Dhunohet nga policia protestuesi beratas Rexhino Pepaj,34-vjeç. Ai mbërriti në mesnatë në Spitalin Rajonal Berat,ku po merr trajtim mjekësor.

Rexhino Pepaj është 34-vjeçari nga Berati, që u dhunua mbrëmjen e 24 janarit nga policia,në protestën e opozitës. Anëtar i degës së PD-së Berat,Rexhino u nis pasditen e djeshme drejt Tiranës,për tju bashkuar protestës së opozitës së baahkuar para kryeministrisë.

Por, pas mbarimit të protestës, ai u mor zvarrë nga policia, e cila e ka futur në furgon dhe e ka dhunuar, edhe brenda në furgon edhe në ambientet e Komisariatit Nr.1 Tiranë, ku u mbajt 4-orë.

Pas mbërritjes në Repartin e Urgjencës së Spitalit Rajonal Berat, ku po i nënshtrohet ekzaminimeve dhe trajtimit mjekësor, Rexhino tregon se gjatë protestës policia i hodhi gaz lotsjëllës me piper në sy dhe ai ra në tokë, më pas e kishin marrë me shklema dhe e kishin futur në furgonin e policisë, ku e kishin dhunuar sërish.

Ai tregon se edhe në Komisariatin Nr.1 të Policisë Tiranë, ku e mbajtën mbi 4 orë e kanë dhunuar. Më pas, tregon ai, pasi e panë që gjendja e tij ishte përkeqësuar pasi ai vuan nga astma, e kishin nxjerrë jashtë dhe i kishin thënë “Ik në spital se sje mirë”.

Ai tregon nuk sheh mirë nga sytë.Ai shprehet se jashtë komisariatit e prisnin shokët me makinë dhe e sollëm drejt spitalit të Beratit.

Dhunën që ka pësuar njëri nga anëtarët e Partisë Demokratike të degës së Beratit, e ka denoncuar nga ambjentet e Urgjencës së Spitalit Rajonal Berat edhe kryetari i kësaj dege, Kasion Hasimetaj.