VOAL – Sir Nicholas Winton George, lindur Nicholas Wertheim (Londër, 19 maj 1909), është një filantrop anglez, i njohur si “Schindleri Britanik”.
Midis viteve 1938 dhe 1939, Winton shpëtoi 669 fëmijë (kryesisht hebrej) nga Çekosllovakia e pushtuar,duke organizuar udhëtimin e tyre me tren në Britani të Madhe dhe duke u siguruar atyre strehim. Gjithçka që kishte bërë kishte mbetur e panjohur deri kur një ditë, në vitin 1988, gruaja e tij Greta zbulon rastësisht një album ku jepeshin detajet për jetët e shpëtuara. 80 prej këtyre fëmijëve jetonin në Angli.
Në një program të BBC titulluar “That’s Life” po në vitin 1988, ku ishte i pranishëm edhe Nicholas Winton me të shoqen, ai pa patur kurrë farë dijenie, e gjen veten përpara një të papriture të jashtëzakonshme, të rrethuara nga burra e gra, të cilët ishin fëmijët që ai dikur kishte shpëtuar.
Bota zbuloi tek ai burrë heroin e vërtetë i cili e kishte mbajtur në zemrën e tij veprën e tij heroike. Tashmë fëmijët që ai kishte shpëtuar nga ferri nazist ishin burra e gra të rritur, gjyshe e gjyshër, por nuk e harronin kurrë se jetën ia dedikonin atij burri, që quhet Nicholas Winton.
Nicholas Winton mbush në maj 106 vjeç. Jetët që ka shpëtuar i kanë shtuar atij jetën!
Më 1 shtator 2009 një Tren special me emrin Treni Winton u nis nga stacioni i Pragës. Ai drejtohej nga një lokomotivë dhe vagona të përdorur në vitet ‘30 kur Winton i kishte organizuar udhëtimin nga nga Praga në Londër. Në bordin e trenit ishte Winton, tashmë 100 vjeçar dhe disa nga fëmijët, tashmë edhe ata të moshuar, që ai kishte shpëtuar 70 vjet më parë, më 3 shtatorin e vitit 1939.Në stacionin qendror të trenit në Pragë, me atë rast u inaguruar një memorial nga Flor Kent, që i dedikohet këtij burri. Është ky që jeni duke parë.
Winton është po ashtu tre herë kandidat për Nobelin e Paqes.
Sikur të gjithë ne do të bënim vepra të mira, mendoni se sa e bukur do të ishte bota./Elida Buçpapaj
Elida BUÇPAPAJ
*Sir Nicholas Winton George iku nga kjo botë më 1 Korrik 2015, në moshën 106 vjeçare. Ky shkrim është shkruar në shkurt të vitit 2015, disa muaj përpara se të mbushte 106 vjeç
Deputetja e pavarur Marjana Koçeku, deputeti i Partisë Mundësia, Erald Kapri, si dhe nënkryetari i PD-së, Nikola Kedhi, patën sot një takim në ambasadën amerikane me zyrtarë të lartë amerikanë të ardhur nga Uashingtoni.
Tre të rinjtë e opozitës, duket se janë një zgjedhje jo e rastësishme. Ndërsa burimet thonë se në takim është folur për situatën politike në Shqipëri, duke përfshirë edhe pakënaqësitë e akumuluara dhe të shprehura përmes protestës popullore.
Ndër deputetët e rinj të spikatur në këtë situatë politike, Marjana Koçeku ka pasur takime të shumta me diplomatë të huaj, si dhe është shfaqur në mediat më të rëndësishme ndërkombëtare për të folur për situatën në Shqipëri dhe protestën. Gjithashtu, Erald Kapri është ndër deputetët e rinj më të spikatur në Kuvendin e Shqipërisë, i angazhuar në mbështetje të protestës. Po ashtu edhe Nikola Kedhi është ndër të rinjtë më aktivë të PD-së.
Takimi merr rëndësi edhe për shkak të momentit politik në të cilin zhvillohet. Mazhoranca vazhdon betejën me drejtësinë, pasi ish-zyrtarë dhe zyrtarë të lartë të qeverisjes socialiste akuzohen për korrupsion. Asambleja Kombëtare e PS-së, që zhvillohet këtë të shtunë dhe ku priten ndryshime, ndoshta me qëllim për të retushuar gabimet, duket si përpjekje për të shuar pakënaqësinë masive që ekziston në popull. Ndërkohë, protesta studentore vazhdon dhe studentët kanë refuzuar në vazhdimësi dialogun e kërkuar nga kryeministri.
Prania e tre përfaqësuesve të rinj të opozitës në një takim me zyrtarë amerikanë të ardhur nga Uashingtoni përbën një zhvillim që tërheq vëmendjen, veçanërisht për sinjalet politike që mund të përcjellë. bw
Nëse ke 100 euro për të blerë produkte ushqimore në Tiranë, me të njëjtën shumë mund të blesh rreth 46% më shumë në Prishtinë, 34% më shumë në Shkup, 25% më shumë në Podgoricë, 22% më shumë në Sarajevë dhe 17% më shumë në Beograd.
Diferencat në çmimet e ushqimeve mes kryeqytetit shqiptar dhe vendeve të tjera të Ballkanit Perëndimor janë të ndjeshme, sidomos për produktet e konsumit të përditshëm, nga qumështi e vezët te djathi, mishi dhe frutat.
Sipas një krahasimi të bërë nga “Monitor”, bazuar në të dhënat e platformës ndërkombëtare Numbeo për çmimet në markete, një shportë me 15 produkte bazë kushton 54.6 euro në Tiranë, nga 46.9 euro në Beograd, 44.6 euro në Sarajevë, 43.8 euro në Podgoricë, 40.7 euro në Shkup dhe 37.3 euro në Prishtinë.
Diferencat janë edhe më të mëdha për produkte të veçanta. Vezët kushtojnë në Tiranë pothuajse dyfishin e çmimit të Prishtinës.
Një paketim me 12 kokrra shitet mesatarisht 3.24 euro në kryeqytetin shqiptar, nga vetëm 1.61 euro në Prishtinë dhe 2.2 euro në Shkup.
Qumështi është një tjetër produkt ku diferencat janë të forta. Një litër kushton mesatarisht 1.97 euro në Tiranë, kundrejt 1.05 eurove në Sarajevë, 1.12 eurove në Shkup, 1.13 eurove në Prishtinë, 1.16 eurove në Podgoricë dhe 1.27 eurove në Beograd.
Në krahasim me Sarajevën, qumështi është gati 88% më i shtrenjtë në Tiranë.
Edhe djathi vendas ka çmime dukshëm më të larta. Një kilogram kushton mesatarisht 11.4 euro në Tiranë, nga rreth 7 euro në Prishtinë dhe Shkup, 7.7 euro në Podgoricë, 9.2 euro në Sarajevë dhe 10.2 euro në Beograd.
Diferenca të konsiderueshme shfaqen edhe te mishi. Një kilogram fileto pule kushton 8.2 euro në Tiranë, nga rreth 6 euro në Beograd dhe Prishtinë. Mishi i viçit shitet mesatarisht me 15.2 euro për kilogram, ndërsa në Podgoricë dhe Prishtinë kushton rreth 11 euro.
Ndër produktet me diferencat më të larta janë edhe disa fruta e perime. Bananet kushtojnë 2.2 euro për kilogram në Tiranë, rreth 75% më shumë se në Shkup. Për sallatën jeshile, diferenca me Shkupin është edhe më e madhe, ndërsa te qepët Tirana është 75% më e shtrenjtë se Beogradi.
Megjithatë, jo të gjitha produktet janë më të shtrenjta në Shqipëri. Domatet kushtojnë më shumë në Beograd dhe Podgoricë, ndërsa orizi është pak më i shtrenjtë në Beograd.
Të dhënat e Numbeo bazohen në çmime të raportuara nga përdoruesit dhe krahasojnë kryeqytetet, jo mesataret kombëtare. Shporta ilustruese përmban nga një njësi të secilit prej 15 produkteve ushqimore dhe pijeve joalkoolike, pa përfshirë pijet alkoolike dhe duhanin.
Cmimet2
Edhe Eurostat konfirmon çmimet e larta të ushqimeve në Shqipëri
Diferencat e evidentuara nga Numbeo përputhen me panoramën e përgjithshme që japin statistikat europiane.
Sipas të dhënave të Eurostat për vitin 2025, Shqipëria rezulton vendi më i shtrenjtë në Ballkanin Perëndimor për ushqimet, duke kaluar për herë të parë edhe mesataren e Bashkimit Europian.
Indeksi i çmimeve të ushqimeve në Shqipëri arriti në 102.9% të mesatares së BE-së në vitin 2025, nga 99.6% në vitin 2024 dhe rreth 85% në vitin 2022. Në Serbi, niveli ishte 96.6% i mesatares europiane, në Mal të Zi dhe Bosnjë-Hercegovinë 84.6%, ndërsa në Maqedoninë e Veriut vetëm 74.3%.
Me fjalë të tjera, një shportë ushqimore që në Bashkimin Europian kushton mesatarisht 100 euro, në Shqipëri kushton rreth 103 euro, ndërsa në Maqedoninë e Veriut vetëm 74 euro.
Diferenca bëhet edhe më e dukshme te produktet e bulmetit. Sipas Eurostat, në vitin 2025 çmimet e qumështit, produkteve të tjera të bulmetit dhe vezëve në Shqipëri ishin 35.6% mbi mesataren e Bashkimit Europian, duke qenë ndër kategoritë me çmimet më të larta në raport me tregun europian.
Ndërkohë, Shqipëria ka të ardhura për frymë sa 43% e mesatares së BE-së dhe konsum individual për frymë sa 48% e saj. Pra, konsumatorët shqiptarë përballen me çmime ushqimore të krahasueshme, madje më të larta se mesatarja europiane, ndërsa fuqia e tyre blerëse mbetet shumë më e ulët.
Ushqimet zënë rreth 40% të shpenzimeve të familjeve shqiptare, ndaj çmimet e larta të produkteve bazë rëndojnë drejtpërdrejt në buxhetet familjare.
Forcimi i vazhdueshëm i Lekut ndaj Euros gjatë viteve të fundit ka ulur koston në monedhën vendase të mallrave të importuara, por ky përfitim nuk është reflektuar në të njëjtën masë në çmimet e shitjes për konsumatorët./Monitor.al/
Përdorimi i drogave të paligjshme është një problem serioz për 79% të shqiptarëve, ndërsa pothuajse dy në tre qytetarë mendojnë se konsumi i tyre është shtuar gjatë pesë viteve të fundit.
Sipas anketës së fundit të Agjencisë së Bashkimit Europian për Drogat (EUDA), të publikuar në nëntor 2026, 38% e të pyeturve në Shqipëri e konsiderojnë përdorimin e drogave një problem shumë serioz në zonën ku jetojnë, ndërsa 41% e vlerësojnë si problem serioz.
Vetëm 12% mendojnë se nuk është një problem shumë serioz dhe 5% se nuk përbën aspak problem.
Shqetësimi i lartë shoqërohet edhe me perceptimin se përdorimi i drogave është përhapur më shumë vitet e fundit. Rreth 34% e shqiptarëve mendojnë se konsumi i lëndëve narkotike në zonën e tyre është rritur shumë krahasuar me pesë vite më parë, ndërsa 30% vlerësojnë se është rritur disi.
Në total, 64% e të anketuarve perceptojnë një rritje të përdorimit të drogës, kundrejt 21% që mendojnë se situata ka mbetur e pandryshuar. Vetëm 7% vlerësojnë se përdorimi është ulur, ndërsa 8% nuk kanë dhënë përgjigje.
Të dhënat pasqyrojnë një shqetësim të përhapur për konsumimin e drogës në komunitetet shqiptare. Megjithatë, anketa mat perceptimin e qytetarëve dhe jo numrin faktik të përdoruesve apo sasitë e drogave të konsumuara.
Shqipëria është ndër vendet me nivelin më të lartë të shqetësimit për përdorimin e drogave në Europë. Për krahasim, mesatarisht gjashtë në dhjetë qytetarë të Bashkimit Europian e konsiderojnë përdorimin e drogës një problem serioz në zonën ku jetojnë, nga pothuajse tetë në dhjetë në Shqipëri.
Edhe trafikimi i drogave shihet si problem serioz në Shqipëri. Rreth 79% e qytetarëve të anketuar e konsiderojnë trafikun e lëndëve narkotike një problem serioz ose shumë serioz në komunitetin e tyre, ndjeshëm mbi mesataren prej 60% të Bashkimit Europian.
Europa
Sipas EUDA, dallimet mes vendeve europiane janë të konsiderueshme. Në Bashkimin Europian, përqindja e qytetarëve që e konsiderojnë përdorimin e drogës një problem serioz luhatet nga 44% në Danimarkë në 78% në Qipro.
Ndër vendet jashtë BE-së të përfshira në anketë, Maqedonia e Veriut ka një nivel edhe më të lartë shqetësimi, prej 85%.
Në nivel europian, shqetësimet për përdorimin dhe shpërndarjen e drogave lidhen veçanërisht me pasojat për shëndetin dhe sigurinë publike.
Rreth 39% e qytetarëve të BE-së rendisin problemet e shëndetit mendor, përfshirë psikozat dhe vetëvrasjet, ndër shqetësimet kryesore shëndetësore që lidhen me drogën.
Një tjetër 30% shqetësohen për pasojat e drogave të reja sintetike me veprim të fuqishëm.
Për sigurinë publike, shqetësimi kryesor është përfshirja e fëmijëve dhe adoleshentëve në trafikun e drogës, e përmendur nga 30% e europianëve, e ndjekur nga dhuna dhe kriminaliteti i lidhur me drogën, me 27%, dhe drejtimi i automjeteve nën ndikimin e lëndëve narkotike, me 26%.
Anketa evidenton edhe perceptimin se drogat janë relativisht të lehta për t’u siguruar.
Në Bashkimin Europian, 48% e qytetarëve mendojnë se mund të sigurojnë kanabis brenda 24 orëve, ndërsa për kokainën dhe MDMA-në kjo përqindje është rreth një e treta.
Të rinjtë e moshës 15–24 vjeç raportojnë një perceptim më të lartë të disponueshmërisë sesa grupmoshat më të mëdha.
Për sa u përket masave për të kufizuar problemet që lidhen me përdorimin e drogës, 45% e qytetarëve europianë mbështesin forcimin e ndërhyrjeve policore kundër trafikimit dhe shpërndarjes, ndërsa 43% kërkojnë më shumë mbështetje për riintegrimin në punë dhe në jetën e përditshme të personave me varësi.
Anketa e EUDA u zhvillua nga 24 qershori deri më 16 korrik 2026, me 95,883 të intervistuar të moshës 15 vjeç e lart në 36 vende europiane, përfshirë Shqipërinë.
Ajo synon të identifikojë perceptimet e qytetarëve për përdorimin dhe trafikimin e drogave, pasojat për komunitetet dhe mënyrat e përballimit të problemit./Monitor.al/
Është fragmentuar në disa mesazhe përmbajtja e samitit të 9-të të Komunitetit Politik Europian, që zhvillohet në Dublin, Irlandë, me pjesëmarrjen e kryeministrit të RSH-s prej propagandës zyrtare pikërisht për t’ju shmangur thelbit ose një pseje të madhe se përse nuk do të mbahet një samit i NATO-s në Tiranë më 2026.
A mos di vallë më shumë Ministri i Mbrojtjes Nufi kur prej të njëjtit burim ka theksuar se:-“Samiti i NATO-s do të mbahet në Tiranë, Shqipëria nuk ka propozuar shtyrjen apo zhvillimin virtual”
Kujt do t’i besonim për të njëjtën temë brenda disa orëve dhe kur kryeministri shpërndan edhe foton familjare nga Samiti i Dublinit duke nënkuptuar qëndrimet e tija të fundit se po pati një Samit të NATO-s në Tiranë, ai do të jetë në 2028, por le të shohim titujt që ushqejnë propagandën;
Rama: Nëse do të ketë një samit të NATO-s në 2028 ai do të zhvillohet në Tiranë
Fotoja familjare e samitit të 9-të të Komunitetit Politik Europian (EPC) në Dublin
Rama, takim me Zelensky në nisje të punimeve të Komunitetit Politik Europian në Irlandë
Rama: Mbështetja ushtarake për Ukrainën e drejtë, duhej mbajtur hapur kanal bisedimi me Rusinë
Rama: Sipërmarrje e përbashkët për Sazanin, nuk ka asnjë ishull të shitur apo të dhënë me qira
Janë këto deri tani dhe me siguri do të ketë të tjera në vazhdim që do t’i mbysin ekranet dhe rrjetet sociale.
Pra pavarësisht fragmentimit të titujve që përbëjnë një konfuzion dhe jo mesazh po i rendisim ato në mënyrë që të kuptojmë se përse shpesh kryeministri përdori teknikën “Say it again” ose “What’s your question” pa togfjalëshin “ju lutem” (please), kur pyetjeve ju drejtohej shpesh me pyetje.
Këmbimi i përgjigjes me pyetje në psikologji tregon për disa cilësi dhe rrjedhoja që ngjasojnë me kërkimin e së vërtetës që duan gazetarët profesionistë që të mos lejohen qëllime si;
-shmangie ose mungesë angazhimi,
-pasiguria e përgjigjes dhe mundësia për të mbledhur më shumë informacion ose për të kërkuar sqarime,
– shmangja ndaj një përgjigje të drejtpërdrejtë dhe kontrolli mbi bisedën,
-shpërfillja ,
-mbyllja që të çon në zbulime të thella dhe biseda domethënëse,
pra marrja e asaj që është fakt dhe jo propagandë.
A janë të menduarit kritik dhe pyetjet kritike mbi faktet ato që i zgjidhin problemet?
Vetëm një fakt nga përgjigjet që zmadhojë imazhin me praninë e shumtë të gazetarëvedo të jepnim sepse në Shqipëri protestat kanë hyrë në muajin e gjashtë:-“Nuk ka asnjë ishull të shitur, asnjë ishull në koncesion apo të dhënë me qira. Nuk ka asnjë kërkesë prej investitorit apo dikujt tjetër për të blerë ishullin” dhe se “…ishulli është pronësi e Republikës së Shqipërisë dhe ne po negociojmë se cila do të jetë pjesa e Republikës së Shqipërisë në këtë sipërmarrje të përbashkët”, është përgjigjur kryeministri.
Si? …është pronësi e Republikës së Shqipërisë?!
Këtë nuk e ka kuptuar ende ky kryeministër simbol i VKM-ve në 14 vite.
Po Sovraniteti i territorit çfarë është?
Pikërisht këtë nuk e ka kuptuar se është korrupsioni i frikshëm që e ka thyer Shqipërinë në plaçkë në duart e krimit ekonomik, të transaksioneve ilegale dhe sigurive të humbura që i kanë ngritur qytetarët shqiptarë dhe protestojë duke provuar dhunën dhe gjobat se “Shqipëria nuk është për shitje”.
Tani le ta tejkalojmë arrogancën në këtë rast pasi vëmendja duhet të kthehet tek mungesa e sinqeritetit e tek dredhia si edhe mashtrimi, kur pyetjet i bëhen direkte kryeministrit.
Vendoseni atë në realitetin shqiptar ku gjoja kërkohet dialog, por ushtrohet dhunë dhe merren masa administrative me vendosje gjobash për protestuesin.
A nuk është ky i njëjti kryeministër që mposhtjen e protestës dhe të demokracisë e sheh si jetëgjatësi dhe mbajtje e pushtetit?
Përgjigja me pyetje në këmbim u bë aq e dendur sa kuptuam se një gjë doli fare e qartë se në se një Samit NATO-je do të mbahej në Tiranë në se ai do të projektohej për vlerën financiare në buxhetin e 2027-ës.
Mbase ju kujtohet “Shtëpia e Evropës” (mbi 2 milion €), pas zgjedhjeve të 11 Majit. Ishte një VKM më parë që synonte për të certifikuar zgjedhjet nga ana e kryeministrit, pasi pëlqyeshmëria, humori, vëmendja mediatike dhe ekstravaganca ishin toleruar. Ndërsa sot me mendje të ftohtë dhe pas dhunës së sistemit autokratik një Samit i NATO-s në Tiranë do të përligjte diktatorin jo vetëm për cilin protestat e pandërprera brenda dhe jashtë vendit po i kërkojnë dorëheqjen dhe po e thërrasin hapur hajdut jo vetëm për shkak të korrupsionit dhe zvarritjeve të drejtësisë, por edhe për shkak të zgjedhjeve vendore si rastësisht të dekretuara nga presidenti më 9 Maj. (Fitorja mbi fashizmin, Dita e Evropës).
Ky është standardi?!
Besojmë se heqja e një diktatori si kryeministri aktual i Shqipërisë do të ishte përgjigja pa u këmbyer me pyetje.
12 Nëntor, 2026
Unioni i Gazetarëve Shqiptarë Profesionistë të Diasporës (UGSHPD)
Verband Albanischer Berufsjournalisten der Diaspora (VABD)
Union of Professional Albanian Journalists of Diaspora (UPAJD)
L’Union des journalistes professionnels albanais de la diaspora (UJPAD)
Unione dei Giornalisti Professionisti Albanesi della Diaspora (UGPAD)
Ardit Dulaj, protestues i angazhuar në lëvizjen që po organizon mobilizimin e diasporës për protestën e 28 dhe 29 nëntorit në Tiranë, ka zbuluar detaje mbi organizimin dhe itinerarin e marshimit. I ftuar në emisionin “Minuta e Parë” në News24, me Ola Brukon, Dulaj tha se shqiptarët që do të vijnë nga jashtë vendit dhe qytete të ndryshme të Shqipërisë do të bashkohen në kryeqytet për të kërkuar dorëheqjen e kryeministrit Edi Rama.
Ai bëri të ditur se më 28 nëntor do të organizohet një kolonë që do të vijë nga veriu i Shqipërisë, duke e cilësuar këtë zonë si portën tokësore që lidh vendin me Europën. Më pas, pjesëmarrësit do të bashkohen me shqiptarët që do të vijnë nga jugu, në ish-stacionin e Trenit në Tiranë, për të vijuar së bashku marshimin drejt sheshit.
“Me 28 nëntor do të përgatisim një kolonë që do të vijë nga veriu i Shqipërisë, që është porta hyrëse tokësore me Europën dhe ne na bashkon flamuri kuq e zi. Do të nisemi drejt Tiranës. Më pas, takimin bashkë me shqiptarët që vijnë nga jugu i Shqipërisë do ta kemi te ish-stacioni i Trenit. Më pas do të ndalemi te sheshi”, u shpreh Dulaj.
Rinia shqiptare është çelësi i së ardhmes dhe zhvillimit të vendit. Ky ishte mesazhi i ambasadorit amerikan në Tiranë, Eric Wendt, gjatë një takimi me studentët në kryeqytet.
Diplomati amerikan vizitoi studentët e Institutit të Teknologjisë të Rochester-it në Akademinë Amerikane të Teknologjisë në Tiranë (AATT). Gjatë takimit, ai u njoh nga afër me mënyrën se si edukimi amerikan dhe inovacioni po përgatisin të rinjtë për të marrë role drejtuese në të ardhmen.
Ambasadori dëgjoi gjithashtu idetë dhe propozimet e studentëve për hapat konkretë që mund të ndihmojnë në zhvillimin e Shqipërisë. Përmes një postimi, Wendt theksoi se e ardhmja e Shqipërisë i përket rinisë së saj.
Postimi i ambasadorit amerikan në Tiranë, Eric Wendt
E ardhmja e Shqipërisë i përket rinisë së saj. Ambasadori Eric Uendt u takua me studentët e Institutit të Teknologjisë të Rochester-it në Akademinë Amerikane të Teknologjisë në Tiranë (AATT) për të parë nga afër se si edukimi amerikan i nivelit më të lartë dhe inovacioni po i përgatisin ata për të udhëhequr, dhe dëgjoi idetë e tyre për hapat konkretë që mund ta çojnë Shqipërinë përpara. bw
A janë zhvillimet e një jave që lamë pas apo kjo e reja që nis me mënyrën se si shteti drejtohet dhe me mënyrën se si lajmet marrin dhenë.
Parlamenti e filloi të Hënën si një histori më vete mosmarrëveshjesh mes dy forcave më të mëdha politike RS dhe PD.
Në se bashkëkryetari Bylykbashi për reformën zgjedhore nga opozita u largua nga një mbledhje për kushtet që politika duhet të përpiqet dhe t’i provojë siç është mbajtja e zgjedhjeve me ‘lista të hapura’, njohja me problemin nuk mjaftoi , por dikush tjetër si kryetari i GPS-s Balla u hodh dhe doli me një deklaratë duke vendosur ai afatet dhe t’i tregonte publikut se çfarë duhet të bëjë opozita ku sipas ATSH nënvizohet:-“Koha kur Partia Demokratike kishte të drejtën ekskluzive për të bllokuar Komisionin e Posaçëm të Reformës Zgjedhore përfundon më 30 nëntor”.
Pra sipas Ballës, PD…kishte të drejtën?!…
Pra Balla flet në të shkuarën, bëhet përcaktues fatesh (sikurse edhe herë të tjera i ka rënë në kokë datave të zgjedhjeve që ka dekretuar tamam presidenti), edhe pse jemi ende në dhjetëditëshin e parë të Nëntorit dhe duhen akoma edhe 20 ditë të tjera deri në fundin e muajit, datën 30 Nëntor që nëse ka dëshirë për dialog palët mund të punojnë rreth tij.
Qëllimi ynë nuk ishte që ta kapim këtë “grimcë” dhe ta shkëpusnim nga përditshmëria e jetës së këtij deputeti, kryetar i GPS që prej kohësh është bërë si shumë të tjerë brenda grupimit politik, por jashtë orarit zyrtar një “influencer i rrjeteve sociale” që gjendet sa në pikat më të larta ku shihet me dron protesta, jep vlerësime për mjedisin, takohet në diasporë për promovim biznesesh etj…etj. deri sa më në fund mori rolin e një konsumatori me shportë diku në një shitore për të treguar çmimet që po i ul kryeministri.
Me që ra fjala, kryeministri ndodhet në Francë ndaj Balla dhe disa influencierë të tjerë brenda qeverisë dhe parlamentit nuk mungojnë të përfshihen në aksion.
Kështu Ministrja për Parlamentin del dhe jep rastet e një bonusi për bebet ndërsa Ministri i Brendshëm interesohet për sistemin “BB- Smart City” sikurse nuk mungon ta konkretizojë atë me titullin:-“Maska nuk të fsheh nga ligji!”, që i referohej grabitësit të një banke.
Pyetja që shtrohet lidhet me atë që a është vërtetë ajo që publiku merr nga propaganda dhe mediat që e mbështesin qeverinë apo janë mediat sociale që e demaskojnë përditë korrupsionin dhe protestojë çdo ditë kundër qeverisë që e ka humbur busullën e qeverisjes prej korrupsionit.
Prej dy javësh komisionet parlamentare po barsen me buxhetin e 2027.
Çdo ministër dhe administrator jep kërkesat se sa miliona i duhen dhe se çfarë pjese i takon që të luftojë për të mbërritur shumën projekt buxhetit të 2027, 10 miliardësh (euro).
Një atmosferë elektrizuese që fillimisht nuk kuptohet se nga po vjen, kujt do t’i shkojnë këto para dhe çfarë mund të zgjidhet mes një buxheti më të madh historik në raport me kërkesën për dorëheqjen e kryeministrit, çeljes vërtetë rrugë Shqipërisë drejt BE-së pa korrupsion, krim ekonomik, por me frymë të re dhe me një sistem të fortë të së drejtës që t’i hapë rrugë zhvillimit të vendit.
9 Nëntor, 2026
Unioni i Gazetarëve Shqiptarë Profesionistë të Diasporës (UGSHPD)
Verband Albanischer Berufsjournalisten der Diaspora (VABD)
Union of Professional Albanian Journalists of Diaspora (UPAJD)
L’Union des journalistes professionnels albanais de la diaspora (UJPAD)
Unione dei Giornalisti Professionisti Albanesi della Diaspora (UGPAD)
Protesta kundër qeverisë vijon edhe këtë të mërkurë, duke shënuar ditën e 165-të të saj. Për sot, në orën 14:00, është paralajmëruar mbajtja e një proteste kombëtare, ku pritet të marrin pjesë studentë dhe qytetarë nga Tirana dhe qytete të tjera të vendit.
Tubimi do të nisë përpara Ministrisë së Arsimit, ku protestuesit do të mblidhen për të shprehur kundërshtimin e tyre ndaj qeverisë. Më pas, ata do të marshojnë në drejtim të Kryeministrisë, ku pritet të vijojë protesta.
Organizatorët kanë bërë thirrje për pjesëmarrje në këtë tubim, i cili synon të mbledhë së bashku studentë dhe qytetarë në një protestë të përbashkët kundër qeverisë. bw
Situata politike në Shqipëri është diskutuar sot në mbledhjen e Komisionit për Punët e Jashtme të Parlamentit Evropian, ku kreu i këtij komisioni, David McAllister, ka ngritur shqetësime për zhvillimet e fundit në vend.
Gjatë fjalës së tij, McAllister iu referua protestave në Shqipëri, duke thënë se qytetarët kanë dalë në rrugë kundër abuzimit me pushtetin, korrupsionit dhe rritjes së kostove të jetesës.
“Kemi marrë mesazhe të shumta shqetësuese rreth situatës politike në Shqipëri. Shqiptarët dolën në rrugë kundër abuzimit të pushtetit, rritjes së korrupsionit dhe rritjes së kostove të jetesës”, u shpreh ai.bw
Eurodeputeti bullgar Andrey Kovatchev, anëtar i Grupit të Partisë Popullore Evropiane (EPP), ka kërkuar që Parlamenti shqiptar të bëjë hetim mbi përdorimin joproporcional të dhunës ndaj protestuesve dhe të trajtojë gjobat që Autoriteti i Mediave Audiovizive (AMA) ka vendosur nga televizioneve pse të ftuarit kanë bërë deklarata kundër Edi Ramës.
Në qëndrimin e tij të mbajtur në Komitetit të Marrëdhënieve me Jashtë të Parlamentit Europian, Kovatchev thekson se shqetësimet e protestuesve janë legjitime dhe se e drejta për të protestuar në mënyrë paqësore duhet të garantohet. Ai kërkon gjithashtu që opozitës t’i jepet mundësia të ngrejë në Kuvend çështjet që lidhen me dhunën dhe përdorimin e forcës.
“Shqipëria mund dhe duhet t’i përfundojë negociatat e anëtarësimit deri në fund të vitit 2027, por kjo kërkon rezultate konkrete, pavarësi të gjyqësorit, forcim të sundimit të ligjit, një luftë të mirëfilltë kundër korrupsionit dhe mbrojtje efektive të mjedisit.
Dera e Evropës është padyshim e hapur dhe, siç është thënë shumë herë tashmë, edhe protestuesit nuk janë kundër anëtarësimit në Bashkimin Evropian.
Ata kanë shqetësime legjitime dhe këto shqetësime duhet të dëgjohen. E drejta për të protestuar në mënyrë paqësore duhet të garantohet.
U përmend gjithashtu nevoja për një dialog konstruktiv dhe unë do të dëshiroja vërtet të shihja gatishmëri nga të gjitha palët për një dialog të tillë.
I gjithë ky monitorim dhe mbikëqyrje e përdorimit joproporcional të forcës duhet të kryhet gjithashtu nga Parlamenti shqiptar.
Unë bëj thirrje gjithashtu që opozitës t’i jepet mundësia që, ashtu siç ka kërkuar, çështjet që lidhen me dhunën të trajtohen në Parlamentin shqiptar.
Kjo vlen edhe për çështjet që lidhen me lirinë e shprehjes, veprimtarinë e Autoritetit të Mediave Audiovizive dhe të gjitha aspektet që kanë të bëjnë me dhunën.
Sigurisht, dhuna është e papranueshme edhe kur vjen nga protestuesit, të cilët kanë shkatërruar prona private dhe publike. Kjo është diçka që gjithashtu duhet të hetohet.
Projektet mjedisore, turistike apo infrastrukturore duhet t’i nënshtrohen një vlerësimi të pavarur të ndikimit në mjedis dhe konsultimeve të duhura publike, në përputhje me standardet e Bashkimit Evropian.
Turizmi i qëndrueshëm nuk duhet të zhvillohet në kurriz të trashëgimisë natyrore.
Përafrimi i plotë me Kapitullin 27 të acquis-së së Bashkimit Evropian është thelbësor. Dhe legjislacioni i BE-së nuk duhet vetëm të miratohet, por edhe të zbatohet.’, deklaroi Andrey Kovatchev Eurodeputet bullgar, Grupi i Partisë Popullore Evropiane (EPP). bw
Para ca javësh drejtova një sondazh rigoroz në territorin e Tiranës urbane (ku u intervistuan ballëpërballë qytetarë të rastësishëm në 11 ish-minibashkitë origjinale të kryeqytetit). Ndër 71 pyetjet e pyetësorit, ishin edhe disa për situatën ekonomike të familjeve të të intervistuarve.
I vetmi lajm i mirë nga përgjigjet e pyetjeve ekonomike familjare ishte se 84.3% e të anketuarve banonin në shtëpitë e veta dhe vetëm 15.7% duhej të paguanin qira për banimin e tyre (ndër votuesit socialistë, ky raport ishte 90.7% me 9.3%).
Pyetjes “Sa janë afërsisht të ardhurat mujore të familjes tuaj në lekë të vjetra – pa përfshirë dërgesat që ju vijnë nga jashtë vendit?”, pothuaj gjysma (duke përfshirë edhe shumë votues socialistë) iu përgjigjën nga 250 mijë deri në 999 mijë lekë të vjetra në muaj (mesatarja e këtyre familjeve ishte 3 pjestarë nga 210 mijë lekë në muaj për secilin). Kush psonis rregullisht e di se çfarë mund të blihet gjatë një muaji me të ardhura të tilla në Tiranë…
Dhe në fakt, pyetjes “Si ia del familja juaj për të mbuluar shpenzimet mujore?” plot 73% iu përgjigjën “me vështirësi” ose “me shumë vështirësi”. Ndër votuesit socialistë, këto përgjigje kapën nivelin 58%.
Po a kanë ndonjë ndihmë familjet urbane të Tiranës për të mbuluar shpenzimet mujore? Plot 45% e gjithë të anketuarve deklaruan se marrin dërgesa valutore nga të afërm në emigracion. Ndërkaq, 66% e familjeve urbane të Tiranës kanë mesatarisht 2.1 pjestarë në emigracion (pa përfshirë daja, xhaja, teze, halla, apo kushërinj).
Dhe ndoshta prandaj 49% e të anketuarve u përgjigjën se kishin shkuar me pushime këtë vit, ndërkohë që 33% nuk kishin shkuar dot prej pamundësisë financiare. Ndërkaq, 18% thanë se nuk shkuan me pushime për arsye të tjera.
SHËNIM: Nga sondazhet që u kryen me pjesëmarrës të zgjedhjeve të fundit kongresuale në SHBA, rezultoi se vështirësia në përballimin e kostos së jetesës ishte faktori kryesor që shkaktoi humbjen gjigande të partisë së Predidentit Trump.
Aktori dhe aktivistiC ka konfirmuar kandidimin e tij për Bashkinë e Tiranës në zgjedhjet vendore të 9 majit. I ftuar në emisionin “Minuta e Parë” në News24, Binaj deklaroi se do të garojë si kandidat i pavarur, duke qëndruar në të njëjtin qëndrim që kishte shprehur edhe në nëntorin e kaluar, kur zgjedhjet u anuluan
Ai bëri të ditur se u ka shtrirë dorën e bashkëpunimit të gjitha partive opozitare, me synimin për të krijuar një front të përbashkët, pavarësisht dallimeve në mënyrën se si ato synojnë të arrijnë objektivat e tyre.
“E konfirmoj pa diskutim kandidimin. I qëndroj asaj që kam thënë në nëntorin e kaluar, kur u anuluan zgjedhjet. Jam kandidat i pavarur që ua kam shtrirë dorën e bashkëpunimit të gjitha partive të opozitës, për të krijuar një bashkëpunim që ka të njëjtin qëllim, por mënyra të ndryshme”, deklaroi Binaj. BW
Komentet