Kremlini ka pranuar se Rusia po kërkon të thellojë lidhjet e saj me Korenë e Veriut.

Kjo vjen mes raporteve që presidenti Putin dhe lideri i Koresë së Veriut, Kim Jong Un i kishin shkruar njëri-tjetrit për bashkëpunimin më tej, shkruan Sky News.

“Moska dhe Pheniani ruajnë marrëdhënie të mira, me respekt reciprok”, tha zëdhënësi Dmitry Peskov.

“Ne synojmë t’i zhvillojmë marrëdhëniet më tej, kontaktet po bëhen në nivele të ndryshme,” u shpreh ai, duke e quajtur Korenë e Veriut “një fqinj shumë të rëndësishëm”.