VOAL

VOAL

Kerry: Brexiti e ka ndryshuar pozicionin global të Britanisë

June 27, 2016

Komentet

Garda Revolucionare e Iranit konfiskon një anije afër Ngushticës së Hormuzit

Pjesëtarë të Gardës Revolucionare të Iranit kanë zbritur të shtunën prej helikopterit në një anije me mallra afër Ngushticës së Hormuzit, duke pretenduar se anija është “e lidhur me Izraelin”.

Izraeli, në anën tjetër, ka thënë se Irani do t’i paguajë pasojat e përshkallëzimit të tensioneve në Lindje të Mesme.

Lindja e Mesme është shtrënguar nga mundësia e një hakmarrjeje eventuale iraniane, pasi për sulmin e 1 prillit në konsullatën iraniane në Siri, që i ka lënë të vdekur 12 persona, Irani mban përgjegjës Izraelin.

Në këtë sulm kanë mbetur të vrarë edhe figura të larta ushtarake iraniane.

Agjencia shtetërore e lajmeve në Iran, Irna, ka thënë se forcat e njësitit special të Gardës e kanë kryer sulmin në anije.

Disa media tjera e kanë identifikuar anijen si të lidhur me kompaninë me bazë në Londër, Zodiac Maritime.

Zodiac Maritime është pjesë e Grupit Zodiac të miliarderit izraelit, Eyal Ofer.

Një zyrtar i mbrojtjes në Lindje të Mesme, që ka folur në kushte anonime, e ka ndarë me agjencinë e lajmeve Associated Press një video kur komandot iraniane shihen duke u ulur në kontejnerët e anijes.

Helikopteri i përdorur besohet se është i periudhës sovjetike Mil Mi-17, të cilin e kanë përdorur në të kaluarën si Garda Revolucionare e Iranit, ashtu edhe rebelët Huthi të Jemenit, për të kryer bastisje nëpër anije.

Ushtria britanike ka thënë se anija është “konfiskuar prej autoriteteve rajonale” në Gjirin e Omanit, pa dhënë më shumë hollësi.

Anija ka qenë për herë të fundit në Dubai dhe është nisur më pas drejt Ngushticës së Hormuzit.

Anija i ka bllokuar të gjitha të dhënat e veta për vëzhgim lëvizjesh, një veprim tashmë i zakonshëm për anijet e lidhura me Izraelin, që kalojnë nëpër atë rajon.

Prej vitit 2019, Irani është përfshirë në një mori rastesh të konfiskimit të anijeve.

Gjiri i Omanit është afër Ngushticës së Hormuzit, e cila mundëson hyrjen në Gjirin Persik, nëpër të cilin kalon një e pesta e gjithë naftës së tregtuar në botë.REL

SHBA: “Lëvizjet e materialit luftarak në Iran”

Teherani thuhet se po lëviz “asetet ushtarake” në përgatitje për një sulm kundër Izraelit

VOAL- Vëzhguesit amerikanë kanë vënë në dukje se Irani po lëviz “asetet ushtarake” përpara një sulmi ndaj Izraelit. Burime të informuara e raportuan këtë për CNN. Ndër armët që ata kanë parë të lëvizur janë “dronë dhe raketa lundrimi”, raporton transmetuesi amerikan.

Shtetet e Bashkuara presin që Irani të kryejë “sulme kundër objektivave të shumta brenda Izraelit” dhe se operacioni “mund të përfshijë aleatët e Teheranit”, një zyrtar i lartë nga administrata e Presidentit Joe Biden dhe një burim i afërt me inteligjencën amerikane.

Nga ana e saj, “Wall Street Journal” raporton se Shtetet e Bashkuara kanë vendosur anije luftarake në pozicione për të mbrojtur jo vetëm Izraelin, por forcat e veta në Lindjen e Mesme. Shtetet e Bashkuara “do të përpiqen të përgjojnë çdo armë të lëshuar kundër Izraelit nëse është e mundur për ta bërë këtë”, thanë dy zyrtarë për CNN.

Forcat e marinës amerikane në Detin e Kuq kanë kapur disa raketa me rreze të gjatë të lëshuar nga Huthi në Jemen drejt Izraelit në muajt e fundit, dhe forcat amerikane në Irak dhe Siri janë potencialisht të afta të bllokojnë dronët dhe raketat që synojnë Izraelin verior, në varësi të pozicioni nga i cili janë nisur.

Sulme të kryqëzuara edhe në kufirin libanez

Forcat izraelite kryen (dje) bastisje të reja të premten në Rripin e Gazës, të shkatërruar nga gjashtë muaj lufte, në sfondin e frikës për një hakmarrje të mundshme nga Irani kundër Izraelit, i akuzuar për sulmin ndaj konsullatës iraniane në Damask. Ndërsa ndërmjetësit – Katari, Egjipti dhe Shtetet e Bashkuara – presin përgjigjet e Izraelit dhe Hamasit për propozimin e tyre të fundit të armëpushimit, ofensiva izraelite e nisur më 7 tetor në përgjigje të sulmit të lëvizjes islamike palestineze në tokën izraelite vazhdon pa ndalesë.

Nga ana e tij, Hezbollahu pretendon se ka sulmuar një bazë të ushtrisë izraelite me dronë në qytetin Ramot Naftali, që ndodhet katër kilometra larg kufirit me Libanin. “Dronët sulmues të nisur nga luftëtarët e rezistencës islamike goditën selinë dhe kazermat e forcave okupuese, në përgjigje të sulmeve ndaj fshatrave libaneze dhe shtëpive të civilëve”, thuhet në një deklaratë të publikuar në Telegram nga milicia shiite e mbështetur nga Irani. Si kundërpërgjigje, Izraeli kreu disa bastisje në zonën që “goditi një kompleks të madh ushtarak të organizatës terroriste Hezbollah” në zonën e Rihanit në Libanin jugor. Këtë e bëri të ditur zëdhënësi i ushtrisë izraelite. rsi-eb

Kush është Jaish Al-Adl, grupi separatist që po i sulmon forcat iraniane?

Jaish al-Adl e ka portretizuar veten si mbrojtës të komunitetit suni të baluçëve kundër “shtypjes shiite”.

 

Kian Sharifi

Provinca juglindore e Iranit, Sistan-Baluçistan, është tronditur nga një sërë sulmesh vdekjeprurëse ndaj forcave të sigurisë në muajt e fundit.

Përgjegjësinë për sulmet e ka marrë Jaish al-Adl, një grup militant baluç, i cili besohet se vepron prej shtetit fqinj, Pakistan.

Më 3 prill, dhjetëra militantë i sulmuan dy objekte policore dhe ushtarake në dy qytete të ndryshme në këtë provincë, duke i vrarë 16 pjesëtarë të forcave të sigurisë iraniane. Ky ishte sulmi më vdekjeprurës që Jaish al-Adl e ka kryer ndër vite.

Gjashtë ditë më vonë, ky grup i zuri pritën një konvojit policor në Sistan-Baluçistan dhe i vrau pesë oficerë të sigurisë.

Kush është Jaish al-Adl?

Jaish al-Adl, apo “Ushtria e Drejtësisë” në shqip nga gjuha arabe, doli në sipërfaqe më 2012 si pasues i Jundullahut, një grupi militant baluç.

Jundullah, i krijuar rreth vitit 2003, kreu sulme sporadike me bomba dhe armë të tjera kundër forcave iraniane të sigurisë. Por, ky grup u shpërbë pas një lufte brutale të Qeverisë dhe pas kapjes dhe ekzekutimit të liderit të Jundullahut, Abdolmalek Rigi më 2010.

Vëllai i Rigit, Abdulrauf, e themeloi Jaish al-Adlin disa vite më vonë. Megjithatë, ai e braktisi shpejt këtë grup dhe e themeloi një grup tjetër militant, Jaish al-Nassr. Lideri militant u vra në Pakistan në vitin 2014. Separatistët baluçë e kanë akuzuar Iranin për vrasjen e tij.

Dy vjet më vonë, Jaish al-Nassr u bashkua me Jaish al-Adl.

Jaish al-Adl udhëhiqet nga Salahuddin Farooqi dhe është i shpallur grup terrorist nga Irani dhe nga Shtetet e Bashkuara.

Irani dyshon se Jaish al-Adl ndodhet në Pakistan dhe e ka kritikuar Islamabadin se nuk po e lufton këtë grup. Pakistani e mohon se Jaish al-Adl është i pranishëm në territorin e tij.

Abdulrauf Rigi.

Abdulrauf Rigi.

Çfarë dëshiron ky grup?

Shumë luftëtarë të Jaish al-Adl janë anëtarë të pakicës etnike të Iranit, baluçi. Ky grup pretendon se po lufton për të drejtat e baluçëve dhe kërkon të pavarësohet nga Republika Islamike.

Pjesëtarët e pakicës baluçi, shumica e të cilëve janë myslimanë sunitë në Iranin me shumicë shiite, për shumë kohë janë përballur me diskriminim dhe dhunë nga autoritetet.

Shumica e tyre jetojnë në Sistan-Baluçistan, njërën prej provincave më të varfra të Iranit.

Baluçët e përbëjnë rreth 5 për qind të popullsisë prej 88 milionë të Iranit. Por, ata po ashtu përbëjnë rreth 20 për qind të të gjitha ekzekutimeve në këtë vend.

Gjatë protestave gjithëkombëtare kundër pushtetit të cilat e shkundën Iranin më 2022, Sistan-Baluçistani ishte njëra prej skenave më vdekjeprurëse të luftës së Qeverisë. Më 30 shtator të atij viti, gati 100 protestues u vranë me armë zjarri gjatë të “Premtes së Përgjakshme”.

Megjithëse protesta pushuan në shumicën e pjesëve të Iranit kah fillimi i vitit 2023, mijëra njerëz nëpër Sistan-Baluçistan vazhduan të mbajnë protesta javore për disa muaj kundër regjimit klerik.

Daniele Garofalo, hulumtues dhe analist për terrorizëm dhe grupe të armatosura, thotë se Jaish al-Adl e ka portretizuar veten si mbrojtës të komunitetit suni të baluçëve kundër “shtypjes shiite”.

Kush e financon Jaish al-Adl?

Ndër vite, Irani i ka akuzuar armiqtë e vet, përfshirë Shtetet e Bashkuara, Izraeli dhe Arabinë Saudite, se po e armatosin Jaish al-Adlin.

“T’ia atribuosh qëndresën baluçe vetëm armëve amerikane apo financimit saudit, do të thotë t’i injorosh politikat shtypëse disadekadëshe të Iranit dhe përdorimin e forcës nga ai për t’i mbajtur nën kontroll baluçët”, tha Kiyya Baloch, gazetar dhe komentues pakistanez, i cili e mbulon militantizmin në rajon.

Baloch tha se “baluçët e pasur dhe me ndikim” në shtetet e Gjirit Persian janë mbështetësit kryesorë financiarë të Jaish al-Adlit.

Një burim tjetër i “qëndrueshëm” i të hyrave, tha ai, është kontrabanda me drogë. Nëpër Iran kalon një rrugë e madhe e kontrabandës me opium, e cila e lidh Afganistanin me Evropë.

Armët e braktisura pas tërheqjes së ushtrisë amerikane nga Afganistani më 2021 “ranë në duart e grupeve të ndryshe militante”, përfshirë në të Jaish al-Adlit, sipas Baloch, i cili thotë se grupet separatiste i kanë blerë armët edhe përmes tregut të zi.

Garofalo pajtohet se pretendimet e Teheranit se Jaish al-Adl është i mbështetur nga shtetet e jashtme janë “tejet të pabaza”.

A po bëhet më i rrezikshëm ky grup?

Jaish al-Adl i ka rritur sulmet kundër forcave të sigurisë së Iranit në muajt e fundit. Ky grup e mori përgjegjësinë për një sulm në dhjetor nga i cili u vranë 11 oficerë në një stacion policor në Rask, një qytet në Sistan-Baluçistan. Në janar, një oficer policor u vra nga një sulm në një stacion tjetër policor në Rask.

Garofalo tha se Jaish al-Adl po “bëhet më i pacipë në sulmet e tij” dhe shtoi se kjo vjen si pasojë e rritjes së rekrutimit dhe mbështetjes nga vendësit.

Autoritetet nuk kanë qenë në gjendje ta frenojnë rritjen e numrit të sulmeve në Sistan-Baluçistan.

“Irani e ka të vështirë t’i frenojë këto grupe, sepse ato veprojnë në zona tejet të thella, ku ata gëzojnë goxha mbështetje dhe IRGC [Trupat e Gardës Revolucionare të Iranit] kanë pak kontroll”, tha Garofalo.

Jaish al-Adl është i pranishëm përgjatë kufirit 900 kilometra të gjatë iranian me Pakistanin.

Fatemeh Aman nga Instituti i Lindjes së Mesme nga Uashingtoni, tha se “rritja e pakënaqësive shoqërore, të përshkallëzuara nga përgjigja e Qeverisë ndaj protestave së fundmi, mund të ketë pasur ndikim në rritjen e sulmeve terroriste”.

Megjithatë, ajo shtoi se Molavi Abdolhamid, kleriku i lartë suni i Iranit, i cili është një figurë baluçe me ndikim, “gëzon simpati të madhe” nga anëtarët e komunitetit. Abdolhamid, shtoi ajo, “e kundërshton fuqishëm dhunën”.

A do të kenë ndikimin sulmet në marrëdhëniet Iran-Pakistan?

Në janar, Irani kreu sulme raketore dhe me dronë kundër atyre që i cilësoi si caqe të Jaish al-Adlit matanë kufizimit në Pakistan.

Teherani tha se sulmet ishin hakmarrje ndaj sulmeve të këtij grupi në Sistan-Baluçistan në dhjetor dhe në janar.

Si përgjigje, Pakistani kreu sulme ajrore kundër, siç tha, separatistëve baluçë pakistanezë në Iran.

Veprimtaria militante përgjatë kufirit ka kohë që është burim i tensioneve mes Iranit dhe Pakistanit.

Baloch tha se rritja e numrit të sulmeve nga grupet militante baluçi në Iran dhe Pakistan “do ta thellojë edhe më shumë mosbesimin mes dy vendeve fqinje”. Radio Evropa e Lirë

Përgatiti: Ekrem Idrizi

Hakerët rusë përdorën qasjen në Microsoft për të vjedhur emailet e qeverisë amerikane

VOA/Marrë nga Reuters

Agjencia amerikane për sigurinë kibernetike dhe të infrastrukturës, CISA, tha se hakerë të mbështetur nga qeveria ruse shfrytëzuan qasjen e tyre tek sistemi i emaileve të programit Microsoft për të vjedhur letërkëmbimet midis zyrtarëve dhe gjigandit të teknologjisë, thuhet në një direktivë emergjente që u bë publike të enjten.

Në direktivën që mban datën 2 prill, agjencia paralajmëron se hakerët po shfrytëzonin detajet e njëjtësimit që ndahen me email në përpjekje për të penetruar në sistemet e klientëve të Microsoftit, përfshirë një numër të paspecifikuar agjencish qeveritare. CISA nuk pranoi të thoshte se cilat agjenci qeveritare ishin prekur. Kompania Microsoft nuk iu përgjigj menjëherë një kërkese për koment.

“Organizata të tjera mund të jenë ndikuar gjithashtu nga penetrimi në emailat e korporatës Microsoft”, tha CISA, duke inkurajuar klientët që të kontaktojnë firmën Microsoft për detaje të mëtejshme.

Marsi 2024, më i ngrohti i regjistruar deri tani

Muaji që sapo përfundoi ishte marsi me temperaturat më të larta. Copernicus e konstatoi këtë, duke theksuar një vlerë prej 0,73 °C më të lartë se mesatarja për periudhën tridhjetëvjeçare 1991-2020

VOAL- Marsi i vitit 2024 ishte marsi më i ngrohtë i regjistruar. Këtë e ka bërë të ditur shërbimi i motit i Bashkimit Evropian, Copernicus, sipas të cilit ky është muaji i dhjetë me radhë që klasifikohet si më i ngrohti ndonjëherë.

Temperatura mesatare globale muajin e kaluar ishte 14,4°C, 0,73°C më e lartë se mesatarja për periudhën tridhjetëvjeçare 1991-2020 dhe 0,10°C krahasuar me rekordin e mëparshëm të marsit, atë të vitit 2016. pra në 12 muajt e fundit Temperaturat mesatare globale kanë tejkaluar kufirin prej 1.5°C nga nivelet para-industriale (pesëdhjetë vitet 1850-1900, periudha e referencës).

Muaji ishte gjithashtu 1.68°C më i ngrohtë se mesatarja e marsit para-industrial të vendosur nga Marrëveshja e Parisit në 2015 dhe COP26 në Glasgow në 2021. Temperatura mesatare për dymbëdhjetë muajt e fundit, nga prilli 2023 deri në mars 2024, është më e larta e regjistruar. 0,70°C mbi mesataren 1991-2020 dhe 1,68°C mbi mesataren.rsi-eb

Eklipsi i plotë, 200 milionë me hundën lart – “Dielli i zi” shtangu gjithë Amerikën e Veriut për minuta të tëra

VOAL- E gjithë Amerika e Veriut, nga Meksika në Kanada, u ndal për të admiruar eklipsin diellor, i pari i shekullit që kaloi të tre vendet, pas atij të vitit 2017 që errësoi kryesisht Shtetet e Bashkuara. Të gjithë janë të çmendur për ‘diellin e zi’, i cili e ka mbajtur gjysmën e kontinentit të shikojë lart, mes ngjarjeve speciale, shkollave të mbyllura, stadiumeve plot, hoteleve të shitura, dasmave masive, eksperimenteve shkencore dhe teorive të pashmangshme konspirative, nga apokaliptike në ato politika. .

Vetëm në Shtetet e Bashkuara, një audiencë prej mbi 200 milionë spektatorësh vlerësohet, sikur të kishte pasur 50 Super Bowl në të njëjtën kohë nga Teksasi në Maine. Për të mos përmendur miliarda njerëz në mbarë botën që dëshmuan eklipsin më social ndonjëherë në TV ose në internet. Dielli i zi filloi në orën 12.39 me orën lokale në Ishujt Kuk në Paqësor, më pas u shfaq në bregun e Meksikës pranë qytetit Mazatlan në mes të mëngjesit dhe më pas vazhdoi në 13 shtete të SHBA-së dhe Kanadanë lindore, përpara se të shuhej në Atlantik.

Në Shtetet e Bashkuara, rripi i hijes ka mbuluar një territor të banuar nga pothuajse 32 milionë njerëz, por i rrethuar nga miliona më shumë kureshtarë, entuziastë apo gjuetarë profesionistë të eklipsit të gatshëm të fluturojnë nga një kontinent në tjetrin për të siguruar më mirë vendin e tyre, duke shkaktuar çmimet e hoteleve. , kampingje dhe shtëpi me qira në Airbnb për t’u rritur dhe për të gjeneruar – përveç trafikut të çmendur – një xhiro miliarda dollarësh. rsi-eb

Amerika e Veriut përgatitet për eklipsin

Sot të hënën në mbrëmje do të mund të jemi dëshmitarë të një ngjarjeje me rëndësi të jashtëzakonshme

Si një mbret i vërtetë, Dielli do të mbajë një ‘kurorë’ të jashtëzakonshme për ta bërë unik eklipsin e shumëpritur, i cili do të jetë i dukshëm në Amerikën e Veriut sot (e hënë) në mbrëmje.

VOAL- Sipas Ryan French, fizikan diellor në Observatorin Kombëtar Diellor në Boulder, Kolorado (SHBA), “shfaqjet filamentare të koronës do të shtrihen jo vetëm nga rajoni ekuatorial, si në periudhat e aktivitetit minimal, por nga i gjithë disku diellor, duke u degëzuar në çdo drejtim ashtu si në vizatimet e fëmijëve.”

Eklipsi i sotëm do të jetë gjithashtu një test i rëndësishëm për teoritë aktuale, siç ka ndodhur tashmë për fenomene të tjera të ngjashme në të kaluarën që kanë shënuar historinë e shkencës. Një nga eklipset më të paharrueshme ishte ai i 29 majit 1919, i cili lejoi të testohej teoria e përgjithshme e relativitetit e zhvilluar nga Albert Ajnshtajni vetëm disa vjet më parë.rsi-eb

Me Trumpin në horizont, e ardhmja e luftës në Ukrainë mjegullohet

Valona Tela

Ish-presidenti amerikan, Donald Trump, përsërit vazhdimisht se është në pozitë të mirë për të negociuar fundin e luftës në Ukrainë, duke thënë se ka marrëdhënie të mira si me udhëheqësin rus, Vladimir Putin, ashtu edhe me atë ukrainas, Volodymyr Zelensky.

Trump, gjatë karrierës së tij politike, ka lavdëruar në mënyrë të përsëritur Putinin… madje edhe pas pushtimit të Ukrainës, në shkurt të vitit 2022.

Vetëm pak ditë pasi tanket ruse kanë hyrë në territorin e shtetit fqinj, Trump e ka përshkruar liderin rus si lojtar “të zgjuar” politik dhe ka shprehur admirim për, siç ka thënë ai, faktin që Rusia ka marrë shpejt “një copë të madhe toke” me koston e, sipas tij, sanksioneve relativisht të lehta.

Trump ka qenë vazhdimisht kritik edhe ndaj përfshirjes së SHBA-së në luftën në Ukrainë, duke thënë se në vend se t’i jepte ndihmë, do të duhej t’i jepte kredi.

Këtë gjë e ka përsëritur edhe pak javë më parë në Ohajo, derisa ka bërë fushatë për kandidaturën e tij për president në zgjedhjet që do të mbahen në nëntor.

“Duhet t’i japim para hua, e jo t’i dërgojmë para. Pra, t’i huazojmë para dhe nëse ia del, të na i kthejë”, ka thënë Trump.

Prej se Rusia ka nisur pushtimin e Ukrainës, më shumë se dy vjet më parë, SHBA-ja ka qenë donatorja më e madhe e ndihmave ushtarake për shtetin e pushtuar.

Por, një paketë e re ndihme, në vlerë prej 60 miliardë dollarësh, prej muajsh mbetet e bllokuar në Kongresin amerikan, për shkak të kundërshtimeve të republikanëve pro Trumpit.

Trump, i cili ka qenë president nga viti 2017 deri më 2021, do të garojë sërish për të parin e Shtëpisë së Bardhë – sipas të gjitha gjasave, kundër presidentit aktual, Joe Biden.

Në disa paraqitje, Trump ka thënë se, nëse do të zgjidhej president, do t’i jepte fund luftës në Ukrainë për 24 orë, por pa treguar se si. Ka thënë se SHBA-ja nuk ka municione për vete dhe ka akuzuar Evropën se nuk kontribuon sa duhet.

Ai nuk ka pranuar të thotë nëse do të donte që Ukraina ta fitonte luftën.

“Dua të ndalojnë vrasjet. Rusët dhe ukrainasit po vriten. Dua që kjo të ndalojë”, ka thënë Trump për rrjetin televiziv CNN.

Muajin e kaluar, pasi ka takuar Trumpin në SHBA, kryeministri i Hungarisë, Viktor Orban, ka thënë se nëse zgjidhet president, Trump nuk do ta financojë luftën e Ukrainës kundër Rusisë. “Kjo është arsyeja përse lufta do të përfundojë”, ka thënë Orban.

Duke i komentuar këto deklarata për programin Expose të Radios Evropa e Lirë, Ben Hodges, ish-komandant i ushtrisë amerikane në Evropë, thotë:

“Nëse dëgjojmë atë që ka thënë Trump javëve të fundit, rikthimi i tij do të sillte një situatë të tmerrshme. Ai e ka ndaluar kryetarin e Dhomës së Përfaqësuesve, Mike Johnson, që ta çojë përpara paketën e ndihmës për Ukrainën. Pra, nuk ka indikatorë të mirë nëse ai rikthehet”.

“Tash për tash, për fat të mirë, shumica e Kongresit vazhdon ta mbështesë ndihmën për Ukrainën dhe do të mund të gjenden mënyra për ta çuar përpara, por po bëhet më e vështirë”, thotë Hodges.

Grant Reeher, drejtor i Shkollës Maxwell për Marrëdhënie Publike në Universitetin Syracuse në Nju Jork, thotë se kthimi i Trumpit në Shtëpinë e Bardhë do të sillte një ndryshim rrënjësor të multilateralizmit të Bidenit.

Ai do të vinte theksin në marrëdhëniet dypalëshe dhe jo shumëpalëshe; do të reduktonte po ashtu përfshirjen amerikane në çështjet ndërkombëtare, thotë Reeher për Exposenë.

“Është po ashtu e rëndësishme të theksohet se kjo nuk ka të bëjë vetëm me Donald Trumpin dhe me atë që ai mund të bëjë si president. Ndjesia në SHBA për ndihmën që duhet t’i jepet Ukrainës, po ndryshon. Dhe mënyra se si amerikanët mendojnë për pjesën tjetër të botës, lidhet pikërisht me të menduarit për Amerikën së pari”, thotë ai.

Një sondazh i qendrës së kërkimeve Pew në SHBA ka gjetur qysh në mes të vitit të kaluar se mbështetja e publikut amerikan për Ukrainën, është në rënie.

Sondazhi ka nxjerrë në pah një numër më të lartë të amerikanëve që besojnë se SHBA-ja duhet të fokusohet më shumë në problemet në vend.

Gjenerali i pensionuar amerikan, Ben Hodges, nuk beson se tërheqja e mundshme e ndihmës amerikane do t’i jepte fund luftës në Ukrainë. Sipas tij, një skenar i tillë nuk do të nënkuptonte automatikisht as disfatën e Ukrainës.

“Ukrainasit nuk do të tërhiqen. Ata e dinë se çfarë ndodh nëse tërhiqen. Evropa, po ashtu, është duke u zgjuar ngadalë dhe duke e kuptuar se çfarë kërcënimi paraqet Rusia. Shumica e vendeve të Evropës Lindore, të cilat kanë jetuar nën ndikimin rus – qofshin ato vendet sovjetike, vendet e Paktit të Varshavës apo fqinjët e tyre – e kuptojnë kërcënimin. Tani edhe shumica e vendeve perëndimore e kuptojnë këtë”, thotë Hodges.

Bashkimi Evropian dhe vendet e tij veç e veç kanë dërguar po ashtu në Ukrainë ndihma të vazhdueshme ushtarake, në vlerë prej miliarda eurosh. Më herët këtë vit, BE-ja është dakorduar që të ndajë edhe 50 miliardë euro si mbështetje të re financiare për Qeverinë e Ukrainës.

Gjenerali Hodges thotë se evropianët, deri diku, mund të ndërhyjnë dhe ta mbushin boshllëkun që lë tërheqja eventuale e SHBA-së nga ndihmat, por thekson se është tejet e rëndësishme të ruhen lidhjet transatlantike.

“Qasja që vendet evropiane i japin SHBA-së me bazat e tyre ajrore, portet detare dhe lehtësirat tjera, është e rëndësishme për interesat tona strategjike në Afrikë, në Lindjen e Mesme dhe jo vetëm në Evropë. Por, në anën tjetër, askush në Evropë nuk mund të ofrojë mbrojtje bërthamore në nivelin që mundet SHBA-ja”, thotë Hodges.

Si ekspert i mbrojtjes, Hodges thotë se gjatë dy vjetëve luftë kundër pushtimit rus, Ukraina ka shpenzuar sasi të mëdha municionesh dhe armësh. Në këtë pikë, thotë ai, asaj i mungojnë municione artilerie dhe armë precize me rreze të gjatë veprimi, të cilat mund të bëjnë vërtet ndryshime.

Për t’ia mbajtur sadopak anën, Shtëpia e Bardhë ka njoftuar se ka ndarë një paketë emergjente për Ukrainën, që përfshin artileri dhe raketa Himars, në vlerë prej 300 milionë dollarësh.

Këshilltari për siguri kombëtare, Jake Sullivan, ka thënë se fondet janë siguruar nga disa kursime të paparashikuara të Pentagonit.

“Është një ndihmë për të cilën Ukraina ka dëshpërimisht nevojë që t’iu kundërvihet sulmeve ruse dhe t’i zmbrapsë ato në lindje dhe në pjesë të tjera të vendit”, ka thënë Sullivan.

Në një intervistë dhënë Televizionit Fox News javën e kaluar, kryetari i Dhomës së Përfaqësuesve të SHBA-së, Mike Johnson, ka thënë se ai do që ndihma e re për Ukrainën të miratohet “tani” dhe ka thënë se do të propozojë një paketë shpejt, pasi që Kongresi të kthehet nga pushimet, më 9 prill.

Johnson, aleat i Trumpit, ka thënë se propozimi i tij do të përfshijë “risi të rëndësishme”, por nuk i ka përshkruar ato.

Paketa që mbetet e bllokuar, parasheh fonde kryesisht për armë dhe pajisje të tjera ushtarake. Johnson ka thënë vetëm se ligjvënësit do të konsiderojnë tri elemente: dhënien e ndihmës në formë kredie, shfrytëzimin e aseteve të ngrira ruse për të mbështetur Ukrainën, dhe rritjen e eksporteve të gazit natyror të SHBA-së, për të zvogëluar të ardhurat buxhetore të Rusisë.

Duke folur për Politico-n javën e kaluar, ministri i Jashtëm i Ukrainës, Dmytro Kuleba, ka thënë se çfarëdo që të ndodhë, Ukraina duhet të gjejë një mënyrë për t’u angazhuar me fituesin e zgjedhjeve në SHBA.

“Kur bëni një luftë ekzistenciale, gjëja e fundit për të cilën duhet të shqetësoheni, është rezultati i një zgjedhjeje ku nuk mund të keni ndonjë ndikim, sepse janë njerëzit e tjerë që e bëjnë zgjedhjen. Ju do të duhet të punoni me atë zgjedhje, cilado qoftë ajo”, ka thënë Kuleba.

Duke komentuar mundësinë e negociatave mes dy vendeve në luftë – që në disa raste e ka përmendur edhe Trump – gjenerali Hodges thotë se kushdo që beson se Rusia mund të negociojë me mirëbesim, e ka gabim.

Por, ndryshe mendon Reeher nga Universiteti Syracuse. Ai thotë se SHBA-ja apo vendet tjera mund të ndihmojnë për t’i ulur palët në tryezë.

“Nëse ngërçi që po shohim do të vazhdojë me muaj, më duhet të mendoj se presioni për të zhvilluar negociata do të rritet. Palët nuk mund të mbeten në këtë luftë për një dekadë. Unë thjesht nuk shoh se si ato do të mund ta përballojnë këtë”, thotë Reeher.

Trump, disa herë, ka thënë se do të donte që SHBA-ja të tërhiqej krejtësisht edhe nga NATO-ja – aleanca më e madhe ushtarake në botë – si dhe nga marrëveshje të tjera me Perëndimin.

Ish-këshilltari i Trumpit, John Bolton, tani njëri nga kritikët më të mëdhenj të tij, ka shkruar në librin e tij “Dhoma ku ndodhi: Një kujtim nga Shtëpia e Bardhë” se “nëse katër vjetët e parë të Trumpit ishin të këqij, katër vjetët e dytë do të ishin edhe më të këqij”. Radio Evropa e Lirë

Nesër eklipsi total diellor që pritet të zgjasë 4 minuta, ja vendet ku mund të shihet

TIRANE

Një eklips total diellor, ose një shtrirje e përsosur e Tokës, Hënës dhe Diellit, pritet të ndodhë  nesër më 8 prill dhe do të jetë i dukshëm nga Kanadaja, Meksika dhe Shtetet e Bashkuara të Amerikës.

Eklipsi do të zgjasë katër minuta e gjysmë dhe do të mund të shihet në faqen e internetit dhe kanalin YouTube të Administratës Kombëtare të Aeronautikës dhe Hapësirës (NASA) të SHBA-së.

Ndryshe nga një eklips i pjesshëm diellor, eklips total diellor e errëson qiellin sikur të ishte muzg dhe ju lejon të shihni koronën e Diellit, d.m.th., atmosferën e tij të bardhë të ndritshme.

“Një eklips total diellor është një nga pamjet më të bukura të natyrës dhe mund të jetë i rrallë kudo në galaktikë”, tha profesori i astrofizikës në Universitetin e Oksfordit, Chris Lintott.

Shkencëtarët e NASA-s janë veçanërisht të interesuar për njohuritë e reja rreth koronës së Diellit që mund të fitohen kur ata dërgojnë aeroplanë kërkimor në një lartësi prej rreth 15 kilometrash gjatë eklipsit.

Korona e Diellit është një mister për shkencëtarët, sepse është qindra herë më e nxehtë se sipërfaqja e Diellit dhe burimi i erës diellore.

Në studimin e këtij fenomeni pritet të marrin pjesë qindra qytetarë, duke matur qetësinë e shpendëve dhe kafshëve të tjera, rënien e temperaturës në Tokë dhe efektin në kanalet e komunikimit.

Rusia e gatshme për të negociuar me Ukrainën, Kremlini ‘zgjedh’ propozimin kinez

“Kina ka propozuar planin më të arsyeshëm të paqes për konfliktin në Ukrainë deri tani”, tha dje Ministri i Jashtëm rus Sergej Lavrov.

Më shumë se një vit më parë, Pekini propozoi një plan prej 12 pikash me parime të përgjithshme për përfundimin e konfliktit, por pa shpjeguar se si do të zbatoheshin. Në atë kohë, propozimi u prit me reagime “të vakëta” nga Rusia dhe Ukraina, dhe SHBA-të pretenduan se Kina e paraqet veten si një paqebërëse, por pasqyron “narrativën e rreme” të Rusisë dhe nuk e dënon pushtimin e saj.

“Gjëja më e rëndësishme për ne është që dokumenti kinez të bazohet në analizën e arsyeve të asaj që po ndodh dhe nevojës për eliminimin e këtyre shkaqeve. Është strukturuar logjikisht, nga e përgjithshmja tek ajo specifike”, raporton agjencia ruse e lajmeve RIA fjalët e Lavrov.

“Ai plan është kritikuar se është shumë i paqartë, por është një plan i arsyeshëm që qytetërimi i madh kinez propozoi për diskutim”, shtoi ai. Sakaq, Ministri i Jashtëm i Rusisë do të takohet së shpejti me homologun e tij kinez dhe presidenti Vladimir Putin tha muajin e kaluar se ai po konsideronte një vizitë në Kinë si udhëtimin e tij të parë jashtë vendit në mandatin e tij të ri. Rusia pretendon se është e gatshme të negociojë me Ukrainën, por thekson se këto bisedime duhet të bazohen në “realitete të reja” në terren, ku forcat ruse kontrollojnë pak më pak se një të pestën e territorit të Ukrainës, dhe Moska pretendon se katër rajone të pushtuara janë të sajat.

Presidenti ukrainas Volodymyr Zelensky propozoi planin e tij, i cili përfshin një ndërprerje të armiqësive dhe tërheqjen e plotë të ushtrisë ruse nga territori i pushtuar. Pra, Moska duket e gatshme për të negociuar.sn

Tërmeti apokaliptik në Tajvan, si mbijetoi rrokaqielli 101-katësh në Taipei (VIDEO)

Pavarësisht tërmetit 7.4 rihter që goditi Tajvanin herët të mërkurën, rrokaqielli “Taipei 101” në qendër të kryeqytetit të vendit mbeti i paprekur, ashtu siç parashikonte ndërtimi i tij. Ndërtesa 509 metra e lartë ka një strukturë të veçantë brenda saj që redukton lëkundjen e saj me 40% gjatë tërmeteve, por dhe në ditët me erëra të forta. Struktura është një top çeliku me peshë 660 tonë që është vendosur brenda ndërtesës, në katin e 92-të, si një lavjerrës.

Sa herë që ndërtesa lëviz në një drejtim, topi i çelikut lëviz në drejtim të kundërt dhe kështu ruan ekuilibrin e përgjithshëm të ndërtesës, transmeton Daily Mail. Në këtë mënyrë rrokaqielli lëkundet, por nuk mund të rrëzohet. Ky është një “sistem amortizimi pasiv”, që do të thotë se funksionon pa asnjë forcë apo kontroll të jashtëm, vetëm gravitetin dhe lëvizjen e ndërtesës. Ndërkohë, pistonët hidraulikë nën sferën masive thithin dhe shpërndajnë energjinë si nxehtësi. Siç shpjegon për Dail Mail, Dr Agathoklis Giaralis, një profesor i dinamikës strukturore në qytetin e Londrës, topi prej çeliku i “Taipei 101” funksionon në një mënyrë të ngjashme me mënyrën se si funksionojnë amortizatorët në suspensionet e makinave.

Rrokaqiejt moderne janë ndërtuar për të qenë fleksibël, veçanërisht ato në zonat e tërmeteve si Tajvani, shpjegon për Daily Mail profesor Anthony Darby i Universitetit të Bath. Materialet nga të cilat janë bërë janë elastike, domethënë ato shtrihen ose kontraktohen sipas ngarkesave të ndryshimit të aplikuar në to. Sasia e deformimit në një element të vetëm si një rreze është shumë e vogël, por kur shtohet për të gjithë ndërtesën e lartë, ato mund të çojnë në lëvizje të konsiderueshme anësore. Këto lëvizje nuk janë të rrezikshme për vetë strukturën, por, nëse janë të tepërta, mund të shkaktojnë shqetësim tek banorët.

Ndërtimi i rrokaqiellit filloi në vitin 1999 dhe përfundoi para Vitit të Ri 2004, kur u hap për publikun. Dizajni i ndërtesës ngjan me një kërcell bambuje që ngrihet lart në tetë seksione. Në çdo kat u vendosën trarë mbështetës prej çeliku, duke filluar nga bërthama e ndërtesës dhe duke përfunduar në kolonat e jashtme të saj, për të rritur ngurtësinë e kullës. Edhe pse në ndërtesat e tjera mekanizmat e tërmeteve janë të padukshëm, “Taipei 101” është një atraksion turistik për vizitorët nga kati i 88-të deri në katin e 92-të.

(BalkanWeb)

Moska ndërron komandantët e Marinës ruse

Një luftanije ruse duke lundruar drejt portit të Sevastopolit në Krimenë e aneksuar nga Miska. 10 shkurt 2022.

Ministria ruse e Mbrojtjes njoftoi se ka bërë ndryshime në komandën e flotës. Admirali Alexender Moiseev është emëruar komandant i Marinës.

Pasi ai mori këtë detyrë, postin paraprak që ai mbante, përkatësisht të udhëheqjes së flotës veriore, iu dha zëvendësadmiralit Konstantin Kabantsov. Ndërkaq, udhëheqja e flotës së Detit të Zi iu besua ish-shefit të Shtabit të Përgjithshëm, zëvendësadmiralit, Sergei Pinchuk.

Gazetarët dhe blogerët ushtarakë veçse kishin raportuar për disa nga këto ndryshime. Më 2 prill, ministri rus i Mbrojtjes, Sergei Shoigu, njoftoi për dekretin e nënshkruar nga presidenti rus, Vladimir Putin, lidhur me ndryshimet.

Ndryshimet në komandë u bënë në kohën kur Rusia është përballur me dështime në flotën e Detit të Zi në luftën kundër Ukrainës.

Që nga nisja e pushtimit rus të Ukrainës, forcat e Kievit kanë arritur të fundosin anijet kyçe të Marinës ruse, sikurse luftanijet Moska dhe Sergei Kotov, e të tjera. Disa anije të tjera janë dëmtuar.

Shumica e anijeve të Marinës ruse, që gjendeshin në bazën në Sevastopol të Krimesë të aneksuar paligjshëm nga Moska, janë zhvendosur n Novorusia. Ukraina sulmon flotën ruse me dronë detarë dhe raketa lundruese dhe ka pretenduar se deri më tani ka shkatërruar një të tretën e anijeve të Marinës së Rusisë.REL


Send this to a friend