Koreja Veriore ka rritur shkallën e demonstrimit të armëve, duke lëshuar të shtunën edhe katër raketa balistike në det.
Shtetet e Bashkuara, në anën tjetër, kanë dërguar dy bombardues supersonikë në Korenë Jugore, hap që dëshmon përshkallëzimin e tensioneve në rajon.
Shtabi i Përgjithshëm i Koresë Jugore, ka thënë se katër raketa me rreze të shkurtër kanë fluturuar drejt ujërave perëndimorë.
Koreja Veriore ka testuar më shumë se 30 raketa këtë javë, duke përfshirë raketën balistike interkontinentale të enjten, duke nxitur alarme për evakuime në veri të Japonisë.
Verikoreanët, po ashtu, kanë aktivizuar një numër të madh të aeroplanëve luftarakë brenda territorit të Koresë Veriore, si shenjë pakënaqësitë ndaj stërvitjeve të përbashkëta ushtarake në mes të Shteteve të Bashkuara dhe Koresë Jugore.
Pozicionimi i bombarduesve amerikanë në Gadishullin Korean përbën herë e parë që ndodh dicka e tillë në këtë rajon, prej vitit 2017, kur verikoreanët kanë testuar armën bërthamore.
Zyrtarët verikoreanë kanë thënë të premten se veprimet ushtarake të shtetit këtë javë, kanë qenë përgjigje ndaj stërvitjeve, të cilat i kanë konsideruar shpërfaqje “të histerisë ushtarake” të SHBA-së.
Ata kanë thënë se Koreja Veriore do të përgjigjet me “masat më të ashpra ndonjëherë”, në rast se do të ketë tentime armiqësore ndaj Koresë së Veriut.
Ndërkohë, Koreja Jugore ka thënë se përfshirja e bombarduesve supersonikë amerikanë ka demonstruar gatishmërinë e aleatëve “për t’u përgjigjur shpejt” ndaj provokimeve të verikoreanëve.
Bombarduesit amerikanë B-1B, janë parë në Gadishullin Korean vetëm në kohë tensionesh.
Një kohë fluturimi i tyre në këtë rajon është ndalur për të mbështetur përpjekjet diplomatike të ish-presidentit amerikan, Donald Trump, për të negociuar me Korenë Veriore, dhe më pas për shkak të pandemisë së koronavirusit.
Stërvitjet ushtarake mes SHBA-së dhe Koresë Jugore ka qenë e planifikuar që të mbarojnë të premten, mirëpo aleatët i kanë vazhduar ato edhe të shtunën, si përgjigje ndaj testimeve të Koresë Veriore.
Inteligjenca amerikane dhe ajo jugkoreane kanë thënë se Koreja Veriore është duke u përgatitur për të testuar armën bërthamore, pas një pushimi pesëvjeçar.
Këtë vit, Koreja Veriore ka miratuar ligjin për shpallje të vetes si shtet me armë bërthamore.
Lideri i shtetit, Kim Jong-un, ka hedhur poshtë mundësinë e bisedimeve për çarmatosje.
Pheniani ka kryer gjashtë testime bërthamore në periudhën 2006-2017, pavarësisht sanksioneve.
Ky shtet në lindje të Azisë dënon vazhdimisht sanksionet dhe deklaron se sistemi bërthamor i duhet për qëllime të mbrojtjes.
Njeriu i parë i grupit mercenarë rus, Wagner, Yevgeny Prigozhin tregon në detaje se si Ukraina planifikon ta rikthejë Krimenë.
Ai është aq i sigurt për këtë saqë para kamerave ka shfaqur hartën e gadishullit të aneksuar në vitin 2014, duke shpjeguar se si do të sulmonte ushtria ukrainase.
Prigozhin mund të ketë të drejtë, duke marrë parasysh sulmet e shpeshta të ushtrisë ukrainase në Krime, apo ndoshta është vetëm një shfaqje. Nëse është kjo e fundit, çfarë po synon Prigozhin?
Siç tha kreu i grupit më famëkeq mercenar rus, ukrainasit dëshirojnë “t’i japin tri goditje forcave ruse dhe ta çlirojnë territorin deri në kufijtë e vitit 1991”. Gjithashtu, Prigozhin pretendon se Ukraina ka përqendruar 200 mijë ushtarë në Donbas, nga të cilët 80 mijë janë afër Bakhmutit.
“Planet përfshijnë një pushtim të rajonit të Belgorodit në Rusi që do të përdorej për këmbim me Luhanskun dhe Donbasin dhe më në fund çlirimin e Krimesë”, thotë Prigozhin ndërsa vizaton në një hartë të Ukrainës.
Më tej ai shpjegon se janë krijuar kushtet për sulmin ukrainas.
“Çfarë po bën armiku? Pranvera po vjen. Toka po thahet, era po fryn, temperatura janë nga 15 në 18 gradë Celsius. E gjithë kjo mundëson lëvizjen e mjeteve të rënda nëpër terren. Ukrainasit morën një numër të madh automjetesh të ndryshme nga NATO, automjete të blinduara, tanke Leopard për të cilët të gjithë po flasin. Ata përgatitën 200 mijë rezervistë. Do t’i përqendrojnë në vende të ndryshme”, thotë njeriu i njohur si kuzhinieri i presidenti rus, Vladimir Putin.
Një plan i detajuar
Ai shton se ushtria ukrainase do të marshojë në Belgorod dhe se kufiri midis tij dhe Kharkivit duhet të forcohet për të qenë i padepërtueshëm.
“Më pas do të tentojnë të kalojnë linjën Svatova-Kremin për të arritur në Valujki. Së treti, ata do të përqendrohen në Bakhmut për të sulmuar formacionet ruse, për të demoralizuar forcat dhe për të fituar një avantazh. Pasi ta kontrollojnë Bakhmutin, do t’iu hapet rruga përpara. Një grup prej 80 mijë trupash është përqendruar rreth Bakhmutit dhe duke mbajtur këtë linjë, ata mund të përpiqen të ndalojnë njësitë e Wagner. Kur ta bëjnë këtë, ata do të hapin një rrugë prej 30 deri në 40 km ku mund të përqendrohen”, pohoi ai.
“Ata do të lëvizin në disa drejtime në të njëjtën kohë – nga poshtë në Lisichansk-Severodonetsk, duke u përpjekur të ndajnë Luhanskun dhe Donetskun në dy pjesë. Pastaj do të përqendrohen rreth Dnieperit dhe do të lëvizin drejt Zaporizhzhia. Do të kryejnë disa sulme për të fituar Berdyansk, Melitopol dhe Mariupolin, duke bllokuar kështu Krimenë. Pastaj ata do të shkojnë në urën e Krimesë dhe do ta kthejnë situatën si në kufijtë e vitit 1991”, thotë Prigozhin.
Çfarë fshihet pas analizës së Prigozhinit?
Prigozhin shpjegoi në detaje planin e palës ukrainase pa shpjeguar se si i mori informacionet e lartpërmendura. Pyetja është, megjithatë, pse Prigozhin nuk ia tregoi Kremlinit dhe jo para kamerave?
Ndoshta përgjigja duhet kërkuar në marrëdhëniet e komplikuara, ose më mirë të këqija me Kremlinin dhe veçanërisht me njeriun e parë të ushtrisë ruse, Sergei Shoigu.
Prigozhin më parë drejtoi publikisht gishtin nga ministri rus i Mbrojtjes për shkak të rezultateve të dobëta të ushtrisë ruse, e cila u detyrua të tërhiqej nga ofensiva ukrainase në fund të gushtit dhe në fillim të shtatorit në jug, në Kherson, por edhe në lindje, ku në atë kohë Moska kontrollonte pothuajse 100 për qind të rajonit të Luhanskut dhe pjesën më të madhe të rajonit të Donetskut, duke përfshirë portin kyç të Mariupolit.
Gjithashtu, njeriu i parë i familjes Wagner pretendon se Shoigu dhe ministria e tij nuk siguruan armë dhe furnizime të mjaftueshme për trupat në vijën e frontit në Bakhmut.
Përçarja u bë më se e dukshme, prandaj edhe letra dramatike e Prigozhinit drejtuar Shoigut, në të cilën ai paralajmëron një kundërsulm të mundshëm ukrainas në fund të marsit ose në fillim të prillit, shkaktoi shumë dyshime.
“Situata është e vështirë, shumë e vështirë, armiqtë po luftojnë për çdo metër”, tha Prigozhin dhe i bëri thirrje Shoigut të zbatojë masat për të parandaluar një ofensivë të mundshme ukrainase dhe për të parandaluar që mercenarët të rrethohen në Bakhmut.
Jo shumë kohë pas kësaj letre, Prigozhin qëndroi para kamerave për të shpjeguar ofensivën e mundshme.
Pyetja që lind është nëse Prigozhin është vërtet i shqetësuar për situatën në front apo thjesht po i bën presion mediatik Shoigut për ta detyruar që t’i dërgojë grupit Wagner, armët e kërkuara?
Përgjigja për këtë pyetje do të dihet në ditët në vijim, ndoshta edhe në orët e ardhshme.
UASHINGTON – Presidenti Joe Biden tha se SHBA nuk kërkon konflikt me Iranin, por do të përgjigjet “me forcë” për të mbrojtur personelin e saj në Siri dhe gjetkë.
Deklaratat e tij vijnë një ditë pasi një kontraktor amerikan u vra dhe gjashtë amerikanë të tjerë u plagosën në një sulm për të cilin fajësohen grupet e lidhura me Iranin në Sirinë verilindore.
Presidenti Biden thotë se ai urdhëroi një sulm ajror hakmarrës në vendet e përdorura nga grupet e lidhura me Gardën Revolucionare të Iranit. Duke folur në Otava të Kanadasë, ku ndodhet në një vizitë shtetërore, presidenti Biden shprehu “ngushëllimet më të thella” për familjen e amerikanit të vrarë..
Pentagoni tha se kontraktori u vra të enjten në një bazë të koalicionit në Sirinë verilindore në një sulm nga një dron që komuniteti i inteligjencës vlerësoi se ishte “me origjinë iraniane”.
Sekretari amerikan i Mbrojtjes Lloyd Austin tha në një deklaratë se SHBA-të u kundërpërgjigjën me sulme precize “proporcionale dhe të qëllimshme” të enjten në Siri kundër objekteve të përdorura nga grupet e lidhura me Korpusin e Gardës Revolucionare Islamike të Iranit.
“Sulmet ajrore u kryen në përgjigje të sulmit të sotëm, si dhe një serie sulmesh të fundit kundër forcave të koalicionit në Siri nga grupet e lidhura me Korpusin e Gardës Revolucionare Islamike të Iranit”, tha sekretari Austin.
“Asnjë grup nuk do të godasë trupat tona pa u ndëshkuar,” shtoi ai.
Sipas Pentagonit, droni goditi një objekt mirëmbajtjeje në një bazë në Hasaka, të Sirisë, në orën 13:38 sipas kohës lokale.
Gjashtë amerikanë të tjerë u plagosën në sulm, duke përfshirë pesë anëtarë të shërbimit amerikan. Dy nga pjesëtarët e shërbimit të plagosur u trajtuan në vend, ndërsa tre të tjerë dhe kontraktori amerikan u evakuuan në objektet mjekësore të koalicionit në Irak, sipas deklaratës së ushtrisë amerikane.
Shtetet e Bashkuara kanë rreth 900 trupa në Sirinë lindore që ndihmojnë forcat kurde siriane të parandalojnë rigjallërimin e grupit terrorist të Shtetit Islamik.
Shefi i Shtatëmadhorisë amerikane, gjenerali Mark Milley, oficeri më i lartë ushtarak i SHBA-së dhe kreu i Komandës Qendrore të SHBA-së, e cila mbikëqyr operacionet ushtarake të SHBA-së në Lindjen e Mesme, paralajmëroi ligjvënësit në seanca të veçanta të enjten se Irani vazhdon të destabilizojë Lindjen e Mesme përmes mbështetje për grupet terroriste.
Sipas komandantit të CENTCOM, gjeneralit Erik Kurilla, përfaqësuesit iranianë kanë sulmuar trupat amerikane në Irak dhe Siri 78 herë duke përdorur dronë dhe raketa që nga janari i vitit 2021.
“Ky ishte një tjetër sulm në një seri sulmesh ndaj trupave tona dhe forcave partnere,” tha gjenerali Kurilla të enjten vonë.
“Ne gjithmonë do të marrim të gjitha masat e nevojshme për të mbrojtur popullin tonë dhe gjithmonë do të përgjigjemi në kohën dhe vendin që do të zgjedhim. Ne jemi të vendosur për opsione të shkallëzuara përballë çdo sulmi iranian, “shtoi ai.
Është i akuzuari i profilit më të lartë që kërkohet nga Gjykata Ndërkombëtare Penale në historinë e saj mbi 20-vjeçare. Akuza që e ngarkon lidhet me një nga krimet më të tmerrshme të pushtimit rus të Ukrainës. Ekspertët ligjorë thonë se urdhërarrestimi për Vladimir Putinin është shumë më tepër sesa simbolik.
The Press Emblem Campaign (PEC)
Presse Embleme Campagne (PEC)
Campaña Emblema de Prensa (PEC)
حملة الشارة الدولية لحماية الصحفي
General Assembly
Human Rights Council 52nd session
General Debate item 4
Mr President,
Press Emblem Campaign (PEC) is very worried by the deterioration of freedom of expression in Russia since the start of the invasion of Ukraine in February 2022. About hundred new laws restricting press freedom have been passed in Russia. There is military censorship, almost all independent media have been banned, blocked, or declared “foreign agents”. And hundreds of journalists left the country.
PEC condemns the systematic campaign of repression and restriction of civic space that has taken place in Russia. The criminalisation of protest, the silencing of the free press, and the massive propagation of disinformation are all factors which enabled the Kremlin to perpetrate his war of aggression in Ukraine.
PEC is also deeply concerned by the worsening of press freedom in Iran. Many journalists have reportedly been detained to prevent them from exposing Iran’s human rights abuses. We call on Iran to release all arbitrarily detained individuals, including all journalists. We condemn the Iranian authorities’ actions to restrict the access to the Internet and disrupt social media platforms.
PEC urges the Russian and Iranian authorities to allow media to report unimpeded by government interference.
Thank you, Mr President
Geneva, 23 March 2023
Kina po ndjek me shumë vëmendje se si po reagojnë Uashingtoni dhe bota ndaj agresionit rus të Ukrainës, por ende nuk e kanë kaluar kufirin e dhënies së ndihmës vdekjeprurëse për Moskën, tha të mërkurën Sekretari amerikan i Shtetit, Antony Blinken.
Duke folur pas vizitës së presidentit kinez Xi Jinping në Moskë, zoti Blinken tha në një seancë në Senat se nëse Rusia do të tolerohej pa u ndëshkuar pas sulmit ndaj fqinjit të saj, kjo do të “hapte një kuti Pandore” për agresorët e mundshëm duke i hapur rrugën një “bote konflikti”.
“Pasojat e asaj që po ndodh në Ukrainë shkojnë përtej Ukrainës. Mendoj se do të kenë një ndikim të thellë në Azi, për shembull,” tha zoti Blinken, duke vënë në dukje se Japonia dhe Koreja e Jugut kanë qenë mbështetës kryesorë të Ukrainës gjatë konfliktit.
Megjithatë, ai tha se nuk beson se Kina i ka ofruar ndihmë vdekjeprurëse Moskës.
“Deri më sot, nuk kemi parë që ata ta kapërcejnë këtë vijë,” tha zoti Blinken para një komisioni të Senatit.
Agresioni i Rusisë ka hapur debate se si do të ndikojë lufta tek strategjia ushtarake e Kinës në lidhje me Tajvanin, ishullin e vetëqeverisur që Pekini e sheh si territor sovran kinez.
“Unë mendoj se Kina po shikon me shumë kujdes dhe do të nxjerrë mësime se si bota bashkohet ose jo, për t’i bërë ballë këtij agresioni,” tha zoti Blinken.
Zoti Xi dhe presidenti rus Vladimir Putin e përshëndetën njëri-tjetrin duke iu drejtuar njëri-tjetrit si “mik i dashur” kur u takuan në Kremlin dhe diskutuan propozimet e Kinës për një zgjidhje të konfliktit të Ukrainës.
“Është një marrëdhënie interesi. Nuk besoj se është bindje. Rusia është një partner shumë i vogël në këtë marrëdhënie,” tha zoti Blinken.
Ai tha se mbështetja politike dhe materiale e Kinës për Rusinë bie ndesh me interesat e Uashingtonit.
Zoti Blinken u tha ligjvënësve se Departamenti i Shtetit dhe Agjencia Amerikane për Zhvillim Ndërkombëtar (USAID) kanë nevojë për miratimin e plotë të projekt-buxhetit të Presidentit Joe Biden, që parashikon një rritje prej 11% nga viti i kaluar, për t’u përballur me kërcënimet që paraqesin Rusia dhe Kina.
“Bota e pas Luftës së Ftohtë ka marrë fund dhe ekziston një konkurrencë intensive për të përcaktuar se çfarë do të vijë më pas,” tha zoti Blinken.
Sekretari i Shtetit u bëri thirrje të gjithë anëtarëve të Gjykatës Penale Ndërkombëtare që të respektojnë një urdhër-arresti të lëshuar për presidentin rus Vladimir Putin.
Presidenti kinez, Xi Jinping dhe presidenti rus, Vladimir Putin në ndërtesën e Kremlinit. 21 mars 2023.
Reid Standish
Presidenti kinez, Xi Jinping, është larguar nga Moska pas një vizite treditore në kryeqytetin rus, ku e ka takuar presidentin e Rusisë, Vladimir Putin.
Në këtë vizitë, të mbushur me simbolizëm, dy liderët kanë shpalosur synimet e tyre për rendin e ri botëror.
Por çfarë realisht rezultoi nga takimi?
Në mbrëmjen e 21 marsit, Xi dhe Putin e kanë nënshkruar një deklaratë të përbashkët, pas bisedimeve që kanë zhvilluar në Kremlin, e në të cilat është trumbetuar “roli pozitiv” i Kinës dhe “pozicioni objektiv” i saj për luftën e Rusisë në Ukrainë.
Dy liderët kanë prezantuar një mori marrëveshjesh, në të cilat janë detajuar planet për lidhjet ekonomike të së ardhmes dhe bashkëpunimi më i ngushtë mes mediave shtetërore të të dyja palëve.
Në këtë takim është kritikuar edhe Perëndimi, sidomos Shtetet e Bashkuara dhe NATO-ja.
Nuk është harruar as pakti i ri për mbrojtje – AUKUS – në mes të Australisë, Mbretërisë së Bashkuar dhe Shteteve të Bashkuara.
Mirëpo, bisedimet nuk kanë rezultuar me marrëveshje vendimtare për çështje ekonomike dhe ndihmën që do t’i duhej Moskës për ta përballuar presionin e sanksioneve ekonomike, duke vënë kështu në pah mbështetjen e kufizuar të Kinës, dhe rritjen e çekuilibrit në mes të të dyja shteteve, e i cili i shkon për shtati Pekinit.
“Synimi i Xi-së në këtë udhëtim ka qenë ruajtja e status quo-së me Rusinë, dhe jo lëvizja, as edhe një metër më afër, apo hapja e rrugës për bashkëpunim të ri”, ka shkruar Yu Jie, hulumtuese e lartë për Kinën në Institutin Chathan House, me bazë në Londër.
Rezultatet e samitit
Takimi i Xi-së në Rusi, ka qenë i pari prej kur Rusia e ka nisur luftën në Ukrainë, më 24 shkurt të vitit 2022.
Përmes vizitës, Xi ka mëtuar të tregojë se pavarësisht jostabilitetit ndërkombëtar dhe turbulencave të shkaktuara nga lufta në Ukrainë, Pekini është i vendosur të qëndrojë në anën e Moskës.
Xi ka vazhduar që në heshtje të mbështesë qëndrimin e Putinit për luftën, dhe dy liderët kanë folur për epokë të re të lidhjeve bilaterale, që, sipas tyre, do të ndryshojë gjeopolitikën globale.
Xi dhe Putin në Kremlin.
“Tani për tani ekzistojnë ndryshime të llojit që nuk i kemi parë në 100 vjet”, i ka thënë Xi, Putinit, pas darkës së 21 marsit.
“Dhe ne, së bashku, jemi duke çuar përpara këto ndryshime”.
Mirëpo Xi nuk ka bërë hapa konkretë në mbështetjen e luftës së Rusisë në Ukrainë, dhe në vizitë nuk janë realizuar disa plane të mëdha të Moskës.
Ndër më të rëndësishmet, Pekini e ka lënë pezull konfirmimin e planeve për gazsjellësin, Fuqia e Siberisë 2 – një projekt rus që synon të ridrejtojë eksportet nga Evropa në Azi, përkatësisht përmes Mongolisë në Kinë.
Në disa komente publike më 21 mars, Putin e ka përmendur gazsjellësin, thuajse është arritur një marrëveshje për të me palën kineze, duke thënë se “praktikisht të gjithë parametrat e marrëveshjes janë finalizuar”.
Pas bisedimeve me Xi-në, Putin ka thënë se Mongolia e ka nënshkruar një marrëveshje me Rusinë për Fuqinë e Siberisë 2, dhe se Rusia është zotuar për të furnizuar Kinën me të paktën 98 miliardë metra kubë të gazit natyror këtë vit.
Megjithatë, këto shifra do të mund të realizohen vetëm nëse ec përpara projekti i një gazsjellësi të ri, për të cilin Xi ka qenë i heshtur në takim.
Në deklaratën e përbashkët nga vizita, vetëm është thënë se Kina dhe Rusia, “do të bëjnë përpjekje për të avancuar punën në studimin e miratimin” e planeve për të ndërtuar gazsjellësin.
“Kompanive u janë dhënë urdhra për të analizuar projektin në detaje dhe ta nënshkruajnë atë në periudhën më të shkurtër të mundshme. Urdhrat janë marrë për të garantuar se do të përmbushen kushtet”, ka thënë zëvendëskryeministri rus, Aleksandr Novak, para gazetarëve.
“Shpresojmë se kjo do të ndodhë këtë vit”.
A ka pasur përparim në planin për paqe në Ukrainë?
Para vizitës, vëmendja është fokusuar në atë nëse Xi mund ta shtyjë Putinin drejt një armëpushimi në Ukrainë, dhe nëse propozimi i Kinës, për t’iu dhënë fund armiqësive – i cili është bërë publik në fund të shkurtit – do të shërbejë si bazë e mirë për t’i dhënë fund luftës.
Mirëpo tani, pas përfundimit të takimit në Moskë, paqja në Ukrainë duket po aq larg sikurse më parë.
Xi dhe Putin në konferencë për media në Kremlin.
Putin ka thënë se është i hapur për diskutuar planin e Kinës për dhënie fund të luftës, mirëpo suksesi i dokumentit varet nga shtetet perëndimore dhe gatishmëria e Kievit për ta diskutuar atë.
Plani 12-pikësh i Kinës është hedhur poshtë nga Perëndimi, sepse nuk përmend në mënyrë specifike thirrjet që Rusia të largohet nga Ukraina.
Ky plan, po ashtu, interpretohet si përpjekje për të ngrirë konfliktin, sipas kushteve të Moskës.
Kina ka hezituar që t’i ndihmojë Rusisë në fushëbetejë, pavarësisht paralajmërimeve të Uashingtonit që Pekini është duke e konsideruar ndihmën ushtarake.
Në deklarimin e tyre të përbashkët, Xi dhe Putin kanë përmendur temat tashmë të njohura për publikun dhe kanë paralajmëruar “kundër praktikës së një shteti, apo një grupi shtetesh, për të përfituar në aspektin ushtarak, politik apo në fusha tjera, në dëm të interesave të shteteve tjera”.
Kjo deklaratë besohet se ka qenë referencë kundër zgjerimit të NATO-s dhe që Perëndimi është përgjegjës për përshkallëzim të luftës.
Kievi ka qenë skeptik për propozimin kinez dhe ka insistuar që Rusia të tërheqë ushtrinë e saj nga territori ukrainas, si parakusht kryesor për të biseduar, ndonëse zyrtarët më të lartë ukrainas kanë qenë të kujdesshëm me Pekinin, prej kur ka nisur lufta.
Xi nuk ka biseduar me presidentin ukrainas, Volodymyr Zelensky, prej nisjes së luftës, ka raportuar gazeta amerikane The Wall Street Journal, para vizitës së Xi-së në Rusi, mirëpo që një bisedë telefonike mund të ndodhë shpejt.
Vetë Zelensky ka thënë më 21 mars se “nuk ka ende konfirmim” për bisedë të mundshme telefonike me Xi-në.
A i ka ndryshuar takimi lidhjet mes Kinës dhe Rusisë?
Përtej mikpritjes me tepih të kuq, Pekini është duke ecur nëpër një litar diplomatik kur është fjala për luftën në Ukrainë, e cila e ka bërë Perëndimin më të bashkuar sesa ka qenë në vjetët e fundit, por edhe i ka tensionuar lidhjet me Pekinit me dy partnerët kryesorë tregtarë: Shtetet e Bashkuara dhe Bashkimin Evropian.
Qëllimi kryesor i vizitës ka qenë që të tregojë se Kina është ende duke investuar në lidhjet me Rusinë, dhe se lufta në Ukrainë nuk e ka ndryshuar bazën e marrëdhënieve të tyre.
Si shenjë mbështetjeje, Xi e ka ftuar Putinin që të shkojë në Kinë “në një kohë të përshtatshme” këtë vit.
Mirëpo vizita edhe e ka vënë në pah kufirin në marrëdhëniet e tyre, dhe ka treguar se Kina nuk është e përgatitur që t’ia ofrojë Rusisë atë lloj të mbështetjes që do t’i rrezikonte interesat e saj.
Pekini e ka krijuar një linjë jetike për ekonominë e Rusisë, pas nisjes së luftës në Ukrainë, meqë marrëdhëniet tregtare bilaterale kanë prekur një rekord prej 190 miliardë dollarëve më 2022.
Valuta kineze yuan, po ashtu, mund të bëhet valuta kryesore e huaj në Rusi, meqë Moska sa shkon e bëhet më e varur nga Kina, të cilën e sheh si treg kryesor për energjinë e saj.
Tani për tani, dinamika mes dy vendeve është në duart e Kinës.
Lideri kinez, Xi Jinping, duke ecur në tepihun e kuq, të shtruar për të para hyrjes në Kremlin.
Më 2014, kur Moska është përballur me sanksione, pas aneksimit të Gadishullit ukrainas të Krimesë, Pekini ka arritur të negociojë një marrëveshje me çmim të ulët për t’u furnizuar me gaz prej Rusisë.
Njëjtë mund të ndodhë sërish.
Nevoja e Rusisë për të gjetur blerës të energjisë së saj, mund të rezultojë me marrëveshje me Kinën, por sipas kushteve që i cakton kjo e fundit.
Pavarësisht rritjes së disbalancit të fuqive dhe varësisë ekonomike, Xi ka arritur ta trajtojë Putinin si të barabartë, dhe ekspertët besojnë se lideri kinez e sheh Rusinë si partnere të rëndësishme në “luftën” me Shtetet e Bashkuara, në të ardhmen.
Kjo nënkupton që marrëdhëniet e tyre do të formësohen më shumë nga qëndrimi i njëjtë që e kanë për Uashingtonin, sesa për shumëçka tjetër, dhe se synimi kryesor i Kinës është që ta mbajë Moskën afër vetes dhe ta parandalojë skenarin që Moska të bëhet aq e dobët nga lufta në Ukrainë, saqë t’i nënshtrohet presionit të Perëndimit.
Me këtë qëndrim pajtohen edhe hulumtuesit e lartë të politikave të jashtme të Kinës.
Yang Jiemian, humumtues me ndikim për politika të jashtme, dhe udhëheqës i Këshillit Akademik në Institutin e Shangait për Studime Ndërkombëtare, ka thënë në një vlerësim të muajit shkurt se nëse “Rusia dobësohet deri në pikën sa të mos mund të përballet me Shtetet e Bashkuara dhe Perëndimin, atëherë diçka e tillë e lë Kinën të vetme në përballje me rrethana strategjike krejtësisht të pafavorshme”.
Aleksandër Vuçiq po tallet me Kosovën: Nje ditë bashkë me shqiptarët do të bëjmë valle e hare, ushqim e pije bashkë në Graqanicë, thotë në një gazetë serbe.
Këto ishin fjalët e të parit të Serbisë A.Vuçiq, pioneri i kryekriminelit dhe të kasapit të Ballkanit, Sllobodan Millosheviq në kohën e përgjakur dhe të gjenocidit ndaj popujve jo serb në ish Jugosllavi dhe të shqiptarëve në Kosovë!
Asociacioni ia ka lëkundur shtyllat e shtetit të Kosovës dhe, përmes kësaj pakica serbe dhe pushteti lokal do të fitojë autonomi teritoriale dhe shteti i Kosovës po afrohet me Serbinë! Këto janë pjesë e kronikave të ekspertëve të drejtësisë ndërkombëtare.
Kryeministri Albin Kurti e ka për detyrë kushtetuese të dalë para popullit të Kosovës dhe të sqarojë e të shpjegojë fije e për pe çfarë pati në tryezën e bisedimeve në Ohër dhe asociacioni për komunat me shumicë serbe!
Dmitry Medvedev, Zëvendëskryetari i Këshillit të Sigurimit të Rusisë, tha se Kremlini mund të lëshonte një raketë hipersonike në Gjykatën Penale Ndërkombëtare (ICC) pas lëshimit të urdhër arrestit për presidentin rus Vladimir Putin.
“Ekziston mundësia që një raketë hipersonike e lëshuar nga një anije luftarake ruse në Detin e Veriut të godasë ndërtesën e gjykatës në Hagë,” shkroi Medvedev, një besnik i Putinit, i cili gjithashtu ka shërbyer sipresident i Rusisë nga viti 2008 deri në 2012, në një mesazh në Telegram, sipas medias shtetërore ruse Tass.
ICC lëshoi urdhër-arrestin për Putinin të premten, duke pretenduar se ai është “përgjegjës për dëbimin e paligjshëm të fëmijëve dhe atë të transferimit të paligjshëm të tyre nga zonat e pushtuara të Ukrainës në Federatën Ruse”.
Një urdhër tjetër kishte në shënjestër edhe Maria Alekseyevna Lvova-Belova, Komisionerja për të Drejtat e Fëmijëve në Zyrën e Presidentit të Federatës Ruse.
Rreth 16,226 fëmijë janë dëbuar gjatë luftës 13-mujore, sipas shefit ukrainas të të drejtave të njeriut, Dmytro Lubinets.
Presidenti Biden e quajti urdhrin për arrestimin e Putinit “të justifikuar” gjatë fundjavës, duke thënë se ai “ka kryer qartazi krime lufte”. syri.net
Presidenti i Kinës Xi Jinping i tha me një buzëqeshjeje Vladimir Putinit se “ndryshimi po vjen” në një mesazh ogurzi ndarjeje ndërsa ai u largua nga Moska të martën në mbrëmje pas bisedimeve me homologun e tij rus.
“Po vjen një ndryshim që nuk ka ndodhur në 100 vjet. Dhe ne po e drejtojmë këtë ndryshim së bashku”, i tha Xi Putinit përmes përkthyesit të tij – fjalë që sigurisht do të vënë këmbanat e alarmit në Perëndim.
“Të lutem, kujdes, i dashur mik,” shtoi ai, duke e kapur me ngrohtësi dorën e Putinit përpara se të tundej nga despoti rus, i cili i kërkoi Xi një “udhëtim të sigurt”.
Në shkurt 2022, dyshja njoftuan se kishin krijuar një miqësi ‘pa kufij’ dhe Putin e ftoi Xi-n të vizitonte kryeqytetin rus.
Që atëherë, ata kanë folur publikisht për forcimin e ‘marrëdhënieve të tyre speciale’, me Moskën dhe Pekinin që të dy refuzojnë ato që ata thonë se janë përpjekjet e SHBA për të krijuar një ‘botë njëpolare’ të kontrolluar nga Uashingtoni.
Xi më në fund u takua dje me Putinin në Kremlin, me të dy udhëheqësit që u shfaqën të etur për të promovuar marrëdhëniet e tyre pozitive.
Ata nënshkruan një seri memorandumesh dhe marrëveshjesh të krijuara për të nxitur bashkëpunimin dypalësh për një sërë çështjesh dhe u fotografuan me gotën e shampanjës së bashku në Pallatin e Kremlinit ndërsa Xi ftoi homologun e tij rus të vizitonte Kinën më vonë këtë vit.
Mesazhi i tyre shqetësues i lamtumirës erdhi vetëm disa orë pasi Putin u zotua se do t’i përgjigjej planeve britanike për të dërguar municion me uranium të varfëruar në Ukrainë, ndërsa Moska paralajmëroi se rreziku i një ‘përplasjeje bërthamore’ po rritej.
Despoti rus u tërbua kundër vendimit të Britanisë për t’i pajisur trupat e Kievit me tanke luftarake Challenger 2 dhe municione të uraniumit të varfëruar, duke argumentuar se kjo shënoi një hap drejt përdorimit të armëve me një “komponent bërthamor”.
Predhat e tankeve që përmbajnë material radioaktiv janë më të dendura, duke rritur aftësinë e tyre për të depërtuar në shtresa të trasha të armaturës.
Por uraniumi i varfëruar mund të shkaktojë dëme serioze nga rrezatimi nëse hyn në trup – për shembull përmes copëzave ose thithjes nga shpërthimet – dhe lidhet me raste të shtuara të kancerit dhe sëmundjeve të tjera në zonat e luftës.
Duke folur pas bisedimeve me presidentin kinez Xi Jinping në kryeqytetin rus, Putin tha se ai do të ‘detyrohet të reagojë’ nëse Mbretëria e Bashkuar vazhdon me dorëzimin e 14 tankeve luftarake të gjeneratës së ardhshme.
“Mbretëria e Bashkuar njoftoi jo vetëm furnizimin me tanke për Ukrainën, por edhe predha me uranium të varfëruar”, tha Putin.
“Nëse kjo ndodh, Rusia do të detyrohet të përgjigjet në përputhje me rrethanat, duke pasur parasysh se Perëndimi kolektivisht tashmë ka filluar të përdorë armë me një komponent bërthamor. Duket se Perëndimi me të vërtetë synon të luftojë Rusinë deri në ukrainasin e fundit”, shtoi.
Britania në natyrë e akuzoi Putinin për shitje të qëllimshme të dezinformatave në lidhje me pretendimet e tij për ‘komponentin bërthamor’, me Ministrinë e Mbrojtjes duke theksuar se ‘Ushtria Britanike ka përdorur uranium të varfëruar në predhat e saj të blinduara për dekada. Është një komponent standard dhe nuk ka të bëjë me armët apo aftësitë bërthamore.
Politikanët rusë dhe propaganduesit e Putinit kanë bërë një sërë komentesh luftarake që nga pushtimi i Ukrainës vitin e kaluar, duke sugjeruar se Moska – nëse është e nevojshme – do të ishte e gatshme të vendoste arsenalin e saj të madh bërthamor.
Putin u bashkua gjithashtu me XI në dënimin e paktit të sigurisë të njohur si AUKUS që do të shohë Australinë të zhvillojë një program nëndetësesh me energji bërthamore me Shtetet e Bashkuara dhe Britaninë.
Ministri rus i Mbrojtjes Sergei Shoigu përsëriti sot pikën e Putinit dhe paralajmëroi se bota është vetëm “hapa” larg katastrofës bërthamore.
“Një hap tjetër është ndërmarrë dhe kanë mbetur gjithnjë e më pak”, tha Shoigu.
Kur u pyet nëse kjo do të thoshte se bota ishte më afër një përplasjeje bërthamore, ai u përgjigj: ‘Nuk ishte rastësi që ju tregova për hapat. Ka gjithnjë e më pak.’
Por deputeti konservator dhe veterani i ushtrisë britanike Bob Seely hodhi poshtë deklaratat e Putinit dhe Shoigut si një taktikë të thjeshtë frikësimi.
“Rusia përdor kërcënimet bërthamore për të tentuar të frikësojë. Moska e bëri këtë në Luftën e Ftohtë dhe mjerisht Kremlini po e bën përsëri tani”, tha ai.
“Qëllimi kryesor politik i Putinit është të minojë lidhjen midis Ukrainës dhe aleatëve të saj perëndimorë që po furnizojnë Kievin me fonde dhe armë. Nëse ai mund ta prishë këtë lidhje, ai beson se përfundimisht mund të shkatërrojë Ukrainën dhe të fitojë një fitore që trupat e tij nuk kanë qenë në gjendje ta fitojnë në fushat e betejës në Ukrainën jugore dhe lindore.
Presidenti i Ukrainës, Volodymyr Zelensky tha sot se Kievi ka ftuar Kinën në bisedime dhe është në pritje të një përgjigjeje nga Pekini.
“Ne i kemi ofruar Kinës të bëhet partnere në zbatimin e formulës së paqes. Ne e kaluam formulën tonë në të gjitha kanalet. Ju ftojmë në dialog. Ne presim përgjigjen tuaj”, tha Zelensky në një konferencë për shtyp, duke shtuar se: “Po marrim disa sinjale, por ende nuk ka specifika”.
Kina nuk ka ofruar ndonjë propozim konkret për t’i dhënë fund luftës, përveç “planit të saj të paqes” prej 12 pikash, i cili përfshinte thirrjen për t’i dhënë fund sanksioneve perëndimore, negociatat që do të shihnin Ukrainën heqjen e territorit, një tërheqje të NATO-s nga kufijtë e saj lindorë dhe rindërtimin . përpjekjet që ka të ngjarë të përfitojnë kontraktorët kinezë.
Pekini këmbëngul se është një ndërmjetës neutral në Ukrainë dhe Xi tha të martën pas bisedimeve të tij me Putinin: “Ne i përmbahemi një qëndrimi parimor dhe objektiv mbi krizën ukrainase bazuar në qëllimet dhe parimet e Kartës së OKB-së”.
Por pavarësisht thirrjeve të tij për paqe, Pekini ka vazhduar të qëndrojë krah për krah me Rusinë.
Në një fjalim të ashpër të hënën, Sekretari Amerikan i Shtetit Anthony Blinken shprehu gjithashtu skepticizëm mbi propozimet e ‘paqes’ të Xi që synojnë t’i japin fund luftës në Ukrainë, duke paralajmëruar se ato mund të jenë një ‘taktikë ngecëse’ për të ndihmuar trupat ruse në terren.
“Bota nuk duhet të mashtrohet nga asnjë lëvizje taktike e Rusisë, e mbështetur nga Kina apo ndonjë vend tjetër, për të ngrirë luftën sipas kushteve të saj”, tha Blinken.
Blinken shtoi se udhëtimi i Xi sugjeron që Pekini nuk mendon se Putini nuk duhet të mbahet përgjegjës për mizoritë e kryera në Ukrainë nga forcat ruse. syri.net
Rezervistë të mobilizuar rusë duke kryer trajnime për luftë. Fotografi nga arkivi.
Në fund të muajit shkurt, Ivani, i cili jeton në Volçika të rajonit siberian Altai, e ka pranuar një thirrje telefonike nga shoku i tij i ngushtë, Andrei.
Ky i fundit është thirrur nga autoritetet ruse për të luftuar në Ukrainë.
Ndonëse të dy kanë komunikuar vazhdimisht – edhe pas angazhimit të Andreit në luftë – atë kohë kishte kaluar një javë prej kur kishin folur dy miqtë.
“Nuk do ta harroj kurrë atë bisedë telefonike”, ka thënë Ivani për Radion Evropa e Lirë.
“Ka qenë hera e parë që e kam dëgjuar duke folur me zë të dridhur: ‘Nuk e di si mbijetova. Jam i vetmi në grup që kam mbetur gjallë’. Burri ka qarë për 10 minuta derisa më ka treguar se si ushtarët tjerë janë vrarë para syve të tij, duke përfshirë disa vetëm 20-vjeçarë”.
Tash e sa muaj Rusia dhe Ukraina janë duke zhvilluar luftime të ashpra në rajonin e Donbasit, duke përfshirë betejat në qytetet që tani i njeh gjithë bota: Bahmut, Avdivka dhe Marinka. Luftimet, në të cilat janë përfshirë mercenarët e grupit privat ushtarak rus, Wagner, janë krahasuar me përleshjet më brutale në frontin perëndimor përgjatë Luftë së Parë Botërore.
Edhe themeluesi i Wagnerit, biznesmeni i lidhur me Kremlinin, Yevgeny Prigozhin, e ka përshkruar ofensivën në Bahmut si “makinë grirëse të mishit”.
“Ai i ka parë duke vdekur dhe nuk ka mundur të bëjë asgjë për t’iu ndihmuar”, ka thënë Ivani për shokun e tij, Andrei.
“Ka qenë mrekulli që ai i ka mbijetuar ofensivës. Në fakt, atij i është thënë se do të shpërblehet me medalje, mirëpo ai ka qenë duke menduar vetëm për një gjë – si të largohet prej aty”.
Qeveria ruse e ka kufizuar raportimin dhe informacionet nga kjo zonë lufte.
Megjithatë, muhabetet kanë nisur të përhapen nga rusët e mobilizuar dhe miqtë e tyre, të cilët kanë treguar shumëçka për situatën e rëndë të ushtarëve, mungesën e trajnimeve dhe armëve, çka ka rezultuar më pas me numër të madh të viktimave.
Për shkak se Qeveria ruse i ka ndëshkuar ata që kanë folur hapur për luftën, Radio Evropa e Lirë e ka fshehur identitetin e personazheve në këtë artikull.
“Të vdekur apo të braktisur”
Një grua nga qyteti i Siberisë, Angarsk, i ka thënë Radios Evropa e Lirë se burri i saj që është thirrur për të luftuar, e ka telefonuar një ditë prej spitalit dhe i ka treguar se është duke trajtuar plagët e marra në betejë.
“Ai më ka thënë se në orët e para të 1 marsit, grupi i tij, prej 25 burrave, është nxjerrë me forcë nga separatistët e mbështetur prej Moskës në rajonin e Donjeckut dhe janë lënë në fushë të hapur. Më pas, ushtarët separatistë kanë ikur. Ata kanë mbetur aty pa mbështetje, në dy tanke të armatosura. Në çast kanë nisur të sulmohen. Si përfundim, ata janë përballur me bombardime për orë të tëra”.
“Ai e di edhe për dy burra të plagosur”, ka thënë gruaja.
“Të gjithë të tjerët ose janë vrarë, ose janë braktisur”.
Deri më tani, Moska ka raportuar për 6.000 persona të vrarë, prej kur e ka nisur luftën në Ukrainë, në shkurt të vitit 2022, mirëpo shifra zyrtare besohet se është shumë më e madhe.
Analistët perëndimorë besojnë Rusisë i janë vrarë ose plagosur 200.000 njerëz në luftë.
Ivani ka thënë se i është dashur kohë derisa ka vendosur të flasë publikisht për bisedat që ka pasur me Andrein.
Megjithatë, në fund, ai ka thënë se “nuk ka pasur kuptim që të qëndroj o heshtur dhe të pres nëse do të rregullohet gjithçka”.
“Asgjë përveçse copë mishi”
Andreit, 32-vjeçar, i është dërguar thirrja për luftë në vjeshtën e vitit 2022, pak pasi presidenti rus, Vladimir Putin ka shpallur mobilizim të pjesshëm ushtarak.
AI e ka marrë këtë vendim pas kundërofensivës së suksesshme të ushtrisë ukrainase në verilindje, e cila ka rezultuar me zmbrapsjen e ushtrisë ruse dhe çlirimin e rreth 12.000 kilometrave katrorë.
Andrei ka qenë pjesëtar i bankës rezervë të ushtrisë ruse rreth një dekadë më parë.
Ai i ka kaluar tre muajt e parë, pas mobilizimit, në një bazë në qytetin siberian, Omsk, ka thënë Ivani.
“Gjatë gjithë kohës, ai ka shtënë me një karikator plumbash”, ka rikujtuar Ivani.
“Ata kanë qëndruar në formacione dhe kanë marshuar përreth”.
Më vonë, njësiti i tij është dërguar në Gadishullin ukrainas të Krimesë – të cilin e ka pushtuar Rusia më 2014 – për “mbrojtje territoriale”.
Mirëpo një muaj më vonë, ata kanë kthyer në rajonin pjesërisht të pushtuar, Zaporizhja, i cili gjendet në jug të Ukrainës.
“Aty, ata kanë kaluar një javë dhe më pas janë nisur në drejtim të Vuhledarit”, ka thënë Ivani, duke iu referuar një qyteze në Ukrainë, e cila gjendet në rajonin e Donjeckut.
“Në Vuhledar ka qenë një rrëmujë e madhe – fortifikime dhe llogore. Secili e ka ditur që ajo zonë është si humnerë, Brigada Detare e 155-të është shkatërruar thuajse tërësisht aty. Grupi i mikut tim është dërguar më pas aty për riorganizim”.
Andrei e ka kaluar një javë afër Vuhledarit, duke u përballur me luftime të ashpra, ka thënë Ivani.
“Nuk ka pasur mbrojtje të mirëfilltë”, ka thënë ai.
“Mbulesa e artilerisë ka qenë sporadike, dhe shpesh nuk është ditur se cila anë është duke gjuajtur. Ata me raste kanë shtënë me armë edhe kundër trupave të tyre”.
Pas atyre luftimeve, Ivanin e ka telefonuar miku i tij dhe atëherë ai është shokuar.
“E kam kuptuar nga ajo çfarë ka thënë se komandantët i konsiderojnë burrat si copë mishi dhe asgjë tjetër”, ka thënë Ivani.
“Atyre u kanë thënë ‘Bravo’, ose ‘Ju po e mposhtni armikun’, mirëpo në realitet ata i kanë shfrytëzuar për t’u mbrojtur nga vetë ushtarët e tyre dhe secilën herë që dikush ka bërë pyetje ose është ankuar, ata janë dërguar sërish në sulm”.
“Brigada ime nuk ekziston më”
Pas bisedës telefonike, njësiti i Andreit është dërguar në disa luftime edhe më intensive afër qytetit të Avdivkas.
“Më 3 mars, ata janë shtyrë që të luftojnë kundër fortifikimeve afër Avdivkas”, ka thënë Ivani.
“Më pas nuk kam pranuar asnjë thirrje nga Andrei për 10 ditë”.
“Më ka telefonuar më 13 mars, direkt prej frontit”, ka thënë Ivani.
“Thirrja ka zgjatur shtatë minuta. Kurrë në jetë nuk kam dëgjuar më shumë trishtim në zërin e dikujt – ‘Brigada ime nuk ekziston më’”.
“Burrat janë dërguar në luftë vetëm me pushkët e tyre”, ka thënë ai.
“Nuk ka pasur mbrojtje ajrore. As ndihmë mjekësore. Shumë prej tyre kanë vdekur në mungesë të ofrimit të ndihmës. Ushtarët e plagosur kanë mbetur në fushëbetejë. Vetëm ata që janë plagosur lehtësisht janë ndihmuar. Komandantët kanë frikësuar nga humbja e armëve të rënda. Ushtarët janë detyruar të luftojnë. Zyrtarët u kanë thënë hapur ‘ju për ne jeni vetëm copë mishi dhe asgjë më shumë. Harrojini medaljet dhe bonuset që u kemi premtuar. Ju thjesht nuk ekzistoni’”.
Andrei është ankuar se forcat ruse shpesh janë bombarduar nga artileria e tyre.
”Vijat e frontit janë shumë afër, 100 deri në 150 metra”, ka thënë Ivani.
“Mund të supozoj se burrat e angazhuar në artileri, ose sapo janë mobilizuar dhe nuk kanë ditur si t’i përdorin armët, ose kanë pasur pak përvojë. Mirëpo diçka vërtet nuk shkon aty”.
Në mesin e muajit mars, Ivanin e ka telefonuar sërish Andrei.
Ai ka thënë se prej 300 burrave me të cilët ka udhëtuar në Omsk, ai beson se vetëm tre kanë mbijetuar.
Ivani i ka cituar fjalët e Andreit, siç i janë kujtuar: “Kam ardhur këtu për të mbrojtur tokën armë. Mirëpo më duket se vetëm do të vdes në tokë të huaj. Edhe burrat që kanë ardhur me mua, me siguri kanë vdekur në tokë të huaj dhe Zoti e di përse”.
Andrei i ka treguar Ivanit se situata ka qenë “katastrofë totale” dhe se synon të refuzojë ndonjë pjesëmarrje në beteja tjera.
“Ai ka thënë se nuk e di çfarë ndodh të ndodhë me të pas refuzimit”, ka thënë Ivani për Radion Evropa e Lirë.
Ndërkohë, në Volçika, gruaja e Andreit dhe fëmija i vogël janë duke e pritur, ashtu sikurse edhe nëna e tij.
Gruaja e tij i ka thënë Radios Evropa e Lirë se vazhdimisht i shkruan komisionit ushtarak lokal për të marrë informacione për njësitin e burrit të tij.
Asaj i është thënë disa herë se burri i saj është i ngarkuar në “mbrojtje territoriale” në zonat e kontrolluara nga ushtria ruse.
NATO ka deklaruar se ka dyshime se Moska i ka kërkuar Pekinit ndihmë vdekjeprurëse për luftën e saj në Ukrainë.
Jens Stoltenberg, sekretari i përgjithshëm i organizatës, tha se aleanca e paralajmëroi Kinën kundër furnizimit me armë vdekjeprurëse për Rusinë, ndërsa në këto momente Xi Jinping dhe Vladimir Putin po zhvillojnë bisedime në Moskë.
“Nuk kemi parë asnjë provë që Kina po i dërgon Rusisë armë vdekjeprurëse, por kemi parë disa shenja se ka pasur një kërkesë nga Rusia dhe se kjo është një çështje që po konsiderohet në Pekin”, tha Stoltenberg nga Brukseli.
“Kina nuk duhet të ofrojë ndihmë vdekjeprurëse për Rusinë, do të ishte mbështetje për një luftë të paligjshme.”bw
Ministrja gjermane e Arsimit, Bettina Stark-Watzinger. Fotografi nga arkivi.
RFE/RL
Ministrja e Arsimit të Gjermanisë nënshkroi një marrëveshje për bashkëpunim në fushën e teknologjisë me Tajvanin, teksa realizoi vizitën e parë të një anëtari të kabinetit të Gjermanisë në 26 vjet.
Ministrja Bettina Stark-Watzinger nënshkroi Marrëveshjen për shkencë dhe teknologji me Këshillin Kombëtar të Shkencës dhe Teknologjisë së Tajvanit, në ditën e parë të vizitës së saj në Tajvan, teksa Kina e ka dënuar këtë vizitë.
Pekini e cilëson këtë ishull vetëqeverisës si pjesë të territorit të tij dhe thotë se do ta marrë një ditë kontrollin e Tajvanit, edhe me forcë nëse është e nevojshme. Kina vazhdimisht kundërshton vizitat dhe angazhimin e Tajvanit me zyrtarët ndërkombëtarë.
Sa herë ka pasur vizita në Tajvan të zyrtarëve të huaj, Kina ka shfaqur forcën e saj ushtarake dhe ka rritur presionin diplomatik dhe ekonomik, veçmas kur ka pasur vizita të politikanëve nga Shtetet e Bashkuara dhe Evropa.
Gjatë ceremonisë së nënshkrimit të marrëveshjes në Taipej, Stark-Watzinger tha se “është kënaqësi dhe nder i madh” për të që të jetë ministrja e parë e Qeverisë gjermane që viziton këtë ishull në më shumë se dy dekada.
“Kjo marrëveshje është për përforcimin e bashkëpunimit në bazë të vlerave demokratike, transparencës, reciprocitetit dhe lirisë shkencore”, tha ajo.
Vizita e saj vjen pasi dy muaj më parë një delegacion i lartë i Parlamentit gjerman udhëtoi për në Tajvan, një lëvizje që u kritikua ashpër nga Pekini.
Stark-Watzinger, kur u pyet për kundërshtimet e Kinës për vizitën e saj, nuk pranoi të komentonte.
Ministria e Jashtme gjermane javën e kaluar riafrimoi përkushtimin e saj për politikën “Një Kinë”, pasi me Pekinin ka raporte dypalëshe, por po ashtu mban “raporte të ngushta dhe të mira me Tajvanin”.
Komentet