Gazetarja Klodiana Lala, e ftuar në emisionin “Të Paekspozuarit” në MCN TV, ka folur për disa aksione të fundit të SPAK në lidhje me dosjet që po hetohen për Ballukun dhe AKSHI-n.

Lala tha se ka patur kontrolle në banesat dhe ambientet e zyrtarëve dhe biznesmenëve.

Gazetarja bëri edhe një bilanc të punës së SPAK për vitin 2025.

“Sa i përket çështjes Balluku, SPAK i është drejtuar gjykatës për kontrolle banesash dhe zyrash, për zyrtarë dhe biznesmenë të përfolur dhe të implikuar në dosjen Balluku. Ka patur 21 vendime individuale, por 34 urdhra kontrolli.

Vendimi është marrë në datën 25 dhjetor në Krishtlindje dhe është zbatuar në datën 26 dhjetor.

Ka patur kontrolle te të besuarit e Ballukut, shefja e kabinetit të saj, mendohet se në banesën e saj dhe në telefon mund të gjenden të dhëna që i shërbejnë hetimit. Është marrë telefoni i administratores së KESH. Janë kontrolluar Erald Elezi dhe Gential Gjyli që janë me masa sigurie.

Janë kontrolluar biznesmenët, Rrok Gjokaj, është marrë telefoni bashkë me të të birit. Është kontrolluar banesa e Ilir Shtufit, Paqësor Buzi. Të gjithë këto telefonat apo pajisje kompjuterike, janë dërguar për ekspertim në laboratorë, dihet që ka edhe ekspertë të huaj. Nëse do të gjenden prova do të përdoren në përballjen mes SPAK dhe Këshillit të Mandateve dhe Imuniteteve për kërkesën e arrestit të Ballukut.

Në dritë kanë dalë komunikime të reja. Po hetohet për koncesionin Thumanë-Kashar. Po hetohet Balluku dhe Gener 2 që ka lidhur kontratën. Është rrugë, pa ndonjë investim të jashtëzakonshëm, është rrugë që ka qenë ekzistuese. Koncesion që për 35 vjet shkon në 1.3 miliardë euro. SPAK, nisur nga disa komunikime të Ballukut me Berberin, ka ngritur dyshime që kjo sipërmarrje ka qenë e paracaktuar. Ajo thotë që pronari i kompanisë mund të jetë një ushtar dhe po i bëj nderin e jetës, biznesmenit Bashkim Ulaj.

Janë kryer kontrolle pra në disa biznesmenë, pritet të ketë zhvillime të mëtejshme.

Dosja e AKSHI, e kemi trajtuar, po pyeten persona të ndryshme. Ka hetim për një numër zyrtarësh policie, pasi janë filmuar në zyrën e Agasit.

Se çfarë kanë përgjimet janë top sekret, por ka një hetim të ri që përfshin zyrtarët me të lartë të policisë së shtetit. Po hetohet edhe zhdukja e Daniel Shimës. Janë gjetur element që e bëjnë të dyshojë se mund të ketë patur rrëmbim. SPAK nuk varet nga hetimi që bën prokuroria e juridiksionit të zakonshëm. Se sa do të ecë kjo çështje mbetet për tu parë.

SPAK, sigurisht e kam mbështetur në rastet kur politika e vjetër është bërë bashkë duke fyer dhe përgojuar dhe intimiduar prokurorë dhe gjyqtarë. SPAK ka bërë hapa domethënëse, kemi ish kryeministër, ish president, zv kryeministër, e me rradhë, grupe kriminale.

SPAK ka edhe disa bilance që nuk ka qenë në lartësinë e duhur, përshembull koncesioni i sterilizimit ku pati përplasje brenda strukturës. Inceneratori i Tiranës, aty ka një minus të madh, por ndoshta do ta rikuperojnë.

Për 2025, Meta u dërgua në gjykim. Dy goditjet e rëndësishme, arrestimi i Veliajt në shkurt, i pandehur për 13 akuza. Goditja tjetër, është zv kryeministrja. Ka partur goditje krimi i organizuar, Ervis Çela dhe Franc Çopja, e konsideruar si organizata më e madhe shqiptare që ka operuar në amerikën latine, Europë dhe Shqipërinë. Mendohet se kanë pastruar 200 mln euro në Shqipëri.

Ka patur edhe goditje të Troplinëve në Durrës, Visi i Pojës. Goditje e njerëzve të Policisë së Shtetit. Pra janë pak a shumë bilancet e 2025.

Ka edhe çështje që vijojnë, siç është abuzimi me fondet e BE”, tha Lala.