VOAL

VOAL

Kronologjia e COVID-19, nga “sëmundje misterioze” në pandemi globale

January 2, 2021
blank

Komentet

blank

Cili është ndryshimi midis goditjes dhe drobitjes nga i nxehti? – Parandalimi dhe trajtimi i tyre

Për të parandaluar sëmundjet që lidhen me nxehtësinë, qëllimi është të mbani trupin të freskët.

Sipas të dhënave të AgroWeb.org, temperaturat mbi mesataren ose moti jashtëzakonisht i lagësht, vret çdo vit njerëz në të gjithë botën.

Prandaj është e rëndësishme të dini se si të shmangni sëmundjet e lidhura me nxehtësinë.

AgroWeb.org në këtë artikull ju njeh rreth simptomave dhe trajtimeve, të goditjes dhe drobitjes nga nxehtësia.

Çfarë është goditja nga i nxehti?

Goditja nga i nxehti, që quhet edhe goditja nga dielli, është sëmundja më e rëndë e lidhur me nxehtësinë.

Kjo ndodh kur temperatura e trupit shkon deri në 39 gradë celsius ose më lart, dhe konsiderohet si një urgjencë mjekësore kërcënuese për jetën.

Nëse nuk trajtohet menjëherë, goditja nga dielli mund të dëmtojë:

trurin dhe sistemin nervor

sistemin e qarkullimit të gjakut

mushkëritë

mëlçinë

veshkat

aparatin tretës

muskujt

Goditja nga i nxehti mund të fillojë me simptoma kërcënuese për jetën, të cilat mund të përkeqësohen me shpejtësi, duke përfshirë:

temperaturë e lartë

lëkurë e nxehtë dhe e thatë

rrahje të shpejta të zemrës

konfuzion

humbje të vetëdijes

koma deri në humbje jete

Çfarë është lodhja nga i nxehti?

Lodhja nga nxehtësia është një gjendje shëndetsore më pak e rrezikshme sesa goditja nga nxehtësia.

Simptomat e lodhjes nga nxehtësia dhe goditja e nxehtësisë mund të zhvillohen menjëherë ose brenda disa ditëve.

Lodhja nga i nxehti mund të çojë në:

ngërçe të muskujve

një puls të shpejtë ose të dobët

një ndjenjë e përgjithshme dobësie

të vjella

djersitje

lëkurë e ftohtë, e njomë

marramendje dhe nganjëherë gjendje të fikëti

urinë me ngjyrë të errët

dhimbje koke

Këto gjendje shëndetsore ndodhin tek ata që nuk mund të përshtaten mirë me temperaturat gjithnjë e më të nxehta.

Të moshuarit, njerëzit me sëmundje kronike dhe foshnjat, shpesh preken nga këto dy gjendje shëndetsore, të cilat janë të zakonshme gjatë valëve ekstreme të nxehtësisë.

Faktorët e rrezikut

Faktorë të caktuar mund t’ju bëjnë më të prirur të përjetoni lodhje ose goditje nga nxehtësia. Ato janë:

mbipesha

sëmundjet ekzistuese

djegia nga dielli

ilaçe të caktuara për sëmundjet e zemrës ose presionin e lartë të gjakut, veçanërisht diuretikët

ndryshimet e papritura të temperaturës

qëndrimi jashtë në nxehtësi ekstreme, ose në ambiente të mbyllura pa ndonjë mënyrë për tu freskuar

Parandalimi

Për të parandaluar sëmundjet që lidhen me nxehtësinë, qëllimi është të mbani trupin të freskët. Këtë mund ta arrini duke:

qëndruar brenda në pjesën më të nxehtë të ditës, me ajër më të freskët

përpiquni të qëndroni në hije kur jeni jashtë

konsumoni 2-4 gota ujë çdo orë, kur jeni të ekspozuar ndaj temperaturave të larta

bëni pushime të shpeshta kur punoni ose stërviteni jashtë në ditët e nxehta

vishni rroba të gjera pambuku, me ngjyrë të hapur

përdorni ujë më të ftohtë kur bëni dush

mbani një kapelë për të mbrojtur fytyrën nga dielli

shmangni pijet që ju dehidratojnë, si ato me kafeinë ose alkool

Trajtimi

Nëse dyshoni se keni lodhje nga nxehtësia, duhet të ndërmerrni menjëherë hapa për tu qetësuar, të tilla si:

qëndroni në një vend ku ka hije

hiqni ndonjë veshje të tepërt

ndizni ventilatorin ose kondicionerin

freskohuni me ujë të ftohtë, vendosni peshqirë të lagur në trup ose akull

konsumoni lëngje dhe ujë

Njohja e simptomave të sipër përmendura, mund të parandalojë që gjendja të mos përkeqësohet.

Dhe nëse merrni trajtim e duhur në kohë, ju mund të shëroheni plotësisht nga sëmundjet e lidhura me nxehtësinë.

blank

Psikologjia e aromave – Si e ndikojnë trurin, kujtesën dhe emocionet

Sa herë që hidhni pak parfum mbi lëkurë apo ndjeni aroma të këndëshme në rruge, edhe ndonjë kujtim i njohur zë vend në mendje.

Aromat e ndryshme mund të përcjellin informacione shumë të rëndësishme në tru, duke patur ndikim jo vetëm tek humori, por edhe kujtesa, sjellja dhe emocionet.

Sa herë që hidhni pak parfum mbi lëkurë apo ndjeni aroma të këndëshme në rruge, edhe ndonjë kujtim i njohur zë vend në mendje.

Çdo gjë që duhet të dini mbi mënyrën se si parfumi e ndikon trurin e gjeni të shpjeguar mëposhtë në artikull.

Aromat Dhe Kujtesa

Shqisa e nuhatjes është e lidhur ngushtë me kujtesën, ndoshta më shumë se shqisat e tjera.

Aroma të caktuara, si ajo e një luleje, kanë tendencën të ngjallin kujtime të veçanta, siç mund të jetë një ngjarje e bukur gjatë fëmijërisë.

Një ndezje e kujtesës për shkak të aromës mund të ndodhë në mënyrë spontane ama nxjerr në pah, momente dhe gjëra të mbuluara nga pluhuri i harresës.

Aromat Dhe Emocionet

Shqisa e nuhatjes përfshin edhe aspektin emocional.

Këtë aspekt e shfrytëzon më shumë industria e prodhimit të parfumeve.

Këto të fundit mund të ndezin një sërë emocionesh dhe ndjenjash duke nisur nga dëshira për pushtet, gjallëria dhe qetësimi.

Në një nivel më personal, aroma dhe nuhatja është shumë e rëndësishme në kiminë mes dy personave.

Për shembull, aroma e trupit, e cila prodhohet nga genet në sistemin imunitetit ndikon në përzgjedhjen e partnerit.

Madje, besohet se e puthura është rezultat ose devijim i nuhatjes së tjetrit për të përcaktuar nëse ai/ajo është i/e përshtatshëm/e.

Ndikimi Psikologjik i Humbjes së Nuhatjes

Nuhatja luan një rol të rëndësishëm në përbërjen tonë psikologjike por jo vetëm kaq.

Ajo është një nga pesë mënyrat se si njeriu lidhet me botën përreth.

Njerëzit që kanë një shqisë të dobësuar apo të shuar të nuhatjes, ndihen më të izoluar nga bota dhe përjetojnë një mjegullim emocional.

Humbja e shqisës së nuhatjes ndikon tek aftësia për të formuar marrëdhënie personale dhe mund të nxisë depresionin.

Humbja e shqisës së nuhatjes nuk është diçka që mund të paralajmërohet apo të parandalohet.

Ajo thjesht ndodh dhe njeriu nuk e kupton deri në momentin që nuk percepton dot asnjë aromë, duke humbur kështu edhe lidhjen e fortë me kujtimet./AgroWeb.org

blank

Si e ndihmon gjumi i thellë trurin të mbajë larg sëmundjet

Vlerat e gjumit nuk kanë fund dhe këtë e pohojnë edhe ekspertët.

Gjumi është një nga proceset më natyrale dhe të nevojshme për çdo njeri.

Pas një gjumi të thellë duket sikur të gjitha mendimet negative shuhen dhe dita rinis plot e përplot me energji.

Ky proces është i dedikuar për çlodhjen e mendjes dhe të gjithë organizmit.

Vlerat e gjumit nuk kanë fund dhe këtë e pohojnë edhe ekspertët.

Në artikullin e sotëm nga AgroWeb.org, ju tregojmë se si gjumi i thellë ndihmon në largimin e të gjithë toksinave apo mendimeve të ditës nga truri.

Si ndihmon gjumi i thellë

Vetia e trurit për të pastruar veten është mëse e vërtetë dhe e nevojshme në organizëm.

Gjithsesi kjo mund të arrihet vetëm nëse keni një stil të shëndetshëm jetese dhe një gjumë të qetë.

Sipas ekspertëve të të Universitetit të Bostonit cilëve iu referohet AgroWeb.org, gjumi i thellë është çelësi i një truri të shëndetshëm.

Kur jeni gjumë të thellë, truri i krijon mundësi qelizave cerebrale të lëvizin më me lehtësi.

Ky proces ndihmon në pastrimin e trurit nga mbingarkesa e tepërt që shkaktohet gjatë ditës.

Pasi kur truri mbingarkohet në trup çlirohet një substancë që quhet beta amoloid.

Kjo është një proteinë e cila gjendet me shumicë tek truri i personave që vuajnë nga dementia.

Gjumi i mirë arrin ta heqë të gjithë këtë proteinë nga truri vetëm në një natë.

Duke bërë që truri juaj të jetë më i mbrojtur nga plakja.

Të dhënat e studimit ku morën pjesë rreth 11 persona të cilëve iu monitorua procesi i të fjeturit, treguan se organizmi funksiononte më mirë kur trupi ndodhet në gjumë të thellë.

Ndryshe njihet si faza “ngadaltë”e më e thellë e gjumit, ku trupi arrin të pushoje plotësisht.

Kjo do të thotë rrahje më të ulëta zemre dhe frymëmarrje më e ulët, por cilësi e të pushuarit më e lartë.

Megjithëse të dhënat janë ende duke u zhvilluar, mjekët theksojnë se personat që kanë probleme me gjumin janë më të ekspozuar ndaj sëmundjeve të ndryshme.

 

blank

Dhimbja në fundshpinë – Çfarë e shkakton dhe si ta shmangni?

Kur shpina vuan, i gjithë organizmi përjeton dhimbje, mpirje dhe kontraktime.

Edhe pse shumë njerëz zgjedhin ilaçe për të lehtësuar dhimbjen e shpinës, kjo nuk është gjithmonë mënyra më efektive. Në fakt, ndryshimi i disa gjërave që bëjmë çdo ditë mund të na ndihmojë ta shmangim problemin.

“Bright Side” tregon cilat janë disa zakone të përditshme në dukje të padëmshme që përfundimisht mund të shtrembërojnë shtyllën kurrizore.

Vishni funde të ngushta dhe taka të larta

Fundet e ngushta mund të kufizojnë lëvizjen në ijët tuaja, gjë që shkakton tendosje të shtyllës kurrizore. E njëjta gjë ndodh kur vishni një palë taka të larta: këto këpucë i pozicionojnë këmbët tuaja në një lartësi jo të natyrshme, e cila nga ana tjetër bën që muskujt në pjesën e poshtme të shpinës të zhvendosen. Për të shijuar modën pa sakrifikuar shëndetin tuaj, zgjidhni funde që lejojnë këmbët të lëvizin lirshëm.

Jeni të stresuar

Kur trupi lëshon hormone të stresit, kjo bën që muskujt të shtrëngohen në mënyrë instiktive. Tensioni në muskujt tuaj, nga ana tjetër, çon në ndjesi të dhimbshme në qafë, shpatulla dhe shpinë. Studimet kanë treguar se përfshirja e relaksimit në rutinën tuaj të përditshme mund të përmirësojë në mënyrë efektive dhimbjen e shpinës.

Përdorni një jastëk të papërshtatshëm për të fjetur

Shumica e jastëkëve e vendosin kokën tuaj në një pozicion të panatyrshëm, i cili ushtron presion në qafë dhe në shtyllën kurrizore, duke shkaktuar dhimbje dhe gjumë të dobët. Nëse nuk mund ta imagjinoni të flini pa jastëk, gjeni një që përshtatet me ju dhe vendosni një tjetër midis gjunjëve.

Po lani enët në mënyrën e gabuar

Përkulja mbi lavamanin tuaj gjatë larjes së enëve ushtron presion në pjesën e poshtme të shpinës, duke bërë që muskujt në këtë zonë të tendosen. Kur e mbani këtë pozicion për disa minuta, mund të dëmtoni shpinën çdo ditë. Për të shmangur tendosjen e pjesës së poshtme të shpinës, vendosni njërën këmbë në një stol të vogël. Kjo do t’ju ndihmojë të rregulloni qëndrimin tuaj.

Ngjisni shpesh shkallë

Nëse vuani nga dhimbje në gju ose shpinë, është më mirë të konsultoheni me mjekun tuaj përpara se të përdorni shkallët si një mënyrë për të humbur peshë.

Lexoni në shtrat

Zakoni i leximit të disa faqeve të librit tuaj të preferuar para se të flini mund të çojë në ngurtësim të shpatullave dhe të shpinës. Kur mbështetemi gjatë kohës që lexojmë në shtrat, kjo shkakton tension në shpinë dhe muskuj në pjesën e poshtme të shtyllës kurrizore, gjë që shkakton dhimbje. Nëse leximi i një libri para se të flini ju ndihmon të relaksoheni pas një dite të ngarkuar, investoni në një karrige që ju ofron një mbështetje të mirë për kurrizin./Burimi:Panorma

blank

Cilat janë lulet më të shtrenjta në Botë dhe ku gjenden ato

Ky trëndafil i veçantë është prezantuar për herë të parë në vitin 2006 nga David Austin me vlerën 3 milionë Paund.

Natyra i përket kujdo e sidomos kur bëhet fjalë për lulet e ndryshme që shoqërojnë ambientet tona përgjatë gjithë vitit.

Mund të gjeni një lule për çdo rast nga vjeshta në pranverë  si simbol i stinëve, festave apo preferencave tuaja personale.

Lidhja e njerëzve me lulet përveçse e hershme është edhe mjaft e veçantë pasi konsiderohen si një simbol bukurie e perfeksioni.

Në këtë artikull AgroWeb ju liston disa nga lulet më të veçanta në botë të cilat dëshmojnë jo vetë mmrekullitë e natyrës por edhe lidhjen e ngushtë që kemi me to nisur nga  vlerat marramendëse që njerëzit janë gati të paguajnë për t’i pasur.

Lulja Kadupul

Konsiderohet si një nga lulet më të shtrenjta në botë për dy arsye kryesore.

E para sepse nuk është shitur kurrë në ndonjë dyqan dhe askush nuk i ka vendosur çmim kësaj luleje deri më tani.

E dini pse? Kadupuli çel vetëm disa orë në vit, gjatë natës dhe rritet vetëm në pyjet e Sri Lanka.

Ky kaktus i cili shpërthen me një lule të bardhë të ngjashme me trëndafilin e egër, njihet ndryshe si “Mbretëresha e natës” apo “Lulja fantazmë”

Lulja çel në mbrëmje dhe thahet para se dielli të agojë për ta rinisur këtë ritual vitin pasardhës.

Gardenia

Konsiderohen si lulet më të shtrenjta në treg, kanë origjinë italiane, një aromë të ëmbël të cilën shpesh e gjeni nëpër parfume.

Megjithëse më e zakonshme në dyqane anembanë botën, gardenia futet tek lulet më të shtrenjta në botë.

Kjo sepse gardenia nuk shiten asnjëherë me degë apo copë.

Për të pasur një buqetë me gardenia duhet të blini të gjithë vazon me lule në mënyrë që këto të fundit të mos prishen.

Çmimi i një gardenia mund të arrijë deri në 50 Euro në varësi të stinëve.

Trëndafili nga David Austin

Ky trëndafil i veçantë është prezantuar për herë të parë në vitin 2006 nga David Austin me vlerën 3 milionë Paund.

Ndonëse tani mund ta gjeni me një çmim më të ulët, krijuesi i këtij trëndafili ka punuar rreth 15 vite për ta kultivuar atë.

Austin ka pasur si qëllim të krijojë formën e trëndafilave të vjetër të kopshteve me një aromë të mrekullueshme e cila i mungon trëndafilave të sotëm.

Orkidea Rothschild

Kjo lule është zbuluar  në vitin 1987 në Malajzi dhe kushton më shumë se 3.500 paund.

Përgjatë viteve kjo orkide e veçantë ishte në rrezik zhdukje për shkak të tregëtimit nga njerëzit.

Për të lulëzuar kësaj orkideje i duhen disa vite ndaj mban edhe një nga vendet e luleve më të shtrenjta në botë./AgroWeb.org

blank

Dëmtimet më të zakonshme që pësojmë nga telefonat celularë

Të dhënat e ekspertëve konfirmojnë se një në tre njerëz janë të shpërqendruar nga telefoni celular dhe nuk e kanë mendjen tek rruga.

Ekspertët e AgroWeb.org, paralajmërojnë se telefonat celularë krijojnë një varësi të rrezikshme, e cila ngjan shumë me atë të bixhozit.

Kjo varësi mund të ndikojë fort në produktivitetin e njeriut, funksionet e trurit, balancën mes jetës dhe punës, por edhe në jetën personale.

Megjithatë, ky nuk është i vetmi dëm që shkakton kjo pajisje e cila e mban njeriun të lidhur pas saj.

Një studim i shtrirë në një periudhë të gjatë kohore i kryer nga Universiteti i Rutgersit ka zbuluar dëmet fizike që pëson njeriu si pasojë e përdorimit të telefonit celular janë gjithnjë e në rritje.

Bëhet fjalë për dëmtime dhe lëndime të ndryshme fizike, kryesisht në zonën e kokës dhe qafës, jo vetëm si pasojë e mbajtjes së telefonit por edhe përdorimit të tij në rrethana dhe në vende të papërshtatshme siç është rruga.

Të shumtë janë ata që nuk e heqin dot telefonin nga dora edhe kur u duhet të kalojnë në rrugë a në semafor duke injoruar kështu rreziqet që i kanosen nga një sjellje e tillë.

Stduimet kanë vënë re se grupmosha 13 deri në 29 vjeç janë më të predispozuar të pësojnë lëndime fizike si pasojë e celularit.

Mënyrat Se Si Ndikon Telefoni Celular Tek Truri Dhe Trupi

Sipas ekspertëve, telefoni celular ka një peshë të madhe të fajit për humbjen e kujtesës tek disa njerëz. Kjo për vetë faktin se njerëzit janë të varur ndaj teknologjisë dhe shpresojnë që ajo do të mbajë mend për ta.

Njeriu fotografon momentet e veçanta të jetës dhe krijon lidhje me kopjet dixhitale por në brendësi ai nuk arrin dot të ketë kujtime specifike.

Telefoni celular mund të dobësojë edhe llogjikën dhe inteligjencën.

Kjo sepse njeriu sot nuk ndalon një moment të llogjikojë, të vëjë trurin në punë apo të sprovojë njohuritë e veta.

Mjafton një klik, një kërkim në Google dhe të gjitha përgjigjet na vijnë direkt, pa vënë në asnjë moment trurin në punë.

Sa i përket aspektit fizik, telefoni celular është në faj edhe për faktin se shumë njerëz nuk humbasin dot në peshë.

Kjo sepse njeriu humbet fillin e kohës që kalon me këtë pajisje dhe bie pre e jetës jo aktive e cila i hap rrugën shumë sëmundjeve.

blank

Si të gatuani supë me perime në multikuker

 

Supa me perime e gatuar në një multikuker, përgatitet lehtë, është ushqyese dhe shijshme.

Në këtë recetë të gjithanshme që AgroWeb.org sjell sot, ju mund të shtoni shumë përbërës të tjerë pa e ndryshuar shijen e saj.

Mundësitë janë të pafundme, megjithatë, këshillohet të kombinoni ato perime që kërkojnë kohë të ngjashme gatimi nën presion.

Disa kombinime perfekte janë:

Perime të buta (koha gatimit rreth 5 minuta): kungull i njomë, shparg, lulelakër, brokoli, bizele, bishtaja, etj.

Perime mesatare: specat, lakra, selinoja, karotat etj.

Perime të forta: (10 minuta): patatet e ëmbëla, patatet, panxhar etj.

Zarzavatet me gjethe jeshile (0 minuta): shtojeni spinaqin apo kalen direkt në supën e nxehtë, pa përdorur zierjen me presion.

Dhe nëse dëshironi që pjata juaj e supës të jetë një vakt kryesor, bëni mirë të shtoni ushqime të pasura me proteina si mishi i pulës ose kinoa.

Përbërësit

1/2 lugë gjelle vaj ulliri

1 qepë

3 thelpinj hudhër

2 karota

2 kërcej selinoje

2 kunguj të njomë

2 speca

2 filxhanë lulelakra me lule

6 kërcenj shparg

3 gjethe kale

4 gota lëng perimesh

2 gota qiqra të gatuara ose të konservuara

1 lçaji spec djegës

1 lç sherebelë e thatë

1 lç borzilok të thatë

1 lgj rigon të thatë

1/2 lugë piper i zi

1 lgj kripë

1 kuti me domate të grira

1/4 filxhan majdanoz i grirë (sipas dëshirës)

Përgatitja

Fillimisht qëroni dhe grini imët qepën dhe hudhrën. Lërini mënjanë në një tas.

Vazhdoni duke larë dhe prerë të gjitha perimet në copa dhe lërini edhe ato mënjanë në një tas.

Copëtoni kalen dhe lëreni për në fund, pasi nuk do të gatuhet me presion.

Vendosni në punë multikukerin tuaj dhe shtoni aty vajin e ulliri, qepën dhe hudhrën. Skuqini derisa të marrin një ngjyrë kafe të lehtë.

Pasi qepa të skuqet, shtoni pak lëng perimesh dhe fikeni paisjen.

Përdorni një lugë druri për të pastruar pjesën e poshtme të tenxheres. Hiqni çdo qepë të mbetur në fund për të shmangur djegien.

Pas kësaj shtoni të gjitha perimet e copëtuara (përveç kales), lëngun e perimeve, qiqrat e ziera dhe të gjitha erëzat në multikuker.

Përziejini mirë të gjithë përbërësit dhe më pas shtoni kanaçen me domate pa e përzier!

Mbylleni tenxheren mirë me kapak dhe lëreni për 5 minuta në presion të lartë.

Pas kësaj kohe në tenxhere shtoni gjethet e copëtuara të kalesë dhe përziejeni shpejt.

Lëreni të qëndrojë për një ose dy minuta në mënyrë që kaleja të zbutet pak dhe shërbejeni duke e zbukuruar me majdanoz sipër.

blank

Vaksinat kanë shpëtuar 20 milionë jetë

79% e vdekjeve u shmangën falë mbrojtjes direkte, pjesa tjetër falë mbrojtjes indirekte

Një studim mbi Covid nga Imperial College London e tregon këtë – Dallimet në aksesin ndaj ilaçeve kanë penalizuar vendet e varfra

 

VOAL- I sigurt falë vaksinës. Ardhja e përgatitjeve kundër Covid-19 bëri të mundur shpëtimin e pothuajse 20 milionë njerëzve në mbarë botën vetëm në vitin e parë të fushatës së vaksinimit (dhjetor 2020-dhjetor 2021). Këtë e tregojnë vlerësimet e bëra nga një grup studiuesish të udhëhequr nga Imperial College London në Londër dhe të publikuara në The Lancet Infectious Diseases.

Studimi, i bazuar në të dhënat nga 185 vende, thekson se si ndryshimet në aksesin ndaj ilaçeve kanë penalizuar vendet e varfra dhe se si mund të ishin shmangur 599,300 vdekje të tjera (59,7% e të cilave në vendet me të ardhura të mesme/të ulëta) nëse Organizata Botërore e Shëndetësisë (OBSH) ) objektivi për të vaksinuar 40% të popullsisë në çdo vend deri në fund të vitit 2021 ishte arritur.

Sipas studimit, 79% e vdekjeve (15.5 milionë nga 19.8 milionë gjithsej) u shmangën falë mbrojtjes së drejtpërdrejtë të ofruar nga vaksinat kundër formave të rënda të Covid, ndërsa pjesa tjetër e vdekjeve u parandalua falë mbrojtjes. indirekte, d.m.th. zvogëlimi i transmetimit të virusit në popullatë dhe pesha më e ulët e Covid në sistemet shëndetësore, gjë që ka përmirësuar aksesin në kujdesin mjekësor për ata që kanë më shumë nevojë.

Në mbarë botën, numri i vdekjeve deri sot, sipas të dhënave nga Universiteti Johns Hopkins, është 6.32 milionë. rsi-eb

blank

Cilat sporte luftojnë ankthin? – Këshillat e Mjekëve

Zgjidhni atë që ju pëlqen, është mënyra më e mirë për të qenë konstant në aktivitetin tuaj fizik.

Sporti është një mjet shumë efektiv për të luftuar ankthin: lëvizja ju ndihmon të rifreskoni mendjen tuaj dhe të pastroni mendjen tuaj dhe më shumë, shkruan faqja melarossa.it.

Në fakt, të bësh sport stimulon prodhimin e endorfinës, molekulave të mirëqenies që të sigurojnë qetësi, por edhe humor të mirë dhe netë të qeta.

Endorfinat ndërhyjnë si bashkëfaktorë në rregullimin e humorit, ndaj sa më shumë të stimulohet mekanizmi natyror i kënaqësisë nga sporti, aq më shumë bëhesh i hapur ndaj përvojave jetësore.

Duke luajtur sport, trupi mësohet me një “stres të shëndetshëm” dhe për këtë arsye bëhet më rezistent ndaj “stresit të vërtetë” që ju bën negativ, të lodhur dhe nervoz.

Studiuesit nga Universiteti i Arizonës kanë treguar se ata që ushtrojnë sporte rregullisht prodhojnë më pak stres sesa një person që nuk e aplikon.

 Por cilat janë sportet më efektive?

Bërja e një sporti në natyrë është e mirë për shëndetin tuaj, por ushtrimi i tij në mes të natyrës është i mirë për shëndetin tuaj dhe gjithashtu për shpirtin!

Nga pikëpamja fizike, shëtitjet e gjata në pyll, çiklizmi, ecja nordike ose ecja me kanoa ju ndihmon të thithni ajër të pastër dhe të merrni oksigjenin maksimal dhe kështu të çliroheni nga ankthi.

Jo vetëm kaq, aktiviteti fizik në natyrë mund të rrisë vetëvlerësimin tuaj dhe t’ju bëjë të ndiheni të kënaqur me jetën edhe nëse jeni duke përjetuar një periudhë stresi.

Një studim japonez ka treguar se ata që praktikojnë “shinriyoku” (shëtitjet në pyll) kanë përfitimin e menjëhershëm të uljes së rrahjeve të zemrës dhe presionit të gjakut.

Pra, sa më shpejt të mundeni, ikni nga qyteti! Përveç kësaj, rrezet e diellit kanë një efekt të dobishëm në humor, duke stimuluar prodhimin e hormonit të lumturisë, serotoninës dhe duke favorizuar prodhimin e vitaminës D nga trupi ynë.

Këshilla për të luajtur sport dhe për të qenë në gjendje të largoni ankthin

Zgjidhni një sport që ju pëlqen: të kënaqeni është mënyra më e mirë për të qenë konstant në aktivitetin tuaj fizik.

Zgjidhni një sport pa konkurrencë: qëllimi është të relaksoheni, të kënaqni  veten dhe të ndiheni mirë.

Ndërsa vraponi ose ecni me biçikletë, përpiquni të largoni mendimet negative dhe përqendrohuni te peizazhi ose lista juaj e luajtjes për të ndjerë më mirë përfitimet./Burimi: ATA

blank

Vitaminat e nevojshme për stinën e Verës

Përveç se një regjim ushqimor i shëndetshëm, disa vitamina specifike mund të jenë të dobishme gjatë muajve të nxehtë të verës për një shëndet optimal, thonë ekspertët botërorë të shëndetit. AgroWeb.org liston më poshtë ato më të rëndësishmet.

Vitamina A

Siç është vërejtur nga shumë studime, vitamina A ndihmon në formimin dhe mirëmbajtjen e lëkurës, dhëmbëve, indeve skeletore dhe membranave të mukozës të shëndetshme.

Përfitimi që lëkura merr nga vitamina A është më i rëndësishmi gjatë verës. Kjo sepse ne priremi të kalojmë më shumë kohë jashtë jantë kësaj stine.

Prandaj është thelbësore të përmirësoni dhe të kujdeseni për shëndetin e lëkurës.

Edhe pse pjesa më e madhe e njerëzve marrin mjaftueshëm vitaminë A nga ushqimi, mungesa e saj është e rrallë.

Sidoqoftë, nëse nuk merrni mjaftueshëm, mund të konsideroni marrjen e suplementeve të vitaminës A.

Vitamina C

Kjo vitaminë, është një antioksidant që ndihmon në mbrojtjen e qelizave nga dëmtimi i radikaleve të lira.

Ndër të tjera, vitamina C gjithashtu forcon sistemin imunitar, i cili mund të dobësohet si rezultat i udhëtimeve të shumta gjatë verës.

Temperaturat jashtëzakonisht të ngrohta mund të shkaktojnë simptoma të ftohjes dhe gripit, të cilat më së miri shmangen me vitaminën C.

Vitamina D

Duket e çuditshme që mund t’ju duhet të rrisni marrjen e vitaminës D gjatë verës, pasi trupi ynë prodhon vetë “vitaminën e diellit” kur lëkura e zhveshur ekspozohet ndaj diellit.

Por sipas ekspertëve, vitamina D e gjeneruar nga dielli nuk shpërndahet në mënyrë të barabartë.

Faktorë të tillë si koha e ditës, vendndodhja gjeografike, ndotja e ajrit, mosha, ngjyra e lëkurës dhe përdorimi i kremit të diellit, mund të kufizojnë efektivitetin e saj.

Nëse nuk po merrni mjaftueshëm vitaminë D nga rrezet e diellit, ngrënia e ushqimeve të fortifikuara me këtë vitaminë dhe marrja e suplementeve të saj, mund të ndihmojë në ngushtimin e hendekut.

Vitamina E

Vitamina E i siguron lëkurës tuaj antioksidantë për të eliminuar radikalet e lira të dëmshme dhe për të mbrojtur lëkurën tuaj nga dëmtimet e mëtejshme.

Kjo vitaminë është gjithashtu e njohur për aftësinë e saj për të nxitur prodhimin e kolagjenit, i cili është thelbësor për ruajtjen e elasticitetit të lëkurës.

Kjo është pikërisht ajo që lëkura juaj ka nevojë gjatë muajve të nxehtë dhe të thatë të verës.

Përveç kësaj, vitamina E luan një rol në luftimin e mikrobeve.

blank

Stresi i “mirë” dhe ai i “keq”, si t’i dalloni dhe mbani nën kontroll

… që të mos shndërrohen në një barrë në jetën tuaj

Nga Pasquale Saviano

Stresi ka një ndikim të fortë mbi trupin dhe psikikën tonë. Megjithatë, ekziston një lloj stresi “i mirë” që është i dobishëm për jetën, pasi shkakton atë shpërthim energjie që ju ndihmon të përballoni sfidat e përditshme. Stresi ndikon fuqishëm në funksionet tona psikike dhe jetësore.

Stresi “i dëmshëm”, është ai që ndikon në mënyrë kronike tek ne, ndërsa stresi që e përjetojmë për një kohë të shkurtër, sjell përfitime të mundshme shëndetësore. Stresi që mund ta përkufizojmë si “i mirë” kthehet në një stres “të keq” kur bëhet kronik ose ekstrem.

Që të dyja ndikojnë në jetën e një njeriut, por ndryshimin e bën mënyra se si menaxhohen ato. Stresi akut, ai që ka një kohëzgjatje të kufizuar (nga disa minuta në disa orë), e rrit energjinë dhe mprehtësinë mendore. Ai është një “zile zgjimi” thelbësor në rastet e situatave të rrezikshme.

Pasi na lejon të reagojmë shpejt në praninë e një rreziku. Por mund të jetë gjithashtu i dobishëm në situata jo të rrezikshme. Në këtë rast, mund të shërbejë si një motivues duke na nxitur të japim më të mirën tonë, për shembull në një intervistë pune, apo gjatë një aktiviteti sportiv.

Ky lloj stresi është i lidhur me mekanizmin “lufto ose vrapo”, që i ka lejuar speciet njerëzore të qëndrojnë gjallë dhe të evoluojnë përgjatë shekujve. Të rrahurat e zemrës rriten, frymëmarrja bëhet më e shpejtë, muskujt tkurren dhe truri fillon të zhvillojë strategji.

Është një lloj stresi funksional i mbijetesës, që e pushon ndikimin e tij tek ne, pasi të ketë kaluar rreziku apo situata ndaj së cilës duhet të reagojmë. Por nëse kjo gjendje tensioni vazhdon (siç ndodh tek shumë njerëz), ajo bëhet e dëmshme dhe shpesh e dobëson gjendjen tonë fizike dhe mendore. Meqë stresi është pjesë e jetës, pasi lidhet me ngjarjet e përditshme, është e rëndësishme të mësoni se si ta menaxhoni atë.

Janë 3 llojet më të njohura të stresit:

Stresi akut

Këtu përfshihet lloji më i zakonshëm të stresit, atë me të cilin duhet të përballemi çdo ditë. Ai shfaqet si pasojë e një ngjarjeje destabilizuese apo e një sfide të afërt. Në teori, sapo ngjarja të përfundojë apo të jetë tejkaluar sfida, funksionimi i trupit tonë dhe nivelet fiziologjike duhet të kthehen në normalitet.

Ky lloj stresi nuk është i dëmshëm sepse e përshpejton kohën e reagimit, përmirëson aftësitë për zgjidhjen e problemeve, stimulon kujtesën dhe e forcon sistemin imunitar. Nga ana tjetër stresi akut, ndahet në ‘eustress’ dhe ‘distress’. I pari lidhet me ngjarje pozitive që ndodhin në jetë (martesa, diplomimi, ardhja në jetë e fëmijëve, promovimi në detyrë etj), ndërsa i dytilidhet kryesisht me ngjarje shqetësuese (debate, humbje, situata traumatike).

Që të dyja ndikojnë në trupin e njeriut, por e bëjnë këtë në mënyra të ndryshme. Edhe pse stresi akut nuk është i dëmshëm në një periudhë afatshkurtër, dhe nëse ndodh vetëm një herë, episodet e përsëritura të stresit akut mund të kenë efekte të dëmshme.

I tillë është rasti i punonjësve në sistemin shëndetësor apo i ushtarakëve të përfshirë në situata kërcënuese për jetën. Episodet e përsëritura të stresit akut, mund të nxisin fillimin e çrregullimit të stresit post-traumatik ose gjendjeve të tjera të rënda ankthi dhe depresioni.

Stresi akut episodik

Është rezultat i episodeve të vazhdueshme të stresit akut, që karakterizon disa njerëz të cilët kryejnë punë të caktuara apo që i duhet të menaxhojnë dinamika komplekse (menaxherë, mjekë, ushtarë, prindër me familje të mëdha). Situatat e jetës kanë një fillim dhe një fund, por skenari stresues është gjithmonë i njëjti.

Situatat e vazhdueshme që janë të vështira për t’u menaxhuar, çojnë në shqetësime të vazhdueshme mbi atë që do të ndodhë duke ushqyer mendime negative, që e nxisin trupin të përjetojë stres edhe nëse nuk realizohen skenarët negativë. Këto janë rastet në të cilat me kalimin e kohës, stresi akut episodik mund të ndikojë në mirëqenien tonë.

Stresi kronik

Grumbullohet me kalimin e viteve dhe ndikon shumë tek ne, prandaj ky lloj stresi është më edhe më i dëmshmi. Një perceptim i vazhdueshëm i të qenit sëmurë, një perceptim i fortë se gjërat janë jashtë kontrollit:ndihma ndaj një personi të dashur, papunësia, mungesa e një partneri, një patologji kronike apo e lindur, janë të gjitha situata që mund të çojnë tek stresikronik.

Nëse nuk trajtohet siç duhet, stresi kronik mund të dëmtojë zona të ndryshme të trupit tonë,duke na bërë më të dobët dhe për këtë arsye të prirur ndaj sëmundjeve fizike. Ai e dobëson sistemin imunitar, duke na bërë më të prirur ndaj sëmundjeve virale.

Po ashtu, ai ka një ndikim të fortë në të gjitha sistemet që janë të rëndësishme për mirëqenien tonë, nga ato të frymëmarrjes dhe kardiovaskulare, tek muskuloskeletore, endokrine apo gastrointestinale. Edhe pse është pjesë e jetës sonë, nuk duhet domosdoshmërisht që të kthehet në diçka që krijon çdo herë siklet.

Gjëja kryesore është ta parandaloni që ajo të bëhet kronike. Veprimi mbi shkakun që gjeneron stresin, është mënyra më e mirë për ta kapërcyer atë. Por nëse kjo nuk është e mundur, është e dobishme të zhvillohen strategji për ta menaxhuar atë.

Për shembull, krijimi dhe ruajtja e një rrjeti të mirë mbështetësish, miqsh dhe familjarësh, duke provuar teknikat e relaksimit, duke e reduktuar ngarkesën në punë apo aktivitetet e përditshme, dhe duke pasur një mënyrë jetese të shëndetshme me ushqim të mirë dhe aktivitet fizik të vazhdueshëm. / Psiche – Bota.al

blank

Rëndësia e hidratimit – Si ndryshon trupi kur pini ujë mjaftueshëm

Sistemi i tretjes përfshin fytin, stomakun, zorrën e trashë, pankreasin dhe mëlçinë.

Hidratimi është një nga elementët thelbësore të një jete të shëndetshme.

Çdo ditë trupi ynë humbet 2 deri 3 litra ujë nga djersitja apo lëvizjet, madje edhe teksa marrim frymë.

Këto funksione janë thelbësore për mbijetesën tonë ndaj duhet të kompensojmë humbjen e lengjeve.

Ruajtja e balancës është e rëndësishme për t’u mos dehidratuar apo për të evituar overdozën e ujit në trup.

Dehidratimi shkakton humbje energjie rënie të humorit, tharje të lëkurës dhe tension të lartë.

Një truri të pahidratuar i duhet më shumë sforco për të funksionuar.

Specialistët deri më tani kanë thënë se duhet të konsumojmë 8 gota ujë në ditë.

Por studimet e fundit tregojnë se kjo sasi varet nga pesha jonë trupore dhe mjedisi ku jetojmë. Sasia që duhet të konsumojmë është 2.5 – 3.7 litra në ditë për meshkujt dhe 2- 2.7 për femrat.

Si ndryshon trupi kur pini ujë mjaftueshëm

Në AgroWeb.org do të mësoni për të gjitha efektet e mira që ndodhin në trup kur pini ujë mjafttueshëm.

Kujtesë më e mirë

Dehidratimi ndikon në aftësinë e të nxënit dhe tek humori.

Ai prek edhe kujtesën, sidomos atë afat-shkurtër.

Nëse pini mjaftueshëm ujë, do të vëreni se do të jeni më të përqendruar dhe më të vëmendshëm.

Për rrjedhojë, nëse pini ujë mjaftueshëm, truri juaj do të jetë mirënjohës.

Fizik më i mirë

Njerëzit që kryejnë aktivitet fizik e kanë ujin të domosdoshëm për të pasur më shumë forcë dhe një fizik të mirë.

Uji do të ndihmojë në qetësimin e muskujve, do të rrisë energjinë dhe maksimizojë performancën tuaj.

Më pak neps

Pirja e sasive të mjaftueshme të ujit do ju ndihmojë të keni më pak neps, sidomos në orët e vona të natës.

Rrjedhimisht ju do të mbani peshën nën kontroll dhe nuk do të usheqeheni me produkte që ju bëjnë dëm.

Tretje më e mirë

Uji përmirëson ndjeshëm tretjen dhe pengon konstipacionin.

Pas pirjes së mjaftueshme të ujit, do të vëreni se do të jeni më pak të fryrë dhe do të keni një tretje të mirë.

Ujë për një lëkurë të shëndetshme

Hidratimi luan një rol fantastik për shëndetin e lëkurës.

Kjo e fundit është krejt në varësi të ujit për të prodhuar qeliza të reja.

Efekti i ujit ndihet menjëherë duke i dhënë asaj elasticitet dhe lagështi.


Send this to a friend