VOAL

VOAL

Please Wait ...
0%

Kriza në Mianmar: censura ndaj shtypit pengon të vërtetën

By | September 21, 2017
blank

Komentet

blank

SHBA, Britania dhe Australia krijojnë një bashkëpunim të ri të sigurisë

Washington

Liderët e SHBA-së, Britanisë së Madhe dhe Australisë njoftuan krijimin e një bashkëpunimi të ri të sigurisë të emërtuar “AUKUS” dhe se në kuadër të kësaj SHBA-ja dhe Britania do të ndajnë me Australinë teknologjinë e nëndetëseve me energji bërthamore, transmeton Anadolu Agency (AA).

Në një konferencë për media që presidenti amerikan Joe Biden mbajti në Shtëpinë e Bardhë morën pjesë nëpërmjet internetit edhe kryeministri britanik Boris Johnson dhe kryeministri australian Scott Morrison.

Liderët e vendeve në fjalë, njoftuan se SHBA-ja, Britania dhe Australia formuan një bashkëpunim të ri të sigurisë të emërtuar “AUKUS”.

Në një fjalim në konferencën për media, Biden vuri theksin se partneriteti i tyre me Australinë dhe Britaninë bazohet në shumë vite dhe se do të luftojnë së bashku vështirësitë me të cilat përballen në shekullin 21.

“Nuk ka asnjë logjikë që ne tani të ndahemi ose shpërbëhemi nga njëri-tjetri”

Biden tha se edhe situata aktuale në rajonin Indo-Paqësor kërkon nevojën e bashkëpunimit. “Nuk ka asnjë logjikë që ne tani të ndahemi ose shpërbëhemi nga njëri-tjetri”, shtoi ai.

“Nën AUKUS si një projekt kyç, ne po fillojnë konsultimet që Australia të posedojë nëndetëse me armë konvencionale me reaktorë bërthamorë. Këtu po flasim për nëndetëse me armë konvencionale që punojnë me reaktorë bërthamorë dhe jo nëndetëse me armë bërthamore. Është konfirmuar se kjo teknologji është e sigurt. SHBA-ja dhe Britania e përdorin këtë prej dhjetëra vitesh”, potencoi Biden.

Konsultimet në fjalë do të vazhdojnë për 18 muajt e ardhshëm, tha Biden duke shtuar se i ka dhënë udhëzime shefit të shtabit të SHBA-së, Lloyd Austin për zhvillimin e këtyre konsultimeve dhe se Departamenti i Mbrojtjes do të punojë me departamentet e energjisë dhe të shtetit.

blank

Një ekuipazh civil për herë të parë në mision hapësinor

Miliarderi amerikan, Jared Isaacman, dhe tre persona të tjerë do të nisen sot në një fluturim në hapësirë.

Misioni treditor, nëse është i suksesshëm, do të jetë misioni i parë hapësinor pa një astronaut profesionist në bord.

Katërshja do të niset nga Qendra Kennedy e Agjencisë amerikane të Hapësirës (NASA) me anijen kozmike të kompanisë SpaceX.

Fluturimi është ide e miliarderit Isaacman, i cili ka thënë se hapësira duhet të jetë e hapur për të gjithë.

Ai e ka emëruar misionin e tij Inspiration4, apo Frymëzimi4.

Isaacman, 38 vjeç, pilot me përvojë, është themelues dhe shef ekzekutiv i një kompanie për përpunimin e pagesave.

Ai e ka paguar kompaninë SpaceX për realizimin e fluturimit, por shuma e parave nuk është zbuluar.

Për fluturimin Inspiration4, çdo anëtar i ekuipazhit është zgjedhur për të përfaqësuar një nga katër vlerat: udhëheqjen, shpresën, prosperitetin dhe bujarinë.

Isaacman përfaqëson udhëheqjen dhe ai do të shërbejë si komandant i misionit.

Të tjerët në bord do të jenë: Hayley Arceneaux, e mbijetuar e kancerit, që do të përfaqësojë shpresën; Sian Proctor, profesoreshë e gjeologjisë, që do të përfaqësojë prosperitetin, dhe Chris Sembroski, veteran i Forcave Ajrore të SHBA-së, që do të përfaqësojë bujarinë.

Fluturimi pritet të nisë në orën 8 të mbrëmjes, sipas kohës lokale në Floridë.

blank

Mjeti luftarak izraelit me inteligjencë artificiale dhe aftësi autonome në fushën e betejës

Israel Robotic Patrol

Firma shtetërore izraeliteIAI po ekspozon një automjet tokësor me telekomandë, për të cilin eksperët thonë se mund të përdoret për të mbështetur trupat në situata të ndryshme luftarake.

Automjeti luftarak, i quajtur REX MK II, është një automjet-robot i kontrolluar nga distanca dhe mund të mbajë një ngarkesë deri në 1,3 ton, thotë Rani Avni, zëvendës shef i divizionit të sistemeve autonome të firmës IAI.

“Për shumë vite kemi ofruar pajisje ajrore me telekomandë. Tani po i sjellim këto aftësi në fushën e betejës, duke ndërthurur inteligjencën artificiale me teknologji të tjera për të ofruar një automjet luftarak tokësor.”

I armatosur me armë zjarri, roboti ushtarak komandohet nga distanca përmes një tableti.

“Makineria ushtarake kontrollohet plotësisht nga distanca nga një komandë qendrore. Duke patur një pamje të qartë të situatës në terren,mjeti po ashtu ka një autonomi të plotë për të realizuar misionin në mënyrë të pavarur”, thotë zoti Avni.

Kompania, thotë ai, po përdor aftësitë e saj në fushën e inteligjencës artificiale për zhvillimin e këtyre sistemeve robotike.

“Kjo na ofron një gamë të gjerë aftësish për misione të ndryshme, si robotike, ashtu edhe autonome, duke shtuar vlerat në fushën e betejave të së ardhmes.”

Zoti Avni thotë se automjeti REX shërben, mes të tjerash, për të zvogëluar rrezikun e trupave ne fushën e betejës.

“Disa pjesë të fushës së betejës janë të rrezikshme. Ndaj kjo makineri robotike do t’u paraprijë trupave për të spastruar vijën e frontit, për të kontrolluar rrugët në zonat urbane, apo transportuar municione për ushtarët.”

Ai thotë se automjeti ka aftësitë për gjetjen e objektivit dhe hapur zjarr. Megjithatë, automjeti është programuar në mënyrë të tillë që vendimi përfundimtar të merret nga njeriu.

Automjeti REX MK II ka motorë elektrikë dhe aftësi të larta manovrimi në terrene të ndryshme, si dhe mund të realizojë kthesa të ngushta. Ky automjet luftarak, që ka bashkuar inteligjencën artificiale me aftësitë telekomanduese dhe armët e zjarrit, po preznatohet në panairin ndërkombëtar të armëve në Londër.

blank

Shifër e “frikshme”, 100-vjeçarët në Japoni kalojnë shifrën e 86.500 vetëve

Numri i personave njëqindvjeçarë në Japoni është rritur për herë të parë në një rekord prej 86.510, treguan sot të dhënat e qeverisë, transmeton Anadolu Agency (AA).

Numri i njëqindvjeçarëve meshkuj në Japoni u rrit mbi 10.000, duke u rritur vazhdimisht për 51 vjet, raportoi agjencia e lajmeve Kyodo, duke cituar të dhënat e Ministrisë së Shëndetësisë.

Japonia po përballet me një popullsi të plakur kryesisht për shkak të zgjerimit të infrastrukturës mjekësore dhe sociale në vend.

Të dhënat treguan se numri i njëqindvjeçarëve është rritur me 6.060 nga një vit më parë.

Japonia çdo vit ka shënuar 20 shtatorin si një festë për të shprehur “Respektin për të Moshuarit” në vend.

Ministria gjithashtu zbuloi se gratë përbëjnë të paktën 88,4 për qind të totalit të përgjithshëm të 86.510 personave mbi 100 vjeç, madje 5.475 më shumë se një vit më parë, ndërsa shifra te burrat është rritur me 585, për të shkuar në 10.060.

Qeveria japoneze kishte filluar një studim të qindvjeçarëve në vitin 1961, kur gjeti vetëm 153 njerëz mbi 100 vjeç.

Provinca perëndimore Shimane ka numrin më të madh të qindvjeçarëve, e ndjekur nga provincat Kochi dhe Kagoshima./AA/

blank

Çfarë ishte dhe çfarë është Al-Kaida?

RFE/RL

I lindur nga lufta e viteve 1980-të kundër pushtimit të Afganistanit nga Bashkimi Sovjetik, grupi terrorist Al-Kaida, nën drejtimin e Osama bin Ladenit, u shndërrua në një kërcënim ndër breza për Amerikën, e i cili kulmoi me 11 shtatorin e vitit 2001, me sulmin që rrëzoi Qendrën Botërore të Tregtisë në Nju Jork, raporton Associated Press.

Sulmet e 11 shtatorit, në të cilat gjithashtu u pa që Pentagoni u godit nga një avion komercial, që u rrëmbye nga militantët e këtij grupi, çuan në pushtimin e udhëhequr nga SHBA-ja në Afganistan dhe fillimin e luftës më të gjatë të Amerikës, e cila sapo përfundoi me tërheqje të furishme të ushtrisë amerikane përmes transportit ajror nga Kabuli.

Ai gjithashtu përfaqësonte një lloj të ri rreziku, një luftë jo kundër një kombi në vetvete, por një rrjeti të errët financierësh, shokësh dhe kamikazësh, që vazhdon edhe pas vrasjes së bin Ladenit nga duart e Marinës amerikane më 2011 në Pakistan. Të tjerë kanë ndjekur modelin e tyre, me rezultate edhe më të tmerrshme.

Origjina

Al-Kaida, ose në arabisht “Baza”, u organizua kur sovjetikët u tërhoqën nga Afganistani. Duke shpresuar të përfitojë nga mbështetja e muxhahedinëve, apo “luftëtarëve të shenjtë”, të rekrutuar gjatë luftës së tyre kundër Moskës, bin Laden formoi Al-Kaidën dhe u bë udhëheqësi i saj. Biri i një magnati ndërtimesh në Arabinë Saudite, bin Laden gjithashtu gëzonte pasuri familjare të madhe.

Ai kërkoi tërheqjen e forcave amerikane nga Arabia Saudite, shtëpia e vendeve më të shenjta për Islamin. Amerika vendosi trupa atje në krye të Luftës së Gjirit të vitit 1991, kundër pushtimit të Kuvajtit nga diktatori irakian Saddam Hussein.

SHBA-ja kujton viktimat e 11 shtatorit
Fotogaleri

SHBA-ja kujton viktimat e 11 shtatorit

Më 11 shtator, Shtetet e Bashkuara shënojnë 20-vjetorin e sulmeve terroriste, të kryera nga Al-Kaida, që lanë të vdekur afër 3,000 persona. Ceremoni për shënimin e këtij përvjetori janë mbajtur në mbarë SHBA-në. Presidenti amerikan, Joe Biden ka bërë thirrje për unitet kombëtar. Më 11 shtator 2001, katër aeroplanë të rrëmbyer, kryen sulme në tokën amerikane. Dy avionë goditën Kullat Binjake në Nju Jork, një avion goditi Pentagonin në Uashington dhe një avion u rrëzua në Pensilvani, pasi pasagjerët kishin arritur që të përlesheshin me sulmuesit që gjendeshin në bord.

Kulmi

Në vitin 1996, Osama bin Laden lëshoi një deklaratë zyrtare për luftë. Por, vetëm më 7 gusht 1998, atëherë kur kamionët e ngarkuar me eksplozivë shpërthyen jashtë ambasadave amerikane në Nairobi, Kenia dhe Dar es Salaam si dhe në Tanzani, duke vrarë më shumë se 200 njerëz, kërcënimi u bë real.

Në vitin 2000 pasoi shpërthimi vetëvrasës me bombë i Al-Kaidës në USS Cole në Aden, në Jemen. Shtatëmbëdhjetë persona vdiqën. Pastaj erdhën sulmet e 11 shtatorit 2001.

Bin Laden iku pas pushtimit të Afganistanit të udhëhequr nga SHBA-ja, para se të vritej në Abbottabad të Pakistanit, një dekadë më vonë.

Trashëgimia

Ayman al-Zawahiri, një egjiptian i cili u bë udhëheqës i Al-Kaidës pas vdekjes së bin Ladenit, është bërë më pak i dukshëm në vitet e fundit dhe besohet se është në gjendje të dobët shëndetësore. Djali i bin Ladenit, Hamza, i cili u bë një figurë kryesore brenda Al-Kaidës, u vra më vonë.

Por, rëndësia e Al-Kaidës pas 11 shtatorit, e bëri atë të fitonte degë në të gjithë Lindjen e Mesme. Njëra prej tyre u bë grupi i Shtetit Islamik, prerjet e kokave dhe marrja e pjesëve të mëdha të Irakut dhe Sirisë prej të cilit pati trondituri gjithë botën.

Rikthimi i mundshëm i Al-Kaidës

Në shtator të vitit 2021, Sekretari amerikan i Mbrojtjes, Lloyd Austin, paralajmëroi se grupi militant Al-Kaida në Afganistan mund të ringjallet, pasi ky shtet u mor nën kontrollin e talibanëve.

Pavarësisht kërcënimit për rikthimin e mundshëm të këtij grupi, Austin tha se SHBA-ja është e përgatitur që të parandalojë në rikthim të tillë.

“Al-Kaida dhe grupi i Shtetit Islamik gjithmonë përpiqen të gjejnë hapësirë për t’u rikthyer, pavarësisht se ku janë, atje apo në Somali ose në ndonjë mjedis të pakontrolluar. Unë mendoj se kjo është natyrën e këtyre grupeve”, tha ai.

Përgatiti: Durim Abdullahu
blank

Japonia kundërshton planin e presidentit Putin për zonë pa doganë në Ishujt Kuril

Tokio

Qeveria e Japonisë ka kundërshtuar planin e presidentit të Rusisë Vladimir Putin për formimin e zonës pa doganë në Ishujt Kuril dhe për të përjashtuar investimet e kompanive të huaja për 10 vite nga taksat, transmeton Anadolu Agency (AA).

Kryesekretari i kabinetit, Kato Katsunobu, në një konferencë për shtyp, kundërshoi planin që Putin njoftoi lidhur me Ishujt Kuril në Forumin Ekonomik Lindor që u mbajt në qytetin Vladivostok të Rusisë.

Kato tha se plani për formimin e zonës pa doganë në Ishujt Kuril, është në kundërshtim me marrëveshjet e mëparshme mes Japonisë dhe Rusisë që përfshijnë aktivitetet ekonomike në ishuj.

Plani në fjalë është “kundër pozicionit të vendit të tij për ishujt”, tha Kato i cili theksoi se kjo gjithashtu bie ndesh edhe “me negociatat aktuale në vazhdim mes dy vendeve” në lidhje me aktivitetet ekonomike.

Më tej Kato theksoi se qeverisë së Moskës i është përcjellë projektligji që përfshin zhvillimin e aktiviteteve ekonomike pa dëmtuar pozicionin ligjor të Japonisë mbi ishujt.

Putin ishte shprehur se investimet tregtare të kompanive japoneze dhe të huaja në Ishujt Kuril për të cilat ka mosmarrëveshje mes dy vendeve dhe të cilat në Rusi njihen si “Kurili i Jugut” dhe në Japoni “Rajonet Veriore”, do të përjashtohen nga tatimi për një periudhë 10-vjeçare.

Mosmarrëveshja mes Rusisë dhe Japonisë mbi Ishujt Kuril

Bashkimi Sovjetik në fund të Luftës së Dytë Botërore, në vitin 1945, aneksoi Ishujt Kuril të Japonisë, që shtrihen rreth 1.300 kilometra dhe ndajnë Oqeanin e Paqësorit dhe Detin Ohotsk.

Palët nuk mund të arrijnë rezultat në negociatat e zhvilluara për të nënshkruar marrëveshje paqeje mes Rusisë dhe Japonisë për shkak të mosmarrëveshjes për pjesën territoriale të cilën Japonia pas aneksimit i ka emërtuar si “Rajonet Veriore”.

blank

Skocia do të organizojë referendum për pavarësinë deri në fund të vitit 2023

Londër

Kryministrja e Skocisë, Nicola Sturgeon, ka përsëritur se ajo synon të organizojë një votim publik për pavarësinë nga Mbretëria e Bashkuar deri në fund të vitit 2023, transmeton Anadolu Agency (AA).

Duke shpallur programin e saj qeveritar, Sturgeon tha se pavarësia është në krye të agjendës së saj, por shtoi se këtë vit nuk do të ketë debat të projekt-ligjit të referendumit në parlamentin skocez.

Sturgeon tha se qeveria skoceze tani do të rifillojë punën me një prospekt të detajuar, që do t’u paraqitet votuesve nëse do të ketë një fushatë referendumi për pavarësinë nga Mbretëria e Bashkuar.

Duke folur në parlamentin skocez në kryeqytetin Edinburgh, Sturgeon tha se “derisa dalim nga pandemia COVID-19, duhet të bëhen zgjedhje që do të formësojnë ekonominë dhe shoqërinë tonë për dekadat e ardhshme”.

“Cili parlament duhet t’i bëjë këto zgjedhje, Westminster (Mbretëri e Bashkuar) apo Holyrood (Skoci). Dhe, nga cilat parime do të udhëzohen. Këto janë pyetje të cilat nuk mund të shmangen, as të shtyhen derisa fundi tashmë është hedhur. Pra, ne synojmë të ofrojmë atë zgjedhje”, tha Sturgeon.

Siç theksoi ajo, “ne do të bëjmë këtë vetëm kur kriza me COVID-19 të ketë kaluar, por qëllimi është që të ndodh në gjysmën e parë të këtij parlamenti, para se të përfundojë viti 2023”.

Ajo theksoi se ata “do të sigurojnë që zgjedhje, kur të vijë, të jetë plotësisht e informuar”.

“Për këtë qëllim, mund të konfirmoj se qeveria skoceze tani do të rifillojë punën në prospektin e detajuar që do të udhëheq vendimin”, u shpreh Sturgeon.

Në janar të vitit 2020, para se pandemia COVID-19 të përhapet jashtë Kinës, parlamenti skocez votoi në favor të një referendumi të dytë të pavarësisë.

Pas votimit, Sturgeon kërkoi një urdhër të seksionit 30, që do ta bënte të mundur mbajtjen e një referendumi të ri të pavarësisë nga qeveria qendrore e Mbretërisë së Bashkuar, por kërkesa e saj u refuzua nga kryeministri britanik, Boris Johnson.

Në një letër të fundit drejtuar ministres së parë skoceze, Johnson tha ai “nuk do të pajtohet me asnjë kërkesë për një transferim të pushtetit që do të çonte në referendume të mëtejshme të pavarësisë”.

Referendumi i parë në Skoci

Referendumi i parë që kërkoi nga votuesit skocezë të votojnë nëse duan të lirohen nga Mbretëria e Bashkuar u mbajt në vitin 2014, vetëm dy vite para referendumit historik mbi Brexit-in të cilin Skocia e refuzoi me vendosmëri.

Qeveria e Mbretërisë së Bashkuar nën kryeministrin e atëhershëm David Cameron premtoi një mirëkuptim më të mirë për skocezët nga parlamenti në Westminster, si dhe “pushtete të reja të gjera” për parlamentin skocez.

SNP-ja, partia që udhëhoqi fushatën e pavarësisë, kishte besim të plotë se vendi do të mbijetonte dhe madje do të ishte më mirë jashtë Mbretërisë së Bashkuar.

Por skocezët refuzuan ndarjen nga pjesa tjetër e Mbretërisë së Bashkuar, pasi pak më shumë se 2 milionë vota (55,3 për qind) votuan për të mbetur pjesë e Mbretërisë së Bashkuar, ndërsa 1.62 milionë (44,7 për qind) votuan për pavarësinë.

Johnson dhe konservatorët skocezë kanë mohuar në mënyrë të përsëritur idenë e referendumit të ardhshëm për pavarësi, duke e quajtur referendumin e vitit 2014 një ngjarje që vjen “një herë në jetë” dhe që provoi se skocezët preferojnë bashkimin.

blank

Kush është udhëheqësi suprem i talebanëve të Afganistanit?

Mawlawi Haibatullah Akhundzada

Abubakar Siddique

Talebanët afganë emëruan një klerik të linjës së ashpër sunite si udhëheqës suprem të Afganistanit.

Mawlawi Haibatullah Akhundzada, 55 vjeç, është edhe udhëheqës i grupit radikal fundamentalist.

Ai e siguroi këtë pozitë në maj të vitit 2016, disa ditë pasi udhëheqësi i dytë i talibanëve, Mullah Akhtar Mohammad Mansur, u vra në një sulm të SHBA-së me dron, në jugperëndim të Pakistanit.

“[Akhundzada] është një figurë fetare që zotëron respekt të jashtëzakonshëm për shkak të kredencialeve të tij fetare”, thotë për Radion Evropa e Lirë gazetari afgan, Sami Yousafzai.

“Ai ishte gjykatës i lartë taliban dhe bashkëpunëtor i ngushtë i themeluesit të lëvizjes, Mullah Mohammad Omar”.

“Është një dijetar islamik dhe ka shkruar disa libra [për çështjet fetare]”, thotë Yousafzai.

Sipas tij, pas rënies së regjimit taliban në vitin 2001, kur Afganistani u pushtua nga forcat e huaja, Akhundzada iu bashkua udhëheqësve të lëvizjes për të kërkuar strehim në provincën jugperëndimore të Pakistanit, Baluçistan.

“Ai ka udhëhequr një medrese pranë Kuetës [kryeqytetit të Baluçistanit]”, thotë Yousafzai.

“Ai njihej si Akhundzada i Kuçlakut dhe shpesh drejtonte ceremonitë e diplomimit në medrese të ndryshme në rajon”, shton Yousafzai.

Kuçlak është një qytet i vogël pranë Kuetës, ku shumë udhëheqës të lartë talibanë besohet se u strehuan gjatë dy dekadave të fundit.

Deklaratat e fundit të talibanëve lënë të kuptohet se Akhundzada do të përcaktojë drejtimin strategjik të Qeverisë së re në, siç thonë ata, Emiratin Islamik të Afganistanit.

“Udhëheqësi i Emiratit Islamik ofroi udhëzime gjithëpërfshirëse dhe i bëri të gjithë të vetëdijshëm për përgjegjësitë e tyre”, tha zëdhënësi i talibanëve, Zabihullah Mujahid, në fund të një konsultimi treditor midis udhëheqësve talibanë që u mbajt këtë javë në qytetin jugor të Kandaharit.

Talibanët duket se janë të prirë për ta portretizuar atë si udhëheqës vizionar.

”Pas tërheqjes së të gjitha forcave të huaja nga vendi ynë, ne duam të krijojmë marrëdhënie të mira me botën, përfshirë Shtetet e Bashkuara”, cituan mediat talibane Akhundzadan në korrik.

Ashtu si themeluesi i lëvizjes, Mullah Omar, Akhundzada vjen nga provinca Kandahar e Afganistanit, ku lëvizja talibane u shfaq për herë të parë në vitin 1994.

Ai u ngrit në gradat e tij dhe u emërua kryetar i gjykatave ushtarake të talibanëve nga fundi i viteve 1990, kryesisht për shkak të kredencialeve të tij teologjike.

 

Nazar Mohammad Mutmaeen, ish-zyrtar taliban me bazë në Kabul, i cili shpesh përpiqet t’i shpjegojë pozicionet e talibanëve, shkroi se Akhundzada është një dijetar fetar me prirje për fjalime të gjata.

“Ai mund t’i komandojë emocionet e tij dhe talibanët e shohin si dikë të aftë për t’i bashkuar radhët e tyre”, tha Mutmaeen.

Nën udhëheqjen e Akhundzadas, talibanët shënuan fitore diplomatike dhe ushtarake.

Me zëvendësin e tij politik, Mullah Abdul Ghani Baradar, ai gjithashtu negocioi me sukses një marrëveshje për paqe me Shtetet e Bashkuara.

Marrëveshja e arritur në shkurt të vitit 2020 në Doha të Katarit shtroi rrugën për tërheqjen e SHBA-së dhe të forcave aleate nga Afganistani.

Akhundzada i mbajti të bashkuara gradat ushtarake të talibanëve, duke promovuar djalin e madh të Omarit, Mullah Yaqoob, si zëvendës të tij dhe duke e vënë atë në krye të krahut ushtarak të lëvizjes, së bashku me Sirajuddin Haqqanin, udhëheqësin e rrjetit Hakani.

Tani kur makina ushtarake talibane pushtoi me shpejtësi Kabulin dhe pjesën më të madhe të Afganistanit, Akhundzada përballet me një mori sfidash.

Nën udhëheqjen e tij, talibanët mund të jenë nën presion për të fituar legjitimitet ndërkombëtar, për të zgjidhur krizën e brendshme ekonomike ose për të ofruar qeverisje të mirë për afro 38 milionë banorët e Afganistanit, të cilët, përveç sigurisë, pritet të kërkojnë prosperitet dhe liri personale.

Përgatiti: Valona Tela
blank

Kryeministri kanadez Trudeau gjuhet me gurë

Trenton

Udhëheqësi liberal kanadez Justin Trudeau është gjuajtur me gurë, ndërsa autobusi i tij i fushatës u rrethua nga protestues të zemëruar gjatë fushatës, raporton Anadolu Agency (AA).

Kryeministri kanadez konfirmoi më vonë se nuk ishte lënduar në incident, i cili ndodhi në London të Ontarios, në jugperëndim të Torontos.

Trudeau, i cili sipas rregullave të zgjedhjeve kanadeze nuk quhet kryeministër nëse nuk vepron zyrtarisht në atë cilësi, është ndjekur nga protestuesit në disa ngjarje të fushatës, ndërsa po afron dita e zgjedhjeve federale, 20 shtator.

Një ngjarje u detyrua të anulohej javën e kaluar për shkak të shqetësimeve të sigurisë pasi Trudeau dhe mbështetësit e tij ishin të rrethuar nga protestuesit që brohorisnin sharje dhe poshtërime racore.

Protestuesit janë të zemëruar pasi Trudeau mbështet vaksinimet kundër koronavirusit dhe ka thënë se të gjithë punonjësit federalë duhet të vaksinohen kundër COVID-19 ose mund të pushohen nga puna. Ai është gjithashtu dakord me masat mbyllëse të pandemisë.

Të hënën në një ngjarje fushate të mbajtur para ndalesës në London, Trudeau tha se nuk do të frikësohej nga ato që ai i quajti “turma kundër vaksinimit”.

“Po, ekziston një element i vogël në këtë vend që është i zemëruar, që nuk beson në shkencë, që ka shpërthyer me sulme raciste dhe mizogjiniste”, tha ai.

“Por kanadezët, shumica dërrmuese e kanadezëve, nuk përfaqësohen prej tyre dhe unë e di se nuk do të lejojnë që këta zëra, këto grupe interesi të veçantë, këta protestues, as nuk dua t’i quaj protestues, këto turma kundër vaksinimit, të diktojnë mënyrën sesi ky vend do të kalojë këtë pandemi”, deklaroi Trudeau.

Drejtuesit e partive të tjera dënuan dhunën. Udhëheqësi i Partisë Konservatore Erin O’Toole e quajti aktin të “të neveritshëm”.

Protestat vazhdojnë ndërsa sondazhet tregojnë se Liberalët e Trudeau-s në pushtet dhe Konservatorët janë shumë afër dhe njëra prej tyre ka të ngjarë të formojë një qeveri të pakicës.

blank

Afganistan – Mullah Mohammad Hasan emërohet kryeministër i përkohshëm

VOAL – Mullah Mohammad Hasan është emëruar kryeministër i përkohshëm i qeverisë së re “të përkohshme” të Afganistanit. Kjo u njoftua nga zëdhënësi Zabihullah Mujahid të martën pasdite gjatë një konference për shtyp në Kabul, tre javë pas kthimit të lëvizjes islamike në pushtet.

Mullah Abdul Ghani Baradar, bashkëthemelues i talebanëve, negociator me SHBA-në në Doha dhe udhëheqës politik në pectore të studentëve të Kuranit, në vend të kësaj do të jetë numri dy i Ekzekutivit, ndërsa djali i Mullah Omarit, themelues i lëvizjes islamike , Mullah Jakub, ai do të jetë ministër i Mbrojtjes; Serajuddin Haqqani, udhëheqës i rrjetit të frikshëm dhe homonim aleat me talebanët, u emërua ministër i Brendshëm.

Këta janë të gjithë emra që mund të gjurmohen në “rojen e vjetër” të talebanëve; për momentin, asnjë grua nuk është emëruar në Ekzekutiv. rsi-eb

blank

Tanket mbushin rrugët, grusht shteti në Guine, ushtria rrëzon presidentin

Një grusht shteti ka ndodhur në Guine. Një njësi ushtarake kombëtare ka njoftuar përmes një videoje se ka marrë pushtetin në vend dhe se kanë rrëzuar presidentin e vendit, Alpha Conde.

Një ushtar i paidentifikuar e i mbështjellë me flamurin e vendit dha një fjalim të shkurtër në transmetuesin kombëtar, Radio Televizioni Guinea. Ai rrëfeu se parlamenti dhe kushtetuta e vendit ishin pezulluar dhe kufijtë ishin mbyllur.

“Ne po marrim fatin në duart tona”, tha ai.
Sidoqoftë, ministria e mbrojtjes tha se një sulm ndaj pallatit presidencial nga forcat kryengritëse ishte ndalur.

“Garda presidenciale, e mbështetur nga forcat besnike dhe republikane të mbrojtjes dhe sigurisë, zmbrapsi grupin e sulmuesve,” thuhej në një deklaratë.

“Operacionet po vazhdojnë për të rivendosur rendin dhe paqen.”

Mamady Doumbouya, udhëheqësi i përpjekjes për grusht shteti, tha se elitat e kishin keqtrajtuar vendin dhe se do të kishte një periudhë tranzicioni 18-mujore.

blank

Talebanët: Qeveria e ardhshme afgane do marrëdhënie të mira me SHBA

Ayaz Gul

Talebanët do të shpallin së shpejti përbërjen që pritet të ketë qeveria e tyre, për të cilën thonë se do të synojë për lidhje diplomatike miqësore me Shtetet e Bashkuara dhe botën në përgjithësi, bazuar në “respektin reciprok”.

Bilal Karimi, zyrtar i lartë taleban, anëtar i Komisionit Kulturor, i tha Zërit të Amerikës se data për njoftimin nuk është caktuar ende, por se do të bëhet “shumë shpejt”. Ai foli në përgjigje të njoftimeve se ky grup islamik do të njoftonte përbërjen e qeverisë të premten.

Talibanët janë nën vëzhgimin e bashkësisë ndërkombëtare për të parë nëse do t’i zbatojnë zotimet për një sistem qeverisës me përfaqësim nga të gjitha grupet etnike afgane, i cili dhe do të respektojë të drejtat e njeriut, veçanërisht ato të grave, ndryshe nga qeverisja e tyre e mëparshme.

“Do të jetë një sistem ose qeveri qendrore gjithëpërfshirëse, e fortë dhe e qëndrueshme. Ne tashmë kemi marrëdhënie shumë të mira me një numër të madh vendesh dhe nuk presim ndonjë problem,” i tha zoti Karimi Zërit të Amerikës kur u pyet nëse propozimi për organizimin e qeverisjes do t’u siguronte atyre njohje ndërkombëtare shumë të nevojshme për vendin.

Britania theksoi të premten se do të kërkojë nga talebanët të përmbushin zotimet e tyre sepse kërkohen “vepra, jo thjesht fjalë”.

Në komentet që bëri në Pakistan, Sekretari i Jashtëm britanik Dominic Raab tha se Britania po ndjek “realitetin e ri” në Afganistan dhe nuk do të shohë zhbërjen e strukturës sociale dhe ekonomike të vendit.

“Pozicionimi ynë është se nuk i njohim talebanët si qeveri, por e kuptojmë rëndësinë e angazhimit me ta që të kemi një linjë të drejtpërdrejtë komunikimi,” tha zoti Raab.

Zoti Karimi hodhi poshtë si “të pasakta” raportimet e mediave se zëvendësi politik i talebanëve, Mullah Abdul Ghani Baradar, bashkëthemelues i grupit, do të ishte kreu i qeverisë së re dhe se organizimi i propozuar qeverisës do të ishte disi i ngjashëm me atë të Iranit fqinj.

Talibanët morën kryeqytetin afgan muajin e kaluar pas fitoreve të rrufeshme ushtarake, duke marrë nën kontroll 33 nga 34 provincat e vendit në rreth një javë.

Ky grup fondamentalist rimori pushtetin në Kabul gati 20 vjet pasi u rrëzua nga pushteti nga ndërhyrja ushtarake e udhëhequr nga SHBA, në kuadër të luftës amerikane për të goditur udhëheqësit e al-Kaidës që strehoheshin në Afganistan. Lufta në Afganistan filloi pasi Shtetet e Bashkuara u sulmuan më 11 shtator 2001 nga operativë të al-Kaidës.

SHBA dhe vende e organizata të tjera kreditore ndërkombëtarë kanë ngrirë programet e ndihmës financiare për Afganistanin, duke e kushtëzuar rifillimin e ndihmave me formën e qeverisjes së ardhshme të talebanëve.

Sfida të shumta e presin këtë vend të Azisë Jugore të shkatërruar dhe varfëruar nga lufta, përfshirë kriza humanitare dhe ekonomike në rritje.

Zëdhënësi i Departamentit të Shtetit, Ned Price, tha të enjten se Uashingtoni mbetet “i palëkundur” në angazhimin e tij për të ofruar ndihmë humanitare për popullin e Afganistanit. Njohja e talebanëve, megjithatë, lidhet me hapat praktikë që do të duhet të ndërmarrë qeveria e ardhshme afgane, tha ai.

Zëdhënësi Price tha në komentet për gazetarët se “aktet, veçanërisht në tema që janë shumë të rëndësishme për ne, si kalim i sigurt, respektimi i të drejtave të njeriut në Afganistan, përfshirë të drejtat e grave dhe vajzave e pakicave, një qeveri gjithëpërfshirëse, një qeveri që përmbush angazhimet e saj kundër terrorizmit dhe një qeveri që respekton normat universale dhe ndërkombëtare”.

Zyrtari i talebanëve, Bilal Karimi dukej optimist për lidhjet e Kabulit me Uashingtonin në të ardhmen.

“Emirati Islamik është i gatshëm të mbajë marrëdhënie të mira diplomatike, ekonomike dhe tregtare me Amerikën në bazë të respektit dhe barazisë reciproke,” tha ai.


blank
blank
blank
blank
blank
blank
blank
blank
blank
blank
blank
blank
Send this to a friend