Humbja kundër Kilit në finalen e Kupës së Amerikës në vitin 2016 ndikoi shumë tek Messi i cili deklaroi se do të tërhiqej nga Kombëtarja, por lutjet e shumë tifozëve dhe njërzve të rëndësishëm të sportit bënë që argjentinasi të ndërronte mendje.

Në një intervistë për programin “La Cornice” në kanalin “America TV”, Leo Messi ka treguar se nëse nuk e fiton Botërorin atëherë do të tërhiqet përfundimisht.

“Shpresoj që të jetë një Botëror i madh. Dëshira ime e madhe është ta dërgoj kupën në Argjentinë. Nuk është e lehtë të fitosh një Kupë Bote, por është ëndrra e të gjithëve.

Shpresojmë mos të na shkojë si në 2014-ën. Ky grup ka arritur tre finale, pa fituar asnjë prej tyre. Nëse do të ndodhte sërish, do të ishte e drejtë të largohesha nga kombëtarja”, tha Messi.