VOAL

VOAL

Copyright © 2022

VOAL

Europë

Gjykata për krime lufte pezullon dëgjimin – i akuzuari ‘piu helmin’

Gjykata ndërkombëtare për krime lufte në ish Jugosllavi ndërpreu të mërkurën një proces në dhomën e apelit, pasi që njëri nga të akuzuarit piu nga një shishe e vogël duke pohuar se ka pirë helm.

Ish komandati i kroatëve të Bosnjës, Slobodan Praljak, 72 vjeçar, piu nga një shishe e vogël në çastin kur gjykata shpalli mbetjen në fuqi të dënimit të tij me 20 vjet heqje lirie për krime lufte ndaj myslimanëve boshnjak.

“Unë nuk jam kriminel lufte, unë e kudnërshtoj këtë dënim” tha ai pasi piu përbërjen për të cilën edhe avokatja e tij tha se ishte helm.

Slobodan Paraljak dhe pesë të tjerë kishin apeluar vendimin e gjykatës të vitit 2013 që i dënonte ata me nga 10 deri në 25 vjet heqje lirie. Jadranko Përliç, Bruno Stojiç, Slobodan Praljak, Milivoj Petkoviç, Valentin Coriç dhe Berislav Pusiç, qenë dënuar për 26 akuza për përfshirje në një plan për dëbimin e përhershëm të myslimanëve të Bosnjës dhe krijimin e ‘një terroriti kroat” që do të përfshinte edhe qytetin jugor të Mostarit.

Akuzat përfshinin krime të vrasjeve, torturave, dëbimeve, përdhunimeve, trajtimeve çnjerëzore, shkatërrimit të pronës dhe terrorizimit të popullsisë.

Seanca e sotme u hap një javë pasi që Gjykata dënoi me burgim të përjetshëm ish komandantin e serbëve të Bosnjës, Ratko Mladiç, nën akuzat për gjenocid, krime lufte e krime kundër njerëzimit.

Mbi 100 mijë veta u vranë dhe mbi 2 milionë u zhvendosën gjatë luftës në Bosnjë.

Gjykata për krime lufte në ish Jugosllavi u themelua në vitin 1993 dhe 31 dhjetori i këtij viti shënon edhe fundin e punës së saj. Ajo është gjykata e parë për krime lufte pas gjykatës ushtarake të Nurembergut në fund të Luftës së Dytë Botërore dhe u ngrit në mes të luftës së Bosnjës.

Ajo ngriti akuza ndaj 161 vetave, 83 prej të cilëve janë dënuar. Në mars të vitit 2016-të, kjo gjykatë shpalli fajtor shefin politik të Ratko Mladiçit, Radovan Karaxhiç, i cili u dënua me 40 vjet heqje lirie nën akuzat për gjenocid dhe krime kundër njerëzimit.

Ish presidenti serb Sllobodan Millosheviç, u akuzua në vitin 1999 në kohën e luftës së Kosovës dhe u dërgua në Hagë në vitin 2001. Në vitin 2006 vdiq derisa po gjykohej për krime lufte e gjenocid në hapësirat e ish Jugosllavisë.

Sulmohet me thikë politikani gjerman që përkrahte azilantët

Andreas Hollstein, 57 vjeçar, është plagosur në një sulm për të cilin autoritetet thonë se ka qenë i motivuar politikisht, nga shkaku se Hollstein ka qenë i njohur për përkrahje të azilkërkuesve.

BERLIN – Një sulmues me thikë ka plagosur bashkiakun e Altenas në Gjermaninë perëndimore, Andreas Hollstein, 57 vjeçar, në një sulm për të cilin autoritetet thonë se ka qenë i motivuar politikisht, nga shkaku se Hollstein ka qenë i njohur për qëndrimet e tij në përkrahje të azilkërkuesve në Gjermani

Policia gjermane e tronditur, 56 vite në timon pa patentë shoferi

BERLIN – Aksidentet e vogla të trafikut në udhëkryqet frekuentuese urbane thuajse janë përditshmëri për ekipet e policisë së trafikut në Gjermani. Një aksident i tillë të premten, në qytetin verilindor gjerman Neheim, ka tronditur policinë.

Pas ndeshjes së dy automjeteve në qendër të qytetit policia doli në terren, ndërsa aksidentin pa të lënduar dhe me dëme materiale e shkaktuan një grua 34 vjeçare dhe një burrë 74 vjeçar.

Vozitësi tashmë 56 vite ka përdorur automjet në Gjermani, ndërsa asnjëherë nuk ka dhënë provimin e patentës së shoferit dhe nuk ka pasur leje për vozitje.

Policia sot njoftoi se vozitësi tha se ka dhënë kërkesën për dhënien e provimit për patentë shoferi para shkuarjes në ushtri para gjashtë dekadave. Orët e trajnimit nuk i vazhdoi pas kryerjes së afatit ushtarak. aa

Ish-lideri i Katalonjës e filloi fushatën nga Belgjika

Carles Puigdemont

Lideri i lëvizjes separatiste i Katalonjës, Carles Puigdemont, sot e ka lansuar fushatën e tij për zgjedhjet e ardhshme në këtë rajon, nga Belgjika, ku pritet përfundimi i procesit për ekstradimin e tij eventual në Spanjë.

Zoti Puigdemont, i cili dëshiron të rizgjedhet në postin e presidentit të Katalonjës, e ka filluar fushatën me emrin “së bashku për Katalonjën”, nga qyteti Bruzhes në Belgjikë.

Mediat spanjolle kanë raportuar se 90 kandidatë që ai i ka zgjedhur, kishin udhëtuar nga Katalonja në këtë qytet në Belgjikë për fillimin e fushatës.

Puigdemont dhe katër ish-anëtarë të tjerë të qeverisë së tij kanë ikur në Belgjikë, pas shpalljes së deklaratës së pavarësisë në Parlamentin e Katalonjës më 27 tetor të këtij viti.

Pas kësaj, qeveria qendrore në Madrid pat ndërmarrë goditje të shpejtë, përfshirë shkarkimin e qeverisë së tij dhe shpalljen e zgjedhjeve të reja për 21 dhjetor.

Procesi për ekstradimin eventual të zotit Puigdemont në Spanjë mund të zgjasë disa javë dhe kjo nënkupton se ai mund të zhvillojë fushatë nga Belgjika.

Nëse ktethet në Spanjë ai ballafaqohet me arrestim nga ana e autoriteteve spanjolle, raportona gjencia AP.

Incident para ndërtesës së Gjykatës në Hagë në prag të vendimit për Mlladiçin

Gjykimi i Mlladiçit ka filluar në maj të vitit 2012, kurse aktakuza e Gjykatës së Hagës e ngarkon me 11 pika, prej të cilave dy për gjenocid

DEN HAAG- Në prag të vendimit të të akuzuarit të Hagës, Ratko Mlladiç para ndërtesës së Gjykatës në Hagë sot në mëngjes ndodhi një incident kur para familjeve të viktimave u paraqit një burrë me flamurin serb.

Flamurin nga presoni në fjalë u përpoq ta merrte kryetarja e Shoqatës “Gratë-viktima të luftës” Bakira Haseçiç, kurse më pas reagoi edhe policia e cila qetësoi situatën.

Haseçiç pas incidentit deklaroi se “është e dhimbshme dhe trishtuese që sot para Gjykatës së Hagës të glorifikohet gjenocidi, agresioni, përdhunimet masive të grave jo serbe, kryesisht boshnjaket. Unë jam një nga ato mijëra gra të përdhunuara”.

Ish të burgosur nga të gjitha anët e Bosnjë e Hercegovinës, përfaqësues të shoqatave të viktimave dhe familjarë të të vrarëve nga orët e hershme mbërritën para ndërtesës së Gjykatës Ndërkombëtre Penale për Ish Jugosllavinë (GJNPJ) në Hagë ku sot do të spallet vendimi i shkallës së parë për ish komandantin e ushtrisë të Republikës Sërpska, të akuzuar për gjenocid dhe krime lufte gjatë luftës në Bosnjë e Herecegovinë në vitet e 90-ta.

Pas më shumë se dy dekadash nga lufta në BeH familjet e viktimave shpresojnë se me vendimin e sotëm sadopak drejtësia do të vihet në vend.

Gjykimi i Mladiçit ka filluar në maj të vitit 2012, kurse aktakuza e Gjykatës së Hagës e ngarkon me 11 pika, prej të cilave dy për gjenocid.

Dështojnë bisedimet për formimin e qeverisë gjermane

Kancelarja gjermane, Angela Merkel, tha të hënën se përpjekjet e saj për formimin e qeverisë dështuan, një zhvillim që mund të çojë Gjermaninë në një krizë politike dhe më afër zgjedhjeve të parakohshme.

Demokratët e Lirë, (FDP) u tërhoqën papritmas nga bisedimet pas më shumë se katër javë bisedimesh me konservativët e zonjës Merkel dhe të gjelbrit, duke ju referuar dallimeve të papajtueshme.

Euroja shënoi rënien më të madhe në dy muajt e fundit kundruall jenit, pasi që udhëheqësi i FDP-së, Christian Lindner, tha të dielën se partia e tij u tërhoq meqë partnerët nuk po gjenin gjuhë të përbashkët për çështjet kryesore.

“Më mirë është që të mos qeveriset, se sa të qeveriset keq”, tha zoti Lindner.

Zonja Merkel u duk e lodhur derisa tha se do të vazhdojë të kryejë detyrën e kancelares dhe do të këshillohet me presidentin Frank-Walter Steinmeier se si të ecet me tutje, ndërsa shtoi se marrëveshja ishte shumë afër.

“Kjo është një ditë e reflektimit të thellë se si do të ecim përpara në Gjermani”, u tha zonja Merkel gazetarëve. “Si kancelare, do të bëj gjithçka që ky vend të drejtohet si duhet në javët e vështira që po vijnë”.

Ishte një çast kthjellje në karrierën e një gruaje e cila gjatë 12 vjetëve në pushtet, u shndërrua në simbol të qëndrueshmërisë, duke drejtuar eurozonën gjatë krizës zë borxheve dhe duke siguruar një marrëveshje ndërmjet Bashkimit Evropian dhe Turqisë për të ndalur valën e migruesve.

Pozicioni i zonjës Merkel u dobësua pas zgjedhjeve të shtatorit kur votuesit e zemëruar me vendimin e saj të vitit 2015 për të hapur kufijtë e Gjermanisë për më shumë se një milionë strehim kërkues i dënuan konservativët e saj duke votuar për partinë e ekstremit të djathtë, Alternativa për Gjermaninë (AfD).

dështimi i bisedimeve lë të hapura dy mundësi të pashembullta për Gjermaninë e pas Luftës së Dytë Botërore: zonja Merkel të formojë një qeveri të pakicës, ose që presidenti të shpallë zgjedhjet e reja nëse qeveria nuk formohet.

Social Demokratët e qendrës së majtë, (SPD), partnerët aktual në koalicionin me zonjë Merkel, që dolën të dytët në zgjedhje, kanë hedhur poshtë mundësinë për përsëritjen një aleance me konservatorët të cilët fituan, por me më pak vende në parlament.

Megjithatë, aleati i zonjës Merkel, Jens Spahn, tha se ende nuk po mendon për zgjedhje të reja. “Disa ministra të SPD-së e kanë bërë të qartë se duan të qeverisin”, i tha zoti televizionit n-tv. “SPD-ja duhet të vendosë nëse don të marrë përgjegjësi për vendin më të madh në mes të Evropës”.

Aktualisht ka pas oreks për zgjedhje të reja. Partitë kryesore druajnë se AfD mund të fitojë më shumë se 13 për qind të votave sa mori në shtator.

Juncker: Tentimi katalonjas për shkëputje është katastrofë

“Katalonja është një shqetësim i madh, nuk më pëlqen situata e shkaktuar, kjo është një katastrofë”, tha Juncker

MADRID – Presidenti i Komisionit Evropian, Jean-Claude Juncker përpjekjen katalonjase për shkëputje e ka quajtuar “katastrofë”, duke riafirmuar mbështetjen e Bashkimit Evropian (BE) për një Spanjë të vetme.

“Katalonja është një shqetësim i madh, nuk më pëlqen situata e shkaktuar, kjo është një katastrofë”, tha Juncker për gazetën spanjolle El Pais.

Presidenti i KE-së ka porositur ish kreun katalonjas Carles Puigdemont se secesionistët katalonjas “nuk guxojnë të nënvlerësojnë mbështetjen të cilën kryeministri spanjoll Mario Rajoy e gëzon në mbarë Evropën”.

Spanja është ballafaquar me krizën më të rëndë institucionale në afro 40 vjet, pasi Parlamenti rajonal katalonjas më 27 tetor shpalli pavarësinë e njëanëshme nga Spanja me votim të fshehtë.

Qeveria Rajoy shpërndau qeverinë separatiste të Katalonjës dhe bëri thirrje për zgjedhje të jashtëzakonshme rajonale për 21 dhjetor.

Juncker beson se zgjedhjet mund dhe duhet të përmirësojnë situatën. aa

Kreu i Sinn Fein, Gerry Adams paralajmëron pensionimin

“Lidership do të thotë të dish se kur është koha për ndryshime, dhe kjo kohë është tani”, tha 69 vjeçari Adams, i cili plot 34 vite qëndroi në krye të krahut politik të IRA-s

LONDËR – Kryetari i partisë politike irlandeze Sinn Fein, Gerry Adams ka njoftuar se vitin e ardhshëm do të dalë në pension nga posti të cilin e mbajti plot 34 vite.

Udhëheqësi i krahut politik të Lëvizjes Irlandeze IRA, Adams largimin e tij nga politika e njoftoi në konferencën e rregullt vjetore të Sinn Fein, e cila u mbajt mbrëmë në Dublin.

“Mendoj se duhet të them se kam pasur privilegjin të jem pjesë e një lidershipi të shkëlqyer. Një nga sukseset tona më të mëdha është procesi i ndërtimit të paqes. Vitin e ardhshëm nuk do të kandidoj për në Dail (Parlamenti Irlandez)”, tha Adams.

Një nga politikanët më karizmatik irlandez, Adams, tha se me udhëheqjen e Sinn Fein do të caktojnë datën e mbajtjes së zgjedhjeve të kryetarit të ri të kësaj partie politike, e cila njëherish do të jetë edhe data e daljes së tij në pension.

“Lidership do të thotë të dish se kur është koha për ndryshime, dhe kjo kohë është tani”, ka thënë 69 vjeçari Adams, i cili luajti një rol të rëndësishëm në arritjen e marrëveshjes së paqes midis nacionalistëve irlandezë dhe republikanëve në vitin 1998. aa

Suedi, ezani lejohet me altoparlant në pesë kohët e namazit

STOCKHOLM – Lejohet këndimi i ezanit me altoparlant në pesë kohët e namazit në xhaminë me minare të Shoqatës Kulturore Islame që i përket boshnjakëve në qytetin Karlskrona, në rajonin Blekinge të Suedisë. Personat e ardhur në xhami para xhumasë kanë dëgjuar të përlotur teksa ezanin e parë me altoparlant e ka kënduar përpara namazit të xhumasë kryetari i Shoqatës Kulturore Islame, Abdulrahman Tamarji.

Në një deklaratë për AA, Tamarji, tha se në Suedi kanë marrë leje për herë të parë për këndimin e ezanit me altoparlant në pesë kohët e namazit, por se aktualisht këtë leje do ta përdorin vetëm para namazit të xhumasë.

“Lejen për ezanin do ta përdorim para namazit të xhumasë vetëm një herë në javë. Për shkak se xhamia jonë ndodhet brenda lagjes nuk e di se çfarë reagimesh do të marrim. Mendojmë që me kalimin e kohës të bëjmë vlerësimet dhe të veprojmë sipas saj. Nderi i këndimit të ezanit me altoparlant më takoi mua. Jam shumë i emocionuar dhe i ngazëllyer”, është shprehur ndër të tjera Tamarji.

Duke theksuar se në rajonin Belkinge të Suedisë për herë të parë ka një xhami me minare, Tamarji ka theksuar se 5 vite më parë aplikuan për ndërtimin e minares në bashki dhe se leja e ndërtimit doli 50 ditë më parë. Duke rikujtuar se minaren e kanë ndërtuar brenda një muaji, Tamarji ka nënvizuar se minaren e kanë dizajnuar plotësisht sipas stilit osman.

Ezani i parë me altoparlant në Suedi u këndua katër vite më parë në xhaminë Fittja Ulu të Kryesisë së Çështjeve Fetare të Turqisë (Diyanet), e cila ndodhet në lagjen Fittja në rajonin Botkyrka në Stockholm. Në xhami që prej vitit 2013 këndohet ezani me altoparlant para namazit të xhumasë.

BE hap “një faqe të re” për mbrojtjen

23 vendet anëtare të BE-së kanë nënshkruar deklaratën e përbashkët për krijimin e PESCO-s

BRUKSEL – Konfirmohet se 23 anëtarë të Bashkimit Evropian (BE) kanë nënshkruar një deklaratë të përbashkët për krijimin e “Bashkëpunimit të Përhershëm të Strukturuar” (PESCO), i cili parashikon të bëjë të përhershëm bashkëpunim në fushën e mbrojtjes.

Në një deklaratë me shkrim nga Këshilli i BE-së theksohet se 23 vendet anëtare të BE-së kanë nënshkruar deklaratën e përbashkët për krijimin e PESCO-s, ku kjo deklaratë i është përcjellë Këshillit të BE-së dhe përfaqësueses së Lartë të BE-së për Marrëdhëniet e Jashtme dhe Politikën e Sigurisë të Bashkimit Evropian, Federica Mogherini.

Në deklaratën ku nënshkrimi i deklaratës së përbashkët cilësohet si hapi i parë zyrtar për formimin e PESCO, thuhet se struktura e bashkëpunimit të përhershëm në marrëveshjen e Lisbonës, fillimisht do t’iu njohë mundësinë vendeve anëtare të BE-së që të punojnë së bashku në fushën e sigurisë dhe mbrojtjes. Shtetet anëtare mund të zhvillojnë aftësi të përbashkëta mbrojtëse, dhe se këto vende mund të investojnë në projekte të përbashkëta dhe mund të kontribuojnë në zhvillimin e ushtrive të tyre, thuhet ndër të tjera në deklaratë.

Austria, Belgjika, Bullgaria, Çekia, Kroacia, Qiproja Greke, Estonia, Finlanda, Franca, Gjermania, Greqia, Hungaria, Italia, Letonia, Lituania, Luksemburgu, Holanda, Polonia, Rumania, Sllovakia, Sllovenia, Spanja dhe Suedia janë vendet që kanë nënshkruar deklaratën e përbashkët. Ndërkohë që në këtë fazë, theksohet se në të ardhmen është e hapur mundësia e bashkimit të vendeve që nuk marrin pjesë në PESCO.

Gjithashtu theksohet se PESCO është një kornizë ligjore detyruese dhe gjithëpërfshirëse për rregullimin e investimeve në lidhje me mbrojtjen dhe thuhet se synimi i saj është “mbrojtja e territorit të BE-së dhe të qytetarëve të saj”.

Në deklaratë, u njoftua se shtetet anëtare kanë konfirmuar rritjen e buxheteve të mbrojtjes në këtë kuadër.

“Faqe e re për mbrojtjen e Evropës”

Mogherini e cila kryeson Këshillin e Punëve të Jashtme, në një deklaratë në lidhje me këtë çështje tha se “Sot hapim një faqe të re për mbrojtjen e Evropës”.

Pasi ka vënë në dukje se është një “ditë historike” për mbrojtjen evropiane, Mogherini tha se shtetet anëtare aktualisht kanë propozuar më shumë se 50 projekte brenda kuadrit për “Bashkëpunimin e Përhershëm të Mbrojtjes”. aa

Poloni: Ripërtritje e kërkesës për pagesën e dëmeve të luftës nga Gjermania

Jaroslaw Kaczynski

Jaroslaw Kaczynski, lider i partisë kryesore në qeverinë e Polonisë, i ka përsëritur kërkesat për pagesën e dëmeve të Luftës së Dytë Botërore nga Gjermania, duke thënë se kjo është çështje e “nderit” për vendin e tij.

Zoti Kaczynski dje tha se “francezët janë paguar, hebrenjtë janë paguar, shumë vende të tjera janë paguar për humbjet e pësuara gjatë Luftës së Dytë Botëror, por polakët nuk janë paguar”.

“Kjo nuk është vetëm për fonde materiale, kjo është për statusin tonë, nderin tonë”, tha Kaczynski, që është lider i Partisë për ligj dhe drejtësi (PIS), e cila e udhëheq qeverinë e këtij vendi.

Në vitin 1953 ishte nënshkruar një marrëveshje e liderëve komunistë të Polonisë, për të mos bërë kërkesa të ardhme për pagesa të dëmeve të luftës nga Gjermania.

Por qeveria aktuale nacionaliste dhe konservatore e Polonisë argumenton se marrëveshja ishte bërë me urdhërat e Bashkimit Sovjetik dhe nuk është e vlefshme.

Barcelonë: Qindra mijëra protestues kërkuan lirimin e të burgosurve

Pamje nga protestat e mbajtura në Barcelonë me mbishkrimet “Liri për të burgosurit politikë”

Vlerësohet se afro 750 mijë njerëz kanë marrë pjesë në marshin protestues në pjesën qendrore të Barcelonës, duke kërkuar lirimin e liderëve separatistë të Katalonjës, të cilët janë të arrestuar nga autoritetet e Spanjës.

Në marshin e mbrëmshëm për pavarësi nëpër rrugët kryesore të Barcelonës, pjesëmarrësit me flamuj të Katalonjës kanë brohoritur “liri për të burgosurit politikë”.

Gjykata e Lartë e Spanjës pat marrë vendim që tetë ish-zyrtarë të qeverisë rajonale të Katalonjës dhe liderët e Asamblesë Kombëtare të Katalonjës, të mbahen në arrest, të akuzuar për kryengritje, rebelim dhe keqpërdorim të fondeve publike. Kryetari i Parlamentit të Katalonjës është liruar për tu mbrojtur në liri, pas pagesës së dorëzanisë në shumë prej 175 mijë dollarësh.

Rajoni i pasur i Katalonjës, që e ka gjuhën dhe kulturën e vet, ka shpallur pavarësi nga Spanja më 27 tetor, pas mbajtjes së referendumit. Por autoritetet qendrore në Madrid këtë referendum e patën shpallur ilegal.

Qeveria e Spanjës e ka shkarkuar presidentin e Katalonjës, Carles Puigdemont, kabinetin e tij dhe parlamentin.

Për zotin Puigdemont është paraqitur një fletarrtest lidhur me akuza për rebelim dhe kryengritje. Ai është larguar në Bruksel së bashku me katër ish-zyrtarë të tjerë qeveritarë.

Qeveria qendrore në Spanjë e ka pezulluar autonominë e Katalonjës dhe ka shpallur zgjedhje të reja për 21 dhjetor.

Rriten tensionet Ukrainë – Serbi për shkak të mercenarëve

Pamje e pjesëtarëve të ushtrisë së Ukrainës në pjesën lindore të këtij vendi

Serbia e ka ftuar ambasadorin e saj në Kiev për konsultime, pasi Ukraina i ka shprehur shqetësimet për “mercenarët” serbë, që luftojnë në anën e kryengritësve prorusë në pjesën lindore të Ukrainës, që është e përfshirë nga konflikti.

Ministri i jashtëm i Serbisë, Ivica Daçiq, u tha dje reporterëve se ka pasur “disa shqetësime” në lidhjet me Ukrainën dhe për këtë arsye ai kishte biseduar në Beograd me ambasadorin e Serbisë, raporton agjencia AFP.

Kjo thirrje e ambasadorit u bë pasi të mërkurën Ukraina e ftoi ambasadorin e vet në Beograd për bisedime në Kiev.

Konsultimet në Kiev ishin të fokusuara në “problemin e mercenarëve serbë që luftojnë si pjesë e trupave terroriste ruse”, në rajonin lindor të përfshirë nga lufta, thuhej në deklaratën në gjuhën angleze të Ministrisë së jashtme të Ukrainës, më herët këtë javë.

Në këtë deklaratë, pala e Ukrainës u referohet “obligimeve të Serbisë brenda instrumenteve ndërkombëtare legale kundër terrorizmit”.

Hagë: U shfaq incizimi i pushkatimit të 6 myslimanëve

Jovica Stanishiq (majtas) dhe Franko Simatovic në gjykatën e Hagës për krime të luftës

Prokurorët në procesin gjyqësor në Tribunalin e Hagës, kundër të akuzuarve, Jovica Stanishiq, dhe Franko Simatoviq Frenki, e kanë shfaqur sot incizimin e pushkatimit të gjashtë myslimanëve të Srebrenicës, që e kanë kryer pjesëtarët e njësisë serbe, “skorpionët”.

Dëshmitar i prokurorisë ishte Goran Stopariq, pjesëtar i atëhershëm i “shkorpionëve”, i cili tha se ishte dëshmitar i këtyre vrasjeve, për të cilat tha se i ka urdhëruar komandanti i “shkorpionëve”, Sllobodan Mediq, i njohur si Boca.

Stopariq dje e ka vërtetuar aktakuzën se “shkorpionët” ishin nën kontrollin e Shërbimit të Sigurisë Shtetërore të Serbisë, shef i së cilis ishte i akuzuari i parë, Jovica Stanishiq, ndërsa i akuzuari i dytë, Franko Simatoviq Frenki, ishte operativisti kryesor, raporton agjencia Beta.

Të dy këta persona akuzohen për krime të luftës në Kroaci dhe Bosnjë – Hercegovinë, në periudhën 1991-95.

Ky incizim i pushkatimit ishte shfaqur për të parën herë në Tribunalin e Hagës, në qershor të vitit 1995, në procesin gjyqësor kundër ish-presidentit të Serbisë, Sllobodan Millosheviq, i cili ishte i akuzuar për gjenocid në Srebrenicë.

Berlusconi rikthehet në politikën italiane

Silvio Berlusconi, në moshën 81 vjeçare, është rikthyer në politikën italiane. Berlusconi nuk mund të garojë në zgjedhjet parlamentare për shkak të dënimit për mashtrim me taksa, por ai është duke e udhëhequr një koalicion të qendrës së djathtë, që po synon të kthehet në forcë politike.

Sipas analistëve, Berlusconi ende ka disa shkathtësi në politikë, ka karizmë, burime financiare dhe përkrahje të mediave, për të qenë forcë në politikën e vendit, pavarësisht moshës së tij.

Ai po ashtu është duke sfiduar ligjin italian qe e ndalon atë të mbajë detyrën zyrtare deri para vitit 2019.

Puigdemont lirohet nga arresti, por duhet të mbetet në Belgjikë

Ish-lideri i përmbysur i Katalonjës, Carles Puigdemont, e ka kritikuar Spanjën në komentet e tij të para në Internet, pas lirimit nga arresti në Belgjikë, ku ai po e kundërshton kërkesën e Spanjës për ekstradim, për dyshime se ka organizuar rebelim në Katalonjë.

Sot në rrjetin Twitter, Puigdemont ka shkruar se është i lirë dhe se është së bashku me “shokët e burgosur padrejtësisht nga ky shtet i humbur, që është larg nga praktikat demokratike”, raporton agjencia AP.

Një gjyqtar në Bruksel dje e ka liruar ish-liderin, Carles Puigdemont, dhe katër bashkëpunëtorë të tij të afërt, me kusht që të qëndrojnë në Belgjikë dhe të marrin pjesë në seancat gjyqësore.

Këta pesë persona kanë udhëtuar për në Belgjikë, pasi autoritetet e Spanjës i shkarkuan ata më 28 tetor, për synimin e tyre për shkëputjen e Katalonjës nga Spanja.

Nga ana tjetër, nëntë anëtarë të tjerë të udhëheqjes ranjonale të shkarkuar për rastin e njejtë, janë arrestuar në Madrid, ndërsa hetimet po vazhdojnë.

Puigdemonti dorëzohet në policinë e Belgjikës

Ish presidenti i i Qeverisë Autonome të Katalonjës, Carles Puigdemont dhe 4 ish-ministra janë dorëzuar në policinë e Belgjikës

BRUKSEL– Ish presidenti i i Qeverisë Autonome të Katalonjës, Carles Puigdemont dhe 4 ish-ministra janë dorëzuar në policinë e Belgjikës.

Sipas lajmit të kanalit të televizionit publik të Belgjikës VRT NWS, Puigdemont dhe ministrat Maria Aleu Serret, Antoni Oliveres Comin, Lluis Gordi Puig dhe Clara Obiols janë dorëzuar në policinë e Belgjikës.

Pritet që Prokuroria Federale e Belgjikës të japë deklaratë lidhur me çështjen.

Sipas lajmeve të mediave spanjolle pretendohej se Puigdemont dhe katër ministrat sot do të ndalohen nga policia e Belgjikës.

Gjykata Kombëtare e Spanjës dje edhe zyrtarisht ka dorëzuar në Prokurorinë Federale të Belgjikës urdhër arrestin në nivel evropian për Puigdemont dhe 4 ish-ministra, për shkak të rolit të tyre në shpalljen e pavarësisë së njëanshme, duke i akuzuar për “rebelim kundër shtetit, kryengritje dhe keqpërdorim të pronës publike”.

Puigdemont dhe katër ministrat ikën në Belgjikë para se të merrej vendimi për arrestimin e tyre. aa

Puigdemont mund të kandidojë për president në zgjedhjet rajonale

Partia separatiste e liderit të shkarkuar katalanas, Carles Puigdemont, i cili po përballet më një urdhër-arrest të lëshuar nga qeveria qendore e Spanjës, ka thënë se duan që Pugdemont të kandidojë për president në zgjedhjet rajonale të 21 dhjetorit.

“Ne duam që Puigdemont të jetë personi që do të bartë ofensivë që do të ndërmarrim me 21 dhjetor në zgjedhje”, ka thënë zëdhënësja e partisë, Marta Pascal.

Puigdemont, i cili gjendet në Belgjikë, kishte paralajmëruar të premten se ai po konsideron të jetë pjesë e zgjedhjeve në Spanjë, nga Brukseli.

“Ka ardhur koha për të gjithë demokratët që të bashkohen. Për Katalonjën, për lirimin e të burgosurve politikë dhe për republikën”, ka shkruar Puigdemont në rrejtin social Tëitter.

Të premten, Spanja ka lëshuar një urdhër-arrest kundër Puigdemonit dhe katër bashkëpunëtorëve të tij, nën akuzat për rebelim, keqpërdorim të fondeve publike dhe mosbindje.

Puigdemont u bën thirrje separatistëve katalanas për unifikim

Lideri separatist, Carles Puigdemont.

Lideri i shkarkuar i Katalonjës, Carles Puigdemot u ka bërë thirrje politikanëve rajonal, që në zgjedhjet e 21 dhjetorit të vazhdojnë me përpjekjet për pavarësi nga Spanja dhe të protestojnë për anëtarët e parlamentit rajonal, të burgosur nga qeveria qendrore e Spanjës.

Puigdemont, i cili tash gjendet në Belgjikë, pasi qeveria e tij ishte shkarkuar pas përpjekjeve për pavarësië, ka thënë të premten se ai po konsideron të jetë pjesë e zgjedhjeve në Spanjë, nga Brukseli.

“Ka ardhur koha për të gjithë demokratët që të bashkohen. Për kataloninë, për lirimin e të burgosurve politikë dhe për republikën”, ka shkruar Puigdemont në rrejtin social Twitter.

Të enjten, nëntë anëtarë të kabinetit të Puigdemontit janë ndaluar nga një gjykatë e lartë e Spanjës për hetime.

Të premten, Spanja ka lëshuar një urdhër-arrest kundër Puigdemonit dhe katër bashkëpunëtorëve të tij, nën akuzat për rebelim, keqpërdorim të fondeve publike dhe mosbindje.

Kushtetuesja në Spanjë hedh poshtë padinë e Qeverisë së Katalonjës

Gjykata theksoi se padia është dorëzuar para se Senati të aprovojë aktivizimin e nenit 155 të kushtetutës, që Qeverisë qendrore i mundësoi sërish të vendos “sundimin e ligjit në Katalonjë”

MADRID – Gjykata Kushtetuese e Spanjës njoftoi se nuk do të shqyrtojë padinë të cilën e ka ngritur Qeveria e shkarkuar e Katalonjës për shkak të masave të jashtëzakonshme, të cilat i aktivizoi Qeveria spanjolle për të ndaluar procesin e shkëputjes së rajonit.

Nga Gjykata Kushtetuese të premten u tha se nuk mund të shqyrtojnë padinë, meqë Qeveria rajonale katalane “shumë herët” e ka dorëzuar. Gjykata theksoi se padia është dorëzuar para se Senati të aprovojë aktivizimin e nenit 155 të kushtetutës, që Qeverisë qendrore i mundësoi sërish të vendos “sundimin e ligjit në Katalonjë.”

Gjykata Kushtetuese po ashtu vendosi që të hedh poshtë tre ligje të cilat i miratuan deputetët në Parlamentin e Katalonjës si pjesë e referendumit të paligjshëm për ndarje të mbajtur më 1 tetor.

Gjykata më 17 tetor, vendosi se thirrja për referendum ka qenë e paligjshme, meqë vetëm Parlamenti i Spanjës mund të merret me çështjet e sovranitetit shtetëror dhe se sipas Kushtetutës së Spanjës, vendi është i pandashëm. aa

Paralajmërohet grevë e përgjithshme kundër arrestimeve në Katalonjë

Mbështetësit pro pavarësisë që bllokuan disa autostrada dhe hekurudha në Barcelonë, kanë reaguar kundër arrestimit të 9 ish-ministrave të ish-qeverisë lokale të Katalonjës

MADRID – Në rajonin e Katalonjës, u zhvilluan protesta për të reaguar kundër arrestimit të politikanëve separatistë katalanas.

Mbështetësit pro pavarësisë që bllokuan disa autostrada dhe hekurudha në Barcelonë, kanë reaguar kundër arrestimit të 9 ish-ministrave të ish-qeverisë lokale të Katalonjës. Ndërkohë bëhet e ditur se protestat kanë vazhduar për pak kohë dhe kanë përfunduar pa incidente.

Ndër të tjera theksohet se sindikata Intersindical-CSC ka njoftuar se ka vendosur që më 8 nëntor të hyjnë në një grevë të përgjithshme në Katalonjë. Drejtuesit e sindikatës kanë njoftuar se do të protestojnë kundër arrestimit të politikanëve të Katalonjës dhe kundër aktivizimit të nenit 155 të kushtetutës që Qeveria e Spanjës ka zbatuar dhe se do të hyjnë në grevë të përgjithshme me kërkesën për lirimin e anëtarëve të ish-qeverisë katalanase që ndodhen në burg. aa

Shpallet fletarrest evropian për liderin e përmbysur të Katalonjës

Një gjyqtar spanjoll ka shpallur fletarrest evropian për liderin e përmbysur të katalonjës, Carles Puigdemont, ka deklaruar mbrëmë vonë avokati i tij për rrjetin VTR në Belgjikë.

Prokurorët spanjollë kanë paraqitur fletarrest për zotin Puigdemont dhe katër pjeëstarë të qeverisë së tij të shkarkuar.

Të gjithë këta nuk janë paraqitur dje në një gjykatë në Madrid, lidhur me akuza për rebelim, nxitje të revoltës dhe keqpërdorim të fondeve publike, për rolin e tyre në referendumin e kontestuar për pavarësi të këtij rajoni autonom, më 1 tetor.

Paul Bekaert, avokat i zotit Puigdemont, i tha rrjetit VTR se pret që autoritetet spanjolle shumë shpejtë do ta dërgojnë kërkesën për ekstradim te prokurorët në Bruksel.

Megjithatë ai ka paralajmëruar se klienti i tij do të mbetet në Bruksel dhe do të ankohet ndaj çfarëdo lëvizjejepër ekstradim.

Nëntë anëtarë të tjerë të qeverisë së shkarkuar të Katalonjës janë paraqitur në një gjykatë në Madrid për tu marrë në pyetje. Tetë prej tyre janë dërguar në paraburgim, ndërsa për njërin ende pritet vendimi për mundësinë e pagesës së shumës prej 50 mijë eurove për të mos u paraburgosur.

Paraburgim për tetë ministra katalanas, urdhër arresti për Puigdemont

Nëntë nga 14 ish-anëtarë të qeverisë së Katalonjës sot më herët u paraqitën në bisedë informative në gjykatë, ndaj tetë prej të cilëve u shqiptua paraburgim, kurse njëri prej tyre u lirua me kusht

MADRID – Gjykata Kombëtare e Spanjës ka marrë vendimin për paraburgimin e tetë ish-ministrave të Qeverisë Autonome të Katalonjës, ndërsa një prej ministrave do të gjykohet në liri.

Për shkak të referendumit për pavarësi në Katalonjë, anëtarët e qeverisë së Katalonjës akuzohen për “rebelim ndaj shtetit, kryengritje dhe keqpërdorim të financave publike”.

Nëntë nga 14 ish-anëtarë të qeverisë së Katalonjës sot më herët u paraqitën në bisedë informative në gjykatë. Ndaj tetë prej tyre gjykata ka shqiptuar paraburgim, kurse njëri prej tyre është liruar me kusht.

Në ndërkohë, ish-Kryetari i Qeverisë Autonome të Katalonjës, Carles Puigdemont, dhe dhe katër ministra të tjerë, të cilët kanë udhëtuar në Belgjikë, nuk janë paraqitur në gjykatë, megjithatë, gjykata mori vendim për të nxjerrë urdhër arresti dhe ekstradimi ndaj tyre.

Nga ana tjetër, hetimi ndaj kryeparlamentares së Katalonjës Carme Forcadell dhe pesë anëtarëve të Këshillit Ekzekutiv, të cilët vazhdojnë detyrën, është shtyrë për më 9 nëntor pas kërkesës së avokatëve të mbrojtjes, ndërsa Gjykata Supreme ka marrë vendimin që ato të jenë nën mbikëqyrje policore deri më këtë datë.

Grueter: Kryqi i Kuq holandez ka braktisur hebrejtë gjatë luftës së dytë botërore

Foto nga arkivi

Një historiane, nga një institut i respektuar ka thënë se një degë e Kryqit të Kuq holandez ka bërë “shumë pak apo aspak”, për të ndihmuar hebrejtë e persekutuar nga okupatorët nazistë.

Ky përfundim, që i përforcon gjetjet e mëhershme, është prezantuar përmes një libri të mërkurën nga Regina Grueter nga instituti për luftë, holokakust dhe gjenocid, NIOD.

Rreth kësaj qështje është bërë hulumtim katërveçarë edhe nga Kryqi i Kuq.

Grueter ka thënë se Kryqi i Kuq holandez, me bazë në Hagë “ ka braktisur popullatën hebreje”.

Drejtori i tanishëm i Kryqit të Kuq, Inge Brakman, u ka kërkuar falje komunitetit hebrej në librin e promovuar në Amsterdam.

Katalonja, provë për të ardhmen e Bashkimit Evropian

Pas Brexit, zgjedhjeve në Gjermani dhe Austri, krizës në Katalonjë dhe një referendumi në veri të Italisë, mes analistëve janë shtruar pyetje të reja, nëse Evropa mund të jenë në rrezik shpërbërjeje. Siç njofton korrespondenti i shërbimit maqedonas në Zërin e Amerikës, Jane Bojaxhevski, analistët thonë se përballja mes Madridit dhe Barcelonës mbi aspiratat e katalanëve për pavarësi shikohet si veçanërisht e dëmshme për të ardhmen e bllokut.

Kërkesa e Katalonjës për pavarësi dhe reagimi i qeverisë qendrore në Spanjë është kriza e fundit që kërcënon të minojë unitetin brenda Bashkimit Evropian. Ndarja e mundshme nxitet nga një numër faktorësh, thotë eksperti Christopher Hall me Qendrën për Politikat e Sigurisë.

“Kriza e refugjatëve ka ndikuar shumë tek polarizimi brenda vendeve. Së dyti, ajo që do ta quaja marksizëm kulturor, është një përputhshmëri me elitat evropiane, që ekziston edhe këtu në Amerikë – siç janë të qënit politikisht korrekt, për të mos thënë gjëra që njerëzit e dinë që janë të vërteta. Dhe së treti është Rusia e cila po përpiqet në mënyrë aktive të ndajë Evropën dhe fatkeqësisht ka patur sukses në këtë drejtim.”

Por të tjerët, si ish diplomati amerikan Don Jensen, thonë se këto dallime nxiten pjesërisht nga mosdija dhe apatia – diçka që rusët po e përdorin në favor të tyre. Donald Jensen është me Qendrën për Mardhëniet Transatlantike.

“Klasa e mesme evropiane është e pakënaqur me projektin evropian për shkakt të imigracionit, problemeve ekonomike dhe sepse nuk shohin përgjegjshmëri nga burokracia në Bruksel ndaj shqetësimeve të tyre. Kjo krijon dobësi që mund të shfrytëzohen nga rusët dhe po e bëjnë këtë.”

Anketat e fundit tregojnë që evropianët janë të ndarë, Irlanda mbështet fuqishëm projektin evropian ndërsa shumica e popullsisë në Itali dhe Greqi nuk kanë përfituar nga anëtarësia në Bashkimin Evropian.

Ndërkohë, zbulimi rus është i përqendruar në Katalonjë për të zgjeruar influencën, sipas gazetarit spanjoll , Pablo Pardo për El Mundo në Madrid.

“Media ruse dhe individë nga WikiLeaks të lidhur me Rusinë në një mënyrë ose tjetër papritmas po bëhen ekspertë për krizën katalane. Ndikimi rus po rritet në mënyra shumë të ndryshme. Në njërin krah kemi ndikim të qartë të forcave nacionaliste; në krahun tejtër kemi ndikimin e forcave të majta, ekstremit të djathtë. Rusia po mundohet të përforcojë ose japë nxitje të gjitha llojeve të forcave që kundërshtojnë strukturën aktuale të pushtetit në Evropë.”

Komisioni Evropian nuk ka ndryshuar qëndrim ndaj Katalonjës duke thënë se do të merret vetëm me qeverinë qendrore të Madridit. Kryeministri i Spanjës Mariano Rajoy shpërndau parlamentin katalan dhe bëri thirrje për zgjedhje të parakohëshme me 21 dhjetor.

Puigdemont flet nga arratia

Carles Puidgemont gjatë konferencës së sotme për gazetarë në Bruksel

Lideri i shkarkuar i Katalonjës, Carles Puigdemont, thotë se do t’i pranojë rezultatet e zgjedhjeve të parakohshme në muajin dhjetor, që janë shpallur nga qeveria qendrore e Spanjës, pasi përkohësisht e ka suspenduar autonominë e këtij rajoni.

Duke folur sot në Bruksel, zoti Puigdemont tha se nuk po kërkon azil në Belgjikë dhe se do të kthehet në Katalonjë, kur t’i jepen “garantime” nga qeveria në Madrid.

Gjykata Kushtetuese e Spanjës e ka bllokuar shpalljen e njëanshme të deklaratës së pavarësisë nga parlamenti rajonal, javën e kaluar.

Qeveria në Madrid e ka marrë kontrollin direkt të Katalonjës dhe i ka shkarkuar zyrtarët e rajonit, derisa prokurori shtetëror ka rekomanduar akuza për rebelim dhe nxitje të revoltës kundër Puigdemontit.

Zyrtari më i lartë i qeverisë së Spanjës në Katalonjë, Enric Millo, tha se pranimi i zgjedhjeve të dhjetorit nga ana e zotit Puidgemont është “shumë pozitive” dhe paraqet hap kah kthimi në normalitet i këtij rajoni.

Lideri i Katalonjës arratiset nga vendi

Lideri i Katalonjës, Carles Puigdemont, është larguar nga Spanja dhe ka udhëtuar për në Bruksel, njoftojnë zyrtarët e Qeverisë spanjolle.

Puigdemont është duke u përballur me akuza për rebelim dhe kryengritje nga Qeveria e Spanjës, pasi Katalonja e shpalli pavarësinë javën e kaluar nën udhëheqjen e tij, transmeton Express.

Ndërkohë, dje, ministri i Migrimit i Belgjikës, Theo Francken, tha se ish-presidentit të Katalonjës mund t’i pranohet azili në vendin e tij.

Mediat spanjolle raportojnë se ish-lideri i Katalonjës është shoqëruar nga një numër i paspecifikuar anëtarësh të Qeverisë së Katalonjës.

Të premten, Qeveria qendrore në Madrid e shkarkoi Puigdemontin bashkë me Qeverinë e tij dhe nga sot do ta marrë kontrollin e institucioneve të Katalonjës. Po ashtu, pritet zëvendësimi i gjithë shërbyesve civilë me zyrtarë spanjollë.

Për 40 ditë në Alpet franceze regjistrohen 140 tërmete

Banorët e Maurienne, që i takon krahinës Savoja në lindje të Francës, javën e fundit janë shqetësuar nga tërmetet e shumta, kryesisht në orët e mbrëmjes

PARIS – Rajonin e luginës Maurienne në Alpet franceze, gjatë muajit të fundit, e kanë goditur së paku 140 tërmete.

Banorët e Maurienne, që i takon krahinës Savoja në lindje të Francës, javën e fundit janë shqetësuar nga tërmetet e shumta, kryesisht në orët e mbrëmjes.

Organizata për vëzhgimin e tërmetëve “Sismalp” gjatë 40 ditëve të fundit regjistroi 140 tërmete. Tërmeti më i fuqishëm ka qenë me magnitudë 3.8 ballë sipas Rihterit.

Ndonëse asnjë nga tërmetet nuk ka shkaktuar dëmtime, dridhja e tokës shkaktoi shqetësim mes banorëve lokalë të cilët u lajmëruan se si të veprojnë në rast të dridhjeve të fuqishme.

Sizmologët nuk janë në gjendje të sqarojnë rritjen e numrit të tërmeteve në rajon, por vendosën pesë sensorë në luginë që të kuptojnë më mirë fenomenin. aa

Dhjetëra mijëra demonstrues në mbështetje të Spanjës së bashkuar

Mbështetës të Spanjës së bashkuar zhvilluan një demonstratë sot në Barcelonë ndërsa vendi përballet me një nga krizat më të rënda politike në dekada. Udhëheqësi i shkarkuar i Katalonjës, Carles Puigdemont ka bërë thirrje për një opozitë paqësore demokratike ndaj ndaj vendimit të qeverisë spanjolle për shkarkimin e strukturave rajonale qeverisëse.

Dhjetëra mijëra mbështetës të Spanjës së bashkuar zhvilluan sot një demostratë masive në Barcelonë në shenjë përkrahjeje për vendimin e qeverisë spanjolle kundër lëvizjes për pavarësi të rajonit Katalonia. Demonstruesit janë të irrituar me ish-presidentin e Katalonias.

“Çfarë kërkojmë ne? Që të mos na copëtojnë. Ky është një turp. Ai njeri kërkon të na shkatërrojë dhe ne nuk do e japim pëlqimin tonë. Zoti Puidgemont duhet dërguar në burg. Është e nevojshme”, thotë Maria Jose Cana Lopez, banore e Badalonas.

“Kërkoj që Spanja dhe Katalonia të jenë bashkë siç kanë qenë për 40 vjet. Nuk do të prishet tani”, thotë pensionistja Teresa Torrejo Castellanos.

Ish-presidenti i rajonit Katalonia, Carles Puigdemont pati bërë thirrje për një opozitë paqësore demokratike ndaj vendimit të qeverisë spanjolle për shkarkimin e strukturave rajonale qeverisëse.

Ndërkohë, Ministri belg i Emigracionit dhe Azilit, Theo Francken, njoftoi se Belgjika mund të shqyrtojë mundësinë e ofrimit të azilit për zotin Puidgemont.

“Vendimi do të merret nga një gjykatës, ndërkohë që paralelisht do të fillojë edhe një procedurë azili. Nëse ai klasifikohet si azilant politik, nuk do të ishte i lehtë ekstradimi i tij në Spanjë, pasi ekzistojnë ligje evropiane që do ta mbrojnë”, njoftoi zoti Francken.

Sidoqoftë, Sekretari belg i Shtetit pranon se ky hap do të krijonte një situatë të vështirë për marrëdhënien e Belgjikës me qeverinë spanjolle.

Papa Françesku: papunësia dhe puna e pasigurt është imorale, vret dinjitetin

“Pa punë nuk ka dinjitet, por jo të gjitha punët janë të denja e, para së gjithash, është e mira e njeriut”: kështu shprehet Papa në videomesazhin transmetuar me rastin e Javës shoqërore të katolikëve italianë, që filloi dje, në Cagliari. Tema e takimit është “Puna që duam: e lirë, krijuese, e vlefshme e solidare”.

“Ka punë, që e poshtërojnë dinjitetin e njerëzve – kujtoi Françesku – ato që ushqejnë luftërat me prodhimin e armëve, që shesin vlerën e korpit me trafikun e prostitucionit, që shfrytëzojnë të miturit. E fyejnë dinjitetin e punëtorit edhe punët në të zezë, ato që drejtohen nga kaporalati, punët që diskriminojnë gruan e nuk i përfshijnë njerëzit me kufizime”.

Papa denoncoi me forcë edhe punët e pasigurta: “Kjo është plagë e rëndë për shumë punëtorë, që jetojnë të tmerruar përballë rrezikut të humbjes së punësimit. Kam dëgjuar shumë herë të flitet për këtë ankth: ankthin, që të pushton kur mendon se mund ta humbasësh punën nga shtatori në qershor  e nuk ke kurrfarë sigurie nëse do ta kesh edhe shtatorin e ardhshëm. Pasiguri e plotë! E kjo është imorale! Kjo vret: vret dinjitetin, vret shëndetin, vret familjen, vret shoqërinë. “Puna në të zezë e puna e pasigurt vrasin”.

Vjen, pastaj, edhe shqetësimi për punët e rrezikshme, që dëmtojnë shëndetin, të cilat çdo vit shkaktojnë, në Itali, qindra të vdekur e të gjymtuar, shqetësimi për shfrytëzimin e punëtorëve dhe punën e të miturve. Mendimi i Papës shkoi edhe tek të papunët, që kërkojnë punë por nuk e gjejnë, tek njerëzit që e kanë humbur çdo shpresë për punë e nuk kanë më pikë force as ta kërkojnë. Shkoi edhe tek njerëzit që punojnë me hope,  ndonjë muaj, duke e shtyrë jetën në varfëri të thellë.  Atyre – theksoi Papa – u them: mos e humbisni besimin. E këtë ua them edhe atyre, që jetojnë në Jug të Italisë, në kushte edhe më të vështira, Kisha punon për një ekonomi në shërbim të njeriut, që i ngushton pabarazitë e ka si qëllim punën për të gjithë.

Kriza ekonomike botërore – nënivizoi Papa – nisi si krizë e financës, pastaj u shndërrua në krizë ekonomike punësimi. Kriza e punës është krizë ambientale e shoqërore njëherësh (krh Enc. Lëvduar qofsh, 13) Sistemi ekonomik vë në plan të parë konsumin, pa u shqetësuar fare për dinjitetin e punës e as për ambientin. Por kështu është njëlloj si të shkosh me një biçikletë, që i ka gomat të shfryra: është e rrezikshme! “Dinjiteti dhe mbrojtja lëndohen, kur punëtori shikohet si një vizë në buxhet, kur mbyllen veshët, për të mos e dëgjuar britmën e të përjashtuarit”.

Nga kjo logjikë  – pohon Papa – nuk shpëton as administrata publike, kur  punësimi bëhet me sipërmarrje, duke ndjekur kriterin  e  uljes kulmore të shpenzimeve, pa marrë fare parasysh dinjitetin e punës, as përgjegjësitë ambientale e fiskale të sipërmarrjes. “Duke besuar se sigurojnë, kështu, kursime e rendiment, tradhtojnë misionin e tyre shoqëror në shërbim të bashkësisë”.

Por nuk mungojnë as shenjat e shpresës, të cilat, ashtu si pylli, rriten pa bërë zhurmë e na mësojnë dy virtyte: “T’u shërbesh njerëzve, që kanë nevojë” e “të formosh bashkësi, në të cilat bashkimi vlen më shumë se konkurenca”. Konkurenca: këtu është sëmundja e meritokracisë… Gjë e bukur të shikosh se inovacioni shoqëror lind edhe nga takimi e nga marrëdhëniet e se jo të gjitha pasuritë janë mall: për shembull, “besimi, nderimi, miqësia, dashuria”. “Në botën e punës – pohon Papa – bashkimi duhet të ketë epërsi mbi konkurencën”.

Kjo, thirrja e Françeskut: “Asgjë nuk duhet t’i kundërvihet së mirës së njeriut dhe kujdesit për shtëpinë e përbashkët, shpesh herë të përçudnuara nga modeli i zhvillimit, që prodhoi një borxh të rëndë ekologjik. Novacioni teknologjik duhet të udhëhiqet nga ndërgjegjja e nga parimet e ndihmës dhe të solidaritetit. Roboti duhet të mbetet mjet e jo të bëhet idhull i ekonomisë në duart e njerëzve të pushtetshëm: duhet t’i shërbejë njeriut dhe nevojave të tij njerëzore”.

Lideri i Katalonias nuk e njeh vendimin e Spanjës

Presidenti i qeverisë rajonale të Katalonias, Carles Puigdemont, i cili u shkarkua nga detyra pas shpalljes së pavarësisë, tha se nuk i njeh vendimet e marra të qeverisë qendrore në Spanjë dhe se do të vazhdojnë të punojnë për një shtet të lirë.

Puigdemont foli për herë të parë pas miratimit të vendimit që qeveria qendrore të marrë kontrollin e drejtpërdrejt të Katalonias.

Në deklaratën e tij të publikuar në televizionin katalonas TV3, Puigdemont tha se vendosja e kontrollit të drejtpërdrejt të qeverisë qendrore në rajon, në bazë të nenit të 155 të kushtetutës është një sulm ndaj vullnetit të katalonasve dhe në kundërshtim me demokracinë.

Ai tha se nuk i njohin vendimet e marra nga qeveria qendrore. Puigdemont kërkoi nga katalonasit që ta mbrojnë me përgjegjësi “republikën e tyre të re”.

Puigdemont u bërë thirrje katalonasve që të tregojnë reagimet e tyre nëpërmjet rrugëve demokratike, duke mos përdorur dhunë. “Do të vazhdojmë të punojmë për të ndërtuar një shtet të lirë”, theksoi ai.

Në anën tjetër, gjatë fjalimit të Puigdemont-it prapa tij ishin vendosur flamuj katalonas dhe të Bashkimit Evropian (BE), kurse mungonte flamuri i Spanjës.

Të shtunën në mëngjes Spanja mori kontrollin e drejtpërdrejt të Katalonias dhe shpërndau qeverinë separatiste rajonale, pasi që deputetët separatistë katalonas të premten pasdite miratuan propozimin për pavarësinë nga Spanja. aa

Rajoy: Ka filluar procesi i shpërndarjes së Parlamentit të Katalonias

Mariano Rajoy duke folur para gazetarëve mbrëmë në Madrid

Kryeministri i Spanjës, Mariano Rajoy, thotë se qeveria e tij e ka filluar procesin e marrjes së kontrollit direkt në rajonin e Katalonias, pastaj e ka shpallur të “pavlefshëm” votimin për pavarësi, i ka shkarkuar liderët e saj dhe formalisht e ka shpërndarë parlamentin rajonal.

Shpallja e zotit Rajoy u bë disa orë pasi Parlamenti i Katalonias e ka shpallur pavarësinë, ndërsa qeveria qendrore në Madrid, menjëherë i ka filluar hapat për imponim të sundimit direkt ndaj këtij rajoni autonom.

Kryeministri Rajoy në fjalimin e transmetuar direkt në televizion, pas një seance të jashtëzakonshme të mbrëmshme të Këshillit të ministrave, tha se zgjedhjet e reja në Katalonia do të mbahen më 21 dhjetor, me qëllim që të “kthehet legjitimiteti” i qeverisë rajonale atje.

Ai theksoi se deklarata e pavarësisë e Katalonias paraqet “rrëmbim” dhe është përpjekje për “vjedhje” të një pjese të territorit që i takon “ mbetjes të Spanjës”.

Zoti Rajoy ka vlerësuar, po ashtu, se dita e djeshme ishte “ditë pikëllimi” e shkaktuar nga “mungesa e arsyes”.

Katalonia shpalli pavarësinë

Parlamenti i Katalonias shpalli të premten pavarësinë nga Spanja në një votim që pritet të shpallet i paligjshëm nga Gjykata Kushtetuese e Spanjës.

Pak më pas dhoma e lartë e parlamentit spanjoll votoi në favor të masave për pezullimin e autonomisë së Katalonias.

Mocioni për shpalljen e pavarësisë në parlamentin rajonal të Katalonias perej 135 vendesh mori 70 vota, ndërsa 10 ishin kundër.

Ligjvënësit nga Partia Socialiste, Partia Popullore dhe Ciudadanos, braktisën parlamentin në shenjë proteste para votimit.

Në Madrid, kryeministri Mariano Rajoy, bëri thirrje për qetësi pas vendimit të parlamentit rajonal të Katalonias. “Sundimi i ligjit do të rivendoset në Katalonia”, shkroi ai.

Kryeministri Rajoy tash pritet të mbledhë kabinetin për të miratuar masat e para që mund të përfshijnë rrëzimin e qeverisë në Barcelonë dhe vënien nën kontroll të drejtpërdrejtë të forcave të policisë në Katalonja.

Departamenti amerikan i shtetit tha se Katalonja është pjesë integrale e Spanjës dhe Shtetet e Bashkuara mbështesin masat kushtetuese të qeverisë spanjolle për të mbajtur Spanjën të bashkuar e të fuqishme.

Në Bruksel, Presidenti i Këshillit Evropian, Donald Tusk, i bëri thirrje qeverisë spanjolle që “të përdorë forcën e argumentit në vend të argumentit e forcës”, duke e siguruar Madridin se Bashkimi Evropian do të flasë vetëm me Spanjën.

Më pak se gjysma e popullsisë prej 7.5 milionë banorësh të Katalonias morën pjesë në referendumin e 1 tetorit, megjithëse 90 për qind e pjesëmarrësve votuan në favor të pavarësisë.

Historia e lëvizjeve separatiste në Katalonia, që është një nga 17 zonat autonome të Spanjës shtrihet në disa shekuj, duke përfshirë një vendim në vitin 1640 për t’u lidhur me Francën fqinje.

Wolfgang Schäuble, kryetar i ri i Bundestagut gjerman

Për emërimin e aleatit 75 vjeçar të kancelares gjermane Angela Merkel votuan 501 deputetë prej gjithsej 709 aq sa numëron Dhoma e Poshtme e Parlamentit të Gjermanisë

BERLIN (AA) – Ministri i deriparadokohshëm i Financave të Gjermanisë, Wolfgang Schäuble, sot në seancën e parë të përbërjes së re të Parlamentit është zgjedhur kryetar i Bundestagut.

Për emërimin e aleatit 75 vjeçar të kancelares gjermane Angela Merkel votuan 501 deputetë prej gjithsej 709 aq sa numëron Dhoma e Poshtme e Parlamentit të Gjermanisë.

Përplasja mes Madridit dhe Katalonias hyn në një fazë kritike

Qeveria spanjolle njoftoi se synon të shkarkojë zyrtarët e qeverisjes lokale të rajonit Katalonia dhe të organizojë zgjedhje të parakohshme brenda gjashtë muajve, në kuadrin e përpjekjeve për të bllokuar shkëputjen e rajonit. Megjithatë, separatistët katalonas thonë se nuk do të nënshtrohen dhe se do të kalojnë në mosbindje masive civile.

Aktivistët pro pavarësisë në rrugët e Barcelonës dolën dje në rrugë për të kërkuar lirimin e dy udhëheqësve të tyre që u burgosën disa ditë më parë nga Gjykata Kombëtare e Spanjës, të akuzuar për kryengritje.

Separatistët katalonas menduan se referendumi i zhvilluar do t’u jepte atyre më shumë liri nga Spanja, dhe jo më pak. Por, qeveria spanjolle filloi dje procesin ligjor për të kufizuar pushtetin vetëqeverisës të Katalonjës, si dhe njoftoi se synon të shkarkojë udhëheqësit lokalë dhe të marrë rajonin nën kontroll.

((JOSEPH COSTA, STUDIUES I SHKENCAVE POLITIKE))

“Mendoj se do të ketë mosbindje civile. Pala katalonase pro pavarësisë po përqëndrohet tek shmangia e dhunës”, thotë studiuesi i shkencave politike, Joseph Costa.

Qeveria rajonale e Katalonias thotë se referendumi i 1 tetorit, i shpallur i paligjshëm nga Madridi, i ka dhënë mandatin për shkëputjen nga Spanja, por pezulloi shkëputjen e menjëhershme që të zhvilloheshin bisedime me Madridin.

Gjatë një mbledhjeje urgjente, qeveria në Madrid vendosi fillimin e procesit për zvogëlimin e pushtetit vetëqeverisës të Katalonjas. Ata synojnë të shkarkojnë zyrtarët rajonalë dhe të zhvillojnë zgjedhje të parakohshme brenda gjashtë muajve. Por, aktivistët e dalë në rrugë mbeten të vendosur.

Vetë katalonasit mbeten megjithatë të përçarë, siç demonstrohet nga flamujt e ndryshëm që valëviten në ballkonet e shtëpive.

“E di që jemi më të fortë së bashku dhe mendoj që prej problemeve ekonomike dhe krizës së një viti më parë, duhet të qëndrojmë së toku”, thotë Gitta, banore vendase.

“Tashmë është një çështje shumë e vështirë. Nuk e di”, thotë Lydia.

“Është çështje tepër e vështirë dhe nuk kam një qëndrim të qartë”, thotë Maria.

Senati në Madrid pritet të votojë këtë javë për planin e qeverisë spanjolle, duke shënuar kështu të parën herë që kufizohet vetëqeverisja e rajonit. Më pak se gjysma e popullsisë prej 7.5 milionë banorësh të Katalonias morën pjesë në referendum, megjithëse 90% e pjesëmarrësve votuan në favor të pavarësisë.

“Nëse partitë pro pavarësisë qëndrojnë të bashkuara, siç kanë premtuar, ka pak gjasa që qeveria spanjolle të zbatojë diçka”, thotë udhëheqësja separatiste, Tanya Verge.

Përplasja ndërmjet Katalonias dhe Madridit ka hyrë qartazi në një fazë tjetër kritike, me rreziqe më të mëdha për të dyja palët. Në përgjigje të Madridit, udhëheqësi separatist Carles Puigdemont akuzoi qeverinë spanjolle se kërkon të bëjë puç shteti në Barcelonë.

Në veri të Italisë sot mbahet referendumi për autonomi të gjerë

Referendumi i cili mbahet sot në dy provinca të pasura italiane, Lombardia dhe Veneto, mbahet me qëllim të një autonomie më të gjerë dhe jo për shkëputje

ROMË – Në dy rajone të pasura të Italisë, Lombardia dhe Veneto, sot mbahet referendumi për një autonomi më të gjerë në disa fusha e jo për pavarësi.

Sipas agjencisë italiane të lajmeve ANSA, të drejtën e votimit në Lombardia e kanë 7.9 milionë votues, kurse në Veneto rreth katër milionë. Votimi filloi në orën shtatë sipas kohës lokale dhe përfundon në ora 23.

Në qendrat e votimit në Lombardia, janë shpërndarë 24.400 tableta përmes të cilave do të zhvillohet votimi, ndërsa votuesit në Veneto do të kenë qasje më tradicionale.

Që referendumi të jetë i suksesshëm në Veneto, nevojitet pjesëmarrje prej 51 për qind, ndërsa një gjë e tillë nuk nevojitet në Lombardia.

Nëse shumica e votuesve mbështesin autonomi më të gjerë, priten negociata me qeverinë në Romë.

Disa qarqe në vend referendumin e konsiderojnë si të panevojshëm, pasi ai nuk i referohet shkëputjes.

Mediat italiane raportojnë se kostot e referendumit me qëllim të konsultimeve të cilat organizohen në dy rajonet arrijnë në rreth 65 milionë euro.

Raporti: NATO nuk është mjaft e përgatitur në rast të sulmit rus

NATO-ja nuk do të jetë e aftë për t’i rezistuar sulmit potencial të Rusisë në krahun e tij lindor, thuhet në një raport të brendshëm të cituar dje nga javorja gjermane, Der Spiegel.

Në këtë dokument, me titullin “Raporti i progresit në forcimin e zmbrapsjes dhe aftësinë mbrojtëse të Aleancës”, janë theksuar disa mangësi.

Në këtë kuadër, pos tjerash, theksohet se bile edhe forcimi i Forcës Përgjegjëse të NATO-s ka dështuar të sigurojë se mund të “reagojë shpejtë dhe – nëse është e domosdoshme – në mënyrë të qëndrueshme”.

Zëdhënësja e NATO-s, Oana Lungescu, ka refuzur ta komentojë raportin e publikuar në javoren gjermane, por tha se “forcat e aleancës janë më tepër të gatshme dhe të afta të vendosen se sa në çfarëdo kohe në disa dekada” të fundit.

Raportet e NATO-s me Rusinë janë në nivelin më të ulët prej Luftës së Ftohtë dhe konfliktit në Ukrainë.

Pasi Rusia e ankesoi Krimenë në vitin 2014, NATO-ja e ka suspenduar bashkëpunimin e saj civil dhe ushtarak me Moskën, ndërsa Ukraina ka shpallur interesim për anëtarësim në aleancën veri-atlantike.

Qeveria spanjolle mblidhet për të pezulluar autonominë e Katalonias

Kryeministri spanjoll, Mariano Rajoy, mblodhi kabinetin e tij në një takim emergjent të shtunën për të hapur që Madridi të vendos kontrollin mbi Katalonjën.

Qeveria spanjolle ka siguruar mbështetjen e opozitës për shpërndarjen e parlamentit të Katalonjës dhe organizimin e zgjedhjeve të parakohshme në muajin janar.

Takimi po mbahet gati tri javë pasi që rajoni gjysmë autonom mbajti referendumin kundërthënës për pavarësinë, i cili u shpall i paligjshëm nga Gjykata Kushtetuese spanjolle.

Udhëheqësi i Katalonjës, Carles Puigdemont, thotë se referendumi i ka dhënë mandatin që të çojë përpara pavarësinë e rajonit. Zoti Puidgemont, kishte shpallur simbolikisht pavarësinë, por duke e pezulluar atë në favor të bisedimeve me qeverinë ne Madrid.

Votuesit në Katalonja mbështetën pavarësinë në referendumin e një tetorit, por më pak se gjysma e votuesve të regjistruar morën pjesë në referendumin të cilin qeveria e kryeministrit Rajoy e shpalli ta paligjshëm.

Qeveria spanjolle paralajmëroi se të shtunën do të fillojë zbatimin e nenit 155 të kushtetutës, që i mundëson asaj pezullimin e autonomisë së Katalonjës.

Madridi do të pezullojë autonominë e Katalonias

Qeveria spanjolle paralajmëroi se të shtunën do të fillojë zbatimin e nenit 155 të kushtetutës, që i mundëson asaj pezullimin e autonomisë së Katalonias.

Zyra e kryeministrit spanjoll, Mariano Rajoy, tha se të shtunën do të mbahet mbledhja e posaçme e qeverisë për fillimin e zbatimit të këtij neni.

Paralajmërimi pasoi deklaratat e udhëheqësit të Katalonjës, Carles Puigdemont, i cili tha se parlamenti i rajonit do të votojë për shpalljen e pavarësisë nga Spanja nëse qeveria qendrore nuk pajtohet për të biseduar.

Kryeministri Rajoy i kishte dhënë zotit Puidgemont një afat deri të enjten për të qartësuar nëse ai në fakt e kishte shpallur pavarësinë pas referendumit që u mbajt më herët gjatë këtij muaji.

Zoti Puidgemont, kishte shpallur simbolikisht pavarësinë, por duke e pezulluar atë në favor të bisedimeve me qeverinë ne Madrid.

Votuesit në Katalonja mbështetën pavarësinë në referendumin e një tetorit, por më pak se gjysma e votuesve të regjistruar morën pjesë në referendumin të cilin qevria e kryeministrit Rajoy e shpalli ta paligjshëm.

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend