GJAKOVË: DREJT MITINGUT TË POEZISË, JUBILAR, TË 60 ME RADHË- Cikël poetik nga SKËNDER BUÇPAPAJ – Përgatiti për botim MUHARREM KURTI

March 3, 2023

RUBRIKA: Krijues të shquar të letërsisë bashkëkohore shqipe, të vlerësuar në Mitingun e Poezisë.

Skënder Buçpapaj (1953,Tpla,Tropojë) Botoi librat me poezi: Zogu i Bjeshkës ( 1973),

Poezi (1986), Frikë nga atdheu (2009), Jubileu i shiut të çmendur(2017).

Konsiderohet poet i shquar i poezisë bashkëkohore shqipe. Merret me publicistikë, studime letrare, skenar dokumentarësh etj.

Ka fituar çmimin jubilar të Mitingut të Poezisë të 55 me radhë, në vitin 2019, me librin Jubileu i shiu të çmendur.

Poezi të Skënder Buçpapaj:

RETË

.

Retë e bardha

Do të qajnë për mua

Me lotët e drenushave

Bjeshkët do të dënesin

Me ofshamat e pishnajave.

.

ANTIBIBLIKE

.

Pasardhëset e Evës

Janë bimë hijedashëse.

E para e tyre

Përvojën e parë e mori nga pema e mollës

E cila u vesh me gjethe në pranverè.

Gjarpri apo gjarpërushja

Kishte pjesën e vet në hije sikurse vetë Eva

Por nuk kishte pjesë

Në krimin biblik.

.

GJARPRI I BOKAVE

.

Krojeve

U ka fluturuar trupi

Dhe u ka mbetur shpirti

Etjen time e shuaj

Veç me helmin tim.

.

QYTETI PA POETË

.

Njerëzit

Në njëshkolona milingonash

Ndjekin njèri tjetrin

Duke i marrë erë

Sekush hedh hapin

Në vendin bosh që lë

Hapi i tjetrit

Në një ritual

Pa fillim dhe pa fund.

• twitter

  Follow
• facebook
• linkedin

Fjalë kyçe: Muharrem Kurti, Skënder Buçpapaj