VOAL

Please Wait ...
0%

Marrëveshja amerikano- shqiptare për eliminimin e Çadrës, forcoi më tej aleancën shqiptaro-amerikane – Nga Spartak Ngjela

By | May 19, 2017

Komentet

Nënshtroju Vetingut i pari, zoti Kryeministër – Nga Përparim Kabo

Me që zoti kryeministër kërkon të dijë se çfarë nuk shkon në shtet dhe lyp mendim po ia them dhe unë timin… Zoti Kryeministër nuk funksionon marrëveshja e besimit… sepse liria e jetës, liria e pronës dhe liria e shprehjes që e kushtëzojnë atë sipas John Lockut (besoj ta keni lexuar, nëse jo duhet ta lexoni se jeni shumë vonë)… nuk funksionojnë tek ne në Shqipëri. Ndaj që kjo marrëveshje të mari një garanci morale e ligjore… bëj vetëm një gjë. Krijo listën e atyre që do ti nënshtrohen Vetingut, realizuar ky proces me ekspertë të huaj,.. Vëre vetën tënde të parin në listë dhe pas teje të gjithë shpurën dhe bashkëpuntorët e tu… dhe jepi mundësi drejtësisë të sekuestrojë pasuritë e vjedhura të shqiptarëve. Ndihmo po je i zoti institucionalisht në hapsirat që të jep ligji, që të shkojnë në burg hajnat dhe që më në fund të drejtojnë vendin idelaistët dhe ata që kanë pasuri të motivuara vetëm ligjërisht. Kaq zoti Kryeministër…nuk ka nevojë për më shumë…! E bën dot?!
Në pritje…Përparim KABO..
8 korrik 2017

Vepra antikombëtare e Ortakërisë Komuniste duhet të ndalet sot – Nga ROMEO GURAKUQI

Drejtimi i Shtetit, Qeverise dhe Parlamentit projektohet serish nen daren e ngushte te nje krahine, tre fshatrave te thelle malore te ish Zones se Pare Operative, nga te cilet do vazhdojne te burojne: te gjithe ministrat, drejtoret e policise, drejtoret e ndermarrjeve te prodhimit te naftes, kontrollit financiar shteterore, doganave dhe tatimeve, drejtoret dhe ambasadoret e politikes se jashme, drejtuesit e te gjithe departamenteve te ministrive dhe degeve te administrates. Prej tyre do vijojne te shperndahen fondet e buxhetit, projektet, me te njejten “metodologji”, sikurse ne kater vitet e shkuara, diskriminuese dhe shkaterrimtare per Shqiperine e Veriut, ku nje jave me pare, permes mercenareve, ideatoret e kesaj mynxyre, blene vota dhe mandate, per te mbajtur kete strukture krejtesisht antikombetare te shperndarjes dhe zhbalancimit te pushtetit. Ky nuk eshte Shteti Shqiptar qe duam, mbasi nuk perngjason me Shtetin e lene amanet nga themelonjesit; madje eshte perkunder konventave kushtetuese qe imponojne respektimin e balances krahinore te pushteteve, administrates dhe shperndarjes se te ardhurave drejte dhe logjikshem ne territor. Eshte perkunder ligjeve te shtetit qe jane ndertuar per te shmangur nepotizmin, tarafin dhe krushqite ne orientimin e drejtimit politiko- administrativ.
Vepra antikombetare e Ortakerise Komuniste duhet te ndalet sot. Eshte nje atentat ndaj kushtetutes se shtetit, qe siguron unitetin kombetar, nderkohe qe veprimi politik i kupoles, me vendimarrjet e njeanshme te emerimeve nga koka e Edi Rames, ecen ne shkelje te frymes se ligjit themeltar.

Në Shqipërinë demokratike krimi veshi shumë kostume – Nga SHABAN MURATI

Nje gazetar i njohur, miku im, iu drejtua me nje mesazh publik nje kolegu te tij, qe mburrej se kishte bere vila ne Tirane dhe ne plazh me gazetari, duke i thene:

“Une kam 20 vjet gazetar dhe nuk kam vile ne plazh. Si i paske bere ti?”.

Une desha t’i shkruaj mikut tim:

“Mos u merzit, ti ke 20 vjet gazetar, por une kam 50 vjet gazetar dhe nuk kam vile as ne Tirane e as ne plazh”.

Konkluzioni:

Ne Shqiperine demokratike krimi veshi shume kostume.

Lulzim Basha thjesht i pakonkurueshëm! – Nga Hysen Arapi

Lulzim Basha thjesht i pakonkurueshem!
Askush nuk e kritikoi programin e tij elektoral, i hartuar me ekspertize te specialisteve gjermane te CDU!
Fushata qytetare e Bashes ishte dhe mbetet shembull per fushatat e ardhshme nga te gjitha partite politike.
Humbja vertete e rende, por gjithsesi e pritshme duhet analizuar, por vleresimin per Bashen duhet ta japin jo ata qe e sulmuan per 4 vjet , bile dikush me sinqeritet pranoi qe se paska dashur qe kur zbriti nga avioni, por anetaret e thjeshte te Partise.
Gabimi i madh i Bashes paska qene se ne fund te mitingut permbledhes nuk paska bertitur” Rrofte Partia Demokratike e Shqiperise” !!!!!!!!!!!!!!!!
Statuti??? Po cili nga keta e zbatoi statutin ? Perse u fshehen pas doreheqjes dinjitoze te Sali Berishes dhe sapo kaloi situata dhe ulen te ndenjurat ne parlament mprehen shpatat dhe filluan sulme te hapura e te fshehura kunder Lulzim Bashes.
Flirtuan hapur me pushtetin e Edi Rames dhe slane korridor a skute pa sulmuar qendrimin politik per reformen ne drejtesi te Pd, e cila synonte mos kapjen e sistemit te drejtesise nga mazhoranca.
Simbolet?? Po cilin simbol injoroi Basha?? Ne se quajne veten e tyre simbol apo memorie te Pd Ok. Po Basha nuk u mor me ta edhe kur ata ne pikun e fushates kerkuan doreheqjen e tij
Per mua simbolet e Pd jane 3. Flamuri, Sali Berisha, Azem Hajdari! Qe te tre me rezulton se Basha ka treguar respektin me te madh. Ajo qe me ka rezultuar me pare ne fakt eshte se nje pjese e mire e aspiranteve nuk kane denjuar te vene qofte dhe nje tufe lule te vendi i renjes se Heroit tone.
22 Korriku po afron! Ne baze te statutit qe ishte ” meraku” me i madh u shpallen 2 kandidaturat. Te tjeret u skualifikuan , njeri megjithese u deklarua me terma luftarake se e” shpartalloj per 2 minuta” u terhoq nga lufta. Me gjithe respektin per staturen e Z Selami si themelues i Pd gjykoj se Lulzim Basha me formimin e tij, vizionin, kjartesine politike, papajtueshmerine me fenomenet negative qe shoqerojne qeverisjen e vendit do ti fitoje zgjedhjet ne parti dhe do te rikuperoje gabimet dhe fenomenet negative qe nuk erdhen vetem per faj te tij dhe do ta beje shume shpejt nje parti te denje e konkuruese te gatshme per te merre pushtetin ne kohe rekord . Per mua sot per sot z Basha eshte i pakonkurueshem.

Unë mallkova me loçke te zemres politiken gjakepirese të ketij vendi qe eshte ATEDHEU IM E QE QUHET SHQIPERI!!! Nga Ajtanga Lubonja

S’merrnja dot fryme nga vapa,

mora ne dore dorezen e dushit dhe u bera qull….se po me binte te fiket!

Ne kete kohe degjova deren qe binte,

po jo tak-tak-tak, po goditje me pellembe !

E hap deren e çuditur kush mund te kete ardhur ne mes te kesaj vape…

dhe shoh ne dere nje femije djale 6-7 vjeç!

Nuk kishte te veshur ne trup as kemishe, as kanatjere,

ishte vetem me nje pale pantallona te shkurtra basme deri tek gjuri!

E pashe me çudi…kush qe ky femije!?

Nena, te t’i derdh qesen me plehra

(une , nga qe nuk i zbres dot shkallet,

qesen me mbeturina e le jashte deres

dhe pastruesja e konviktit ne mengjes e merr

ia di shume per faleminderit,

po sot ishte e djele,

ajo ishte pushim …dhe mbeturinat kishin mbetur ne dere!

Djali, pasi me drejtoi keto fjale,

po me shihte ne pritje te pergjigjes time!

Une e çuditur nga gjesti i femijes, ju pergjigja

“po rrofsh more bir”!

Atehere  nga nje femije  pashe te shperthente “LUFTA PER EKZISTENCE”!

Vogelushi, shtriu drejt meje pellemben e hapur dhe me nje ze te mekur me thote “BEN 100 lek”…dhe uli koken,

duke belbezuar “s’kemi buke ne shtepi, s’kane pune”!

Une shtanga e futa brenda e perqafova,

lotet me rridhnin …si ti thonja une atij femije qe nuk kisha asnje lek,

qe pensioni me ishte vonuar dhe po mos vinte as neser …

rrezik te dilnja aty ke kryqezimi te lypnja,

se per pune nuk jam me e zonja!

Hapa dollapin e ushqimeve,

gjeta nje pako makarona, nje pako miell e nje qese te vogel kripe…

i futa ne nje qese dhe ja zgjata djalit!

Fshiva lotet dhe i thashe “sot nuk kam asnje lek, s’me ka ardhur pensioni…bir te me falesh”!

Djali , mori qesen e beri te dale…

e perqafova perseri dhe ai iku duke marrë ne doren tjeter, qesen me mbeturina!

Une hyra brenda dhe mallkova me loçke te zemres, politiken gjakepirese te ketij vendi qe eshte ATEDHEU IM E QE QUHET SHQIPERI!!!

Thirrjet histerike revolucionare të disa ishëve dhe hierarkëve të PD ndaj Lulzim Bashës – Nga Hysen Arapi

Thirrjet histerike revolucionare te disa isheve dhe hierarkeve te Pd ndaj Lulzim Bashes, tregon jo vetem mjerim politik , por dhe formim tipik ekstrem majtist.

 

Thirrje te tilla si” do ta largojme me dhune”, ” e hedh ne toke per 2 minuta”( por sma mban te kandidoj) , parrullat te vendosura naten nga debatikasit e rinj” Basha ik, qe te vije mami”etj i kane bere aq qesharake sa qe askush sua ve veshin dhe vetem gajasin ata 500 mije demokrate te merzitur per zgjedhjet e humbura( te blera).

Sali Berisha foli qarte. Konkuroni ne se jua mban, perndryshe mos beni me groteskun se ju doli kallaji .

Në PD do të kemi përplasje mes humbësve të 2017 dhe humbësve të 2013! – Nga ARTAN FUGA

Per akademikun Artan Fuga, deklarata e Arben Imamit nje dite me pare ne emisionin e Ylli Rakipit, “Te paekspozuarit”, “se cdo kërkesë për ta ndryshuar këtë kuadër kushtetues me një model tjetër, pra me një “republikë të re” është “kërkesë marksiste”‘,  tregon sipas Profesorit Fuga se “sa e ndërlikuar është gjendja që shfaq në publik Partia Demokratike”.

STATUSI I PLOTE:

Jo “betejë” mes humbësve dhe humbësve!

Kushtetuta që kemi ka sjellë degradimin politik, degjenerimin e sistemeve qeverisëse, autoritarizmin dhe përjashtimin e qytetarit nga pjesëmarrja.

 

Kur dikush thotë sot se cdo kërkesë për ta ndryshuar këtë kuadër kushtetues me një model tjetër, pra me një “republikë të re” është “kërkesë marksiste”, sikurse ndodhi te emisioni i z. Ylli Rakipi, “Të Paekspozuarit”, atëhere kupton se sa e ndërlikuar është gjendja që shfaq në publik partia demokratike.

Dashje pa dashje kjo tregon mosnjohje të historisë, marrje në mbrojtje të një sistemi ku deputeti është një shkruajtës, skrib, i vendimeve të qeverisë dhe Kuvendi rregjistrues i vendimeve të partive politike.

Kështu ka rrezik të mos kemi veçse një përplasje mes humbësve të 2017 dhe humbësve të 2013!

Modelet e demokracisë janë nga më i ulti te më i larti, ku kalimi nga një model te tjetri është një nga vlerat e mëdha që na vjen qysh nga mendimi i Aristotelit, Makiavelit, Hobessit, e deri te mendimtarët dhe politikanët e sotëm.

Në historinë politike të demokracive të mëdha europiane ka një evoluim disa shekullor të modeleve republikane! Republika të para, të dyta, të treta, të katërta, të pesta, etj.

Teknologjia sociale pasi e përdor një model, e konsumon atë dhe përqafon një model më të lartë.

Po vazhdoi kështu atëhere rrezikojmë të mos kemi veçse humbësit e kohëve të ndryshme do të debatojnë me njeri tjetrin se kush është më shumë humbës !

Jozefina Topalli e mprehi shpatën edhe një herë për situatën – Nga Elida Buçpapaj

 

Nuk ke gojë me folë Jozefinë.

E humbura je ti sa herë që e mpreh shpatën kundër Lulzim Bashës.

Sepse Shkodra e tregoi veten që ishte me Bashën dhe jo me ty.

Simpatizantët e tu për kë votuan?

Për Edi Ramën apo Ilir Metën?

Ti në Shkodër duhej ta tregoje veten.

Aty ti humbe.

Tash nuk ke gojë me folë!

Lulzim Basha ka vetem 4 muaj që është de facto kryetar i PD,

Deri katër muaj më parë PD e kishte Berisha,

Periudha kur Lulzim Basha nisi drejtimin e PD fillon me çadrën, Republikën e Re dhe muajin e fushatës

Duke i pasur gjithe xhaketat e vjetra të hequr nga lista kundër

Duke nisur prej Arben Imamit mbi tanks

Tek i biri i Çajup Rusmalit, ish eksponentit të diktaturës e deri tek ty Jozefinë.

Po Shkodrës nuk ia ndiu fare për ty

Sepse Shkodra e ka kuptu se ti e lidh demokracinë vetëm me kolltukun tënd në Kuvendin e Shqipërisë.

Po këtë kolltuk ti nuk e ke pronë të familjes

Ky kolltuk asht i popullit

Dhe populli e tregoi ne Shkodër se është me Lulzim Bashën dhe jo me ty.

Po të ishte me ty Shkodra, Lulzim Basha do ta kish humbur Shkodrën.

Shkodra kishte 5 deputetë në 2013 në kohën tande dhe 5 deputetë në kohën e Lulzim Bashës

Duke iu pasë pas shpine në antifushatë gjithe xhaketat e vjetra

Që jeni bërë gati që ta shqyeni Lulzim Bashën.

Po me çfarë argumenti do t’u dalësh ti shkodranve para syve

Shkodranët e votuan Republikën e Re të Lulzim Bashës

Shkodranëve u kanë ardhë deri në grykë xhaketat e vjetra të PD që në zgjedhjet e 2013 morën 1 milionë shuplaka kundër.

Lulzim Bashën e votoi Shkodra.

Shkodra të sfidoi Jozefinë.

Me të votu Shkodra të ka votu e gjithë Shqipnia.

Prandaj vëre vath në vesh këtë.

Shkodra e votoi Lulzim Bashën pa të marrë parasysh as ty dhe as fansat e tu!

Ndërsa ti hiq dorë nga të qenit krah për krah me Arben Imamin e tanksit dhe mbështete Republikën e Re.

Mos e mat demokracinë me kolltukun që e humbe.

Po të ishte kryetar partie Sali Berisha ty të kishte listu në Shkodër

Por mos harro se Sali Berisha nuk të zgjodhi ty kryetare te PD por Lulzim Bashen!

Edhe këtë vare vëth në vesh!

Fitore epike e Isa Sakja! – Nga Hysen Arapi

Kavaja kthehet ne normalitet.
Projekti Basha vazhdon! Republika e Re do nise nga Kavaja. Republika e Re eshte projekt madhor dhe veprat madhore marrin kohe! 500 mije votues jane nje baze e mire per ti dhene jete dhe per triumfin e ketij projekti. Revolucionaret ” blu” te deshperuar po kerkojne Bastijen shqiptare, por do te dorezohen para Kavajes, Shkodres, Kukesit e Tropojes, Tiranes dhe gjithe Shqiperise, e cila nuk mund te mbetet peng e inatçoreve, e spekullanteve politike, e ” Senatoreve” arrogante e prepotente , humbes te medhenj atehere kur kishin pushtet absolut. Idealet e Dhjetorit jane te pavdekshme, vepra e Azem Hajdarit eshte frymezuese per ringritjen e madhe . Lulzim Basha eshte garanti i kesaj ringritjeje . Ai humbi vetem nje beteje ne kushte ekstremisht te pa barabarta, pas fitores se betejave te meparshme. Lufta e vertete fillon tani.
Vendkomanda e kesaj lufte politike per projektin e madh u afirmua ne Kavaje. Mbeshtetje pa rezerva per Lulzim Bashen! Urimet me te mira per Kavajen pa dallim dhe kryetarin e ri te bashkise Isa Sakja!

Lulzim Basha personi më i përshtatshëm për ringritjen e PD – Nga HYSEN ARAPI

Lulzim Basha, ne ate stan oligarkesh qe u pasuruan gjate 8 viteve te qeverisjes se PD, eshte dhe mbetet personi me i pershtatshem per ringritjen e PD.

4 vjet ne opozite Basha me shume u perball me djallezine, hipokrizine, arrogancen dhe flirtin me pushtetin te ” senatoreve” inatçore te te pabeseve brenda Pd. Bash ne pikun e fushates kur oligarket se pane veten ne lista kerkuan doreheqjen e Bashes, nje gje e paprecedente ne historine e pluralizmit shqiptar.

Keta birbo ne vend qe te dilnin ne fushate per Pd , slane gur pa levizur dhe kishe e xhami pa u lutur qe Pd e Basha te humbiste zgjedhjet ndonese ne kushtet qe ishte Basha, shto ketu dhe disa xhaketa te reja qe ishin mall skarco si ata te vjetrat, rezultati i Pd duhet konsideruar i pritshem. Si doqofte Pd si aset i madh kombetar duhet ti kthehet idealeve te braktisura te dhjetorit nga oligarket e pashpirt dhe te rinise nje beteje te fuqishme politike per tia shkurtuar ditet pushtetit megalloman , por kallp dhe qartesisht te kompromentuar te te majteve alias neokomunisteve shqiptare.

Une besoj se Basha i ka te gjitha kapacitetet per ta udhehequr kete lufte duke larguar perfundimisht ata qe i futen gure nen rrota dhe duke bashkuar te gjitha resurset e kapacitetet e se djathtes reale shqiptare!

Para nesh sot është detyra e numërimit deri në fund të votës së rezistencës – Nga ROMEO GURAKUQI

Falenderim dhe mirenjohje per komisioneret dhe vezhguesit e PD Shkoder, ne zgjedhjet e 25 qershorit. Sot ju keni treguar se jeni shembulli i urtesise, mencurise, i zbatuesve me besnikeri dhe me perpikmeri te ligjeve te shtetit shqiptar; jeni modeli i etikes shembullore dhe pasues dinjitare te tradites me te mire te liberal -demokracise se ketij trualli.
Junior Commissioners qe qendruat aq denjesisht prane Senior Commissioners, me Kodin e Lirise, Kushtetuten dhe Frymen e Eterve, si busull orientimi e qendrimi. Ju ishit sot modeli se si Shqiperia mund te gjeje kampionet e ruajtjes se standardeve te zgjedhjeve te lira dhe te ndershme. Ju sfiduat “nentoken” ende te ndotur te procesit zgjedhor shqiptar; ju ndalet sot sa mundet, ate cfare procesi pastrues dhe dekriminalizues, ka lene ende mbi horizontin e politikes shqiptare. Kuptohet, qe ju nuk mund te ndalnit ate cfare ishte pergatitur me zbrazjen e Shqiperise nga Populli qe mendon dhe vepron per te ardhmen e femijeve. Ju nuk mund te ndalnit kanalet e nendheshme qe kishin depertuar me kohe drejt xhepave te mjerimit qe e kane pllakosur kete vend; as makinat e erreta qe nuk tuteshin nga ekzistenca e qeverise qe don te hape negociatat me BE; as depertimet e paligjshme te “udhezuesve te paautorizuar” ne hapesirat e oborreve dhe korridoreve te qendrave te votimit. Por gjithsesi, ju jeni pioneret e Republikes se re te qytetareve te lire e te pergjegjshem. Ju jeni idealistet e rinj perkrah qendrestareve te vjeter, te mbetur ne Shkodren time qe vuan, nga dora e paligjshme qe kerkon ta gjunjezoje; nga politika e sterholluar, e gatuar diku gjetke, qe kerkon t’ia fshije memorien e nje qyteti te lavdishem te mendjes, pendes, qendreses, indipendences dhe desidences.
Une kam besim se me ju, Shkodra do ia arrije nje dite te rikrijoje serish, shumicen e saj tradicionale, te bashkimit mbi liri, ligj, drejtesi, demokraci e vetedije bashkimi, mbi interesat e polisit tone dhe Shqipnise sone te dashtun.
Para nesh sot eshte detyra e numerimit deri ne fund te votes se rezistences ndaj politikave diskriminuese dhe zhbalancuese.
Mirenjohje per ju te gjithe!

Të jesht i djathtë… – Nga AGRON TUFA

Të jesh i djathtë, do të thotë të pranosh se ka Zot, se Ai është Krijuesi i Gjithçkaje dhe i njeriut; që Ai e ka krijuar edhe Majmunin, përfshij dhe atë Majmun, që dofarë e njohin për Stërgjysh;
Të jesh i djathtë do të thotë të nderosh të vdekurit, të parët e tu, prindërit dhe familjen.
Të jesh i djathtë do të thotë, që Atdheun ta shohësh si vijim dhe zgjerim të familje;
Të jesh i djathtë do të thotë, t’i duash trojet e tua, kopshtin tënd dhe pronën e vënë me djersë prej paraardhësve të tu dhe prej teje;
Të jesh i djathtë do të thotë, t’i hapësh vetes mundësitë për të shfrytëzuar të gjitha dhuntitë që të ka falë Zoti dhe që suksesi yt individual, të mbështetet në etikën njerëzore, pa i hy kujt në hak;
Të jesh i djathtë do të thotë, të duash dhe mbrosh traditën si vlerë të identitetit tënd e të kombit tënd;
Të jesh i djathtë do të thotë të çmosh në kult privatësinë dhe ta administrosh pa frikë, pa asnjë ndërhyrje e presion – lirinë tënde, të ndjehesh e të veprosh si i lirë, të marrësh vendime lirisht sipas ndërgjegjes tënde dhe të bësh lirisht zgjedhjen tënde;
Të jesh i djathtë do të thotë se brenda teje ka aq dashuri, sakrificë e mëshire, të cilat, në akord me frymëzimin tënd të brendshëm hyjnor je gati t’ia ofrosh të afërmit dhe njeriut në nevojë, të bashkëpjesëtosh gjithçka me fatkeqët, jo si solidaritet ateist komunist, por si shpirt i tejndjeshëm me praninë e Zotit.
Të jesh i djathtë do të thotë të dish ta bësh çdo herë zgjedhjen estetike dhe etike midis së Mirës dhe së Keqes, edhe kur dallimi midis tyre është i vështirë: zgjedhja e saktë bëhet edhe instinktivisht .
Të jesh i djathtë do të thotë, që higjiena e ndërgjegjes tënde nuk mundtë jetë aq e ndotur, sa të të shtyjë të votosh për Partinë Socialiste apo LSI. Ky do të ishte degradim dhe mëkat i pashlyeshëm për të gjitha cilësitë e një të djathti, që përmendëm më sipër.
Të djathtët e vërtetë, me një bosht vlerash të tilla, të pandryshueshme që nga antikiteti e deri më sot, votojnë të gjithë alternativën e djathtë dhe jo trashëgimtarët e komunizmit dhe Enver Hoxhës!
Të djathtët e vërtetë janë bukuria e Shqipërisë dhe me 25 qershor do të votojnë kundër shëmtimit të Shqipërisë!

Të gjithë ata janë shokët e mi, miqtë e mi, vëllezërit e mi!

Dhe i përqafoj në prag të 25 qershorit 2017