“Grupet kriminale mafioze përpiqen gjithmonë t’u afrohen profileve më teknike të politikës e ku ia dalin të infiltrohen. Kapitalet e tyre riinvestohen në ekonominë lokale e në vend origjinën Shqipëri”

—-

Alba Kepi: Jemi në pritje të raportit të fundit gjashtëmujor të DIA (Drejtorisë Investigative Antimafia) Si mund ta përkufizojmë sot Mafian Shqiptare?

Dokt. Lorena di Galante: Mafia shqiptare është sot një organizim që ka bërë sigurisht një hov në rritje të aktivitetit të saj, me projeksion kombëtar e ndërkombëtar e që shkon përtej krimeve me qëllime indiiduale.
Ka krijuar një model organizativ të rëndësishëm i lehtësuar nga struktura e bazuar në lidhjet kriminale e ato familjare. Nga modeli organizativ mund ta quajma mjaft të ngjashme me mafian italiane.

A.Kepi: Cilat janë sot rajonet, territoret italiane ku kjo mafia është më e radikalizuar apo në risk për t’u “pushtuar” nga ky aktivitet kriminal shqiptar?

Dokt. Lorena di Galante: Forca e një organizimi kriminal i strukturuar, pra e organizuar mirë është të veprojë aty ku gjen hapësira të lira.
Pra ky model që kemi identifikuar sidomos gjatë hetimeve të operacioneve të fundit është shumë i ngjashëm me mafian italiane. Projektohet në territore ku nuhat se gjen aferën e mirë e ku muind të inflitrohet e sidomos pa i ndalur lidhjet me organizimet vendase pra të origjinës.

E ky është një model klasik mafioz italian. është ende shumë i fortë aktiviteti mes Shqipërisë e Puglia në trafikun ndërkombëtar të drogës me shtrirje territoriale kudo ku ky treg është i fuqishëm. Por projeksioni më i madh kriminal shqiptar është në veri të Italisë, e është e qartë se ku gjen hapësirë të lirë ajo vë rrënjë e kontrollon territorin. Fakti që është mjaft e shtrirë në veri të Italisë është pikërisht sepse lejon pozicioni më i mirë hyrës drejt Europës veriore për trafikun e drogës.

A.Kepi: E ekulibri me mafiet e tjera të huaja në Itali dhe me atë autoktone?

Dokt. Lorena di Galante: Ekulibrat ndër mafioze janë të përcaktuar mirë tashmë mes tyre. Ekuilibri bazë është ai afarist (biznes) me njëra-tjetrën. Janë ekulibra precize ku në një territor secila prej tyre ka hapësirën e saj e në momente kritike, pra kur ndërhyr policia, hapësirat bosh impenjohen nga organizme të ngjashme mafioze.

A.Kepi: Mafia e ekonomia. Gjatë kohëve të fundit në disa operacione është identifikuar infiltrimi i mafias shqitpar në ekonominë e sipërmarrjen lokale. Kush janë sektorët që preokupojnë më shumë aktivitetin investigativ të DIA-s?

Dok Lorena di Galante: Infiltrimi në ekonominë lokale është riinvestim e kapitaleve të paligjshme në ekonominë legale. Por kemi dokumentuar se ky riinvestim bëhet dhe në vendin e origjinës, pra në Shqipëri e për këtë kemi bashkëpunuar në rrugë të rëndësishme me autoritetet përkatëse shqiptare. Pra si në mafien italiane dhe në atë shqiptare ri investimi i kapitalit të paligjshëm, riciklimi i tyre. i pasurisë së vënë nga aktivitetit kriminal është i paracaktuar e i qartë që ndodh. E bëjnë kryesisht në sektorin e turizmit, ndërtimit e si brenda kufijve dhe jashtë tyre.

A.Kepi: Mafia e politika. Deri sa mafia shqiptare ndërhyn në ekonominë lokale padyshim se për këtë një përgjegjësi e rol ka dhe politika, Si mund të kuptohet prania e saj, apo është thjesht korrupsion?

Dokt. Lorena di Galante: Nyja që i lidh me politikën është përpjekja për të pushtuar sektorë të ekonomisë legale e është kjo rruga më e shpejtë për të kushtëzuar ekonominë lokale e në territore të caktuar. Nyja me politikën nuk është e lehtë për ta bashkangjitur. Grupet kriminale mafioze përpiqen gjithmonë t’u afrohen profileve më teknike të politikës e ku ia dalin të infiltrohen.

A.Kepi: Gjatë viteve të fundit , opinioni publik shqiptar është bërë me dije mbi një sërë operacionesh që DIA ka zhvilluar mes Shqipërisë e Italisë e ku janë përfshirë emra të rëndësishëm të politikës shqiptare. Më lejoni të listoj disa si operacioni “Rosa dei venti” në Katania që coi në arrestimin e ish minsitrin e brendshëm Saimir Tahiri, “Basso, Profilo” në Kalabria me Princin e Ndranghetas që investonte në Shqipëri, “Isola Scaligera” në Verona me infiltrimet e Ndranghetas në kompani publike një prej të cilave ishee në partneritet publik dhe me Bashkinë e Tiranës, arrestimi i Francesco Zummo, sipërmarësit mafioz që po riciklonte në një bankë shqiptare një shumë të madhe parash etj. Ka një pritshmëri të lartë nga opinioni publik shqiptar nëse hetimet mbi këto skandale vijojnë? Janë operacione ku janë shfaqur dhe emra të rëndësishëm të politikës shqiptare:

Dok Lorena di Galante: Bashkëpunimi me Shqipërinë vazhdon e ka gjithashtu një bashkëpunim internacional me kerët e policive. Kemi një lidhje të mirë me SPAK, me të cilën bashkëpunojmë dhe për formimin e prokurorëve të rinj bazuar në eksperiencën e rëndësishme që ka Italia në luftën kundër mafias.
Ne po punojmë në shumë fronte, e lufta kundër mafias nuk ndalet..

A.Kepi: Ju si DIA a keni perceptimin se nga Shqipëria ka më shumë fjalë se sa fakte, I rerferohem dhe operacioenvde të përbashkëta që ndoshta janë konspirauar e nuk kanë sjellë pritshmërinë tuaj?

Dok Lorena di Galante: Ne jemi mësuar ti menxhojmë operacionet e policisë me një sekret të madh pune. Përpiqemi gjithmonë të ruajmë fort profilin e sigurisë së hetimeve operacionale, përpiqemi të evitojmë rrjedhjen e lajmeve, që të mos rëndojnë negativisht në atë punë që është bërë. Mund të ndodh e nëse ndodh përpiqemi të gjejmë përgjegjësitë e të punojmë më mirë.

A.Kepi: Ka një lajm që është publikuar nga mediat italiane menjëherë pas arerstimit të bosit mafioz të Cosa Nostra Matteo Messina Denaro. Ai ka udhëtuar në Shqipëri gjatë kohës kur ishte në kërkim e madje ka afera biznesi ë Shqipëri. Sa i vërtetë është ky lajm?

Dok Lorena Di Galante:  Hetimi mbi Matteo Messina Denaro ka qënë mjaft kompleks e i gjatë për shumë vite. Hetimet mbi të vazhdojnë e në veshjen e Drejtorisë së Investigimit Antimafia janë hetime të rezervuara.

A.Kepi:  E sa i takon të shumëkërkuarve mafiozë italianë që sipas prokurorëve disa prej tyre janë fshehur apo fshihen në Shqipëri?

Dok Lorena di Galante: Një pëson i shpallur në kërkim gjen strukturat e duhura mbështetëse për ta mbrojtur atë e vetë procesin e kërkimit. Bashkëpunimi ndërkombëtar për të kërkuarit në nivel të tillë janë të forta. Kemi raste dhe të shumërkërkuarve shqiptarë që janë kapur në vendin e origjinës.

A.Kepi: Ju jeni një nga eskpertët më të mirë në aktivitetin operativ investigativ të Antimafias.
Sa i rrezikshëm është akivititeti mafioz në zgjedhjet elektorale të një vendi?

Dok Lorena di Galante: Infiltrimet mafioze në politikë e në votën elektorale janë një cështje shumë delikate. Sepse përmes kësaj vote e kësaj politike qeveriset vendi, menaxhohet legjislacioni e aktivitete që rëndojnë në ekonominë e një vendi. Forca e një shteti është të arrijë të shkatërrojë këto organizime kriminale ku shfaqen inflitrime në votë dhe në procesin e shkëmbimit të votës.

A.Kepi. Flitet së fundmi për Mafian 4.0. Cfarë është ajo e cili është rreziku i saj?

Dok Lorena di Galante: Mafia 4.0 është një evolucion i mafias klasike e rreziku i parë është pikërisht evolucioni që po kryejnë organizimet mafioze. Jemi mësuar të imagjinpjmë mafian si një përplasje me armë, por në të vërtetë mafia është sot mënyra se si infiltrohet kudo si një lëng, E quajmë mafia e lëngshme pasi përhapet si lëngu duke legalizuar aktivitete ilegale. E pra zëvendëson ekonominë e rregullt e është mjaft e rrezikshme. është një mafia që ngrihet një nivel më të lartë dhe duke përdorur teknologjinë moderne e shndërrohet në globale. E për ta luftuar nuk majfton puna e një vendi por e shumë vendeve bashkë.