Njoftim Mortor

Të dashur miq,

me dhimbje dhe përulësi para vullnetit të Zotit ju njoftojmë se nana jonë, Dave Mirakaj, u nda nga jeta në moshën 76-vjeçare, duke na lanë një boshllëk të madh në zemrat tona.

Për më shumë se 30 vjet ajo jetoi nën errësinën e diktaturës, në internim, në kampet e Shtyllasit dhe të Gradishtës.

Jeta e saj është dëshmi e kurajos dhe e besimit të madh që kishte te Krishti dhe te Zoja e Bekueme.

Fëmijët e saj, Albanin dhe Agustinin, i rriti me shumë sakrifica, dinjitet dhe dashni.

Në Amerikë ajo jetoi një jetë dinjitoze. Çdo ditë falënderonte Zotin dhe Amerikën që i dhanë mundësinë të jetonte e lirë.

Nënë, do ta kujtojmë përherë me dashni, respekt dhe mirënjohje të pakufishme.