Nga Aurel Dasareti, USA, ekspert i shkencave ushtarake- psikologjike

“Ndërmjetësit” pro-serbë dhe “politikanët” lakej shqipfolës, kanë shpërndarë pluhurin e tregimit për asociacionin “demokratik” të pushtuesve terroristë serbo-çetnikë në midis të Kosovës, dhe e lënë të lulëzojë në gojën e të gjithë “analistëve” si buqeta të gënjeshtrës më të bukur.
***
I “gjithëdijshmi” autorial i cili me sa duket ka një pasqyrë të plotë të botës së tregimit, e di se çfarë po mendojnë njerëzit e tjerë (sidomos armiqtë), ai (ajo) lëviz lirshëm midis së shkuarës dhe së tashmes dhe komenton atë që ndodh. Prandaj, sa më shumë dritë e brendshme t’u vijë atyre, aq më shumë errësirë do të largohet.
Kam përshtypjen se edhe gabimet e shqiptarëve janë të gabuara.
Projekti i shkrirjes së shtetësisë së Kosovës dhe kombit shqiptar në përgjithësi vazhdon, sepse shqiptari sheh vetëm atë që i tregojnë të huajt me keqdashje; të ndihmuar nga lakej shqipfolës që lejojnë veten të shfrytëzohen në mënyrën më poshtëruese.
I gjithë ky aparat banditësh, e gjithë përbërja aktuale politike në shtetet vasale Shqipëri dhe Kosovë, (përfshirë trojet nën pushtim) duhet të zhduket përgjithmonë.
Askush nuk do të na japë liri, kështu që ne vetë duhet fituar atë, mbrojtur dhe ruajtur.
***
Është natyra jonë të përsërisim veten. Po, të përsërisim veten. Është pjesë e repertorit tonë, përsëritja është violina e parë në orkestrën tonë personale.
Nuk jam aspak i gjithëdijshëm, por ajo që do të përsëris më poshtë është një fakt i padiskutueshëm. Në pronësi të profesionit dhe përvojës sime personale.
Nëse duhet t’i përmbahemi terminologjisë ushtarake, kundërshtari që beson se ka pushtuar një pozicion të rëndësishëm në luftën kundër palës rivale, nuk është i interesuar të bëjë kompromis por e përdor këtë pozicion si pikënisje për të pushtuar një pozicion të ri.
Të gjitha llojet e asociacioneve (serbe) janë vdekjeprurëse për Kosovën. Duhet refuzuar. Asociacioni pa kompetenca ekzekutive apo me kompetenca ekzekutive, faktikisht është i njëjtë.
Është vetëm çështje kohore, kur gradualisht (në një proces gradual), ai pa kompetenca do bëhet me kompetenca.
Dhe, Kosova na la…
***
Ndonjëherë pyes veten se kush ka të drejtë. Ndoshta të gjithë kanë të drejtë. Të gjithë kanë saktësisht të njëjtin numër fjalësh të këndshme për t’u fshehur pas. Të gjithë janë po aq të sigurt për kauzën e tyre. Unë thjesht tund me kokë në të gjitha drejtimet.
Kam mësuar t’u besoj këmbëve të mia.
Zakonisht më çojnë atje ku duhet të shkoj.
Është vetëm një çështje për t’i lënë ata të punojnë në paqe.
Ne jemi shumë më të fortë kur qëndrojmë së bashku.
Universi e do shpejtësinë. Mos prit. Mos mendo më. Pa asnjë dyshim. Kur ekziston mundësia, kur ekziston impulsi, kur shtytja intuite (aftësia për të kuptuar e për të njohur realitetin) nga brenda është atje, atëherë veproni.
Kjo është detyra juaj. Dhe kjo është gjithçka që duhet të bëni.
***
PS:
Nga ajo që shkruaj vitet e fundit, mendoj se për disa bashkëkombës (sidomos pronarë portalesh që e quajnë veten shqiptarë) është e vështirë të kuptojnë, apo nuk duan të kuptojnë sepse nuk u konvenon?! Është diçka që të bën ta përjetosh jetën si sfiduese dhe të çuditshme.
Nuk e di saktësisht se çfarë nuk shkon me kombin, gjenealogjinë e të cilit e barti brez pas brezi edhe unë. Vetëm e di që asgjë nuk është në rregull, më duket sikur po bie në një vrimë dhe nuk mund ta nxjerr veten.
Shumicën e rasteve e mendoj këtë, më duket sikur po gënjej, sikur nuk po them të vërtetën për atë që di dhe shkruaj. Pse është kështu? Pse kemi xhelozi të sëmurë ndaj njëri-tjetrit, në vend që të bashkëpunojmë për mbijetesën e kombit dhe vendit? Pse e urrejmë dhe vrasim njëri tjetrin? Pse na urrejnë të tjerët?
Faleminderit nëse e dini pse.