VOAL

VOAL

Please Wait ...
0%

Media amerikane dhe zhurma për shkarkimin e Presidentit Trump

By | December 16, 2019
blank

Komentet

blank

Kosova kërkon kthimin e “Ganimete Tërbeshit” nga Mali i Zi

Qyteza Rafailloviq në Mal të Zi.

 

Sandra Cvetkoviq, Taulant Qenaj, Valona Tela

Një pronë në bregdetin Adriatik, me mbi 4.5 mijë metra katrorë, është bërë mollë sherri ndërmjet shtetit të Kosovës dhe Malit të Zi.

Autoritetet malazeze thonë se Ministria e Drejtësisë e Kosovës ka paditur Malin e Zi, Komunën e Budvës dhe kompaninë “Sunraf beach properties d.o.o.” nga Podgorica, duke kërkuar kthimin e së drejtës së pronësisë në mbi 4.5 mijë metra katrorë tokë në qytezën Rafailloviq, pranë Budvës.

Bëhet fjalë për parcela në shëtitoren përgjatë plazhit të Beçiqit, ku dikur ndodhej një vend-pushimore për fëmijët.

Avokati i Përgjithshëm i Shtetit të Kosovës, Sami Istrefi, thotë për Radion Evropa e Lirë se Kosova synon kthimin e pronës të blerë gjashtë dekada më parë.

“Duke u gjendur para këtyre rrethanave, konform legjislacionit të Malit të Zi, ne kemi ushtruar një padi për vërtetim pronësie dhe masë sigurie për atë pronë, për shkak se Kosova tash e sa vite nuk është duke e shfrytëzuar, mbase juridikisht është pronë e Kosovës, që e dëshmojnë edhe dokumentet kadastrale atje”, thotë Istrefi.

Istrefi, i cili ka për detyrë të mbrojë interesin e Kosovës kur ka konteste brenda dhe jashtë shtetit, thotë se nuk ka asnjë problem politik ndërmjet shteteve dhe se kjo është vetëm një procedurë civile.

“Kosova në asnjë formë, e aq më pak Ministria e Drejtësisë apo Avokatura e Shtetit, nuk ka ndërmarrë ndonjë veprim ndaj shtetit të Malit të Zi, për ndonjë procedurë apo veprim qeveritar që mund të ketë ndikime të dy shtetet. Kjo është krejt e kundërta e asaj, për shkak se kjo është një procedurë civile”, thotë Istrefi.

blank

Infografikë

Pronat e Kosovës në ish-republikat jugosllave

Pllamenac: Kemi kërkuar që padia të hidhet poshtë

Sekretari i Sekretariatit për Mbrojtjen e Pronës në Komunën e Budvës, Nikolla Pllamenac, thotë për Radion Evropa e Lirë se përmes padisë, kërkohet të përcaktohet se Kosova është pronare e asaj prone.

“Si provë, ata kanë propozuar një marrëveshje për shitblerje nga vitet 1960 në Kotor, me të cilën [prona] është blerë nga Këshilli për Çështjet Sociale, Politike dhe Komunale i ish-Krahinës Socialiste Autonome të Kosovës dhe Metohisë”, thotë Pllamenac.

Në Gjykatën Themelore në Kotor, thonë se Padia e Republikës së Kosovës, e bërë nga Ministria e Drejtësisë, Zyra e Avokatit të Përgjithshëm, është ngritur në Gjykatën Themelore në Kotor në fillim të nëntorit të vitit 2020, ndërsa palët janë dërguar në takimin e parë me ndërmjetësuesin në fund të prillit.

“Më 4 qershor, Qendra për Zgjidhjen Alternative të Mosmarrëveshjeve i ka kthyer gjykatës dosjet e lëndës, pasi ndërmjetësimi ka dështuar. Në periudhën e ardhshme, gjykata do të vazhdojë të veprojë në përputhje me ligjin”, ka thënë zëdhënësi i gjykatës, Spiro Paviqeviq.

Komuna e Budvës thotë se procesi gjyqësor është në fazën fillestare.

“Rasti është fare në fillim. Është ajo koha kur ngrihet padia, pastaj palët e paditura i përgjigjen padisë dhe gjykata vendos nëse do të hyjë ose jo në procedurë për vendimmarrje. Ne në fillim kemi kërkuar që padia të hidhet poshtë. Nëse vjen deri te kjo, atëherë thuajse nuk ka ndodhur asgjë. Nëse vazhdon, atëherë fillon procedura gjyqësore, seancat dëgjimore, ekspertizat e çka mos”, thotë Pllamenac.

Çfarë thonë të paditurit?

Ish-pushimorja e fëmijëve në parcelën e diskutueshme është quajtur më herët “Ganimete Tërbeshi”, ndërsa më pas “Lahor” – sipas ndërmarrjes me të njëjtin emër, selia e së cilës, pas vitit 1999, është zhvendosur nga Prishtina në Mal të Zi.

Më pas, ndërmarrja është privatizuar dhe shitur, ndërsa ndërtesa e pushimores është shembur.

Tani, në këtë vend është duke u ndërtuar një ndërtesë shumëkatëshe, ndërsa pronar i saj është firma “Sunraf beach properties d.o.o.”, e cila pronën e paluajtshme e ka blerë në vitin 2017, thotë për Radion Evropa e Lirë avokati i firmës, Millan Vujosheviq.

“Pasuria e paluajtshme është blerë të një oferte publike, gjatë procesit të shitjes së aseteve të ‘Nivel Invest’ – në falimentim, dhe oferta e ‘Sunraf beach properties’ është vlerësuar si më e pranueshme, në përputhje me dispozitat e Ligjit të falimentimit”, thotë Vujosheviq.

Sipas tij, ndërmarrja blerëse u ka besuar të dhënave zyrtare shtetërore dhe ligjërisht ka blerë pasuritë e paluajtshme, me pëlqimin e shtetit, përkatësisht të Gjykatës Komerciale.

“Andaj, është e qartë se në këtë proces gjyqësor, ‘Sunraf beach properties’ nuk mund të ketë asnjë pasojë, kur bëhet fjalë për pronësinë e fituar”, beson Vujosheviq.

Budva. Fotografi nga arkivi.

Budva. Fotografi nga arkivi.

Si e paditur, Komuna e Budvës ka kërkuar nga gjykata që ta hedhë poshtë padinë e Kosovës si të parregullt, sepse, siç thotë Pllamenac, provat e bashkëngjitura nuk mund të çojnë në një konstatim, në lidhje me ligjshmërinë e paditësit sa i përket parcelave të diskutueshme.

“Në padinë e tyre, ata i janë referuar Rezolutës 1244 të Kombeve të Bashkuara dhe ne jemi thirrur në atë rezolutë, në UNMIK dhe në Rregulloren për kompetencat e administratës së përkohshme në Kosovë, në qershor të vitit 1999. Sipas mendimit tonë, këto rregullore nuk mund të zbatohen në territorin e Malit të Zi, sidomos në rrethanat kur lënda ka të bëjë me disa përvetësime ose me ushtrimin e së drejtës në patundshmëri. Në këto raste, çështja drejtohet nga ligji i vendit ku ndodhet”, thotë Pllamenac.

Padia e Kosovës është kundërshtuar edhe nga përfaqësuesja e shtetit të Malit të Zi që merret me mbrojtjen e të drejtave të pronës, Bojana Qiroviq.

Ajo është e mendimit se nuk duhet komentuar procedurat që janë në zhvillim dhe as provat që do të jenë subjekt i vlerësimit të lirë të gjykatës.

AKP thotë se Kosova ka 35 prona në Mal të Zi

Agjencinë Kosovare të Privatizimit, thonë për Radion Evropa e Lirë se “Sunraf beach properties“, nuk është aset shoqëror të cilin e administron Agjencia Kosovare e Privatizimit.

“AKP ka në evidencën e saj 163 prona shoqërore që ju përkasin ndërmarrjeve shoqërore të ndryshme nëpër shtete të dala nga ish-Jugosllavia. Prej 163 pronave shoqërore jashtë vendit, shumica janë lokale dhe zyra”, thuhet në përgjigje.

Sipas AKP-së, 35 prona ndodhen në Mal të Zi, derisa në Serbi janë 99.

Aty thuhet se “me përjashtim të Republikës së Serbisë, shtet në të cilin AKP-ja pengohet të ketë qasje ligjore në dokumentacionin administrativ dhe procedura tjera ligjore, në shtetet tjera, AKP-ja zhvillon në vazhdimësi procedura administrative dhe gjyqësore në emër të ndërmarrjeve shoqërore, për posedim ligjor të këtyre pronave”.

Hasani: Kosova nuk mund të kërkojë prona në Mal të Zi

Profesori i së drejtës ndërkombëtare dhe ish-kryetar i Gjykatës Kushtetuese, Enver Hasani, thotë se Kosova nuk mund të kërkojë pronë në Mal të Zi, sepse nuk ka bazë ligjore për këtë.

“Unë nuk mund të besoj se dikush në Kosovë mund të këshillojë Ministrinë tonë të Drejtësisë që të nisë diçka të tillë”, thotë Hasani për Radion Evropa e Lirë.

“Nuk ka kurrfarë baze për një gjë të tillë, sepse kjo nuk është një marrëdhënie privato-juridike. Qeveria e Kosovës, e as shteti i Kosovës, i cili është shpallur më 17 shkurt, 2008, nuk janë pasardhës privatë të së ashtuquajturës SAP Kosova [Krahina Socialiste Autonome e Kosovës dhe Metohisë]. Për të qenë edhe më i sinqertë, kjo që ka ndodhur është turp, sepse Kosova ka avokatë normalë që i dinë gjërat më themelore juridike”, thotë Hasani.

Sipas tij, çështja e trashëgimisë së ish-Jugosllavisë ka përfunduar në vitin 2001 me Marrëveshjen e Vjenës, kur Serbia ka trashëguar prona në emër të Kosovës dhe Vojvodinës.

“Kur Mali i Zi ka shpallur pavarësinë në vitin 2006, pasuria e paluajtshme që i përkiste ish-Jugosllavisë dhe ishte e vendosur në Mal të Zi, me Marrëveshjen e Vjenës të vitit 2001, i përket Malit të Zi. Nuk ka asgjë të diskutueshme nga pikëpamja e së drejtës ndërkombëtare”, thotë Hasani.

blank

“Të rishihen tekstet”, çamët me kërkesë: Çamëria duhet të ketë vendin e duhur në historinë shqiptare

Krerët e Shoqatave dhe Fondacioneve kushtuar Çamërisë kërkojnë rishikimin e teksteve të Historisë në Shqipëri. Në kuadër të ”Javës Çame” është promovuar libri ”Korrespodencë dhe dorëshkrime të Ali Pashë Tepelenës” nga prof.Dr. Irakli Koçollari.

Kryetari i Fondacionit Çamëria ”Hasan Tahsini” kërkoi nga Akademia e Shkencave që në historinë shqiptare të ketë vend të rëndësishëm për spastrimin etnik dhe gjenocidin e shqiptarëve të zonës çame.

Sipas tij, Çamëria duhet të ketë vendin e duhur në Histori dhe jo të ndikohet nga presioni i brendshëm dhe i jashtëm politik.

 

NJOFTIMI ZYRTAR

”Java Çame”, promovohet libri “Korrespodencë dhe dorëshkrime të Ali Pashë Tepelenës” të prof. Dr. Irakli Koçollari.

Alket Veliu: Të rishikohen tekstet e Historisë, Çamëria duhet të ketë vendin e vet

Irakli Koçollari: Historia e Çamërisë, shumë më e lavdishme se ajo që njohim

Në vijim të aktiviteteve të “Javës Çame”, në përkujtim të 77-vjetorit të gjenocidit grek mbi shqiptarët e Çamërisë,  Akademia e Shkencave, Fondacioni Çamëria “Hasan Tahsini” dhe Shoqata Patriotike “Çamëria” promovuan vëllimin e dytë të botimit të librit “Korrespodencë dhe dorëshkrime të Ali Pashë Tepelenës” të Prof. Dr. Irakli Koçollarit. Ky vëllim i është dedikuar shoqatës “Çamëria” që ka kontribuar përherë në kërkimet e identitetit tonë dhe ndriçimin e të vërtetave historike.

Në fjalën e tij, Alket Veliu, kryetar i  Fondacionit Çamëria “Hasan Tahsini” tha se “Java Çame” është java më e rëndësishme e vitit, ku ne kujtojmë viktimat e gjenocidit grek ndaj popullatës shqiptare në Çamëri. Gjatë kësaj jave ne zhvillojmë aktivitete të larmishme historike dhe kulturore.

“Është në nderin e Shoqates Patriotike Çamëria ta ketë pjesë të axhendës së javës çame këte vit promovimin e librit “Korrespodencë dhe dorëshkrime të Ali Pashë Tepelenës”, jo thjesht per faktin që autori  ia ka dedikuar këtë libër shoqatës tonë, për të cilën unë shpreh mirënjohje pa kufi, por edhe për faktin që Prof. Irakliu është një shqiptar patriot,  dashamirës dhe mbështetës konsistent i çështjes çame dhe të drejtave të shqiptarëve të Çamerisë”.

Kryetari i Fondacionit Çamëria “Hasan Tahsini”, Alket Veliu tha gjithashtu se:

“Bashkëpunimi me Akademinë e Shkencave dhe Shoqatës Patriotike Çamëria, Fondacionit Çamëria “Hasan Tahsini” është forcuar dhe unë gjej rastin të falenderoj këtë institucion të nderuar.

Ne dime që Akademia e  Shkencave ka angazhuar disa historianë për të riparë historinë e shqiptarëve dhe ne besojmë që historia e Çamërisë duhet të ketë vendin e vet në historinë e Shqipërisë që nga lashtësia, mesjeta dhe deri më sot. Vend të rëndësishëm duhet të zërë spastrimi etnik dhe gjenocidi mbi shqiptarët e Çamërisë, e njohur kjo zyrtarisht edhe nga parlamenti shqiptar.

Padyshim vëmendje të veçantë duhet kushtuar edhe për lëndën e historisë së Shqipërisë në tekstet shkollore dhe besojmë që roli i Akademisë së Shkencave duhet të jetë aktiv në mënyrë që mos të jetë presioni i politikës së brendshme apo të jashtëme ai që duhet të diktojë shkruajtjen e historisë së Çamërisë”.

Ndëra prof.dr. Irakli Koçollari në fjalën e tij tha se në pjesën më të madhe të këtij vëllimi përmblidhen dokumente të panjohura për zhvillimet në krahinën e Çamërisë, për ngjarje të cilat ndikuan jo pak në rrjedhat e mëvona të historisë së saj.

“Kur Shqipëria dhe shqiptarët e Çamërisë të njihen me këtë fond arkivor dokumentash kaq të madh dhe të pasur do të rikonfirmojnë se historia e tyre është shumë e lavdishme nga ajo që ne njohim deri tani për Çamërinë. Kjo korrespodencë e Ali Pashës tregon shumë për historinë e asaj kohe të shqiptarëve të Çamërisë, qytetërimin, zhvillimin, tregëtinë deri tek emrat e familjeve çame, marrëdheniet shoqërore dhe tregtare. Ka letra dhe dokumenta të cilat flasin, për moralin, për familjen, për zakonet dhe tradita e Çamërisë, për raportet midis fshatrave të kësaj krahine, për normat dhe traditat zakonore të saj në këto dy shekuj. Me këtë korespodencë ne kemi një pasuri aq të madhe, për tërë jetën për historinë e Çamërisë, të cilat janë ende të pastudjuara dhe që mund të bëhen studime me tematika të veçanta për të thënë të vërtetën në mënyrë të denjë, se çfarë është dhe ka qenë Çamëria”– u shpreh prof.dr. Irakli Koçollari

Prof.dr. Irakli Koçollari tregoi se rëndësia e këtij dokumentacioni është se ai është shkruar nga shqiptarë.

“Unë kam gati 10-12 vjet që merrem me këto dokumente dhe kam zbuluar faktë të rëndësishme. Pas vdekjes së Ali Pashë Tepelenës dokumentacioni iku në Stamboll dhe për gati një shekull, nga viti 1822- 1920 ai qëndroi i panjohur. Në 1920 Jani Hoxhi, nipi i patriotit Koto Hoxhi arriti ta skedonte këtë dokumentacion. Pas vdekjes së tij askush nuk tregoi interes dhe deri në vitin 1972, kur një akademik grek arriti të zbulonte rëndësinë e dokumentacionit. Këto dokumenta janë 90 përqind të shkruara nga dora e shqiptarëve dhe kjo ka një rëndësi shumë të madhe sepse deri tani, historia e shqiptarëve edhe ajo e Çamërisë është e shkruar nga të huajt. Kjo ka shumë rëndësi se të huajt shkruajnë nga mentaliteti i tyre dhe nuk na njohin ne siç dimë ne të njohim njëri-tjetrin. Kjo është e vërteta e historisë sonë, por edhe e shqiptarëve të Çamërisë”.

Të pranishëm në këtë aktivitet ishin akademikë, profesorë, historianë e studiues, si Hajredin Isufi, Pëllumb Xhufi, Ksenofon Krisafi, të cilët në fjalën e tyre theksuan rëndësinë e studimit dhe shkruajtjes së historisë dhe kujdesin që duhet treguar jo vetëm për Çamërinë por edhe për historinë e Shqipërisë.

blank

SHBA: Çështja e Ujmanit të rregullohet sipas traktatit të lumit Kolumbia

RFE/RL

Shtetet e Bashkuara u kanë dorëzuar Qeverisë së Kosovës dhe asaj të Serbisë, studimin e fizibilitetit për Liqenin e Ujmanit.

Në një postim në Twitter të Ambasadës amerikane në Kosovë thuhet se raporti i Departamentit amerikan të Energjisë – Laboratori Kombëtar “Veriperëndimor i Paqësorit”, shënon përmbushjen e një nga angazhimeve të Marrëveshjes së Uashingtonit të arritur më 4 shtator 2020.

Raporti propozon formimin e një komisioni apo komiteti për lumin Ibër që do të ndihmonte diskutimin midis palëve për mundësitë e menaxhimit të burimeve ujore.

Ujmani është një liqe artificial i ndërtuar në shtratin e lumit Ibër, në veri të Kosovës.

“Në propozojmë që Kosova dhe Serbia të marrin në konsideratë aranzhimet teknike nga traktati ndërmjet SHBA-së dhe Kanadasë për lumin Kolumbia në lidhje me furnizimin me ujë, të agjencive të energjisë dhe kontrollimit të përmbytjeve duke modeluar nevojat institucionale për të mbështetur një komision të tillë edhe për lumin Ibër”, thuhet në dokument.

Aty theksohet se sistemi i Ujmanit duket se luan një rol të njëjtë të digës në lumin Kolumbia në Paqësorin Veri-Perëndimor në Shtetet e Bashkuara sa i takon kontributit të tij për shërbimet e ruajtjes për furnizimin me ujë sezonal, energjisë dhe në shërbimet e kontrollit të përmbytjeve.

Traktaki i lumit Kolumbia është arritur në vitin 1961 midis Kanadasë dhe Shteteve të Bashkuara. Sipas kësaj marrëveshje u ndërtuan katër diga: tri në Kanada dhe një në shtetin Montana në SHBA.

Sipas Departamentit amerikan të Shtetit, traktati mundëson menaxhimin e rrezikut nga përmbytjet dhe ofron përfitime thelbësore për miliona njerëz në të dy anët e kufirit.

“Traktati ka lehtësuar përfitime shtesë si ujitja, përdorimi i ujit për nevoja lokale, përdorimi industrial, lundrimi dhe rekreacioni”, thuhet në ueb faqen e DASH-it.

blank

Infografikë

Shtrirja e Liqenit të Ujmanit

Më 4 shtator 2020, Kosova dhe Serbia kanë nënshkruar në Shtëpinë e Bardhë në Uashington, dy dokumente për normalizimin e raporteve ekonomike, në prezencë të ish-presidentit amerikan, Donald Trump. Ato u ndërmjetësuan nga i dërguari i atëhershëm i Trumpit për dialogun, Richard Grenell.

Marrëveshja përfshin një sërë projektesh ekonomike, si ndërtimi i autostradës, i linjës hekurudhore dhe nisja e fluturimeve Prishtinë-Beograd. Në këtë marrëveshje, palët ishin pajtuar që SHBA-ja të kryejë studim fizibiliteti në Liqenin e Ujmanit me “me qëllim të përdorimit të përbashkët të Liqenit të Ujmanit, si furnizues i sigurt i ujit dhe energjisë”.

Më 20 tetor, një ditë pasi Qeveria e Kosovës miratoi Planin e zbatimit të marrëveshjes së Uashingtonit, në Kosovë qëndroi një delegacion amerikan me qëllim të bisedimeve për studimin e fizibilitetit për Ujmanin.

Në procesin e dialogut, Serbia kishte insistuar vazhdimisht që menaxhimi i Ujmanit të jetë në kompetencë të Asociacionit të komunave me shumicë serbe, gjë të cilën e kishte refuzuar kategorikisht pala kosovare.

Ky liqe konsiderohet pikë strategjike vitale për Kosovën, pasi pos tjerash, aktualisht furnizon me ujë, një zonë me mbi 500 mijë kosovarë. Nga Ujmani furnizohen me ujë 7 komuna, në jug dhe veri të lumit Ibër; Mitrovica e Jugut, Mitrovica e Veriut, Zveçani, Vushtrria, Gllogoci, Skenderaj dhe një pjesë e Prishtinës.

Pos tyre, termocentralet “Kosova A” dhe “Kosova B”, “Trepça” dhe “Ferronikeli” varen tërësisht nga furnizimi me ujë nga ky liqe artificial. Po ashtu, prodhohen edhe 32 megavat (MË) rrymë në hidrocentralin e Vallaçit.

blank

blank

Artan Fuga: Vera s’do të jetë e qetë, nëndhe luhen negociata e aleanca të mëdha

Akademiku Artan Fuga i ftuar në rubrikën ”Opinion” në News24 ka paralajmëruar një verë aspak të qetë për politikën.

Ai thotë se në dukje duket se deri në shtator nuk do të ketë evente të rëndësishme politike, por nëndhe luhen tensione, negociata, aleanca e konflikte të mëdha.Për Fugën, Shqipëria është rast unikal në Europë pasi këtu janë mpleksur procese juridike të ndërtimit të sistemit të drejtësisë me marrëdhëniet politike me marrëdhenie ndërkombëtare dhe gjeopolitike.

”Është e pamundur ta parashikosh, e pamundur ta parashikosh për arsye sepse ka disa gjëra që janë në proces. është organizimi i Kongresit të PD a Kuvendi Kombëtar, është në proces si të thuash shqyrtimi nga Gjykata Kushtetuese lidhur me votimin për shkarkim të Presidentit të Republikës nga Kuvendi, janë në proces tensionet për procedurat lidhur me të, hapja ose jo e bisedimeve për çeljet e negociatave për integrimin e Shqipërisë.

Një sërë çështjesh të tjera që më duket se në ndryshim nga vitet e tjera, kjo verë besoj se nuk do jetë aq e qetë, aq më shumë kemi dhe ankthe në thonjëza, sociale, kolektive, politike lidhur me atë nëse opozita, pra PD dhe aleatët e saj do të marrin këtë apo atë vendim lidhur me pjesëmarrjen apo jo të tyre në kuvendin e ardhshëm që hapet në shtator, dhe po kështu mund të numërohet si formimi i qeverisë së ardhshme, ministrave, riorganizimi, marrëdhëniet brenda forcës drejtuese qeveritare, jemi në një proces shumë të rëndësishëm sa i përket vendimmarrjes në GJK për zgjedhjet e pushtetit lokal të kërkuara për tu shqyrtuar nga shoqata e Bashkive, tensionet brenda kësaj Shoqate, suspense të tjera, si ato që kanë të bëjnë me faktin që nëse presidenti i republikës do të vazhdojë të kryejë funksionet e tjera, cili është raporti i tij me mandatin, Kushtetuta që i cakton atij, paracakton për tia dhënë zotit Rama si kryetar i kësaj force.
Mbledhur gjitha këto faktorë bashkë, edhe sikur të duket që jeta politike do të jetë pak evente politike të rëndësishme, mendoj se nëndhe siç i thonë puristët, nënë dhe, luhen tensione të mëdha, negociata të mëdha, luhen aleanca, konflikte të mëdha. Duket sikur ariu fle, por ai nuk fle.”- tha Fuga.

Akademiku shton se Shqipëria nuk është ende një shtet demokratik, teksa thekson se tre pushtetet ekzekutivi, legjislativi dhe gjyqësori këtu nuk janë të ndara pasi sa herë vijnë zgjedhjet në vend ka tensione sociale, politike dhe përplasje.

”Jam dakord me ju që në raportin midis opozitës dhe PS në pushtet, pra që ta bëjmë më të kuptueshme, nuk besoj se do ketë ngjarje, janë në shtator. E kam thënë gjithmonë se marrëdhënia opozitë-pushtet është një nga dimensionet politike të një vendi. Këtu aktualisht në Shqipëri janë të mpleksura dhe ky është rast shumë interesant për të kuptuar historinë e kaluar të Shqipërisë, një rast besoj shumë unikal në Europë, janë të mpleksura procese juridike të ndërtimit të sistemit të drejtësisë me marrëdhëniet politike me marrëdhenie ndërkombëtare dhe gjeopolitike të cilat të gjitha janë bashkë. Jetojmë në një shtet që natyrë të pastër kombëtare nuk ka. Nuk jam i sigurt se sa gjithë klasa politike sidomos opozita e ka ndërgjegjësuar këtë gjë. Lidhet me tre faktorë të mëdhenj, e para, Shqipëria sikur unë mbështetem shumë në analiza, sidomos në punimet e tij teorike të qytetarimeve, kemi ardhur në një moment që duhet ti kthehemi ideve të mendimtarëve të natyrës pluraliste. Shqipëria ndodhet në një zonë sizmiologjikisht sizmike, është mes ekuilibrave të mëdha planetare. Dhe e gjithë kjo gjeopolitikë së dyti lidhet me atë që çfarë e pret një të ardhme disaditore fatin e ecurisë së procesin e integrimit europian të Shqipërisë.
E treta, sistemi i drejtësisë, për të mbajtur në ekuilibër, shikon nga partnerët ndërkombëtarë. Qofshin Brukseli, Strasburgu.
Unë mendoj që po ta shikojmë pak, unë mendoj që në vitet 90 e deri tani në 2021 proceset demokratizuese të Shqipërisë, se unë nuk e quaj personalisht një shtet demokratik Shqipërinë, është shtet në procese demokratizuese, kanë kuptim tjetër pasi mbrapa mbajnë edhe elementë diktatorialë, tiranikë, populistë. është një luhatje Shqipëria. Problemi ynë është që sistemi politik në Shqipëri dhe përtej sistemit politik, sistemi i qeverisjes normalisht vazhdon të mos ketë një vetërregullim të brendshëm. Nuk ka një vetërregullim të brendshëm për arsyen se pushtetet dhe po marr tre pushtetet që kanë të bëjnë me formën e organizimit të shtetit, gjyqësori, sistemi i drejtësisë, Kuvendi ose legjislativi dhe pushteti ekzekutiv, ky i fundit i dobët, dhe legjislativi sa e ka, është dhe Presidenti me ato elemente që ka, por shumë të dobët. Këta 3 pushtete nuk janë të ndarë. Nuk arrijnë dot të ekuilibrojnë njëri-tjetrin. Aq shumë nuk janë të ekuilibrojnë njëri-tjetrin, sa sa herë afrohen zgjedhjet ka tensione sociale, politike, përplasje.”- theksoi më tej ai.

blank

Ardian Vehbiu do të keni emrin gjithmonë të një akademiku të palavdishëm, por honoraret do t’i shijoni sa të jeni gjallë Nga Agron Dalipaj

(M)BURRËRIMI I ANTIPELLAZGËVE… dhe akademiku i vrerosur Ardian Vehbiu…
Posa veshi qyrkun e akademikut të jashtëm të Akademisë së Shkencave të Shqipërisë, z. Ardian Vehbiu mprehu shpatën dhe iu sul gjithë armiqëve të akademisë (ku u antarësua, siç përflitet, me motivacionin “”për veprimtari të shquar me blogun e tij “peizazhe të fjalës””). Tashmë Vehbiu, nga pozicioni i “akademikut të pastër”, është angazhuar të kurojë fytyrën e zhubravitur si mos më keq të ASH në opinionin publik. Sipas tij, nami i keq i ASH është krijuar nga amatorët e albanologjisë, të cilët i kanë rrëmbyer famën ASH-së dhe atij vetë…
Edhe pse te artikulli “zhgënjimi i pellazgëve” postuar te blogu i tij dt. 14 qershor 2021 nuk përmend kurkund emrin e ndonjë armiku të ASH-së, ata kuptohen sepse ai u përmend veprat. Dalëzotësi i ASH, z. Vehbiu, me kast e fillon sulmin e tij me shpotinë për “gjuhën kozmike” dhe mandej, duke i futur të gjithë “antiakademikët” në një thes, bën “demaskimin” e tyre në grup me mendësinë e një paleokomunisti të sprovuar. Vehbiu përdor strategjinë e pështirë të hakmarrjes në grup dhe duke i përtallur të gjithë amatorët e albanologjisë sikur ata të ishin të padallueshëm nga njëri tjetri.
E vërteta është se ka amatorë, që me “veprat e tyre albanologjike” e kanë hak të përqeshen, porse Akademisë së Vehbiut dhe vetë këtij, këta nuk i prishin punë e ata vetëm se u shërbejnë për të stigmatizuar të tjerët që kanë vepra serioze dhe nxjerrin aut pseudoshkencën e anëtarëve të ASH.
Vehbiu përtallet me të gjithë “kundërakademistat”, por nuk përmend emra. Në dukje duket sikur godet një fenomen qesharak albanologjik, por “harron” se tashmë është antar i akademisë së Gjinushit… dhe për ta sjellë me këmbë në tokë duhet t’i bëjmë ca pyetje:
1. Z. Vehbiu, ju lutemi, a mund të na përmendni titullin e një vepre shkencore të kryetarit tuaj të ASH?
2. Si e shpjegoni faktin, që Aleks Buda për 21 vjet kryetar i ASH, nuk mundi të botojë një libër shkencor dhe a e meriton ai bustin para ASH?
3. Z. Vehbiu, a është e vërtetë se ju do jeni redaktori i veprës së parë të Gjinushit me titull: “ndikimi i skafizmit shqiptar në europianizimin e popujve të lindjes”?
4. Z. Vehbiu, a pajtoheni ju me përfundimin “shkencor” të akademikëve profesionistë të ASH se shqipja është 93% gjuhë me leksik të huazuar?
5. Z. Vehbiu, si e shpjegoni faktin se vepra e Eqrem Çabejit “studime etimologjike në fushë të shqipes” ka kaluar pa recensë e oponencë shkencore e megjithatë pranohet e quhet si vepra më e madhe shkencore e tij?
6. Z. Vehbiu, për cilën vepër shkencore tuajën jeni pranuar si antar i jashtëm i ASH dhe sa e njohur dhe e shitur është vepra juaj e çfarë ndryshimi ka sjellë ajo në mendimin shkencor akademik?
7. Z. Vehbiu, përse ASH dhe ju nuk jeni shprehur kurrë ndaj veprës shkencore të Petro Zhejit dhe pse e mbuloni me heshtje?!
8. Përse ASH dhe ju nuk shpreheni për veprën madhore shkencore në albanologji të Niko Stilos dhe përse ASH ia heq vazhdimisht veprën nga konkurimi?!
9. Z. Vehbiu, sa dhëndurrë të ish byroistëve të Byrosë Politike të KQ të PPSH janë sot antarë të ASH dhe a ndjeheni komod mes tyre?
10. Z. Vehbiu, njerëzit me prurje shkencore fitojnë vetiu publicitet për shkak të arritjeve të tyre, të cilat sjellin ndryshime në shoqëri (kjo nuk ndodh me ju) dhe ju sapo jeni shpallur akademik, a mund të na sugjeroni një vepër shkencore tuajën dhe ku mund ta gjejmë?!
11. Z. Vehbiu, në shkrimin tuaj “zhgënjimi i pellazgëve” ankoheni për popullaritetin e amatorëve (si unë), po juve kush dreqin ua ndalon popullaritetin?! Apo fati i keq?!
12. Z. Vehbiu, vërtet mendoni se duke sulmuar amatorët e albanologjisë do rregulloni imazhin e ASH?!
Në mbyllje të këtij shkrimi, do i them akademikut Vehbiu të mos mërzitet për mungesën e popullaritetit sepse popullaritetin e fitojnë vetëm njerëzit me prurje të spikatura. Edhe Molierin në gjallje të tij nuk e pranuan antar të Akdemisë Franceze, porse ne nuk i njohim sot emrat e atyre akademikëve francezë që kundërshtuan antarësimin e tij. Sa dhe Hygoi shkroi për Molierin: “lavdia e tij nuk kish nevojë për njohjen tonë. Ne kishim nevojë për lavdinë e tij”.
Z. Vehbiu kënaquni me arritjen tuaj si anëtar i ASH dhe mos e tregoni sekretin se si u bëtë akademik. Ju do keni vërtet gjithmonë emrin e një akademiku të palavdishëm, ama do shijoni titullin tuaj dhe honoraret sa të jeni gjallë.
Mos u mërzit për palavdinë e pasvdekjes. Ngushëllohu. Nuk je i vetmi që do harroesh.
Në botën e shkencës janë të njohur:
1. Ata që bëjnë zbulime të mëdha e të vogla shkencore (ku ju z. Vehbiu nuk keni asnjë qasje).
2. Ata që marrin tituj si profesorë të mëdhenj duke shkruar “vepra shkencore” rreth atyre që kanë bërë zbulime shkencore (këtu hyni dhe ju z. Vehbiu).
Mendojmë se ASH, ky organizëm antishqiptar, nuk do mundet të ndryshojë opinionin e keq mbarëkombëtar që është krijuar për të dhe s’ka asnjë akademik që mund ta ndihmojë. Edhe z. Vehbiu shumë shpejt do heshtë. Do heshtë sepse heshtjen do ia kërkojë Gjinushi dhe duke qenë se titullin akademik e ka dhuratë, do respektojë dhuruesin. Përndryshe, një akademik që nuk është akademik, nuk mund të mendojë e veprojë ndryshe nga tufa e bagëtive akademike të ASH, ku për hir të së vërtetës ekziston vetëm një akademik për t’u respektuar (Artan Fuga).
Z. Vehbiu, thuhet se “mjekra nuk bën shkencëtarin”, por dhe shkencëtari pa mjekër nuk ka lezet. Ju keni vërtet një mjekër të hatashme dhe po të punoni shumë mund të bëheni edhe shkencëtar. Si është me shëndet berberi juaj në Nju Jork?
blank

Foto e ditës: Pandorën e vogël e ka marrë malli për gjysh Moikomin dhe shmallet me fotografinë

Në promovimin e librit “Me Moikomin” me autor Enver Kushi, tek “Qendra e Solidaritetit” që u zhvillua në Fundjavë Ndryshe në Brar, Tiranë,  në kujtimin e një vjetorit të ndarjes nga jeta, mori pjesë edhe Pandora e vogël, vajza e Epidamnit, mbesa e Moikomit. Të dy duheshin shumë. Duket qartë se Pandorën e vogël e ka marrë malli për gjyshin dhe shmallet me fotografinë.

 

blank

 

blank

Abilekaj- ambasadores Kim: Nëse nuk flet dot për shtetin personal të Ramës, mos fol për median

Kritikat që i bëri ambasadorja amerikane Yuri Kim mediave për shkak të vetingut ndaj prokurores Elisabeta Imeraj, janë pritur me zemërim nga gazetarët.

Analisti Enton Abilekaj shkruan se ambasadorja nuk flet dot për shtetin personal të Ramës, por po sulmon mediat.

Postimi i Enton Abilekajt:

Është hera e dytë që Ambasadorja Kim fajëson mediat. Hera e pare ishte në Opinion, për çështjen e Ylli Ndroqit dhe tani për Elisabeta Imerajn. Mediat i fajëson, politikën jo, pasojën e fajëson, shkakun jo. Nëse mediat kanë frikë, apo janë të shitura, apo kanë konflikt interesi, ndodh sepse politika i ka vënë në këtë  pozite, me presionin dhe joshjen, me bllokimin dhe subvencionimin.

Më e rëndesishme akoma është që nuk janë gazetarët ata që i bëjnë presion KPK të kalojë prokuroren, nuk janë gazetarët ata që i bëjnë  presion Komisionit Publik të mos e çojë kërkesën në KPA, dhe nuk do jenë gazetarët ata që do t’i bejne presion KPA për të dhënë vendimin.

Nese nuk flet dot per Maxhorancen dhe Shtetin personal të Edi Ramës, nuk ka pse të flasë për median, që ështe vetëm pasoja e tij. Dosja. al nuk preket drejtpërdrejt nga keto fjalë, sepse hyn në ato pak media që nuk ka censuruar asnjë nga lajmet në fjalë dhe asnjë lajm tjetër, por të merresh me hallkën më të dobët që vuan për shkak të sistemit dhe të mos merresh me sistemin, nuk e ndihmon vendin. Syri.net

blank

FMN: Vaksinimi dhe diaspora mund ta rrisin ekonominë 5-6 për qind

Nadie Ahmeti

Nisja e procesit të vaksinimit të qytetarëve në Kosovë kundër sëmundjes COVID-19 dhe ardhja e qytetarëve të cilët jetojnë jashtë vendit, kanë shtuar shpresat për rritje ekonomike dhe përmirësim të zhvillimit ekonomik pas pandemisë.

Vaksinimi i popullatës në Kosovë dhe rihapja e kufijve mund të çojë në rritje ekonomike deri në 6 për qind, brenda vitit 2021, ka parashikuar Fondi Monetar Ndërkombëtar (FMN).

Sipas shefit të këtij ekipit të FMN-së që bëri raportin për Kosovën, Gabriel Di Bella, rritja mund të ndodhë nëse programi i vaksinimit është i suksesshëm.

Gjithashtu, një rihapje e kufijve që mundëson ardhjen e diasporës në sezonin e verës u pa si shtysë në rritjen e aktivitetit ekonomik.

“Nëse realizohet, përfitimet ekonomike në vitin 2021 duhet të kompensojnë humbjet prej 4 deri në 5 për qind të shkaktuara nga pandemia në vitin e kaluar”, tha ai.

Në anën tjetër, rritja e numrit të infektimeve si pasojë e varianteve të reja të COVID-19, parashihet të rrezikojë rritjen ekonomike.

Sipas FMN-së, forcimi i infrastrukturës sociale, promovimi i digjitalizimit dhe zvogëlimi gradual i ndotjes dhe gjurmëve të karbonit në Kosovë do të kontribuojnë në rritjen më të shpejtë të kapitalit njerëzor, produktivitetin dhe përgatitjen e ekonomisë për sfidat post-pandemike.

Pamundësia e bizneseve në Kosovë për të ushtruar aktivitetin e tyre në mënyrë normale, vitin e kaluar, ndikoi në punësimin dhe të ardhurat e qytetarëve, duke ndikuar kështu në mënyrë të drejtpërdrejtë në rënien ekonomike.

Sipas Bankës Qendrore të Kosovës (BQK), për 13 vjet, Kosova ka pranuar afër nëntë miliardë euro remitenca.

Në Kosovë, në vitin 2020, vlera e remitencave, sipas të dhënave të BQK-së, ishte rreth 940 milionë euro. Kurse në tremujorin e parë të këtij viti, vlera e remitencave kap shumën e mbi 200 milionë eurove.

Për dy javë, në Kosovë erdhën 40.000 persona nga diaspora

Vetëm brenda dy javëve të fundit, sipas informative zyrtare, mbi 40.000 qytetarë nga diaspora kanë hyrë në Kosovë përmes Aeroportit Ndërkombëtar të Prishtinës “Adem Jashari”.

Kurse, deri më 22 qershor, në Kosovë janë administruar mbi 140.000 doza të vaksinave kundër COVID-19.

Kosova vazhdon të jetë një nga vendet me numrin më të vogël të të vaksinuarve në Evropë.

Qeveria ka thënë se deri në fund të vitit planifikon të vaksinojë 60 për qind të popullsisë.

Niveli i rritjes ekonomike deri në 6 për qind, rezulton me rimëkëmbje më të shpejtë ekonomike sesa parashikimet në fillim të shfaqjes së pandemisë, thotë Arian Zeka, kryeshef ekzekutiv në Odën Ekonomike Amerikane në Prishtinë. Edhe Zeka shprehet se në këtë rritje, pashmangshëm do të ndikojë ardhja e qytetarëve që jetojnë jashtë vendit, për pushime në Kosovë.

“Duke u bazuar edhe nga praktikat e viteve të kaluara, ardhja diasporës pashmangshëm do të reflektojë në aktivitete të shtuara ekonomike dhe natyrisht edhe në një rritje të gjithëmbarshme të qarkullimit te ndërmarrjet private. Rrjedhimisht edhe te një normë më e kënaqshme e zhvillimit ekonomik, përtej asaj që fillimisht ka parashikuar Banka Botërore, që duket të jetë më pak optimiste sesa kjo e cila është parashikuar nga Fondi Monetar Ndërkombëtar”, thekson Zeka për Radion Evropa e Lirë.

Në raportin e fundit të Bankës Botërore është thënë se rritja në vendet me ekonomitë me të ardhura të ulëta këtë vit, parashikohet të jetë më e ngadalta në 20 vjetët e fundit. Këto shtete me këtë ekonomi, parashikohet ta kenë një rritje prej 2.9 për qind në vitin 2021, para se të arrijnë në 4.7 për qind në vitin 2022.

Gjatë pandemisë ekonomia e Kosovës ra 7 për qind

Profesori i ekonomisë, Muhamet Mustafa, njëherësh këshilltar i lartë në Institutin Riinvest, thekson se me parashikimin për rritje të nivelit ekonomik deri në 6 për qind, Kosova do kthehet në nivelin ku ka qenë në fund të vitit 2019. Megjithatë, ai shprehet se ka indikacione të përmirësimit të situatës ekonomike. Përveç ardhjes së diasporës, Mustafa thotë se ka edhe rritje të qarkullimit dhe eksportit të mallrave.

“Por, a do të vazhdojë edhe vitet e ardhshme ky ritëm, kjo varet edhe nga rritja e investimeve në ekonomi, produkte dhe shërbime të reja. E kjo kërkon një mjedis biznesor shumë më të mirë, në aspektin e zbatimit të ligjit, luftës kundër korrupsionit dhe në aspektin e stabilitetit politik dhe imazhit të vendit. Do të thotë, na duhet një seri faktorësh të ndërlidhur, që duhet të sigurojmë për të arritur në një shkallë ku zhvillimi do jetë i qëndrueshëm. Zhvillimi i qëndrueshëm është rreth 7 për qind për më shumë se një dekadë, në mënyrë që Kosova të jetë në një nivel më të qëndrueshëm ekonomik dhe më cilësor sesa tani”, thekson Mustafa.

Rritja ekonomike mesatare në Kosovë prej vitesh sillet deri në 4 për qind. Sipas raporteve vjetore të Bankës Qendrore të Kosovës, ekonomia e Kosovës në vitin 2019 kishte shënuar rritje reale prej 3.9 për qind. Për vitin 2020, kjo rritje ishte parashikuar të ishte 4.2 për qind, por si pasojë e pandemisë, ekonomia e Kosovës ka pasur rënie deri në – 7 për qind.

Qeveria nuk tregon planin për investimet publike

Rritja ekonomike në Kosovë varet edhe nga investimet publike, thotë Arian Zeka, sipas të cilit, qeveria ende nuk ka bërë publike vlerën e këtyre shpenzimeve.

“Nuk është shumë e qartë nga ajo që është paraqitur nga ana e qeverisë, se cili do të jetë vëllimi i shpenzimeve publike, në çfarë mase do të shohim projekte infrastrukturore, në të cilat do të investohet. Kjo si duket mbetet ende e paqartë, natyrisht duke e ditur se mjetet e buxhetit janë dashur të orientohen në drejtime të tjera, kryesisht në mbështetje të ndërmarrjeve të vogla dhe të mesme të goditura nga pandemia, dhe natyrisht qytetarët e afektuar nga pandemia”, thekson ai.

Situatën aktuale ekonomike, ministri i Financave dhe Transfereve, Hekuran Murati, e ka quajtur mjaft premtuese dhe të mirë. Në një seancë para deputetëve në Kuvendin e Kosovës, ai ka është shprehur se ka rikthim të aktivitetit ekonomik dhe me ardhjen e diasporës, me shpenzimin e atyre mjeteve të akumuluara gjatë kohës së pandemisë, sipas tij, pritet që këtë vit Kosova të ketë përformancën më të mirë ekonomike në dy dekadat e fundit, sa u përket të hyrave, rrjedhimisht zhvillimit ekonomik.

blank

Nuk ka hapje negociatash për Shqipërinë. Ministrat e jashtëm të BE e heqin nga axhenda, shkak kundërshtimi i Bullgarisë për Maqedoninë e Veriut

Të martën do të diskutohet procesi i zgjerimit në Luksemburg në takimin e Këshillit të Çështjeve të Përgjithshme të BE-së, por nuk pritet ndonjë vendim i rëndësishëm, për vendet që presin zyrtarizimin e fillimit të negociatave. Dhe Shqipëria këtë herë duket se penalizohet nga Maqedonia e Veriut.

Sipas burimeve të Radio Evropa e Lirë janë shuar të gjitha gjasat që në këtë takim të miratohen kornizat për negociatat e anëtarësimit me Shqipërinë dhe Maqedoninë e Veriut. Kjo për shkak se Bullgaria nuk ka hequr dorë nga kundërshtimi për Maqedoninë e Veriut dhe si pasojë disa vende nuk dëshirojnë që të diskutohet dhe vendoset vetëm për Shqipërinë.

Sipas vlerësimit të Komisionit Evropian të dyja këto vende kandidate i kanë përmbushur të gjitha kushtet për nisjen e negociatave të anëtarësimit, por vendimi për një hap të tillë merret në Këshill vetëm nëse të gjitha 27 vendet anëtare të BE-së bien dakord për një gjë të tillë. Të martën do të zhvillohen të ashtuquajturat konferenca ndër-qeveritare mes BE-së dhe Malit të Zi, dhe BE-së me Serbinë.

Ato do të jenë vetëm të karakterit politik dhe nuk do të përfshijnë hapjen apo mbylljen e ndonjë kapitulli negociues. Sakaq, Ministrat e Jashtëm të Bashkimit Evropian kanë nisur takimin e tyre në Luksemburg për një sërë temash, që nga situata në Bjellorusi dhe deri te dialogu mes Kosovës dhe Serbisë.

blank

Shteti nuk eshte loder argetimi?! – Nga Skënder MULLIQI

Eshte shumë jo morale dhe antikombëtare per gjithe ata të cilët nuk e mbrojnë shtetin e ri te Kosoves!Rrënimi i shtetit është i dënueshëm më kushtetutë .Ligjet nuk bëhën vetëm për të qenë në letër, ato duhet të zbatohën.Me paraqitjet dy ftyrëshe para medieve publlike, nuk mbrohet reputacioni I shtetit dhe nuk mbrohet as kauza kombëtare.Ata që nuk e mbrojnë shtetin duhet të ndërrohen nga pushteti.Grupet politike që I krijuan pas luftës , bashkëpunuan ndërmjet veti, vetëm kur bëhët fjalë për mbrojtjën e kauzës së përfitimëve përsonale , e jo sa duhet edhe për mbrojtjën e kauzës kombëtare .Duhet të mësohemi gjithashtu së për gabimet edhe të vogla duhet të bëhën ndryshimet në pushtet.Të shkojnë nga postët ministra dhe mbarë struktura qeveritare .Vëtem në këtë formë mund të bëjmë shtet ligjor dhe shtet funksional.Vendimet që merren duhet të janë konform Kushtetutës të Kosovës, e jo ndryshe.Të largohen nga foltorët ata që po I nëpërkëmbin vlerat kombëtare .Nuk mbrohet Republika më matrapazë dhe diletantë politikë. Nuk ka pardon kurrë rezikohet shteti dhe interesat kombëtare .Nuk vdiqën shumë martirë , dëshmorë dhe heronjë të kombit , që të rrëzohet e ardhmja jonë .Më metodat e shantazhit, paftyrësive, ndërskamcave , dyftyrësive apo edhe më shumë ,nuk arrihen objektivat e shtëtndërtimit dhe të mirëqenjës.Politikanët të cilët nuk ju përmbahën parimeve morale dhe kombëtare , nuk meritojnë të drejtojnë as një BT, e jo më shtetin.Pasojat e politikave të mbrapsha tashmë po I shohim të gjithë.Nuk guxojmë të bëhëmi shëmbull për të keq.Nuk guxojmë të mbesim në pozicionet e ngurta politike.Vendi ka nevojë për reforma përmbajtësore, ka nevojnë për përsonalitete të kompletuara të cilët , gjejnë rrugën e prosperitetit dhe të zhvilimit të gjithëmbarshëm.Kosova ka nevojë për njerëzit të cilët na inkuadrojnë në strukturën e BE-së. Shteti nuk është lodër argëtimi.Kosova më në fund më pushtetin e ri plebishitarë, e ka rastin dhe mundësinë të zgjidhë të gjitha problemet, edhe pse për këtë duhet pasur durim dhe kohë, sepse grupet e deritashme përfituese në pushtet,na i kan bërë llugë punët…

blank

Analiza e Bugajskit: Stabiliteti i Ballkanit e kërkon marrëveshjen Kosovë – Serbi

Janusz Bugajski, anëtar i kahmotshëm i Qendrës për Analizën e Politikave Evropiane (CEPA) në Washington beson se stabiliteti i Ballkanit ka nevojë për marrëveshjen përfundimtare ndërmjet Kosovës dhe Serbisë. Negociatat ndërmjet dy shteteve, të cilat kanë rifilluar të martën e javës që shkoi në Bruksel, Bugajski i konsideron çelës për stabilitetin në rajon.

Në analizën e publikuar në mediumin amerikan, Washington Examiner, eksperti i çështjeve politike kërkon rol më aktiv të SHBA-së në procesin e dialogut mes Kosovës dhe Serbisë, në mënyrë që të mund të arrihet një marrëveshje finale, e që pa të cilën, ai sheh mundësinë që rajoni i Ballkanit të përfshihet në një konflikt të ri, transmeton Gazeta Express.

 

“Pa një marrëveshje mbi njohjen reciproke si shtete të pavarura, mosmarrëveshja e ndezur do t’i zhvendosë kufijtë, do ta kufizojë zhvillimin ekonomik dhe do ta përjashtojë integrimin në BE. Që bisedimet të kenë sukses, administrata e Bidenit duhet ta luajë një rol më aktiv në proces. Ndërsa BE-ja shikohet në rajon si e ndarë dhe jo e besueshme, Shtetet e Bashkuara mbajnë besueshmërinë për shkak të rolit të tyre udhëheqës në zgjidhjen e konflikteve të mëparshme ballkanike”, shprehet Bugajski.

Ai nënvizon rolin e Rusisë në politikën anti-Kosovë të Serbisë, ndërsa thekson nevojën e shmangies së një konflikti të ri.

“Administrata e Bidenit ka konfirmuar se njohja e ndërsjellë ndërshtetërore midis Serbisë dhe Kosovës është zgjidhja e vetme e zbatueshme. Pranimi i kufijve përfundimtarë do ta lejojë zhvillimin ekonomik në të dy shtetet dhe do t’ië pengojë ndërhyrjet e korruptuara rajonale të Kremlinit. Pa një marrëveshje dypalëshe, rajoni mund të hyjë përsëri në konfliktin e nxitur nga ambiciet nacionaliste serbe dhe shqiptare. Që kur Kosova e shpalli pavarësinë në vitin 2008 dhe u njoh nga SHBA-ja dhe të gjithë anëtarët e BE-së, përveç pesë vendeve, qeveria e Serbisë i ka kushtuar politikën e saj të jashtme bllokimit të hyrjes së shtetit të ri në institucionet ndërkombëtare. Ajo ka punuar ngushtë me Rusinë e Vladimir Putinit në përpjekjen për ta delegjitimuar shtetësinë e Kosovës dhe për ta promovuar një agjendë ekspansioniste”, shkruan Bugajski.

Ai po ashtu shkruan se “nën agjendën e presidentit të Serbisë, Aleksandër Vuçiç “bota serbe”, e cila imiton axhendën e Putinit “bota Rusi”, “Serbia synon t’i dominojë disa shtete fqinje dhe përfundimisht të përfshijë territore me popullsi të madhe serbe”. Bugajski po ashtu thekson se Kosova, Bosnjë-Hercegovina dhe Mali i Zi qëndrojnë në vijat e frontit duke mbrojtur sovranitetin e tyre, por po mendojnë se marrin ndihmë të pamjaftueshme politike nga BE-ja.

“Objektivat e Beogradit ndaj Kosovës janë që ta vonojnë në mënyrë të pacaktuar një zgjidhje dypalëshe, ta mbajnë pasigurinë për të ardhmen e saj dhe potencialisht të thithin një pjesë të territorit. Në rastin e Malit të Zi, politika e Vuçiqit është krijuar për ta nënshtruar sovranitetin e këtij shteti dhe për taë nënshtruar politikën e tij të jashtme ndaj asaj të Serbisë. Beogradi punon përmes nacionalistëve serbë të përfshirë në koalicionin e ri qeverisës të cilët dëshirojnë të tërhiqen nga orientimi perëndimor i vendit, edhe pse Mali i Zi është tashmë anëtar i NATO-s”, shkruan eksperti i Ballkanit.

Ai ka përmendur edhe idenë e bashkimit të Kosovës me Shqipërinë, e cila ai sheh se mund të ngritet si opsion. Kjo, sipas tij, do të siguronte mbrojtje nën ombrellën e NATO-s, por këto lëvizje thotë se pashmangshëm do të çonin në konflikte me fqinjët.

“Në këto kushte sfiduese, ideja e bashkimit kombëtar në një strukturë shtetërore mund të jetë një premtim i progresit dhe drejtësisë historike. Bashkimi i Kosovës me Shqipërinë do të siguronte sigurisht mbrojtjen e saj nën ombrellën e NATO-s dhe do t’i siguronte Prishtinës një qasje më të madhe globale. Për serbët, një Serbi e zgjeruar më në fund do ta sillte të gjithë kombin në një shtet të vetëm. Por lëvizjet drejt zgjerimit të shtetit do të ndiznin në mënyrë të pashmangshme konflikte me fqinjët dhe do të nxisnin kërkesa për ndryshime kufijsh midis grupeve të tjera etnike. Megjithëse udhëheqësit politikë përsërisin formulën se aspiratat nacionaliste do të neutralizohen përmes bashkimit pan-evropian, ata gjithashtu duhet të llogaritin se si të përfitojnë nga ndjenjat nacionaliste nëse rruga për në BE bllokohet për një kohë të pacaktuar”, shprehet Bugajski.

Ai thekson se Bosnjë-Hercegovina është shënjestra e tretë kryesore e pan-serbizmit, pasi mbetet vend jofunksional kryesisht për shkak të politikave bllokuese të Republikës Srpskas autonome dhe kërcënimit për bashkim me Serbinë.

blank

Telefonata misterioze vonoi kthimin, publikohen pamjet e princeshës Diana një natë para aksidentit

Një dokumentar i publikuar së fundmi tregon momentet e fundit të princeshë Dianës me të dashurin e saj sekret miliarderin Dodi Fayed.

Mediat e huaja kanë publikuar fotot e çiftit vetëm pak momente para aksidentit fatal ku humbi jetën Diana. Çifti ndodhej në Francë për të kaluar një fundjavë, por që duket se ishte dhe udhëtimi i fundit i tyre.

Ndërkohë në lidhje me këtë ngjarje në dokumentarin e publikuar thuhet se ish-shoferi dhe bashkëpunëtori i princeshës Diana, Colin Tebbutt, ka pohuar se ajo dhe Fayed duhej të ktheheshin në Britani, por qëndruan edhe një natë më shumë në Paris, pas një telefonate që mori Diana.

Në rast se ajo do të ishte kthyer siç ishte planifikuar, ndoshta aksidenti do të ishte shmangur.

Tebbutt bën me dije se dhe pse telefonata nuk është zbardhur dyshohet se ajo kishte të bënte me një çështje politike.

Historia e princeshës Diana me miliarderin Fayed është një nga më të bujshmet dhe ka pasur teori konspirative, se ajo është vrarë me qëllim, pikërisht për shkak të kësaj historie, pasi Pallati Mbretëror nuk mund ta pranonte një skandal të tillë.

Ndërkohë në ekspertizën përfundimtare në lidhje me aksidentin e princeshë Dianës, thuhet se ngjarja ka ndodhur pasi makina e tyre kërkonte t’iu shmangej paparacëve.

blank


Send this to a friend