Në një postim në rrjetet sociale, deputeti Fatmir Mediu shkruan se në këtë ngjarje me rëndësi të veçantë, pati mundësinë të diskutojë mbi sfidat dhe zhvillimet e fundit në arenën ndërkombëtare, si dhe rolin që luan Ballkani dhe Shqipëria në kuadër të këtyre zhvillimeve.

“Ballkani përfaqëson një zonë strategjike në kuadër të sigurisë europiane dhe bashkëpunimit transatlantik. Shqipëria duhet të forcojë pozicionin e saj si një faktor stabiliteti dhe bashkëpunimi në rajon,”  shkruan Mediu.

Gjatë qëndrimit në Napoli, Mediu zhvilloi takime dhe shkëmbeu mendime me figura të rëndësishme të politikës italiane, europiane dhe amerikane, si Lucio Ciriani, Ministër për Marrëdhëniet me Parlamentin në qeverinë italiane, Mateusz Moraëiecki, Kryetar i ECR dhe ish-Kryeministër i Polonisë,  Roberts Zīle, Nënkryetar i Parlamentit Europian, Carlo Fidanza, Nënkryetar i Grupit të Konservatorëve Europianë, Antonio Giordano, Sekretar i Përgjithshëm i ECR, Caush Ahra, ish-zyrtar i lartë në Këshillin e Sigurisë Kombëtare të SHBA-së në Administratën Trump, ekspert për çështjet e sigurisë dhe ekonomisë.

Konferenca e ECR në Napoli shërbeu si një platformë e rëndësishme për shkëmbimin e ideve dhe ndërtimin e bashkëpunimit mes vendeve europiane dhe partnerëve ndërkombëtarë, në funksion të forcimit të paqes, sigurisë dhe stabilitetit rajonal. BW

Një restorant në Theth është shkrumbuar nga flakët në mesnatë.

Siç shihet nga pamjet i gjithë restoranti është nën “pushtetin” e zjarrit.

 

 

Nga flakët raportohet se ka pasur vetëm dëme materiale. Ndërsa mësohet se zjarri është shuar pas ndërhyrjes së banorëve të zonës.

Ende s’ka një njoftim nga policia lidhur me djegien e restoranit në pronësi të shtetasit me iniciale P. Gj., në fshatin turistik.

SN

Kreu i Partisë Demokratike, Sali Berisha, ka zhvilluar një vizitë në pazarin historik të Krujës, ku është pritur me ngrohtësi nga artizanët vendas.

Në një moment simbolik, ata i dhuruan dhe i veshën Berishës një xhamadan dhe një qeleshe, pjesë të trashëgimisë së pasur të veshjeve tradicionale shqiptare.

“Do të duhej të hiqja xhaketën të bëhej më mirë kjo punë, por s’ka gjë”, u shpreh Berisha me humor, ndërsa ndodhej mes qytetarëve dhe artizanëve të zonës.

Pas kësaj, ai vendosi të heqë xhaketën dhe të vijojë takimin i veshur me kostumin popullor, duke marrë duartrokitjet e të pranishmëve. bw

Aktorja turke, Deniz Durmaz, numëron mbi 371 mijë ndjekës në Instagram. Shumë e krahasojnë atë me yllin e Hollywoodit, Angelina Jolie, për shkak të pamjes së saj.

Pothuajse nën çdo video dhe foto, ndjekësit lënë komente si “Mendova se kjo ishte Angelina Jolie” dhe “hej Angelina”.

Kush është Deniz Durmaz?

Deniz Durmaz ka lindur më 20 mars 1996 në Ankara.

Ajo ka luajtur në shumë telenovela turke. Ajo njihet më së shumti për rolin e Selmës në serialin “Alin Yazim”.

Gjithashtu luajti në serialet “Karagul”, “Adini Sen Koy”, “Ikisini de Sevdim” dhe “Sampiyon”.

Përveç aktrimit, ajo është bërë edhe një influencuese e famshme në Turqi. Ndan me ndjekësit momente nga jeta e saj, këshilla të kuzhinës dhe grimit. gsh

Pas një zjarri shkatërrues në prill 2019, Katedralja Notre-Dame në Paris ka vendosur të rihapë dyert e saj për publikun më 7 dhjetor, duke shënuar një rast të rëndësishëm për Francën dhe botën.

Presidenti francez Emmanuel Macron vizitoi kryeveprën sor, për të parë brendësinë e sapo restauruar.

Notre-Dame de Paris, një mrekulli arkitekturore gotike, ka qëndruar si një simbol i besimit dhe i artit që kur filloi ndërtimi i saj në 1163.

Zjarri i 15 prillit 2019 përpiu çatinë dhe majën e Notre-Dame, ndërsa shkaku mbetet i paqartë.

Mundësitë përfshijnë një defekt elektrik ose një cigare të ndezur.

Zjarrfikësit arritën të shpëtonin kambanoret dhe fasadën, por dëmi i madh kërkonte një përpjekje masive globale për mbledhjen e fondeve.

Mbi 840 milionë euro janë dhuruar, duke tejkaluar nevojat për restaurim.

Gjatë pesë viteve të fundit, mijëra zejtarë të aftë kanë rindërtuar me përpikëri çatinë dhe majën e katedrales, kanë restauruar gurët dhe pikturat e saj të nxira dhe kanë rinovuar mobiljet.

Ceremonitë e rihapjes

Rihapja do të fillojë të shtunën e ardhshme me një fjalim të presidentit Macron, e ndjekur nga një ceremoni në dyert e katedrales nga Kryepeshkopi Laurent Ulrich.

Brenda do të këndohen psalme të lashta dhe organi historik i katedrales do të rezonojë edhe një herë pasi të bekohet.

Mesha do të fillojë më 8 dhjetor, duke filluar një seri tetë-ditore shërbimesh falënderimi kushtuar donatorëve, zjarrfikësve dhe artizanëve që kontribuan në restaurimin.

Qasja e publikut fillimisht do të jetë e kufizuar, me vizitorët që u kërkohet të rezervojnë biletat në internet ose të qëndrojnë në radhë në vend.

Nga dhjetori, vizitorët do të mund të rezervojnë online falas biletat e së njëjtës ditë ose të ditës së ardhshme, ndërsa turnetë në grup do të fillojnë pas Vitit të Ri. GSH

Mbahet në Tiranë ceremonia e ngritjes së flamurit në sheshin Skënderbej.

Kjo ceremoni është organizuar në disa qytete të Shqipërisë si Vlorë e Shkodër.

Në Paradën e Shqiptarëve në Tiranë morën pjesë sot mijëra shqiptarë nga të gjitha trojet.

“Parada kuqezi” nisi nga sheshi “Nënë Tereza”, midis Pallatit të Koncerteve dhe Presidencës dhe po përshkon bulevardin “Dëshmorët e Kombit” për t’u mbyllur në sheshin “Skënderbej”, ku do të zhvillohet ngritja e flamurit shqiptar.

E kthyer tashmë në një traditë në New York, shqiptarët nga e gjithë bota të veshur kuq e zi dhe me veshje popullore mbushën sot rrugët e Tiranës. Nën ritmin e muzikës shqiptare pjesëmarrësit krijuan një atmosferë festive.

Të pranishëm në paradë janë mbi 350 grupe artistike nga anë e mbanë kudo ku flitet shqip. Pjesë e paradës janë përfaqësues nga 150 qytete, delegacione nga bashki dhe komuna shqiptare, bashkë me ansamblet e tyre. bw

Në Paradën e Shqiptarëve në Tiranë po marrin pjesë sot mijëra shqiptarë nga të gjitha trojet, në kuadër të 112-vjetorit të pavarësisë së Shqipërisë.

“Parada kuqezi” nisi nga sheshi “Nënë Tereza”, midis Pallatit të Koncerteve dhe Presidencës dhe po përshkon bulevardin “Dëshmorët e Kombit” për t’u mbyllur në sheshin “Skënderbej”, ku do të zhvillohet ngritja e flamurit shqiptar.

E kthyer tashmë në një traditë në New York, shqiptarët nga e gjithë bota të veshur kuq e zi dhe me veshje popullore mbushën sot rrugët e Tiranës. Nën ritmin e muzikës shqiptare pjesëmarrësit krijuan një atmosferë festive.

Të pranishëm në paradë janë mbi 350 grupe artistike nga anë e mbanë kudo ku flitet shqip. Pjesë e paradës janë përfaqësues nga 150 qytete, delegacione nga bashki dhe komuna shqiptare, bashkë me ansamblet e tyre.

Në të dy anët e bulevardit janë edhe qytetarë të shumtë për të ndjekur nga afër paradën. Parada u organizua nga bashkia e Tiranës në bashkëpunim me shoqatën “Albanian Roots”

Opozita zhvilloi pasditen e së martës një protestë, e shpërndarë të 5 pikat kyçe të kryeqytetit, ndërsa nuk munguan përplasjet, tensionet, por edhe përdorimi i forcës nga ana e Policisë për të larguar protestuesit nga akset rrugore të bllokuara.

Tensionet dhe përplasjet më të forta ndodhën para Bashkisë së Tiranës dhe te sheshi wilson, dy nga 5 pikat ku mbështetësit e opozitës u grumbulluan për të bllokuar akset rrugore.

Policia hodhi ujë me presion dhe gaz lotsjellës ndaj protestuesve, fillimisht te Bashkia e Tiranës, dhe më pas te sheshi Wilson. Te ky i fundit u përdor edhe sasia më e madhe e ujit ndaj protestuesve, por njëherazi edhe qëndresa më e fortë e disa prej deputetëve dhe drejtuesve të partive opozitare, që për disa minuta arritën të bllokonin automjetin që hidhte ujin me presion.

Fotot e siguruara nga LSA tregojnë momentet më pikante nga protesta. Në pamjet e mëposhtme shihen disa nga tentativat e deputetëve, por edhe qytetarëve, për të bllokuar policinë në ndërhyrjet e saj për të zhbllokuar rrugën.

Gjatë protestës pati disa denoncime lidhur me goditjet ndaj deputetëve, ku në të paktën dy raste, Petrit Vasili dhe Bledion Nallbati, pohuan se ishin goditur apo dëmtuar nga policia.