Në dy ditë me radhë kryeministri Rama e menaxhoi me porcione publikimin e ‘ftesës së Trump në Bordin e Paqes’. 

Kësaj pyetje veç se publikimit në ATSH nuk i është përgjigjur as ai vetë më shumë në podcast-in e së dielës, ku si për ironi të fatit i ftuari  përballë Ramës ishte iluzionisti Dashnor Bushi që në pesë nga pesë magjitë dhe lojërat me letra,  gjetjet ishin leximi i qartë i mendjes dhe veprimit të kryeministrit ku “falli” mund të parashikojë, por nuk mund të ndalë kërkimin e së vërtetës.

Kështu që ftesën në “Bordin e Paqes për Rripin e Gazës”, pa dashur të bëjmë as parashikimin dhe as goditjen nga inati ndaj një kundërshtari politik ashtu sikurse shihen qëndrimet në rrjetet sociale dhe kryesisht në mediat pranë qeverisë për t’ju vërsulur realitetit dhe jo thjeshtë opozitës mbi reagimin ndaj kësaj ftese mund ta lexojmë edhe se kujt i drejtohet, por edhe përgjegjësisë që i ngarkohet.

Në paragrafët e tretë dhe të dytë nga fundi shprehimisht kjo ftesë i drejtohet nga Presidenti Trump, SHTZ Rama si pushtet ekzekutiv ku shkruhet:- “Si Kryetar i Bordit, ftoj zyrtarisht Republikën e Shqipërisë të përfaqësuar prej jush, të na bashkohet si Shtet Anëtar Themelues, dhe të bëhet palë në Statutin e Bordit të Paqes. Ky bord do të jetë aq i veçantë sa kurrë më parë nuk ka ekzistuar diçka e ngjashme me të!”

 

Më parë se analistët, podcast-i i fallit (tone qetësuese krahasuar me të mëparshmit është goditur dhe vënë nën presion drejtësia për çështjen Balluku), e sigurisht mediat pranë qeverisë askush më mirë se një zëdhënës nga Ministria e Jashtme e Republikës së Shqipërisë do t’i kishte dhënë peshë dhe përmbajtje lajmit.

Kjo nuk e shqetëson publikun aspak pasi është mësuar me mënyrën se si Rama kurdoherë i afrohet tortës dhe se si e ndan atë.

Ajo që të bën përshtypje është koha kur kjo ftesë u drejtua dhe u mor në dorëzim.

Datuar me datë 16 Janar, mes heshtjes së ftohtë të pjesëmarrësve në GPS/Grupi Parlamentar Socialist 2026-Sfidat Parlamentare për Shqipërinë 2030 dhe nxehjes së Ramës për ta djegur diplomacinë kryesisht përmes Ministrisë së Punëve të Jashtme të Republikës së Shqipërisë e më tej RTSH për ta eliminuar si një institucion me rëndësi publike për informimin dhe zbavitjen, interesante është se përse kjo ftesë e rëndësishme nuk u nda me pjesëmarrësit dhe sigurisht me publikun pavarësisht 6 orëve diferencë me  kontinentin e Amerikës së Veriut.

A thua nuk ishte i sigurt se mund t’i vinte nga Presidenti i ShBA-ve Trump?

Padyshim se lidhjet e Ramës me këshilltarin e tij Tony Blair (që shpie përvojën diplomatike në këtë bord) mund të konsiderohet si përshpejtues në pjesëmarrje, apo dhëndri i Presidentit Trump Jared Kushner, me Affinity Partners ofrohet si zhvilluesi kryesor i Ishullit të Sazanit (një me financim i konsiderueshëm nga Fondi i Investimeve Publike të Arabisë Saudite), por të mos e shprehësh këtë mes Grupit Parlamentar Socialist që t’ua ngresh moralin për sfidat parlamentare drejt Evropës 2030, ky lidership i brendshëm tregon më së miri për kapjen dhe kontrollin e gjithçkaje.

A ka vend për hapësirë dhe e pjesëmarrje në këtë bord kur në ftesë shkruhet se: -“dhe më pas: –“Çdo Shtet Anëtar mund të caktojë një përfaqësues të autorizuar në emër të tij për të marrë pjesë dhe kontribuar në takime. Bashkëngjitur gjeni Planin Gjithëpërfshirës, dhe Statutin e Bordit, i cili tani është i disponueshëm për nënshkrimin tuaj dhe ratifikimin”.

Pra është një çështje thjesht teknike përveç vlerësimit, e cila ka kushtet dhe shtrirjen kohore të saj.

Në qoftë se duam vlerësime dhe merita para se të hidhemi tek thumbat dhe humoret e Ramës me Trump I dhe Trump II, le të shohim ose marrim shembullin se si administrata e Trump po i përgjigjet korrupsionit dhe shpërdorimeve të fondeve federale nga taksapaguesit amerikanë deri në skema përfitimi.

Le të shohim edhe atë se përse në çështjet e vizave me SHBA-në Shqipëria futet në listën e 75 vendeve që u pezullohet viza e vizitorit B1/B2*.

Por mbi të gjitha shkëmbimin e vlerave të demokracisë mes dy vendeve ku Shqipëria historikisht është mbështetur nga SHBA, a nuk është kjo administratë e Presidentit Trump që ka këshilluar vendet e zhvilluara në Evropën Perëndimore që t’i kushtojnë vëmendje fjalës së lirë, vlerave dhe parimeve dhe të vërtetës?

Por a nuk është vetë Donald Trump gjatë 2023-2024, shembulli i një kandidati për president që ishte i hapur ndaj drejtësisë dhe përballoi disa dhjetra çështje gjyqësore dhe fushatën presidenciale?

Drejtimi i qeverisjes në 12 vitet e fundit prej Ramës janë fatkeqësisht e kundërta, madje dhe i provuar si një lider i së majtës që i bën rezistencë përmes Shoqërisë së Hapur (Soros), parimeve të traditës konservatore ndaj largimit të popullsisë, familjes dhe gjinisë në shoqërinë shqiptare.

Diplomacia ka pika takimi dhe interesa sigurisht, por shqetësimet e sotme të Shqipërisë ndaj korrupsionit kanë nevojë për një qeverisje që do të vendosi interesat e Shqipërisë në plan të parë dhe kjo kohë ka ardhur dhe nuk ka sepse shqiptarët të intimidohen nga propaganda e Rilindjes Socialiste. Protestat dhe lobimet ndërkombëtare për të treguar nivelin e korrupsionit, plagët e tij dhe ritmet e zbatimit të drejtësisë janë pjesa kryesore që do ta gjallërojnë demokracinë dhe drejtimin politik të vendit.

Me qetësi dhe duke monitoruar punën e kësaj administrate, Rama ka marrë “jelekun e shpëtimit nga mbytja”, një rrugëdalje (që në termat politike-diplomatike lexohen si “life-jacked ” dhe “exit strategy”).

Dalja në breg është çështje e zbatimit institucional, janë çështje të zbatimit të pavarësisë së pushteteve, pluralizmit në kuvend dhe e kushtetutës.

 Ftesa në “Bordin e Paqes për Rripin e Gazës”  i erdhi Ramës jo vetëm në kohën kur vendi i tij u përmbyt nga reshjet, por edhe kur atij i duhet të dalë nga vala e protestave që përshkallëzohen prej opozitës dhe popullsisë së pakënaqur nga keqqeverisja dhe korrupsioni.

 _______________

*Departamenti Amerikan i Shtetit ka marrë vendim për pezullimin e vizave të emigrantëve për 75 vende, ku mes tyre përfshihet edhe Shqipëria dhe Kosova. Kërkesa për përgjegjësinë e respektimit të vizës në rastet e disa aktivitete që LEJOHEN me vizë vizitori B1/B2 për:  -Turizëm-Pushime-Blerje-Vizitë me miq ose të afërm-Takime me bashkëpunëtorë biznesi-Pjesëmarrje në një konventë ose konferencë, dhe aktivitete që NUK LEJOHEN me një vizë vizitori B1/B2 si: -Turizëm lindjeje (udhëtim me qëllim kryesor lindjen në Shtetet e Bashkuara për të marrë shtetësinë amerikane për fëmijën)- Punë që rezulton në pagesë nga një punëdhënës ose biznes amerikan-Studimi për një diplomë ose kreditë akademike- Performanca të paguara.

 

 

 

 

 

16 Janar, 2026

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

Donatorët dhe Banka e Botërore e kanë asistuar Ministrinë e Financave prej vitesh për të krijuar një regjistër bashkëkohor të pronës publike, por Ministria e Financave po dështon viti pa viti.

Për rreth 12 vite qeveria e Shqipërisë ka shmangur krijimin e një regjistri në formën e një inventari për asetet fizike pronë publike.

Donatorët dhe Banka e Botërore e kanë asistuar Ministrinë e Financave prej vitesh për të krijuar një regjistër bashkëkohor të pronës publike, por Ministria e Financave po dështon viti pa viti.

Të dhënat e fundit mbi inventarin e aseteve publike i përkasin vitit 2014, me një vlerë totale 353 miliardë lekë ( shiko linkun https://financa.gov.al/pasqyrat-financiare/). Mirëpo që nga ajo kohë miliarda euro janë injektuar për shtimin dhe mirëmbajtjen e pronës publike nga financimet buxhetore nëpërmjet investimeve kapitale dhe shpenzimeve operative të mirëmbajtjes.

Ministria e Financave në një raport monitorim për Strategjinë e Menaxhimit të Financave në 2025 referoi se, inventari i pronave nuk po krijohet për shkak të vonesave në mbledhjen e të dhënave dhe verifikimin e inventarit, veçanërisht në institucionet me kapacitete të kufizuara administrative.

“Llogaritë Kombëtare të Qeverisë po përballen me sfida të përbashkëta, si mbështetja e kufizuar buxhetore, vonesat në mbledhjen dhe strukturimin e të dhënave, si dhe mungesa e sistemeve të integruara për shkëmbimin ndërinstitucional të informacionit. Për të përparuar, kërkohet sigurimi i financimit për infrastrukturën e Web Service, zbatimi i mekanizmave të raportimit në përputhje me SNKSP dhe forcimi i bazës së të dhënave për PPP-të dhe koncesionet, përmes bashkëpunimit më të ngushtë me ATRAKO-n dhe institucionet përkatëse” argumenton Ministria e Financave.

Por ndërkohë që buxheti në dy vitet e fundit është mbyllur me suficit dhe miliona euro hidhen në projekte që nuk ekzistojnë (inceneratorët) krijimi i regjistrit të pronave publike ka vështirësi në financim.

Regjistri i aseteve është jetik për transparencën e qeverisë, pasi pa këtë inventar shteti nuk di realisht çfarë zotëron, ku ndodhen asetet, sa vlejnë dhe si përdoren.

Regjistri u jep institucioneve mbikëqyrëse, Kuvendit, KLSH-së dhe publikut mundësinë të verifikojnë ekzistencën, vlerën dhe përdorimin e pronave publike dhe kjo ul hapësirat për abuzime dhe keq-menaxhim.

Mungesa këtij regjistrit krijon rrezik për humbje, përdorim pa autorizim ose transferime informale të pasurisë publike, ndërkohë që regjistri vepron si mekanizëm kontrolli.

Në mungesë të regjistrit qytetarët nuk kanë mundësi të dinë se çfarë zotëron qeveria, si menaxhohet kjo pasuri dhe nëse ajo përdoret në interes publik.

Asetet që nuk janë të regjistruara dhe të publik janë më të ekspozuara ndaj humbjes, përdorimit pa transparencë, dhënies me koncesion ose transferimeve joformale, shpesh pa një vlerësim të qartë të kostos dhe përfitimit për publikun.

Praktikat kanë treguar se pa një pasqyrë të saktë të aseteve, qeveria mund të investojë në mënyrë joefikase, të ndërtojë infrastrukturë të panevojshme, ose të shesë pasuri publike nën vlerë, duke transferuar kosto te taksapaguesit.

Mungesa e regjistrit ka bërë që qytetarët jo vetëm të humbasin kontrollin mbi pasuritë publike, por edhe një informacion formal për pronat publike të vendit ku jetojnë./Monitor.al 

Piktori i njohur Anastas Kostandini ka publikuar një shkrim kritik mbi zhvillimet e fundit urbanistike në Pogradec, duke rikthyer në vëmendje vizionin fillestar të inxhinierit francez Albert Garique, autor i planit rregullues që hodhi themelet e qytetit modern.

Anastas Kostandini shkruan:

Vizioni urbanistik dhe projektet e inxhinierit francez Albert Garique janë themeli mbi të cilin u ndërtua Pogradeci modern. Pas Luftës së Parë Botërore, ai jetoi dhe punoi në Pogradec, duke e shndërruar nga një fshat në një qytet me plan rregullues bashkëkohor. Plani i tij parashikonte një qytet të sheshtë, me rrugë që zbrisnin drejt liqenit dhe një harmoni të qartë mes natyrës dhe ndërtimit urban, duke e menduar qytetin në raport të drejtpërdrejtë me peizazhin. Një nga projektet më përfaqësuese të Garique është Turizmi i Vjetër i Pogradecit (Hoteli i Albturizmit), i ndërtuar pranë derdhjes së lumit në liqen, si edhe bulevardi “Zogu i Parë”, sot rruga R. Çollaku. Ky shembull i turizmit të hershëm tregon se si mund të ndërtohet bukur dhe me masë, brenda kuotave të projektimit, në respekt të plotë të natyrës dhe planit urban.

Albert Garique kujtohet me respekt të veçantë në Pogradec, si për veprat e tij ndërtimore, ashtu edhe si “babai i urbanizimit perëndimor të qytetit”. Edhe gjatë komunizmit, emri dhe mendimi i tij përmendeshin shpesh sa herë flitej për zhvillimin urban të Pogradecit.

Arsyeja pse ky vizion rikthehet sot në vëmendje lidhet me tentativat për ndërtimin e kullave të larta (gradaciela) në këtë zonë, të cilat bien ndesh me mendimin urbanistik fillestar të qytetit. Në këtë situatë, vizioni largpamës i Garique duhet marrë seriozisht në konsideratë, si në planin makro ashtu edhe në atë mikro urbanistik. Historia na ka lënë pak vlera nga periudha të vështira, ndaj ato duhet të ruhen si dëshmi të ndërthurjes së kulturës europiane me realitetin tonë. Këto trashëgimi janë sot veçanërisht të çmuara në rrugën drejt Europës. Për këto arsye, sugjeroj dhe kërkoj me indinjatë që Hotel Turizmi i Vjetër të rikthehet në identitetin e tij projektues, për të ruajtur natyrën, kujtesën dhe shtresat historike që përfaqëson.

E njëjta qasje duhet mbajtur edhe ndaj “Oktapodit”, ndërtesë e veçantë e vitit 1988, e cila mbetet një dëshmi e rëndësishme arkitektonike dhe sociale e qytetit./Pogradeci Press

Kryebashkiaku i Kievit, Vitaly Klitschko, u ka kërkuar banorëve të largohen nga qyteti nëse kanë mundësi, duke përmendur një krizë të rëndë të energjisë elektrike, ndërprerje të përhapura të ngrohjes dhe një ngarkesë në rritje në infrastrukturë, ndërsa temperaturat e ulëta kanë përfshirë kryeqytetin ukrainas.

Duke folur për Reuters të premten, Klitschko tha se mungesat pasuan valët e sulmeve ruse në infrastrukturën energjetike të Ukrainës. Moska ka thënë se ka synuar objektet e prodhimit të dronëve, infrastrukturën energjetike dhe vende të tjera të lidhura me ushtrinë në përgjigje të sulmeve ukrainase në objektet e energjisë ruse, si dhe asaj që e përshkroi si sulme pa dallim ndaj civilëve.

“Është hera e parë në historinë e qytetit tonë që, në ngrica kaq të rënda, pjesa më e madhe e qytetit mbeti pa ngrohje dhe me një mungesë të madhe të energjisë elektrike”, tha Klitschko, duke përsëritur apelin e tij për banorët që mund të zhvendosen përkohësisht për ta bërë këtë. Ai vuri në dukje se temperaturat nën zero kishin rritur ndjeshëm kërkesën, duke kufizuar aftësinë e ekipeve të shërbimeve për të kryer riparime të shpejta.

Kritikët e kanë dënuar apelin, duke argumentuar se shumë banorë nuk kanë ku të shkojnë tjetër dhe se thirrja pasqyron mungesën e përgatitjes nga autoritetet lokale për të menaxhuar krizën në një qytet me rreth tre milionë banorë.

Klitschko tha se familjet kanë mbetur pa energji elektrike deri në 20 orë në ditë, ndërsa ngrohja është ndërprerë në rreth 6,000 pallate. Temperaturat gjatë natës kanë rënë në rreth -17 gradë Celsius, duke e shtuar ngarkesën në sistemin energjetik të qytetit. Ukraina shpalli një emergjencë energjetike kombëtare këtë javë.

Sistemi elektrik i vendit ka pësuar dëme kumulative që nga viti 2022, me dobësi të shtuara nga infrastruktura e vjetër e epokës sovjetike dhe keqmenaxhimi. bw

Në ditën e 43 të protestës, 24 orë, ditën e natën,  Adriatik Lapaj na fton sot të gjithëve, më 17 Janar në orën 18:00 tek kryeministria për te larguar kryeministrin më të korruptuar të Europes

Sa bukur dhe mirë do të bëhemi kur dëgjojmë kryeministrin Rama në GPS 2026-Sfidat Parlamentare për Shqipërinë 2030.
Megjithëse i njoftuar herë me dyer të hapura dhe herë me dyer të mbyllura apo edhe me një përmbledhje të një konference për shtyp, mënyra më e mirë e marrjes se mesazhit ka qenë copëzimi dhe hedhja si ushqim për median e disa fragmenteve të cilat konsiderohen si parësore.
Mediat të uritura se çfarë po dhe do të ndodhe p.sh me një vendim mbi heqjen e imunitetit të zv/kryeministres Balluku, nuk mundin të përcjellin asnjë informacion të ri sepse Rama e kontrollon me tekst edhe me audio-video rrëfimin deri me 22 Janar e përtej.
Ndaj pa u lodhur e pa u mërzitur për mos marrjen e përgjigjes le të shohim pak thelbin e një pjesë e freskët dhe e servirur nga fjalimi i kryeministrit me elitën socialiste, me më të privilegjuarit, me më të paguarit dhe po ashtu me më përgjegjësit e çdo situate dhe prap të heshtur pavarësisht se qëndrojnë në detyrë, pra janë vendosur në shtet dhe administratën publike pa folur si detyrimet e shumicës prej tyre edhe si të zgjedhur nga populli.
Për Ramën ka vetëm propagandë dhe rrëshqitje dhe kurrë llogaridhënie.
Në mënyrën thebësisht propagandistike kryeministri  Rama foli për “garantimin e  sigurisë ushqimore si një ndër sfidat kryesore në procesin e integrimit europian”, duke nënvizuar intensitetin e negociatave me Bashkimin Evropian ku:- “Në një hark kohor relativisht shumë të shkurtër, prej vetëm 2 vitesh, Shqipëria duhet të përmbushë të gjitha kushtet për të mbyllur negociatat e anëtarësimit”.
Duke u mbështetur tek GPS- Grupi Parlamentar Socialist, një shkurtim qe i mungon një germe “P” për te mos u ngatërruar me GPS (Global Positioning Systems), mënyra e propagandës e ka më të lehtë arritjen e qëllimit për të mbuluar përgjegjësitë.
Pra meqenëse shtrohet vetëm kjo rrugë si drejtim politik dhe gjerësisht trajtohet nga mediat, atëherë po e leme te tillë.
Le ta fillojmë nga me e fundit. Skenari pesimist i Ramës përpara elitës ku ai thotë se:- “gjithçka që hahet do importohet”,…  dhe vazhdon me diçka qe ne nuk po e shikojmë prej vitesh dhe në çdo rast pra kur:-“… duhet një super punë, por edhe super vendosmëri nga ana jonë si vendimmarrës për të mos falur asgjë dhe askënd në emër të nevojës që ‘vazhdoj të punoj’. Gjithsekush duhet të vendoset në pozita shumë të forta përgjegjshmërie dhe pune sepse në rastin më të mirë janë vetëm 10 vite përpara dhe është një punë shumë e madhe për t’u bërë”.
Kjo vlen e gjitha për të kuptuar jo vetëm keqqeverisjen, por edhe jashtë-kohën e kësaj qeverie. Ajo nuk është më në të mirë të interesave të shtetasve, qytetareve dhe fshatarëve, diasporës, pra kombit.
Ka humbur çdo ndjeshmëri për shkak të korrupsionit dhe shpërdorimit dhe vjedhjes së fondeve.
Si mund të thuash se jemi dhjetë vite mbrapa në sektorin e sigurisë ushqimore, pa shkuar me krahasimet e vitit 2013 kur tregjet dhe thertoret ishin buzë rrugës, por që kishte prodhim vendas dhe krahasohesh me situatën e viteve të fundit ku ritmikisht fermeri vendas është konkurruar dhe ka falimentuar nga importi i produkteve bujqësore dhe blegtorale, por edhe vete fondet e Evropës (IPARD) u përfituan nga elita dhe sot janë të pezulluara për korrupsionin shtetëror që vazhdon e ndodh.
Mirë ja mbushe mendjen me propagandë, elitës, administratës, patronazhistëve dhe medias, por çfarë do t’i thuash fermerëve të përmbytur prej gati 2 javësh?
Askush më mirë se ai fshatari dhe fermeri që nuk “ngopet me propagandë” e dinë se çdo të thotë se sa është vlera e një dite se kur plugohet toka, kur hidhet fara, kur vaditet dhe kur korret dhe kur del në treg. Punon gjithë vitin për të mbijetuar.
Ndërsa me Ramën dhe elitën e falimentuar tashmë, tokat bujqësore të përmbytura jo vetëm prej ditësh por që do ta degradojnë më shumë atë i kanë ndërkohë vite pas të pjellorisë dhe pritshmërisë së prodhimeve bujqësore dhe blegtorale.
Elita e qeverisë mbaroi punë me aksionet e emergjencës.
Rama ende nuk ka shkelur një terren nën ujë dhe në nevojë për ta dhënë prej andej mesazhin e sigurisë ushqimore e cila njëkohësisht edhe për shkak të emergjencës është edhe siguri kombëtare. 

Autoriteti Kombëtar i Ushqimit (AKU) ka njoftuar bllokimin dhe tërheqjen nga tregu të disa produkteve të formulës për fëmijë, pas një alarmi të ardhur nga Sistemi Evropian i Njoftimit të Shpejtë për Ushqimin dhe Ushqimin për Kafshët (RASFF).

Sipas njoftimit, Shqipëria është informuar nga RASFF se pas kontrolleve të kryera nga autoritetet italiane, është konstatuar prania e substancës Cereulide në formulë për fëmijë me origjinë nga Holanda, e cila përbën një rrezik potencial për shëndetin e njeriut.

Produktet e identifikuara janë:

BEBA PRE 800G – Lot nr. 51250346AA, skadencë 05.2027

BEBA PRE 800G – Lot nr. 51720346AA, skadencë 06.2027

BEBA PRE 800G – Lot nr. 51660346AC, skadencë 06.2027

BEBA 1 800G – Lot nr. 51180346AB, skadencë 04.2027

BEBA 1 800G – Lot nr. 51450346AA, skadencë 05.2027

BEBA 1 800G – Lot nr. 51660346AB, skadencë 06.2027

BEBA SUPREME PRE 800G – Lot nr. 51720742F3, skadencë 06.2027

BEBA SUPREME 2 800G – Lot nr. 51550742F1, skadencë 06.2027

BEBA SUPREME 2 800G – Lot nr. 51550742F2, skadencë 06.2027

AKU bën me dije se, pas kryerjes së kontrolleve dhe ndjekjes së plotë të gjurmueshmërisë, sasia e produktit është bllokuar dhe do të asgjësohet.

Autoriteti u bën thirrje konsumatorëve që nëse e kanë blerë këtë produkt dhe e kanë ende në përdorim, ta kthejnë menjëherë në pikat e shitjes, duke shmangur përdorimin e tij. bw