VOAL

VOAL

Copyright © 2022

VOAL

Mogherini: Shqipëria e arriti rezultatin me bashkëpunim qeveri – opozitë

April 18, 2018

Përfaqësuesja e lartë e Bashkimit Europian për politikën e jashtme, Federica Mogherini, tha në Tiranë se rekomandimi pozitiv i Komisionit Europian për hapjen e negociatave me Shqipërinë ishte rezultat i një pune kolektive të shqiptarëve, parlamenti, qeveria, opozita, bashkitë, por po ashtu ecuria e mëtejshme është një përgjegjësi e përgjithshme.

“Kishim thënë se Komisioni Europian do të japë rekomandim pozitiv kur zbatimi i vetingut në drejtësi do të fillojë, dhe e mbajtëm fjalën. Vetingu filloi dhe ne dhamë rekomandimin, por ai kërkon thellimin e reformave” – tha zonja Mogherini në Tiranë.

Në një konferencë shtypi përkrah kryeministrit Edi Rama, zonja Mogherini tha se Shqipëria është vendi i dytë me popullsinë më të re të Europës dhe vendi me besueshmërinë më të lartë ndaj BE-së.

“Shpresoj që do të vazhdoni në këtë rrugë, sepse 5 përparësitë kyce do të mbeten baza kryesore në punën tonë. Jeni vendi që e keni transformuar veten më shumë në rajon dhe roli juaj në rajon është me rëndësi. Për Ballkanin perëndimor integrimi në BE është element thelbësor” – tha zonja Mogherini.

Ajo shtoi se rruga e Shqipërisë drejt BE-së është një përpjekje kombëtare dhe se puna e përbashkët në këtë vend nga qeveria dhe opozita dhe qytetarët dha rezultate, që u njohën nga Komisioni Europian.

“Le të punojnë bashkë qeveria dhe opozita, ashtu si kanë dhënë rezultate të përbashkëta deri tani. Kjo është një përpjekje kombëtare dhe nuk mund të përdoret nga njëra palë ose nga tjetra, por duhen bashkuar forcat për të hedhur hapa përpara drejt integrimit. Nëse Shqipëria dha rezultate në reformën e drejtësisë, kjo ndodhi sepse opozita dha ndihmesë të drejtpërdrejtë” – tha zonja Mogherini.

Ndërsa kryeministri Edi Rama tha se rekomandimi për hapjen e negociatave ishte një rezultat i shumëpritur, dhe “Shqipëria ka marrë atë që meriton, as më shumë e as më pak”. Ai theksoi se pastrimi i policisë dhe drejtësisë do të vazhdojë me ritme të larta.

“Ne i kemi bërë të gjitha detyrat e shtëpisë, që na u kërkuan, tani kemi në dorë diplomën e një provimi shumë të vështirë të kaluar me sukses dhe me këtë diplomë ne do t’u drejtohemi gjithë vendeve anëtare për të kërkuar hapjen e negociatave” – tha zoti Rama.

Përfaqësuesja e lartë e BE-së, Federica Mogherini, po viziton Tiranën, ku po takohet me udhëheqësit kryesorë të shtetit dhe politikës shqiptare.

  • twitter
  • facebook
  • linkedin
Fjalë kyçe: , ,

Komentet

Lajme të ngjashëm

Zelensky kërkon përshpejtim të ndihmës ushtarake për Ukrainën

Presidenti ukrainas, Volodymyr Zelensky, sërish u ka bërë thirrje Shteteve të Bashkuara dhe aleatëve të tjerë “të zbatojnë shpejtë” marrëveshjet për armët dhe furnizimet e tjera për të ndihmuar Ukrainën në luftën kundër pushtimit të nisur nga Rusia.

Në një video-mesazh të publikuar në orët e vona të 14 shtatorit, ai tha se “është e rëndësisë kritike që të gjitha shtetet, veçmas SHBA-ja, të zbatojnë menjëherë marrëveshjet e arritura me Ukrainën”.

“Ndikimi duhet të ndihet në front”, tha Zelensky. “Çdo vonesë e pakove ushtarake ka pasoja negative në front. Çdo dërgesë në kohë, dërgesë e shpejt ka ndikim pozitiv”.

Përpjekjet e mëdha për të ndihmuar ushtarakisht Ukrainën po vazhdojnë, teksa NATO-ja po përballet me thirrje nga disa shtete anëtare që të furnizojë Kievin me armë më të avancuara.

Kievi po ashtu vazhdimisht thotë se ka nevojë që të kryejë sulme brenda territorit rus me armë me rreze të gjatë veprimi, në mënyrë që të mbrojë veten nga forcat pushtuese ruse. Ky argument ukrainas është mbështetur nga disa zyrtarë të NATO-s.

Kryeministri britanik, Keir Starmer, u takua në Shtëpinë e Bardhë më 13 shtator me presidentin amerikan, Joe Biden, për të diskutuar nëse duhet miratuar kërkesa e Ukrainës për të përdorur armë me rreze të gjatë veprimi kundër caqeve në Rusi.

Këshilltari për siguri kombëtare i SHBA-së, Jake Sullivan, tha më 14 shtator se Biden “është i vendosur që t’i përdorë katër muajt që i kanë mbetur të mandatit që ta vendosë Ukrainën në pozitën më të mirë të mundshme në mënyrë që të triumfojë”.

Presidenti rus, Vladimir Putin, ka thënë më herët gjatë javës se Perëndimi do të ishte “në luftë” me Rusinë nëse i lejon Ukrainës të sulmojë me raketa me rreze të gjatë, të prodhuara në Perëndim, ndërkaq Medvedev tha më 14 shtator se Rusia mund ta shkatërrojë kryeqytetin ukrainas, Kiev, me armë jobërthamore nëse Perëndimi heq kufizimet e tij.

Medvedev, që tani shërben në postin e kryetari të Këshillit të Sigurisë së Ukrainës, po ashtu tha se Rusia mund të përdorë armë bërthamore. /REL/

A do të sulmojë Ukraina territorin rus me armët perëndimore? Kreu i Komitetit Ushtarak të NATO-s: Kievi ka të drejtën për të goditur!

Ukraina ka të drejtën e fortë ligjore dhe ushtarake për të goditur thellë brenda Rusisë për të fituar avantazhe luftarake, tha të shtunën kryetari i Komitetit Ushtarak të NATO-s, Admirali Rob Bauer.

“Çdo komb që sulmohet ka të drejtë të mbrohet. Dhe kjo e drejtë nuk ndalet në kufirin e kombit tuaj,” tha Bauer, i cili shërben si këshilltari kryesor i sekretarit të përgjithshëm të NATO-s, duke folur në mbyllje të takimit vjetor të komitetit.

Kombet kanë të drejtën sovrane për të vendosur kufizime në armët që dërgojnë në Ukrainë, shtoi ai. Gjenerallejtënant Karel Řehka, shefi i Shtabit të Përgjithshëm të Forcave të Armatosura Çeke, tha se kombi i tij nuk vendos kufizime të tilla armësh në Kiev.

“Ne besojmë se ukrainasit duhet të vendosin vetë se si ta përdorin atë,” tha Řehka.

Por ai gjithashtu vuri në dukje rreziqet politike dhe potencialin e përshkallëzimit: “Është e rëndësishme të merret parasysh çdo aspekt, duke përfshirë potencialin e përshkallëzimit dhe gjëra të tjera.”

Komentet e tyre erdhën ndërsa Presidenti i SHBA Joe Biden po peshon nëse do të lejojë Ukrainën të përdorë armë me rreze të gjatë të siguruara nga SHBA për të goditur thellë në Rusi.

Pavarësisht thirrjeve të vazhdueshme nga Kievi për Perëndimin për ta lejuar atë të godasë më thellë në Rusi, liderët perëndimorë duken ende në mëdyshje.

Biden u takua me kryeministrin e Mbretërisë së Bashkuar Keir Starmer të premten pas vizitës së kryediplomatëve të tyre në Kiev, të cilët u vunë nën presion të ri për të hequr kufizimet e armëve. Diskutimet për lejimin e goditjeve me rreze të gjatë besohej të ishin në tryezë, por asnjë vendim nuk u shpall menjëherë.

Uashingtoni ka lejuar Ukrainën të përdorë armët e ofruara nga SHBA në sulmet ndërkufitare për të kundërshtuar sulmet nga forcat ruse. Megjithatë, ai nuk lejon përdorimin e raketave me rreze të gjatë veprimi në thellësi të Rusisë.bw

Gërvalla: Ndërkombëtarët të dënojnë qasjen armiqësore të Vuçiçit

Donika Gërvalla, ministrja e Punëve të Jashtme të Kosovës, me anë të një postimi në rrjetet sociale ka reaguar ndaj deklaratës së një dite më parë të Presidentit të Serbisë, Aleksandar Vuçiç.

“Hipokrizia e tejdukshme e Aleksandër Vuçiçit”, shkruan Gërvalla ndërsa shton se “Vuçiqi gjatë konferencës së tij teatrale, na tregoi dje se nuk e ka ndër mend të ndalë instrumentalizimin e serbëve të Kosovës dhe interesave të tyre, duke i shfrytëzuar për politikë ditore dhe përfitime financiare”,

“Hipokrizia e tejdukshme e Aleksandër Vuçiçit

Gjatë konferencës së tij teatrale, Vuçiçi na tregoi dje se nuk e ka ndër mend të ndalë instrumentalizimin e serbëve të Kosovës dhe interesave të tyre, duke i shfrytëzuar për politikë ditore dhe përfitime financiare.

Pasi që vet kishte urdhëruar:

1. Largimin e tyre nga funksionet në komunat veriore të Kosovës dhe më pas bojkotimin e zgjedhjeve lokale, të cilat i organizuam madje dy herë, vetëm e vetëm për të krijuar mundësinë e shprehjes së lirë të vullnetit politik të qytetarëve tanë në veri të vendit;

2. Largimin kolektiv të zyrtarëve policorë nga Policia e Kosovës dhe përfshirjen e ish-policëve në aktivitete ilegale dhe vepra penale në veri;

3. Largimin e detyrueshëm të gjyqtarëve, në kundërshtim me legjislacionin përkatës dhe shtytjen e tyre në aktivitete të dyshimta në interes të Serbisë;

4. Shtytjen, organizimin dhe financimin e grupeve të ndryshme për të marrë pjesë në barrikadimin e rrugëve dhe akteve të tjera të dhunshme, përmes presionit të strukturave ilegale dhe grupeve kriminale;

Tani, duke qenë plotësisht i ndërgjegjshëm që personat, të cilët me urdhër të tij janë përfshirë në vepra penale, krime dhe akte të dhunshme në Kosovë tashmë nuk mund të luajnë asnjë rol në jetën publike dhe institucionale të Kosovës, kërkon kthimin në gjendjen e mëparshme, pa treguar madje së paku arsyet e largimit dhe bojkotimit të institucioneve.

Loja sistematike e Serbisë me serbët në Kosovë, presioni deri në ushtrim të hapur të dhunës përmes strukturave ilegale dhe grupeve kriminale, keqpërdorimi dhe vjedhja masive e fondeve, të cilat kinse ndahen për ta, pengimi i integrimit në shoqërinë dhe institucionet e Kosovës, serbëve në veri dhe familjeve të tyre ua ka vështirësuar jetën për vite të tëra.

Përmes shpalljes së djeshme teatrale të Kosovës si zonë të veçantë sociale, Vuçiçi synon përfitime edhe më të larta për veten dhe klanet rreth tij nga fondet në emër të serbëve të Kosovës. Që transparenca e këtyre fondeve është zero dhe keqpërdorimet janë masive, mjafton të shohësh vilën luksoze të Radojçiçit tek Ujmani, e cila është ndërtuar me para të ndara gjoja për serbët lokal.

Përmes themelimit të të ashtuquajturës prokurori e posaçme synohet ngritja e tensioneve, cenimi i sovranitetit juridik dhe kushtetues të Republikës së Kosovës, por mbi të gjitha shfrytëzimi i këtij mekanizmi për të ndjekur në mënyrë arbitrare sidomos qytetarët serb të Kosovës, të cilët nuk po i binden më pushtetit të Vuçiçit dhe klaneve të tij.

Deklarata e tij për kinse shpalljen si të paligjshme të të gjitha organeve të institucioneve në Kosovë, është përpjekje e dëshpëruar për të sabotuar Pavarësinë e Kosovës. Synimi është pengimi i normalizimit të marrëdhënieve mes Republikës së Kosovës dhe Serbisë, mbajtja gjallë e tensioneve në rajon, pengimi i proceseve integruese, në sinkron të plotë edhe me interesat e Rusisë.

Kosova, si shtet sovran dhe i pavarur, me territor të mbrojtur dhe integritet territorial të pacënueshëm, si shteti me demokracinë më të konsoliduar në rajon, si vendi me rritjen më të lartë ekonomike në rajon, si shteti i qytetarëve të saj, sot është më e fortë se asnjëherë më parë.

Faktorëve ndërkombëtarë u bëjmë thirrje të dënojnë me gjuhë të qartë dhe qëndrime të vendosura qasjen, sjelljen dhe gjuhën agresive dhe armiqësore të Aleksandër Vuçiçit karshi Republikës së Kosovës”. sn

Deputetja koservatore: Vuçiçi po përdor strategjinë e Putinit për aneksimin e veriut të Kosovës, Britania urgjent të fokusohet te Ballkani

Deputetja konservatore në Mbretërinë e Bashkuar, Alicia Kearns, ka reaguar pas masave që Serbia i shpalli si reagim ndaj veprimeve të Kosovës në veri.

Të premten, Presidenti i Serbisë, Aleksandër Vuçiç, kërkoi që në pjesën veriore të Kosovës të kthehet “gjendja e mëparshme” duke kërkuar kthimin e policëve në detyrë, të gjyqtarëve e prokurorëve, pagesat me dinarë, lirimin e “të burgosurve politikë” siç i quajti ai serbët e burgosur për shkak të dhunës në veri kur atje ishin vendosur barrikada.

Ai po ashtu kërkoi themelimin urgjent të Asociacionit, pa të cilin tha se s’ka bisedime.

Duke reaguar në “X”, deputetja britanike shprehet se pas deklaratave të Vuçiçit, Qeveria e Mbretërisë së Bashkuar duhet të fokusohet urgjentisht në Ballkan.

Ajo thekson se Vuçiçi po përdor taktikën e Vladimir Putinit duke shpallur plane për aneksimin e veriut të Kosovës.

“Pas deklaratave të mbrëmshme të Presidentit Vuçiç, Qeveria e Mbretërisë së Bashkuar duhet të fokusohet urgjentisht në Ballkan.

Gati një vit pas sulmit në Banjskë ende nuk ka drejtësi, dhe pavarësisht përfshirjes së shtetit serb, ende nuk ka sanksione nga BE-ja (vetëm marrëveshje për litium dhe avionë). Vuçiç po ndjek strategjinë e Putinit, duke shpallur plane për aneksimin e veriut të Kosovës. Kosova është një shtet sovran.

Ballkani duhet të largohet nga pikëpamjet sektare, njerëzit e Kosovës së Veriut dhe serbët e Kosovës meritojnë më shumë, jo të përdoren si pengje dhe gurë shahu në ambiciet irredentiste”, ka shkruar ajo në X.bw

Serbia riktheu shërbimin ushtarak me detyrim- Kryetarja e Komunës së Preshevës: Ky vendim rrezikon paqen dhe sigurinë në rajon

Kryetarja e Komunës së Preshevës, Ardita Sinani ka reaguar lidhur me vendimin e Serbisë e cila rkththeu shërbimin ushtarak me detyrim.

Sipas Sinanit, ky është një vendim i cili rrezikon paqen dhe sigurinë në rajon, teksa shton se kanë kaluar gati 30 vjet nga shpërbërja e Jugosllavisë, por shqiptarët e Luginës së Preshevës ende mbeten të denjë për politikat diskriminuese të Beogradit.

Përmes një postimi në rrjetet sociale, Sinani shprehet se Shqiptarët e Luginës së Preshevës duan paqe, jo tensione. Rajoni ka nevojë për përparim, jo ​​për konflikte të reja.

Postimi i plotë

”Shërbimi i detyrueshëm ushtarak në Serbi rrezikon paqen dhe sigurinë në rajon

Kanë kaluar gati 30 vjet nga shpërbërja e Jugosllavisë, por shqiptarët e Luginës së Preshevës ende mbeten të denjë për politikat diskriminuese të Beogradit.

Në vitet ’90, kur regjimi i Millosheviqit synonte shtypjen dhe persekutimin e shqiptarëve, të rinjtë tanë u detyruan të largoheshin masivisht për t’i shpëtuar shërbimit ushtarak dhe represionit.

Sot historia rrezikon të përsëritet!

Kthimi i shërbimit të detyrueshëm ushtarak do të sjellë sërish shpërngulje masive të të rinjve shqiptarë nga Lugina e Preshevës.

Djemtë tanë, sapo mbushin 18 vjeç, detyrohen të largohen për të mos shërbyer në një ushtri që nuk i përfaqëson, në një shtet që i diskriminon vazhdimisht.

Serbia nuk përballet me asnjë kërcënim nga fqinjët e saj! Në vend të kësaj, ngjarjet e fundit të 24 shtatorit në Banjskë na treguan se derisa flitet për paqe në Bruksel, Serbia planifikon të destabilizojë dhe aneksojë veriun e Kosovës.

Kërcënimi real për paqen dhe stabilitetin e rajonit vjen pikërisht nga vetë Serbia!

Rajoni ynë ka nevojë për paqe, zhvillim dhe një të ardhme të sigurt për të rinjtë tanë. Por, për fat të keq, Serbia e Vuçiqit vazhdon të tregojë se nuk ka vullnet për normalizim dhe stabilitet.

Shqiptarët e Luginës së Preshevës duan paqe, jo tensione! Rajoni ka nevojë për përparim, jo ​​për konflikte të reja”, shkruan Sinani.

Prishtina pohon se Beogradi është përgjegjës për gjendjen në veriun e Kosovës

Ministrja e Jashtme e Kosovës, Donika Gërvalla i bëri thirrje të shtunën komunitetit ndërkombëtar ta dënojë me gjuhë të qartë dhe qëndrime të vendosura atë që ajo e quajti sjellje dhe gjuhë agresive e armiqësore e presidentit të Serbisë Aleksandar Vuçiç ndaj Kosovës.

Të premten presidenti serb kërkoi rikthimin e gjendjes së mëparshme në veriun e Kosovës të banuar me shumicë serbe, të cilat në Kosovë shihen si kërkesa për zhbërjen e shumë veprimeve të nxitura nga vet Beogradi.

“Ajo që ne besojmë se është e nevojshme, për çdo përparim serioz në dialog, është mbajtja e zgjedhjeve lokale të lira dhe demokratike në veri të Kosovës, me pjesëmarrjen e misionit të OSBE-së dhe nën kontrollin e Bashkimit Evropian. Së dyti, zbatimi i nenit 9 të Marrëveshja e parë e Brukselit, që nënkupton formimin e drejtorisë rajonale të policisë në veri të përbërë nga pjesëtarë të komunitetit serb”, tha presidenti Vuçiç, duke kërkuar mes tjerash edhe kthimin e gjykatësve dhe prokurorëve serbë në vendet e tyre të punës.

Policët, gjykatësit dhe prokurorët serbë në veri të Kosovës dhanë dorëheqje në nëntor të vitit 2022 në shenjë proteste ndaj shkarkimit të një oficeri të policisë nga autoritetet në Prishtinë meqë ai refuzoi zbatimin e urdhrave që kishin të bënin me zëvendësimin e targave të makinave serbe me ato të Kosovës.

Presidenti serb tha se “institucionet serbe” në Kosovë, “nuk do të shfuqizohen apo mbyllen” dhe pranë kufirit me Kosovën, do të hapen zyra ku serbët e veriut të Kosovës do të kenë qasje në shërbimet e mbrojtjes sociale dhe që ato do të ofrojnë shërbime vitale shtetërore dhe administrative për qytetarët. Ai paralajmëroi edhe themelimin e prokurorisë që posaçme “që do të ndjek të gjithë ata që kryejnë përndjekjen e serbëve në Kosovë, përfshirë serbët që punojnë për shërbimin shqiptar” dhe se parlamenti i Serbisë do t’i shpallë të paligjshme dhe të pavlefshme të gjitha aktet që janë miratuar nga Prishtina në kundërshtim me marrëveshjet e Brukselit.

Në një postim në rrjetin Facebook, ministrja e Jashtme e Kosovës, Donika Gërvalla tha se presidenti serb tregoi se nuk e ka ndër mend të ndalë instrumentalizimin e serbëve të Kosovës dhe interesave të tyre, duke i shfrytëzuar për politikë ditore dhe përfitime financiare, ndërsa theksoi se ai kishte urdhëruar largimin e tyre nga vendet e punës dhe bojkotimin e zgjedhjeve lokale.

“Tani, duke qenë plotësisht i ndërgjegjshëm që personat, të cilët me urdhër të tij janë përfshirë në vepra penale, krime dhe akte të dhunshme në Kosovë tashmë nuk mund të luajnë asnjë rol në jetën publike dhe institucionale të Kosovës, kërkon kthimin në gjendjen e mëparshme, pa treguar madje së paku arsyet e largimit dhe bojkotimit të institucioneve”, shkroi mes tjerash ministrja Gërvalla.

Kryetari i Aleancës për Ardhmërinë e Kosovës, Ramush Haradinaj, shkroi të shtunën se për situatën e rënduar në veri të Kosovës, përgjegjësi kryesor është presidenti serb, që ka sabotuar çdo nismë për vendosjen e normalitetit dhe integrimin e serbëve në institucionet e Kosovës.

Kërkesat e tij, “janë veç vazhdimësi e luftës së tij kundër Kosovës”, shkroi zoti Haradinaj, duke nënvizuar ndërkaq se terrenin për këto veprime anti-Kosovë të Serbisë, të mbështetura edhe nga disa qarqe ndërkombëtare, e ka krijuar politika shkurtpamëse e qeverisë së kryeministrit Albin Kurti. Ajo ka bërë që politika fashiste e Serbisë ndaj Kosovës, të mos duket edhe aq e keqe.

Kërkesat e Beogradit pasuan veprimet e qeverisë së Kosovës për mbylljen e institucioneve paralele të mbështetura nga Serbia në veri në fund të gushtit. Mbyllja nxiti kritika nga Shtetet e Bashkuara dhe Bashkimi Evropian, për shkak të shqetësimeve se tensionet në Kosovë mund të çojnë në jostabilitet më të gjerë në Ballkan.

Autoritetet në Serbi mblodhën të shtunën ambasadorët e Bashkimit Evropian në fillim të asaj që ata e quajtën fillim të një fushate globale diplomatike” për të arritur plotësimin e kërkesave për të cilat presidenti serb tha se do t’u shkruaj Presidentit amerikan Joe Biden, atij rus Vladimir Putin dhe udhëheqësve të vendeve anëtare të Bashkimit Evropian, ndonëse akuzoi Perëndimin se qëndron në anën e Kosovës.

Zyrtarët e Bashkimit Evropian u kërkojnë Serbisë dhe Kosovës të normalizojnë marrëdhëniet e tyre si kusht për përparimin drejt anëtarësimit në bllok.

Serbia pohon synimin e saj për integrim në Bashkimin Evropian por ruan lidhje të ngushta me Rusinë dhe Kinën, të cilat e mbështesin pretendimin e saj ndaj Kosovës, e cila shpalli pavarësinë në vitin 2008 me mbështetjen e Perëndimit.

Gërvalla: Faktori ndërkombëtar të dënojë gjuhën armiqësore të Vuçiqit ndaj Kosovës

Ministrja e Punëve të Jashtme dhe Diasporës e Kosovës, Donika Gërvalla, i ka bërë thirrje faktorit ndërkombëtar, që të dënojë, ato që i ka cilësuar si “qasje, sjellje dhe gjuhë agresive e armiqësore” të presidentit të Serbisë, Aleksandar Vuçiq, karshi Kosovës.

Ky reagim i Gërvallës vjen lidhur me adresimin që Vuçiq bëri një ditë më parë, kur ai doli me disa kërkesa.

Ai kërkoi shpalljen e zgjedhjeve të reja lokale në veri të Kosovës, kthimin e serbëve në Policinë e Kosovës dhe gjyqësor, si dhe tërheqjen e njësive speciale të Policisë së Kosovës nga rajoni i veriut.

Gërvalla tha se me këto kërkesa, Vuçiq tregoi se “nuk e ka ndër mend të ndalë instrumentalizimin e serbëve të Kosovës dhe interesave të tyre, duke i shfrytëzuar për politikë ditore dhe përfitime financiare”.

Ajo fajësoi Vuçiqin se qëndron parapa vendimit të serbëve në Kosovë për të bojkotuar zgjedhjet lokale në veri, për largimin e serbëve nga institucionet në veri, nga Policia e Kosovës, gjyqësori si dhe për “shtytjen, organizimin dhe financimin e grupeve të ndryshme për të marrë pjesë në barrikadimin e rrugëve dhe akteve të tjera të dhunshme, përmes presionit të strukturave ilegale dhe grupeve kriminale”.

“Tani, duke qenë plotësisht i ndërgjegjshëm që personat, të cilët me urdhër të tij janë përfshirë në vepra penale, krime dhe akte të dhunshme në Kosovë tashmë nuk mund të luajnë asnjë rol në jetën publike dhe institucionale të Kosovës, kërkon kthimin në gjendjen e mëparshme, pa treguar madje së paku arsyet e largimit dhe bojkotimit të institucioneve”, shkroi Gërvalla në Facebook.

Kryediplomatja e Kosovës e fajësoi udhëheqësin serb se po synon pengimin e normalizimit të raporteve mes dy shteteve, por edhe sipas saj mbajtjen gjallë të tensioneve në rajon, dhe shtoi se këto synime janë “sinkroni të plotë me interesat e Rusisë”.

Gjatë konferencës më 13 shtator, Vuçiq kërkoi që “të kthehemi te gjithçka që është arritur dhe përparuar në procesin e dialogut”, duke paralajmëruar se shteti i tij do të nisë një “fushatë diplomatike globale”, në mënyrë që të plotësohen këto kërkesa.

Adresimi i Vuçiqit u mbajt pas akuzave që ua ka bërë në vazhdimësi autoriteteve të Kosovës për “sulme ndaj serbëve” në veri të vendit, duke marrë shkas vendimet e fundit në atë pjesë.

Qeveria e Kosovës vlerëson se me veprimet e veta vetëm po synon të shtrijë sovranitetin në gjithë territorin e shtetit.

Autoritetet kosovare kanë mbyllur së fundmi disa institucioneve paralele serbe në veri, duke thënë se kanë cenuar kushtetutshmërinë e Kosovës, më pas disa degë të Bankës së Serbisë, me arsyetimin se kanë vepruar pa leje, dhe ka ndaluar dinarin serb për kryerje të pagesave me para të gatshme.

Beogradi i sheh këto veprime si “akte kriminale” që synojnë “dëbimin e serbëve”.

Faktori ndërkombëtar e ka kritikuar Kosovën për ato që i ka konsideruar veprime të njëanshme dhe të pakoordinuara në veri të vendit.

Kosova dhe Serbia dialogojnë prej vitit 2011 në Bruksel, nën ndërmjetësim të BE-së, kanë arritur disa marrëveshje, por jo të gjitha janë zbatuar. REL

Fjalimi i Vuçiçit, kongresmeni amerikan: Kosova është e pavarur, do jetë në përjetësi

Kongresmeni amerikan, Ritchie Torres, ka reaguar në lidhje me fjalim e presidentit serb Aleksandër Vuçiç të premten, i cili kërkoi rikthimin e gjendjes së mëparshme në veri të Kosovës, mbajtjen e zgjedhjeve të reja, rikthimin e serbëve në polici dhe largimin e forcave speciale të Kosovës.

Përmes një postim në rrjetin social “X”, Torres tha se kërkesa e Serbisë që Kosova të kthehet në “status quo ante”, (gjendjen e mëparshme), nuk do të realizohet asnjëherë dhe se pavarësia e Kosovës është e pakthyeshme. Ai nënvizon se Vuçiç është në anën e gabuar të historisë dhe se në Kosovë nuk do të ketë cënim të sovranitetit pasi SHBA nuk do ta lejojë.

“Serbia po kërkon që Kosova të dorëzojë sovranitetin e saj dhe të kthehet në “status quo ante”. Nuk do të ketë një rikthim të tillë. Kosova është një vend i pavarur dhe do të mbetet e tillë në përjetësi, e ndihmuar nga miku i saj më i madh: Shtetet e Bashkuara të Amerikës. Historia është në anën e pavarësisë së Kosovës. Aleksandër Vuçiç është në anën e gabuar të historisë,” shkruan ai.sn

UGSHPD: SHKOLLAT ME RRUFEPRITËSE TË VELISË

 
 

Mbase nuk ishin shpalosur plotësisht deri në këtë fillim viti të ri shkollor cilësitë nga kurikula profesionale e Erion Velisë, por që ekspertiza pedagogjike e kryebashkiakut e cila i la pa mendje nxënësit, mësuesit, prindërit, drejtorët e arsimit për bashkinë, lagjen për rreth shkollës 9 vjeçare Xhezmi Delli (Njësia 3-Tiranë), të dilte në sipërfaqe kaq politizuese dhe me frymë fushate elektorale kjo do të arrinte kulmin. Ky agjitator ojq-sh dhe njëherazi shërbëtor i partisë shtet dhe jo i qytetarëve e ka thelluar talentin e komunikimit brenda dhe jashtë vendit pasi me dhjetra akuza korrupsioni dhe të shpërdorimit të detyrës kanë autorësinë e tij. Veliaj qëndron në pushtet vazhdon të financojë fushatën e Rilindjes Socialiste për kryeqytetin gati me 1 milion banorë deri sa t’i provohet fajësia. Le ta marrim të mirëqenë “pafajësinë” e Veliajt, por le t’i marrim të mirëqena 25 protestat javore të qytetarëve të Tiranës së bashku me Aleancën për Mbrojtjen e Teatrit dhe bashkimin opozitar të vërtetuar me dhjetra denoncime dhe dokumenta të cilat i janë adresuar SPAK-ut intensivisht në 2-3 vitet e fundit.Pa mundur “të gjejmë” të tjera prova dhe vetëm duke shikuar forcën e propagandës së partisë-shtet qytetarët duhet ta ri dëgjojnë kryetarin e bashkisë Tiranë se si ai i parashtron idetë vetëmbrojtëse në ceremoninë e fillimit të shkollës 9 vjeçare Xhezmi Delli ku nuk arrihet të kuptohet se miliona euro fonde të hedhura janë bërë për ndërtim të ri apo rikonstruksion të ndërtesës në pronën shtetërore ekzistuese. Publikut i duhet të kuptojmë që në fillim se Veliaj ka një mbulim mediatik me “armatimin e rëndë”, transmetim të drejtpërdrejtë në RTSH dhe shoqërohet nga deputetë të Partisë Socialiste të cilët së bashku paranë e shtetit dhe taksat e qytetarëve i kthejnë në përfitime ekonomike nepotike dhe në votë sa herë zhvillohen zgjedhje.

Patronazhistët dhe ata që influencohen dhe mashtrohen nga propaganda këtë vëzhgim do ta cilësonin dashakeqe opozitare ose pakënaqësi ndaj egos për një mandat të katërt të Rilindjes Socialiste. Në thelb këtu qendron ndryshimi. Pavarësisht se sa nevojë të domosdoshme është ndërtimi/rindërtimi i mjediseve moderne arsimore, një sistem me mësues të paguar 950 euro dhe pa nxënës dhe me nxënës të përgatitur dobët në lëndët mësimore janë treguesi i fasadës. Sa do e lyer, e mobiluar, me laboratorë modern dhe me mjedise sportive shkollat të jenë plotësuar, mungesa e ujit 24 orë është treguesi i kërkesave për higjenë të nxënësve që vijnë nga familje me vështirësi ekonomike dhe rriten të keq-ushqyer në një mjedis qyteti ku cilësia e ajrit ka rekorde të vazhdueshme toksike nga pluhurat e ndërtimeve dhe djegia e cilësisë së ulët të karburantit që automjetet përdorin.  
Pra i pa ngopur nga rolet dhe maskat, por i mirë-investuara nga propaganda na vlen të ndalemi në skemën që rilindësit socialist gjejnë dhe shfrytëzojnë, sikurse edhe dalin pa ndrojtje në çdo ekran televiziv. Shfrytëzimi i hapësirës/minutazhit propagandistik është vërtetuar se Rilindja Socialiste e bën jo vetëm me urdhra por me një makineri pajisjesh audio-vizive moderne për t’i shërbyer fuqishëm trushplarjes.
Nga shkolla Xhezmi Delli, jo vetëm që ATSH mbulon mesazhin e kryebashkiakut, por RTSH 24 lidhet “live”. Mediat e tjera transmetojnë kronikën duke lexuar produktin e gatshëm që prodhohet pavarësisht pjesëmarrjes në vend ngjarje. Me dron xhirohen pamjet e ndërtesës trekatëshe, disa kamera që para mbrapa shoqërojnë ceremoninë dhe së fundi i lihet vendi me plot përulje dhe falenderime kryetarit Erion Veliaj.
Por si iu drejtua ai nxënësve, mësuesve, prindërve, drejtorëve për arsimin, lagjes/njësisë, deputetëve mbështetës kjo është pjesa më e bukur e zbulimit të një karakteri “portokalli-je” për sezonin e ri deri në zgjedhje. Në Shqipëri njihet me statusin “Lali Eri”, por që në rolin e agjitatorit rilindas për kryeministrin media fatkeqësisht ende nuk ka zbuluar personazhin tipik që fjalët i bën sallatë*, flet pa përmbajtje dhe largohet i gëzuar dhe i kënaqur se ua hodhi të pranishmëve si të tjera herë.
Ai vetë apo fjalim shkruesit e tij kanë të njëjtën disketë për çdo takim. Do t’i rreshtojmë më të shumtat për të kuptuar se foljet, ndajfoljet, lidhëzat, vend-ndodhjet dhe koha nuk kanë rëndësi se kë Veliaj ka përballë, mjafton që ai t’ua hedhë atyre mashtrimin, qytet, fshat, sport, mbjellje pemësh, ambasadorë, binjakëzime, spektakle në shesh, pakica rome, me biçikletë etj, por me kosha plehrash të shqyer.
Ja si u drejtohet ai filloristëve dhe më pas të pranishmëve (live): -Ej do dalim me dhjeta?… Nuk e dëgjova… Poooo!, thërrasin fort nxënësit në ditën e parë të shkollës.
Më pas forma e spektaklit vazhdon me pjesëmarrësit në oborrin e shkollës ku mësohet se do të studiojnë 324 nxënës ku Veliaj shprehet :-” Shumë faleminderit për mikpritjen, dashurinë, përqafimet, për buzëqeshjet dhe për gjithë energjinë e bukur pozitive që me mëngjes…” dhe më pas fillon sallata e fjalëve ku përmenden emra bashkëpunimi, fondet e BE dhe qeverisë, lartësohet deputeti, nxirret në pah skuadra, dhe të pranishmëve në gjoja dialektin tironc që kryebashkiaku e zotëron u shpjegohet se ju duhet “mrroklla”. Pra “hardware- software”, ku njëra nënkupton ndërtesën dhe tjetra trurin dhe ligjërata rrjedh mes furçave se ndihet krenarë për mësuesit, prindërit dhe komunitetin rreth shkollës, hidhet në “vaktin” e filozofit grek Aristoteli dhe për pas tek dëshmori Xhezmi Delli për të ndriçuar histori të gugëlluar ose të wikipedia-s nga koha e tij e shkurtër apo atë që kryebashkiakut ia përgatit stafi sepse ai nuk e ka kurrë problem ta tejkalojë me idetë dhe me fjalët e veta. 
Propaganda dhe reklama që vazhdon mbi 15 minuta dhe hapësira elektorale që ju vihet atyre që kanë nerva dhe mund mund ta shikojë dhe ta dëgjojë kryetarin, janë në përmbajtje mos përgjegjësia për asgjë dhe ku plot liri ekrani ai i jep vetes të drejtë që t’u kujtojë qytetarëve nëse kanë bërë keq apo mirë për ta zgjedhur Veliajn kryetar, njeriun që në karakter po përfaqëson krizën-nyje të rreth 1 milion banorëve, por jo të Rilindjes Socialiste..
 Nga kjo ceremoni të bie në sy pastrimi ideologjik dhe i kujdesshëm brenda programit politik të Rilindjes Socialiste që agjencia e propagandës zyrtare ATSH i bën Velisë. Lajmi në të jep standardet e përkryerjes, shkolla pa turne, me shkallë emergjence, me fusha sportive, me çip dhe me ndriçim led, me një zonë ku çmimi për metë katror është 1400 euro, dhe se bashkia me në krye Velinë ka rindërtuar dhe ndërtuar 45 shkolla aq sa nuk bëri pushteti i mëparshëm që pas rënies dëshmor të Xhezmi Dellit ose edhe me vitet bashkë që se kur Tirana u krijua si qytet, pra një super shkollë për çunat dhe gocat.Të gjitha këto përzierje frazash dhe togfjalësha me qëllim që të ndërtojë një raport komunikimi me të pranishmit, qoftë me hare dhe qoftë me nervozizëm Veliaj e shpreh. Por që të dalësh para studentëve dhe t’i trajtosh ata së pari ulët për sa shembuj i jep përpara syve, mirë se mësuesit dhe kolegët deputetë ndjehen pranueshëm me përdorimin që atyre ju bëhet gjatë fjalës së Veliajt. Por që këtë propagandë të hapur, ta gëlltisë publiku dhe opinioni të mos jetë i shqetësuar, kjo të bën të mendosh se sa poshtë po bien rekordet.
Po si nuk e the një fjalë për shpërdorimet o kryebashkiak?
Të gjitha fjollë thonë tironcit!
Po përgjegjësitë për shkollat që nuk janë fare dhe ato me pak mësues dhe nxënës që realisht ka Tirana ku janë?!  
Por për ta bërë sa më festive ceremoninë, duke ju rikthyer njohjes wikipedike si tironc, Veliaj hodhi idenë se shkollës Xhezmi Delli :“mund t’i kthehen talentet e muzikës si insturumentistët e fizarmonikës, klarinetës, etj. që janë pjesë e orkestrave të gëzimeve, dasmave synetlliqeve, fejesave dhe martesave, e të gjithë atyre gëzimeve që kanë sjellë zemrën e Tironës. Jemi në zemër të Tironës”.
Sa bukur qëndrojë para nxënësve , hardware-i, software-i, Aristoteli, Xhezmiu, synetlliqet, rrufepritëset etj.
Nga ky vështrim është e rëndësishme të shihet nga qytetarët se qeverisja në disa mandate po tregon forcën e politikës e cila ka gjetur mbështetjen tek paraja, ka siguruar përfitimet dhe ku elita qëndron në pushtet me propagandë e pa shqetësuar për, përgjegjësitë, ligjin dhe artin e fjalës të shndërruar në mashtrim.
Në qoftë se gara politike nuk e rrëzon dot Velinë, apo megjithëse edhe protestat qytetare nuk janë bindëse, dosjet e papërtypshme pranë drejtësisë dhe SPAK-ut le të rrinë mbyllur deri në zgjedhjet e ardhshme. 
Rama dhe Rilindja Socialiste e kanë qesen e kryetarit të bashkisë Tiranë të kontrolluar dhe do të dinë ta shkundin sërish. E bukura është se Veliaj nuk do të mbetet pa të ardhura. Me talentin e tij  si gaztor, ai mund ta gjejë një skenë për ta performuar artin e tij në një nga televizionet që janë investuar nga inceneratori i Tiranës, por edhe që janë të pajisura edhe me rrufepritës.
 
________________
* sallatë fjalësh-ndeshet në gazetarinë bashkëkohore si “word-salad”,
gjerësisht për agjitatorët politik të prirur për para dhe pushtet të pa ndarë nga platforma e tyre.
 
 
12 Shtator, 2024

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

“Marsho për identitet dhe dinjitet”- Komuniteti shqiptar në Preshevë paralajmëron protestë kundër diskriminimit nga Serbia

Më 23 shtator, nga ora 13:00, në Preshevë do të zhvillohet protesta me moton “Marsho për identitet dhe dinjitet”.

Kjo protestë është njoftuar sot nga kryetarja e komunës së Preshevës, Ardita Sinani, e cila bëri të ditur se marshimi do të nisë nga stadiumi i qytetit dhe do të përfundojë në qendër të tij.

Sipas Sinanit, protesta organizohet në shenjë kundërshtimi ndaj diskriminimit, shtypjes dhe shkeljeve që shqiptarët e Luginës së Preshevës po përjetojnë nga Serbia.

Ajo theksoi se protestuesit do të kërkojnë ndërprerjen e pasivizimit të adresave të shqiptarëve nga Serbia, njohjen e diplomave, krijimin e mundësive për punësim, si dhe institucione të hapura për të gjithë.

“Le të marshojmë për barazi dhe drejtësi! Në gusht ishim në Bujanoc, në shtator jemi në Preshevë, për të dëshmuar se jemi një. Problemet tona nuk mund të shtyhen më. Aspak më pak se sa na takon, asnjëherë më shumë, por gjithmonë atë që meritojmë! Për zbatimin e Marrëveshjeve të nënshkruara dhe për përmbushjen e detyrimeve të shtetit ndaj shqiptarëve të Luginës së Preshevës. Për Preshevën me Gjykatë dhe për institucione ku shqiptarët janë të përfaqësuar!”, ka shkruar Sinani në Facebook.bw

OKB: Shqipëria ka rënien më të madhe të lindshmërisë në rang global deri më 2054!

Emigracioni i lartë dhe plakja e popullsisë do të çojnë popullsinë e Shqipërisë në rënie pa kthim në të gjithë skenarët.

Kombet e Bashkuara në projeksionet e reja “Rishikimi i Perspektivës së Popullsisë Botërore 2024” e renditën Shqipërinë si vendin me rënien më të fortë të normave të lindshmërisë (fertilitetit) për grua me rreth 15% deri në vitin 2054 në rang global. (shiko grafikun e mëposhtëm).

Pas Shqipërisë vendet që do të kenë rënie të lartë të lindshmërisë do të jenë Armenia, Moldavia, Mali i Zi etj.

OKB vëren se niveli i fertilitetit, ose numri mesatar i lindjeve të gjalla për grua gjatë gjithë jetës, ka rënë ndjeshëm gjatë dekadave të fundit në shumë vende. Aktualisht, shkalla globale e lindshmërisë është 2.25 lindje të gjalla për grua, një fëmijë më pak se një brez më parë. Në Shqipëri aktualisht niveli i lindshmërinë për grua është më pak se 1.2 fëmijë, shumë poshtë shkallës së zëvendësimit.

Në shumicën e shoqërive, fëmijët dhe të moshuarit konsumojnë mesatarisht më shumë sesa prodhojnë.

OKB këshillon se pothuajse në të gjitha vendet dhe zonat me popullsi që tashmë kanë arritur kulmin në madhësi të popullsisë, dritarja e mundësive për rritjen e përshpejtuar ekonomike të lidhur me një popullsi rinore është mbyllur. Megjithatë, edhe në vendet ku pjesa e popullsisë në moshë pune (midis 20 dhe 64 vjeç) po zvogëlohet, ka mënyra për të nxitur rritjen ekonomike.

Një nga strategjitë që rekomandon OKB është që vendet me rënie të popullsisë duhet të bëhen gjithëpërfshirës, duke futur në tregun formal të punës grupe që tradicionalisht janë përjashtuar, si gratë, të moshuarit dhe personat me aftësi të kufizuara.

Një qasje tjetër që rekomandohet është rritja e produktivitetit të punonjësve duke investuar në formimin e kapitalit njerëzor dhe trajnimin e vazhdueshëm, duke përdorur teknologjisë, duke përfshirë robotikën, automatizimin dhe inteligjencën artificiale (AI). Imigrimi (prurjet e emigrantëve) mund të ndihmojë gjithashtu në zbutjen e mungesës së fuqisë punëtore të lidhur me plakjen e popullsisë, të paktën në afat të shkurtër.

Migrimi ndërkombëtar nuk mund të kompensojë rënien e popullsisë ose plakjen e popullsisë në terma afatgjatë, por nuk duhet parë si një “zgjidhje” për atë që në fund të fundit është një proces universal dhe i pakthyeshëm: tranzicioni demografik.

Në vendet ku nivelet e lindshmërisë janë tashmë nën zëvendësimin, emigrimi i njerëzve në moshën riprodhuese mund të kontribuojë në rënien e mëtejshme të popullsisë. Në 62 për qind të vendeve dhe zonave të grupit që tashmë përjetojnë nivele të ulëta të lindshmërisë, emigracioni ka të ngjarë të kontribuojë në zvogëlimin e mëtejshëm të numrit të popullsisë nga tani deri në vitin 2054. Në këtë grup vendesh bën pjesë edhe Shqipëria.

Më herët, OKB, në projeksionet e reja për ecurinë e popullsisë së botës deri më 2054, referon se Shqipëria renditet në mesin e vendeve me rënien më të madhe të popullsisë ndërmjet 2024-2054 në rang global.

Raporti referon se grupi i vendeve ku përfshihet Shqipëria, Bosnjë dhe Hercegovina, Lituania, Porto Riko dhe Moldavia do të përballet me një rënie të popullsisë në nivelet 14% në 30 vitet e ardhshme. Këto vende do të kenë normat më të larta globale të rënies së popullsisë./Monitor

Anketimi: Nënpresidentja Harris zgjeron avantazhin përballë ish-Presidentit Trump

VOA/Marrë nga Reuters

UASHINGTON – Sipas një anketimi të ri të opinionit publik, Nënpresidentja demokrate Kamala Harris kryeson me 47% mbështetje përkundër ish-Presidentit republikan Donald Trump me 42%, duke zgjeruar kështu më tej avantazhin e saj pas debatit televiziv ku votuesit mendojnë se zonja Harris pati paraqitjen më të mirë. Anketimi i bërë nga agjencia e lajmeve Reuters dhe firma e anketimeve Ipsos u publikua të enjten.

Anketimi dyditor tregon se zonja Harris është në një avantazh prej 5% ndër votuesit e regjistruar për të marrë pjesë në zgjedhjet e këtij viti, duke zgjeruar kështu më tej avantazhin e saj prej 4% përballë zotit Trump sipas anketimit të mëparshëm që pati bërë agjencia Reuters dhe firma Ipsos në periudhën 21-28 gusht.

Ndër votuesit që thanë se patën dëgjuar të paktën diçka rreth debatit të së martës, zonja Harris mori 53% mbështetje, ndërsa 24% prej tyre thanë se debatin e kishte fituar zoti Trump. Rreth 52% e të anketuarve thanë se zoti Trump hasi në vështirësi dhe se nuk u shfaq në formën më të mirë, ndërsa 21% prej tyre thanë të njëjtën gjë për zonjën Harris.

Nënpresidentja Harris, 59 vjeçe, e vendosi ish-Presidentin Trump, 78 vjeç, në pozita mbrojtëse gjatë një debati të nxehtë presidencial, me një seri sulmesh ndaj përshtatshmërisë së tij për detyrën e presidentit dhe sfidat e tij të shumta ligjore.

Anketimi përfshiu 1,690 amerikanë të moshës madhore në mbarë vendin, ndër ta 1,405 të regjistruar për të votuar këtë vit. Mundësia e gabimit të këtij anketimi është në nivelin rreth 3% ndër votuesit e regjistruar.

Megjithëse anketimet në nivel kombëtar, përfshirë anketimin e bërë nga agjencia Reuters dhe firma Ipsos, japin sinjale të rëndësishme për pikëpamjet e elektoratit, janë rezultatet shtet mbas shteti që çertifikohen në Kolegjin Elektoral ato që përcaktojnë fituesin dhe pritet që rezultati përfundimtar të vendoset nga një numër i vogël shtetesh jetike për betejën elektorale.

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend