Publikimi nga Edi Rama i një ftese nga presidenti Trump mua m’u duk një akt shumë i dëshpëruar për pak vëmendje. Mendoj se ishte një nga shfaqjet e fundit të tragjikomedisë së tij me tri akte e pak.

.

Pirgu i skandaleve pa fund sigurisht kërkonte një “sugarcoating” mbi këtë pirg. Por letra e Trump-it nuk i mbulon skandalet e tij me Amerikën, nuk e mbyll çështjen McGonigal, e cila qëndron hapur si “shpata e Demokleut” mbi kokën e Ramës.

.

Në qarqet mediatike shqiptare qarkullon lajmi se kryeministri Rama është thirrur nga gjykata apo prokurorët amerikanë dhe do të udhëtojë për në Uashington për të dëshmuar mbi çështjen McGonigal. Edi Rama le ta publikojë këtë “ftesë” nga administrata Trump; kjo është çështja që kanë interes shqiptarët të dinë.

.

Pyetja që shtrohet është: a mund të thirret një kryeministër i huaj në prokurorinë amerikane për t’u pyetur në lidhje me një çështje kriminale për të cilën ai ka dijeni?

.

Në parim po, një kryeministër i huaj mund të ftohet vullnetarisht për intervistë, ku mund të paraqitet si “person me dijeni”, dhe konkretisht Edi Rama është një person me dijeni të thella në çështjen McGonigal. Më poshtë është akuza e plotë e prokurorit të shtetit ndaj Charles McGonigal për ryshfetin prej 225 mijë dollarësh, mbi të cilën ai u dënua me burg. Aty Rama përmendet dhjetëra herë dhe me lidhje direkte me personat që korruptuan agjentin e FBI-së.

Sipas burimeve jozyrtare, prokurorët amerikanë kanë fakte të reja që implikojnë keq Ramën në çështjen McGonigal dhe çështje të tjera që aktualisht janë haur. Mbase McGonigal, që tashmë bashkëpunon me drejtësinë, ka dhënë më shumë dëshmi sesa pati dhënë nën administratën Biden, ku Rama kishte influencë nëpërmjet Soros-it.

.

Zakonisht një kryeministër i huaj thirret për të dëshmuar në Amerikë kur çështja është shumë serioze; gjithçka është e paparashikueshme, çdo gjë mund të ndodhë, prandaj kryeministri shoqërohet nga avokatë amerikanë apo ndërkombëtarë.

.

Megjithatë, ligji amerikan nuk mund ta detyrojë të paraqitet nëse ndodhet jashtë SHBA-së; pra, nuk është praktikë që të sillet me forcë për pyetje, përveçse në raste të rralla kur është cenuar siguria e SHBA-së, siç ndodhi në rastin e Maduros.

.

Por shtrohet pyetja nëse amerikanët do ta arrestojnë Edi Ramën në Uashington, nëse paraqitet për t’u marrë në pyetje. Unë mendoj dhe kam frikë se PO, RAMA MUND TË ARRESTOHET NË AMERIKË. Këtë do ta shpjegoj shkurtimisht më poshtë:

Bazuar në realitetin praktik në Amerikë, arrestimi i një personi që paraqitet vullnetarisht për t’u pyetur është i pazakontë, por jo i rrallë dhe ligjërisht i mundur në rrethana të caktuara.

.

Arrestimi i një kryeministri të huaj, ligjërisht është i mundur në rrethana kur ai ndodhet fizikisht në SHBA, kur nuk ka imunitet diplomatik aktiv, kur ekziston një urdhër-arresti, kur ka dyshime të arsyeshme për një krim që ka kryer ose kur përgjigjet e dala nga pyetjet konfirmojnë provat ekzistuese. Një kryeministër i huaj nuk mund të arrestohet për vepra apo akte zyrtare. Arrestimi ndodh vetëm për akuzat që lidhen me veprimtari të jashtëligjshme dhe krime personale kundër Amerikës. Sipas ligjit, prokurorët nuk kanë detyrim ta njoftojnë personin paraprakisht, nëse ndaj tij ka një urdhër arresti.

.

Arrestimi i Ramës mund të ndodhë gjithashtu nëse ai pranon fajësinë, nëse ai jep deklarata vetëinkriminuese, ose nëse përballet me prova të forta që e lidhin drejtpërdrejt me veprën penale. Arrestimi mund të ndodhë sapo të zbresë në Amerikë, gjatë dhe pas seancës së pyetjeve dhe, më zakonisht, në aeroport para se të largohet nga Amerika. Vetë Charles McGonigal u arrestua në aeroportin JFK në Nju Jork. Bashkëngjitur është fletë-arresti i lëshuar nga gjykata amerikane, i ekzekutuar nga agjentët specialë.

.

A e mbron kryeministrin Rama imuniteti që ka?

.

Në bazë të ligjit ndërkombëtar, JO. Konventa e Vjenës siguron imunitet diplomatik absolut vetëm për diplomatët. Kryeministrat e huaj nuk janë diplomatë të akredituar rezidentë; prandaj imuniteti i tyre është i kufizuar. Imuniteti ndërkombëtar që ka Edi Rama si kryeministër i Shqipërisë nuk mbulon rastet e korrupsionit, pastrimit të parave, ryshfetit, mashtrimit dhe veprime personale ose private. Si për dreq, pak a shumë këto janë akuzat me të cilat do të përballet Edi Rama nga prokurorët amerikanë.

.

Lidhjet e dyshuara të Edi Ramës me mega-trafiqet ndërkombëtare të drogës, Sinaloa-n dhe drejtues të karteleve të drogës nga Kolumbia në Venezuelë, deklarimet publike të disa herëshme të Ramës se “Trump është rrezik për botën dhe marrëdhëniet me Shqipërinë”, si dhe tallja publike e Ramës për presidentin Trump në prani të udhëheqësve ndërkombëtarë, këto mendoj unë e vendosin, do të thoja jo tamam në pozita të barabarta, por në pozita të ngjashme me ish-presidentin venezuelian Maduro. Në këtë rast, amerikanët s’kanë pse ta arrestojnë Edi Ramën në Shqipëri, kur Rama do të shkojë vetë si “sqapi te kasapi”.

.

Mandej, sa është shkalla e korruptimit dhe implikimit të Ramës në çështjen McGonigal, sa është cenuar siguria kombëtare e SHBA-së nga veprimet dhe lidhjet private të Edi Ramës me kartelet e drogës, si do të jetë konsistenca dhe përputhja e fakteve dhe evidencave të prokurorëve amerikanë me deklarimet e Ramës, këto mendoj unë do të vendosin edhe fatin e Edi Ramës për arrestim në Amerikë apo ndjekje të lirë.

.

Unë mendoj se rënia e George Sorosit përcaktoi edhe fatin e Ramës dhe se pozita e Ramës vështirësohet edhe nga lidhjet e thella të tij me Soros-in. Soros është një armik i betuar i presidentit Trump, i cili ka investuar miliona dollarë në vite me radhë kundër Trump. Vetë Soros është thirrur nga prokurorët amerikanë për të dëshmuar si person me dijeni në lidhje me financimet e protestave të dhunshme, destabilizuese të rendit publik në disa shtete të Amerikës. Vetë presidenti Trump është deklaruar se është koha që Soros të përballet me drejtësinë dhe se ai do të neutralizojë lidhjet e Soros-it me rrjete kriminale dhe kartelet e drogës. Maduro ishte një ndër miqtë e Soros-it. Ka shumë gjasa që “Ramaduro” të ketë të njëjtin fat.

.

Si konkluzion, çështja McGonigal mbetet e hapur dhe çdo zhvillim i ri, qoftë në drejtim të një udhëtimi të Edi Ramës për të dëshmuar, qoftë në drejtim të hetimeve shtesë, do të ketë pasoja të rëndësishme politike dhe diplomatike. Rama është në një rënie të lirë pikjatë. Në këtë rënie Rama është në një gjendje “zgjidh e merr” ku të bjerë. Unë mendoj që Rama më mirë të bjerë në Shqipëri sesa të bjerë në Amerikë. Prandaj këshilla ime për të është:

“Mos shko, o trim.”

.

P.s. Me poshte janë urdhër arresti i egzekutuar per Charles McGonigal dhe padia e plote në të cilën përmendet kryeministri i Shqiperisë.

19 Janar 2026