Ndërzyesi virtual
ndërzen botëzën
e popullit
të rrjetit social
tufëzat dhe arëzat
fejsbukjane
ngjiten e ngjishen
prej ndërzimit
si shkalla superiore
e kulturimit

e presin me shtërzime
fejsbukjane
tufëzat dhe arëzat
ndërzyesin virtual
pa pallë por masovik
ndërzyesi dhe të ndërzyerit
kolektivizëm socpopuĺlor,
patriotik

me zërin e shterrë,
pa tinguj, të çjerrë
ndërzyesi agjitprop
paĺlon pa pallë
popullin virtual

kolkozi fejzbukian
lumturisht i këndon
pallimit
mbi kashtën e dafinave
nën sytë e zilepsur
prej lakmisë
ndërzyesi scriboman
shijon frutet e lavdisë

pa shpatë e pa pallë
ndërzyesi e të ndërzyerit
fërgëllojnë prej unitetit biologjik
nuk janë debilë
nuk janë qafirë
as skematikë
mendjen e kanë
plot e përplot
me bërllok
që rimon përputhshëm
me popull tallava,
patriot

27.12.2023