*****40 FIRMETARET E PAVARESISE SE SHQIPERISE*****

Ndërsa seanca plenare kaloi me votimin e kalendarit të punimeve të Kuvendit që u miratua me shumicën e votave të mazhorancës dhe që lidhej me projektbuxhetin dhe projektprogramin, kreu i PD-së, Sali Berisha kërkoi dy minuta fjalë për shpjegim vote sipas rregullores.

Ai ndërsa doli në foltore, mori në dorë një poster me zv/kryeministren Belinda Balluku, që lidhet me skandalin e fundit të aferës së tenderit të Llogarasë, për të cilën ajo është marrë e pandehur nga SPAK.

Përveç fotos së zv/kryeministres aty kishte edhe detaje nga dosja hetimore, për vjedhjen korruptive të tenderit dhe mesazhet e rrjedhura nga dosja në media.

Berisha u përpoq ta mbështeste diku posterin, ndërsa Peleshi i kërkonte të mbante fjalën me minutazh, duke matur kohën.

Pranë i qëndronte edhe një punonjës Garde që largoi posterin pasi Berisha u kthye në foltore për fjalën.

Në posterat e printuar ndodhej zv/kryeministrja Balluku me kryeministrin Edi rama në një takim me kompaninë turke që fitoi tenderin si dhe dokumentet tenderuese të firmosura prej tyre, që janë pjesë e dosjes. GSH

FOTOGALERI KUSHTUAR HILLARY E BILL CLINTON

Voal-online – Matt Weber ishte një prej shumë teksistëve të Mollës së Madhe. Në bortin e cab ai vërente njerëzit që kalonin prapa dritareve të vogla duke mbledhur çaste kaluese të jetës. Kështu i ka lindur dëshira të tregojë New Yorkun e tij, e cila e ka shtyrë Mattin të bëhet fotograf.

Nga viti 1978 deri sot Matt ka dokumentuar ndryshimet e një qyteti në lëvizje të papushuar por edhe shumë të rëndë. Fotot e tij në bardh e zi, botuar nga New York Times e nga gazeta të tjera me emër, përveç se në disa libra, kanë dëshmuar mjerimin dhe dhunën. Pastaj kthesa: Matt ka vendosur t’i tregojë edhe çastet e vogla të lumturisë. Duke i pavdekësuar puthjet e të panjohurve që këmbehen në rrugë. Puthje lamtumire apo përshëndetjeje, për të bërë paqe apo për të shfryrë pasioin. Kush janë këtë çifte? Ku shkojnë? E çfarë provojnë? Askush nuk e di, por sigurisht fotografi kap një çast të rëndësishëm të jetës së tyre, një çast lumturie, një shprese.

Një çift puthet në metropolitanë, pa çarë kokën për vështrimet e të tjerëve

Puthje në Coney Islend Pier

Momente historike: një çift i përqafuar për një puthje mesnate, foto e shkrepur më 1989

Shpërthim pasional para një shtylle telegrafike

Një çift i sapomartuar puthet para restorantit Nathan të Coney Island, Brooklyn

Një çift i përqafuar sodit qiellin

Një puthje para restorantit Sbarro të Times Square

Puthje mëngjesore: një çift ndahet në rrugë para se të marrin drejtim të kundërta për të shkuar në punë

Manhattan – puthje në mes të rrugës

Një çift duke ecur puthet në Times Square

Një kalimtare përjeton e trazuar puthjen e dy të rinjve në rrugë

Një çift përqafohet në shikimin e raperit Ludacris nga vitrina e një dyqani

Met Kiss: një break në shkallët e Metropolitan Museum of Art

Puthja e parë e vitit të ri, në mesnatë në rrugë

Obama Victory Kiss; festohet në rrugë zgjedhja e presidentit më 2008

Prap në metropolitanë, 2004

Puthje metropolitane

Një çift çakërqejf duke pritur trenin

Një tjetër çift në trotuarin e pistë

Puthje në shkallën e lëvizshme

Mbrëmë presidenti amerikan Donald Trump ka njoftuar arritjen e një marrëveshjeje paqeje mes Hamasit dhe Izrael, që pritet t’i japë fund luftës që po vijon prej dy vitesh.

Në pamjet e publikuara nga mediat ndërkombëtare, shihet shkatërrimi që 2 vite luftë i kanë bërë Gazës, duke e kthyer në një gërmadhë të vërtetë.

bw

Fenomeni astronomik i hënës së kuqe ka përfshirë edhe Tiranën! “Hëna e përgjakshme” dhe Eklipsi Hënor u shfaq në vendin tonë rreth orës 21:00 e më pas, duke ofruar një pamje spektakolare.

 

https://www.youtube.com/shorts/VVfwubK

 

Eklipsi hënor u pa sy të lirë dhe nuk kishte nevojë për pajisje speciale. “Hëna e përgjakshme” është një fenomen i veçantë që ndodh gjatë një eklipsi hënor, kur Hëna kalon përmes hijes së plotë të Tokës dhe ndriçohet me një ngjyrë të kuqe të thellë.

Ky efekt shkaktohet nga ndriçimi i atmosferës së Tokës dhe bën që Hëna të duket si një “top i kuq” në qiellin e natës.

Ish-presidenti Bill Clinton ka shkaktuar shqetësime të reja për gjendjen e tij shëndetësore, pasi u pa së bashku me gruan e tij, Hillary, në Hamptons, duke transportuar një defibrilator portativ.

Sipas Daily Mail, çifti u vërejt në aeroport duke mbajtur një pajisje që ngjante me Propaq MD Air Medical Bag, një ngjarje që rriti pyetjet për shëndetin e brishtë të ish-Presidentit 79-vjeçar.

Clinton ka një histori të gjatë problemesh kardiologjike. Në vitin 2004 ai pësoi një infarkt, që çoi në një operacion bypass, ndërsa në vitin 2010 ai u shtrua në spital përsëri për dhimbje në kraharor dhe iu vendos një “stent”.

Në vitin 2021, ai u shtrua në spital për një infeksion të rëndë urologjik që kishte shpërthyer në gjak, ndërsa në dhjetor 2023 kaloi disa ditë në spitalin MedStar Georgetown University në Washington për shkak të gripit.

Në shfaqjen e tij të fundit, Clinton mbante një xhaketë blu dhe një kapelë të zezë, i shoqëruar nga rojet e tij personale. Hillary Clinton ishte veshur me një xhaketë të zezë mbi një komplet blu. Deri tani, Zyra e ish-Presidentit nuk ka bërë ndonjë koment në lidhje me këtë ngjarje.

Përveç shqetësimeve për shëndetin e tij, çifti Clinton është gjithashtu në qendër të hetimeve lidhur me çështjen e Jeffrey Epstein.

Më 5 gusht, ata morën thirrje për dëshmim nga Komiteti i Mbikëqyrjes të Dhomës së Përfaqësuesve, edhe pse ata nuk janë nën hetim. Dëshmitë e tyre janë caktuar për në tetor, Bill më 14 tetor dhe Hillary më 9 tetor, por nuk është e qartë nëse do të paraqiten. GSH

Kryetari i Partisë Republikane, Fatmir Mediu, ka zhvilluar një vizitë në Kiev të Ukrainës si pjesë e një delegacioni ndërkombëtar së bashku me parlamentarë nga disa vende të Bashkimit Europian.

Në kuadër të grupit “Friends 4Ukraine”, delegacioni u solidarizua me rezistencën e Ukrainës kundër agresionit rus, duke marrë pjesë edhe në aktivitete zyrtare.

Në ditën kombëtare të Ukrainës, Mediu mori pjesë në ceremoninë e zhvilluar në Sheshin Sofia, ku Presidenti Volodymyr Zelensky dhe Kryeministri i Kanadasë mbajtën fjalimet e tyre. Në këtë aktivitet ishte i pranishëm edhe gjenerali amerikan Keith Kellogg, i dërguar special i Presidentit amerikan Donald Trump, me të cilin Mediu zhvilloi një takim individual.

Gjithashtu, kreu i Partisë Republikane u takua me kryetarin e Parlamentit të Ukrainës, Ruslan Stefanchuk, si dhe me përfaqësues të tjerë të lartë shtetërorë.BW

Ndërkohë që ka rinisur mëngjesin e sotëm ndërhyrja nga ajri me dy helikopterë të Forcës Ajrore për të neutralizuar zjarret.

Situata duke tejet alarmante, ndërsa pak më parë ministri i Mbrojtjes Pirro Vengu bëri me dije se 40 persona janë evakuura për shkak se flakët kërcënojnë banesat dhe bizneset.bw