Një ditëvjeshte në FLORIDA – Poezi nga Përparim Hysi

October 17, 2026

 

              1.
Në fushë  fëshërin bari
Flladi seç të tundë “jeletë”
Dalëngadalë  me ngjyrëari
Vjeshta vesh gjethet për rreth.

 

                2.
Një re bletësh gumëzhin rrotull
Edhe shkon mblidhet në pemë
Çof-çof dëgjoj   një çotër
Çotër është apo mëllenjë?

 

              3,
Tek zgjatem që të shoh
E të shuaj pak kureshtjen
Është një “mik” që mirë e njoh
Ndaj s’e mbaj dot buzëqeshjen.

 

                4.
Është një ketër që më”njeh”
Vjen nga unë,ma gjen shtëpinë
Dhe lodron ,sa më sheh
Se ma njeh me kohë miqësinë.

 

                5.
Nxjerrë nga qeska i hedh bukë
(Asnjëherë qeska s’rri bosh)
Tak e merr dhe i ka dukë
Dhe kënaqet (veç ta shohësh)

 

                 6.
Pastaj zë e më ndjek pas
Se s’ha bukën e përmbys kupën
S’ka më mik se sa një kafshë
Kafsha hallal ma ka bukën!

 

                 7.
Unë hedh sytë përmbi liqen
Është i mushur me shpezë plym!
Kjo ditëvjeshte më pëlqen
Kam një gas që  më  bën tym.

 

                 8.
SE më vijnë copëza nga fshati
Një peizazh që mirë e njoh
Ndaj nga buza s’ndahet  gazi
Kam aq gas,sa zë bëj “oh”!9.
Këtë gas e hedh në vargje
Më vjen keq që s’jam piktor
Gati që t’ia marr me “saze”
Ky peizazh më bën gazmor.

 

                  10.
E harroj moshën që kam
Kjo ditëvjeshte në FLORIDA
Gati pezull më mban
Edhe vargjeve iu vu pika,

 

                            FLORIDA, 29 shtator 2011

Fjalë kyçe: PËRPARIM HYSI