Të dashur miq dhe përkrahës,

Më 1 qershor, Presidentja e Kosovës Vjosa Osmani u takua në Moldavi me Presidentin e Serbisë Aleksandar Vuçiq, me ndërmjetësimin e Përfaqësuesit të Lartë të BE-së për Punë të Jashtme, Joseph Borrell, Presidentit të Francës Emmanuel Macron dhe Kancelarin e Gjermanisë Olaf Scholz.

Pas takimit, Presidentja Osmani tha se “Nuk po kërkojmë asgjë më shumë se ligjshmëri dhe kushtetutshmëri në gjithë territorin e Republikës së Kosovës”.

Lidershipi i BE-së ka kërkuar nga Kosova dhe Serbia që sa më shpejt të organizojnë zgjedhjet e reja në komunat e veriut të Kosovës. Osmani tha se kur nga Presidentit Vuçiq u kërkua që të mos ushtrojë presion ndaj qytetarëve lokalë në veri që të refuzojnë të marrin pjesë në zgjedhjet e reja, Vuçiq ka heshtur.

Kjo e fundit nuk është për t’u habitur, sepse Vuçiq dhe aleatët e tij rusë kanë punuar me vite të tëra për të destabilizuar veriun. Dhe kështu zgjedhjet e reja nuk do të jenë vetëm një provë e tensionit tani të zvogëluar në veri, të shkaktuar nga dhuna e sponsorizuar nga Beogradi dhe të çpërshkallëzuar nga paqeruajtësit e EULEX-it dhe KFOR-it. Do të jetë gjithashtu një test i besimit të zyrtarëve të SHBA-së dhe BE-së se Asociacioni i Komunave Serbe mund të themelohet pa e kthyer Kosovën në një Republika Sërpska tjetër.

Në fund, ju rekomandojmë që të lexoni “Si u gërshetua udhëheqja e Serbisë me Sindikatat Kriminale të Kombit—Një ngatërresë që tani e kërcënon stabilitetin e rajonit”—nga Robert F. Worth në The New York Times Magazine, 5 maj 2023.

Shirley Cloyes DioGuardi

President

Joe DioGuardi
Këshilltare për Çështje të Ballkanit

 

Këtu është Linku:

https://www.nytimes.com/2023/05/03/magazine/aleksandar-vucic-veljko-belivuk-serbia.html