VOAL

VOAL

Please Wait ...
0%

Lulet e kumbullës plot vlera për kolesterolin, imunitetin dhe tretjen

By | August 15, 2019

Komentet

Udhëzuesi i OBSH: Kujdesi në kushtet e shtëpisë për rastet e dyshuara me koronavirus

Ekspertët e shëndetit publik kanë shpallur udhëzimet që OBSH ka hartuar për të dhënë një këshillim të shpejtë për rekomandimet e nevojshme për kujdesin ndaj pacientëve që trajtohen në kushtet e shtëpisë të dyshuar si të infektuar me koronavirus, të cilët shfaqin simptoma të lehta, si dhe për masat që duhet të ndërmarrë shëndeti publik lidhur me menaxhimin e kontakteve asimptomatike. Duke pasur parasysh njohjen e kufizuar të deritanishme të sëmundjes së shkaktuar nga ky virus dhe mënyrës së tij të transmetimit, OBSH rekomandon që rastet e dyshuara, të izolohen dhe monitorohen në kushte spitalore. Kjo do të sigurojë si sigurinë dhe po ashtu cilësinë e kujdesit shëndetësor (në rast se simptomat e pacientit përkeqësohen), si dhe sigurinë e shëndetit publik. Sidoqoftë, për disa arsye të mundshme, përfshirë dhe situatën kur kujdesi spitalor nuk është i disponueshëm, ose është i pasigurtë (përshembull kapacitete të kufizuara dhe burime të pamjaftueshme për të përballuar nevojat për kujdes shëndetësor), apo në rastet e refuzimit të hospitalizimit, kushtet alternative për sigurimin e kujdesit shëndetësor mund të merren në konsideratë. Në rastin e kushteve të tilla, pacientët me simptoma të lehta dhe pa mbivendosje me situata të tjera kronike si sëmundje mushkërish apo zemre, problem me veshkat apo me të dhëna komprometuese të sistemit imunitar, që e vendosin atë në një rrezik të shtuar për të zhvilluar komplikacione, mund të trajtohet në ambientin e shtëpisë. I njëjti parim i kujdesit në kushtet e shtëpisë zbatohet edhe për pacientët simptomatikë që nuk kanë më nevojë për hospitalizim. Ky vendim kërkon një gjykim të kujdesshëm klinik dhe duhet ndërmerret duke vlerësuar sigurinë e pacientit në kushtet e shtëpisë. Një linjë komunikimi me punonjësin e kujdesit shëndetësor duhet të vendoset përgjatë gjithë periudhës së kujdesit në shtëpi, derisa pacienti të shërohet plotësisht.

Personeli i kujdesit shëndetësor duhet të përfshihet në rishikimin e gjendjes shëndetësore aktuale për të parë progresin e simptomave, nëpërmjet kontakteve me telefon dhe idealisht, nëse është e mundur, nëpërmjet vizitave ballë për ballë, në mënyrë të rregullt (për shembull çdo ditë), duke kryer teste diagnostikuese specifike sipas nevojave.

Ata duhet të ndjekin rekomandimet e mëposhtme:

  • Ta vendosin pacientin në një dhomë më vete me ventilim të mirë.
  • Të kufizojnë numrin e personave që përkujdesen për pacientin, mundësisht të caktojnë një person që është në gjendje të mirë shëndetësore, që nuk paraqet rreziqe të tjera shëndetësore.
  • Të mos lejohen vizitorët.
  • Anëtarët e tjerë të shtëpisë duhet të qëndrojnë në një dhomë tjetër, ose nëse është e mundur, të mbajnë një distancë 1 metër nga personi i sëmurë (përshembull të flenë në krevat më vehte).
  • Të kufizohet lëvizja e pacientit dhe të minimizohet sipërfaqja që ndan me të tjerët. Të merren masa që sipërfaqet e përbashkëta (përshembull kuzhina, banjo) të jenë të ajrosura mirë ( të mbahen dritaret hapur).
  • Kujdestari duhet të mbajë një maskë mjekësore të puthitur mirë në fytyrë, kur ndodhet në të njëjtën dhomë me personin e sëmurë. Maska nuk duhet prekur apo t’i lëvizur gjatë përdorimit. Nëse maska njomet apo bëhet pis me sekrecione, duhet të ndërrohet menjëherë. Flakeni maskën pas përdorimit dhe zbatoni higjienën e duarve pas heqjes së maskës.
  • Kryeni higjienën e duarve pas çdo kontakti me personin e sëmurë apo në ambientin ku ata ndodhen. Higjiena e duarve duhet të zbatohet gjithashtu edhe përpara apo pas përgatitjes së ushqimit, përpara ngrënies, pas përdorimit të tualetit, si dhe sa herë duart duken të ndotura. Nëse duart nuk duken në pamje të parë të ndotura, mund të përdoret dezinfektuesi me bazë alkooli. Kryeni higjienën e duarve duke përdorur ujë dhe sapun, kur duart duken që janë të ndotura. Bëni të ditura kushtet e sigurisë (përshembull gëlltitjen aksidentale apo rrezikun për zjarr) para së të rekomandoni dezifektantët me bazë alkooli për përdorim në kushtet e shtëpisë.
  • Kur përdorni ujë dhe sapun, përdorimi i letrave njëpërdorimshme për fshirjen e duarve do të ishte i parapëlqyer. Nëse nuk është e mundur, përdorni peshqirë të posaçëm që nëse lagen, duhet t’i ndërroni.
  • Higjiena respiratore duhet të praktikohet gjithashtu, sidomos për personat e sëmurë, gjatë gjithë kohës. Higjiena respiratore do të thotë që të mbulohet goja dhe hunda sa herë kollitesh apo teshtin, duke përdorur maskat mjekësore, maskat prej cohe, letra apo parakrahun dhe të pasohet me higjienën e duarve.
  • Hidhini materialet që janë përdorur për të mbuluar gojën apo hundën, ose pastrojini ato plotësisht pas përdorimit (përshembull duke përdorur sapun normal apo detergjent dhe ujë).
  • Shmangni kontaktin direkt me lëngjet e trupit, veçanërisht me sekrecionet orale dhe ato respiratore, si dhe me jashtëqitjen. Përdorni doreza njëpërdorimesh, për të siguruar kujdesin oral dhe respirator sa herë jeni në kontakt me jashtëqitjen, urinën dhe mbetje të tjera. Kryeni higjienën e duarve, si para dhe pas heqjes së dorezave.
  • Dorezat, letrat, maskat dhe mbetjet e tjera të përdorura nga personat e sëmurë, apo ata që kujdesen për personat e sëmurë, duhet të vendosen në një kosh me qese, në dhomën e personit të sëmurë, përpara se të hidhen bashkë me mbeturinat e tjera të shtëpisë.
  • Shmangni ekspozimet e tjera të mundshme me personat e sëmurë, apo me sendet e kontaminuara në ambientin e tyre të ngushtë (përshembull shmangni përdorimin e përbashkët të furçës së dhëmbëve, cigareve, serviseve të ngrënies, pjatave, pijeve, peshqirëve, sfungjerëve dhe çarçafëve). Serviset e ngrënies dhe pjatat duhet të pastrohen me sapun apo detergjent dhe ujë pas përdorimit dhe mund të ri-përdoren në vend që të hidhen.
  • Pastroni dhe dezinfektoni vazhdimisht sipërfaqet e prekura, si komodinat e dhomës së gjumit, kokën e krevatit, si dhe mobilje të tjera të dhomës së gjumit, çdo ditë, duke përdorur dezifenktant për shtëpinë që përmban solucion me ujë të oksigjenuar të holluar (1 pjesë ujë i oksigjenuar dhe 99 pjesë ujë).
  • Pastroni dhe dezinfektoni banjon dhe sipërfaqet e tualetit të paktën një herë në ditë me dezifektant të zakonshëm shtëpie që përmban një përzierje ujë të oksigjenuar 6 (1 pjesë ujë i oksigjenuar dhe 99 pjesë ujë).
  • Pastroni teshat, çarçafët, peshqirët e banjos dhe të duarve etj, të personave të sëmurë, duke përdorur sapun për tesha dhe ujë, apo duke i larë në makinë larëse në temperaturë 60 – 900 C, me detergjentin që përdorni në shtëpi dhe thajini rrobat mirë. Vendosni çarçafët e kontaminuar në një kosh rrobash të palara. Mos i shkundni rrobat e ndotura dhe shmangni kontaktin direkt të lëkurës dhe rrobave me materialet e kontaminuara.
  • Përdorni dorezat njëpërdorimshme, si dhe veshjet mbrojtëse (përshembull përparëse plastike), kur pastroni apo merreni me sipërfaqet, teshat apo çarçafët e ndotura me lëngjet e trupit. Kryeni higjienën e duarve para dhe pas heqjes së dorezave.
  • Personat me simptoma duhet të qëndrojnë në shtëpi derisa simptomat të zhduken, bazuar në gjetjet klinike dhe laboratorike (dy teste negative RT-PCR me të paktën një diferencë 24 orëshe).
  • Gjithë pjesëtarët e familjes duhet të konsiderohen si kontakte dhe shëndeti i tyre duhet të monitorohet si më poshtë.
  • Nëse një anëtar i familjes zhvillon simptomat e një infeksioni akut respirator, përfshirë këtu dhimbje fyti dhe vështirësi në frymëmarrje, ndiqni rekomandimet e shëndetit publik si më poshtë.

 

Masat që duhet të merrni kur të shkoni për ekzaminim në spital:

  • Lajmëroni numrin 127 për çdo problem që mund të keni.
  • Lajmëroni qendrën e caktuar shëndetësore se një kontakt simptomatik do të shkojë në qendrën e tyre.
  • Ndërsa udhëtoni për të kërkuar kujdesin shëndetësor, personi i sëmurë duhet të mbajë maskën mjekësore.
  • Shmangni transportin publik për të shkuar në qendrën shëndetësore, nëse është e mundur, thërrisni një ambulancë apo transport për personin e sëmurë, me një mjet privat dhe hapni dritaret e mjetit nëse është e mundur.
  • Kontakti i sëmurë duhet të këshillohet që të kryejë gjithmonë higjienën respiratore dhe atë të duarve; të qëndrojë sa më larg të tjerëve që të jetë e mundur (të paktën 1 m), kur është në lëvizje dhe kur ndodhet në qendrën shëndetësore.
  • Higjiena e përshtatshme e duarve duhet të zbatohet nga kontaktet e sëmura dhe personat që kujdesen për ta.
  • Çdo sipërfaqe që ndotet më sekrecione respiratore apo lëngje trupore gjatë transportit, duhet pastruar dhe dezinfektuar me dezifektantë të zakonshëm të shtëpisë që përmbajnë një solucion me ujë të oksigjenuar të holluar6 (1 pjesë ujë i oksigjenuar dhe 99 pjesë ujë).
  • Gjithashtu masat e përshkruara për rastet e dyshuara zbatohen edhe në rastet e vetëkarantinimit të kontakteve.

Sa do do të zgjasë epidemia e koronavirusit? Flasin ekspertët amerikanë e italianë

Sa do të zgjasë epidemia e koronavirusit? Kjo është pyetja që bëjnë sot miliarda njerëz në botë.

“Disa muaj”, – kjo ishte përgjigja që dha Profesor Gianni Rezza gazetarëve që e pyetën.

Bashkëjetesa midis Italisë dhe koronavirusit do të jetë e gjatë. Kemi një numër të vogël rastesh. Kemi arritur gjeneratën e dytë ose të tretë të infeksioneve”, shpjegon drejtori i Departamentit të Sëmundjeve Infektive të Institutit të Lartë të Shëndetit duke u përpjekur të sigurojë se “Përhapja e koronavirusit është e kufizuar. Rastet e reja janë pothuajse të gjitha që i atribuohen epiqendrës së epidemisë në zonën e Lodi dhe dy shpërthimeve më të vogla në Veneto”. Por Rezza është edhe realist teksa thotë se “Ende presim një rritje të numrit të të infektuarve dhe masat e marra po japin efektet e pritura”.

Virusi jashtë kafazit

Me pak fjalë, koronavirusi është midis nesh. “Tani ai ka dale jashtë kafazit,” pranon Guido Silvestri, i cili drejton departamentin e Patologjisë në Universitetin Emory në Atlanta.

“Ne e gjejmë koronavirusin pothuajse kudo. Ai ende do të infektojë shumë njerëz. Fatmirësisht nuk bën shumë dëme, veçanërisht te personat nën moshën 60 vjeç. Të rinjtë do jenë në gjendje të mirë kurse fëmijët edhe më mirë. Rreziku më i madh është për të moshuarit dhe të sëmurët në dializë, me sëmundje të zemrës apo frymëmarrjes”.

“Me koronavirusin do të qëndrojmë bashkë edhe për një kohë të gjatë, por në fund do të jemi në gjendje të thyejmë zinxhirin e infeksioneve” parashikon Massimo Ciccozzi, epidemiolog i kampusit biomjekësor të Romës.

Të presim pranverën

Është e mundur që përhapja e koronavirusit të jetë e lidhur edhe me faktorët mjedisorë- shpjegon Silvestri, – Ndoshta temperature e lartë luan një rol në kufizimin e epidemisë.

Përsa i përket pranverës, duhet të presim gjithashtu për të kuptuar drejtimin që do të marrë epidemia. “Në javët e ardhshme, kur pacientë të shërohen, ne do të shohim nëse infeksionet e reja vazhdojnë”, shpjegon Giovanni Maga, virolog dhe drejtor i Institutit CNR të Gjenetikës Molekulare të Pavisë.

A e dini se syri është plot e për plot me mikrobe?

Studimet tregojnë se bakteret që jetojnë në sipërfaqe të syrit luajnë një rol stimulues dhe mbrojtës për sytë.

Deri tani kemi mësuar për koleksionin e mikrobeve që jetojnë në stomakun dhe në lëkurën tonë, të cilat për fat të mirë na mbajnë shëndoshë e mirë.

Por këto nuk janë të vetmet strehë mikrobesh në organizëm.

Syri i njeriut përmban një koleksion unik mikrobesh që përbëjnë atë që njihet si mikrobioma e syrit.

Kur ekuilibrat e mikrobevev prishen. atëherë shfaqen sëmundjet e syrit.

Përse Është e Rëndësishme Mikrobioma e Syrit

Studimet tregojnë se bakteret që jetojnë në sipërfaqe të syrit luajnë një rol stimulues dhe mbrojtës për sytë.

Sipas ekspertëve, kjo mikrobiomë mund të shërbejë për krijimin e terapive inovative për trajtimin e shumë sëmundjeve të syrit.

Madje në një të ardhme jo shumë të largët, shkencëtarët do të mund të përpunojnë bakteret në mënyrë të atillë sa të trajtojnë më me efikasitet të sëmundjeve të syrit.

Mikrobioma e syrit është gjithnjë e rrezikuar nga baktere të këqija që vijnë nga ajri apo nga duart e palara.

Megjithatë, një pjesë e madhe e tyre shkatërrohen ose eliminohen falë derdhjes së vazhdueshme të lotëve.

Shkencëtarët kanë identifikuar katër lloje bakteresh që qëndrojnë në sy.

Bëhet fjalë për llojet e baktereve: Staphylocoçi, Diphtheroids, Propionibacteria dhe Streptocoçi.

Kjo mikrobiomë e rëndësishme është njësoj e rrezikuar nga përdorimi apo abuzimi i antibiotikëve, si ajo e stomakut.

Mjekët shpesh rekomandojnë përdorimin e antibiotikëve të ndryshëm për shumë sëmundje të lehta të syve që në shumë raste nuk kanë nevojë për barna të tilla.

Problemet e lehta me sytë (siç është skuqja) që shkaktohen nga infeksione virale nuk trajtohen me antibiotikë.

Madje edhe infeksionet bakteriale të syrit mund të zgjidhen për 7-10 ditë pa ndërhyrje madhore me barna.

Përdorimi i tepruar i antibiotikëve mund të shkaktojë probleme edhe në mikrobiomën e syve duke shkaktuar infeksione, probleme me imunitetin madje edhe sëmundje të rënda si kanceri./AgroWeb.org

Reshje bore dhe stuhi shiu – Moti në vijim dhe zonat më të prekura

Reshjet do të jenë më të intesifikuara në mbrëmje, ndërsa zonat malore do të kenë reshje bore.

Nga dita e sotme e në vijim në territorin shqiptar do të mbizotërojë moti i ftohtë, shoqwruar me reshje intensive bore dhe shiu.

Sipas Meteoalb, të cilit i referohet AgroWeb vendi ynë sot dhe në ditët në vijim do të mbizotërohet nga alternime kthjellimesh dhe vranësirash.

Vranësirat do të shtohen pasdite ku do të sjellin reshje në të gjithë territorin. Reshjet do të jenë më të intesifikuara në mbrëmje, ndërsa zonat malore do të kenë reshje dëbore.

Sipas Meteoalb, temperaturat do të pësojnë një rënie të lehtë ku do të variojnë: në zonat malore, nga -2 gradë celcius në 06 gradë celcius, në zonat e ulëta nga 03 gradë celcius në 12 gradë celcius dhe në zonat bregdetare nga 07 gradë celcius në 13 gradë celcius.

Era do të fryejë në drejtim Perëndimor- Veriperëndimor, ndrësa forca e valëzimit në det pritet të jetë deri në 6 ballë.

Në Kosovë moti do të jetë i kthjellët me alternime vranësirash që do të sjellin reshje në pjesën më të madhe të territorit.

Temperaturat do të pësojnë një rritje të lehtë ku do të variojnë: në zonat malore nga -1 gradw celcius deri në 07 gradw celcius dhe në zonat e ulëta nga 03 gradw celcius në 08 gradw celcius.

Rinisn rreshjet e borës

Në Bulqizë rinisin reshjet e dëborës. Raportohet se i gjithë rrethi i Bulqizës është përfshirë nga reshjet e deborës.

Reshjet kanë nisur me intensitet të lartë.

Për momentin nuk raportohet për probleme në rrugë, por nëse reshjet vijonë me këtë intensitet patjetër që do të ketë Probleme në rrugë.

Ndërkohë zonat e tjera që pritet të preken nga rresjet e borës janë zonat malore si Bajram Curri, Kukësi, Peshkopia, Puka por edhe rajoni i juglindjes si Korça dhe Erseka.

Probleme në zonat bregdetare

 Drejtoria e Përgjithshme Detare Durrës kërkon marrjen e masave nga operatorët dhe ekuipazhet e anijeve për shmangien e incidenteve detare për shkak të përkeqësimit të motit.

“Në datat 27 dhe 28 shkurt moti do të përkeqësohet pasi bregdeti ynë do të përfshihet që nga dita e sotme nga era me drejtim jug me shpejtësi deri në 27 nyje dhe lartësia e detit në 2.3 metra. Moti do të përkeqësohet në dy ditët e ardhshme.

Në datat 27-28 shkurt drejtimi i erës do të ndryshojë në perëndim, veri-perëndim me shpejtësi deri në 31 nyje dhe lartësia e detit do të arrijë 3.9 metra.

Moti i përkeqësuar do të shtrihet në të gjithë bregdetin shqiptar dhe pritet që deri në mesditën e ditës së premte të jetë mot i përkeqësuar”, njoftojnë autoritetet sipas Top Channel.

Sipas autoritetit detar, informacioni jepet me qëllim parandalimin e çdo situate të papritur për shkak të kushteve atmosferike, si dhe kërkohet bashkëpunimi i të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gadishmërisë së ekuipazhit në mjetet lundruese.

Virologia italiane Ilaria Capua: Koronavirusi nuk është shumë i rrezikshëm, nëse prekeni ja masat që duhet ndërmarrë

VOAL – Koronavirusi tani është përhapur nëpër botë, siç e kishte parashikuar virologia italiane Ilaria Capua, e cila megjithatë nuk sheh një arsye për alarmin. Nëse virusi është shumë ngjitës, nuk është veçanërisht i rrezikshëm.

Studiuesja e Universitetit të Florida tregon se vdekjet prekin pacientët me shëndet tashmë të brishtë. Në këtë kuptim, nuk sillet ndryshe nga një virus tjetër i gripit.

E rëndësishme, sipas Capuas, është të vështirësohet përhapja e virusit, në mënyrë që një pjesë e madhe e popullsisë të mos sëmuret në mënyrë të shpejtë. Prandaj duhet të ndiqni këshillat e dhëna nga autoritetet: nëse nuk ndiheni mirë, shmangni largimin nga shtëpia. Nëse shfaqen simptoma, mos shkoni direkt te mjeku ose spitali, por bëni kontakt me telefon.

Nëse masat e kontrollit të vendosura janë të suksesshme, parashikon virologia, do të shohim një ngadalësim të përhapjes së infeksionit.

Sidoqoftë, situata do të ndryshojë sipas vendeve: më të varfërit, me një infrastrukturë shëndetësore më pak të qëndrueshme, do të jenë ata që do të vuajnë më shumë dhe virusi do të ketë një llogari shumë të kripur, përfundon studiuesja. rsi

Si të shpëtojmë nga koronavirusi? A ka mbrojtje pas infektimit?

Këshilla nga Dr. Ismail Lutolli spec. Pediatër, Subspecialist Dietolog – Nutricionist, Subspecialist Hematolog, Onkolog

Në momentet kur shkrimi të jetë publikuar, secili nga ne ka një pyetje që i sillet vërdallë:

Çfarë të bëjmë për t’u mbrojtur më mirë në rastin e infeksionit?

A ka shpëtim nga koronavirusi?

Përgjigja është PO, pa asnjë dyshim që po dhe ne mund të bëjmë shumë duke zgjedhur ushqimin e përshtatshëm për ngritjen e imunitetit dhe perballim të infeksionit virusal të quajtur “Corona Virus”. Mos harroni se sot nuk eksiston vaksinë për Corona virus por eksistojnë hapat e duhur me të cilin sigurohet mbrojtje shumë e theksuar.

Ndiqni keshillat në vazhdim pa humbur kohë dhe shendeti i juaj e familjeve tuaja do jetë i mbrojtur në mase te madhe.

Një sistem i ngritur imunitar i siguron fëmijës dhe te rriturve një mbrojtje të fortë natyrale nga sëmundjet, përfshirë corona virusin mjaft aktual. Synimi jonë kryesor me këshillat në vazhdim eshte që të forcojmë sistemin imunitar, në mënyrë që organizmi të ketë aftësinë të përballet suksesshëm me Corona virusin. Ne mund t’ia dalim me sukses.

Ndiqni keshillat në vazhdim:

1. Ushqime cilësore që forcojnë imunitetin

Një dietë e ekuilibruar siguron një sistem të fortë dhe të shëndetshëm imun të domosdoshem per të perballuar corona virusin.

Është e rekomanduar që në dietën e përditshme të përfshihen fruta të freskëta dhe perime (përmbajnë karotenoide-substanca natyrore që stimulojnë sistemin imunitar), drithëra, arra dhe fara. Ushqimet që kontribuojnë në forcimin e imunitetit janë: limoni, grejpfruti, bananet, pjepri, boronica, luleshtrydhe, kajsia, mango. Gjithashtu edhe perimet si: qepë, hudhër, domate, spinaq, brokoli, patate e ëmbël, kungull i njomë, karota, lakër, fasule dhe produkte soje (të gjitha këto ushqime janë shumë të pasura me nivele të larta të vitaminave, mineraleve, enzimave dhe antioksidantëve që forcojnë sistemin imunitar). Le të behen nga sot pjesë e perditshme e tryezës suaj.

2. Vitamina C

Kryeson listën, kur bëhet fjalë për forcimin e imunitetit. Ajo rritë prodhimin e qelizave të bardha të gjakut, nivelin e interferoneve, proteinat natyrore të prodhuara nga qelizat imune në përgjigje të virusëve, parazitëve dhe qelizave tumorale. Ka rol të jashtëzakonshëm në ndihmesën e sistemin imunitar në betejën ndaj infeksioneve të ndryshme. Rritë prodhimin e qelizave të bardha të gjakut, të cilat luftojnë kundër infeksioneve, por edhe nivelin e interferonit, antitrupit i cili është i bashkangjitur në sipërfaqen e qelizës, duke parandaluar futjen e virusëve në të. Gjithashtu, zvogëlon rrezikun nga sëmundjet kardiovaskulare dhe rritë nivelin e kolesterolit HDL (të mirë) dhe zvogëlon nivelin e kolesterolit LDL (të keq).
Njihet edhe si mbrojtës nga radikalet e lira në organizëm dhe është antioksidant i fortë. Dozën e nevojshme ditore të vitaminës C është më mirë ta merrni nga ushqimet natyrale, se sa si suplement. Frutat janë një burim i mirë i saj si: limoni, portokalli, papaja, kivi, luleshtrydhet, apo perimet, sidomos specat, brokoli dhe lakra. Kjo vitaminë, për shumë arsye gjendet në majën e listës të nutrientëve imunogjenë.

3. Vitamina D

Sistemi imunitar nuk mund të aktivizohet pa praninë e saj. Funksionet bazë të vitaminës D rregullojnë sistemin imunitar, rregullojnë rritjen e qelizave dhe ekuilibrin hormonal. Mënyra më e mirë për marrjen e vitaminës D është nga ekspozimi në diell. Përmes ushqimit këtë vitaminë mund ta merrni tek llojet e peshkut si salmon dhe ton, qumështi, vezët, kërpudhat, drithërat, lëngu i portokallit, gjizë pa kripë.

4. Marrja e acideve yndyrore të pangopura

Ato veprojnë në forcimin e sistemit imunitar, duke rritur aktivitetin e qelizave të bardha të gjakut, si dhe në mbrojtjen e trupit gjatë reagimit ndaj infeksionit. Këto yndyra i marrim përmes llojeve të ndryshme të peshkut (ton ose salmon ), të cilët natyrshëm janë të pasura me omega-3 acide yndyrore. Gjithashtu edhe lajthi, arra ose fëstekë.

5. Vitamina E

Është një antioksidant i rëndësishëm, që kontribuon në forcimin e imunitetit. Ajo stimulon prodhimin e T-limfociteve dhe qelizave natyrore vrasëse. Sasi të mjaftueshme të vitaminës E mund të merren nga një dietë të pasur me fara, vajra bimore dhe drithëra.

6. Zinku

Rrit prodhimin e qelizave të bardha të gjaku, të cilat luftojnë kundër infeksioneve. Burime të zinkut janë: drithërat e pasura, fasulja, mishi i lopës, mishi i qurës.

7. Vitaminat B

Këto vitamina përbëjnë grupin e 8 vitaminave të lidhura mes vete, të cilat në natyrë ndodhen në burime të bimëve dhe të kafshëve. Burime të pasura me vitamina B janë: perimet me gjethe të gjelbërta, drithërat integrale, patatet, bishtajat, arrat, mëlçia dhe mishi i thatë.

8. Magneziumi

Është mineral jashtëzakonisht i rëndësishëm dhe i nevojshëm për shumicën e reaksioneve në organizëm, mes tjerash është transport i glukozës dhe forcues i sistemit imunitar. Mund të merret përmes ushqimit, si tek bajamet ,farat e susamit dhe lulediellit, bananet, djathi, farat e kungullit dhe të lirit, miell tërshëre, brokoli, bizele dhe misër i ëmbël.

9. Sigurohuni që të merrni lëngje mjaftueshëm

Sigurohuni që dieta e përditshme të përfshijë një sasi të mjaftueshme të lëngjeve, në formën të ujit, qumështit apo lëngje frutash të pasura me vitamina.
Perdorni fruta dhe pije nga frutat e shtrydhura. Qendroni larg nga pijet e gazuara, apo ato me shtesa të ndryshme.
Marrja e se paku 2 litra uje ne dite eshte e domosdoshme.

10. Ushqime të pasura me selen

Vetëm tridhjetë gram arrë braziliane ka mjaftueshëm elementin kimik të selenit për të ndihmuar sistemin imunitar të luftojë sëmundjen.
Ushqime të tjera që përmbajnë selen janë frutat e detit, tuna, salmon, arrat, kikiriku .

11. Kërpudhat

Kërpudhat rrisin prodhimin e citokinës – qelizat që ndihmojnë në luftimin e infeksionit. Kërpudhat përmbajnë edhe përbërës të tjerë që forcojnë sistemin imunitar.

12. Qumështi i gjirit, faktor shumë i rëndësishëm te bebet

Qumështi i gjirit mund të përmirësojë ndjeshëm imunitetin dhe të mbrojë fëmijën nga Coronavirus.
Qumështi ka perberes siq janë imunoglobulina, leukocitet dhe antitrupa kundër viruseve dhe baktereve, që mbrojnë fëmijën nga infeksionet.

13. Pakësimi i marrjes së ëmbëlsirave dhe sheqerit

Konsumi i tepërt i sheqerit dhe ëmbëlsirave, zvogëlon numrin dhe funksionin e qelizave të bardha të gjakut, të cilat ndihmojnë për të luftuar infeksionet e ndryshme dhe për të rritur efikasitetin e sistemit imunitar.

14. Sigurohuni që të keni gjumë të qetë dhe të mjaftueshëm

Nëse ju nuk bëni gjumë të mjaftueshëm, do zvogëlohet rezistenca imunitare dhe kjo do të hapë rrugë për komplikime nga infeksioni virusal.

15. Aktiviteti fizik i domosdoshëm –
Aktiviteti i rregullt fizik është çelësi për të pasur një trup të shëndetshëm dhe për të shmangur sëmundjet e ndryshme. Aktiviteti fizik, frymëmarrja e thellë, ajri i pastër dhe rrezitja mbushin trupin me oksigjen. Aktiviteti fizik, ndikon në normalizimin e proceseve metabolike në organizëm, zvogëlon rrezikun për shfaqjen e problemeve metabolike, kardiovaskulare dhe proceseve tjera të demshme gjate infeksionin e mundshem me corona virus.

16. Limon dhe mjaltë së bashku

Një përzierje mjaft efikase në shtimin e imunitetit. Bëni shtrydhjen e 5 limoneve në një liter ujë dhe vendosni 4 lugë mjaltë, përzieni dhe i pini gjatë dites. Mund t’i shtoni edhe fara chia 4 luge mesatare.

17. Recetë per forcimin e imunitetit:

18. Recetë për shtimin e energjisë:

Recetë – si të shtoni energjinë tuaj

19. Recetë për shtimin e energjisë në procese infektimi:

Receta ideale për shtim të energjisë

Tre persona po trajtohen në QKUK me dyshimet për koronavirus, njëri është nga Kina

Në Klinikën Infektive të QKUK-së është shtrirë një person me origjinë nga Kina, i cili po dyshohet se është prekur nga koronavirusi Covid-19. Sipas mjekëve, pacienti nuk ka simptoma të theksuara të sëmundjes që ka origjinën nga vendi i tij Kina, por pas dyshimeve dhe shqetësimeve që ka pasur është paraqitur në Klinikën Infektive. Ndërkohë edhe dy persona të tjerë janë të shtrirë në Infektiven e QKUK-së me dyshimet për koronë, raporton Express.

Për lajmin janë deklaruar edhe nga Qendra Klinike dhe Universitare e Kosovës. Ata kanë thënë se tashmë tre persona janë në monitorim dhe të njëjtëve u janë marrë mostrat për analiza.

Rezultatet pritet të dalin së shpejti.

“Një shtetas kinez 28-vjeçar, një femër 27-vjeçare studente në afërsi të Romës në Piaqenza dhe një burrë 39-vjeçar i punësuar në Milano, u janë marr mostrat dhe pritet rezultati i analizave”, thuhet në përgjigjen e QKUK-së për Express.

Dje gjatë ditës u raportuan tri raste të tjera të dyshuara me koronavirus, por më pas rezultatet e të tria rasteve dolën negative.

Italia, qendër e shpërndarjes së koronavirusit të ri në Evropë

Disa shtete evropiane kanë konfirmuar rastet e para të prekura nga koronavirusi i ri, teksa shumica e tyre duket se janë të lidhura me përhapjen e virusit në Itali.

Austria, Kroacia dhe Zvicra kanë thënë se pacientët e prekur me këtë sëmundje kanë vizituar së fundmi Italinë.

Italia është kthyer në shtetin evropian të prekur më së keqi nga virusi, pasi deri tani është raportuar për 300 të infektuar dhe 11 persona të vdekur.

Megjithatë, shtetet fqinje kanë thënë se mbyllja e kufijve është “joproporcionale”.

Ministrat e Shëndetësisë në Francë, Gjermani, Itali dhe në Komisionin Evropian janë përkushtuar për të mbajtur dyert e hapura, pavarësisht pse po shtohet numri i personave të prekur në qendër dhe jug të Italisë.

“Ne po flasim për një virus që nuk respekton kufijtë”, ka thënë ministri italian i Shëndetësisë, Roberto Speranza.

Homologu i tij gjerman, Jens Spahn ka thënë se vendet fqinje janë duke trajtuar situatën “shumë, shumë seriozisht”, dhe ka pranuar se gjendja “mund të përkeqësohet, para se të përmirësohet”.

Koronavirusi i ri përcillet me kollë, temperaturë dhe me raste rezulton në pneumoni.

Fillimisht për këtë virus është raportuar në Kinë, në dhjetor të vitit të kaluar.

Sipas të dhënave të fundit, të publikuara të mërkurën, 78,064 persona janë infektuar prej kur ka shpërthyer virusi.

Zyrtarët shëndetësorë kanë raportuar për 52 vdekje shtesë të martën, duke shënuar shifrën më të vogël të vdekjeve në tri javët e fundit.

Numri i personave që kanë vdekur vetëm në Kinë, ka arritur në 2,715.

Numri i të infektuarve të rinj ka rënë në Kinë, derisa vëmendja kryesore tani është te përhapja e koronavirusit të ri nëpër vende të ndryshme në botë.

Tiranë: Frika e koronavirusit po shkarkohet mbi farmacitë

Ilirian Agolli

Në Shqipëri, mijëra qytetarë iu drejtuan farmacive për të siguruar maska dhe pajisje të tjera për të parandaluar prekjen nga korona-virusi.

Farmacistët pohojnë se po bëjnë maksimumin, ndonëse shqetësimi i qytetarëve është i lartë.

Prokuroria shqiptare ka nisur hetimet për disa raste të abuzimit me çmimet e farmacive, ndërkohë që ekziston një shqetësim i lartë i publikut për koronavirusin.

Pas mjekëve, që udhëtarët ndeshin në pikat kufitare ajrore, detare e tokësore, grupi i dytë, që qytetarët shqiptarë kërkojnë në këto ditë të shqetësuar për koronavirusin, janë farmacistët.

Edhe pse nuk janë formalisht pjesë e task forcave të emergjencës, janë farmacistët ata që po dialogojnë me mijëra qytetarë në panik, duke u bërë këshilluesit kryesorë dhe shërues të familjarëve në të gjithë vendin.

Farmacisti Armand Koni thotë se “situata mund të tejkalohet me sukses, nëse të gjitha strukturat shëndetësore bashkëpunojnë dhe nuk veprojnë të izoluara nga njëra tjetra, duke ndjekur objektiva parciale”.

Farmacistët sqarojnë se Kina është prodhuesja më e madhe e maskave e dorezave mjekësore dhe këto kohë ata nuk po furnizojnë rregullisht shtetet e tjera, sepse po i mbajnë për vete, ndaj u krijua një vështirësi në treg, e cila u zgjidh shpejt.

Në këto ditë të shqetësimit masiv të qytetarëve për koronavirusin, rrjeti kapilar i farmacive po u shpjegon atyre se përtej vendosjes së një maske individuale, parandalimi i viruseve ka të bëjë më shumë me kulturën shëndetësore në komunitet.

Drejtuesja e Urdhërit të Farmacistit, Diana Toma, thotë se “të gjitha farmacitë e Shqipërisë janë shndërruar këto ditë në qendra të këshillimit dhe edukimit mjekësor të qytetarëve në biseda të drejtpërdrejta”.

Farmacistët thonë se ata janë aleatët më të sigurtë të qytetarëve dhe hedhin poshtë si të pavërteta shigjetimet e rrjetit farmaceutik për abuzime me çmimet apo cilësinë e produkteve, duke theksuar përkushtimin e tyre në punë përkrah qytetarëve të shqetësuar.

Autoritetet shëndetësore në Shqipëri dyfishuan masat për të parandaluar hyrjen e koronavirusit në vend nga Italia fqinje. Zyrtarët thanë se qytetarët duhet t’u besojnë mjekëve në përballimin e këtij rreziku.

SHBA, zyrtarët paralajmërojnë për një përhapje të koronavirusit

Nancy Messonnier

Zyrtarët e shëndetësisë në SHBA paralajmëruan amerikanët të përgatiten për një përhapje të mundshme të koronavirusit.

“Çrregullimet në jetën e përditshme mund të jenë të rënda” në SHBA, paralajmëroi të martën në një konferencë shtypi Nancy Messonnier, drejtore e Qendrës Kombëtare të Imunizimeve . Shkollat në disa zona mund të detyrohen të mbyllen, po ashtu edhe bizneset, tha ajo.

Zonja Messonnier tha se zyrtarët e shëndetit publik nuk e dinë nëse përhapja e sëmundjes në Shtetet e Bashkuara do të jetë e butë apo e rëndë, por se amerikanët duhet të jenë gati për çrregullime të konsiderueshme në jetën e tyre të përditshme.

“I kërkojmë publikut amerikan të përgatitet për pritshmërinë se kjo mund të jetë diçka e rëndë,” tha Messonier.

“Çështja nuk është nëse do të ndodhë në SHBA, por kur do të ndodhë,” tha ajo.

Ndërkohë, eksperti i Instituteve Kombëtare të Shëndetësisë, Anthony Fauci, tha se një vaksinë kundër koronavirusit mund të fillojë të testohet tek njerëzit brenda një muaji e gjysmë.

PRESIDENTI DHE DEMOKRATËT DEBATOJNË

Presidenti amerikan Donald Trump tha të martën se Shtetet e Bashkuara e kanë vënë koronavirusin “shumë mirë nën kontroll” brenda kufijve të tyre. Ai bëri komentet edhe pse administrata po u kërkon ligjvënësve 2.5 miliardë dollarë fonde emergjente për t’u përballur me këtë problem.

Demokratët e Kongresit thonë se administrata Trump nuk ka arritur t’i përgjigjet me shpejtësi përhapjes së virusit në botë, madje se vetë presidenti përhapi informacion të rremë kur tha se koronavirusi do të ndalet në prill kur moti të ngrohet. Kriza globale e shëndetit po bëhet një tjetër betejë në luftën midis Presidentit Trump dhe Kongresit, pas dështimit të përpjekjeve të demokratëve për ta larguar presidentin me anë të një gjykimi në senat.

Presidenti Trump tha të martën gjatë një konference për shtyp në Nju Delhi se ndërsa SHBA janë mirë përsa i përket kontrollit, “ne bëjmë biznes me shumë vende të tjera, punojmë me vendet e tjera, ne duam që vendet e tjera të jenë të kënaqura dhe të shëndetshme.”

Garancitë e dhana së fundmi nga presidenti në lidhje me koronavirusin erdhën pas një dite të vështirë në tregun e aksioneve. Dow Jones pati rënien e tij më të madhe ditore që nga viti 2018, mes frikës globale në rritje për përhapjen e koronavirusit. Shtetet e Bashkuara kanë 14 raste të konfirmuara të virusit, sipas Qendrës për Kontrollin e Sëmundjeve.

Kërkesa e fondit të urgjencës prej 2.5 miliardë dollarësh, e cila iu dërgua Kongresit të hënën, ndahet midis 1,25 miliardë dollarëve si fonde të reja urgjente dhe 1,25 miliardë dollarë fonde që do të devijohen nga programet e tjera federale. Administrata po kërkon gjithashtu që ligjvënësit amerikanë të transferojnë 535 milion dollarë fonde të destinuara për trajtimin dhe parandalimin e virusit Ebola drejt përballimit të koronavirusit.

Ligjvënësit demokratë thanë se kjo strategji është e pamjaftueshme.

“Tepër pak, tepër vonë,” tha udhëheqësi i pakicës së Senatit, Chuck Schumer lidhur me kërkesën e presidentit. “Nuk kemi parë asnjë shenjë që Presidenti Trump të ketë ndonjë plan ose urgjencë për t’u marrë me çështjen e koronavirusit – ne kemi nevojë për udhëheqje të vërtetë dhe sa më shpejt.”

Në një koment në Twitter të martën, Presidenti Trump e karakterizoi kritikën e zotit Schumer si diçka që bëhet “thjesht për qëllime publiciteti”.

Kryetarja e Dhomës së Përfaqësuesve, Nancy Pelosi tha se kërkesa nuk ka kuptim pas shkurtimit të buxheteve të propozuar nga administrata Trump për vitin 2021 për Qendrën për Kontrollin e Sëmundjeve (CDC), Instituteve Kombëtare të Shëndetit (NIH) dhe agjencitë e tjera kryesore që trajtojnë kërcënimin në rritje.

“Amerikanët kanë nevojë për një përgjigje të koordinuar, plotësisht të financuar,” tha zonja Pelosi në një deklaratë. “Kërkesa e Presidentit për financim për t’iu përgjigjur koronavirusit është e vonuar dhe plotësisht e pamjaftueshme përballë përmasave të kësaj emergjence.”

Ajo tha se Dhoma e Përfaqësuesve, e kontrolluar nga demokratët, do të punojë shpejt për të nxjerrë paketën e vet financiare që “mban parasysh plotësisht shkallën dhe seriozitetin e kësaj krize të shëndetit publik.”

Por republikanët e Senatit thonë se ata janë të kënaqur me përgjigjen e administratës pas një informimi me dyer të mbyllura për koronavirusin të martën.

“Administrata është në krye të punës,” tha senatori republikan Bill Cassidy, i cili është mjek me profesion. “Ata po përshtaten siç duhet, duke u përpjekur t’i ndajnë mjetet financiare atje ku ato janë më të nevojshme.”

Ligjvënësi Cassidy vuri në dukje se nëse kërkesa e tanishme e administratës për financime urgjente nuk është e mjafshtueshme, mund të caktohen fonde shtesë.

“Le të shohim se si do të evoluojnë gjërat dhe atëherë mund të shtojmë para të tjera,” tha ai.

Senatori Demokrat Dick Durbin tha se projektbuxheti i administratës për vitin 2021 ishte “plotësisht i pajustifikuar” përsa i përket shkurtimit të fondeve për agjencitë kryesore shëndetësore të vendit, është e vështirë të thuhej nëse kërkesa për financim urgjent do të ishte e mjaftueshme për të përballuar kërcënimin.

“Nuk e di nëse është e mjaftueshme,” u tha ligjvënësi Durbin të martën gazetarëve.

A ju ndihmon Vitamina C të kaloni të ftohurën dhe gripin?

Shumë produkte thuhet se mund të ndikojnë në parandalimin apo trajtimin e të ftohurës apo infeksioneve të ndryshme të aparatit të frymëmarrjes.

Llojshmëria e tyre shkon nga vitamina e thjeshtë C e deri tek pluhurat të cilat mund t’i tresim në ujë.

Fatkeqësisht, sipas të dhënave të AgroWeb.org, produkte të tilla nuk është se kanë shumë ndikim në parandalimin e të ftohurës.

Vitamina C sigurisht që është një hallkë e rëndësishme në shëndetin e organizmit.

Gjithësesi studime, kanë vlerësuar efektivitetin e saj gjatë një gripi apo të ftohure.

Sa ndihmon kjo vitaminë

Në rastin më të mirë, organizmi mund të ketë një përmirësim që në 13 orët e para.

Ndërsa rasti më i keq, kjo vitamin mund të mos tregoj asnjë përmirësim.

Diçka e tillë varet gjithmonë nga serioziteti it ë ftohurës si dhe organizmit të personit.

Disa medikamente kundër të ftohurës përmbajnë zink. Mjekët gjithmonë këshillojnë që sasia e zinkut që konsumohet duhet të jetë përherë e kontrolluar.

Sipas tyre nëse doza e caktuar tejkalohet, zinku në vend që të ndihmojë organizmin, mund ta dobësoj atë dhe ta bëjë të prekshëm nga viruset.

Çdo organizëm është i veçantë, prandaj është vështirë që të përcaktohet në mënyrë të prerë nëse këto vitamina dhe minerale ndikojnë tek parandalimi it ë ftohurës dhe gripit.

Gjithsesi konsumimi i vitaminave kur e ndjeni veten të drobitur nga lodhja, apo jeni ftohur sigurisht që nuk ju dëmton.

Por AgroWeb.org, ju këshillon që të mos neglizhoni konsumimin e lëngjeve dhe çlodhjen.

A do të kthehet koronavirusi në pandemi botërore – OBSH paralajmëron të gjithë shtetet

Prej më shumë se një muaj e gjysmë, bota po përballet me një lloj virusi të ri infektiv.

Koronavirusi u shfaq për herë të parë Dhjetorin e vitit 2019 në Vuhan, Kinë ndërsa tashmë është shpërndarë në 37 vende të botës.

Raste të virusit janë shpërdarë në shumë kontinete duke nisur që nga Amerika e deri në Evropë.

Ka rreth 80 252 raste deri tani, teksa shifrat pritet të shtohen në orët në vijim nëse nuk tregohet kujdes.

Përvec Kinës dhe Koresë së Jugut, një nga vendet e tjera me më shumë të prekur është Italia.

Cilësohet si e treta në botë për nga numri i pacientëve dhe viktimave të virusit dhe është vendi i parë me këtë situatë emergjentë në Evropë.

Ekspertët parashtrojnë mundësinë e përhapjes së një pandemie, por nëse punohet shumë në këtë drejtim kjo mund të anashkalohet.

Kriza nga Koronavirusi COVID -19

Paralajmërimet e para për këtë virus në vendin tonë ka nisur në fillim të Janarit nga ISHP, teksa masat për parandalimit dhe evidentimin e tij janë shtuar dita ditës.

Organizata Botërore e Shëndetësisë paralajmëron që njerëzit duhet të jenë sa më të kujdesshëm dhe mos të ngelizhojnë asnjë simptomë të kësaj sëmundje.

Drejtori i përgjithshëm i OBSH Tedros Adhanom, në një takim me mediat është shprehur se nëse nuk tregohet kujdes, bota do të përballet me një pandemi globale.

“Megjithëse mundësitë janë të vogla, ne kemi ende një mundësi të mirë për ta izoluar virusin”, u shpreh ai për mediat.

Ende nuk përshkruhet si një emergjncë pandemie globale, është e rëndësishme që e gjithë bota të përgatitet për një skenar të mundshëm të këtij lloji.

Çfarë i shqetëson më së shumti ekspertët janë rastet pozitive ndaj koronavirusit edhe tek vende të largëta nga Kina, siç është Italia me 283 të prekur.

“Ajo çfarë po shohim sot janë epidemi të vogla në pjesë të ndryshme të botës, të cilat i prekin shtetet në mënyrë të ndryshme dhe reagimi duhet të jetë i ndryshëm për çdo rast”, u shpreh kreu i OBSH.

Nga ana tjetër shefi i Kombeve të Bashkuara Antonio Guterres, i bën thirrje të gjithë shteteve të bëjnë çdo gjë që kanë në dorë për ta luftuar këtë virus dhe të jenë të përgatitura për këtë problem botëror.

“Është ende e mundur kontrollimi i sëmundjes, por nëse disa dështojnë, nëse disa vende nuk bëjnë çdo gjë që është e mundur për të parandaluar dhe izoluar, situara mund të dalë jashtë kontrollit dhe pasojat do të jenë dramatike si në shëndetësinë globale ashtu edhe në ekonominë globale.”, u shpreh Guterres.

Teksa virusi në Kinë sipas OBSH ka filluar të zbehet, shqetësuese janë rastet e reja në Iran dhe Itali.

Çfarë është një pandemi botërore?

Një pandemi zhvillohet kur një sëmundje përhapet në popullsi më shumë nga shifrat normale.

Shpërndarja mbarë botërore e një sëmundje të re do të thotë pandemi botërore.

Kështu në rast pandemie shumica e njerëzve në botë është e ekspozuar ndaj një rreziku të caktuar.

Ndryshe nga epidemia e cila prek popullsi teë caktuara në kohe dhe vende të caktuara, pandemia përhapet në të gjithë botën.

Arsyeja se përse po diskutohet mundësia e përhapjes së një pandemie për këtë virus, është se mjekët nuk arrijnë shpesh të kuptojnë se si virusi është shpërndarë në skaje të largëta të globit.

Ekspertët shprehen se vendet dhe njerëzit duhet të tregohen të kujdesshëm dhe të qëndrojnë të përgatitur për tu mbrojtur nga ky virus.

Duke qenë se ende nuk ka një vaksinë për ta kuruar atë, është e rëndësishme që të shihen të gjithë masat parandaluese si nga qytetarët duke ruajtur higjenën ashtu edhe nga shtetet në të gjithë botën, shprehen ekspertët./AgroWeb.org