjatë ditës së hënë, pranë këtyre dhomave, paraqitjen e parë e bëri edhe ish-kryetari i Kuvendit të Kosovës, Jakup Krasniqi, i cili u deklarua i pafajshëm dhe e quajti aktakuzën si “padrejtësi të madhe” ndaj tij.
Më 10 nëntor, pranë këtyre dhomave do të paraqitet edhe ish-kreu i Partisë Demokratike të Kosovës, Kadri Veseli, ndërsa, më 11 nëntor, deputeti i Kuvendit të Kosovës, Rexhep Selimi.
Thaçi, Krasniqi, Veseli dhe Selimi, të gjithë ish-eprorë të UÇK-së, janë arrestuar javën e kaluar në Prishtinë, pas konfirmimit të një aktakuze kundër tyre për krime lufte dhe krime kundër njerëzimit.
Menjëherë pas arrestimit, ata janë transferuar në qendrën e paraburgimit të Dhomave të Specializuara në Hagë.
Më 5 nëntor, Thaçi – i cili ka shërbyer si drejtor politik në Ushtrinë Çlirimtare të Kosovës –dha dorëheqje nga posti i presidentit, pas konfirmimit të aktakuzës.
Aktakuza
Aktakuza e përbashkët për krime lufte dhe krime kundër njerëzimit ndaj Thaçit, Veselit, Selimit dhe Krasniqit, prej 68 faqesh është konfirmuar më 26 tetor, por u bë publike më 5 nëntor.
Sipas aktakuzës, veprat që rëndojnë ndaj Thaçit, Veselit, Selimit dhe Krasniqit, kanë të bëjnë me krime lufte: ndalim të paligjshëm ose arbitrar, trajtim mizor, torturë dhe vrasje të paligjshme dhe me krime kundër njerëzimit.
Po ashtu përmenden edhe akte tjera çnjerëzore, si: torturë, vrasje të paligjshme, zhdukje me forcë e personave dhe përndjekje, të cilat, sipas Dhomave të Specializuara, janë kryer midis marsit 1998 dhe shtatorit të vitit 1999.
Aktakuza pretendon se këto krime janë kryer në disa lokacione në Kosovë, por edhe në disa pjesë në veri të Republikës së Shqipërisë, si në Kukës dhe Cahan.
Dhomat e Specializuara pretendojnë se për këto krime, Hashim Thaçi, Kadri Veseli, Rexhep Selimi dhe Jakup Krasniqi mbajnë përgjegjësi penale si individë në bazë të formave të ndryshme të përgjegjësisë penale për krimet e paraqitura në aktakuzë, “që u kryen në kontekstin e një konflikti të armatosur jondërkombëtar në Kosovë dhe në kuadrin e një sulmi gjerësisht të përhapur dhe sistematik kundër personave të dyshuar si kundërshtarë të UÇK-së”.
Në aktakuzë pretendohet se nga marsi i vitit 1998 deri në shtator të 1999, Hashim Thaçi, Kadri Veseli, Rexhep Selimi, Jakup Krasniqi dhe anëtar të tjerë të “ndërmarrjes së përbashkët kriminale kanë ndarë qëllimin e njëjtë për të marrë dhe ushtruar kontrollin në gjithë Kosovën me të gjitha mjetet, përfshirë edhe frikësimin, keqtrajtimin, ushtrimin e dhunës dhe eliminimin e atyre që i konsideronin kundërshtarë”.
Kundërshtarët, sipas aktakuzës, ishin njerëz që u perceptuan se kanë “bashkëpunuar me forcat e ish-Republikës Jugosllave, me zyrtarët apo institucionet shtetërore ose nuk mbështesnin qëllimet e UÇK-së, përfshirë personat e lidhur me LDK-në dhe persona të etnisë serbe, rome dhe etnive tjera”.
Sipas aktakuzës pretendohet se Thaçi, Veseli, Selimi dhe Krasniqi “kanë pasur synimin e njëjtë për kryerjen e të gjitha krimeve që janë në këtë aktakuzë, së bashku me anëtarë të tjerë të ndërmarrjes së përbashkët kriminale”.
Aktakuza pretendon se Hashim Thaçi, Kadri Veseli, Rexhep Selimi dhe Jakup Krasniqi, personalisht kanë marrë pjesë në “kërcënime, marrje në pyetje, keqtrajtimin dhe ndalimin e kundërshtarëve”.
Dhomat e Specializuara pretendojnë se në korrik të vitit 1998, pas një sulmi të UÇK-së në Rahovec dhe rrethinë, ishin marrë peng civilë serbë, sipas aktakuzës në këto operacione ishin të përfshirë, Thaçi, Veseli e Selimi. Sipas aktakuzës, disa të ndaluar më pas ishin dërguar në një ish-stacion policor në Malishevë, ku Krasniqi ishte identifikuar se ka qenë në vendin e ngjarjes dhe “në një rast ka vizituar një dhomë ku po mbaheshin të ndaluarit”.
Në një tjetër rast, që sipas aktakuzës pretendohet se ka ndodhur në fillim të shtatorit të vitit 1998 në Zonën Operative të Dukagjinit, ku, siç pretendon Gjykata, “Thaçi dhe Selimi ndërmorën hapa për të frikësuar dhe ushtruar dominim ndaj njësive që ishin të lidhura me LDK-në, përfshirë edhe Forcat e Armatosura të Republikës së Kosovës (FARK), që ishin të lidhura me qeverinë në ekzil”.
Aktakuza pretendon se më 1999, Veseli, Selmi dhe Krasniqi “ishin të përshirë në aspekte të ndryshme të transferimit, ndalimit apo dhe lirimit të të ndaluarve, që mbaheshin në një qendër ndalimi afër Kleçkës”.
Në aktakuzë pretendohet se ka pasur qendra të ndalimit në Likoc, Jabllanicë, Llapushnik, Drenoc, etj.
Sipas aktakuzës, Thaçi, Veseli, Selimi dhe Krasniqi kanë kontribuar në arritjen e qëllimit “të përbashkët, ku përfshihet edhe kryerja e krimeve në këto mënyra: duke formuluar ose marrë pjesë në zhvillimin, miratimin, promovimin, shpërndarjen e planeve dhe politikave ; dështimin për të ndërmarrë hapat e duhur për të parandaluar dhe hetuar krimet… etj”.
Përmes veprimeve ose mosveprimeve, thotë aktakuza, Thaçi, Veseli, Selimi e Krasniqi “së bashku me ndërmarrjen e përbashkët kriminale, kryen, ndihmuan ose nxitën pjesëmarrës të tjerë për krimet e paraqitura në këtë aktakuzë”.
Të pandehurit, thuhet tutje në aktakuzë “si eprorë, janë përgjegjës për krimet e kryera nga vartësit e tyre. Ata dinin ose dinin arsyet se krimet e paraqitura në këtë aktakuzë, do të kryheshin ose ishin kryer nga vartësit e tyre dhe dështuan të ndërmarrin veprimet e duhura që të parandalonin krimet e tilla ose të ndëshkonin kryerësit e këtyre krimeve”.
Ndryshe, i akuzuari i parë i Dhomave të Specializuara ka qenë ish-eprori i Ushtrisë Çlirimtare të Kosovës, Salih Mustafa.
Ai tashmë ka deklaruar i pafajshëm për akuzat për krime lufte, të ngritura nga Dhomat e Specializuara në Hagë.
Në paraburgim, si të dyshuar nga Gjykata Speciale ndodhen edhe dy udhëheqës të organizatës së veteranëve të UÇK-së: Hysni Gucati dhe Nasim Haradinaj.
Ata dyshohen për pengim të drejtësisë, frikësim të dëshmitareve dhe vepra të tjera që kanë të bëjnë me bërjen publike të disa dokumenteve sekrete të Gjykatës.
Dhomat e Specializuara dhe Zyra e Prokurorit të Specializuar – që ndryshe njihen edhe si Gjykata Speciale – hetojnë krimet e pretenduara të pjesëtarëve të ish-Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 e deri në dhjetor të vitit 2000.
Këto krime të pretenduara përmenden në një raport të Këshillit të Evropës, të vitit 2011, autor i të cilit është senatori zviceran, Dick Marty.
Ish-kryetarin e Kuvendit të Kosovës dhe ish-zëdhënësin e Ushtrisë Çlirimtare të Kosovës (UÇK), Jakup Krasniqin, gjatë procesit gjyqësor në Gjykatën Speciale do ta mbrojë avokatja malajziane, Venkateswari Alagendra, shkruan Gazeta Express.
Krasniqi tha se nuk kishte dashur të mbrohej nga ndonjë avokat, por ishte dëshira e familjes dhe shokëve që të përfaqësohej ligjërisht nga një jurist/e dhe kishte pranuar.
“Unë fillimisht nuk kam menduar të marr avokat mbrojtës, nuk e kam marrë me vullnetin tim. Ishte dëshira e familjes dhe shokëve që të kem një avokat dhe e pranova. Përndryshe, jam i bindur se nuk më duhet avokati”, deklaroi Krasniqi në sallën e gjykimit.
Gjatë paraqitjes së parë para Dhomave të Specializuara, Krasniqi u deklarua i pafajshëm për të gjitha pikat e akuzave të ngritura, ndërsa avokatja mbrojtëse kërkoi lirim me kusht të Krasnqit.
“Kemi si synim që të bëjmë një depozitim për lirimin paraprak ose me kusht të tij sa më shpejtë të jetë e mundur”, është shprehur Venkateswari Alagendra.
Kush është avokatja Venkateswari Alagendra?
Venkateswari Alagendra është avokate e shquar në Malajzi, që është specializuar në trajtimin e rasteve të krimeve nga më të ndryshmet.
Miqësore dhe e qeshur, fytyra e Venkateswari Alagendra, e njohur në mjedinsin e saj të ngushtë si Rohini, ndryshon kur i vë para pyetjeve të saj dëshmitarët në seancat gjyqësore. Ajo nuk heziton ta ngrejë zërin nëse mendon se dëshmitarët nuk po u përgjigjen pyetjeve të saj.
“Ky është një mendim, përgjigjju asaj që të pyeta!” është një fjali e zakonshme që e bën ajo në sallat e gjyqit, shkruante më 2018 gazeta kiliane “La Tercera”.
Në një rast që ishte bërë i famshëm, kur dy turistë kilianë, Fernando Candia, 32 vjeç dhe Felipe Osiadacz, 28 vjeç u akuzuan për vrasjen e një malajziani më 4 gusht të vitit 2018, ajo i mbrojti duke marrë pothuajse vëmendjen kryesore.
Ashpërsia e saj dialektike është ajo që e kishte lejuar atë të tregojë para gjykatësit të gjitha gabimet procedurale nga ana e oficerëve të policisë dhe ndihmës së shpejtë në këtë rast. Strategjia e saj kërkonte të demonstronte se Fernando dhe Felipe mbroheshin nga një sulm, përveç ngritjes së dyshimeve të arsyeshme në lidhje me paraqitjen e dëshmitarëve dhe vënien në dukje të të gjitha gabimeve të protokollit që do të provonin në fund se vdekja e viktimës mund të shmangej.
Rasti i Felipes dhe Fernandos nuk ishte i pari në të cilin ajo i mbrojti të huajt në Malajzi.
“Shumica e klientëve të mi të huaj u përballën me dënimin me vdekje, me raste të trafikut të drogës dhe vrasjes. Të gjithë përfunduan duke u liruar nga dënimi”, kishte deklaruar ajo para dy vitesh për “La Tercera”, transmeton Gazeta Express.
Venkateswari Alagendra u rrit midis Indisë dhe Anglisë dhe u kthye në Malajzi për ta kryer shkollën e mesme në Garden International School, një nga shkollat më të vjetra dhe më prestigjioze në vend. Ajo mori diplomë juridike nga Universiteti i Londrës dhe një Master të Ligjeve nga Universiteti i Malajas. Ajo gjithashtu diplomoi për të Drejtën e Sheriatit në Universitetin Ndërkombëtar Islam në fillim të karrierës së tij profesionale. Një indiane etnike, ajo thotë se i është dashur të mësojë gjuhën lokale pasi kishte përfunduar të gjitha studimet në anglisht.
“Malajzia është vendi ku unë dua të shërbej si avokate dhe ku dua të jetoj. Ideja ime për ta ushtruar profesionin e avokates lindi në gjurmët e nënës sime”, kishte thënë ajo.
Që nga viti 2009, ajo ka shërbyer si bashkë-këshilltare në ekipe të ndryshme ndërkombëtare të drejtuara nga Karim Khan, avokat i së drejtës penale britanike dhe i së drejtës humanitare ndërkombëtare i cili shërben si këshilltar i mbretëreshës së Anglisë. Kështu, ajo e ka mbrojtur ambasadorin Francis Muthauran (President i Shërbimit Publik në Kenia); William Ruton (ish Presidenti i Kenisë) dhe Karma Khayat, me rrjetin televiziv libanez Al-Jadeed, në çështjen e parë që një kompani u padit përpara një Gjykate Penale Ndërkombëtare, transmeton Gazeta Express.
“Më ka pëlqyer të punoj në këto çështje ndërkombëtare dhe, në disa raste, duke hasur ndërveprimin midis ligjit dhe politikës”, kishte thënë avjokatja. “Mbrojtja ndërkombëtare është sfiduese: këto janë çështje jashtëzakonisht të mëdha me mijëra faqe provash, dhe përveç fakteve të çështjes, duhet të njiheni me faktorët kulturorë, historikë dhe politikë të situatave”.
Në vitin 2018, ajo u zgjodh në Komitetin Këshillues të Standardeve Profesionale dhe në Komitetin e Anëtarësimit të Shoqatës së Avokatëve të Gjykatës Penale Ndërkombëtare (ICC). I pari ofron këshilla dhe udhëzime për anëtarët mbi Kodin e Sjelljes për Avokatët dhe ofron mendime kur kërkohet; ndërsa përgjegjësia kryesore e Komitetit të Anëtarësimit është të shqyrtojë dhe vendosë për aplikimet për anëtarësim të këtij organi.
Të mërkurën e javës që shkoi, ish-kryeparlamentari Jakup Krasniqi u arrestua dhe u dërgua për në paraburgimin e Dhomave të Specializuara. Për në të njëjtin destinacion, me një avion ushtarak, të nesërmen u nisën edhe ish-bashkëpunëtorët e tij në luftë, ish-presidenti Hashim Thaçi, ish-kryetari i PDK-së, Kadri Veseli dhe shefi i Grupit Parlamentar të LVV-së, Rexhep Selimi.
Arrestimet erdhën pasi një gjyqtar i procedurës paraprake i Gjykatës Speciale, ka konfirmuar aktakuzat ndaj katër ish-krerëve të UÇK-së.
Ata akuzohen për krime lufte dhe krime kundër njerëzimit. Aktakuza i bën përgjegjës Thaçin, Veselin, Krasniqin e Selimin për një sërë krimesh që pretendohet se janë kryer në disa qendra ndalimi gjatë viteve 1998-1999. Prokuroria e Specializuar i akuzon krerët e UÇK-së se kanë qenë ose duhej të ishin në dijeni të këtyre krimeve.
Ish-kryetari i Kuvendit të Kosovës Jakup Krasniqi u deklarua i pafajshëm për aktakuzën për krime lufte dhe krime kundër njerëzimit që Dhomat e Specializuara në Hagë kanë ngritur ndaj tij. Pala mbrojtëse tha se shumë shpejt do të bëjë kërkesë për lirimin me kusht të Krasniqit.
“Unë nuk ndjehem fajtor e as përgjegjës për asnjë pikë që thuhet në aktakuzë dhe për asnjë gjë tjetër që thuhet në aktakuzë”, tha Krasniqi gjatë paraqitjes së parë para Dhomave të Specializuara, ku u pyet nëse deklarohet i pafajshëm apo fajtor për krimet që rëndojnë ndaj tij.
Krasniqi: Ishim dhe jemi ndërmarrje e përbashkët çlirimtare dhe shtetformuese
Krasniqi, para se të deklarohej për aktakuzën mbajti një fjalim para gjykatës, ku tha se i është bërë një padrejtësi e madhe.
“Cilësimi i prokurorit të Dhomave të Specializuara se ne qenkemi ndërmarrje kriminale e përbashkët, për mua, shokët e mi, familjen time që luftuam gjatë, por edhe për kombin tonë nuk ka diçka më fyese pasi ne një kohë të gjatë në rrethana tepër të vështira jetë a vdekje, u vumë në shërbim të lirisë e të shtetndërtimit të cilat i arritëm në bashkëveprim me Shtetet e Bashkuara, me vendet e Bashkimit Evropian, me NATO-n, me OKB-në dhe të gjithë së bashku ishim dhe jemi ndërmarrje e përbashkët çlirimtare dhe shtetformuese”, tha Krasniqi gjatë një fjalimi para Gjykatës në Hagë, ku u pa se ishte i emocionuar.
Ai shtoi se “ndërmarrje e përbashkët kriminale” është “koka e Beogradit dhe mbështetësit e Beogradit”.
Krasniqi u ankua edhe për trajtimin që po i bëhet nga Dhomat e Specializuara dhe Zyra e Prokurorit të Specializuar.
“Unë jam arrestuar më 4 nëntor. Në aktakuzë po na quani ndërmarrje kriminale të përbashkët. Unë dua të deklaroj sot se kurrë në jetën time në asnjë rast nuk i kam trajtuar njerëzit as kaq sa e si më trajtuat mua nga ndërtesa e burgut e deri në këtë ndërtesë”, tha ai.
Krasniqi, që ka qenë zëdhënës i ish-Ushtrisë Çlirimtare të Kosovës, tha se ka lexuar aktakuzën ndaj tij dhe se e kupton atë.
“Mua më është bërë padrejtësi e madhe dhe do ta mbaj këtë padrejtësi. Unë dhe populli im kanë mbajtur shumë padrejtësi dhe nuk kemi pasur nevojë për këtë padrejtësi”, tha Krasniqi para Dhomave të Specializuara.
Sipas Krasniqit, adresa e “kësaj maskarade është në Beograd dhe mbështetësit e politikave të tij”.
Sekretarja e Gjykatës lexoi pikat e aktakuzës për të cilat pretendohet se Krasniqi i ka kryer, përkatësisht ai dyshohet për krime kundër njerëzimit: përndjekje dhe burgosje. Krasniqi po ashtu akuzohet për krime lufte si: ndalim arbitrat, akte të tjerat çnjerëzore, trajtim mizor, torturë, vrasje, vrasje e paligjshme dhe zhdukje me forcë e personave.
Gjykata pretendon se ekziston dyshimi i bazuar se Krasniqi ka kryer këto krime.
Gjykatësi i procedurës paraprake, Nicolas Guillou i lexoi Krasniqit të drejtat e tij dhe pyeti palën mbrojtëse për përcaktimin e datës për konferencën e statusit. Ai tha se deri më 13 nëntor do të përcaktohet data për konferencën e statusit.
Avokatja mbrojtëse e Krasniqit, Venkateswari Alagendra kërkoi që t’i jepet mbrojtjes 30 ditë kohë që të përgatitet për konferencën e statusit.
Gjykatësi Guillou tha se Krasniqi do të mbesë në paraburgim dhe pala mbrojtëse mund ta kundërshtojë këtë masë.
Para Dhomave të Specializuara, të hënën, duke nisur nga ora 15:00 do të paraqitet edhe ish-presidenti i Kosovës, Hashim Thaçi.
Më 10 nëntor, pranë këtyre dhomave do të paraqitet edhe ish-kreu i Partisë Demokratike të Kosovës, Kadri Veseli, ndërsa, më 11 nëntor, deputeti i Kuvendit të Kosovës, Rexhep Selimi.
Thaçi, Krasniqi, Veseli dhe Selimi, të gjithë ish-eprorë të UÇK-së, janë arrestuar javën e kaluar në Prishtinë, pas konfirmimit të një aktakuze kundër tyre për krime lufte dhe krime kundër njerëzimit.
Menjëherë pas arrestimit, ata janë transferuar në qendrën e paraburgimit të Dhomave të Specializuara në Hagë.
Pas konfirmimit të aktakuzës, Thaçi po ashtu ka dhënë dorëheqje nga posti i presidentit të Kosovës.
Për çka akuzohen?
Veprat që, sipas aktakuzës, rëndojnë ndaj Thaçit, Veselit, Selimit dhe Krasniqit, kanë të bëjnë me krime lufte: ndalim të paligjshëm ose arbitrar, trajtim mizor, torturë dhe vrasje të paligjshme dhe me krime kundër njerëzimit: burgosje.
Më pastaj përmenden edhe akte tjera çnjerëzore, si: torturë, vrasje të paligjshme, zhdukje me forcë e personave dhe përndjekje, të cilat, sipas Dhomave të Specializuara, janë kryer midis marsit 1998 dhe shtatorit të vitit 1999.
Sipas aktakuzës, krimet dyshohet se janë kryer në disa lokacione të Kosovës, por edhe në disa pjesë në veri të Republikës së Shqipërisë, si në Kukës dhe Cahan.
Dhomat e Specializuara e kanë konfirmuar aktakuzën më 26 tetor, por ajo është bërë publike më 5 nëntor.
I akuzuari i parë i Gjykatës Speciale ka qenë ish-eprori i Ushtrisë Çlirimtare të Kosovës, Salih Mustafa.
Ai tashmë ka deklaruar se ndjehet i pafajshëm për akuzat për krime lufte, të ngritura nga Dhomat e Specializuara në Hagë.
Në paraburgim, si të dyshuar nga Gjykata Speciale ndodhen edhe dy udhëheqës të organizatës së veteranëve të UÇK-së: Hysni Gucati dhe Nasim Haradinaj.
Ata dyshohen për pengim të drejtësisë, frikësim të dëshmitareve dhe vepra të tjera që kanë të bëjnë me bërjen publike të disa dokumenteve sekrete të Gjykatës.
Dhomat e Specializuara dhe Zyra e Prokurorit të Specializuar – që ndryshe njihen edhe si Gjykata Speciale – hetojnë krimet e pretenduara të pjesëtarëve të ish-Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 e deri në dhjetor të vitit 2000.
Këto krime të pretenduara përmenden në një raport të Këshillit të Evropës, të vitit 2011, autor i të cilit është senatori zviceran, Dick Marty. rel
Udhëheqës institucionesh e partish politike në Kosovë, uruan presidentin e zgjedhur amerikan Joe Biden, duke e cilësuar fitoren e tij si historike dhe duke shfaqur shpresën për thellimin e bashkëpunimit ndërmjet të dyja vendeve.
Vjosa Osmani, ushtruese e detyrës së presidentes së Kosovës, Vjosa Osmani shprehu bidnjen ne urimin e saj drejtuar zotit Biden dhe zonjës Kamala Harris se “nën udhëheqjen tuaj si president amerikan dhe nën presidente amerikane, demokracia do të lulëzojë në Amerikë dhe në gjithë botën”.
Kryeministri i Kosovës, Avdullah Hoti, tha se mezi pret “të fuqizojmë partneritetin tonë të përjetshëm me Shtetet e Bashkuara dhe të vazhdojnë punën tonë në emër të njerëzve tanë dhe në shërbim të vlerave tona të përbashkëta”.
Kryetari i lëvizjes Vetëvendosje, Albin Kurti, e quajti historike fitoren e zotit Biden duke e cilësuar atë mik dhe aleat të vjetër të popullit të Kosovës.
“Udhëheqja juaj është e nevojshme në Amerikë, po aq sa në botë, për të rikthyer besimin në demokraci, sundimin e ligjit dhe dinjitetit njerëzor. Mezi pres të forcojmë lidhjet tona”, shkroi ai.
Në urimin e tij, ushtruesi i detyrës së kryetarit të Partisë Demokratike të Kosovës, Enver Hoxhaj, e quajti zotin Biden mik të madh dhe mbështetës të Kosovës së lirë dhe të pavarur.
“Kjo është fitore e vlerave euro-atlantike të lirisë dhe demokracisë, që janë shtylla të kushtetutës sonë dhe të aleancës ndërmjet Kosovës dhe Shteteve të Bashkuara”, shkroi ai.
Ndërsa kryetari i Aleancës për Ardhmërinë e Kosovës, Ramush Haradinaj uroi “mikun e vjetër të Kosovës Joe Biden për fitoren në zgjedhjet presidenciale dhe zonjën Kamala Harris, për arritjen historike në zgjedhjen e saj si nënpresidente”.
“Të punojmë së bashku për të forcuar lidhjet strategjike ndërmjet Kosovës dhe Shteteve të Bashkuara”, shkroi ai.
Bastisja në shtëpinë e ish-presidentit të Kosovës, Hashim Thaçi, ka përfunduar, njoftoi në orët e pasdites avokati i tij, Dastid Pallaska.
“Bastisja është kryer. Sa u përket qëllimeve të bastisjes, mund të them se ishin jashtëzakonisht të përgjithshme. Rrjedhimisht, nuk dukej se kishte ndodnjë shënjestrim të duhur të bastisjes, që është parakusht procedurial për urdhrimin e saj”, tha Pallaska për gazetarët në Prishtinë.
“Kjo bastisje sugjeron se aktakuza kundër Thaçit, ashtu siç është konfirmuar, mbetet një shënjestër në lëvizje, përkatësisht duket se prokuroria ende kërkon prova për ta mbështetur një aktakuzë që tanimë e ka ngritur”, shtoi Pallaska.
Zyra e Prokurorit të Specializuar në Hagë njoftoi të premten se është duke kryer disa operacione në Kosovë, me mbështetjen e Policisë së Kosovës dhe të Misionit të Bashkimit Evropian për Sundimin e Ligjit, EULEX.
Policë dhe pjesëtarë të EULEX-it u panë para shtëpisë së Thaçit në Çagllavicë, afër Prishtinës, dhe pranë zyrave të Partisë Demokratike të Kosovës në Prishtinë.
Të enjten, Dhomat e Specializuara në Hagë kanë bërë publike aktakuzën për krime lufte kundër Thaçit, kryetarit të Partisë Demokratike të Kosovës, Kadri Veseli, shefit të Grupit Parlamentar të Lëvizjes Vetëvendosje, Rexhep Selimi, dhe ish-kryetarit të Kuvendit të Kosovës, Jakup Krasniqi.
Po ashtu të enjten, Thaçi, Veseli dhe Selimi janë transferuar në qendrën e paraburgimit të Dhomave të Specializuara në Hagë, ndërsa Krasniqi është transferuar atje një ditë më parë.
Dhomat e Specializuara dhe Zyra e Prokurorit të Specializuar – që ndryshe njihen edhe si Gjykata Speciale – hetojnë krimet e pretenduara të pjesëtarëve të ish-Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 e deri në dhjetor të vitit 2000.
Këto krime të pretenduara përmenden në një raport të Këshillit të Evropës, të vitit 2011, autor i të cilit është senatori zviceran, Dick Marty. rel
Ish-eprorët e UÇK-së, Hashim Thaçi, Kadri Veseli e Rexhep Selimi sapo janë nisur për në Hagë me një aeroplan ushtarak, raporton Gazeta Express.
Të tre ish-udhëheqësit e UÇK-së janë nisur së bashku për në Holandë.
Hashim Thaçi ka dhënë dorëheqje sot paradite në një konferencë për media ku njoftoi se i është konfirmuar aktakuza.
Kadri Veseli, po ashtu, ka dhënë dorëheqje nga PDK-ja pas konfirmimit të aktakuzës.
Pas dorëheqjes së Thaçit, kryetarja e Kuvendit, Vjosa Osmani, ka marrë zyrtarisht pozitën e ushtrueses së detyrës së presidentes së Kosovës.
Dhomat e Specializuara në Hagë kanë konfirmuar aktakuzën kundër shefit të Grupit Parlamentar të Lëvizjes Vetëvendosje, Rexhep Selimi.
Lajmin e konfirmoi vetë Selimi në një postim në Facebook, ku po ashtu njoftoi se të enjten do të udhëtojë për në Hagë.
“Unë po shkoj me kokën lart dhe kurdo që kthehem, do kthehem po ashtu me kokën lart, sepse isha, jam dhe do të jem ushtar i Ushtrisë Çlirimtare të Kosovës, për të cilën jam i gatshëm të jap gjithçka nga vetja ime. Ideali i asaj ushtrie të lavdishme është mbi mua, mbi këdo, mbi gjithçka”, shkroi Selimi në Facebook.
Dhomat e Specializuara dhe Zyra e Prokurorit të Specializuar, që ndryshe njihen edhe si Gjykata Speciale, merren me hetimin e krimeve të supozuara të luftës, të kryera nga pjesëtarë të ish-Ushtrisë Çlirimtare të Kosovës.
Të mërkurën, Prokuroria e Specializuar e Hagës ka arrestuar ish-kryetarin e Kuvendit të Kosovës, Jakup Krasniqi.
Avokati i Krasniqit, Valon Hasani, ka thënë se pas konfirmimit të aktakuzës nga ana e Dhomave të Specializuara në Hagë, Krasniqi është arrestuar dhe pritet të transferohet për në Hagë. rel
Në kuadër të një operacioni nga Zyra e Prokurorit të Specializuar apo Gjykata Speciale për krime lufte me seli në Hagë të Holandës, policia e Misionit të Bashkimit Evropian për Sundimin e Ligjit në Kosovë (EULEX) dhe Policia e Kosovës për mbi 8 orë kanë kryer bastisje në shtëpinë e ish-zëdhënësit të Ushtrisë Çlirimtare të Kosovës (UÇK) dhe ish-kryeparlamentarit të Kosovës, Jakup Krasniqi, në Prishtinë dhe më pas e kanë arrestuar atë, raporton Anadolu Agency (AA).
Bastisja e shtëpisë së Krasniqit, si dhe më pas arrestimi i tij ndodhi pasi siç tha avokati i tij, Valon Hasani, “aktakuza ndaj tij është konfirmuar” nga ana e Gjyaktës Speciale.
“Sot Prokuroria e Specializuar ka pasur një aksion dhe në bazë të urdhrit i cili është lëshuar nga ana e Dhomave të Specializuara është bërë arrestimi i zotëri Jakup Krasniqit. Tani sapo është nisur për në Hagë. E konfirmuan se është konfirmuar aktakuza kundër tij dhe pritet që shumë shpejtë të caktohet seanca para Dhomave të Specializuara”, tha Hasani.
Sipas avokatit të Krasniqit, urdhërarresti dhe bastisja nuk janë paralajmëruar më herët.
“Dyshohet për vepra të cilat nuk janë të specifikuara, por janë në kuadrin e veprave të cilat bien nën juridiksionin e Dhomave të Specializuara”, tha Hasani.
Përpos në Prishtinë, pjesëtarë të EULEX-it kanë bastisur edhe shtëpinë e familjes Krasniqi e cila ndodhet në vendlindjen e tij në fshatin Negrovc të Komunës së Drenasit.
Zyra e Prokurorit të Specializuar (ZPS) gjatë ditës njoftoi se “aktualisht është duke kryer operacione në Prishtinë”, pa specifikuar lokacione.
“Operacionet e ZPS-së po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX)”, thuhet në njoftimin e ZPS-së, e cila shton se më shumë informacione do të jepen më vonë.
Krasniqi ka qenë zëdhënës i UÇK-së gjatë luftës së fundit në Kosovë. Pas luftës ai ka qenë anëtar i Partisë Demokratike të Kosovës (PDK) dhe më pas ka mbajtur edhe postin e kryetarit të Kuvendit të Kosovës. Aktualisht, ai është kryetar i Këshillit Kombëtar i Nismës Socialdemokrate dhe nuk mbanë ndonjë detyrë shtetërore.
Pushtetarët e pas pavarësisë kanë arritur të kriminalizojnë çdo gjë në Kosovë, madje edhe një pjesë të medieve, me qëllim të promovimit të “vlerave qeverisëse” dhe manipulimit të vazhdueshëm të opinionit publik me të pavërteta rreth marrëveshjeve me Serbinë në Bruksel.
Fillimi i mbarë i shtetformimit
Drejtimi politik i Kosovës i filluar 31 vite më parë nën udhëheqjën e liderit vizionar dhe pragmatik, të urtit dhe të guximshmit, të papërseritshmit Ibrahim Rugova, Kosovën e solli suksesshëm në ditën e 12 qershorit 1999 dhe në të njëjtit binar e mbajti deri me 21 janar të vitit 2006, kur iku në përjetësi duke na lënë shumë afër cakut të dëshiruar, të njohjes formale ndërkombëtare të pavarësisë së Kosovës, fjali kjo që i rrodhi vazhdimisht presidentit nga goja deri në frymën e fundit të jetës së tij.
Ikja e shpejtë, e parakohëshme dhe e mistershme e Rugovës në parajsën e tij, e la Kosovën të varfëruar dhe me të ardhme të mjegulluar. Një lider i përmasave të Rugovës do të na mungojë edhe për njëqind vjetët e ardhshme!
Mistrecët e politikës post-rugoviane në Kosovë, duke u munduar ta kopjojnë Rugovën, në pamundësi mbulese intelektuale dhe përvoje politike, jo vetëm që i sollën dëme të pariparueshme vendit, e katandisen keq procesin e njohjeve ndërkombëtare të Kosovës.
Subjektet politike të dalura nga dy fraksionet e luftës, jo vetëm që nuk i sollën gjë të mirë vendit, shkaktuan efekte tejët negative në shtetbërjen dhe konsolidimin e pavarësisë së Kosovës.
Liderët e partive të dalura nga lufta, pasi e ndanë dhe përqanë mirë popullatën duke u thirrur në emër të vlerave të luftës, duke sharë dhe akuzur liderin dhe arkitektin e shtetit të Kosovës, ishin të parët që ju futën nën “sqetull” Rugovës (njëri para e tjetri pas shkuarjes së tij në amshim)!
Procesi i privatizimit që rrënoi ekonominë
Procesi i privatizmit të pronave publike dhe shtetërore i kryer në mënyrën më të keqe dhe të egër nga ana e pushtetarëve, e ka rrënuar në themel ekonominë e vendit dhe ka varfëruar qytetarët.
Politika kosovare, me fillimin e procesit të privatizimit zhvendoset nga procesi shtetndërtues në një instrument të pasurimit të qeveritarëve të papërgjegjshëm, të cilët përmes “tenderomanisë” korruptuan tërë sistemin qeverisës në vend, përfshirë të gjithë mekanizmat shtetëror, në radhë të parë sistemin e drejtësisë; prokurorinë, gjykatat, policinë e kështu më radhë…
Po të mos ishte kështu, nuk do të kishte pasur mundësi dikush të nxjerrë nga dhomat e “sigurisë së lartë” në Policinë e Kosovës rreth 50 kg drogë, shuma të mëdha parashë, sasi të mëdha Ari, dëshmi dhe prova faktike për drejtësinë!
Këto dhe shumë skandale të ngjajshme deri në zhvatjen fundit në thesarin e shtetit, e dëshmojnë kapjen dhe deformimin politik të shtetit në këto vitet e paspavarësisë.
Është bërë retorikë e Agjensioneve Kundër Korrupsionit (OJQ-ve), të flasin vetëm me numra, por asnjëherë me emra, qoftë edhe për rastet e (mos) deklarimit të pasurisë, e të mos flasim për raste korruptive, ku gjithmonë e kanë zakon të thonë; “ka korrupsion në institucionet e larta shtetërore…”, pa pasur guximin asnjëherë të permendin qoftë edhe një emër të vetëm të drejtuesve të lartë shtetëror!
Krimi i organizuar dhe korrupsioni nuk luftohen me fjalë, por me veprime konkrete
Popullata e vendit tonë duhet të vetëdijësohet, dhe të dalë me kërkesa të çarta, jo me kërkesa politike siç e bën opozita për të ardhur në pushtet, por kërkesat duhet të jenë praktike, të thjeshta dhe të çarta për bashkësinë ndërkombëtare, që në fakt janë edhe kritere bazë për liberalizimin e vizave; të fillohet me arrestimin e “peshqve të mëdhenjë”, aty ku është “kupola” e krimit të organizuar dhe korrupsionit, tek bartësit e institucioneve më të larta shtetërore, për të zbritur në të gjitha institucionet qendrore dhe lokale të vendit, për të vazhduar me konfiskimin e pasurisë së krijuar në mënyrë të paligjshme.
Nëse vërtetë dëshirojmë të bëhet mirë në vendin tonë, nëse vërtetë dëshirojmë të jetojmë të lirë në kuptimin e plotë të fjalës, nëse dëshirojmë të marrim sinjalin pozitiv për lëvizje të lirë drejt shteteve të BE-së, atëherë duhet ta mbështesim bashkësinë ndërkombëtare për aplikimin e shpejtë të një VETTING-u, që të veprojnë pa asnjë hezitim, me procedura të përshpejtuara për burgosjen dhe vënien para drejtësisë të gjithë shkaktarëve politikë (liderëve të korruptuar) dhe parapolitikë (nëntokat politike), që e sollën Kosovën në këtë gjendje mjeruese, ku pasurohen politikanët dhe varfërohen qytetarët.
Dekriminalizimi, farsë e politikës që po e fundosë shtetin
Pushtetaërt aktualë dhe partitë politike në përgjithësi, dekriminalizimin janë duke e përdoruar vetëm si slogan politik, për kapjen dhe shtrirjen gjithnjë e më shumë të rrjetit kriminal në institucionet e pavarura të shtetit.
Qytetarët e Kosovës e kanë të vështirë t’u besojnë deklarimeve të liderëve shtetërorë dhe partiakë për dekriminalizimin e politikës pa e dhënë asnjë rezultat në atë drejtim.
Është rrezik që liderët shtetërorë të vazhdojnë lojën me fjalë, duke ndryshuar sloganin politik, nga krimi i organizuar dhe korrupsioni në dekriminalizim politik.
Që dekriminalizimi të mos përdoret vetëm si slogan politik nga politikanët kosovarë, Evropa dhe Amerika duhet t’u vënë limite kohore liderëve tanë shtetërorë në përmbushjen e premtimeve,…ndryshe mund t’i kalojnë mandatet politike pa bërë asgjë në atë drejtim, siç ndodhi përgjatë këtyre 12 viteve të fundit me korrupsionin dhe krimin e organizuar.
Jo vetëm që nuk u luftua korrupsioni, ai mori përmasa alarmante, duke u shndërruar në sindromë kancerogjene të shtetit të Kosovës.
Dekriminalizimi i politikës dhe depolitizimi i institucioneve të pavarura, janë dy procese të ndërlidhura me njëri-tjetrin që duhet të çojnë në zbulimin e prejardhjes dhe konfiskimin e pasurisë së zyrtarëve të inkriminuar.
Përderisa politika kriminale synon mbajtjen e pushtetit përmes parasë, përmes korrupsionit dhe presionit mediatik, vështirë të priten rezultate pozitive në dekriminalizimin e politikës pa një proces të njëmënd të VETTING-ut të monitoruar nga SHBA-të.
Në të kundërtën, theqafja dhe katandisja jonë do të vazhdojë deri në pambarim, ndërsa politikanët do të vazhdojnë të vjedhin deri në falimentim të shtetit!
Delegacioni kosovar ka patur disa takime në Bruksel muajve të fundit në kuadër të bisedimeve me Serbinë, të udhëhequra nga BE-ja. Por në një prej këtyre takimeve ka ndodhur një incident.
Burime brenda Policisë bëjnë të ditur për Indeksonline se javë më parë në Bruksel delegacionit kosovar i është vjedhur çanta. Madje, mësohet se dokumentet që ndodheshin në çantë ishin konfidenciale në të cilat kishte material për bisedimet me Serbinë.
Pjesë e këtij delegacioni ishin koordinatori shtetëror për dialogun, Skender Hyseni, eksperti për çështje ekonomike në dialog, Muhamet Mustafa dhe ish-ambasadori në Belgjikë, Bernard Nikaj. Pak ditë pasi çanta me dokumente është vjedhur, e njëjta i është kthyer palës kosovare. Rasti është mbajtur në heshtje deri më tani, ani pse konfidencialiteti i dokumenteve është shqetësues për Kosovën dhe bisedimet e ardhshme ndaj palës serbe.
Deputetët e Kuvendit të Kosovës në një seancë parlamentare, ku u diskutuan problemet e banorëve shqiptarë në veri të Mitrovicës dhe komunave tjera në pjesën veriore të Kosovës, thanë se shqiptarëve dhe komuniteteve tjera joshumicë përjashtuar serbët, po u shkelen të drejtat dhe liritë themelore në këto rajone, raporton Anadolu Agency (AA).
Duke folur në emër të Komisionit për të Drejtat e Njeriut, Barazi Gjinore, për Persona të Pagjetur dhe Peticione, deputetja e Partisë Demokratike të Kosovës (PDK), Valdete Idrizi, tha se problemi i shqiptarëve në Mitrovicë të Veriut është problem i vjetër.
Ajo tha se në lokalitete ku jetojnë shqiptarët dhe komunitetet tjera në Mitrovicë të Veriut, janë ndërtuar dhjetë banesa shumëkatëshe, për vendosjen jo vetëm të serbëve të Kosovës, por edhe të serbëve që nuk janë shtetas kosovarë.
“Jemi dëshmitarë të një strategjie tejet të ashpër dhe të egër të Serbisë për shpopullimin e shqiptarëve, kohëve të fundit në veçanti, për kolonizimin e Veriut që po e bëjnë me ndërtime të shumta nëpër lagje të ndryshme të Mitrovicës së Veriut, vetëm për komunitetin serb. Dhe blerje të organizuara të pronave të shqiptarëve, në vendet ku jetojnë shqiptarët”, tha Idrizi.
Idrizi tha se nuk ka pasur rast kur në banesat që po ndërtohen në veri të jenë dhënë në pronësi të shqiptarëve, boshnjakëve, romëve, egjiptianëve apo turqve. Për këtë gjë, ajo kërkoi që të përgatitet një strategji dhe të kthehen njerëzit në pronat e veta.
Në emër të Lëvizjes Vetëvendosje, deputetja Saranda Bogujevci, tha se nga vizita që ka bërë Komisioni Parlamentar për të Drejtat e Njeriut në Mitrovicë të Veriut, ka konkluduar se shqiptarët dhe komunitetet tjera atje përballen me shkelje të lirive dhe të drejtave elementare të njeriut.
“Edhe sot, kjo pjesë e Kosovës është vendi më i rrezikshëm për të jetuar, jo vetëm për shkak të mungesës së sigurisë fizike, por edhe në aspektin socio-ekonomik këta banorë përballen me mbijetesë të përditshme. Kërkesat e këtyre banorëve janë të pakta e bazike. Ata thjeshtë duan që të kthehen nga shtëpitë e tyre nga të cilat u dëbuan 20 vite më parë. Të u mundësohet rindërtimi i shtëpive të tyre, të djegura gjatë luftës e pas luftës (së vitit 1999)”, ka thënë Bogujevci.
Ajo shtoi se janë rreth 500 prona të shqiptarëve që mbeten të uzurpuara nga serbët e veriut të Kosovës, ndërsa komuna e Mitrovicës së Veriut pengon ndërtimin e shtëpive të shqiptarëve, ku secili që ka provuar një gjë të tillë “është përballur me inspektorat ose sulme fizike”.
Në emër të Lidhjes Demokratike të Kosovës (LDK), Saranda Musliu bëri thirrje për unifikim politik në mënyrë që në këtë komunë “të sundojë ligji dhe të ndëshkohen ata që nuk i respektojnë ligjet e Kosovës”.
“Na duhet një strategji urgjente dhe unifikim i faktorit politik për të ndërmarrë hapa të mëtutjeshëm. Nuk jemi kundër që lagjet atje të popullohen. Por, duhet të ketë barazi dhe respektim të rendit dhe të ligjit, që secili të ndërtojë dhe punojë ashtu siç e meriton e jo të bëhen selektime të tilla në baza etnike”, tha Musliu, duke shtuar se në Mitrovicë të Veriut është e kufizuar edhe lëvizja e lirë për të cilën “duhet të alarmohemi të gjithë”.
Në emër të PDK-së, Abelard Tahiri tha se debati për çështjen e banorëve në veriun e Kosovës është jashtëzakonisht i rëndësishëm, por edhe i vonuar. Ai tha se “është detyrë e ministrit të Ekonomisë dhe Ambientit që t’i trajtojë ndërtimet të cilat po ndodhin në Mitrovicë të Veriut pa leje dhe pa mbështetjen e institucioneve qendrore”.
Deputeti i Listës Serbe, Igor Simiç, tha se deputetët e Kosovës përdorën të dhëna të pasakta gjatë fjalimeve për banorët në Mitrovicë të Veriut. Ai tha se nga Kuvendi asnjëherë nuk kanë dalë iniciativa pozitive për këtë pjesë, si dhe bëri thirrje që në Kuvendin e Kosovës të flitet edhe për serbët që jetojnë në Gjilan, Vushtrri, Prishtinë e qytete tjera.
“Ju sot keni thirrur seancë për të folur për shqiptarët në Mitrovicë të Veriut, por a pyesni se ku janë serbët që kanë jetuar në Vushtrri, në Prishtinë dhe qytete të tjera”, tha Simiç.
Simiç, i cili vjen nga Mitrovica e Veriut, tha se në bisedat që ka pasur me komunitetin serb dhe shqiptarët atje, të dyja palët kanë thënë se “çfarëdo që bëni, përmirësojeni jetën e qytetarëve këtu”.
Në seancë u propozua edhe votimi i një Rezolute nga deputetët drejtuar Qeverisë, për të marrë veprime konkrete në mbrojtën e të drejtave dhe lirive të shqiptarëve dhe komuniteteve, por një gjë e tillë u shty për seancën e ardhshme.
Pas deklaratave të shkrimtari dhe historiani, Jusuf Buxhovi dhënë ditëve të fundit një intervistë për median serbe, Kosovo Online, ku ndër të tjera ka përmendur edhe faktin se kisha ortodokse serbe ka përvetësuar krishterimin në Kosovë, kanë nisur reagimet nga ana serbe.
Historiani serb Aleksandar Rakjoviq ka reaguar ashpër duke u shprehur se “Trashëgimia e krishterë në Kosovë është trashëgimi e popullit serb. Shqiptarët janë ardhacakë.”
“Serbët morën nga Grekët territoret që ishin pjesë e Perandorisë Bizantine. Ortodoksia Serbe zuri vendin e Ortodoksisë Greke të mëparshme, dhe asgjë nuk ndryshoi për besimtarët, dhe sigurisht nuk kishte shqiptarë në atë kohë. Ata për herë të parë u shfaqën në Mesjetë në shekullin e 15-të në afërsi të Gjakovës. Dhe ata fillojnë të vijnë me turqit. Trashëgimia në Kosovë është trashëgimi e popullit serb, është trashëgimi e Kishës Ortodokse Serbe, e gjithë Ortodoksisë, por sigurisht që nuk ka asnjë lidhje me ndonjë trashëgimi të shqiptarëve”, shprehet Rakjoviq.
Sipas historianit serb: “Kisha Katolike Romake është mendja e operacionit për të marrë trashëgiminë e identitetit serb të Kosovës. Myslimanët shqiptarë shërbejnë si një forcë topi, por është krijuar nga shqiptarë katolikë romakë në Kosovë. Ishte në interesin e të dyve që të marrin trashëgiminë kulturore serbe. Myslimanët nuk mund ta marrin atë, në mënyrë logjike. Ata nuk mund të përvetësojnë Manastirin e Deçanit, as Patriarkanën e Pejës, apo Graçanicën, ose ndonjë gjë tjetër. Sepse kjo do të ishte absurde!”
Kujtojmë që Buxhovi në këtë intervistë kishte potencuar që: “Kisha ortodokse serbe ka përvetësuar trashëgiminë ortodokse të krishtërimit në Kosovë e me këtë edhe trashëgiminë e krishterë shqiptare, ngaqë shumica e shqiptarëve në mesjetë i takonin kishës ortodokse;
-Me pakon e Ahtisarit i është dhënë përgjigje politike trashëgimisë së krishterë në Kosovë në dobi të serbëve, por në aspektin kulturor dhe historik, në dëm të shqiptarëve;
-Kishat e krishtera në Kosovë, si të gjitha objektet tjera fetare, duhet të trajtohen pasuri kulturore e shtetit të Kosovës. Të tilla duhet t’i trajtojë edhe UNESKO”, këto ishin disa nga theksimet për të cilat ka folur Buxhovi. / KultPlus.com
Lëvizja Vetëvendosje nuk e ka shqyrtuar akoma mundësinë e propozimit të një emri të tyre për president të vendit. Këtë mundësi si opsion për zgjidhjen e problemit të zgjedhjes së presidentit të ri, e ka përmendur para pak ditësh shefi i Grupit Parlamentar të Lidhjes Demokratike të Kosovës, Arben Gashi.
Nënkryetarja e Kuvendit nga LVV, Arbërie Nagavci, ka thënë për Gazetën Express se kërkojnë që para zgjedhjes së presidentit të shkojnë në zgjedhje të jashtëzakonshme nacionale, në mënyrë që të ketë legjislaturë tjetër të Kuvendit dhe Qeveri tjetër po ashtu.
“Ne mendojmë se përpara se të merremi me çështjen e presidentit, duhet të ketë zgjedhje të reja. Pas zgjedhjeve të reja, edhe Parlamenti do të kishte më shumë legjitimitet, ashtu sikurse edhe ekzekutivi dhe do të kishim diskutu për presidentin kurdo që vjen koha”, ka thënë Nagavci.
Edhe nëse skenari do të zhvillohej ashtu siç dëshiron ky subjekt politik, partia e Albin Kurtit aktualisht nuk e ka ndonjë emër për ta propozuar për president.
Megjithatë, Nagavci ka thënë se këtë çështje do ta diskutojnë brenda organeve të partisë.
“Nuk e kemi shqyrtu akoma. E shqyrtojmë në organet tona. E kemi Kryesinë dhe Këshillin e Përgjithshëm që vendos dhe aktualisht nuk kemi ndonjë qëndrim”, ka thënë Nagavci.
Zgjedhjet, për LVV-në janë zgjidhja më e mirë dhe më e domosdoshme, ndërsa çështjen e zgjedhjes së presidentit do të donin ta diskutonin vetëm në rrethana tjera.
“Po mendojmë që më e mira dhe më e domosdoshmja tash është që të shkojmë në zgjedhje të reja, ndërkaq për presidentin do të diskutojmë kurdo që vjen koha”, ka theksuar Nagavci.
Shefi i Grupit Parlamentar të LDK-së, Arben Gashi para tri ditësh ka deklaruar se mund të vijë një situatë kur koalicioni qeverisës do t’ia lejonte opozitës t’i propozojë kandidatët për president.
“Ka shumë logjikë që mund të vijmë në një momentum dhe të deklarohet prej koalicionit që koalicioni ia lë opozitës që t’i propozojë kandidatët për president dhe deputetët të votojnë. Gjasat janë që mund të mbërrijmë në këtë momentum”, ka deklaruar Gashi në RTV Dukagjini.
Nga Partia Demokratike e Kosovës (PDK) shpesh janë deklaruar se çështja e zgjedhjes së Presidentit nuk duhet të diskutohet derisa ende të mos ketë përfunduar mandati i Hashim Thaçit.
Aleanca për Ardhmërinë e Kosovës (AAK) vijon të paraqitet partia e përcaktuar më së qarti për zgjedhjen e presidentit të ri. Ata e kanë nominuar shefin e partisë, Ramush Haradinajn për ta pasuar Hashim Thaçin në karrigen e presidentit, ndërsa kanë thënë se do të dalin nga Qeveria nëse në këtë synim ai nuk merr mbështetjen e nevojshme në Kuvend.
Gjykata Speciale në Hagë deri tani nuk ka treguar nëse është konfirmuar apo është hedhur poshtë aktakuza ndaj presidentit Hashim Thaçi dhe kryetarit të PDK-së, Kadri Vesel. Presidenti Thaçi më herët ka deklaruar se në rast se konfirmohet kjo aktakuzë, do të japë dorëheqje.
Mesazhet në temën e trashëgimisë kulturore dhe shpirtërore serbe në Kosovë po vijnë përsëri nga Prishtina, gjë që sigurisht do të ndezë më tej marrëdhëniet serbo-shqiptare mbi këtë temë, të cilat tashmë janë nxehur muajt e fundit. Këtë herë, historiani dhe publicisti Jusuf Buxhovi për Kosovo Online pretendon se Kisha Ortodokse Serbe përvetëson trashëgiminë e Krishterimit në Kosovë, duke vërejtur se të gjithë popujt e Ballkanit që ishin në Kosovë në Mesjetë janë pjesë e saj.
Buxhovi për Kosovo Online thonë se plani i Ahtisaarit për Kosovën është një koncept politik dhe se, në këtë drejtim, ai kundërshton faktet historike. Ai shton se përmes hulumtimeve shkencore, ai i dha një përgjigje politike çështjeve rreth origjinës së pronës së SOC në Kosovë.
“Kisha Ortodokse Serbe përvetësoi të drejtën për trashëgiminë e krishterë në bazë të liturgjisë gjuhësore, e cila në këtë rajon ishte së pari në greqisht, dhe nga shekulli i 12-të e në vazhdim në gjuhën sllave të Vjetër të Kishës. Ai faktor duhet të përcaktohet dhe këtu qëndrojnë problemet, të cilat janë më politike “, thotë Buxhovi.
Ai tregon se disa tempuj të Kishës Ortodokse Serbe në Kosovë ishin ndërtuar mbi themelet e kishave katolike, duke vënë në dukje se kjo konfirmon teorinë e përvetësimit të trashëgimisë së “krishterimit të përbashkët”.
“Unë nuk mund të jap një përgjigje kompetente për rastet veç e veç, kjo u takon atyre që merren me këtë çështje, por ka disa tregues të tjerë që ato kisha janë ndërtuar mbi bazën e atyre kishave të vjetra që ekzistonin. Sa i përket Manastirit të Decanit, në Mesjetë ai ishte gjithashtu një tempull i shqiptarëve, sepse historikisht shumica e shqiptarëve të këtij rajoni ishin të besimit ortodoks dhe nuk është çudi që vladikat (mbikëqyrësit) e atyre kishave deri në vitin 1913 ishin shqiptarë nga familjet e famshme të kësaj treve. Pse do t’i ruanin ato kisha nëse nuk do të besonin në to? Madje, këto argumente historike mund të gjenden të dhëna edhe në historiografinë serbe se kishte shumë shqiptarë që ishin pjesë e Kishës Ortodokse “, shpjegon Buxhovi.
Ai deklaron se plani i Ahtisaarit është një koncept politik që është në kundërshtim me faktet kulturore dhe historike, duke shtuar se ai nuk është kundër statutit të Kishës Orotodokse Serbe, por që duhet të jetë nën juridiksionin e Kosovës.
“Dokumenti i Ahtisaarit rregullonte disa pozicione që nuk janë adekuate për realitetin kulturor dhe historik. Unë mendoj se Kisha Ortodokse në Kosovë duhet të ketë statutin e saj ligjor, por kishat dhe të gjitha institucionet e tjera duhet të trajtohen si pronë e shtetit të Kosovës. Ekziston një problem politik midis Prishtinës dhe Beogradit. Ekziston shumë tension, veçanërisht pasi që disa manastire janë shpallur thesar botëror nën kujdesin e UNESCO-s .Kjo është mirë, meqë do të thotë të ruash dhe të fitosh një dimension botëror kulturor, por nuk është mirë nëse kërkohet një statut politik në bazë të këtij statuti. “Kisha Ortodokse duhet të ketë të gjitha të drejtat, por ato të drejta duhet t’i nënshtrohen shtetit të Kosovës,” tha Buxhovi.
I pyetur se a pret që Kosova të bëhet anëtare e UNESCO-s, Buxhovi vlerëson se kjo varet nga shumë faktorë.
“Për fat të keq, ka disa kushte që nuk janë përmbushur deri më tani. Kosova dhe Serbia duhet të bien dakord për manastiret në aspektin kulturor, që të përfaqësohen sa më mirë që të jetë e mundur. Do të ishte shumë e rëndësishme që Kosova të bëhet anëtare e UNESCO, por ka edhe probleme që politizohen. Vazhdimi i këtyre polemikave dhe mosmarrëveshjeve, do të dëmtojë aspektin kulturor të kësaj çështje, thotë Buxhovi.
Historiani Buxhovi, është kritik edhe rreth asaj si mësohet historia në tekstet shkollore. Thotë se shumëçka aty bazohet në qëndrime joshkencore.
“Historia që po mësojnë fëmijët në Kosovë është një histori shumë joshkencore dhe është më gjuhë politike. Unë gjithmonë kam qenë kritik ndaj këtyre librave, ato janë të ngarkaura me romantizëm, nacionalizëm dhe me shumë pikëpamje të pasakta, joshkencore. Problemi më i madh jo vetëm në Kosovë por edhe në Shqipëri, Serbi dhe Maqedoni është se fëmijët po mësojnë histori të gabuar, përfundon Buxhovi.
Budžovi: SPC prisvojila hrišćansko nasleđe Kosova, do 1913. Albanci su bili vladike – Kosovo Online
Iz Prištine ponovo stižu poruke na temu srpskog kulturnog i duhovnog nasleđa na Kosovu, koje će svakako dodatno rasplamsati, poslednjih meseci već uzavrele, srpsko-albanske odnose na ovu temu. Ovoga puta istoričar i publicista Jusuf Budžovi iznosi tvrdnju da Srpska pravoslavna crkva prisvaja nasleđe hrišćanstva na Kosovu, napominjući da su deo toga svi narodi Balkana koji su se nalazili na prostoru Kosova u srednjem veku.
Budžovi za Kosovo Onlajn kaže da je Ahtisarijev plan za Kosovo politički koncept i da je, po ovom pitanju, u suprotnosti sa istorijskim činjenicama. On dodaje da je kroz naučna istraživanja dao politički odgovor na polemike oko porekla imovine SPC na Kosovu.
“Činjenice su da je SPC prisvojila pravo hrišćanskog nasleđa na osnovu jezičke liturgije, koja je na ovom podneblju bila najpre na grčkom, pa od 12. veka i na starocrkvenom, slovenskom jeziku. Taj faktor treba da se definiše i tu leže ti problemi koji su više politički”, kaže Budžovi.
On ukazuje da su pojedini hramovi SPC na Kosovu izgrađeni na temeljima katoličkih crkava, uz napomenu da upravo to potvrđuje teoriju o prisvajaju tekovine “zajedničkog hrišćanstva”.
“Ne bih mogao dati kompetentan odgovor, drugi naučnici se bave tim pitanjem, ali postoje još neke indicije da su se te crkve gradile na osnovu tih starih crkava koje su postojale. Što se tiče Dečana, u srednjem veku je to bio i hram Albanaca, jer istorijski veći deo Albanaca ovog podneblja bili su pravoslavne vere i nije nikakvo čudo da su vladike tih crkava sve do 1913. godine bili Albanci. I to čuvene familije. Zašto bi oni čuvali te crkve kada ne bi verovali u njih? Što se tiče istorijskih argumenata, mogu se naći i u srpskoj istoriografiji podaci da je bilo puno Albanaca koji su bili deo pravoslavne crkve”, objašnjava Budžovi.
On navodi da je Ahtisarijev plan politički koncept koji je u suprotnosti sa kulturnim i istorijskim činjenicama, dodajući da nije protiv statuta SPC koji treba da bude pod ingerencijom Kosova.
“Ahtisarijev dokument je regulisao neke pozicije koje nisu adekvatne kulturnoj i istorijskoj realnosti. Mislim da pravoslavna crkva na Kosovu treba da ima svoj pravni statut, ali crkve i sve druge institucije treba da se tretiraju kao vlasništvo države Kosovo. Tu postoji politički problem između Prištine i Beograda. Ima dosta zategnutosti, pogotovo što su pojedini manastiri proglašeni kao svetsko blago pod pokroviteljstvom UNESKO, i to je dobro, podrazumeva čuvanje i dobijanje kulturne svetske dimenzije, ali nije dobro ako se na osnovu tog statuta traži politički statut. Pravoslavna crkva treba da ima sva prava, ali da ta prava podležu državi Kosovo”, ističe Budžovi.
Na pitanje kada očekuje da Kosovo postane član UNESKO, Budžovi odgovara da to zavisi od mnogih faktora.
“Tu su neki uslovi koji nažalost do sada nisu ispunjeni. Kosovo i Srbija treba da se dogovore oko manastira, da budu što kompletnije predstavljani. Bilo bi vrlo važno da Kosovo postane član UNESKO, ali i tu postoje problemi koji su politizovani. U nekom svetskom okviru verovatno ćemo izgubiti od te politizacije koja će se odraziti i na kulturnom nivou”, smatra Budžovi.
Ovaj istoričar kaže da današnja deca uče pogrešnu istoriju, koja je, po njemu, zasnovana na nenaučnim stavovima.
“Ta istorija koju deca na Kosovu uče je vrlo nenaučna istorija i više je politička. Ja sam bio oduvek kritičan prema tim knjigama, to su mahom nenaučni stavovi. Tu ima romantizma, nacionalizma, ima puno netačnih, nenaučnih stavova. Najveći problem ne samo na Kosovu već i u Albaniji, Srbiji i Makedoniji je taj što deca uče pogrešnu istoriju. Još uvek, koliko primećujem u tim tekstovima ima tog nacionalizma, ima puno toga što treba da se menja”, zaključuje Budžovi.
Albin Kurti, prej se është rrëzuar nga Qeveria, për çdo ditë kërkon zgjedhje. Kadri Veseli ka nisur shëtitjet nëpër komuna dhe po flet për dështimet e Avdullah Hotit. Kryeministri ka nisur t’i marrë nën kontroll institucionet kryesore para se të shkohet në proces elektoral. Ramush Haradinaj, gati çdo javë, shtyhet me Shefin e Ekzekutivit. Amerikanët kanë deklaruar se nuk i pengojnë zgjedhjet e reja.
Albin Kurti dhe Kadri Veseli po bëjnë veprime të ngjashme kur është puna te përgatitja e partive për garën elektorale. Të dy liderët e partive po bëjnë fushatë në terren për t’u bërë gati në rast se vendi shkon shpejt në zgjedhje elektorale.
Edhe lideri i NISMA’s, Fatmir Limaj, ka nisur t’i mobilizojë anëtarët e partisë se një proces i shpejt elektoral mund ta zë Kosovën.
Në këtë situatë, duarkryq nuk po rrinë as Shefi i Qeverisë, Avdullah Hoti, i cili ka futur nën kontroll institucionet kryesore si Policinë, Doganën dhe ATK’në. Në një proces të mundshëm elektoral, Hoti do t’i kishte njerëzit e tij në krye të institucioneve kryesore që merren me siguri e ekonomi.
Gjithë këto lëvizje janë duke ndodhur pasi është vënë në pazar posti i Presidentit pasi është përmendur se Specialja ka lëvizur sa i përket aktakuzës ndaj Hashim Thaçit.
Amerikanët kanë qartësuar pozicionin e tyre se nuk janë kundër zgjedhjeve.
“Nëse Kushtetuta e lejon ndryshimet në koalicion ne do ta respektojmë. Por nëse shihet se Kosova po shkon nga zgjedhjet, ne do ta respektojmë edhe atë opsion. Kam dëgjuar njerëzit duke thënë se SHBA nuk do të lejojë zgjedhjet apo nuk do të pranojmë rezultate të caktuara, kjo nuk është e vërtet. Presim që qeveritarët t’i përmbahen Kushtetutës”, ka thënë ambasadori amerikan, Philip Kosnett në “Debat Plus”.
Zgjedhjet është duke i përmendur edhe Kryetari i LDK’së, Isa Mustafa. Ka thënë se nëse s’ka pajtim për Presidentin atëherë shkohet në proces të ri elektora.
Deputeti i LDK’së, Arben Gashi, në një debat televiziv, ka thënë se gjasat më të mëdha për President i ka Isa Mustafa. Qoftë edhe pas një procesi të ri elektoral.
Shpallja e zgjedhjeve për kryetar komune në Podujevë e Mitrovicë të Veriut nga presidenti Thaçi e në anën tjetër gara për postin që mban ky i fundit ka mobilizuar partitë politike për zgjedhje në nivel vendi.
AAK po insiston me çdo kusht që posti i presidentit i takon Ramush Haradinajt. Por LDK’ja dhe Avdullah Hoti ia kanë bërë të qartë se për këtë pozitë flasin kur të vie koha.
Vetëvendosje tash e sa kohë e ka të ditur qëndrimin për zgjedhje të jashtëzakonshme.
Kryetari i PDK’së, Kadri Veseli ka shpeshtuar vizitat nëpër fshatrat e qytetet e Kosovës, kurse Fatmir Limaj i Nismës po i takon strukturat organizative të partisë.
Këto lëvizje po tregojnë qartë se posti i presidentit ka bërë që partitë të mobilizohen tek anëtarësia e tyre për zgjedhje të mundshme.
E për zgjedhjet ka folur edhe përfaqësuesi kryesor i diplomacisë amerikane në Kosovë, ambasadori Philip Kosnett.
Ai tha në një intervistë televizive se ambasada amerikane nuk është asnjëherë kundër zgjedhjeve./GazetaExpress/
Dy kompanitë më të mëdha në Kosovë, Telekomi dhe Trepça, gjatë kësaj jave kanë përfunduar me llogari bankare të bllokuara, për shkak të borxheve të akumuluara ndër vite.
Telekomi i Kosovës i ka borxh mbi 25 milionë euro kompanisë Z-Mobile për shkak të mospërmbushjes së një kontrate nga ana e Telekomit. Ndërkaq, ndërmarrja Trepça ka një borxh prej rreth pesë milionë euro ndaj Distribucionit të Furnizimit me Energji Elektrike (KEDS) dhe operatorëve tjerë.
Qeveria e Republikës së Kosovës, e cila është pronare e 100 për qind të aksioneve të Telekomit dhe 80 për qind të aksioneve të Trepçës, është duke bërë përpjekje që të gjendet një zgjidhje për të tejkaluar këtë situatë, por që deri më tani, nuk ka ndonjë plan konkret.
Qeveria e Kosovës konsideron se Trepça ka trashëguar kontrata të pafavorshme, të cilat po i shkaktojnë dëme financiare.
Për të dalë nga kjo situatë, kryeshefi i Trepçës, Hysen Vrajolli thotë se Ministria e Ekonomisë dhe Ambientit është duke bashkëpunuar me Bordin dhe Menaxhmentin e Trepçës, për të përgatitur panin e biznesit për tejkalim të situatës.
Trepça me afarizëm negativ
Viti 2018, nga Qeveria e Kosovës që atëbotë udhëhiqej nga Ramush Haradinajn, ishte shpallur vit i kompleksit metalurgjik Trepça, që nënkuptonte rifunksionalizimin e ndërmarrjes.
Por, kjo ndërmarrje, e cila llogaritej si një prej ndërmarrjeve më të mëdha jo vetëm në Kosovë, por edhe në ish-Jugosllavi, asnjëherë që nga paslufta nuk ka arritur të vihen në funksion të zhvillimit ekonomik të vendit.
Aktualisht, Trepça merret me nxjerrjen dhe përpunimin e mineraleve, kryesisht të plumbit dhe zinkut dhe është e vetmja prodhuese e këtij lloji në Kosovë.
Por, prodhimi është shumë i ulët dhe atë vetëm rreth 150 mijë tonë xehe në vit, ndërsa, në periudhën para vitit 1999, miniera prodhonte rreth 600 mijë tonë xehe në vit.
Gjatë këtij viti, kryeshefi i Trepçës, Hysen Vrajolli, thotë se ka pasur rritje të prodhimit për rreth 30 për qind krahasuar me vitin e kaluar, por rënia e çmimeve në bursa dhe tregje ndërkombëtare, e ka nxjerrë këtë kompani me afarizëm negativ.
Rrezikohen pagat e punëtorëve
Trepça e cila në vitet e 80-ta punësonte mbi 20 mijë punëtorë, aktualisht ka 1,400 punëtorë, të cilët pas bllokimit të llogarive mund të mbesin edhe pa paga.
Vrajolli pret që llogaria bankare e Trepçës të zhbllokohet gjatë javës së ardhshme, ndërkaq, për të dalë nga kjo krizë në të cilën është futur Trepça, ai thotë se ju duhen pesë milionë euro ndihmë nga qeveria.
Kombinati Trepça gjendet në Komunën e Mitrovicës. Sektorët e tij gjenden në pjesën veriore dhe atë jugore të qytetit.
Trepça, sot brenda Kosovës përbëhet prej 41 njësive të ndryshme, që grupohen kryesisht në tri komplekse të mëdha: në miniera me flotacione, në parkun industrial në Mitrovicë dhe në kompleksin e shkritoreve.
Por, një pjesë e madhe e këtyre kapaciteteve janë të degraduara, për shkak të mungesës së mirëmbajtjes ose mungesës së investimeve, e madje edhe keqshfrytëzimit në të kaluarën.
Përveç aseteve në Kosovë, 31 prona të këtij kombinati gjenden në republikat e ish-Jugosllavisë, duke përfshirë këtu fabrika, zyra dhe objekte tjera.
Rrezikohet të ndërpriten të gjitha shërbimet e telefonisë
Ngjashëm, si punëtorët e Trepçës edhe mbi 2,500 punëtorët e Telekomit të Kosovës rrezikohen të mbesin pa paga.
Në mungesë të mjeteve, përveç pagave, Lamih Balaj, kryetar i Federatës Sindikale të Telekomit të Kosovës thotë se rrezikohen të ndërpriten të gjitha shërbimet e telefonisë mobile dhe fiks.
Për të mos ndodhur kjo, Qeveria e Kosovës, thotë Balaj, është e vetmja ajo e cila duhet të nxjerrë Telekomin nga kjo situatë në të cilën ka hyrë.
Bllokimi i llogarive të Telekomit të Kosovës nga një përmbarues privat është për bërë për të dytë herë brenda tre muajve. Në korrik, pas takimeve që kishin pasur përfaqësues të Ministrisë së Ekonomisë dhe Ambientit me kompaninë Z-Mobile, llogaritë ishin zhbllokuar.
Qeveria e Kosovës, siç thotë Balaj, edhe tani është duke zhvilluar takime në mënyrë që të gjendet një zgjidhje.
Ndryshe, Telekomi i Kosovës ishte një kontribuues i fuqishëm i buxhetit të vendit. Për çdo vit, kjo kompani i ka sjellë arkës së shtetit miliona euro.
Nga viti 2008 deri në vitin 2015, kjo kompani i ka paguar Qeverisë së Kosovës mbi 250 milionë euro dividendë. Dividendi, sipas ligjit, ndahet në rast se kompania përkatëse shënon rezultate të mira financiare.
Telekomi i Kosovës është kompani publike, e transformuar në shoqëri aksionare, në të cilën operon telefonia fikse dhe ajo mobile Vala.
Operatori Vala ka mbi 1.2 milion konsumatorë në nivel vendi.
Kontrata që çoi në krizë Telekomin
Marrëveshja e vitit 2009 me “Dardafon.net LLC” është konsideruar si kontratë e dëmshme, e cila, përveç tjerash, thuhet se e ka futur në krizë financiare Telekomin e Kosovës. Kjo kompani është e njohur me emrin tregtar Z-Mobile.
Kjo kontratë, i kishte mundësuar kompanisë Z-Mobile të ishte operator virtual i telefonisë mobile të operatorit mobil Vala, që funksionon në kuadër të Telekomit të Kosovës.
Kontrata në vazhdimësi është konsideruar si e dëmshme, por si e tillë ka zgjatur deri në korrik të vitit 2019, kur bordi i Telekomit të Kosovës pati marrë vendim për shkëputjen e saj.
Pavarësisht fitimeve që Z-Mobile thuhet t’i ketë pasur nga kjo kontratë, kompania ka pretenduar se Telekomi i Kosovës nuk e ka përmbushur kontratën në tërësi dhe e kishte paditur, ku edhe ka fituar rastin.
Telekomi për dëmin e shkaktuar ndaj kompanisë Z-Mobile, obligohet të paguajë një gjobë prej mbi 25 milionë eurosh, për të cilat mjete edhe janë bllokuar llogaritë bankare të Telekomit.
Krerët e politikës kosovare i janë bashkuar dhimbjes për ndarjen nga jeta të kompozitorit të madh, Avni Mula. Kryeministri i Kosovës, Avdullah Hoti, thekson se vepra e çmuar e kompozitorit dhe baritonit tonë, do të jetojë gjatë edhe për brezat që do të vijnë.
“Me pikëllim e mora lajmin për ndarjen nga jeta të artistit të madh shqiptar, Avni Mula. Ngushëllime të sinqerta Inva Mulës, të gjithë familjes dhe komunitetit të artistëve. Vepra e çmuar e kompozitorit dhe baritonit tonë, do të jetojë gjatë edhe për brezat që do të vijnë”, shkruan Hoti.
Po ashtu, ngushëllime shpreh edhe Presidenti Hashim Thaçi, i cili thekson se vdekja e Mulës është humbje madhe e kulturës kombëtare, familjes dhe miqve të tij.
“Vdekja e kompozitorit të shquar shqiptar, Artistit të Popullit, Avni Mula, është humbje madhe e kulturës kombëtare, familjes dhe miqve të tij.
Brenda një periudhe të gjatë jetësore, Avni Mula kontribuoi në shumë fusha të artit muzikor, duke lënë pas një trashëgimi të pasur dhe elitare.
Lamtumirë maestro, lamtumirë Nderi i Kombit!”, thekson Presidenti Thaçi.
Shumica në Kosovë, nuk janë të kënaqur më këta njerëz të politikës.Nuk janë të kënaqur së në krye të shtetit të ri të Kosovës, erdhën forcat retrograde , erdhën forcat neokomuniste . Nuk krijuan vlera shoqërore, së logjika e tyre është antivlerë, është logjikë përjashtuese e të mirës karshi të keqës.Unë mendojë së më shumë së gjysma e popullatës nuk iu besojnë këtyre njerëzve që shkatërruan çdo gjë para veti, për tu bërë milioner mbrenda natës pa asnjë mund, më para të taksapaguesëve të Kosovës . Kosovën e ka mbuluar krimi dhe korrupcioni .Kosova në vend të rrugës të progresit, zgjodhi rrugën e kthimit mbrapa.është lënë rruga e lirisë, demokracisë , progresit dhe lirisë politike .Për atë edhe Kosova e sotme nuk është demokratike , por është despotike. Politika dhe ekonomia mvarën nga elitat e pa dije, nga elitat politike të painteresuara për shtet.Për këtë gjendje të krijuar natyrisht së nuk janë fajtorë vëtem ata, janë fajtor qytetarët të cilët kan zgjedhur heshtjën e varrit. Shumë kush është mbushur mëkate e nuk përgjigjët para organeve të drejtësisë për plaqkitije të hapura dhe të fshtehta karshi shtetit.E mbajtën dhe po e mbajnë popullin në iluzione të rreme , po e mbajnë në mite nga e kaluara . Kështu mbrapsht na kaluan plotë 21 vite , e në po e mashtrojmë vetën .Ne një shtet normal e demokratik , shumë kush për vepra abuzive do të ishte në burg. E kan shëndrruar Kosovën në pronë private.Avullohen milionatë e këta tallën më shtetin dhe më popullin.Po tallën së nuk funkcionon si duhet shteti ligjorë .Kanë krijuar një gjendje të padurueshme , e kan gjunjëzuar popullin në mënyrën më të quditshme.Gjithë këto vepra korruptive , e këta kan mbetur duke bërë sehir. Mjaftë ishim objekt përbuzjeje , mjaftë u vramë dhe u masakruam nga armiqët serbë.Me deciene i kishim duartë e lidhura më tela me gjëmba.Në luftën e fundit u likuiduam në mënyre masovike nga armiqët e përbëtuar serbë, të cilët më luftë i dëbuam nga Kosova.Menduam së u liruam nga sadizmi dhe ekvivalenca etnike .Sikur torturat po vazhdojnë , por tash të formës më ndryshe.Tash po përballemi më torturën sikur kur cigarja shuhet mbi trupin.Po zgjedhen metoda sadiste , të orgjisë neofashite të hororit dhe vdekjës.Deri kur se…!!!
Ish kryeministri i Kosovës njëherësh kryetari i Lëvizjes Vetëvendosje, Albin Kurti është diagnostikuar pozitiv me koronavirusin e ri (COVID-19), transmeton Anadolu Agency (AA).
Lajmin e ka bërë të ditur vetë ai nëpërmjet rrjeteve sociale duke ju drejtuar anëtarëve të Vetëvendosjes dhe qytetarëve, ku ka thënë se para se të mësonte që është infektuar me këtë virus, është përballë me disa simptoma.
“Parmbrëmë kisha disa simptoma: kokëdhembje të lehtë, pak koll dhe dhembje e skuqje të syve. Dje jam testuar për COVID-19 dhe kam rezultuar pozitiv. Në dy javët në vijim do të qëndroj në vetizolim”, ka shkruar Kurti.
Koronavirusi i ri (COVID-19) ka prekur edhe një numër deputetësh të Kuvendit të Kosovës pothuajse nga të gjitha partitë. Gjithashtu, me COVID-19 pozitiv kishte rezultuar muaj më parë edhe kryeministri aktual Avdullah Hoti i cili pas dy javësh izolim e ka kaluar atë.
Aktualisht numri i të infektuarve me këtë virus në Kosovë po shënon rritje, ku dje ministri i Shëndetësisë, Armend Zemaj paralajmëroi masa të reja për parandalimin e përhapjes së koronavirusit.
Instituti Kombëtar i Shëndetësisë Publike në Kosovë (IKSHPK), ka diagnostikuar deri tash 18.345 persona pozitiv me koronavirus, ku 669 prej tyre kanë vdekur ndërsa 15.198 janë shëruar dhe raste aktive janë 2.478.
Për shkak të paraqitjes së rasteve pozitive me koronavirus, si në mesin e nxënësve ashtu edhe të mësimdhënësve, 14 shkolla në Kosovë janë mbyllur, kurse mësimi ka kaluar online.
Diellza Kukaj, zyrtare për informim në Ministrinë e Arsimit dhe Shkencës, thotë se numri i nxënësve të infektuar me koronavirus është 130, ndërkaq i mësimdhënësve 148.
“Gjitha shkollat që tashmë janë mbyllur, kanë kaluar sipas planit C, pra mësimi po mbahet online. Ky është bilanci i të infektuarve që ne e kemi marrë ditën e premte (23 tetor) nga e gjithë Kosova, pra kemi 148 mësimdhënës dhe 130 nxënës të infektuar”, tha Kukaj për Radion Evropa e Lirë.
Ndryshe, Ministria e Arsimit ka paraparë që në këtë vit shkollor, mësimi të realizohet përmes tre skenarëve. Skenari A ka të bëjë me zhvillimin e mësimit në ambientet shkollore. Skenari B, apo mësimi i kombinuar përfshin rikthimin e pjesshëm të nxënësve në shkolla (prezencë e nxënësve në shkolla, e kombinuar dhe me mësimin në distancë) dhe skenari C është mësimi në distancë apo online.
Njëra nga nxënëset që për dy javë ka vijuar mësimin online është Renea Munishi. Ajo tregon se në klasën e saj, në shkollën e mesme “Don Bosko” në Prishtinë, një nxënës doli pozitiv me COVID-19, sëmundjen që e shkakton koronavirusi.
Pas kësaj, tregon Renea, mësimi u zhvendos online dhe e gjithë klasa u testua për koronavirus nga Instituti Kombëtar i Shëndetësisë Publike.
“Ndonëse kemi dalë gjithë të tjerët negativë, ne për dy javë nuk kemi shkuar në shkollë, po mësimi ka vazhduar online. Gjatë kësaj jave kemi filluar mësimin në objekt. Ne jemi testuar nga Instituti Kombëtar i Shëndetësisë Publike me teste (me metodën) PCR. Katër profesionistë kanë ardhur në shkollë dhe aty i kanë marrë mostrat e nxënësve. Nuk kemi qenë vetëm ne, ka pasur edhe nga klasë të tjera që janë testuar”, tregon ajo.
Në shkollën fillore “Faik Konica” në Prishtinë, mësimi po zhvillohet sipas skenarit B, apo mësimi i kombinuar, ku një grup nxënësish për një javë ndjekë mësimet nga banka shkollore dhe tjetri kyçet online nga shtëpia.
Ky skenar po aplikohet në këtë shkollë, pasi në muajin shtator, ajo u mbyll sepse katër arsimtarë dolën pozitivë me koronavirus.
Drejtoresha e kësaj shkolle, Jehona Oruqi tregon për Radion Evropa e Lirë se si po zhvillohet mësimi në këtë institucion arsimor.
“Shkolla jonë ka qenë dy javë me skenarin C, pra gjithë kemi qenë në mësim online, për arsye se kanë rezultuar katër mësimdhënës pozitivë. Tash po funksionojmë sipas skenarit B. Janë dy grupe brenda ditës, ku njëri kyçet online nga shtëpia direkt në klasë dhe grupi tjetër brenda klasës. Aktualisht e kemi një nxënëse të infektuar, por që ka qenë duke mbajtur mësim nga shtëpia. Kështu që gjithçka po funksionon aktualisht mirë sa i përket mësimit”, thotë Oruqi.
Kosova pikun e pandemisë e ka arritur në muajt korrik e gusht, derisa më pas numri i të infektuarve ka shkuar duke shënuar rënie. Por, në tre javët e fundit në Kosovë është vërejtur një rritje e lehtë e numrit të të infektuarve me koronavirus.
Në shtatë ditët e fundit, në Kosovë janë regjistruar 1,139 raste të reja me koronavirus dhe dhjetë viktima.
Megjithëkëtë, mikrobiologu Lul Raka tha se tash për tash nuk është diskutuar për mbyllje shkollash, dhe se mësimi do të vazhdojë të mbahet në objekte shkollore sipas planit që tashmë shkollat i kanë bërë. Por, ai shtoi se kjo varet nga situata epidemiologjike në ditët në vijim.
“Gjithçka varet nga situata epidemiologjike. Në Kosovë, ndonëse që nga mesi i muajit shtator janë hapur shkollat, numri i rasteve të të infektuarve me koronavirus tash për tash po del të jetë i menaxhueshëm. Ato shkolla ku ka pasur të infektuar kanë kaluar në planin C, dhe mësimi mbahet online”, thotë Raka.
Me planin e Qeverisë së Kosovës ka qenë e paraparë që mësimi të niste më 1 shtator, por data është shtyrë për dy javë me kërkesë të Sindikatës së Bashkuar për Arsim, Shkencë dhe Kulturë (SBASHK).
Kjo e fundit, atëbotë pati thënë se nuk janë siguruar kushtet e nevojshme për fëmijët, mësimdhënësit dhe prindërit.
Qeveria e Kosovës i ka mbyllur institucionet arsimore qysh në mes të marsit, kur edhe janë shfaqur rastet e para me koronavirus.
Pjesën e mbetur të vitit shkollor, nxënësit e kanë ndjekur online.
Voal.ch – Në Kosovë duket se guximi i zyrtarëve ka tejkaluar pritshmëritë dhe “dora e pabesë” ka arritur deri te thesari i shtetit. 2 milionë euro i mungojnë Kosovës. Por ku kanë shkuar? Për këto zhvillime, por edhe të tjera, foli në A2 gazetari, opinionisti, Milaim Zeka.
Fillimisht, ai foli për mungesën e 2,1 milionë eurove në thesarin e Kosovës, duke theksuar se kjo lëvizje ka ndodhur me dijeninë e plotë të politikanëve. “Çdo vjedhje që ndodh në Tiranë kryhet me miratimin e krerëve të shtetit. Nuk ka skandal të hajnisë në Tiranë që nuk është e përfshirë qeveria. E njëjta situatë është edhe në Kosovë. Janë një petë e lakrorit ose janë vetëm një pikë në oqeanin e vjedhjeve që i janë bërë Kosovës nga politikanët, që sot janë multimilionerë. Në anën tjetër, populli është varfëruar në mënyrë ekstreme. Ky njeri, i cili arriti të transferojë 2,1 milionë euro nga thesari ishte në koordinim absolut me politikanët e Kosovë, pasi në të kundërt nuk kishte për të ndodhur pa dijeninë e këtyre njerëzve”, u shpreh Zeka.
Më tej, Zeka foli mbi Gjykatën Speciale duke u shprehur se tashmë akuza ndaj Thaçit, Veselit dhe të tjerëve është e konfirmuar. “Aktakuza është e konfirmuar edhe këtë e dinë edhe këta persona. Për këtë ka ndodhur dje një takim. Tani do të kemi zhvillime të reja në Kosova. Nëse gjykata nuk del sot me deklaratë që aktakuza ndaj Thaçit dhe Veselit është hedhur poshtë, atëherë është e konfirmuar. Mosdeklarimi i Gjykatës sot e konfirmon aktakuzën. Thaçi mund të japë dorëheqje dhe ne mund të shkojmë në zgjedhje të jashtëzakonshme. Sipas meje, zgjedhjet do të mbahen në pranverën e vitit të ardhshëm. Jam shumë i bindur që qytetarët e Kosovës do të shkojnë në zgjedhje të jashtëzakonshme në pranverën e ardhshme. Besoj se do ta kalojmë këtë periudhë në mënyrë të qetë, pasi Serbia është duke e vënë në dyshim ekzistencën e shtetit të Kosovës”, u shpreh Zeka.
Pas transferimit ilegal të dy milionë e 77 mijë eurove nga Thesari i Shtetit në llogarinë e kompanisë private LDA Group SH.P.K më 9 tetor, një shumë prej mbi 1 milionë e 300 mijë eurove është procesuar në 17 xhirollogari të tjera.
Nga këto, 17 llogari, paratë janë shpërndarë në rreth 50 llogari tjera, firmash e individësh të cilët kanë kryer blerje të ndryshme, nga ushqimi, deri të veturat luksoze.
Një hulumtim i Gazetës Online Insajderi ka zbuluar se 261 mijë euro të tjera janë tërhequr në para të gatshme në banka nga pronarët e LDA Group Sh.P.K: Valon dhe Kadri Shala
Rreth 400 mijë të tjera dyshohet se janë bllokuar në xhirollogaritë e kompanisë, në të cilën u realizuan katër pagesa ilegale në emër të Ministrisë së Infrastrukturës, raporton Gazeta Insajderi.
Përpos tërheqjes në formë kesh dhe elektronike të 266 mijë e 572 eurove nga xhirollogaritë e firmës, Valon e Kadri Shala kanë transferuar 26 mijë euro në xhirollogarinë e Klubit Futbollistik “KF Gryka e Llapushnikut” – një klubi të shuar futbolli, të cilin e kishte drejtuar Kadri Shala disa vjet më parë.
Dy pronarët e kompanisë “LDA Group” Sh.P.K. ndodhen në arrati që nga e marta. Atë ditë, Policia e Kosovës arrestoi Labinot Grudën, zyrtarin e Thesarit të Shtetit, i cili dyshohet për transferet ilegale në vlerë prej mbi dy milionë eurove.
Por jo vetëm këta tre persona qëndrojnë prapa skemës së vjedhjes dhe shpërndarjes së milionave të zhdukur nga Thesari. Gazeta Insajderi ka zbuluar se skema e vjedhjes së mbi dy milionë eurove nga buxheti i shtetit implikon edhe njerëz të lidhur me politikën, një kompani të huaj me bazë në Turqi dhe biznesmenë të tjerë të profilit jo të lartë.
Brenda ditëve të para pas vjedhjes nga Thesari i Shtetit, shumica e mjeteve janë transferuar nga LDA Group SH.P.K në llogaritë e 13 kompanive të tjera private dhe 4 personave fizik. Gazeta Insajderi ka zbuluar rrjedhën e parave të cilat dëshmojnë se 340 mijë euro janë transferuar nga llogaria e kompanisë LDA Group SH.P.K në adresë të kompanisë turke, “Vekoç Makina Insaat”. Janë kryer dy transaksione: njëra në vlerë prej 215 mijë eurove dhe një tjetër në vlerë prej 125 mijë eurove.
“Vekoç Makine – Vekoç Makina Insaat” është një kompani e regjistruar në Tuzla, një lagje e cila ndodhet në kufirin lindor të Stambollit.
Pronari i kësaj kompanie, e cila merret me aktivitetet e përpunimit dhe prodhimit të betonit, rezulton të jetë Vehbi Koç.
Biznesmeni Koç besohet të ketë lidhje me Kadri dhe Valon Shalën, pronarët e LDA Group Sh.P.K të cilët dyshohet se pas transferimit ilegal të mjeteve janë arratisur në drejtim të Turqisë.
300 mijë euro të tjera, siç ka zbuluar Gazeta Insajderi, nga LDA Group janë transferuar në xhirollogarinë e Gashi Komerce Sh.P.K, një firme private me bazë në Suharekë.
Bazuar në regjistrin e të dhënave pranë Agjencisë për Regjistrimin e Bizneseve në Kosovë (ARBK), pronarë të Gashi Komerce Sh.P.K figurojnë Gëzim dhe Mevlide Gashi. Të dy zotërojnë nga 50 për qind të aksioneve të firmës, e cila merret me prodhimin e artikujve të plastikës për ndërtimtari.
Tri ditë pas zhdukjes së milionave të Thesarit, secili nga dy djemtë e bashkë-pronarëve të Gashi Komerce Sh.P.K, u bënë pronarë të dy veturave të reja të markës gjermane Audi. Kështu sugjeron një postim i bashkëshortit të Mevlide Gashit dhe vëllait të Gëzim Gashit, i cili uroi djalin e nipin e tij për blerjen e dy veturave të reja në një sallon automobilësh në Prishtinë.
Sipas të dhënave publike, Gashi Komerce Sh.P.K ka deklaruar kapital në vlerë prej 2 mijë eurove, ndonëse firma është regjistruar si biznes më 2014, raporton Gazeta Insajderi.
Pjesë e skemës së vjedhjes milionëshe nga Thesari është edhe Burim Bujupi. Kësisoj, lidhjet e tij çojnë edhe drejt Kadri Shalës, bashkë-pronarit të “LDA Group” Sh.P.K.
Gazeta Insajderi, ka mësuar se në xhirollogarinë e bashkë-partiakut të Kadri Shalës, është procesuar një transaksion në vlerë prej mbi 50 mijë eurove disa orë pas transferimit të mjeteve të vjedhura nga Thesari në llogarinë e “LDA Group” Sh.P.K., tregojnë të dhënat që ka siguruar Insajderi.
Bujupi, aktivitetet e tij i ndan mes politikës e biznesit. Ai është ortak biznesi me Mërgim Lushtakun, deputetin e Partisë Demokratike të Kosovës.
Dy biznesmenët që merren edhe me politikë, udhëheqin bashkë kompaninë private,“Koni projekt” Sh.P.K., e cili – bazuar në të dhënat e publikuara në ARBK – ka përcaktua Bujupi, është po ashtu pronar i firmës “Atika Beton” L.L.C., me bazë në fshatin Shkabaj të Prishtinës.
Përfituese nga skema e vjedhjes së buxhetit të shtetit është edhe një familjare e Bujupit. Gazeta Insajderi ka mësuar se nga kompania “LDA Group” Sh.P.K., pas 9 tetorit, 30 mijë euro janë transferuar në xhirollogarinë e 65-vjeçares, Myrvete Muhadri, vjehrrës së Burim Bujupit.
Muhadri është një grua në pension për të cilën ka shumë pak të dhëna publike, përveç lidhjes familjare me asamblistin e Kuvendit Komunal të Drenasit. Një emër tjetër tregtar i lidhur me njerëz të politikës, e që implikohet në skemën e vjedhjes nga Thesari, është “KREATIV” Sh.P.K. Kjo ndërmarrje private është pronë e Astrit Zejnajt, vëllait të Argjend Zejnajt, anëtarit të Këshillit Drejtues të Aleancës për Ardhmërinë e Kosovës.
Gjatë Qeverisë Haradinaj (2016-2019), Argjend Zejnaj shërbeu si shef i Kabinetit të Pal Lekajt, ish-ministrit të Infrastrukturës. Pikërisht nga linja buxhetore e kësaj ministrie u tërhoqën paratë, të cilat më pastaj u përdorën për kryerjen e pagesave ilegale nga Thesari i Shtetit për kompaninë “LDA Group”.
“KREATIV” Sh.P.K. është e regjistruar në Prishtinë në vitin 2016. Sipas regjistrit të Agjencisë për Regjistrimin e Bizneseve, drejtor i saj figuron Astrit Zejnaj, ndërkaq aksione në kompani zotëron edhe Arjeta Selmanaj.
Pak më shumë se 296 mijë euro, nga “LDA Group” janë transferuar në xhirollogarinë e “Isotherm Muja” Sh.P.K.. Është kjo një firmë private nga Suhareka, drejtor i së cilës figuron Mujë Llugaxhiu. Gazeta ka mësuar se Llugaxhiu ka afërsi familjare me Bashkim Ndrecajn, një asamblist komunal nga radhët e Lidhjes Demokratike të Kosovës në Suharekë.
Në regjistrin e ARBK-së, kjo kompani figuron se ushtron veprimtarinë e prodhimit të produkteve minerale jometalike. Kompania është e regjistruar si biznes në Ministrinë e Tregtisë katër vjet më parë. “Dili Commerce” Sh.P.K është një kompani tjetër në xhirollogarinë bankare të së cilës u transferuan 50 mijë euro nga “LDA Group”, tregojnë të dhënat që ka siguruar Gazeta Insajderi.
Ndërkaq, Shpejtim Rexhaj B.I., në të cilën firmë private janë transferuar 45 mijë euro të tjera nga shuma e vjedhur prej Thesarit, është një firmë e emërtuar me emrin tregtar “Shpërtimi – R”.
Kjo kompani, bazuar në të dhënat publike, figuron të jetë në pronësi të Shpejtim Rexhajt nga Komuna e Gjakovës. Në bazë të të dhënave publike, kompania të cilën e zotëron ai, është themeluar në prill të 2012-s. Veprimtari kryesore e ka përcaktuar ndërtimin e objekteve banesore.
Së paku sipas të dhënave publike, nuk ka asnjë informacion që e ndërlidh atë dhe biznesin e tij me të implikuarit e tjerë në skemën e vjedhjes milionëshe. Tre mijë euro më pak, saktësisht 42 mijë, janë transferuar në xhirollogarinë e firmës private “Kastrati Bau”. Edhe kjo ndërmarrje është e regjistruar në Gjakovë. Pronar i saj është Drilon Kastrati.
Kompania është e regjistruar pranë ARBK-së në Ministrinë e Tregtisë më 2006 dhe ushtron veprimtarinë e tregtisë me shumicë të drurit, materialeve ndërtimore dhe pajisjeve hidrosanitare.
Nga Gjakova, në skemën e vjedhjes milionëshe është implikuar edhe kompania private “Euroasphalt”. Me bazë në Bishtazhin të Komunës së Gjakovës, kjo firmë është e regjistruar në ARBK në vitin 2008. Kryetari i Bordit të Drejtorëve të kompanisë është Kaltrin Kryeziu, drejtor dhe agjent i regjistruar Fatos Deva dhe anëtar i bordit Alban Fetoshi.
Kjo kompani merret me një numër të madh të aktiviteteve përfshirë nxjerrjen e gurit dekorativ dhe të ndërtimit, gurit gëlqeror etj. 55 mijë euro, menjëherë pas dëmtimit të Thesarit të Shtetit, pronarët e “LDA Group” i derdhën në llogaritë e kompanisë NPT “Fati”, ndërsa 6 mijë e 500 euro të tjera në llogarinë e “Al Metal Sadria” Shpk, një kompanie me bazë në Drenas, pronësia e së cilës është deklaruar mbi biznesmenin Sadri Elshani.
Në dy transaksione të veçanta, nga kompania që ekziston vetëm në letra – “LDA Group” Sh.P.K – u transferua edhe një shumë me vlerë të përgjithshme prej 46 mijë eurove në xhirollogaritë e dy personave juridik: Besim S. Hoti e Bedri Shala. I dyti dyshohet të ketë lidhje familjare me dy të dyshuarit.
Bazuar në dosjet e Prokurorisë së Shtetit, ekzekutimi i pagesave ilegale nga Thesari i Shtetit në llogarinë e “LDA Group” Sh.P.K përfundoi brenda tetë minutave. Përmes procesimit të katër transaksioneve, në orën 12:41 të së premtes së 9 tetorit, dy milionë euro u derdhën në xhirollogarinë e kompanisë me bazë në fshatin Llapushnik të Drenasit.
Policia e Kosovës njoftoi të mërkurën se është kërkuar bllokimi i llogarive ku dyshohet të jenë transferuar mjetet nga Thesari.
“Me 20.10.2020 23:35 pas hetimeve të zhvilluara është arritur të arrestohet një i dyshuar m/k dhe dy të tjerë gjenden në arrati. Të dyshuarit dyshohet se duke keqpërdorur detyrën zyrtare duke përdorur thesarin shtetëror të Republikës së Kosovës kanë transferuar para në vlerë 2.077.995.90 milion euro”, thuhej në raportin e Policisë.
Për transferimin ilegal të mjeteve shpalosi detaje edhe ministrja e Financave, Hykmete Bajrami, në një konferencë të jashtëzakonshme për media dy ditë më parë. “Bëhet fjalë për katër transaksione të dyshimta të cilat kanë ndodhur nga llogaria e Thesarit të Kosovës, e cila është pjesë e Ministrisë së Financave dhe rreth 2 milionë euro kanë shkuar në llogari të një operatori ekonomik”, ka thënë Bajrami.
Udhëheqësja e Ministrisë së Financave ka thënë se “me t’u njoftuar për rastin, menjëherë [të martën, v.j] kemi njoftuar organet e drejtësisë”.
Si raport i skandalit, zëvendëskryeministrja e Kosovës, Albulena Balaj-Halimaj liroi nga detyra Hajrie Shalën, njërën nga këshilltaret e saj. Ajo është vajza e Kadri Shalës. Nisma Socialdemokrate, megjithatë, u distancua nga veprimet e bashkë-pronarit të “LDA Group” dhe u bëri thirrje organeve të rendit që të hetojnë rastin e krimit.
Zyrtari i Departamentit të Thesarit, Labinot Gruda, i arrestuar të martën për kryerjen e transaksioneve ilegale, është lidhur me Partinë Demokratike të Kosovës. Në të kaluarën, ka qenë drejtor në Komunën e Drenasit gjatë udhëheqjes së RamizLladrovcit. Por, PDK-ja ka mohuar lidhjen e saj me Grudën. /Gazeta Insajderi
Transaksionet nga Thesari tek LDA
622 mijë euro
375 mijë euro
330 mijë euro
750 mijë euro
Transaksionet nga LDA tek 17 llogari tjera
Tërheqje Kesh 215.000
Tërheqje ATM 51.572
NTSH Shefqet SHPK 5.000
Bedri Shala 20.000
Kreativ SHPK 21.566
Euroasphalt SHPK 7250
KF GrykaLlapushnik 26.000
Besim Salih Hoti 26.000
Kastrati Bau 42.000
Shpejtim Rexhaj 45.000
Dili Comerce SHPK 50.000
N.P.T Fati 55.2613
ODA e Junikut SHPK 6.136
Myrvet Muhadri 30.250
Burim Bujupi 50.500
Isotherm Muja SHPK 296.205
Gashi komerce SHPK 300.000
AL Metal Sadria SHPK 6.500
Vekoc Makinains san ved tic 1/LTD STI Turkye 125.000 / 215.000
PDK po kërkon që, në këmbim të hyrjes në Qeveri, t’i marrë ministritë aq sa i ka LDKja, si partia kryesore e koalicioni dhe postin e Presidentit.
Partia Demokratike ka vendosur çmim për t’u bërë pjesë e Qeverisë, pas disa muajve në opozitë, pasi i kaloi në pushtet 15 prej 20 vjetëve të pasluftës. Gazeta Express mëson se partia e Kadri Veselit, për të hyrë në Qeveri, po i kërkon ministritë aq sa i ka LDK’ja, që i bie gjashtë ministri.
Jashtë kabinetit qeveritar, PDK’ja dëshiron që të mos e lëshojë pozitën e Presidentit, të cilën e mban lideri i saj shumëvjeçar, Hashim Thaçi.
Lëvizjet kanë nisur, por nuk po dihet saktësisht se çka po ndodhë. Dje, kreu i AAK’së, Ramush Haradinaj, që është pretendent për President, ka takuar presidentin e tanishëm Hashim Thaçin dhe kryetarin e PDK’së, Kadri Veselin,
Ndërkaq, sot në Kuvend, Haradinaj i takoi partnerët e koalicionit; kreun e LDK’së, Isa Mustafën dhe atë të Nismës, Fatmir Limaj.
Zgjedhja e presidentit të ri ka afat deri në marsin e vitit 2021, por pritjet nga Haga, kanë nisur më herët kalkulimet. Nesër, më 24 tetor, është afati i fundit kur Tribunali Special e konfirmon ose e hedh poshtë aktakuzë ndaj Thaçit dhe Veselit, për krime lufte.
Deri tash, vetëm ish-kryeministri Ramush Haradinaj ka shpallur kandidaturën e vet për president të vendit. Për të nuk kanë deklaruar përkrahje as partnerët e koalicionit e as PDK’ja. Për çështjen e presidentit, të gjithë aktorët politikë thonë se do të flasin “kur të vijë koha”.
Ministrja e Punëve të Jashtme, Meliza Haradinaj-Stublla, ka mbajtur takimin e parë konsultativ me Ministrinë e Punëve të Jashtme të Izraelit.
Një gjë të tillë e ka bërë të ditur vetë ministrja Haradinaj, teksa tha se në takim u diskutuan detajet për vënien e marrëdhënieve diplomatike ndërmjet dy vendeve, shkruan Gazeta Express.
“Kisha nderin të hap takimin e parë zyrtar konsultativ ndërmjet Drejtorive të Përgjithshme të Ministrisë së Punëve të Jashtme dhe të Diasporës së Republikës së Kosovës dhe Ministrisë së Punëve të Jashtme të Shtetit të Izraelit, në të cilin u diskutua për detajet e vendosjes së Marrëdhënieve Diplomatike ndërmjet Kosovës dhe Izraelit, gadishmërinë për ndërtimin e marrëdhënieve të plota në të gjitha fushat, si dhe për hapjen e Ambasadës së Kosovës në Jerusalem”, thuhet në postimin e ministres.
Ndërkaq, tutje thuhet se u diskutua edhe lidhur me “vizitën e parë zyrtare në Shtetin e Izraelit të delegacionit të Republikës së Kosovës në muajin e ardhshëm”.
Marrëveshja ekonomike ndërmjet Kosovës dhe Serbisë, e finalizuar në Uashington, ka rezultuar në njohje diplomatike të Kosovës dhe Izraelit.
Avokati Arianit Koci, ka thënë në emisionin Frontal në T7 se nesër para orës 24:00 Gjykata Speciale duhet të konfirmojë se aktakuza ndaj presidentit Hashim Thaçi, dhe kryetarit të PDK’së, Kadri Veseli, është hedhur poshtë, në të kundërt i bie që ajo është konfirmuar së paku pjesërisht.
“Rregulla 85 pika 5 në mënyrë eksplicite parasheh që gjykata të merr vendim jo më larg se 6 muaj. Nesër pra është afati i fundit që gjyqtari të merr vendim. Është e qartë kjo dispozitë ligjore. Janë dy mundësi. Ënse hedhet aktakuza përfundon procedura ndaj të dyshuarve. Nëse hedhet nesër është afati që të informojnë. Nëse konfirmohet aktakuza, apo pjesërisht në ndonjë pikë atëherë ata mund të fshehin faktin që është konfirmuar aktakuza deri në momentin kur i kumtohet të dyshuarve në gjyq”, thotë ai.
“Sipas vlerësimit tim, aktakuza është konfirmuar së paku pjesërisht. Patjetër duhet të informohen nesër nëse është hedhur aktakuzë, përndryshe shkelen të drejtat e të dyshuarve”, shtoi ai. /Express/
Zyra e Prokurorit të Specializuar në Hagë tha se ndryshimet e propozuara kushtetuese nga presidenti i Kosovës, Hashim Thaçi, për vazhdimin e mandatit të Gjykatës Speciale, kanë për qëllim kryesor t’i zhbëjnë ose bëjnë të pavlefshme veprimet e Prokurorisë së Specializuar.
Komenti i Prokurorit të Specializuar vjen pas kërkesës për informacion nga Dhoma e Specializuar e Gjykatës Kushtetuese në Hagë.
Kjo dhomë është duke bërë vlerësimin e kërkesës së Thaçit rreth ndryshimeve kushtetuese, që lidhen me mandatin e Gjykatës Speciale.
E njëjta kërkesë për informacion i është dërguar edhe presidentit Thaçi, Misionit Evropian për Sundimin e Ligjit në Kosovë – EULEX, dhe Shërbimit të Jashtëm të BE-së.
Dy institucionet e fundit kanë kërkuar shtyrje të afatit për dorëzimin e informacioneve të tyre.
Në deklaratën e Zyrës së Prokurorit të Specializuar thuhet se ndryshimet e propozuara nga Thaçi “i zvogëlojnë të drejtat dhe liritë e garantuara nga Kapitulli II i Kushtetutës dhe janë antikushtetuese”.
Presidenti Thaçi i është drejtuar Kryesisë së Kuvendit të Kosovës me propozimin për ndryshimin e Kushtetutës, në fund të gushtit.
Në propozimin e tij, ai ka kërkuar që të ndryshohet neni i amendamentit kushtetues, ku thuhet se mandati i Gjykatës Speciale do të zgjasë për një periudhë pesëvjeçare.
Sipas propozimit të Thaçit, mandati i Gjykatës Speciale “do të zgjasë deri kur njoftimi i përfundimit të mandatit të bëhet nga Këshilli i Bashkimit Evropian, në konsultim me Qeverinë e Republikës së Kosovës”.
Më 18 shtator, kryetarja e Kuvendit të Kosovës, Vjosa Osmani, ka njoftuar se ka dërguar në Hagë kërkesën e Thaçit lidhur me mandatin e Gjykatës Speciale.
Sipas nenit 144 të Kushtetutës, ndryshimet kushtetuese miratohen me 2/3 e votave të deputetëve të Kuvendit të Kosovës.
Votimi bëhet pasi që kryetarja e Kuvendit t’i adresohet Kushtetueses për të vlerësuar paraprakisht ndryshimet e propozuara.
Më 16 tetor, Zyra e Prokurorit të Specializuar ka publikuar edhe komentin që ka bërë presidenti Thaçi, në përgjigje të informacionit të kërkuar nga Dhoma e Specializuar e Gjykatës Kushtetuese në Hagë.
Mes tjerash, Thaçi ka thënë se kërkesa për ndryshim të Kushtetutës është bërë për të sqaruar disa paqartësi, në lidhje me përfundimin e mandatit të Gjykatës Speciale.
Duke përmendur disa formulime në Kushtetutë, Thaçi ka thënë se ato kanë bërë që opinioni kosovar të mendojë se mandati i Gjykatës Speciale do të zgjasë për një periudhë më së shumti pesëvjeçare.
“Për t’i shmangur këto paqartësi dhe për ta eliminuar çdo dilemë është rekomanduar që të bëhen amendamentet e propozuara të Nenit 162 të Kushtetutës, gjegjësisht paragrafët 13 dhe 14 të riformulohen”, thuhet në informacionin e ofruar nga Thaçi.
Zyra e Prokurorit të Specializuar ka paraqitur një aktakuzë për krime lufte kundër presidentit Hashim Thaçi, në muajin prill.
Këtë muaj pritet të bëhet e ditur nëse aktakuza është konfirmuar apo hedhur poshtë nga gjykatësi i procedurës paraprake, i cili i ka pasur gjashtë muaj kohë për ta shqyrtuar.
Dhomat e Specializuara dhe Prokuroria e Specializuar në Hagë, që ndryshe njihen edhe si Gjykata Speciale, merren me hetimin e krimeve të supozuara të luftës të pjesëtarëve të ish-Ushtrisë Çlirimtare të Kosovës.
Zyrtarë të lartë të administratës amerikane qëndruan për dy ditë në Kosovë, në një vizitë që kishte për qëllim zbatimin e marrëveshjes për normalizimin ekonomik Kosovë-Serbi që u nënshkrua në Shtëpinë e Bardhë më 4 shtator.
Delegacioni u përqendrua në fillimin e studimit të fizibilitetit për liqenin e Ujmanit dhe krijimin e lidhjeve më të mira në tregun e energjisë në Ballkanin Perëndimor.
Në një intervistë për Zërin e Amerikës, zëvendës ndihmësi kryesor i Sekretarit për Energji të Shteteve të Bashkuara, Matthew Zais dhe drejtori menaxhues i zyrës rajonale të Korporatës Ndërkombëtare të Shteteve të Bashkuara për Zhvillim Financiar, John Jovanoviç, thanë se zbatimi i marrëveshjes për normalizimin e marrëdhënieve ekonomike ndërmjet Kosovës dhe Serbisë është përparësi e administratës amerikane.
“Absolutisht dhe kjo është një nga arsyet përse jemi këtu. Jemi këtu për dy qëllime: një është që të fillojmë studimin e fizibilitetit për liqenin dhe e dyta është që të punojmë me Kosovën dhe fqinjët e saj në rajon se si të krijohen lidhje më të mira në tregun e energjisë, qoftë elektrike apo gazit natyror. Dhe ka një mori mundësish. Ne kemi strategji për gazin natyror për Ballkanin. Dhe nuk ka rrugë tjetër për Kosovën përveç mundësive të saj që të jetë e lidhur me fqinjët dhe kjo do të ndihmojë ekonominë e Kosovës… Kur isha këtu herën e kaluar fluturova nga Athina ku u takuam me kryeministrin dhe ministrin e energjisë atje dhe diskutuam rritjen e lidhjeve të tyre më fqinjët edhe në kontekstin e lidhjes së vendeve si Kosova në rrjetin e gazit në këtë rajon. Dhe kjo është nga arsyet përse jemi këtu”, tha zoti Zais.
Zoti Zais thotë se arsyeja tjetër e vizitës së tyre ka të bëjë edhe me mbledhjen e informatave dhe vlerësimeve teknike për liqenin e Ujmanit.
”Dhe në parim, për të kuptuar mundësitë dhe përfitimet që mund të ketë Kosova nga shfrytëzimi i liqenit dhe tërë ajo që ofron liqeni, qoftë kjo energjia elektrike apo uji. Jemi këtu në kapacitet teknik dhe kjo është përcaktuar me marrëveshjen ekonomike në Shtëpinë e Bardhë. Dhe, sërish, ky është përkushtim. Kur isha herën e fundit, paraqita një letër nga sekretari i energjisë, sekretari Dan Brouillette, në të cilën përfshihej ky përkushtim për studimin e fizibilitetit dhe tri javë më vonë ja ku jemi, duke e zbatuar atë”, tha ai.
Përfshirja e fizibilitetit të liqenit të Ujmanit në dakordimin e 4 shtatorit nxiti reagime në Kosovë. Kritikët thonë se liqeni është pjesë e Kosovës dhe se nuk duhet të diskutohet me Serbinë.
Por, zoti Zais thotë se ekspertët amerikanë do të kryejnë punën teknike për mënyrën se si të shfrytëzohen më mirë mundësitë që ofron liqeni.
“Ne kemi sjellë dy ekspertë teknik. Njëri i energjisë dhe njëri i ujërave dhe të dy vijnë nga një prej laboratorëve kombëtar, Laboratori Kombëtar i Pacifikut veriperëndimor afër Siattlit. Ata kaluan tri zona kohore që të vijnë me ne që nga shteti i Washingtonit, përgjatë pandemisë dhe janë të vetmit nga tërë laboratori që kanë udhëtuar përgjatë pandemisë, sepse kërkuam një përjashtim, sepse aq i rëndësishëm mendojmë se është ky problem dhe përkushtimi ynë për të zbatuar marrëveshjen e normalizimit… Herën e fundit kur isha këtu solla një letër që e përshkrova më herët nga sekretari i energjisë për kryeministrin për përkushtimin tonë. Sot i solla një letër tjetër atij dhe ministrit të ekonomisë me të cilën ftojmë Kosovën që të jetë anëtare e asaj që ne e quajmë Partneritet për Bashkëpunim Energjetik Transatlantik, apo P-TEC. Shtetet e Bashkuara janë krahu i nismës së tre deteve. Takimi i kësaj nisme u mbajt sot në Estoni dhe sekretari ynë foli aty dhe siç e dimë 12 vende janë pjesë e saj. Por, Partneriteti për Bashkëpunim Energjetik Transatlantik të cilin Departamenti i Energjisë e lehtëson si krahu amerikan i tij, përfshinë 12 vende vëzhguese dhe sot e ftuam kryeministrin dhe Kosovën që Kosova të jetë vëzhguese në këtë Partneritet. Mendoj që ka përparësi të mëdha dhe është një rrugë tjetër që Kosova të jetë e lidhur me rajonin dhe Evropën dhe të gëzojë ndihmesën teknike dhe ekonomike që ofron departamenti amerikan i energjisë”, tha zoti Zais.
Drejtori menaxhues i zyrës rajonale në Korporatën Ndërkombëtare të Shteteve të Bashkuara për Zhvillim Financiar, John Jovanoviç thotë se është optimist për kuadrin e marrëveshjes për normalizimin ekonomik ndërmjet Kosovës e Serbisë.
“Ne shpresojmë se kjo do të shtojë mundësitë që të dyja palët të ndërtojnë masa të mirëbesimit për të punuar së bashku për normalizimin ekonomik, qoftë në nivelin e lartë ashtu edhe atë të ultë dhe do të kemi mundësi për të përforcuar sektorin privat, në mënyrë që kapitali privat ndërkombëtar të mund të vijë këtu, të krijojë më shumë vende pune dhe të ketë ndikim afatgjatë në të dyja ekonomitë”, tha zoti Jovanoviç.
Zoti Jovanoviç thotë se qëllimi thelbësor i administratës amerikane është përshpejtimi i kapitalit privat që do të rriste punësimin dhe mundësitë ekonomike në rajon duke ndërlidhur ekonomikisht rajonin.
“Realiteti në terren është që secili shtet në rajon është tepër i vogël për të menduar se përparimi ekonomik zhvillohet brenda kufijve të tyre, duhet të shikoj tek fqinjët dhe ky proces nuk do të thotë që patjetër të bëni kompromise me sovranitetin tuaj, me identitetin tuaj politik, etnik dhe fetar, larg asaj. Vetëm pse bëjmë tregti me Kanadanë dhe Meksikën nuk do të thotë se nuk jemi komod të vazhdojmë të jemi Shtetet e Bashkuara. Natyrisht këto janë çështje të popujve dhe janë të ndërlikuara, por ne duam të gjejmë mënyra për të mundësuar tutje bashkëpunimin ekonomik rajonal kështu që integrimi në ekonominë gjithëpërfshirëse evropiane dhe ekonominë globale të jetë më i lehtë dhe të jetë me ndikim për popullatën vendase këtu”, tha zoti Jovanoviç.
Ai thotë se Kosova ndanë vlera të përbashkëta me Shtetet e Bashkuara dhe partnerët tjerë perëndimorë dhe se gjetja e rrugëve për të çuar përpara partneritetin është thelbësor.
“Marrëveshjet për normalizimin ekonomik ofrojnë mundësi të mëdha, por, nuk janë zëvendësim për bisedimet politike në Bruksel. Dhe siç tha sekretari Zais, synimi ynë themelor, sepse është në interesin tonë strategjik të Shteteve të Bashkuara, është që t’i shohim këto vende si anëtare të Bashkimit Evropian, të forcojnë përfitimet nga demokracia, nga tregu i lirë dhe të sigurohemi se cilësia e jetës këtu të vazhdojë të përmirësohet mbështetur në ato vlera të përbashkëta perëndimore”, tha zoti Jovanoviç.
Zyrtarët amerikanë thonë se mbështetja për Kosovën dhe rajonin nuk ka filluar nga marrëveshja e 4 shtatorit por kjo pjesë sipas tyre ka qenë vazhdimisht e rëndësishme për Shtetet e Bashkuara.
Zoti Zais thotë se investimet e Rusisë dhe Kinës në rajon i shohin të rrezikshme sepse Ballkani Perëndimor është shumë i rëndësishëm për Shtetet e Bashkuara,
“Është rajon shumë i rëndësishëm sepse nuk është periferi e Evropës por është zemra e Evropës. Ne duam të ndihmojmë Ballkanin dhe të gjitha vendet e Ballkanit që të bëhen pjesë e Bashkimit Evropian dhe të përmbyllin rrugën drejt demokracisë dhe bazën ekonomike që Ballkani duhet të ketë në Evropë. Sa i përket investimeve kineze e ruse, ne jemi të sigurt për mundësitë dhe përparësitë e investimeve amerikane dhe mendoj që dëshmitë flasin vet. Sa i përket investimeve ruse, nuk është fshehtësi se Shtetet e Bashkuara mbështesin për Ballkanin dhe Evropën politikën se i tërë tregu është i hapur dhe ka rrugë e furnizime të llojllojshme posaçërisht për energjinë dhe gazin natyror. Ne besojmë se ky nuk është synimi i Rusisë. Qëllimi i Rusisë është rritja maksimale e varësisë së gjithë Evropës nga gazi i saj dhe të gjitha përpjekjet e saj çojnë në atë drejtim. Ky nuk është synimi i Shteteve të Bashkuara, investimet tona synojnë llojllojshmërinë e furnizimeve dhe pavarësisht nëse vijnë nga Shtetet e Bashkuara, ky është treg i lirë dhe në shpresojmë të sigurojmë furnizim për tërë rajonin”, tha zoti Zais.
“Ky rajon nuk ka nisur të jetë i rëndësishëm për Shtetet e Bashkuara që nga 4 shtatori, ka qenë vazhdimisht i rëndësishëm. Mbështetja për rajonin është dypartiake, përfshinë ideologji shumëpartiake, administrata, presidenca dhe do të vazhdojë për këto arsye themelore. Ne duam që t’iu shohim juve si anëtar të përhershëm të Bashkimit Evropian, duam të përforcojmë arritjet demokratike dhe tregtisë së lirë të cilat kemi parë që ju i keni bërë dhe duam që ky vend të jetë i shquar në qëndrueshmërinë ekonomike dhe politike, i shquar për krijimin e vendeve të punës dhe jo krizave dhe duke ofruar mundësi të mjaftueshme për të rinjtë këtu në rajon”, tha zoti Jovanoviç.
Zoti Zais thotë se qasja ndryshe e administratës amerikane për të zgjidhur problemet ka çuar në arritjet e deritashme.
“Ka pas mungesë të përparimit për një kohë të gjatë dhe ideja ka qenë që të provojmë diçka ndryshe duke studiuar mënyrat se si Kosova dhe fqinji i saj Serbia mund të përfitojnë nga normalizimi ekonomik, i cili thelbësisht është ndryshe dhe ne mendojmë se mund të arrijmë një përparim të ndjeshëm pavarësisht politikës. Prandaj ambasadori Grenell dhe presidenti (Trump) kanë pasur qasje të ndryshme”, tha ai.
Po vazhdojnë investimet në Mitrovicën e Veriut, banorët thonë që atje po ndërtohet një stadium futbolli.
Vitet e fundit ndërtimet në Mitrovicën e Veriut janë shtuar goxha shumë.
Në këtë pjesë të Kosovës janë ndërtuar një numër i madhe i ndërtesave dhe shtëpive, duke u mbështetur në financat e qeverisë së Serbisë.
Por përveç tyre rishtazi ka filluar edhe ndërtimi i një stadium futbolli.
Kjo po i shqetëson banorët shqiptarë të Veriut të Mitrovicës.
Asamblisti i Partisë Demokratike të Kosovës në komunën e Mitrovicës Veriore, Bashkim Cimili po thotë që investimet e Serbisë në Kosovë po shkojnë duke u shtuar.
Por Cimilit po i mbetet hatri tek insitucionet qendrore, që sipas tij, e kanë lënë anash këtë pjesë.
I dëshpëruar me mungesën e kujdesit nga shteti në këtë anë po ndihet edhe Mustafë Kelmendi.
Siç thotë ai, shqiptarët këndej nuk po lejohen të ndërtojnë shtëpi e ndërtesa teksa objektet e serbëve po shtohen.
Kelmendi tregon që familjar të tij kanë edhe ndërtesa që nuk po mund ti shfrytëzojnë për shkak të serbëve.
Televizioni ka kontakuar edhe me ushtruesin e detyrës së kryetarit të Mitrovicës Veriore, Aleksandër Sipriç.
Ai e ka konfirmuar se është në dijeni për ndërtimin e stadiumit por nuk ka dhënë detaje të tjera.
E qëndrim për këtë punë T7 nuk ka mundur të marrë nga institucionet qendrore.
Stadiumi që po ndërtohet është afër më stacionin hekurudhor në Mitrovicën e Veriut.
Një deklaratë e kryesuesit të Bordit të Agjencisë Kosovare të Privatizimit, Blerim Rexhës, se toka e shtetit është dhënë pothuajse falas, ka ngjallur reagime të shumta. Sipas Rexhës, pesë mijë ari tokë të pronës shoqërore janë shitur vetëm nga një euro ari në Agjencinë Kosovare e Privatizimit.
Rexha që ka qenë kryesues i Bordit të Agjencisë Kosovare të Privatizimit ka thënë se edhe arsyeja e dorëheqjes nga kjo pozitë ka qenë privatizimi me çmim mjaft të ulët i këtyre tokave.
“Pesë mijë ari tokë janë shitur nga një euro ari. E kam kundërshtuar këtë proces të privatizimit me këtë çmim mjaft të ulët. Ndërsa, në bord anëtarët me thoshin, ‘po të dhimbset toka e Kosovës?’. Andaj, kjo ka qenë një ndër arsyet e dorëheqjes”, ka deklaruar Rexha.
Por, kush janë personat që blen toka nga privatizimi me këto çmime kaq të ulëta?
Bazuar në deklarimin e pasurisë në Agjencinë Kundër Korrupsionit, një prej zyrtarëve që ka blerë toka në privatizim me këto çmime është edhe ish-kryeministri Ramush Haradinaj, shkruan Express.
Haradinaj ka deklaruar pasuri të paluajtshme tokë kodrinore prej 200 hektarësh të blerë në privatizim në vitin 2009 në vlerë 75 mijë euro, e që i bie 3 euro e 75 cent arin.
Haradinaj deklarimin e pasurisë e ka bërë në kohën sa ishte kryeministër i Kosovës, ndërkaq për tokën e blerë me privatizim e ka deklaruar në pronësi të përbashkët.
Në pasuritë tjera të paluajtshme të kreut të AAK’së figurojnë edhe tokë-truall 21.50 ari, shtëpi banimi 950 metra katrorë, shtëpi familjare 800 metra katrorë, si dhe banesë 213 metra katrorë.
Haradinaj kishte thënë në mars të vitit 2016 se tokën prej 200 hektarësh e kishin riblerë.
“E kemi riblerë tokën tonë. Toka e riblerë në procesin e privatizimit, është një pronë e banorëve të Gllogjanit, tokë kodrinore, e nacionalizuar ose e marrë pa kurrfarë kompensimi nga shteti serb. Në fakt nuk janë 1 mijë hektarë, por janë 200 hektarë të cilën e kemi blerë me të gjitha procedurat dhe normat e privatizimit.Sigurisht se i vetmi epilog për një pronë të marrur, mund tëjetë rikthimi i saj, anise duke e blerë për të dytën herë.
Ndërkaq nxjerrjen e këtyre informacioneve të sajuara ose gjysmë të vërteta, e konsiderojmë si presion për të hequr dorë nga mbrojtja e disa pronave shumë më të mëdha, siç janë 12 mijë hektarë në kufirin me Malin e zi, presion për ta lejuar Isa Mustafën e Hashim Thaçin, që për interesin e tyre dhe nën firmën e Asociacionit ta krijojnë edhe një komunë me shumicë serbe në Prilluzhë, në mënyrë që Serbinë t’na e bëjë hisedar në basenin e qymyrit, apo edhe koncesione të tjera në dëm të Kosovës.Por të gjitha këto përpjekje janë të mjera përballë vetëdijes qytetare, se populli i Kosovës është sovrani dhe ai, e jo individët, vendosë për pronat dhe për shtetin e Kosovës”, kishte shkruar Haradinaj në Facebook.
Përveç, Ramush Haradinajt, edhe një komandant tjetër i Ushtrisë Çlirimtare të Kosovës ka blerë tokë të shtetit nga Agjencia e Kosovës për Privatizim.
Bëhet fjalë për kushëririn e Ramushit, Nasim Haradinajn, i cili në deklarimin e pasurisë së tij tregon se vitin 2004 ka blerë 220 hektarë tokë nga privatizimi.
Këta hektarë tokë, Haradinaj i ka deklaruar tek pjesa e pasurisë së paluajtshme me vlerë prej 3 milionë e 300 mijë euro, raporton Gazeta Express.
Megjithatë kjo nuk dihet nëse është vlera me të cilën Haradinaj ka blerë tokën e shtetit, apo shuma që Nasim Haradinaj tashmë vlerëson pronën e blerë në vitin 2004.
Me vlerën e deklaruar nga Nasim Haradinaj, i bie që një ari tokë të kushtojë vetëm 150 euro./Gazeta Express
Deputeti nga radhët e Lidhjes Demokratike të Kosovës, Haxhi Avdyli, ka reaguar për privatizimet e tokave me çmime prej 1 deri në 3 euro, raporton Express.
Përmes një postimi në llogarinë e tij në Twitter, Avdyli ka kërkuar që të arrestohen ata që kanë privatizuar toka me këto çmime dhe të iu konfiskohen këto toka, duke aluduar kështu për Ramush Haradinajn dhe kushëririn e tij, Nasim Haradinajn.
“Sistemi i drejtësisë në Ks thua është inekzistent. Po te egzistonte sot do kishte arrestime për privatizimet e tokave prej 1 deri ne 3 Euro, dhe normalisht konfiskime”, ka shkruar Avdyli.
Ndryshe, Kryetari i AAK’së në deklarimin e pasurisë në Agjensinë Kundër Korrupsion të vitit 2019 ka deklaruar pasuri të paluajtshme tokë kodrinore prej 200 hektarësh të blerë në privatizim në vitin 2009 në vlerë 75 mijë euro, e që i bie 3 euro e 75 cent arin.
Përveç, Ramush Haradinajt, edhe një komandant tjetër i Ushtrisë Çlirimtare të Kosovës ka blerë tokë të shtetit nga Agjencia e Kosovës për Privatizim.
Bëhet fjalë për kushëririn e Ramushit, Nasim Haradinajn, i cili në deklarimin e pasurisë së tij tregon se vitin 2004 ka blerë 220 hektarë tokë nga privatizimi.
Këta hektarë tokë, Haradinaj i ka deklaruar tek pjesa e pasurisë së paluajtshme me vlerë prej 3 milionë e 300 mijë euro.
Megjithatë kjo nuk dihet nëse është vlera me të cilën Haradinaj ka blerë tokën e shtetit, apo shuma që Nasim Haradinaj tashmë vlerëson pronën e blerë në vitin 2004.
Me vlerën e deklaruar nga Nasim Haradinaj, i bie që një ari tokë të kushtojë vetëm 150 euro.
Ndryshe Blerim Rexha gjatë intervistimit nga Komisioni Hetimor Parlamentar lidhur me procesin e privatizimit në Kosovë ka thënë se pesë mijë ari tokë të pronës shoqërore janë shitur vetëm nga një euro ari në Agjencinë Kosovare e Privatizimit (AKP).
Rexha që ka qenë kryesues i Bordit të Agjencisë Kosovare të Privatizimit ka thënë se arsyeja e dorëheqjes nga kjo pozitë sipas tij ka qenë privatizimi me çmim mjaft të ulët. “Pesë mijë ari tokë janë shitur nga një euro ari. E kam kundërshtuar këtë proces të privatizimit me këtë çmim mjaft të ulët. Ndërsa, në bord anëtarët me thoshin, ‘po të dhimbset toka e Kosovës?’. Andaj, kjo ka qenë një ndër arsyet e dorëheqjes”, tha Rexha.
Janë përcjellë për në banesën e fundit dy vëllezërit Arifaj që humbën jetën tragjikisht në Gjermani, pasi i përplasi për vdekje treni.
Ngjarja ndodhi në qyetin e Mynheni-it në Bavari. Fatmirësisht nga kjo tragjedi arriti që të shpëtojë një prej djemve, 14 vjeç. Dy djemtë janë varrosur sot në fshatin Ratish i Epërm i komunës së Deçanit.
Historia e trishtë e familjes Arifaj ka pikëlluar gjithë Kosovën dhe diasporën. Kjo familje kishte emigruar në Gjermani rreth 30 vjet më parë, ku kishin lindur dhe fëmijët. Babai i dy viktimave, Arif Arifaj pohoi se ngushëllimet e të gjithë shqiptarëve e kanë bërë atë dhe më të fortë.
“Nuk me rrjedhin lotët për shkak të ngushëllimeve e përkrahjes se shqytarëve nga të gjitha anët”, ka thënë Arifaj.
Mediumi serb “Novosti” që njihet për afërsi me pushtetin serb dhe për propagandë anti-shqiptare, kanë publikuar edhe një video tjetër ku shihet një prift serb brenda kullës së vrojtimit në Koshare teksa mban të ndezur një qiri e hedh venë të kuqe gjithandej brenda.
“Novosti” tregon se ata ishin nisur në këmbë për në Koshare nga manastiri i Deçanit, meqë ishin refuzuar edhe nga shoferët e taksive.
Gazeta serbe zbulon se ata i kishin futur mantelat e tyre të priftërinjve në çanta, derisa ishin maskuar me veshje ‘hiking’ e shenja amerikane, për t’u dukur si të huaj, dhe kësisoj ishin nisur nga Deçani për Koshare. Drejt Koshares ishin nisur tre persona, derisa njëri ishte kthyer mbrapa pas dhimbjeve që kishte pasur në shpinë si pasojë e peshës së çantës. Për këtë arsye, siç shkruan Novosti ishte kthyer në Deçan, kishte marrë një veturë me targa serbe dhe ishte bërë bashkë përsëri me shokët e tij në Junik, duke ua ndihmuar paksa rrugën shokëve të tij.
Vetë prifti Millosh ka folur për “Novosti”, duke treguar për rrugëtimin e tij drejt Koshares.
“Në fillim gjithçka shkoi keq. Së pari askush nuk donte të na dërgonte tek kulla e vrojtimit. Kur kaluam në këmbë nëpër fshatra, na vëzhgonin të gjithë”, ka thënë Millosh për “Novostin”.
Ai tutje ka zbuluar se kanë gënjyer një person për t’i marrë me makinë duke thënë se janë gazetar amerikan nga Çikago dhe se duan të shkojnë tek Kompleksi Memorial i UÇK’së.
Pasi kishin mbërritur në Koshare, prifti serb thotë se ishin futur brenda dhe ishin siguruar se ishte terreni i pastër, dhe më pas kishin filluar me ritet e tyre të ndezjes së qirinjve, ishin veshur me mantelat e tyre dhe kishin filluar lutjet.
Ata më pas kanë larguar edhe flamurin kuq e zi që ndodhej në katin e dytë të atij objekti.
Lidhur me rastin në vendin e ngjarjes ka dalë edhe Policia e Kosovës. Zyrtarisht ata kanë njoftuar se atje kanë gjetur vetëm shishën e verës, dhe se flamuri ishte në vendin e vet.
Ndërkohë lidhur me këtë rast ka reagaur edhe njohësi i rrethanave politike, Agon Maliqi, i cili ka ftuar pë kujdes, meqë ai thotë se mediat serbe po synojnë të destabilizojnë Kosovën me raportime të tilla./Express/
