Valës së protestave të Diasporës i janë bashkuar edhe shqiptarët që jetojnë dhe punojnë në SHBA.

Shumë prej tyre janë mbledhur sot (6 qershor) para godinës së Ambasadës Shqiptare në Uashington DC, duke iu bashkuar organizimeve të ngjashme që po ndodhin në shumë qytete dhe kryeqytete të Evropës.

Me thirrje të forta kundër qeverisë, shqiptarët e mbledhur në kryeqytetin amerikan, me pankarta dhe thirrje kanë kërkuar dorëheqjen e menjëhershme të kryeministrit Edi Rama.

Përveç kërkesës për largim, protestuesit kanë artikuluar përpara selisë diplomatike edhe thirrje për arrestimin e kreut të qeverisë, duke e bërë përgjegjës për situatën në vend.

Ky tubim në Uashington DC vjen si pjesë e një koordinimi të gjerë të diasporës në rang global, pasi protesta të ngjashme janë regjistruar më herët në qytete si Vjena, Berlini, Milano dhe Stokholmi, ndërkohë që brenda Shqipërisë revolta qytetare në rrugët e Tiranës vijon prej një jave. gsh

Një protestë e fuqishme është organizuar edhe në Austri, në kryeqytetin Vjenë, si pjesë e organizimeve të ngjashme nga diaspora shqiptare në shumë qytete dhe kryeqytete të tjera evropiane.

Shqiptarë të shumtë u mblodhën në kryeqytetin austriak, për të kërkuar dorëheqjen e kryeministrit Edi Rama, madje edhe arrestimin e tij.

Protesta të ngjashme janë zhvilluar edhe në qytete si Londra, Berlini, Mynihu, Milano, Stokholmi, etj, ndërsa revolta vijon në Tiranë prej një jave. BW

Shtetas të Kosovës duke votuar në një nga përfaqësitë diplomatike jashtë Kosovës, 6 qershor.

Deputeti i Partisë Demokratike Belind Këlliçi, ka postuar pamje nga protesta që u zhvilluar sot në Milano.

Në një postim në rrjetet sociale, Këlliçi shkruan se mijëra qytetarë të mbledhur në shesh në Tiranë dhe jo vetëm, tregojnë se legjitimiteti I kryeministrit Edi Rama nuk ekziston.

“Fija ku kërkon të mbahet se e paskan votuar me 11 maj të vitit më parë, ka rënë me kohë pasi askush nuk i njeh ato zgjedhje farsë. Janë kontestuar nga të gjithë dhe nga autoritetet më të rëndësishme ndërkombëtare.
Po edhe sikur, mbështetja nuk është e palëvizshme dhe e dhënë një herë e mirë. Sheshet po tregojnë se legjitimiteti i Edi Ramës është sot zero. Kartonat me të cilat mburret dhe kërcënon se ka në Parlament, nuk vlejnë asgjë para popullit që të tregon me gisht e kërkon largimin. Ka vetëm një rrugë që ta bëjë më të lehtë për të gjithë këtë dalje nga kriza. Të japë dorëheqjen, të largohet menjëherë! Të plotësojë sa më parë pikën 1 të kërkesave të protestuesve.

Postimi:
I izoluar dhe i braktisur!
Edi Rama është sot i rrethuar vetëm nga administrata e nëpunësit që urdhërohen dhe nga patronazhistët e Partisë Socialiste.
Përtej kësaj, nuk dallon më asnjë element tjetër që të jetë sot pranë Kryeministrit. Rinia, shoqëria civile, studentët, profesionistët, familjarët, ambjentalistët, gazetarët, artistët dhe siç tregojnë pamjet sot edhe emigrantët në Milano, në Gjermani, Austri a Angli, janë në shumicë absolute në protestë dhe kërkojnë largimin e Edi Ramës.
Asnjëherë më parë nuk ka ekzistuar një konsensus kaq masiv në shoqëri për largimin e një kryeministri, për shkak të korrupsionit dhe arrogancës. Në të tilla kushte, edhe mediat që kontrollon e nga të cilat merr oksigjen, nuk kanë mundur dot më të injorojnë revoltën e shesheve që po ziejnë kudo, e sidomos në Tiranë.
Eshtë ai vetë që vazhdon t’i rezistojë rrymës së madhe që do ta kthejë përmbys e kjo është çështje kohe, bashkë me një grusht panelistësh, të cilët në fakt përbuzen aq shumë sot sa nuk dihet a e ndihmojnë në të vërtetë shefin e tyre me mbrojtjen televizive, apo e kundërta.
Në të tilla kushte, kur ata që kërkojnë largimin e tij shumëfishohen çdo orë, e ata që duan të qëndrojë rrallohen çdo ditë, këmbëngulja për të vijuar e mbajtur karrigen është e sigurtë që do ta bëjë të duket edhe më i korruptuar edhe më i inkriminuar, por në fund edhe qesharak.
Fija ku kërkon të mbahet se e paskan votuar me 11 maj të vitit më parë, ka rënë me kohë pasi askush nuk i njeh ato zgjedhje farsë. Janë kontestuar nga të gjithë dhe nga autoritetet më të rëndësishme ndërkombëtare.
Po edhe sikur, mbështetja nuk është e palëvizshme dhe e dhënë një herë e mirë. Sheshet po tregojnë se legjitimiteti i Edi Ramës është sot zero.
Kartonat me të cilat mburret dhe kërcënon se ka në Parlament, nuk vlejnë asgjë para popullit që të tregon me gisht e kërkon largimin.
Ka vetëm një rrugë që ta bëjë më të lehtë për të gjithë këtë dalje nga kriza.
Të japë dorëheqjen, të largohet menjëherë!
Të plotësojë sa më parë pikën 1 të kërkesave të protestuesve.

Vala e indinjatës qytetare kundër qeverisë së kryeministrit Edi Rama ka kapërcyer kufijtë e Shqipërisë, duke u shndërruar në një lëvizje ndërkombëtare që ka përfshirë diasporën.

Prej gjashtë ditësh, teksa sheshi “Skënderbej” në Tiranë nuk gjen qetësi, jehona e revoltës ka mbërritur në metropolet kryesore të Evropës, Amerikës së Veriut dhe më gjerë.

Qytete si Berlini, Stokholmi, Nju Jorku, Londra dhe Toronto janë bërë vatrat e një qëndrese të shqiptarëve që jetojnë jashtë vendit. Pamjet e drejtpërdrejta nga Piazza della Signoria në Firence të Italisë, flasin vetë.

Dhjetëra shqiptarë, janë mbledhur në një zë të vetëm. Të shoqëruar nga fëmijë e familjarë, ata këndojnë himnin kombëtar dhe dëgjohen teksa thërrasin njëzëri thirrje si “Rama ik”, “Kriminel” dhe “Shqipëria e shqiptarëve”. Nuk ka ndarje, nuk ka dallime; i vetmi flamur që valëvitet është ai kuqezi.

“Nuk mund të rrinim në shtëpi teksa shihnim bashkëkombësit tanë duke u tërhequr zvarrë vetëm sepse kërkojnë të mbrojnë shtëpitë dhe tokat e tyre,” u shpreh një nga protestueset.

Ajo theksoi se kjo është një revoltë qytetare për të mbrojtur pasuritë natyrore të Shqipërisë nga korrupsioni dhe oligarkia, duke e cilësuar natyrën shqiptare si një “diamant të Evropës” që po shkatërrohet nga interesat personale të pushtetarëve.

Protestës në Firence i janë bashkuar edhe qytetarë italianë e amerikanë, si dhe shoqata të rëndësishme mjedisore si “Legambiente” dhe “Fridays for Future”.

Pas Firences, organizimet kanë vazhduar në Bolonja e Milano, ndërsa një peticion i diasporës po qarkullon masivisht.

ITALI- Protesta kundër projektit të Zvërnecit po zhvillohet edhe në Itali, pas tubimeve të oragnizuara ditën e djeshme në Berlin dhe Mynih. Me anë të kësaj proteste, ata kërkojnë anulimin e projektit të Zvërnecit, ndërsa njëkohësisht bëjnë thirrje për largimin e kryeministrit Edi Rama. Protesta ka nisur filllimisht në Zvërnec, nga një grup qyetarësh, por ngjarja mori përmasa të mëdha dhe reagim të madh qytetar, pasi një protestues u dhunua nga policia private.

Pas arrestimit të autorëvë, protesta u zhvendos në Tiranë, ku për të gjashtën ditë radhazi mijëra qytetarë po protestojë kundër projektit dhe sistemit qeverisës. Tubimi qytetar u zhvendos edhe në qytete të tjera si Durrësi, Korça, Fieri, Kukësi, Elbasani dhe Saranda, ndërsa tashmë ajo po merr përmasa më të mëdha pasi po zhvendoset edhe në diasporë.

Protestuesit kanë zgjedhur që kjo protestë mos të këtë asnjë nuancë poltike apo partiake, pasi në tubimin e tyre dëgjohej thirrja “Rama në burg, Berisha në Burg”.  Me brohorima, qytetarët kanë përsëritur në protestën e djeshme në Tiranë,  pesë kërkesat e tyre: Dorëheqjen e kryeministrit Edi Rama, shfuqizimin e statusit dhe kuadrit ligjor që lidhet me investitorët strategjikë, shfuqizimin e Paketës së Maleve, anulimin e ndryshimeve në ligjin për Zonat e Mbrojtura dhe anulimin e ndryshimin për trashëgiminë kulturore shqiptare.

Çfarë ndodhi në protestën e Zvërnecit?

Disa ditë më parë në fshatin Zvërnec u zhvillua një protestë kundër një projekti turistik që po ndërtohet pranë zonës së mbrojtur të lagunës së Nartës. Banorë, aktivistë mjedisorë dhe përfaqësues të shoqërisë civile kundërshtuan punimet, duke pretenduar se po dëmtohet ekosistemi dhe një zonë me rëndësi të veçantë natyrore. Gjatë protestës pati përplasje mes protestuesve dhe rojeve private të kontraktuara për sigurinë e kantierit. Në pamjet e publikuara në media u panë roje private të maskuara që përdorën spraj me piper dhe dhunë fizike ndaj disa protestuesve. Një protestues u tërhoq zvarrë nga rojet, ndërsa një grua raportohet se humbi ndjenjat gjatë tensioneve. Pas reagimeve të forta publike, policia nisi hetime ndaj dy punonjësve të sigurisë private dhe njëri prej tyre u arrestua./Dosja.al

Protesta kundër investimit në Zvërnec po përhapet dhe në diasporë. Ditën e nesërme, e shtunë 6 qershor shqiptarët kanë njoftuar se do të mblidhen në Frankfurt për të kundërshtuar planin për resort në Zvërnec.

Tubimi do të zhvillohet në Opernplatz të qytetit gjerman në ora 18:15.

Sipas organizatorëve lejohet vetëm flamuri i Shqipërisë dhe i Kosovës me vete, dhe i asnjë shteti tjetër përfshi këtu edhe flamurin e UÇK-së, pasi mund të merret si provokim. Panorama

Revoltës së qytetarëve në Shqipëri i janë bashkuar edhe qindra emigrantë që jetojnë në Gjermani. Një ditë më parë, ishin të shumtë ata u mblodhën në Berlin kundër ndërtimeve në Zvërnec dhe qeverisjes së Edi Ramës.

Pjesëmarrësit kanë shprehur mbështetje për protestuesit në Tiranë, duke theksuar se mbrojtja e natyrës nuk kufizohet vetëm në një vend të caktuar.

Me pankartat “Shqipëria është e shqiptarëve”, “Me trup këtu, me shpirt e zemër në Shqipëri” si dhe flamuj nëpër duar, ata iu bashkuan “zërit” të mijërave që janë ngritur prej gjashtë ditësh në Tiranë.

Protesta në Berlin vjen si pjesë e një vale reagimesh brenda dhe jashtë vendit kundër projektit të debatueshëm në zonën e mbrojtur të Zvërnecit.

@artur.contentalb Protesta ne 05.06.2026 e dha zerin e vet . Per Shqiperine ❤️ Berlin ,Germany #zvernec #albania #albaniaisnotforsale #shqiptaretneperbote #albanien ♬ original sound – KUMANOWA

Ndërsa protesta kundër projektit në Zvërnec dhe largimin e qeverisë Rama vijon prej pesë ditësh radhazi në Tiranë, jehona e saj ka kaluar tashmë kufijtë e Shqipërisë. Të rinj shqiptarë që jetojnë në Shtetet e Bashkuara të Amerikës, kryesisht në New York dhe New Jersey, kanë vendosur t’i bashkohen thirrjeve të protestuesve në vend, duke organizuar një tubim para Konsullatës Shqiptare në New York.

Me pankarta në duar dhe flamuj kombëtarë, pjesëmarrësit shprehën mbështetjen e tyre për kauzën e mbrojtjes së Zvërnecit dhe kundërshtimin ndaj projektit që ka nxitur debat të gjerë publik. Në pankartat e mbajtura nga protestuesit binte në sy mesazhi: “Shqipëria nuk është në shitje”, slogan që është kthyer në simbol të protestave të ditëve të fundit.

Tubimi i zhvilluar para Konsullatës Shqiptare në New York vjen në një kohë kur në Shqipëri qytetarë të shumtë po mblidhen çdo mbrëmje në Bulevardin “Dëshmorët e Kombit”, duke kërkuar anulimin e projektit në Zvërnec, më shumë transparencë dhe mbrojtjen e zonave natyrore të vendit. Po ashtu ata kane bere thirrje per revolucion dhe largimin qe qeverise aktuale.

Organizatorët e protestave në diasporë kanë bërë të ditur se lëvizja nuk do të ndalet vetëm në New York. Sipas kalendarit të publikuar në rrjetet sociale, tubime të ngjashme janë planifikuar edhe në qytete të tjera të Evropës dhe Amerikës së Veriut, përfshirë Londrën, Berlinin, Mynihun, Stokholmin, Toronton, Brukselin dhe Bolonjën.

Në New York, protesta u zhvillua pranë Konsullatës Shqiptare, ku pjesëmarrësit deklaruan se po ngrejnë zërin për mbrojtjen e pasurive natyrore dhe kundër çdo vendimmarrjeje që, sipas tyre, cenon interesin publik. Ata theksuan se, edhe pse jetojnë larg Shqipërisë, mbeten të lidhur me zhvillimet në vend dhe ndihen pjesë e kësaj kauze qytetare.

Protestat kundër projektit në Zvërnec kanë tërhequr vëmendje të madhe në opinionin publik dhe në rrjetet sociale, ndërsa organizatorët vijojnë të bëjnë thirrje për pjesëmarrje masive si në Shqipëri ashtu edhe në diasporë. Mesazhi kryesor që po përcillet nga protestuesit mbetet i njëjtë: “Shqipëria nuk është në shitje”.

Komunikate Zyrtare e te Rinjve Shqiptare ne New York dhe New Jersey;

Komunikata i drejtohet atyre qe jane te interesuar

Mesazhi kryesor i Protestes Paqesore perpara Konsullates Shqiptare ne New York eshte:
“Shqiperia nuk eshte ne shitje.”

Pavaresisht se jemi shqiptare te diaspores, nuk kemi qendruar indiferente ndaj veshtiresive qe kjo qeveri, pas dekadash, i ka shkaktuar vendit tone. Sot ngrihemi per te mbrojtur mjedisin tone, duke perfshire Zvernecin, Narten, Rrjollin dhe cdo cep te trojeve tona.

Ngrihemi per t’u bere krah vellezerve dhe motrave tona ne Shqiperi dhe per t’u thene se nuk jane vetem. Ngrihemi gjithashtu per te terhequr vemendjen nderkombetare ndaj ceshtjeve qe prekin mjedisin, trashegimine natyrore dhe te ardhmen e vendit tone.

Qellimet kryesore te protestes jane:

* Per mbrojtjen e ekosistemit Zvernec–Narte, nje nga zonat natyrore me te rendesishme ne Shqiperi.
* Per mbrojtjen e habitateve te shpendeve, biodiversitetit dhe ekuilibrit natyror te zones.
* Kunder nderhyrjeve qe rrezikojne te demtojne ne menyre te pakthyeshme nje zone te mbrojtur.
* Per me shume transparence mbi projektet qe prekin mjedisin dhe pasurite publike.
* Per informim te plote te qytetareve dhe konsultim real me komunitetin dhe ekspertet.
* Per ruajtjen e trashegimise natyrore qe u perket brezave te sotem dhe te ardhshem.
* Per shqyrtim te kujdesshem te ndryshimeve ligjore te vitit 2024 qe prekin mbrojtjen e zonave te mbrojtura.
* Per zhvillim qe respekton natyren dhe ligjin, jo zhvillim ne kurriz te tyre.
* Per te treguar se qytetaret kane ze kur behet fjale per mbrojtjen e mjedisit.

Kjo proteste eshte nje thirrje qytetare per mbrojtjen e natyres, trashegimise sone kombetare dhe te ardhmes se brezave qe do te vijne. bw

Protesta qytetare kundër ndërtimeve në Zvërnec ka kaluar kufijtë e Shqipërisë. Emigrantët që jetojnë në vende të ndryshme të Europës kanë paralajmëruar protesta dhe tubime sensibilizuese në mbështetje të kauzës për mbrojtjen e zonës së Nartës dhe Zvërnecit.

Pamje të shpërndara në rrjetet sociale tregojnë se protestat do të mbahen në Londër, Madrid, Vjenë, Stockholm dhe Hagë sipas një kalendari të caktuar.

Aktivistët dhe protestuesit janë të shqetësuar për ndikimin që mund të ketë projekti në një prej zonave më të rëndësishme natyrore të vendit. Ndërsa akuzojnë qeverinë se fsheh të vërtetën për Zvërnecin.

Protestuesit kërkojnë transparencë mbi planet e zhvillimit në zonë, ndërsa theksojnë rëndësinë e ruajtjes së ekosistemit të Lagunës së Nartës, e njohur për biodiversitetin dhe praninë e flamingove.

Mobilizimi i diasporës vjen në një kohë kur protestat kundër projektit po vijojnë prej disa ditësh në Tiranë por edhe qytete të tjera të vendit, si në Durrës e Vlorë, sikundër ndodhi një ditë më parë. gsh

Projektet e kontestuara për investime në zonat bregdetare dhe ishullore të Zvërnecit dhe Sazanit kanë sjellë një reagim masiv të qytetarëve dhe aktivistëve të mjedisit. Nën sloganin “Nuk kemi Tokë PËR TË SHITUR”, qytetarët në rrjetet sociale kanë paralajmëruar një valë të gjerë protestash kombëtare dhe ndërkombëtare, duke bërë thirrje se “Dialogu bëhet në shesh”.

Sipas posterit të shpërndarë në rrjetet sociale, i cili mban imazhin e një flamingoje që ndalon një ekskavator punimesh, revolta vijon edhe ditën e sotme.

Sipas kalendarit të publikuar:

Tiranë (3 Qershor): Tubimi nis në orën 18:00 te Sheshi Skënderbej, nga ku qytetarët do të marshojnë drejt Kryeministrisë.

Durrës (3 Qershor): Në orën 16:00, përballë Bashkisë dhe përballë Pallatit të Kulturës.

Organizatorët njoftojnë se për datat 4 dhe 5 Qershor, orari dhe vendi për Tiranën do të konfirmohen dhe do të publikohen një ditë përpara.

Protestat më 5 Qershor (Në Shqipëri dhe Diasporë)

Korçë: Ora 18:00, Tek Pedonalja.

Berlin (Gjermani): Ora 18:30, mbledhja bëhet tek Ambasada Shqiptare (Friedrichstr. 231, 10969 Berlin).

Mynih (Gjermani): Ora 18:30, tek Konsullata Shqiptare (Albert-Schweitzer-Strasse 62, 81735 München).

Stockholm (Suedi): Ora 18:00-20:00, pritet konfirmimi nga Policia, por mund të jetë përballë Parlamentit (Mynttorget).

E shtuna e 6 qershorit shënon një kulm tjetër të protestave, ku epiqendra zhvendoset pranë zonës së prekur:

Vlorë: Ora 11:00, Hidrovor, Akërni.

Milano (Itali): Ora 10:00-13:00, Vendi: Piazza Mercanti.

Firenze (Itali): Ora 10:30, Vendi: Piazza della Signoria.

Londër (Mbretëri e Bashkuar): Ora 11:00, Para Ambasadës Shqiptare.

New York (SHBA): Ora 14:00, pranë Konsullatës Shqiptare (Albanian Consulate in New York, 320 E 79th St, New York, NY 10075).

Toronto (Kanada): Ora 18:00, Vendi: Sankofa Square.

Kalendari i protestave shtrihet edhe në javën pasardhëse:

Bruksel (Belgjikë) – 7 Qershor: Ora 11:00, përpara Parlamentit Europian.

Bologna (Itali) – 7 Qershor: Ora 18:00, Vendi: Piazza Mercanti.

Shkup (Maqedoni e Veriut) – 8 Qershor: Ora 16:30, Para Ambasadës së Shqipërisë (Rr. Slavej Planina 2).

New York (SHBA) – 15 Qershor: Një tjetër tubim në orën 11:00, para Ambasadës Shqiptare (320 E 79th St, New York, NY 10075).

Aktivistët paralajmërojnë se kjo hartë e protestave vijon të përditësohet me qytete të tjera, ndërsa kërkesa mbetet e prerë: mbrojtja e ekosistemit dhe transparenca e plotë për pronat publike dhe private në Zvërnec e Sazan. bw