Thuhet se:-“… një fije kashte rrëzon gamilen e ngarkuar”•

Po kështu edhe një lëkundje e vogël apo top bore shkakton ortekun në maja malesh.

Por shkatërrimi pronave pa paralajmërim dhe pa një dokument të shkruar, të vulosur e të firmosur nga autoriteti dhe individi përgjegjës, janë vetë orteku.
Në qoftë se ne do të tërhiqeshim gjakftohtësisht nga fakti i kryer tashmë në Theth, ndoshta me qetësi do t’i bënim mirë sqarimit të çështjes. Nuk është frikë dhe nuk është aspak mbajtje krahësh. As edhe të qenit politikisht korrekt. Por është qëndrimi përballë fakteve me një barrë përgjegjësie po aq sa edhe ajo “fija e kashtës” që veçon korrupsionin nga shpina e shërbëtorëve të popullit që janë betuar mbi kushtetutë për t’i shërbyer popullit dhe atdheut.

Për Thethin tërësia e fakteve janë aty.

Çdo cilësim që nga natyra dhe begatia e saj, njerëzit, prona, besimi, historia, kultura dhe gjithshka tjetër që lidhet me Thethin dhe thethjanët, janë sa një pasuri po aq edhe dhimbje, sa krenari aq edhe marrëzi,… dhe sa pritshmëri për të ardhmen aq sa emocionet dhe shqetësimet e kanë mbingopur gjendjen deri në prag të një orteku.

Mjafton t’i hedhësh një sy ATSH-s dhe aty mund të gjesh kuota politikanësh e drejtuesish, por jo shembje me shpërthim strukturash ndërtimore. Ndryshe nga një fakt i fshehur një titull lajmi në një media shqiptare shprehte rezultatin që qeveria kërkonte më parë se  sa si gjendja arriti deri këtu, ku shkruhej se:- “Shembet me eksploziv ndërtesa e fundit në Theth!  Shpërthimi i komanduar përmbyll aksionin ndaj objekteve pa leje*…, dhe në vijim (… forcat xheniere kishin montuar kallëpet e eksplozivit në strukturë, ndërsa shpërthimi i komanduar u realizua me sukses, pa incidente), arrin të kuptosh se pushteti i medias për të kërkuar dhe bërë më thellë pyetje ka vdekur sepse është bërë njësh me qeverinë.