VOAL

Kalon një vajzë- Poezi nga SULEJMAN MATO

June 6, 2026

Po kalon një vajzë në trotuar,

sy të kthjellët dhe shkëlqim rinor,

dhe unë s’mundem që t’i them një fjalë,

dhe unë s’mundem që ta prek me dorë.

Unë i ndrojtur jam ndaj bukurive

si një djalë timid, njëzetvjeçar,

ajo shkon si lumi,shkon si jeta,

shkon si mall që s’shprehet dot me fjalë.

Ajo shkon edhe askush s’e ndal,

nëpër ditë të ndritura, në vite

Vjeshtë e artë flokun më kujton

dhe rininë time në një pritje.

Po kalon një vajzë në trotuar,

dhe trazoi gjithë lulet era…

dhe më la një ndjesi- parfum lulesh,

sikur të kalonte vet pranvera

Fjalë kyçe: SULEJMAN MATO