Miliona njerëz në Amerikën e Veriut janë këshilluar të mbajnë maska ​​N95 jashtë për shkak të niveleve të dobëta të cilësisë së ajrit të shkaktuara nga zjarret intensive në Kanada.

Nju Jorku do të fillojë shpërndarjen e maskave falas të enjten.

Zyrtarët amerikan kanë paralajmëruar se kushtet e rrezikshme të tymit pritet të vazhdojnë edhe gjatë fundjavës.

Pjesa më e madhe e tymit vjen nga Quebec, Kanada, ku janë dhe 150 vatra zjarri.

Më shumë se 15,000 banorë pritet të detyrohen të evakuohen në provincë, thanë zyrtarët të mërkurën.

Guvernatori i New Jorkut shtoi se autobusët dhe trenat e qytetit kanë sisteme të filtrimit të ajrit me cilësi të lartë që i bëjnë ata forma të sigurta udhëtimi.

Agjencia Amerikane për Mbrojtjen e Mjedisit (EPA) e klasifikoi cilësinë e ajrit në pjesën më të madhe të verilindjes si “të pashëndetshme” veçanërisht për njerëzit me shqetësime të frymëmarrjes.

Në Nju Jork, një mjegull portokalli mbuloi horizontin e qytetit duke përfshirë dhe Statujën e Lirisë.

“Ne rekomandojmë të gjithë banorët e Nju Jorkut të kufizojnë aktivitetin në natyrë në masën më të madhe të mundshme,” paralajmëroi kryebashkiaku Eric Adams të mërkurën.

Kopshtet zoologjike kanë sjellë kafshët në ambiente të mbyllura dhe në Nju Jork, shëtitjet me kuaj me karroca janë pezulluar.

Të mërkurën, shkollat ​​në zonën e Uashington DC anuluan gjithashtu aktivitetet në natyrë pasi nivelet e cilësisë së ajrit u etiketuan “kodi i kuq”, ndërsa Detroit u rendit si zona e pestë metropolitane më e keqe në botë në renditjen e IQAir për ndotjen e ajrit.

Zyrtarët e shëndetit publik kanë paralajmëruar njerëzit që të mos ushtrohen jashtë dhe të minimizojnë ekspozimin e tyre ndaj tymit sa më shumë që të jetë e mundur, pasi ajri paraqet rreziqe të menjëhershme dhe afatgjatë për shëndetin.

Ndërsa zyrtarët kanadezë thonë se vendi po përgatitet për sezonin e tij më të keq të zjarreve në histori. syri.net