VOAL

VOAL

Kievi proteston ndaj vizitës së Presidentit rus Putin në Krime

Ministria e Jashtme e Ukrainës protestoi ndaj vizitës së fundit të Presidentit rus Vladimir Putin në rajonin e Krimesë së Ukrainës, duke e cilësuar atë një “shkelje të rëndë” të sovranitetit dhe integritetit territorial të vendit.

“Përpjekjet nga pala ruse dhe media për të përshkruar ‘vizita’ të tilla si ‘udhëtime të zakonshme’ të brendshme nga zyrtarët rusë janë të padobishme”, tha ministria në një deklaratë të 11 gushtit, duke shtuar se Krimea është “pjesë integrale” e Ukrainës .

Më 10 gusht, presidenti Putin u shfaq në televizionin shtetëror me një xhaketë lëkure në një shfaqje motoçikletash organizuar nga klubi “Ujqit e Natës” motorësh në Sevastopol, një qytet në Gadishullin e Krimesë që Moska e mori nën kontroll në vitin 2014.

Klubi “Ujqit e Natës” është i njohur për besnikërinë e tij ndaj Kremlinit.

Rusia aneksoi Krimenë në Mars 2014 pasi presidenti ukrainas Viktor Janukoviç, që ishte i afërt me Moskën, u rrëzua nga pushteti si pasojë a lëvizjes së protestave pro-evropiane Maidan, një muaj më herët.

Moska gjithashtu ka nxitur trazira dhe ka mbështetur separatistët në Ukrainën lindore, ku që nga viti 2014 më shumë se 13,000 njerëz kanë humbur jetën në konfliktin që pasoi.

Vizita e zotit Putin në Sevastopol u bë ndërsa dhjetëra mijëra mbështetës të opozitës u mblodhën në Moskë për të kërkuar zgjedhje të ndershme komunale. Më shumë se 250 persona u ndaluan nga policia. za

Sulm në një xhami në Oslo

Policia në Norvegji arrestoi autorin e një sulmi, i cili hapi zjarr në një xhami në Oslo të shtunën, duke lënduar një person që e frenoi atë. Sipas policisë, personi është një norvegjez në të 20-tat dhe se jeton në afërsi të xhamisë ku e kreu sulmin që po hetohet si një sulm i mundshëm urrejtjeje. Më pas në shtëpinë e tij, u gjet trupi i një gruaje të re. Deri tani i dyshuari ka refuzuar të flasë rreth motieve të sulmit.

Kryeministrja norvegjeze Erma Solberg, mori pjesë në lutjet e së dielës në një ambient të improvizuar të një xhamie në një hotel në Oslo, një ditë pas sulmit.

“Mendoj se duhet të vazhdojmë përpjekjet për të luftuar gjuhën e urrejtjes. Kemi një plan të veçantë veprimi, jo vetëm për islamofobinë por gjithashtu edhe shumë çështje tjera ku kemi gjuhë urrejtjeje. Duhet të punojmë në shkolla, që të rrisim ndjeshmërinë e tyre, të kuptojmë njëri-tjetrin. Më vjen keq ta them, por nëse shoh faqen time në Facebook, nuk janë të rinjtë problem, janë të moshuarit që kanë mendime dhe pikëpamje që janë ekstreme kundër islamit. Ne po mundohemi ta luftojmë këtë, por është e vështirë. Është sfidë jo vetëm për ne, por gjithandej në botë”, tha kryeministrja Solberg.

Një zëdhënës policie tha se i dyshuari jeton në afërsi të xhamisë që e sulmoi.

Policia njofton se personi që u lëndua lehtë nga sulmi në xhami, po përpiqej që ta ndalonte sulmuesin, gjë që edhe e kishte arritur.

75 vjeçari po lexonte Kuranin kur sulmuesi hapi zjarr.

“Sulmuesi hyri nga dera e pasme. Filloi të gjuante dhe pastaj unë kërceva mbi të. Ia mora pistoletën dhe e hodha. Ai më lëndoi pasi më futi gishtin në sy.”

Pastaj reagoi edhe udhëheqësit fetarë të xhamisë, i cili e mbajti sulmesin të shtrirë në tokë derisa erdhi policia.

“Unë isha ulur mbi sulmuesin. Pashë bluzën e tij me mbishkrimin NATO. Kishte veshje ushtarake dhe këpucë të zeza. Në rrip kishte shumë plumba. Ishte i përgatitur. Kishte veshur një jelek anti-plumb. Pashë shumë gjak në tokë dhe isha i shqetësuar për heroin tonë, i cili arriti ta pengojë sulmuesin dhe të shpëtojë shumë jetë”, tha njëri nga udhëheqësit e kësaj xhamie, Irfan Mushtaq.

Ai kërkon marrjen e masave që sulme si këto të mos përsëriten dhe thotë se Islami nuk është problem për shoqërinë, ndonëse sot perceptohet si i tillë.

“Për shumë vite, është thënë se myslimanët janë rreziku më i madh për vendin, por nëse i shikon dy incidentet e fundit terroriste, nuk janë kryer nga myslimanët. Kjo po ndikon në jetët e fëmijëve tanë. Çdo ditë na bien në qafë”, tha njëri nga udhëheqësit e kësaj xhamie, Irfan Mushtaq.Policia njofton se deri tani, i dyshuari për sulmin ka refuzuar të flasë mbi motivet që e kanë shtyrë të sulmojë në xhami.

Pasditen e së dielës, autoritetet e sigurisë kanë gjetur trupin e një gruaje të re në shtëpinë e tij, por nuk kanë dhënë më shumë hollësi lidhur me këtë. za

Shtetet baltike rrisin përpjekjet për të identifikuar spiunët rusë

Vendet e Baltikut po shtojnë përpjekjet e koordinuara për të identifikuar njerëzit e rekrutuar nga agjencitë ruse të zbulimit, thanë zyrtarët.

Shefat e sigurisë në Estoni, Letoni dhe Lituani shqetësohen se Kremlini ka rritur rekrutimin jo vetëm të njerëzve të ngarkuar me aktivitetin klasik të spiunazhit, siç është mbledhja e informacioneve të ndjeshme, por mundësisht edhe për të hedhur bazat për sabotime dhe subversion, sipas zyrtarëve të Balltikut.

Të tre vendet po përpiqen të përgatiten më mirë për një luftë hibride, në rast se fqinji i tyre i madh vendos të fillojë llojin e fushatës së destabilizimit hibrid që zhvillon prej vitit 2014 në Ukrainë. Brenda këtij viti, një njësi speciale e koordinuar do të fillojë punën me ndihmën e SHBA.

Të enjten, bankat letoneze morën pjesë në një stërvitje që simulon një krizë të nxitur nga Rusia për të provuar rezistencën e tyre.

“Aftësia e sektorit financiar për të punuar gjatë luftës hibride është një pjesë thelbësore e sistemit gjithëpërfshirës të mbrojtjes kombëtare,” tha Ministri i Mbrojtjes i Letonisë Artis Pabriks. Ai shtoi, “Për këtë arsye, ne organizojmë ushtrime të tilla me banka dhe institucione të tjera kryesore të këtij sektori.”

Testet e qëndrueshmërisë së bankave, të cilat synojnë të sigurojnë se sa janë në gjendje t’i rezistojnë hakerimit dhe sabotimit, u zhvilluan pasi Rusia përfundoi një stërvitje detare masive në Detin Baltik. Stërvitja, e cila u zhvillua nga 1 deri në 9 gusht, përfshinte 49 anije luftarake, 20 anije mbështetëse dhe më shumë se 10,000 personel ushtarak dhe ishte më e madhe se një stërvitje detare vitin e kaluar në Detin Mesdhe, thonë ekspertët perëndimorë të mbrojtjes.

Sipas Shërbimit të Inteligjencës së Jashtme të Estonisë, që nga viti 2014 spiunët rusë dhe agjentët e tyre janë kapur në një numër më të madh se zakonisht në shtetet baltike. Afërsia e këtyre vendeve me Rusinë, trashëgimia dhe e kaluara e tyre sovjetike si dhe komunitetet e konsiderueshme etnike ruse i bëjnë shtetet baltike veçanërisht të rrezikuara nga aktivitetet e spiunazhit të Kremlinit, thonë analistët. za

SHBA paralajmëron zhvendosjen e trupave nga Gjermania në Poloni

I dërguari i Presidentit amerikan Donald Trump në Gjermani, tha të premten se mungesa e gatishmërisë nga ana e kancelares Angela Merkel për të rritur shpenzimet e mbrojtjes, mund të mos i lërë asnjë zgjidhje Shteteve të Bashkuara përveçse të lëvizë trupat amerikane të vendosura në Gjermani, drejt Polonisë.

Komentet e Richard Grenell, ambasadorit amerikan në Gjermani, janë një sinjal rreth padurimit të zotit Trump për shkak të dështimit të zonjës Merkel të rrisë shpenzimet e mbrojtjes në 2 për qind të Prodhimit të Brendshëm Bruto siç përcaktohet nga NATO.

Është fyese të supozosh se taksapaguesit amerikanë do të vazhdojnë të paguajnë më shumë se 50 mijë amerikanë në Gjermani, ndërsa gjermanët e shpenzojnë atë pjesë që i detyrohen aleancës për programet vendase“, tha zoti Grenell për agjencisë gjermane të lajmeve dpa.

Planet fiskale të Gjermanisë, anëtari i dytë më i madh i NATO-s, parashikojnë rritje të buxhetit të mbrojtës në 1.37 për qind të PBB-së vitin e ardhshëm përpara se të pësojnë një ulje në 1.24 për qind në 2023-n.

Vendet e Evropës Lindore si Polonia dhe Letonia, që i druhen Rusisë pas aneksimit të Krimesë në 2014-n, i kanë rritur shpenzimet e tyre ushtarake në nivelin e objektivit të vendosur nga aleanca, 2 për qind, gjë që është vlerësuar nga zoti Trump i cili kërkon që Gjermania të bëjë të njëjtën gjë.

Shtetet e Bashkuara janë ankuar lidhur me buxhetin e Gjermanisë përpara administratës Trump, por marrëdhëniet mes dy vendeve janë përkeqësuar që nga koha kur ai u bë president.

Të dy aleatët kanë mosmarrëveshje për një varg çështjesh si Irani, tarifat tregtare si dhe linja e trasmetimi të gazit NordStream 2 nga Rusia në Gjermani.

Zoti Trump tha në qershor se do të zhvendosë 1 mijë trupa amerikane nga Gjermania në Poloni. Kjo e fundit e sheh masën si parandalim ndaj një agresioni të mundshëm rus.

Ambasadorja amerikane në Poloni Georgette Mosbacher ka bërë kritika të ngjashme rreth ngurimit të Gjermanisë për të ofruar më shumë burime financiare për NATO-n.

Polonia e ka përmbushur detyrimin e saj ndaj NATO për të shpenzuar 2 për qind të PBB-së për mbrotjen. Gjermania jo! Ne do t’i mirëpresim trupat amerikane që do të vijnë nga Gjermania në Poloni“, shkruante ajo në një postim në Twitter të enjten.

Shtetet e Bashkuara kanë më shumë se 33 mijë ushtarë në Gjermani dhe një kontigjent prej 17 mijë punonjësish civilë amerikanë në mbështetje të tyre. Besohet se Shtetet e Bashkuara kanë gjithashtu një arsenal bërthamor në Gjermani.

Presidenti Trump ka të drejtë, sikurse Georgette Mosbacher“, i tha zoti Grenell agjencisë së lajmeve dpa.

Presidentë të shumtë i kanë kërkuar vendit me ekonominë më të madhe në Evropë të paguajë për mbrojtjen e vet. Kjo kërkesë është bërë përgjatë shumë vitesh, e nga shumë presidentë“, tha ai. Zoti Grenell shtoi se Shtetet e Bashkuara duhet të reagojnë nëse Gjermania vazhdon të injorojë kërkesën e Presidentit Trump për të rritur shpenzimet e mbrojtjes.

Këtë muaj Presidenti Donald Trump udhëton drejt Francës për takimin e Grupi të 7-s, ku Irani pritet të jetë një temë kryesore. Zoti Trump do të vizitojë gjithashtu Poloninë dhe Danimarkën. Në fillim të këtij muaji ambasadori Grenell kritikoi Gjermaninë për hezitimin e treguar për t’iu bashkuar një misioni detar amerikan në ngushticën e Hormuz, pranë Iranit. za

Austri, gjenden 2 këlyshë tigri brenda një vaske në një banesë

Policia në Austri ka zbuluar dy këlyshë tigri në një vaskë të një banese ku jeton një grua sllovake.

Pas një paralajmërimi që ka marrë nga një grup për mbrojtjen e kafshëve, policia e rajonit të Austrisë së poshtme ka zhvilluar bastisje ndaj një banese në qytezën Hainburg në afërsi të kufirit me Sllovakinë, ku brenda një vaske kanë zbuluar dy këlyshë tigri.

Zëdhënësi i Policisë, Edmund Tragschitz, në deklaratën e tij theksoi se gruaja 34 vjeçare punon në një qendër për mbrojtjen e kafshëve në Sllovaki dhe se këlyshët i ka sjellë prej atje.

Tragschitz tha se gruaja mund të ketë sjellë kafshët në shtëpi me qëllime të mira për të vazhduar ofrimin e “kujdesit intensiv” të cilën e kanë nevojë.

Këlyshët janë dërguar në një klinikë veterinari për t’u kontrolluar, ndërsa zyrtarët lokalë do të trajtojnë çështjen për vendosjen e kafshëve në një vend të përhershëm. aa

Salvini kërkon zgjedhje të parakohshme në Itali

Lideri i Partisë italiane, Lega, Matteo Salvini, ka bërë thirrje për zgjedhje të parakohshme, duke thënë se dallimet brenda partnerëve të koalicionit, nuk mund të tejkalohen.

Një tentim i dështuar i Lëvizjes Pesë Yjet për të prishur planet rreth një autostrade, ka treguar se ky koalicion nuk mund të qeverisë më, ka shtuar ai.

Lideri i Lëvizjes Pesë Yjet, Luigi Di Maio, ka thënë se partia e tij nuk frikësohet nga zgjedhjet e reja.

Lideri i Lëvizjes Pesë Yjet, Luigi Di Maio.

Bazuar në sondazhe, partia e Salvinit gëzon dukshëm më shumë përkrahje, kryesisht për shkak të qasjes së tij kundër emigrimit ilegal.

Në zgjedhjet e vitit të kaluar, Lëvizja Pesë Yjet ka fituar dy herë më shumë vota sesa Partia Liga, mirëpo sondazhet parashikojnë se gjendja tani është ndryshe.

Giuseppe Conte, profesori apartiak që shërben si kryeministër i koalicionit, ka thënë se Salvini duhet ta arsyetojë para Parlamentit thirrjen e tij për zgjedhje.

Përplasjet politike për një projekt të një autostrade që do të lidhte qytetin italian, Turin dhe atë francez, Lion, kanë shtyrë kryeministrin Conte që të pezullojë për pak kohë tenderët.

Kjo lidhje që do të kushtonte disa miliarda euro, përfshin edhe hapjen e një tuneli 56 kilometra nën Alpe.

Tuneli i hapur më 1905, që lidh Zvicrën me Italinë.

Andaj, ky plan është kundërshtuar ashpër nga Lëvizja Pesë Yjet si për shkak të çështjeve të lidhura me ambientin, ashtu edhe ato financiare.

Mirëpo, Partia Liga, në anën tjetër, ka thënë se ky projekt do të stimulonte vendet e punës dhe rritjen ekonomike.

Përveç kësaj, mbështetësit e planit kanë thënë se kjo rrugë do të shkurtonte në dy orë udhëtimin mes dy qyteteve.

Ky tunel, po ashtu, do të mundësonte udhëtimin nga Parisi në Milano për katër orë, për dallim nga rreth shtatë sa është tani.

Ky projekt është thënë të jetë nisur 20 vjet më parë dhe një pjesë e tunelit tashmë është gërmuar, por punimet janë planifikuar të zgjasin deri më 2025.

Shpenzimet fillimisht ishte planifikuar se do të arrinin në 8.6 miliardë euro, mirëpo ministri italian i Transportit, Danilo Toninelli, anëtar i Lëvizjes Pesë Yjet, ka thënë se shpenzimet do të arrijnë shifrën mbi 20 miliardë euro.

Bashkimi Evropian ishte zotuar për të financuar 40 për qind të shpenzimeve.

“Le të shkojmë drejt në Parlament dhe të themi se nuk ka më shumicë e t’iu kthehemi votuesve”, ka thënë Salvini, i cili ka pozitën e zëvendëskryeministrit dhe ministrit të Brendshëm.

Mirëpo, Di Maio, që po ashtu është zëvendës-kryeministër i është përgjigjur shpejt duke thënë, “Ne jemi gati, ne nuk jemi të interesuar për të zënë pozitat qeveritare sepse nuk kemi qenë kurrë”.

Ndonëse Partia Liga është parti e vogël në koalicion, ajo ka fituar më së shumti vota në zgjedhjet evropiane në muajin maj, duke fituar më shumë se një të tretën e votave në Itali.

Megjithatë, kërkesa e Salvinit për zgjedhje të reja nuk nënkupton se ato do të mbahen në një të ardhme të afërt.

Presidenti Sergio Mattarella ka mundësi që të formojë një qeveri teknike dhe të shtyjë zgjedhjet e reja për në vitin e ardhshëm.

Përgatiti: Krenare Cubolli

Nobelistja austriake në Letërsi Elfriede Jelinek firmos për mbrojtjen e Teatrit

Aleanca për Mbrojtjen e Teatrit Kombëtar ka deklaruar se ka nisur në Vjenë më 24 korrik 2019 një peticion për Teatrin Kombëtar, ku shumë artistë e shkrimtarë kanë firmosur për mbrojtjen e saj.

Nënshkruesit e parë janë: Gerhard Ruiss, Gabu Heindl, Elfriede Jelinek, Händl Klaus, Uwe Mattheiß, Sabine Mitterecker.

Suprizues është fakti që në listën e nënshkruesve të huaj është edhe nobelistja austriake Elfriede Jelinek.

Shkrimtarja Elfriede Jelinek është fituese e Nobelit për Letërsi më 2004 me motivacionin për  “rrjedhën muzikorë të zërave dhe kundër-zërave në romane dhe shfaqje që, me një zell të jashtëzakonshëm gjuhësor, zbulojnë absurditetin e klisheve të shoqërisë dhe fuqinë e tyre nënshtruese”.

PETICION

Të nderuar përfaqësues të qeverisë,

Të nderuar deputetë të parlamentit,

Të nderuara zonja dhe të nderuar zotërinj!

Teatri Kombëtar i Shqipërisë është vënë në shënjestër për t’u shembur.

Të solidarizohemi me koleget e kolegët tanë shqiptarë.

Apel drejtuar klasës politike europiane dhe austriake

Teatri Kombëtar në Tiranë është vënë në shënjestër për t’u shembur. Në truallin e Teatrit Kombëtar synohet të realizohet një projekt në kuadrin e një partneriteti publik-privat (planifikimi: studioja daneze e arkitekturës BIG Architektur). Projekti parashikon ndërtimin e kullave private dhe një ndërtesë të re teatri si pjesë e një qendre tregtare. Braktisja e Teatrit Kombëtar në godinën e tij të deritanishme duket një çështje e mbyllur. Njerëz të artit e kulturës dhe qytetare e qytetarë të angazhuar të Tiranës protestojnë që prej një viti kundër këtyre planeve, dhe mbrojnë Teatrin Kombëtar nëpërmjet marrjes në kontroll të mjediseve të tij. Pas aksioneve të para të policisë kanoset zbrazja e dhunshme e Teatrit.

Fondi Monetar Ndërkombëtar dhe Banka Botërore e kanë kritikuar disa herë praktikën e partneritetit publik-privat (PPP) në Shqipëri, sepse shpërndarja e kostove dhe riskut që lidhet me të nuk shkon në të mirë të shtetit shqiptar, popullit shqiptar dhe grupeve të prekura të popullsisë shqiptare. Kërkesa e Bankës Botërore dhe FMN është që kjo praktikë të ndalojë deri në realizimin e proceseve transparente të vendimmarrjes. Për diçka të tillë për momentin as që bëhet fjalë.

Shqipëria përpiqet që, krahas të tjerash, edhe me mbështetjen e fortë austriake, të sigurojë anëtarësimin në Bashkimin Europian. Anëtarësimi në Bashkimin Europian është i pamundur nëse rregullat europiane në lidhje me tenderat, transparencën e prokurimit nuk respektohen, e madje në të kundërtën, krijojnë precedentë që nuk kanë lidhje me shtetin ligjor. Gjithashtu, nuk bën aspak përshtypje të mirë fakti se një firmë nga një vend i Bashkimit Europian vepron me rregulla të tjera krahasuar me ç’do të bënte në hapësirën e BE-së në një vend kandidat për anëtarësim në BE.

Koleget dhe kolegët në Tiranë kanë nevojë urgjente për mbështetjen tonë. Ata kanë nevojë për mbështetjen e politikës europiane, ata kanë nevojë për mbështetjen e politikaneve e politikanëve austriakë që mbështesin hyrjen e Shqipërisë në BE. Lufta e shoqërisë civile kundër shpërdorimit të pasurive publike përballë investuesve privatë dhe kundër shitjes së kulturës teatrore shqiptare meriton solidaritetin tonë të pakufishëm. U bëjmë apel grupeve të personave të adresuar si më lart të mbështesin fuqishëm qëndresën për mbrojtjen e Teatrit Kombëtar në Tiranë kundër sakrifikimit të interesit publik përballë interesave të investuesve dhe politikanëve të gatshëm të bashkëpunojnë me ta.

Ndihmoni edhe ju, jepni edhe ju kontributin tuaj që Teatri Kombëtar në Tiranë të mos shembet. Shfrytëzoni kontaktet tuaja, siguroni vëmendje dhe mbështesni njerëzit e artit dhe kulturës në Shqipëri në luftën e tyre për mbajtjen në këmbë të Teatrit Kombëtar, kudo e kurdo që keni mundësi ta bëni.

Nënshkruar:

Gerhard Ruiss, Përfaqësues i Komunitetit të Autorëve, Republika e Austrisë

Gabu Heindl, Arkitekte

Instituti Ndërkombëtar i Teatrit (ITI) Republika Federale e Gjermanisë

Elfriede Jelinek, Shkrimtare

Händl Klaus, Shkrimtar

Uëe Mattheiß, Gazetar

Sabine Mitterecker, Regjisore

Deklaratat për mbështetjen e kësaj kauze dërgohen tek: [email protected] (Gerhard Ruiss)

Vjenë, 24.7.2019

21-vjeçari nga Kosova vritet me pesë plumba në Gjermani

Një 21-vjeçar shqiptar është qëlluar për vdekje mbrëmjen e së enjtes në Kassel të Gjermanisë.

Siç raportojnë mediat gjermane, një 26 vjeçar është arrestuar, pasi dyshohet se ka qëlluar për vdekje shqiptarin.

I dyshuari kryesor për vrasjen e shqiptarit kishte ikur nga vendngjarja por me ndihmën e dëshmitarëve është bërë i ditur identiteti i tij e që më pas është arrestuar nga autoritete gjermane.

Njësia Speciale e Policisë e arrestuan atë në shtëpinë e tij sot në mëngjes.

“I dyshuari ende nuk e ka komentuar aktin e vrasjes. Ai është një gjerman i lindur në Kassel. Sipas informacioneve nga HNA, viktima ka lindur edhe në Kassel, familja e tij është nga Kosova”, shkruan hna.de.

Sipas policisë, shqiptari i vrarë dhe dorasi, shtetas gjerman, njiheshin mes vete, ndërkaq ende nuk dihen arsyet që kanë çuar 26 vjeçarin ta vrasë shqiptarin duke e goditur me pesë plumba në trup.

Mjekësia ligjore ka kontrolluar zonën përreth vendit të ngjarjes, ndërkaq është duke u hetuar pista e krimit./Telegrafi/

Ukraina konfiskon një tanker rus pranë qytetit Odesa

Moskē

Shërbimi i Sigurisë i Ukrainës (SBU) ka ndaluar një tanker rus në portin Izmail pranë qytetit ukrainas Odesa gjatë konfrontimit në Ngushticën Kerch.

Në fund të nëntorit të vitit 2018, Rusia konfiskoi dy anije të marinës ukrainase dhe një rimorkio detare, së bashku me 24 anëtarë të ekuipazhit, pasi hynë në ujërat e saj në Ngushticën Kerch.

Tankeri rus “Nika Spirit” u identifikua nga shërbimi i posaçëm ukrainas si tankeri Neyma, i cili pretendohet se bllokoi anijet ukrainase në Ngushticën Kerch vitin e kaluar.

“Shërbimi i Sigurisë i Ukrainës së bashku me Prokurorinë Ushtarake ndaluan Neyma-n, e cila kishte bllokuar anijet ushtarake të Ukrainës në Ngushticën Kerch”, tha SBU në një njoftim me shkrim.

“Tankeri i konfiskuar konsiderohet një element dëshmie pasi SBU po përgatit një peticion në gjykatë për ndalimin e saj”, shtoi SBU.

Ministria e Punëve të Jashtme e Rusisë tha se ambasada e vendit po heton rrethanat e incidentit.

“Nëse bisedohet për marrjen e rusëve si peng, ajo do të kualifikohet si një shkelje e rëndë e të drejtës ndërkombëtare dhe pastaj do të ketë pasojat e saj së shpejti”, u tha një burim i ministrisë ruse gazetarëve në Moskë.

Burimi po ashtu shtoi se ngjarja nuk do të kontribuojë në lirimin e detarëve ukrainas të cilët aktualisht janë në një qendër paraburgimi në Moskë.

Rusia dhe Ukraina kanë mbetur mes mosmarrëveshjeve që nga viti 2014 kur Rusia aneksoi Krimenë pas një referendumi të diskutueshëm.

Asambleja e Përgjithshme e Kombeve të Bashkuara (OKB), përfshirë edhe Turqinë, aneksimin e konsideruan si të paligjshëm.

Ukraina poashtu fajësoi Kremlinin për dhunë separatiste në lindje të Ukrainës, pranë kufirit me Rusinë.

Situata u rëndua më tej pas rrëzimit të avionit të pasagjerëve të MH17 të “Malaysian Airlines” në lindje të Ukrainës, që udhëtonte nga Amsterdami për në Kuala Lumpur.

Kievi e hodhi përgjegjësinë ndaj militantëve pro-rusë në Donbas. Nga ana tjetër, Moska akuzon Ukrainën për rrëzimin e avionit të pasagjerëve. aa

Gjermani, 17.3 milionë njerëz jetojnë vetëm

Berlin

Autoritetet gjermane bëjnë të ditur se është rritur numri i qytetarëve që jetojnë vetëm.

Sipas Byrosë Federale të Statistikave, rreth 17.3 milionë njerëz jetojnë vetëm në vend, që do të thotë se vitin e kaluar në Gjermani çdo i pesti person jeton i vetëm.

Që nga ribashkimi i vendit në vitin 1991, numri i familjeve me një anëtar është rritur me 46 për qind.

Në të njëjtën periudhë, numri i familjeve me 3 ose më shumë persona, pavarësisht nëse bëhet fjalë për lidhje familjare ose partnerë, është zvogëluar me 20 për qind.

Ndër arsyet pse shkon gjithnjë në rritje numri i “të vetmuarve” janë të rinjtë që largohen shpejtë nga shtëpia e prindërve, martesa në një moshë më të vonshme apo fare si dhe shkurorëzimet e shumta.

Gjithashtu, një nga arsyet është problemi i plakjes, sepse në Gjermani ekziston një numër në rritje i të moshuarve që jetojnë vetëm.

Sipas të dhënave të portalit gjerman statistikor “Statista”, një nga arsyet është numri i konsiderueshëm i qytetarëve që nuk kanë partnerë.

Në vitin 2019, në Gjermani janë regjistruar 64.7 për qind e meshkujve të pamartuar nën 49 vjeç, ndërsa numri i grave në këtë grupmoshë ishte 35.3 për qind.

“Bëhet fjalë për njerëz që janë plotësisht të kënaqur me jetën e tyre dhe nuk duan të kenë një partner”, raporton “Statista”.

Megjithatë, sipas raportit të njëjtë, vetëm 14 për qind e meshkujve të vetmuar në Gjermani thanë se ndiheshin “shumë të vetmuar”. aa

Jemi me Angela Merkel dhe me Ramushin!

Jemi me Angela Merkel dhe me Ramushin!

-Për Ramush Haradinajn kjo është hera e dytë që jep dorëheqjen nga posti i kryeministrit të Kosovës. Herën e parë Ramush Haradinaj është dorëzuar vullnetarisht në Tribunalin e Hagës në 9 Mars 2005, pasi një ditë më parë kishte dhënë dorëheqje nga funksioni i kryeministrit të Kosovës, menjëherë pasi ishte njoftuar për ngritjen e aktakuzës nga Tribunali i Hagës.

Pas shtatë viteve të gjata, dhe dy gjykimeve të gjata, kjo Gjykatë ka sjellur drejtësi për Ramush Haradinajn dhe për popullin e Kosovës!

Sot thirrja e Ramush Haradinajt nga Haga e kthen Haradinajn në Hero të të gjithë shqiptarëve, ndërsa Hagën një karikaturë!

Sepse Haga nuk mund ta gjykojë dy herë Haradinjan!

Shqiptarët e kanë kuptuar se Haga ka marrë anën e gabuar, të atyre që e kanë kërcënuar deri më tani Haradinajn për taksën 100%!

Haga nuk përfaqëson sot drejtësinë as vlerat  e Perëndimit!

Vlerat e Perëndimit i përfaqëson Angela Merkel dhe aleatët e saj.

Angela Merkel është me shqiptarët dhe vlerat e lirisë dhe Perëndimit!

Ndërsa shqiptarët janë me Angela Merkel dhe me Ramushin!

 

Gjykata vendos: Holanda 10 për qind fajtore për masakrën e Srebrenicës

Forcat holandeze në Potoçari të Srebrenicës, 12 korrik 1995

Një gjykatë e lartë holandeze ka mbështetur një vendim se Holanda ishte pjesërisht përgjegjëse për 350 vdekje në masakrën e Srebrenicës në Bosnje e Hercegovinë, në korrik të vitit 1995.

Gjykata tha se shteti kishte përgjegjësinë 10 për qind, pasi kjo ishte shkalla e mundësisë, që ushtarët holandezë, mund të kishin parandaluar vrasjet.

“Nëse forcat holandeze u dhanë mundësi këtyre burrave të qëndrojnë aty, ka pasur vetëm 10 për qind mundësi që ata të mos bien në duart e forcave serbe, dhe për këtë arsye shteti holandez duhet të jetë përgjegjës vetëm për atë pjesë të dëmit”, vendosi Gjykata.

Një gjykatë e apelit kishte caktuar përgjegjësinë më herët në 30 për qind, por vendimi i Gjykatës Supreme ka ulur në mënyrë drastike këtë shifër.

Forcat serbe të Bosnjës vranë rreth 8.000 burra boshnjakë myslimanë në qytetin e Srebrenicës më 1995.

Holandezët po ruanin një zonë të sigurisë të OKB-së, kur ndodhi ngjarja.

Është e rrallë për një shtet që të mbahet përgjegjës për dështimet në punën paqeruajtëse të OKB-së.

Në vitin 2002, një raport për rolin e Holandës në Srebrenicë bëri që e gjithë qeveria holandeze të japë dorëheqjen. rel

Merkel: Komentet e Trumpit, në kundërshtim me madhështinë e Amerikës

Kancelarja gjermane, Angela Merkel, i dënoi sulmet verbale të presidentit amerikan, Donald Trump, kundër katër kongresisteve me ngjyrë, duke thënë se ato “janë në kundërshtim me atë që e bën Amerikën madhështore”.

“Unë distancohem fuqishëm nga sulmet dhe shpreh solidaritet me gratë”, tha Merkel në një konferencë për gazetarët në Berlin.

“Sipas mendimit tim, forca e Amerikës qëndron në atë se njerëzit me origjina të ndryshme kontribuojnë në madhështinë e vendit”, shtoi Merkel.

Të dielën, Trump u tha katër kongresisteve amerikane – që të gjitha qytetare të SHBA-së – “të kthehen” në vendet e tyre të origjinës.

Edhe pse komentet e tij janë cilësuar si raciste dhe janë dënuar nga Dhoma e Përfaqësuesve në SHBA, Trump i ka përsëritur deklaratat e tij.

“Nëse nuk jeni të lumtura këtu, ju mund të largoheni”, ka thënë Trump të martën.

Deklaratat e tilla kundër kongresisteve: Alexandria Ocasio-Cortez, Ilhan Omar, Ayanna Pressley dhe Rashida Tlaib kanë nxitur edhe reagim ndërkombëtar.

Kryeministrja në largim e Britanisë së Madhe, Theresa May, i ka cilësuar ato si “krejtësisht të papranueshme”.

Kryeministrja e Zelandës së Re, Jacinda Ardern, ka thënë se ajo “absolutisht nuk pajtohet” me Trumpin.

Trump ka shkruar në Twitter se “nuk ka kockë raciste” në trupin e tij. rel

Stoltenberg: Duhet të përgatitemi për një botë me më shumë raketa ruse

Sekretari i përgjithshëm i NATO-s, Jens Stoltenberg, tha se koha për të shpëtuar një marrëveshje të rëndësishme për kontrollin e armëve me Rusinë po kalon.

“Kjo është serioze. Traktati i Forcave Bërthamore me Rreze të Mesme ka qenë i rëndësishëm për kontrollin e armëve për dekada të tëra dhe tani po shohim vdekjen e tij”, tha Stoltenberg në një intervistë për BBC-në.

“Duhet të jemi të përgatitur për një botë me më shumë raketa ruse”, shtoi ai.

Traktati i vitit 1987, i nënshkruar nga Shtetet e Bashkuara dhe Bashkimi i atëhershëm Sovjetik, ka ndaluar raketat bërthamore me rreze të shkurtër dhe të mesme.

Në muajin shkurt, SHBA-ja e pezulloi pjesëmarrjen në këtë traktat, duke e akuzuar Rusinë për zhvillimin e një sistemi raketor që e shkel atë.

Rusia i mohoi akuzat, por po ashtu e pezulloi pjesëmarrjen në traktat dhe njoftoi se ka plane për zhvillimin e sistemeve të reja të armëve.

Stoltenberg premtoi një përgjigje “të matur dhe mbrojtëse”, nëse Rusia nuk i kthehet zbatimit të traktatit deri në afatin e 2 gushtit.

Policia italiane dhe FBI-ja, operacion për policë të dyshuar për lidhje me Mafian

Policia italiane dhe FBI-ja kryen të mërkurën një operacion të përbashkët në shkallë të gjerë që përfshinte më shumë se 200 oficerë policie, pas hetimeve në të cilat u zbuluan lidhje midis Cosa Nostra-s së Sicilisë dhe familjes së krimit Gambino të Nju Jorkut.

Hetimi i koduar “New Connection” fliste për një lidhje të fortë të rivendosur në mes të krimit të organizuar amerikan dhe atij italian. Gjatë operacionit u arrestuan 19 persona.

Operacioni ndërmjet policisë së Italisë dhe FBI-së filloi të mërkurën në mëngjes dhe kishte në shënjestër klanin Inzerillo në kryeqytetin sicilian Palermo dhe familjen e krimit Gambino në Nju Jork.

Të dyshuarit akuzohen për krime përfshirë aktivitete mafioze, shantazhe për të nxjerrë para dhe mashtrime.

Familja Inzerillo ishte dëmtuar mjaft nga bosi i bosave Toto Riina në një luftë mes klaneve mafioze në vitet 1980 dhe ishte detyruar të mërgonte në Shtetet e Bashkuara. Por që nga viti 2000, dhe me vdekjen e Riinës në burg në vitin 2017, familja Inzerillo kishte kërkuar të rimerrte biznesin e saj të vjetër në Sicili, e ndihmuar nga aleatë të fuqishëm në Nju Jork.

Policia bëri përgjime të anëtarëve të familjes Inzerillo duke zbuluar lidhje të forta mes Cosa Nostras në Sicili dhe krimit të organizuar në Nju Jork. Aktivitetet e tyre përfshinin një gamë të gjerë biznesesh, si furnizimet ushqimore me shumicë, lojërat e fatit dhe bastet në internet.

Anëtarët e familjes Inzerillo kishin rindërtuar kështjellën e tyre në zonën e Palermos në Passo di Rignano. Ndër të arrestuarit ishin Francesco dhe Tommaso Inzerillo, përkatësisht vëllai dhe kushëri i Totuccio Inzerillos, një ish-bos i vrarë nga grupi Corleonesi i Riinas në vitet 1980.

Kryebashkiaku i Torretta-s, Salvatore Gambino, u arrestua gjithashtu me akuzën e pjesëmarrjes në veprimtari mafioze. Operacioni përfshinte edhe sekuestrimin e pasurive, me vlerë rreth 3 milionë euro, që u përkisnin të dyshuarve.

Franca feston Ditën e Bastijës, paradë me temën e bashkëpunimit europian

Të dielën në Francë u festua Dita e Bastijës, me një paradë ushtarake me pjesëmarrjen e mijëra trupave që marshuan në Shëtitoren Champs Elysee. Udhëheqës evropianë, në mesin e tyre.

Kancelarja gjermane Angela Merkel ju bashkuan presidentit francez Emmanuel Macron gjatë paradës tradicionale, që këtë vit ishte me temën e bashkëpunimit ushtarak evropian. Në paradë ishin 4,300 ushtarë, rreth 200 automjete dhe mbi 100 avionë, një pjesë e tyre nga vendet e tjera evropiane. Në mesin e udhëheqësve të huaj që ndoqën paradën ishin edhe kryeministri holandez Mark Rutted dhe Presidenti portugez Marcelo Rebelo de Sousa.

Parada këtë herë ishte një ekspozim i pajisjeve ushtarake të teknologjisë së lartë, si drone, automjete autonome në miniaturë, ushtarë me pushkë anti-dron dhe një “ushtar fluturues”, një person që qëndronte në ajër mbi një platformë fluturuese, që u duartrokit më shumë nga spektatorët.

Dita e Bastijës përkujton marrjen e kontrollit të Kështjellës-burg të Bastijës nga populli në Paris, në vitin 1789, një nga ngjarjet kryesore të Revolucionit Francez. Kjo ditë është sot festa kombëtare e Francës. Në një mesazh drejtuar popullit francez, Presidenti Macron theksonte angazhimin e parevokueshëm të Francës ndaj sigurinë së vendit dhe asaj evropiane.

Nisma e Ndërhyrjes Evropiane është një koalicion ushtarak i 10 shteteve, të gatshme për të reaguar ndaj krizave. Kjo nismë e filluar vitin e kaluar dhe e udhëhequr nga Franca, përfshin Gjermaninë, Belgjikën, Britaninë, Danimarkën, Estoninë, Hollandën, Spanjën dhe Portugalinë.

Donika Gërvalla: Mbeturinat dhe Gani Koci – ushtarët e mirëfilltë të UÇK-së turpërohen nga Thaçi, Veseli, Krasniqi, Haradinaj e Syla

Ish-anëtarja e LDK-së, Donika Gërvalla, në një publikim në rrjetin social “Facebook” ka reaguar për deklaratën e Gani Kocit ndaj Jusuf Buxhovit.

Ajo thotë se kur njerëz si Gani Koci, si reagim ndaj një deklarimi publik, fillojnë të sulmojnë dhe të etiketojnë njerëz si mbeturina, të cilat qenka dashur të pastrohen, nuk të mbetet tjetër përveç se të ulërish me të madhe nga neveria.

Gërvalla me tej thekson se ka kërkuar me mirësjellje nga Gani Koci që të mos keqpërdorë emrin e Jusuf dhe Bardhosh Gërvallës për të bërë sensacione në Facebook dhe për të luftuar kundërshtarët e tij.

“Gani Koci dhe të gjithë ata që flasin në emër të luftëtarëve të UÇK-së sot e dinë mirë që asnjë prej këtyre luftëtarëve nuk ka shkuar në UÇK që Shtabit të Përgjithshëm dhe përfaqësuesve politik të UÇK-së t’iu servojnë koka shqiptarësh”, shkruan ajo.

Ja shkrimi i saj:

Mbeturinat dhe Gani Koci

Kur njerëz si Gani Koci, si reagim ndaj një deklarimi publik, fillojnë të sulmojnë dhe të etiketojnë njerëz si mbeturina, të cilat qenka dashur të pastrohen, nuk të mbetet tjetër përveç se të ulërish me të madhe nga neveria. Të ndërgjegjshëm që fjala e tyre nuk vlen as deri tek qoshja e rrugës, njerëz si Gani Koci nuk kursejnë emra të respektuar nga qytetarët e Kosovës, për t’i bërë më të besueshme pallavrat e tyre.

Kërkova me mirësjellje nga Gani Koci që të mos keqpërdorë emrin e Jusuf dhe Bardhosh Gërvallës për të bërë sensacione në Facebook dhe për të luftuar kundërshtarët e tij. Aq më tepër kur deklarata të tilla bazohen vetëm në spekulime dhe në asnjë fakt objektiv. Përgjigje e tij ishte thjesht retorikë boshe. Qeveritë e ndryshme të Kosovës, pra as miqtë e Gani Kocit dhe as ata të LDK-së ose të partive të tjera, gjatë 20 viteve të fundit as edhe një fakt objektiv nuk kanë marrë mundimin të gjurmojnë rreth atentatit të 17 janarit 1982. Nuk ka pasur as përpjekjen më të vogël për hedhur dritë në këtë ngjarje. Po të doja edhe unë të spekuloja, do të thoja se kanë arsye t’i mbajnë gjërat të fshehura. Por unë nuk jam Gani Koci dhe nuk spekuloj e nuk luaj me dinjitetin e tjetërkujt.

Gani Koci dhe të gjithë ata që flasin në emër të luftëtarëve të UÇK-së sot e dinë mirë që asnjë prej këtyre luftëtarëve nuk ka shkuar në UÇK që Shtabit të Përgjithshëm dhe përfaqësuesve politik të UÇK-së t’iu servojnë koka shqiptarësh. Keqpërdorimi i ushtarit të virtytshëm, trim dhe të urtë, i cili kishte dalë të mbronte pragun e shtëpisë dhe të luftonte për lirinë e Kosovës duhet të marrë fund. As Hashim Thaçi, as Kadri Veseli, as Jakup Krasniqi, as Ramush Haradinaj, as Azem Syla dhe plot të tjerë nuk janë UÇK, janë ajo pjesë e komandantëve për të cilët sot turpërohen ushtarët e mirëfilltë të UÇK-së.

Dhe në fund më lejoni të shtoj edhe këtë: A pajtohem unë gjithmonë dhe me gjithçka që thotë dhe bën apo ka bërë Jusuf Buxhovi? Jo!

Vlerësoj shumë prej qëndrimeve të tij dhe në të njëjtën kohë jam skeptike ndaj një pjese të shkrimeve të tij, dhe sidomos atyre që përshkruajnë një LDK të viteve ’90 si një LDK krejt tjetër nga ajo që e kam përjetuar vet nga shumë afër dhe nga brenda.

Media amerikane: Salvini është financuar nga Rusia, kreu i Legas mohon

VOAL – Korrupsion ndërkombëtar: kjo është hipoteza e një krimi të formuluar nga Prokurori Publik i Milanos lidhur me fondet e pretenduara ruse të premtuara për të financuar fushatën elektorale të Legës.

Dosja u hap muaj më parë (por u bë e ditur vetëm tani) pasi javën e fundit L’Espresso kishte thënë për një takim që u zhvillua në tetor në Moskë midis Gianluca Savoini, kryetar i shoqatës Lombardi-Rusi e njeri i Matteo Salvinit, dhe njerëzve të Kremlinit.

Buzzfedd në SHBA gjithashtu kishte folur për këtë takim, duke botuar pjesë ekstensive të disa regjistrimeve në të cilat Savoini do të kishte negociuar “kushtet e një marrëveshjeje për të dërguar miliona dollarë në Lega”. Salvini menjëherë mohoi duke thënë se kurrë nuk kishte marrë një ruble të vetme. ansa

https://www.repubblica.it/esteri/2019/07/10/news/russia_come_putin_ha_versato_milioni_di_dollari_alla_lega_di_salvini_-230866514/?refresh_ce

 

Media amerikane: Salvini është financuar nga Rusia, kreu i Legas mohon

VOAL – Korrupsion ndërkombëtar: kjo është hipoteza e një krimi të formuluar nga Prokurori Publik i Milanos lidhur me fondet e pretenduara ruse të premtuara për të financuar fushatën elektorale të Legës.

Dosja u hap muaj më parë (por u bë e ditur vetëm tani) pasi javën e fundit L’Espresso kishte thënë për një takim që u zhvillua në tetor në Moskë midis Gianluca Savoini, kryetar i shoqatës Lombardi-Rusi e njeri i Matteo Salvinit, dhe njerëzve të Kremlinit.

Buzzfedd në SHBA gjithashtu kishte folur për këtë takim, duke botuar pjesë ekstensive të disa regjistrimeve në të cilat Savoini do të kishte negociuar “kushtet e një marrëveshjeje për të dërguar miliona dollarë në Lega”. Salvini menjëherë mohoi duke thënë se kurrë nuk kishte marrë një ruble të vetme. ansa

Kryeministrja e ardhshme e Evropës paraqet vizionin e saj në Parlamenti Evropian

VOAL – Ursula von der Leyen, kandidate për presidencën e ekzekutivit evropian, u dëgjua të mërkurën nga anëtarët e parlamentit për atë që mund të quhet një provim i rëndësishëm në lidhje me emërimin e mundshëm, që pritet javën tjetër.

Ministrja e tanishme gjermane e Mbrojtjes, një eksponente e CDU si Kancelarja Angela Merkel, Bashkimi Kristian Demokratik (Partia Popullore në nivelin e njëzet e tetë vendeve), paraqiti vizionin e saj mbi çështjet e momentit. Ajo e bëri atë më së shumti në anglisht, por ishte gjithashtu e sigurtë me frëngjishten.

Sa i përket divorcit me Mbretërinë e Bashkuar, ajo tha se ishte e gatshme t’i jepte më shumë kohë Londrës, duke konsideruar që një shkëputje brutale do të ishte katastrofike; në temën e emigracionit, ajo këmbënguli në forcimin e shpejtë të agjencisë komunitare përgjegjëse për kontrollin e kufijve të jashtëm, por gjithashtu për nevojën për të mos braktisur në fatin e tyre të dëshpëruarit që kërkojnë një fat të mirë; në pyetjen në lidhje me çështjen e ndryshimit të klimës, nuk paraqiti propozime konkrete, të paktën sipas kritikave të shprehura nga grupi mjedisor në fund të seancës dëgjimore; më bindëse, nga ana tjetër, ka qenë në lidhje me barazinë gjinore, duke premtuar se, nëse ajo do të marrë detyrën, do të ndante drejtimin në mënyrë të barabartë, brenda kufijve të autonomisë që i është dhënë; premtime të tjera përfshijnë pagën minimale për të gjithë dhe reformën e sistemit të Dublinit.

AFP

Popullsia e BE-së arrin në 513.5 milionë

Bruksel

Popullsia e përgjithshme e 28 vendeve anëtare të Bashkimit Evropian (BE) ka arritur në 513,5 milionë në vitin 2019, treguan të dhënat e Zyrës Evropiane të Statistikave (Eurostat).

Sipas të dhënave, popullsia prej 512,4 milionë në vitin 2018 ka shënuar rritje për 1,1 milion, për të arritur shifrën 513,5 milionë.

Gjermania ngelet shteti më i populluar në BE me 83 milionë banorë, kurse pas saj rradhiten Franca me 67 milionë, Britania me 66,6 milionë, Italia me 60,4 milionë, Spanja me 46,9 milionë dhe Polonia me 38 milionë.

Rritja e popullsisë në BE ka buruar nga emigrimi, pasi mortaliteti në vitin 2018 ka qenë më i madh se nataliteti, konkretisht në 28 vendet e BE-së janë regjistruar 5,3 milionë vdekje dhe pesë milionë lindje.

PE-së “i vjen keq” që disa qarqe politike në Serbi e mohojnë gjenocidin në Srebrenicë

David McAllister

Presidenti i sapozgjedhur i Komisionit për Politikë të Jashtme në Parlamentin Evropian (PE), David McAllister, tha se PE-së i vjen keq që në disa qarqe politike në Serbi mohohet gjenocidi në Srebrenicë.

“Parlamenti Evropian është i qartë për këtë çështje. Neve na vjen keq që disa politikanë në Serbi vazhdojnë të mohojnë se masakra në Srebrenicë ka qenë gjenocid. Ky është qëndrimi zyrtar i PE-së”, tha McAllister.

Ai u zgjodh të mërkurën në krye të Komitetit për Politikë të Jashtme në përbërjen e re të Parlamentit Evropian, i cili gjithashtu përfshin marrëdhëniet me vendet në rajonin e Ballkanit.

McAllister, në mandatin e kaluar, ka shërbyer si raportues për Serbinë i PE-së.

Ai tha të mërkurën se i vlerëson të gjithë politikanët e Ballkanit Perëndimor, të cilët janë në favor të pajtimit dhe marrëdhënieve të mira fqinjësore.

Më 11 korrik të vitit 1995, forcat serbe të Bosnjës kanë hyrë në Srebrenicë, në zonën që ishte shpallur e sigurt nga Kombet e Bashkuara.

Në ditët që kanë pasuar, ato kanë vrarë mbi 8,000 burra dhe djem myslimanë.

Derisa vrasjet kanë ndodhur për pak ditë, procesi i gjetjes së trupave ka marrë vite dhe identifikimi dhe varrimi i tyre vazhdojnë ende.

Masakra e Srebrenicës është cilësuar si më e rënda në Evropë që prej përfundimit të Luftës së Dytë Botërore, ndërsa nga Gjykata Ndërkombëtare e Hagës është njohur si gjenocid.

Të enjten, në qendrën përkujtimore Potoçari në Srebrenicë do të shënohet 24-vjetori i masakrës së Srebrenicës.

Atje njëherësh do të bëhet varrimi kolektiv i 33 viktimave të masakrës, të identifikuara gjatë vitit të fundit.

E nominuara për presidente të KE-së shpreson të mos ndodhë Brexit-i

Ursula von der Leyen, e nominuar për presidente të Komisionit Evropian, tha se shpreson se Mbretëria e Bashkuar i braktis planet e saj për dalje nga Bashkimi Evropian, apo Brexit.

“Vazhdoj të shpresoj se ju do të mbeteni”, tha von der Leyen.

Ajo foli të mërkurën në një seancë të Paralmentit Evropian, përpara votimit të saj javën e ardhshme.

Von der Leyen po ashtu tha se marrëveshja për Brexit, e negociuar nga kryeministrja në largim e Britanisë, Theresa May, dhe udhëheqësit e BE-së, është “e mirë”.

Kjo marrëveshje, megjithatë, është refuzuar tri herë nga Parlamenti britanik – gjë që ka çuar kryeministren May të tërhiqet.

Von der Leyen u zotua se do ta bëjë BE-në më ambicioze për ndryshimet klimatike dhe se do të përpiqet për më shumë balancë gjinore brenda bllokut.

Von der Leyen, e cila aktualisht është ministre e Mbrojtjes e Gjermanisë, do të marrë detyrën nga Jean-Claude Juncker, më 1 nëntor, nëse miratohet nga Parlamenti Evropian.

Nëse kjo ndodh, ajo do të bëhet gruaja e parë në këtë post të BE-së.

Merkel: Integrimi i Ballkanit Perëndimor, përgjegjësi strategjike e BE-së

Kancelarja gjermane, Angela Merkel, tha të premten se Bashkimi Evropian synon të mbështesë partnerët në Ballkanin Perëndimor në ardhmërinë e tyre evropiane dhe të lehtësojë përparimin e tyre drejt integrimeve, sepse kjo është përgjegjësi strategjike e bllokut.

Ajo i bëri këto komente në përfundim të takimit të kryeministrave nga gjashtë vendet e Ballkanit Perëndimor, me kolegët e tyre nga vendet anëtare të Bashkimit evropian në Poznan të Polonisë, për të diskutuar mbi procesin e anëtarësimit në bllok.

Takimi në Poznan është në vazhdën e atij që është quajtur procesi i Berlinit, i organizuar nga kancelarja gjermane, Angela Merkel, në vitin 2014, për të demonstruar përkushtimin e Bashkimit Evropian ndaj aspiratave të rajonit për anëtarësim.

“Pra kjo nuk është një ngjarje që e bëjmë për të tjerët, por kjo është edhe në interesin tonë. Nëse e shihni peizazhin më të gjerë, vendet e Ballkanit Perëndimor janë të rrethuar me vende anëtare të Bashkimit Evropian dhe këtë e shohim si përgjegjësi strategjike”, tha zonja Meërkel, sipas së cilës janë shënuar përparime në rajonin e Ballkanit, por vështirësitë mbeten aty.

Kosova, Shqipëria, Mali i Zi, Serbia, Maqedonia e Veriut dhe Bosnja e Hercegovina, po kërkojnë garanci se rruga e anëtarësimit është e hapur, pasi që disa udhëheqës evropiane ngritën mëdyshjet për gatishmërinë e Bashkimit Evropian për t’u zgjeruar.

Të hënën presidenti francez, Emmanuel Macron, tha se “do të refuzoj çfarëdo zgjerimi para se të kryhen reforma të thella në funksionimin institucional të Bashkimit Evropian”. Zgjerimi kërkon mbështetje të njëzëshme të vendeve anëtare.

“Pajtohem me pikëpamjet e presidentit Macron se mekanizmat e BE-së duhet të përmirësohen”, tha kancelaria Merkel. “Nuk e shoh këtë si braktisje të negociatave për zgjerim”.

Presidenti i Polonisë, Andrzej Duda, e kritikoi sot Bashkimin Evropian për shtyrjen hapjes së negociatave për anëtarësim me Shqipërinë dhe Maqedoninë e Veriut dhe i bëri thirrje bllokut që t’iu ofrojë vendeve të Ballkanit një rrugë të qartë drejt anëtarësimit në Bashkimin Evropian.

Muajin e kaluar, Bashkimi Evropian shtyu për në vjeshtë vendimin për hapjen e negociatave me Shqipërinë dhe Maqedoninë e Veriut, për shkak të mëdyshjeve të disa vendeve anëtare përfshirë Francën dhe Holandën.

Serbia dhe Mali i Zi, llogariten si favorit ndërsa Maqedonia e Veriut shpreson që marrëveshja me Greqinë rreth emrit të saj, do t’i hapë dyert e BE-së.

Serbia megjithatë, nuk mund të përparojë në proces pa një marrëveshje për normalizimin e marrëdhënieve me Kosovën, pavarësinë e së cilës vazhdon ta kundërshtojë.

Kryeministri i Kosovës, Ramush Haradinaj, tha të premten në Poznan se dallimet ndërmjet Kosovës dhe Serbisë, ndonëse janë të mëdha mund të zgjidhen por ekziston një rrafsh më i gjerë politik, ku duhet të merren vendime të guximshme, tha ai duke theksuar se duhet një kuadër i një marrëveshjeje mbi bisedimet për njohjen e ndërsjellë të të dyja vendeve në kufijtë ekzistues të tyre.

Kryeministrja e Serbisë, Ana Bërnabiç, tha se nuk e kupton “çka do të thotë njohje e ndërsjellë, sepse për ne nuk është e domosdoshme njohja nga Prishtina”.

Beogradi akuzon Prishtinën se ka bllokuar procesin e bisedimeve për normalizimin e marrëdhënieve me vendosjen e tarifave prej 100 për qind ndaj mallrave serbe në nëntorit të vitit të kaluar dhe kërkon heqjen e menjëhershme të tyre, ndërsa Prishtina akuzon Beogradin për kushtëzim bisedimesh.

Qëndrimet e pandryshuara të palëve bënë që të dështojë edhe një nismë e kancelares gjermane Angela Merkel dhe presidentit francez Emanuel Macron, për një takim në Paris në fillim të këtij muaji për ripërtëritjen e bisedimeve ndërmjet të dyja vendeve që aspirojnë integrimet evropiane.

Italiani David Sassoli zgjidhet kryetar i Parlamentit Evropian

David Sassoli, presidenti i ri i Parlamentit Evropian

Parlamenti Evropian, zgjodhi ligjvënësin socialist italian, David Sassoli, për president të tij për dy vjet e gjysmë.

Zoti Sassoli, 63 vjeçar, u zgjodh pas dy raunde votimesh në sesionin e parë të punës së parlamentit që doli nga zgjedhjet e muajit maj.

Zoti Sassoli, një ish gazetar nga Firence, është deputet i Parlamentit Evropian për një dekadë.

Një natë më parë, udhëheqësit e Bashkimit Evropian, zgjodhën drejtuesit e disa institucioneve të bllokut prej 28-vendesh për të paktën pesë vitet e ardhshme, duke tejkaluar mosmarrëveshjet e shkaktuara nga ndarjet e thella brenda BE-së.

Presidenti i Këshillit Europian Donald Tusk tha të martën se Ministrja gjermane e Mbrojtjes Ursula von der Leyen është emëruar presidente e Komisionit Evropian ndërsa Kryeministri belg Charles Michel, president i këshillit.

Ekspertja monetare francez Christine Lagarde u emërua shefe e Bankës Qendrore Evropiane ndërsa ministri i Jashtëm spanjoll Josep Borrell u zgjodh shef i punëve të jashtme të BE-së.

E besuara e Merkelit nominohet në krye të KE (Emrat e rinj)

BRUKSEL 

Ministrja gjermane e mbrojtjes, Ursula Von der Leyen nominohet për presidenten e re të Komisionit Europian. Nëse PE e miraton, Leyen do të jetë Presidentja e parë femër e KE-së.

Njeriu i besuar i Angela Merkel zëvendëson në këtë post Jean Claude Juncker. Në vend të Federica Mogherinit, spanjolli Josep Borrel, është zgjedhur si shefi i ri i politikës së jashtme në BE.

Christine Langarde u nominua presidentja e Bankës Qëndrore Europiane. Për kreun e Këshillit Europian, u nominua kryeministri belg Charles Michel. Këtë post e mbante Donald Tusk.

Pas nominimit Lagarde tha se është e nderuar për nominimin për drejtimin e BQE. Gjatë nominimit për këtë post, Legarde heq dorë nga përgjegjësitë e FMN.

Shkencëtarët: Njeriu, fajtor i valës së të nxehtit në Evropë

Ndryshimi klimatik i shkaktuar nga njeriu, mund të jetë shkaktar i valës së të nxehtit që përfshiu Evropën, gjatë javës së kaluar.

Temperaturat, në disa pjesë të Francës, u ngritën në 45.9 gradë Celsius, më shumë se ndonjëherë në histori, thanë shkencëtarët.

“Ndryshimet klimatike nuk janë më rritje abstrakte e temperaturave në nivel botëror, por tashmë ju mund ta ndjeni valën e të nxehtit sapo dilni jashtë”, tha Geert Jan van Oldenborgh, hulumtues në Institutin Mbretëror holandez të metorologjisë.

“Hulumtimet tregojnë se një valë e njëjtë e vapës, po të ndodhte një shekull më parë, do të ishte rreth 4 gradë Celsius më e ftohtë sesa kjo e fundit”, thuhet në raportin e një grupi shkencëtarësh.

Shkencëtarët kanë thënë se ngrohja e sipërfaqes së tokës, e shkaktuar kryesisht nga emetimet industriale të dioksidit të karbonit nga lëndët djegëse, do t’i bëjë më të shpeshta këto temperatura ekstreme, por edhe stuhitë, thatësirat dhe përmbytjet.

Organizata Botërore Meteorologjike tha se viti 2019 ishte në rrugë e sipër për të qenë ndër vitet më të nxehta në botë.

Gjermani, mijëra njerëz mbështesin kapitenen e arrestuar

Richard Green

Mijëra njerëz po i dalin në mbështetje kapitenes gjermane të anijes së shpëtimit të emigrantëve, e cila u arrestua pasi nuk përfilli urdhërin që të qëndrojë jashtë ujërave italiane. Në Gjermani më shumë se 20 mijë veta kanë grumbulluar më shumë se 745 mijë dollarë për të ndihmuar kapinenen. Megjithatë, autoritetet italiane thonë se ndëshkimi i pret të gjithë ata që hyjnë në ujërat e tyre pa autorizim.

Carola Rakete vazhdon të mbahet në arrest shtëpiak, pasi anija e saj “Roja e Detit 3” kaloi pa autorizim policinë kufitare italiane që po bllokonte hyrjen në portin e ishullit Lampedusa.

Në anije ndodheshin emigrantë që ishin shpëtuar në ujërat mesdhetare të Libisë më 12 Qershor, por që kishin mbetur në det të hapur pasi ishin refuzuar nga shumë vende të Evropës.

Të mërkurën, Rakete nuk përfilli paralajmërimet italiane dhe ankoroi në Lampedusa. Giogina Linardi është zëdhënëse e anijes “Roja Detare”

“Carola kishte mbetur pa alternativë. Ajo u la e vetmuar nga autoritetet e shumë vendeve që kontaktoi. Për 17 ditë ajo nuk u ndihmua nga askush dhe rruga e vetme ishte kthimi i njerëzve në Libi, vend që ndodhet në luftë, vend prej nga po iknin ata që kemi shpëtuar.”

Në Gjermani po mblidhen ndihma për kapitenen e arrestuar. Për 24 orë, më shumë se 20 mijë veta kanë dhuruar më shumë se 745 mijë dollarë.

Ministri i brendshëm italian, Matteo Salvini, i cili është kundër emigracionit, ka thënë se gjobat, arrestimet dhe konfiskimet i presin ata që hyjnë në ujërat italiane pa autorizim.

Salvini vazhdimisht ka akuzuar shpëtimtarët bamirës si bashkfajtorë me kontrabandistët që presin në brigjet e Libisë për të mbledhur emigrantë me anije që nuk mund të mbërrijnë në Evropë.

Italia është vendi i preferuar e emigrantëve që largoheshin nga Afrika veriore drejt Evropës. Por nga qershori i vitit të kaluar, qeveria djathtiste ka mbyllur portet për anijet e shpëtimit.

Numri i emigranëve ka rënë që kur ministri Salvini nisi detyrën një vit më parë. Deri tani, vetëm 2 mijë e 456 veta e kanë kaluar Mesdheun, ose 85 për qind krahasuar me të njëjtën periudhë të vitit të kaluar dhe 96 për qind më pak se në vitin 2017.

Ministri i Brendshëm Salvini i shqetësuar për situatën në Shqipëri, zbulon telefonatën me Metën

Ministri i Brendshëm dhe njëherazi Zv.kryeministri i Italisë, Matteo Salvini shprehet se ka zhvilluar një telefonatë edhe me Presidentin e Shqipërisë, Ilir Meta, me të cilin ka diskutuar se si mund ta ndihmojë me krizën në vend.

“Pasdite të mbarë nga zyra e ministrisë së Brendshme. Kam pasur një ditë impenjative. Telefonova homologun libian. Kam dëgjuar edhe presidentin shqiptar për t’u munduar të kuptoj se si mund ta ndihmojmë një vend të vogël, fqinj dhe mik me ne. Kemi folur për të evituar destabilitetin dhe përplasjet e forta civile”, – ka thënë Salvini në një video “live” nga zyra e tij, ku ka folur sërish edhe kundër politikave që Bashkimi Europian po ndjek për të parandaluar emigracionin, duke lënë të kuptohet se e “përveshur mëngët” për ta zgjidhur vetë problemin.

“Emigracioni nuk mund të menaxhohet nga anijet e jashtëligjshme: ne jemi të gatshëm të bllokojmë çdo lloj paligjshmërie. Kush bën një gabim, paguan. P.S. Evropa? Mungon, si gjithmonë”, – shkruan Salvini mbi përshkrimin e videos.

Kabineti i Macronit: Nuk ka takim në Paris

Kabineti i presidentit të Francës, Emmanuel Macron, konfirmoi për Radion Evropa e Lirë se takimi midis përfaqësuesve të Kosovës dhe Serbisë, i planifikuar të mbahet në Paris më 1 korrik, nuk do të mbahet.

Takimi, nën organizimin e Macronit dhe kancelares gjermane, Angela Merkel, është paralajmëruar gjatë një takimi të formatit të ngjashëm në Berlin, në fund të prillit.

Të enjten, edhe kryeministri i Kosovës, Ramush Haradinaj, paralajmëroi mundësinë që samiti në Paris të mos mbahet.

“Nëse përgatitjet shkojnë mirë, do të mbahet me siguri. Nëse jo, mund të shtyhet”, tha Haradinaj në një konferencë shtypi.

Të premten, edhe presidenti i Serbisë, Aleksandar Vuçiq, paralajmëroi se takimi në Paris nuk do të zhvillohet.

Zuzana Caputova inaugurohet si presidentja e parë e Sllovakisë

Bratisllavë

Aktivistja liberale ekologjike dhe avokatja Zuzana Caputova u inaugurua si gruaja e parë presidente e Sllovakisë.

Caputova dha betimin të shtunën në një seancë të veçantë të Parlamentit, dhe në këtë mënyrë u bë presidentja e pestë e Sllovakisë që nga pavarësia e këtij vendi, pas ndarjes së Çekosllovakisë në vitin 1993.

Ndonëse 45-vjeçarja ka pak përvojë në politikë, tërhoqi votuesit të cilët ishin të shqetësuar nga korrupsioni. Zgjedhja e saj në një detyrë kryesisht ceremoniale sfidon valën që favorizon populistët ekstremë të djathtë në të gjithë Evropën.

Presidenti i një shteti prej 5.4 milionë banorësh ka fuqinë të emërojë mandatar të Qeverisë, gjyqtarë të Gjykatës Kushtetuese dhe të vërë veton ndaj ligjeve. Parlamenti, megjithatë, mund të anashkalojë veton me shumicë të thjeshtë. Qeveria, e udhëhequr nga kryeministri, ka shumicën e pushteteve ekzekutive.

Flota amerikane udhëheq stërvitjen e NATO-s në Balltik

njësitë e marinsave amerikanë duke zbarkuar gjatë një stërvitjeje ushtarake në vendet balltike

Një stërvitje e madhe ushtarake ku marrin pjesë forcat detare të 18 vendeve po zhvillohet në Balltik dhe do të zgjasë deri më 21 qershor. Kjo është stërvitja e 47-të e përvitshme operacionale, e njohur me emrin BALTOPS. Këtë radhë, ajo udhëhiqet nga Flota e Dytë e Marinës Amerikane, që u rikrijua së fundmi për të mbrojtur Atlantikun e Veriut dhe Arktikun. Përpara fillimit të stërvitjes, Flota i dha korrespondentes së Zërit të Amerikës, Carla Babb, qasje ekskluzive tek shtabi i saj në Norfolk të Virxhinias.

Stërvitja Baltops është një nga më të mëdhatë në Evropën veriore. Marrin pjesë 50 anije, dy nëndetëse, 36 avionë dhe mbi 8 mijë trupa.

Por, ushtrimi i këtij viti udhëhiqet nga një komandant që nuk e ka selinë në Evropë, por matanë oqeanit në Norfolk, të shtetit amerikan Virxhinia.

Nënadmirali amerikan Woody Lewis, komandanti i Flotës së 2-të Amerikane, i tha Zërit të Amerikës se fleksibiliteti i kësaj flote të vogël është një ndër avantazhet e saj më të mëdha.

“Mund të qëndroj me një pjesë të stafit në këtë anije, ose në një aeroplanmbajtëse, apo në një vendndodhje të thjeshtë diku tjetër”, thotë Nënadmirali Lewis.

Flota e 2-të ruan Atlantikun e Veriut dhe Arktikun. Ajo ishte mbyllur në vitin 2011, në një periudhë shkurtimesh buxhetore dhe kur këto ujëra nuk kishin nevojë për shumë mbrojtje ushtarake.

Por, kohërat kanë ndryshuar. Drejtuesit ushtarakë amerikanë thonë se Rusia ka shtuar lëvizjet në nivelet e Luftës së Ftohtë dhe Kina ka filluar gjithashtu operacione në këtë rajon.

“Kur i planifikojmë këto stërvitje dhe manovrojmë me anijet dhe avionët tanë, në mendje kemi Kinën dhe Rusinë, dhe si ta fitojmë këtë betejë të nivelit të lartë”, thotë Komandante Tara Golden, e seksionit të Trajnimit dhe Zhvillimit në Flotën e 2-të Amerikane.

Dhe nuk janë të shqetësuara vetëm Shtetet e Bashkuara.

NATO ka krijuar një komandë të re për t’u përballur me një Rusi të fuqizuar në Atlantikun e Veriut. Nënadmirali Lewis drejton edhe këtë komandë.

Komandanti suprem i NATO-s për transformimin, i cili drejton zhvillimin e strategjive të ardhshme të aleancës, i tha Zërit të Amerikës se kjo komandë e sapokrijuar do të forcojë lidhjet mes Amerikës së Veriut dhe Evropës, ndërsa po shtohet paqëndrueshmëria globale.

“Kjo është një ndër mënyrat konkrete se si Aleanca po përshtatet. Duhet të ushqehemi vazhdimisht me konkluzionet e nxjerra në terren, në mënyrë që të përshtasim aftësita tona”, thotë Gjenerali francez Andre Lanata, Komandant Suprem i NATO-s për Transformimin.

Tashmë, Flota e 2-të është krijuar dhe po zhvillon operacione. Pritet që deri në vitin 2021, edhe NATO të ketë flotën e saj për këtë pjesë të globit.

(Video) Madeleine Albright: Falë NATO-s ne e përmbushëm kauzën tonë! Kosova ishte e lirë!

Fjala e Sekretares të Shtetit të SHBA Madam Madeleine Albright me rastin e 20 vjetorit të çlirimit të Kosovës.

 

Ja fokusi kësaj here i Piktorit të shquar Avni Delvina

Ja fokusi kësaj here i piktorit të shquar Avni Delvina:
Në Konferencë shtypi me Edi Ramën kryekomisioneri i BE Jean-Claude Juncker ngatërroi datën e zgjedhjeve nga qershor e bëri prill.
Gazetarët reaguan me të qeshura dhe ilaritet!

Presidenti i Komisionit Europian Jean-Claude Juncker: Zgjedhjet në prill!

Lapsusi i Junkerit për zgjedhjet, gazetarët s’e mbajnë të qeshurën

 

Presidenti i Komisionit Europian Jean-Claude Juncker ka qenë shpeshherë në shenjestër të mediave për sjelljet e tij të çuditshme apo lapsuset në publik.

Ai “goditi” edhe sot në konferencën për shtyp me Edi Ramën, kur tha se “zgjedhjet në Shqipëri duhet të mbahen me 30 Prill”.

Gazetarët ia dhanë të qeshurës, kurse Rama e ndihmoi duke i thënë se “janë në qershor”.

Juncker: Do të mbahen zgjedhjet në Shqipëri, në fund të muajit…prill?
Rama: Qershor.
Juncker: Po, domethënë, janë në muajin e fundit…
(Gazetarët qeshin)
Juncker: Ah, po qershor, këto zgjedhje duhet të mbahen, dhe shqiptarët duhet të votojnë.

 

 

Macron: Jemi në prag të një kohe lufte

Bota po kalon në një krizë të thellë, dhe mund të jetë në prag të një kohe të luftës, tha presidenti i Francës, Emmanuel Macron gjatë një fjalimi të mbajtur të martën në Gjenevë.

“Unë besoj se sot ne jemi në prag të një kohe lufte dhe kjo luftë është e pranishme në demokracitë tona, është kriza e thellë që po kalojmë. Ne mund të zgjedhim të jemi somnambul, por nëse duam përparim të vërtetë, ne duhet të bëjmë angazhime serioze”, tha ai.

Macron bëri thirrje për një përpjekje botërore, në adresimin e kërcënimeve siç janë: pabarazia, ndryshimet teknologjike dhe ato klimatike.

“Unë mendoj se kaosi është këtu dhe është përgjegjësia e brezit tonë që të mos presim për një luftë të re, por të shohim gjendjen në botë ashtu siç është”, tha Macron.

Presidenti 41-vjeçar i Francës, e ka vënë veten në ballë të një lëvizjeje liberale duke kundërshtuar ngritjen e së djathtës në Evropë.

Pozicioni i tij brenda Francës është dëmtuar, nga protestat disa muajshe kundër reformave ekonomike, duke përfshirë një taksë të karburantit.

Qeveria gjermane: Mafia italiane përdor bandat shqiptare për trafikun e kokainës

Grupe të organizuara kriminale me prejardhje nga Shqipëria punojnë në Gjermani, për llogari të mafies italiane.

Pohimin e ka bërë qeveria gjermane pas kërkesës së Të Gjelbërve mbi ndikimin që mafia italiane ka në vend.

Ndër të tjera në përgjigjen e saj thuhet: “Mendohet gjithashtu se disa anëtarë të Krimit të Organizuar Italian bashkëpunojnë me korrierë të lëndëve narkotike dhe grupime që kanë prejardhje shqiptare.

Kjo prek nga njëra anë sektorin e trafikimit të produkteve me kanabis, të cilat prodhohen kryesisht në Shqipëri.

Veç kësaj vihet re një ndarje pune në trafikimin e lëndëve narkotike (kokainës) nga Amerika e Jugut për në Europë dhe transportin e mëtejshëm brenda Europës. Pjesëtarët e Krimit të Organizuar Italian organizojnë blerjen e kokainës në vendet përkatëse.

Personat me prejardhje shqiptare dhe strukturat e tyre marrin përsipër detyra logjistike duke e transportuar mallin ilegal nga portet detare të Europës dhe duke e shpërndarë atë më tej në Evropë”, thuhet në raportin e cituar nga DW.

Përveç shqiptarëve, mafia italiane bashkëpunon në Gjermani me edhe me grupime rokerësh ose grupe të ngjashme si edhe me banda të krimit të organizuar ruso-eurazik. Sipas një raportit policor të Ministrisë së Punëve të Brendshme gjermane, shqiptarët zënë vendin e katërt ndër të huajt që kapen nga policia gjermane për vepra penale të lidhura me krimin e organizuar. Sipas qeverisë gjermane, organizata mafioze ‘Ndrangheta, e cila konsiderohet nga më të rrezikshmet, ka 800-1000 anëtarë në Gjermani.

Top Channel

DW: Merkel refuzon kërkesën e KE për hapjen e negociatave për Shqipërinë dhe Maqedoninë

Sipas një raportimi të gazetës së njohur gjermane, Süddeutsche Zeitung” të premten (07.06) kancelarja gjermane, Angela Merkel i ka bërë një refuzim të qartë kërkesës së Komisionit Europian për hapje të shpejtë të negociatave të anëtarësimit me Shqipërinë dhe Maqedoninë e Veriut.

Këtë ajo e ka thënë në një seancë të komisionit parlamentar të Bundestagut për Europën, sipas informacioneve të “Süddeutsche Zeitung”. Merkel  ka bërë të qartë, se një vendim për këtë pritet më së hershmi në tetor.

 

Me këtë kancelarja del qartazi kundër partnerit në koalicion, Partisë Socialdemokrate, SPD, që përkrah votimin pro për hapjen e negociatave në Këshillin e BE më 18 qershor. Ministri gjerman i Shtetit për Europën në Ministrinë e Jashtme, Michael Roth (SPD) është një nga politikanët gjermanë që është angazhuar fort javët e fundit për hapjen e negociatave me dy vendet e Ballkanit. Ai ka theksuar në intervista të ndryshme, se angazhimi i Shqipërisë për reforma duhet të vlerësohet.

CDU/CSU dhe SPD me qëndrime të ndryshme

Mospërputhja e qëndrimeve brenda koalicionit qeverisës gjerman u vu re hapur pas publikimit të progres-raportit të Komisionit Europian në fund të majit. KE kërkoi hapjen e shpejtë të negociatave si me Shqipërinë ashtu edhe Maqedoninë e Veriut. Por CDU/CSU është e rezervuar edhe këtë vit, ajo ka nevojë për analizë të kujdesshme  raportit. Deputeti gjerman i CDU, dhe kryesues i grupit parlamentar për Ballkanin Perëndimor në Bundestag, Johann Wadepuhl, ka thënë se CDU/CSU do duhet të shqyrtojë me kujdes raportet e progresit mbi Shqipërinë dhe Maqedoninë e Veriut.

“Vetëm në këtë mënyrë mund të marrim një vendim të përgjegjshëm nëse janë plotësuar me të vërtetë kushtet e fillimit të negociatave për anëtarësim të këtyre dy vendeve në BE”, ka thënë Wadephul në një deklaratë të publikuar menjëherë pas publikimit të progres-raportit të KE në fund të majit. Për Wadephul, Shqipëria nuk ka plotësuar asnjë nga kushtet e caktuara në Këshillin e Ministrave të Jashtëm, të datës 28 qershor 2018.

Për shkak të kalendarit të punës të CDU/CSU nuk besohet, se kjo temë do të shqyrtohet para vjeshtës./DW

BE nis proces disiplinor ndaj Italisë për shkak të borxhit të lartë publik

Bashkimi Evropian (BE) ka vendosur të nisë proces disiplinor ndaj Italisë me arsyetimin se nuk ka ulur borxhin e lartë publik.

Anëtarët e Komisionit Evropian (KE) u takuan në Bruksel për një mbledhje javore të Kolegjit. Në takim u diskutua nëse do të inicohej apo jo një proces disiplinor ndaj Italisë për shkak të borxhit të lartë publik.

Pas takimit, KE njoftoi vendimin për fillimin e një procesi disiplinor me arsyetimin se Italia nuk ka ndërmarrë masa efektive për të reduktuar borxhin e saj të lartë publik.

Sipas rregullave të BE-së, deficitet buxhetore të vendeve anëtare nuk duhet të kalojnë 3 për qind të PBB-së (Produkti i Brendshëm Bruto) së tyre dhe borxhet publike nuk duhet të tejkalojnë 60 për qind të PBB-së së tyre. Kur tejkalohet ky limit, masat që duhet zbatuar duhet t’i komunikohen KE-së dhe duhet të ndërmerret një luftë efektive.

Në fund të procedurës në fjalë, ndaj vendit përkatës mund të aplikohen sanksionet financiare. Në fund të procesit disiplinor, Italisë mund t’i vendoset një gjobë rreth 3-4 miliardë euro.

Por procesi disiplinor merr një kohë të gjatë dhe në lidhje me vendimin përfundimtar për dhënien e dënimit kërkohet miratimi nga vendet anëtare të BE-së.

Krahasuar me të ardhurat kombëtare, Italia është vendi me borxhin më të lartë publik në BE pas Greqisë, ku borxhi i saj publik aktualisht kalon 132 për qind të PBB-së së saj.

Fondi Monetar Ndërkombëtar (FMN) borxhin e lartë të Italisë e sheh si një rrezik të madh për ekonominë e Eurozonës, krahas konflikteve globale të tregtisë dhe Brexit-it të ashpër.

Çfarë e pret Italinë

Këshilli i Çështjeve Ekonomike dhe Financiare i BE-së deri më 19 qershor do të vendosë nëse do të mbështesë apo jo raportin e Komisionit.

Nëse Këshilli e mbështet raportin e Komisionit për fillimin e një procesi disiplinor, procesi do të shqyrtohet në takimin e ministrave të Financave të BE-së që do të mbahet në mesin e muajit korrik. Ministrat në këtë takim do të vendosin nëse do të mbështesin apo jo ndëshkimin disiplinor.

Në rast se ministrat mbështesin ndëshkimin (masën) displinor, nga Italia do të kërkohet të jetë e angazhuar me rregullat e Unionit në çështjen e shtrëngimit të buxhetit publik dhe për të siguruar disiplinën fiskale.

Italia mund të përballet me sanksione të pavërejtura më parë nëse ballafaqohet me probleme në zbatimin e rregullave të buxhetit të BE-së dhe disiplinës fiskale.

Nga ana tjetër, edhe pse shumë vende anëtare të BE-së janë përballur me procedura të hapura disiplinore gjatë krizës financiare të Eurozonës, ndaj asnjërës prej tyre nuk janë vendosur gjoba. aa


Send this to a friend