VOAL

VOAL

Marrëveshja e Detit dhe Kushtetuesja, Rama: Parlamenti është sovran

October 5, 2018

Komentet

Dy deputete të PD dorëzojnë projektrezolutë në Kuvend për dhunën ndaj mediave, Zhupa: Gjuhë seksiste dhe linçuese ndaj grave gazetare

Dy deputete të Partisë Demokratike, Albana Vokshi dhe Ina Zhupa kanë dorëzuar sot në Kryesinë e Kuvendit një pr/rezolutë për gratë gazetare.

Gjatë fjalës së saj para mediave, Zhupa tha se brenda këtij viti janë regjistruar 30 raste të sulmeve ndaj gazetarëve, ndërsa theksoi se raste tmë të shpeshta janë të gazetareve.

“Unë si anëtare e Komisionit të Medias, kemi ngritur shpesh në fokus çështjen e Lirisë së Medias. Janë regjistruar 30 sulme ndaj gazetarëve, ku natyra e tyre janë më shumë seksiste. Rastet janë të shumta, si nga kryebashkiaku Veliaj, ndaj gazetares Ola Xama, apo dhe kryeministri Rama ndaj gazetares Ambrozia Metaj.

 

Ne kemi një gjendje kritike në RTSH, ku gazetarët pushohen masivisht dhe gazetaret femra trajtohesh me harbutëri, dhe gazetarët largohen me një të rënë të lapsit. Kam paraqitur një pr.ligj në Kuvend, për dhunën ndaj gazetarëve. Maxhoranca me të gjitha institucionet dhe krerët e institucioneve, kanë një qasje të keqe ndaj gazetareve femra.”, tha Zhupa.

(BalkanWeb)

Tiranë, Arrestohen 9 administratorë dhe përmbarues për skema mashtrimi në kredidhënie

VOA/Ilirian Agolli

Prokuroria e Tiranës arrestoi sot nëntë persona të dyshuar për veprën penale “Skema mashtruese dhe piramidale” nga subjektet Micro Credit Albania, ADCA, SHP Zig, FS, FLASH, administratorë dhe përmbarues të tyre.

Në dyshimin për veprën penale të shpërdorimit të detyrës, gjykata vendosi arrest me burg për pesë prej tyre, Aldo Daka, Albert Gega, Edmond Mato, Arben Meskuti, Alban Kote, si dhe arrest në shtëpi për katër të pandehurat Kejda Seferi, Elda Ibro, Jorsida Dervishi dhe Alketa Tanushi.

Prokuroria bëri të ditur se këto shoqëri morën nga Banka ProCredit 3 mijë e 999 kredi të konsideruara të këqija dhe të pashlyera ndër vite me një shumë totale prej 7.299.203 euro dhe “përdorën një skemë shtrënguese të kredimarrjes, ku nëpërmjet vjedhjes u imponohej debitorëve që kishin borxhe të vjetra në banka, të rimernin kredi, edhe pse nuk kishin mundësi shlyerje si dhe u bllokonin nga shoqëritë përmbarimore rrogat, pronat, apo makinat”.

Subjekti MCA dyshohet se ka përdorur vjedhjen për likuidimin e këtyre kredive të blera, duke i detyruar kreditorët që të marrin kredi të reja pranë këtij institucioni financiar, për të zhbllokuar të vjetrën, që përsëri e zotëronte po kjo agjenci.

Pas marrjes së një kredie të re pranë saj, zhbllokohej përkohësisht pasuria dhe llogaritë e kreditorëve, por më vonë MCA u kërkonte atyre likuidimin e shumave të tjera.

Një numër kreditorësh janë viktima të kësaj skeme që vidhte pasuritë e tyre, duke shkaktuar një dëm shumë të lartë ekonomik ndaj këtyre shtetasve apo enteve private dhe publike.

Pjesë e skemës abuzuese këto institucione financiare kishin edhe kamatë vonesa nga 2% deri në 8% për çdo vit, veprim që thellonte ndjeshëm vjedhjen e shumave të konsiderueshme.

Prokuroria solli si një shembull të abuzimit të skajshëm rastin kur një shtetasi iu sekuestruan nga MCA 14 pasuri të paluajtshme për një detyrim të prapambetur afro 3 mijë e 500 dollarë.

Ky është një nga rastet e vendosjes së sekuestrove konservative mbi pasuritë e paluajtshme, që janë shtrirë dhe ndaj personave që nuk kanë lidhje fare me ekzekutimin e vendimeve gjyqësore.

Sipas prokurorisë, të dyshuar për vjedhje janë administratorja e MCA-së Elda Ibro dhe administratorët e shoqërisë përmbarimore Star-FS Aldo Daka, Albert Gega, Edmond Mato, ndërsa të dyshuar për shpërdorim detyre u arrestuan Arben Meskuti, Alban Kote, Alketa Tanushi.

Për këtë veprimtari kallzimin e kishte bërë ministria e Drejtësisë më shumë se katër vjet më parë.

Debati, rezultatet e drejtësisë së re- Burimi: Dumani kërkon të dyfishojë mandatin

Kryetari i SPAK, Altin Dumani ka lexuar raportin vjetor të këtij institucioni në Komisionin e Ligjeve.

Dumani akuzoi bankat se janë të përfshira në pastrimin e parave në vend.

Ndërkohë, ai tha se me pasuritë e krimit po blihen apartamente dhe biznese në Tiranë dhe në bregdet.

I ftuar në edicionin e pasdites në ‘Syri Televizion’ analisti Genc Burimi shpreh se sot në sallën e Kuvendit Dumani erdhi me një mesazh mjaft të qartë, do të donte të shtonte mandatin dhe për çështje të tjera nuk pati interes.

Genc Burimi:

“Jam shumë i zhgënjyer me mungesën e një prononcimi të qartë të zotit Noka në emër të Partisë Demokratike, kur Dumani sot kërkon një ‘puç kushtetues’ kërkojnë që t’i dyfishohet mandatin.

Këtë duhet ta kuptojnë shqiptarët sot dhe aty doja një qëndrim të qartë të Partisë Demokratike.

Varrezat le të themi, siç është një shprehje në frengjisht ‘janë mbushur me njerëz që e mendonin veten të pazëvendësueshëm, por në demokraci askush nuk është i tillë.

Dhe këtë do të doja ta dëgjoja sot në sallën e Kuvendit, kur Dumani erdhi me një mision shumë të qartë, do të donte të shtonte mandatin dhe për çështje të tjera nuk pati asnjë interes.

Ai thoshte, kjo çështje është në procedurë, kjo tjetra është në hetim, pra nuk pati asnjë interes.

Një farë interesi ishte kur mund të thoshte që bankat janë të përziera sot ne skema korrupsioni, atherë Dumani të propozojë ndryshime ligjore, prandaj kryeson SPAK-un, ndërkohë ai thotë se janë ligji është në rregull, nuk e di ligji shqiptar detyron sot (tatimet, bankat, apo KLSH) që kur kanë raste dyshimi për korrupsion, pra vepra penale të jenë të detyruar me ligj t’i transmetojnë drejtësisë dyshimet.

Në Francë dhe në Berlin i kemi këto ligje, dhe kur një bankë shikon se ti shkon me një valixhe të madhe me para sigurisht që do të të transmetojë”.

Përplasi për vdekje me skaf 7-vjeçaren në plazhin e Potamit, jepet dënimi për Arjan Tasen

Gjykata e Vlorës ka dënuar me 18 vite burg Arjan Tasen, policin që përplasi për vdekje me skaf 7-vjeçaren Jonada Avdiaj.

Ish-zyrtari i Policisë së Shtetit u gjykua për vrasje me dashje në mënyrë indirekte, teksa me skafin e tij doli në breg për të sjellë familjen e tij dhe i mori jetën një të miture e cila kishte ardhur nga Anglia të bënte pushime në jug të vendit.

Ngjarja e rëndë ndodhi më 2 gusht 2022 në Plazhin e Potamit në Himarë, ku 7- vjeçarja Jonada Avdia, u godit për vdekje nga një gomonia me drejtues policin Arjan Tase, teksa ajo po lahej në det. E mitura u përplas fillimisht nga pjesa ballore e gomones dhe më pas trupi i saj është prerë nga helikat duke ndërruar jetë në vend.

Fëmija, me origjinë nga Tropoja jetonte jashtë shtetit me familjen e saj në Angli, por ishte kthyer në atdhe për pushime. Tase ka qenë ish-shef i Policisë në Himarë, ndërsa kur ndodhi ngjarja ai mbante postin e shefit të Policimit në Elbasan, por Gledis Nano,  aso kohe drejtor i Përgjithshëm i Policisë së Shtetit, e përjashtoi përfundimisht nga policia.

Për këtë ngjarje u shkarkuaa i gjithë zinxhiri drejtues i Policisë Kufitare të Vlorës, si edhe inspektorët përgjegjës. sn

‘Do vazhdoj detyrën në KLP’- VOA: Alfred Balla sfidon vendimin e KPA

Në Shqipëri, kryetari Këshillit të Lartë të Prokurorisë (KLP) Alfred Balla nuk do të mund të jetë më pjesë e sistemit të drejtësisë për 15 vitet e ardhshme, e për pasojë “nuk mund të emërohet gjyqtar ose prokuror i çdo niveli, anëtar i Këshillit të Lartë Gjyqësor ose i Këshillit të Lartë të Prokurorisë, Inspektor i Lartë i Drejtësisë ose Prokuror i Përgjithshëm”. Vendimi u mor të martën nga Kolegji i Posaçëm i Apelimit (KPA), struktura më e lartë e procesit të rivlerësimit të gjyqtarëve dhe prokurorëve, pasi deri në vitin 2017, kur kishin hyrë në fuqi ligjet e reja të Reformës në Drejtësi, ai kishte punuar si këshilltar ligjor në Gjykatën e Lartë. Por zoti Balla i tha në mbrëmje Zërit të Amerikës, se vendimi, të cilin ai e cilëson “të turpshëm”, nuk ka të bëjë me detyrën e tij aktuale në KLP, pasi ai është zgjedhur anëtar i saj nga parlamenti, si përfaqësues i shoqërisë civile dhe jo si magjistrat e për pasojë “jam ende në detyrë si kryetar dhe anëtar i KLP-së”, deklaroi ai duke shtuar se “nëse do të dojë, mund të më shkarkojë vetëm parlamenti”.

Zoti Balla është zgjedhur në vitin 2018 si anëtar i KLP-së, dhe në mars të 2022, u zgjodh në krye të “qeverisë së prokurorëve” me një mandat dy vjeçar. Ndërkohë, mandati tij si anëtar ka përfunduar që prej dhjetorit të vitit të kaluar, por procedurat për përzgjedhjen e 3 kandidatëve jo magjistratë u zgjatën përtej afateve.

Ndonëse për shkak të detyrës si këshilltar ligjor në Gjykatën e Lartë ai konsiderohej subjekt i procesit të rivlerësimit kalimtar, Komisioni i Pavarur i Kualifikimit (KPK) organizoi shortin për caktimin e trupit gjykues për rastin e tij në fund të dhjetorit të vitit 2021. Trupës iu desh më pas 1 vit e gjysëm për të vlerësuar nëse ai e gëzonte statusin e magjistratit e për pasojë të përcaktonte nëse do të duhej që ai t’i nënshtrohej ose jo, të ashtuquajturit proces të Vettingut. Përfundimisht në qershor të 2023-it, KPK-ja mbylli procesin e rivlerësimit ndaj zotit Balla, pa një vendim përfundimtar, duke konstatuar se ai e kishte humbur statusin e magjistratit pasi ishte liruar nga detyra me vendim të kryetarit të Gjykatës së Lartë në korrik 2017.

Vetë zoti Balla e kishte kundërshtuar me forcë, procesin e rivlerësimit, madje në fillim të vitit 2023 ai ishte ankuar dhe në Bruksel, ndaj vëzhguesit ndërkombëtar Theo Jacobs, duke e akuzuar atë se po ushtronte trysni ndaj anëtarëve të KPK-së, që ky institucion të kryente vettingun ndaj tij.

Vendimi i KPK-së, u ankimua në Kolegjin e Posaçëm të Apelimit nga Komisioneri Publik Florian Ballhysa, sipas të cilit, përkundër pretendimeve se me lirimin nga detyra në Gjykatën e Lartë, është humbur dhe statusi i magjistratit, vetë zoti Balla kishte ndërmarrë beteja ligjore që atij t’i njihej ky status, si përmes një padie në Gjykatën Administrative ashtu dhe me një kërkesë drejtuar Këshillit të Lartë Gjyqësor (KLGJ).

Sipas akteve të bëra publike nga Komisioneri Publik, zoti Balla është tërhequr më pas, si nga padia në shkallët e gjyqësorit dhe nga kërkesa bërë në KLGJ “kur nga ana e trupës gjykuese të KPK-së vijoi dërgimi i pyetësorëve të procesit të rivlerësimit”.

Sipas Kolegjit të Posaçëm të Apelimit, zoti Balla “e ka humbur statusin për shkak të veprimeve dhe mosveprimeve, në kushtet kur, ndërsa nuk e kontestoi urdhërin (lirimin nga detyra në Gjykatën e Lartë shën. red.) në rrugë ligjore, ka shfaqur vullnetin për t’u zgjedhur në një organ tjetër kushtetues. Kjo sjellje u vlerësua si shkaku përcaktues për përfundimin e marrëdhënies së tij të punës si ndihmës ligjor dhe u bvlerësua se përmbush kushtet për t’u kualifikuar si dorëheqje nga detyra”. Sipas Nenit G të Aneksit të Kushtetutes, dorëheqja nga një subjekt i rivlerësimit çon në ndërprerjen e procesit dhe pasohet nga pamundësia për të qenë pjesë e sistemit të Drejtësisë për një periudhë 15-vjeçare.

Në reagimin e tij në mbrëmje, zoti Balla shprehet se “edhe pse shpresova se nuk do të ndikohej, sot KPA-ja (shumica) mori një vendim të turpshëm që të ndërpresë pa një vendim përfundimtar vetingun tim si ish-këshilltar ligjor në Gjykatën e Lartë ku kam punuar para 8 vitesh, duke e shoqëruar edhe me ndalesat e nenit “G” të Aneksit të Kushtetutës, të cilat u vihen vetëm atyre që dorëhiqen ose shkarkohen nga detyra ku nuk ishte asnjë rast për mua”.

Ashtu siç dhe i konfirmoi Zërit të Amerikës, zoti Balla është i mendimit se vendimi “nuk ka lidhje me statusin tim aktual në KLP, si i zgjedhur nga Parlamenti nga radhët e shoqërisë civile dhe jo si magjistrat. Për sqarim, ky nuk është një vendim shkarkimi, pasi nuk është bërë hetim administrativ ndaj meje. Në bazë të këtij vendimi, në të ardhmen nuk mund të kandidoj për vende të caktuara, kuptohet deri sa të shprehet Gjykata për të Drejtat e Njeriut”, duke paralajmëruar një ankim në Strasburg.

Humbi jetën në minierë, publikohet fotoja e 29-vjeçarit

Armond Peshku, minatori i cili humbi jetën

Është publikuar fotoja e 29-vjeçarit Armond Peshku i cili humbi jetën ditën e sotme në minierën në Thekën të Martaneshit.

Dy minatorë të cilët punonin si vagonistë në minierë u zunë poshtë nga shembja e një masivi mineral teksa po punonin.

Si pasojë e plagëve të marra minatori Armond Peshku humbi jetën, ndërsa 40-vjeçari Hajdar Bala mbeti i plagosur dhe u transportua në spital për ndihmë mjekësore.

Aksidenti i rëndë u shënua mesditën e sotme, ku mësohet se Hajdar Bala po i nënshtrohet operacionit.

Bëhet me dije se subjekti minerar në të cilin ka ndodhur aksidenti është “Ylberi sh.p.k”.

Grupi hetimor në drejtimin e Prokurorisë, po punon për zbardhjen e plotë të ngjarjes.

“Më datë 21.05.2024, rreth orës 12.50, dyshohet se janë aksidentuar gjatë punës në një subjekt minerar në Thekën, Martanesh, shtetasi  A.P.,  dhe H.B., të dy me detyrë vagonist në minierë. Si pasojë e plagëve të marra shtetasi A.P., ka humbur jetën, ndërsa shtetasi H.B., është transportuar në spital për ndihmë mjekësore”, njoftoi policia./Pamfleti

KPA shkarkon nga detyra kreun e KLP-së Alfred Balla. Përjashtohet 15 vite nga sistemi i drejtësisë, i hiqet e drejta për të…

Kolegji i Posaçëm i Apelimit kaloi sot në veting në shkallëtn e dytë kreun e KLP-së Alfred Ballën. Pas shqyrtimit të rastit, KPA vendosi largimin nga sistemi të Ballës.

Për Alfred Balllën, ankimoi në KPA Komisioneri Publik. Sipas KPA-së, Alfred Balla nuk duhet që të ushtrojë funksione në drejtësi për 15 vitet e ardhshme.

Rezulton se subjekti i vlerësimit ka përfunduar në kuptimin ligjor marrëdhënien e punësimit në Gjykatën e Lartë për shkak të vullnetit të tij, ka kërkuar të mos i nënshtrohet procesit të rivlerësimit edhe ndërsa ai vetë ka pretenduar gjyqësisht se e gëzonte statusin e këshilltarit ligjor, që e bënte atë subjekt vlerësimi dhe më pas ka hequr dorë nga pretendimi i këtyre të drejtave në funksion të mosushtrimit ndaj këtij procesi. Këto rrethana përfaqësojnë një situatë të kualifikueshme sipas nenit G të aneksit të Kushtetutës. Përfundimisht, trupi gjykues, bazuar në analizën e mësipërme, e gjen të drejtë ankimin e Komisionerit Publik duke konkluduar se vendimi i Komisionit objekt shqyrtimi numër 675 datë 16.06.2023 është i pabazuar në fakte dhe në ligj dhe si i tillë duhet ndryshuar, duke u zbatuar në këtë rast neni G i aneksit të Kushtetutës me ndalimet përkatëse. Trupi gjykues i KPA vendosi ndërprerjen e procesit të rivlerësimit për subjektin e vlerësimit Alfred Balla. Balla nuk mund të punojë në sistemin e drejtësisë për 15 vite. Ky vendim ka efekt të menjëhershëm dhe është përfundimtar”, thuhej në vendimin e lexuar nga anëtarja e KPA, Ina Rama.

Vendimi u dha nga trupa gjykuese e përbërë nga Ina Rama kryesuese, Albana Shtylla relatore, Natasha Mulaj, Rezarta Schuetz, Sokol Çomo anëtar.

 

Procesi i gjatë dhe i veçantë ndaj Alfred Ballës

Procesi ndaj Ballës, i cili prej vitit 2018 mban detyrën e anëtarit dhe njëkohësisht kryetarit të Këshillit të Lartë të Prokurorisë, përbën një nga rastet e veçanta që u shqyrtua nga institucionet e rivlerësimit. Balla, deri në vitin 2017, ka mbajtur pozicionin e ndihmësit ligjor në Gjykatën e Lartë, një detyrë që e shndërronte në subjekt të ligjit për Vetingun.

Ai u largua nga detyra me një vendim të Kryetarit të Gjykatës së Lartë të asaj kohe, Xhezair Zaganjori, pasi largimit të gjyqtarit, me të cilin Balla punonte si ndihmës.

Në qershor të vitit 2018, Balla iu drejtua Komisionit të Pavarur të Kualifikimit që të ndërpriste procedurën e rivlerësimit për të, pasi ai nuk e gëzonte statusin e ndihmësit ligjor, për shkaqe që nuk vareshin prej tij. Gjithashtu, ai njoftoi KPK-në se e kishte ankimuar vendimin e kreut të Gjykatës së Lartë që i ndërpreu marrëdhëniet e punës me atë institucion.

Gjykata Administrative e Shkallës së Parë, në vendimin e marrë në Korrik 2021, ndër të tjera, arsyeton mbi: […] pavlefshmërinë absolute të urdhrit të kryetarit të Gjykatës së Lartë, dhe faktit se subjekti i rivlerësimit gëzonte statusin deri kur me zgjedhjen e tij si anëtar i KLP-së, ku paditësi ka humbur çdo të drejtë që rrjedh nga qenia e tij si Ndihmësligjor në Gjykatën e Lartë […].

Përtej sa konstatonte gjykata në vendim, vetë subjekti i rivlerësimit, duke synuar pranimin e plotë të objektit të padisë të paraqitur në shkallën e parë të gjykimit dhe për shkak të gëzimit të statusit, kërkonte edhe rikthimin në detyrën e Këshilltarit ligjor të Gjykatës së Lartë, pas përfundimit të mandatit si anëtar i Këshillit të Lartë të Prokurorisë, duke paraqitur ankim në Gjykatën Administrative të Apelit.

Në këto kushte, Balla u përfshi në listën e subjekteve që i nënshtrohen Vetingut. Komisioni i Pavarur i Kualifikimit, në janar 2022, e njoftoi Ballën (në cilësinë e këshilltar ligjor) për caktimin e trupës që do të kryente Vetingun e tij.

Në përgjigje të këtij njoftimi, Balla kërkon ndërprerjen e procesit të rivlerësimit pa vendim, për shkak se ai nuk është më ndihmës ligjor dhe se mban funksion tjetër kushtetues.

Më tej, në datën 4.4.2023, Balla iu drejtua me një shkresë Komisionit, ku e informon lidhur me vendimin datë 10.3.2023, të Gjykatës Administrative të Apelit Tiranë, e cila ka vendosur “Prishjen e vendimit datë 29.97.2021, të Gjykatës Administrative të Shkallës së Parë Tiranë dhe rrëzimin e kërkesëpadisë”. Sipas tij, edhe bazuar në këtë vendim, ai nuk ishte subjekt i ligjit të Vetingut.

Po ashtu, Balla, në mars 2023, i është drejtuar organit të KLGJ-së, me kërkesën për heqjen dorë nga kërkesa për deklarimin e pasjes/njohjes së statusit të Këshilltarit/Ndihmësit ligjor jomagjistrat në Gjykatën e Lartë, duke arsyetuar se: […] duke qenë se tashmë ka përfunduar gjykimi në të dyja shkallët e tij dhe unë mendoj se pozicioni im aktual si anëtar i Këshillit të Lartë të Prokurorisë nuk pajtohet me statusin e Ndihmësit ligjor në Gjykatën e Lartë, heq dorë nga kërkesa drejtuar para jush në vitin 2020 dhe pushimin e shqyrtimit të saj […].

Në qershor të vitit 2023, KPK vendosi të pranojë kërkesën e Alfred Ballës, duke vendosur ndërprerjen e procesit të rivlerësimit të tij pa vendim përfundimtar, për shkak se u konsiderua se ai nuk ishte subjekt i ligjit.

Komisioneri Publik nuk ishte dakord me këtë vendim. Irena Nino iu drejtua Kolegjit të Posaçëm të Apelimit për ndërprerjen e procesit të rivlerësimit dhe ndalimin e tij për t’u përfshirë në organet e sistemit të drejtësisë për 15 vjet.

Sipas Komisioneres Publike, Alfred Balla e ka pasur statusin e ndihmësit ligjor në kohën e hyrjes në fuqi të ligjit të Vetingut dhe e ka humbur atë me dorëheqjen drejtuar Këshillit të Lartë Gjyqësor në vitin 2023.

Ndaj, për komisioneren Nino, Alfred Balla ka dhënë dorëheqjen pa u përfshirë në veting, gjë e cila e pengon të emërohet në detyra të tjera në gjyqësor.Në seancën e zhvilluar më datë 29 prill 2024, Komisionerja Publike i qëndroi të njëjtës kërkesë.

(Balkanweb)

U zu poshtë nga masivi shkëmbor, humb jetën minatori në minierën e Martaneshit! Përfundon tek Trauma një tjetër

Një aksident me pasojë vdekje ka ndodhur në minierën e Martaneshit, ku një minator ka humbur jetën teksa ishte duke punuar.

Sipas inormacioneve të para, mësohet se viktima, i cili ende nuk është identifikuar, bashkë me kolegë të tij, ishin duke punuar kur iu ra një masiv gurësh përsipër.

Si pasojë e rrëshqitjes së masivit, njëri prej tyre ka humbur jetën, ndërsa një tjetër u plagos.

Sakaq, burime bëjnë me dije se ky i fundit po transportohet drejt spitalit të Traumës me helikopter, për ndihmë të specializuar.bw

Avokatja e Popullit: Shqipëria me numrin më të lartë të të burgosurve për banorë në Europë, të ndalen masat e ashpra

Avokatja e Popullit Erinda Ballanca, në fjalën e saj në Komisionin për Çështjet Ligjore, Administratën Publike dhe të Drejtat e Njeriut, tha se Shqipëria ka numrin më të lartë të të burgosurve për frymë banori.

Sipas Ballancës, problem mbetet fakti që në vendin tonë jepet në shumë raste masa më e ashpër e sigurisë, ajo e arrestit me burg.

Erinda Ballanca: Në Shqipëri ka numër të lartë të të paraburgosurve. Kemi numër tmerrësisht të lartë të paraburgimit. Këshilli i Europës thekson se personat që janë dënuar me burg përjetë nuk kanë shpresë që nëse sillen mirë, do të mund të dalin ndonjë ditë nga burgu. Çështjet e të drejtave të njeriut duhet të avancojnë në Shqipëri.

Samir Korreshi: Të burgosurit duhet që të kenë më shumë kohë që të takojnë të afërmit e tyre. Edhe shoqërimet e protestuesve nuk duhet të jenë kaq të dhunshme. Edhe kur dikush kapet se ka vrarë, nuk torturohet aq sa protestuesi. Besoj se kjo gjë duhet të hetohet. Edhe për LGBT, ligji funksionon ndryshe për ta? Sepse nëse ne dalim pa brekë në pazar nuk na lejohet. Atyre çfarë s’po ju lejohet. Shqetësuese për mua është si lejoni që dy vajza puthen në TV në mes të ditës, kur kemi fëmijë nëpër shtëpi e na thonë si puthen dy gra me njëra-tjetrën.

Dhurata Çupi: Do të doja t’i referohesha raporteve të Këshillit të Europës, të Komitetit për parandalimin e Torturës në KiE. Kushtet e strehimit në disa burgje janë të papërshtatshme me mbipopullim dhe në mungesë të higjenës. Keqtrajtimi fizik dhe psikologjik i të burgosurve nga stafi i burgut ose nga të burgosur të tjerë. Shërbimet shëndetësore të pamjaftueshme dhe me mungesë të stafit mjekësor dhe të pajisjeve të nevojshme. Programet e rehabilitimit dhe të edukimit për të burgosurit janë të kufizuara duke reduktuar mundësitë për integrimin e tyre në shoqëri pas lirimit. Kushtet e sigurisë kanë nevojë për pëmirësimin e masave të sigurisë për të mbrojtur të burgosurit nga dhuna dhe kërcënimet e brendshme. Lexova këto 5 që janë problematika që i hasim në burgje. Ju si institucion i keni ngritur si shqetësime, por në mënyrë që ne të mos jemi në raporte e CPT në mënyrë të vazhdueshme me këto standarde, duhet ta ngremë si Komision Ligjesh, ju si Avokat i Popullit dhe i bëj thirrje edhe mazhorancës të mos kthejë sytë nga kritikat që bëjmë ne këtu, por të bëhemi të gjithë bashkë për të adresuar këto shqetësime.bw

SPAK në zyrat e Bashkisë së Tiranës dhe UKT- Sekuestron disa procedura

Prokuroria e Posaçme ka thelluar hetimet rreth dosjes “5D”, në kuadër të të cilës u arrestuan 3 bashkëpunëtorët më të ngushtë të Erion Veliajt, Mariglen Qato, Redi Molla e Taulant Tusha, që akuzohen për korrupsion e shkelje të barazisë në tendera, mosdeklarim pasurie etj.

Së fundmi, BKH, me kërkesë të SPAK, ka ushtruar kontrolle në zyrat e Bashkisë së Tiranës dhe Ujësjellës Kanalizimeve, ku janë sekuestruar disa dokumenta.

Tashmë që është faktuar se drejtorët vetë hartonin projekte, shpallnin hapje procedurash, përcaktonin fituesit dhe ishin përfituesit e kontratave, është duke u hetuar edhe mbi zbatimin e këtyre projekteve.

SPAK ka kërkuar nga Bashkia dhe drejtoritë përkatëse të dhënat mbi zbatimin e projekteve, shumat përkatëse, kush kanë qenë kostot në raport me zbatimin.

Të dhëna janë kërkuar edhe nga VAS Konstruksion, paraardhëse e “5D Konstruksion”.

Burime të besueshme thonë se janë duke u grumbulluar nga organi i akuzës të gjitha dosjet e prokurorimeve publike ku në disa prej tyre autoritet kontraktor është Bashkia se Tiranës. sn

Nga Emiljano Shullazi te Durim Bami, Endrit Dokle e Ervis Martinaj, ja 50 urdhërarrestet e lëshuara nga Prokuroria e Posaçme (EMRAT)

Ditën e premte Prokuroria e Posaçme nisi atë që u konsiderua si operacioni më i madh i SPAK në goditje të grupeve të krimit të organizuar.

Gazetari Igli Çelmeta ka siguruar për Balkanweb emrat e 50 kontigjentëve të krimit, për të cilët janë lëshuar urdhër-arreste.

Operacioni i SPAK ka shkatërruar 7 grupe kriminale.

Struktura e Posaçme lajmëroi ndër të tjera se ka sekuestruar 3 milionë euro cash dhe në total 4.5 milionë euro pasuri nga bosët e krimit.

Operacioni i SPAK u kryesua nga prokurorët Alfred Shehu dhe Altin Dumani.

Me urdhër të SPAK, Forcat RENEA dhe FNSH zhvilluan një nga aksionet më të mëdha në disa qytete dhe zona, të cilat konsiderohen si baza e grupeve kriminale.

Kontrollet, në kuadër të dosjes Metamorfoza 3, u shtrinë në disa qytete dhe zona si, Tiranë, Vlorë, Lezhë, Fushë-Krujë, Nikël, Kurbin etj.

Lista e plotë:

1. Arben Ndoka

2. Arian Tuku

3. Ilia Ndoka

4. Samuel Ndoka

5. Vinçens Tuku

6. Ervis Martinaj

7. Jozi Kraja

8. Astrit Avdyli

9. Aldo Avdyli

10. Miri Bruli

11. Naim Stafuka

12. Emiljano Shullazi

13. Blerim Abazi

14. Elvis Ndreca

15. Oltion Zefi

16. Edson Jozëik

17. Armando Ndreca

18. Kasandër Noga

19. Elson Reçi

20. Besian Xhixha

21. Enver Diva

22. Robert Laçi

23. Fatmir Troplini

24. Klodian Shahini

25. Henerigert Mitri

26. Gjergji Cukali

27. Kristos Teta

28. Denis Meta

29. Gentian Binjaku

30. Viktor Imeraj

31. Satilno Basho

32. Marklen Haka

33. Tori Xhecuka

34. Edison Muceku

35. Albert Zaja

36. Florenc Kelmendi

37. Ardit Gjokrosa

38. Deivis Bajramaj

39. Adrian Pikli

40. Durim Bami

41. Endrit Dokle

42. Xhelal Rraja

43. Altin Morina

44. Leonard Duka

45. Erlis Duka

46. Fatmir Hyseni

47. Altin Gega

48. Drianto Bardhi

49. Fabio Ballabani

50. Elton Zalla.

Cameroon në Tiranë, shpall planin britanik për luftën ndaj krimit të organizuar shqiptar

David Cameron, sekretari i Jashtëm i Britanisë së Madhe, pritet të vizitojë Shqipërinë gjatë javës, ndërsa mediat britanike njoftojnë se ai do të shpallë një program të ri për të luftuar korrupsionin dhe krimin e organizuar në Shqipëri.

“Cameron do të njoftojë një goditje të re ndaj bandave të organizuara kriminale që qëndrojnë pas rrjeteve të trafikimit të njerëzve”, shkruan The Sun.

Sipas tabloidit britanik, Cameroon do të zhvillojë bisedime të nivelit të lartë me Presidentin, Kryeministrin dhe ministrin e Jashtëm shqiptar”.

“Ai do të shpallë një program të ri për të luftuar korrupsionin dhe krimin e organizuar në Shqipëri”, vijon The Sun.

Ndërkohë kryeministri Rishi Sunak po përgatitet të udhëtojë në Vjenë për bisedime mbi një goditje ndaj imigracionit të paligjshëm.

Kryeministri do të takohet me kancelarin austriak Karl Nehammer në fillim të kësaj jave për të bërë presion për veprime më të ashpra për të mbrojtur kufijtë e Evropës nga kriza e migracionit.bw


Send this to a friend