VOAL

VOAL

Enët prej qeramike apo prej gize – Diferencat në gatim

June 17, 2022
blank

Komentet

blank

“Ksou-Ksou”- Njihuni me aplikacionin më të ri që largon mushkonjat!

“Ksou-Ksou” është aplikacioni më i ri që largon mushkonjat. Sipas SKAI, krijuesi i aplikacionit, 26-vjeçari Christos Apostolos, deklaroi se me anë të aplikacionit krijohet një mburojë lokale 3X3 që do ju mbrojë nga mushkonjat.

“Me aplikacionin krijohet një mburojë lokale 3X3 që mbron nga mushkonjat. Harrojeni “gjarpërin” dhe insekticidin dhe kapni celularin për të hequr qafe mushkonjat falë aplikacionit”, tha ai.

Aplikacioni, i quajtur “Ksou-Ksou”, bazohet në kërkimet 5-vjeçare dhe ka aftësi të largojë mushkonjat përmes frekuencave që mund të variojnë nga 12 në 200 HZ.

Apostolos shpjegoi se veshi i njeriut nuk i percepton këto frekuenca dhe nëse mund të kuptojmë diçka nga 100 Hz e më gjerë, mund të ulim volumin e celularit.

“Ka një shumëllojshmëri frekuencash sepse ka shumë faktorë ekzogjenë si temperatura, lagështia dhe ajri. Të gjitha aplikacionet e mia janë falas”, theksoi ai. gsh

blank

Dëmet që shkakton përdorimi i freskueses për shëndetin

 

Freskuesja është një pajisje shpëtimtare për ata që nuk kanë mundësi të përballojnë një kondicioner.

Kjo pajisje supozohet të na sjellë freskinë e nevojshme për të duruar vapën përvëluese të këtyre ditëve.

Megjithatë, ekspertët thonë se freskueset mund të rrisin rrezikun e drobitjes nga vapa.

Nëse temperatura e jashtme rritet mbi 35 gradë, freskuesja nxit rritjen e temperaturës së trupit, thonë studiuesit.

Sipas tyre,  frekuesja në të vërtetë fryn ajrin që është më i ngrohtë se trupi.

Ata e krahasojnë freskuesen me ventilatorin e sobës që përshpejton pjekjen e një ushqimi të caktuar.

Freskuesja Elektrike Më e Rrezikshme Në Mot Të Nxehtë e Të Thatë

Një studim tjetër të cilit i referohet AgroWeb.org thotë se freskuesja është veçanërisht e rrezikshme për shëndetin në klimë të nxehtë dhe të thatë.

Megjithatë, përdorimi i saj ndihmon në uljen e temperaturës bazë të trupit dhe mbron zemrën kur klima është e nxehtë por e lagësht.

Njerëzimi Do Të Preket Nga Goditje Të Nxehta Të Klimës

Valët e nxehtësisë, thonë ekspertët, do të jenë më të shpeshta dhe më të ashpra si pasojë e ngrohjes globale.

Vetëm në vitin 2003, u regjistruan mbi 30,000 viktima si pasojë e të nxehtit, ndërsa në  vitin 2010, vetëm në Moskë u regjistruan mbi 11,000 viktima.

Shumë studime mbi përdorimin e freskueses dhe ndikimit të saj në shëndet sugjerojnë se kjo pajisje rrit rrezikun e vdekjes gjatë motit përvëlues.

Kjo për vetë faktin se freskuesja nuk të freskon.

Ajo thjesht qarkullon ajrin i cili është i të njëjtës temperaturë si ajo e ambientit.

Freskuesja përshpejton avullimin e djersës që do të thotë se shkakton humbjen e madhe të lëngjeve nga trupi.

Nëse njeriu djersin shumë dhe nuk zëvendëson lëngjet e humbura, do të dehidratohet më shpejt.

Kësisoj ai do të jetë më i drobitur nga vapa dhe problemet që shkakton ajo tek organet./AgroWeb.org

blank

A mundet misri lejla të reduktojë inflamacionin dhe menaxhojë diabetin?

Edhe pse misri lejla mund të mos jetë zgjedhja juaj e parë kur bëhet fjalë për diabetin, ai mund të jetë vërtetë një zgjedhje perfekte.

Të ndjekësh një regjim ushqimor të shëndetshëm mund t’ju ndihmojë në parandalimin dhe menaxhimin e shumë sëmundjeve përfshirë edhe diabetin.

Edhe pse misri lejla mund të mos jetë zgjedhja juaj e parë kur bëhet fjalë për diabetin, ai mund të jetë vërtetë një zgjedhje perfekte.

Një studim i vitit 2017, ku AgroWeb.org u bazua, zbuloi se minjtë që u ushqyen me këtë lloj misri, patën më pak dhjamë rreth barku, nivele optimale të kolesterolit, triglicerideve dhe ulje të tensionit të lartë,

Sipas të dhënave të mbledhura nga AgroWeb.org nga studime të ndryshme, studiuesit dolën në përfundimin se fitokimikatet në varietet e misrit lejla mund të reduktojnë inflamacionin dhe të përmirësojë nivelet e insulinës në gjak. Por si ndodh kjo?

Si misri lejla mund të menaxhojë inflamacion dhe obezitetin?

Për këtë hulumitn, studiuesit shpenzuan 4 vjet duke rritur 20 varietete të reja misri, derivate të misrit të kuq Apache.

Ata nxorrën përbërjet kimike të pranishme në shtresën e jashtme të kokrrave të misrit.

Çdo ekstrakt i nxjerrë kishte një profil unik të antocianineve, fitokimikateve dhe të polifenoleve.

Pasi testuan fuqinë e këtyre ekstrakteve tek qelizat e infamuara dhe qelizat përgjegjëse për diabetin tek minjtë, ata vunë re disa ndryshime pozitive në lidhje me diabetin dhe inflamacionin.

Studiuesit po vazhdojnë punën e tyre me qëllimin e mbarështimit të hibrideve të misrit duke kombinuar fitokimikatet që treguan potencial më të madh në studim.

Pse fitokimikatet janë të mira për shëndetin?

Fitokimikatet janë një grupim i 500 llojeve polifenolesh.

Polifenolet janë një kategori kimikatesh që gjenden natyrshëm tek bimët dhe mund të kategorizohen si mëposhtë:

flavonoidet

acidet fenolike

stilbene

lignanet

Në përgjithësi, polifenolet duket se ofrojnë shumë përfitime premtuese shëndetësore.

Megjithatë, nevojiten më shumë kërkime përpara se polifenolet të rekomandohen si doza shtesë.

Tani për tani, është më mirë të konsumoni polifenole në formën e tyre natyrale.

Një model i të ushqyerit që përfshin shumë ushqime të të pasura me polifenole është zgjedhja e duhur që mund të bëni për shëndetin tuaj.

Ushqimet me shumë polifenole

Ushqimet me bazë bimore si perimet dhe frutat priren të jenë të larta në polifenole.

Numri i polifenoleve në një ushqim mund të ndryshojë në varësi të vendit ku rritet ushqimi, si kultivohet dhe transportohet, sa i pjekur është dhe si gatuhet ose përgatitet.

Disa nga burimet më të zakonshme të polifenoleve janë:

Frutat si: agrumet, mollët, rrushi, pjeshka, qershitë, boronica, lëngu i shegës, mjedra, manaferrat e zeza, kumbullat, luleshtrydhet, kajsitë.

Perimet si: spinaqi, qepët, patatet, ullinj të zi dhe jeshil, angjinare, brokoli, asparagu, karrotat.

Drithërat e plota si: miell gruri, thekër dhe tërshërë

Gjithashtu edhe tek arrorët, farat dhe legumet.

Pijet si: kafeja, çaji, vera e kuqe.

Tek yndyrnat si: çokollata e zezë, vaj ulliri i virgjër, vaj susami. Tek erëzat si: shafrani, rigoni i thatë, rozmarinë e thatë, salcë soje, karafil, mente i thatë, ylli anise, sherebela e thatë, mente e thatë, trumzë e thatë, borzilok i thatë, xhenxhefil i tharë, kanellë.

blank

Shkaqet pse ju pulson veshi – Kurat dhe trajtimet natyrale

Veshi si çdo organ tjetër i trupit kërkon kujdes të rëndësishëm.

Ju ka ndodhur ndonjëherë që të zgjoheni në mëngjes duke dëgjuar pulsime në vesh.

Një zhurmë e tillë është shumë më kumbuese kur jeni në qetësi por nuk dëgjohet nga të tjerët.

Në këtë rast kemi të bëjmë me tinitusin, një zhurmë që vjen në formën e fishkëllimës, tingëllimës, gjëmimit, kumbimit apo pulsimit.

Zhurma është konstante dhe e pandërprerë. Ndonjëherë dëgjohet në njërin vesh dhe herë të tjera në të dy veshët.

Në rastet kur bëhet fjalë për pulsim, ai është në një ritëm me rrahjet e zemrës.

Ky pulsim është pasojë e një qarkullimi të keq të gjakut në zonën e qafës apo kokës.

Shkaqet Më Të Zakonshme Të Tinitusit

Humbja E Dëgjimit

Në këtë rast kemi të bëjmë me një infeksion ose inflamacion të veshit të mesit apo akumulim të lëngjeve në këtë zonë.

Humbja e dëgjimit në këtë rast intensifikon zhurmat e brendshme siç janë: frymëmarrja, përtypja apo qarkullimi i gjakut në vesh.

Humbja e dëgjimit e bën më të lartë ndjeshmërinë ndaj gjakut që qarkullon në dy enët më të mëdha të gjakut që kalojnë nëpër secilin vesh.

Problemet Me Arteriet

Akumulimi i yndyrnave në arterien karotide mund të krijojë një lloj turbullimi të qarkullimit të gjakut që manifestohet me zhurmën e pulsimit.

Tensioni I Lartë I Gjakut

Kur tensioni i gjakut është i lartë, qarkullimi i tij në arterien karotide bëhet më i turbullt.

Arteriet karotide janë enë gjaku të vendosura në të dy anët e qafës dhe sigurojnë furnizimin me gjak të kokës.

Ato ndahen në arterie të brendshme karodite dhe arterie të jashtme karotide.

Arteria e jashtme karotide siguron furnizimin me gjak të fytyrës dhe qafës, ndërsa arteria e brendshme karotide furnizon trurin me gjak.

Çrregullimet Me Enët E Gjakut

Çrregullimet e ndryshme me enët e gjakut shpesh shkaktojnë zhurmën e pulsimit në vesh.

Në disa raste të rralla, ky problem shkaktohet edhe nga një tumor i enëve të gjakut në zonën e pasme të veshit.

Lexoni më poshtë nga AgroWeb.org disa kura natyrale për infeksionet e veshit, pa lënë mënjanë vizitën te mjeku.

Disa zgjidhje tradicionale për lehtësimin e infeksioneve dhe problemeve të veshit

Kripa  

Ngroheni një gotë kripë në një tigan mbi nxehtësi të ulët për disa minuta. Vendoseni kripën e nxehtë në një leckë dhe mbylleni si kompresë.

Kur është e nxehtë, vendosni kompresën me kripë në veshun e prekur për 5 deri në 10 minuta. AgroWeb.org ju tregon ta përsërisni këtë çdo ditë sa herë që është e nevojshme.

Ngrohja nga kompresa do të ndihmojë në nxjerrjen e lëngjeve nga veshi dhe lehtësimin e ënjtjes dhe dhimbjes. Si një alternativë, ju mund të përdorni një filxhan oriz në të njëjtën mënyrë të përshkruar më sipër.

Uthulla e Mollës  

Për të eliminuar mikrobet që shkaktojnë infeksionin e veshit, uthulla e mollës është një zgjidhje e mirë.

Bashkoni një sasi prej 20 ml uthull molle me një sasi të barabartë me ujë. Njomni pak pambuk, vendoseni në veshin tuaj si fitil dhe lëreni për rreth pesë minuta.

Hiqeni pambukun dhe përdorni një tharëse flokësh për të tharë veshin sa më shumë që të jetë e mundur.

Kompresa me ujë të ngrohtë

Sa më shpejt që të jetë e mundur, aplikoni disa kompresa të nxehta në veshin e infektuar. Kjo do të lehtësojë disa nga dhimbjet dhe gjithashtu do të parandalojë rritjen e infeksionit.

Njomni një copë të pastër në ujë të ngrohtë dhe pastaj vendosni kompresën në veshin e infektuar. Mbajeni pesë minuta, por jo më gjatë dhe pastaj përsëritni procesin sipas nevojës në intervale kohore 1-2 orëshe./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

blank

Hipokondria – Frika e të pasurit një sëmundje serioze

Njerëz që janë të prekur nga ky çrregullim, janë vazhdimisht në kërkim të ndihmës së mjekut dhe konsultave sepse besojnë se janë të sëmurë.

Ekspertët besojnë se 2 deri në 5 përqind e popullatës globale vuan nga hipokondria, frika e të pasurit një sëmundje të rëndë dhe serioze.

Njerëz që janë të prekur nga ky çrregullim, janë vazhdimisht në kërkim të ndihmës së mjekut dhe konsultave sepse besojnë se janë të sëmurë.

Simptomat e Hipokondrisë

Simptomat më të përhapura të kësaj sëmundje janë:

  • Frika e tepruar ndaj disa apo një sëmundjeje të caktuar.
  • Fiksimi pas simptomave të veccanta
  • Fiksimi i të lexuarit për tema të shëndetit.
  • Ankth i shpeshtë ndaj simptomave fizike
  • Nevoja për të bërë një kontroll të shpeshtë të pulsit apo tensionit.
  • Besimi i verbër se vuajnë nga një sëmundje menjëherë pasi kanë dëgjuar për të.
  • Shmangia e situatave “të rrezikshme”, të tilla si qëndrimi në spitale
  • Skepticizëm ndaj të dhënave të mjekëve.
  • Frikë ndaj diagnozës së mjekut.

Hipokondria Në Kohën e Koronavirusit

Ekspertët thonë se është krejt normale që njerëzit të ndihen të stresuar apo në ankth si pasojë e pandemisë së koronavirusit.

Në momentin kur këto ndjesi bëhen krejt jo racionale dhe obsesive, atëherë ndikimi në shëndetin mendor të njeriut është tepër i fortë.

Në periudhën e pandemisë, një person që vuan nga ky çrregullim mund të:

  • ketë kollë dhe të mendojë se do të vdesë nga kanceri i mushkërive apo koronavirusi
  • shmangë prekjen e shumë sendeve dhe sipërfaqeve që beson se janë të kontaminuara
  • përsërisë kontroll të plotë të trupit për ndonjë sinjal sëmundjeje.
  • masë temperaturën disa herë në ditë
  • frikësohet prej daljes nga shtëpia.
  • fiksohet pas larjes së duarve dhe higjenës në shtëpi

Ekspertët thonë se njerëzit e prekur nga ky çrregullim janë përgjithësisht jo shumë të rrezikuar nga virusi.

Ama nga ana tjetër, stresi dhe ankthi që ata përjetojnë vazhdimisht është shumë i rrezikshëm për shëndetin.

Sipas studimeve të kryera në Norvegji njerëzit që vuajnë nga nivele të vazhdueshme të larta të ankthit janë 70% më të rrezikuar nga sëmundjet e zemrës.

Njerëzit që vuajnë nga ankthi i koronavirusit rëndon po praktikojnë stilin e jetesës në të tashmen, ditë pas dite, shmangin lajmet dhe kryejnë aktivitet të rregullt fizik./AgroWeb.org

blank

Fuqitë medicinale të barbarozës – Përdorimet për shëndetin dhe trupin

Lulet dhe gjethet e thara të barbarozës ofrojnë zgjidhje për një sërë çështjesh shëndetësore.

Barbaroza është një bimë e bukur mjaft popullore, e njohur si Mbretëresha e Kopshteve. 

Ajo është një lule që rritet në krahinat e jug perëndimit të Ballkanit dhe veçanërisht Shqipërisë.

Në Shqipëri gjendet edhe me emra të tjerë si hidërsha ose idrasha. Ajo është përdorur shumë edhe si erëz për t’i shtuar shije reçelërave dhe ëmbëlsirave.

Barbaroza është pjesë e familjes botanike Geranium që përmban 200 varietete bimësh dhe lulesh. Megjithatë, AgroWeb.org ju tregon se vetëm Barbaroza (Pelargonium graveolens) mund të konsumohet nga të gjitha simotrat e saj.

Barbaroza arrin të luftojë inflamacionin, përmirësojë shëndetin e veshkave, çlirojë nga dhimbjet, ulë nivelin e stresit, forcojë sistemin imunitar dhe të lehtësojë tretjen.

Gjethet e bimës janë përdorur gjithashtu me tepricë në mjekësinë popullore. AgroWeb.org ju tregon se gjethet e dhe lulet e thara të bimës ngjyrë rozë përdoren për një çaj që ka një aromë të veçantë.

Vlerat shëndetësore që ka Barbaroza

Largon stresin: Barbaroza ka ndikim në sistemin nervor dhe reputacioni i këtyre aftësive ka kapërcyer breza të tërë. Çaji që mund të prodhoni nga gjethet e barbarozës është i shijshëm por edhe qetësues.

Vlerat e çajit shumëfishohen falë përbërësve dhe substancave organike që kanë një ndikim në sistemin endokrinal dhe ulin faktorët që shkaktojnë ankth dhe stress.

Pini një çaj barbaroze kur jeni të stresuar dhe shpejt do t’ju përmirësohet humori.

Lufton inflamacionin: Një nga përdorimet më të shpeshta të barbarozës është ai kundër inflamacionit në organizëm.

Nëse ju dhembin gjymtyrët, muskujt ose keni inflamacion të brendshëm në stomak ose në sistemin kardiovaskular, një gotë çaj barbaroze largon barrën e rëndë të inflamacionit nga trupi juaj.

Heq dhembjet: Barbaroza është përdorur prej vitesh kundër dhembjeve të kokës dhe atyre të tjera.

Nëse vuani nga dhembjet kronike ose migrenat, çaji i barbarozës arrin të çlirojë endorfinën dhe të heqë dhembjen shumë shpejt.

blank

Mbron shëndetin e veshkave: Shkencëtarët akoma janë duke studiuar mbi efektin kimik të përbërësve të barbarozës dhe ndikimin e tyre në shëndetin e veshkave.

Por ata nuk kanë dyshim, që çaji i barbarozës stimulon nxjerrjen e lëngjeve. Ai ndihmon në largimin e kripërave të tepërta, yndyrnave dhe ujit nga trupi.

Si rrjedhojë, veshkat janë më të çliruara dhe funksionojnë më mirë

Ndihmon sistemin imunitar: Barbaroza lufton bakteret dhe mykun. Rrjedhimisht është e mrekullueshme kundër ftohjeve, virozave dhe gripit.

Përgatisni çaj me gjethet dhe do të arrini të largoni nga trupi bakteret, forconi imunitetin dhe shëroheni më shpejt.

Tretja: Nëse vuani nga ngërçet, fryrjet ose tretja problematike, pirja e çajit të barbarozës është mënyra më e lehtë dhe më pa dhimbje për të kuruar këtë problem.

Substancat organike që gjenden tek çaji zbusin inflamacionin, eliminojnë bakteret dhe kthejnë në normalitet sistemin tretës.

Çaji i Barbarozës dhe Përgatitja

Është shumë e rëndësishme që të mbani mend që vetëm barbaroza ngjyrë rozë me aromë trëndafili mund të konsumohet nga njeriu.

Në shumicën e rasteve Barbaroza gjendet në formën e gjetheve të thara, të plota apo të shtypura në çdo farmaci ose dyqan organik gati për çajin tuaj. Por njëlloj mund ta merrni edhe nga bimët e kopshteve tuaja.

Një lugë çaji me lulet dhe gjethet e thata të bimës janë të mjaftueshëm për një kupë çaji. Këtë mund ta pini të ngrohtë ose të ftohtë, si edhe të shoqëruar me pak mjaltë.

Shtypni një grusht lulesh dhe gjethesh të thara dhe vlojini për 5 minuta në ujë. Dy kupa me çaj të tillë në ditë mjaftojnë për të përfituar vlerat e mësipërme./AgroWeb.org

blank

Hani si filozofi lashtë, menyja e Aristotelit

Sipas Aristotelit, bota bazohej në katër elementë: toka, zjarri, uji, ajri, por kishte dhe një element të pestë…

Një element – që ai e quajti ‘eter’ – i cili përfaqësonte të palindurin, të pavarurin e të përhershmin, forcën hyjnore ose vetë Zotin.

Duke u bazuar në këto karakteristika, profesori i kuzhinës Giorgos Palisidis ka krijuar atë që ai e quan “Menuja Aristoteliane”, bazuar në ushqime dhe përbërës nga Greqia veriore, vendlindja e filozofit të madh.

Recetat që Palisidis krijon në ditët e sotme bazohen edhe në gjetjet arkeologjike që na kanë ndihmuar të kuptojmë përbërësit që grekët e lashtë përdornin në kuzhinat e tyre.

Menuja e Aristotelit
Në nisje të këtij projekti kaq interesant, profesori i kuzhinës synonte të sillte në tryezën moderne, ‘dietën e të parëve’.

Gjatë 3 viteve të fundit, dhjetë hotele dhe shtatë restorante në zonën piktoreske të Khalkidikisë kanë nisur të shërbejnë menynë Aristoteliane.

“Në katër elementët e teorisë – toka, uji, zjarri dhe ajri, Aristoteli shtoi eterin, elementin e pestë, për të përshkruar të palindurin, të pathyeshmin, të pandryshueshmin, atë që kombinon të gjitha në një substancë,” tha Palisidis.

“Në të njëjtën kohë, referencat e filozofit të madh grek për 4 shijet bazë: të kripur, të thartë, të ëmbël dhe të hidhur u shoqëruan me rekomandime për kombinimin e të paktën 2 prej tyre në të njëjtën kohë, duke synuar kulmin e shijes, një përvojë eksplozive”, shtoi ai.

“Kjo përvojë u përcaktua më vonë nga japonezët me fjalën ‘umami’ për të përshkruar një shije të pestë dhe një intensitet shijeje të ngjashëm me atë që gjendet në ushqime si viçi, shafrani, e verdha e vezës, kardamoni, mishi i qengjit, kërpudha dhe tartufi”, shtoi Palisidis.

Profesori tha se ideja origjinale për Menunë Aristoteliane i erdhi në vitin 2016.

Theksi në dietën e re iu kushtua elementit të pestë, eterit.

Në bashkëpunim me Shoqatën e Hoteleve në Kalkidki-së, pjesëmarrësit e parë u ftuan të shijonin katër elementët e natyrës: zjarrin, përmes gastronomisë lokale; ajrin, përmes vizitave në vende me pamje magjepsëse; ujin, përmes ushqimeve të detit; dhe tokën, përmes verës, tsipouris dhe vajit të ullirit.

Pesë elementët dhe sekreti i dietës së filozofit të lashtë grek
Hapi tjetër ishte zbulimi i elementit të pestë, misterit që çdo vizitor ftohet të zbulojë nga vizita e tij në Stageira-n antike, vendlindjen e filozofit të madh, Aristotelit.

Palisidis prezantoi një menu model për të zbatuar filozofinë e Aristotelit në përvojën e ngrënies. Qëllimi ishte të provokonte një eksperiencë duke shijuar gatime dhe produkte nga vendi ku lindi filozofi i madh.

Mbi këto baza, tavolina e darkës së parë përmbante pesë kavanoza balte në vend të pjatave pasi grekët e lashtë gatuanin në enë balte.

Secili prej elementeve të natyrës, siç përshkruhet nga Aristoteli, përfaqësohej nga përbërësit bazë.

Për shembull, ajri përfaqësohej nga një zog; toka me verën dhe vajin e ullirit të prodhuar nga vreshti; uji nga frutat e detit; zjarri me elementin që gatuan frutat e detit; dhe eteri me një shije ‘umami’ që rezulton nga frutat e thata dhe domatet e thara në diell, mjalti, barishtet, vera dhe uthulla e ëmbël balsamike.

Fantazia, duke u bazuar në këta pesë elementë dhe ushqimet e shumta të Mesdheut magjepsës, mund ta shtyjnë këdo të bëjë kombinime marramendëse të cilat i përshtaten këtyre elementëve në tryezat e tyre të ardhshme.

“Menyja Aristoteliane është një propozim ideal ushqimor për këdo pasi kombinon karakteristikat e dietës mesdhetare – ushqime të pasura me fibra, probiotikë, anti-oksidantë dhe ushqimet e konsumuara të gjalla si frutat apo ullinjtë”, shprehet Palisidis.

Mos harroni… ajri, uji, toka, zjarri dhe…eteri.

Tani lëreni imagjinatën tuaj të lundrojë e lirë!

blank

Lule Qumështorja e Shqipërisë – Fuqitë shëruese

Lule Qumështorja përdoret gjërësisht për të pastruar rrugët e frymëmarrjes dhe për të trajtuar astmën.

Lule Qumështorja gjendjet kudo në Shqipëri, si në zonat malore ashtu edhe bregdetare.

Prania e saj në natyrën shqiptare është një vlerë e shtuar jo vetëm për hijeshinë e shtuar në pejsazhe por mbi të gjitha për vlerat kurative që ajo ka për shëndetin.

Lule Qumështorja është një bimë që i ka dhënë jetë shumë specieve të ndryshme në botën e bimëve.

Ajo është e pasur në vlera, për vetë faktin se pothuajse të gjitha pjesët e bimës kanë vlera të larta mjekësore.

Në momentin që prisni një gjethe ose një kërcell të saj, do të vini re një lëng qumështor që mpikset menjëherë. Ky lëng është toksik nëse bie në kontakt me lëkurën.

Rrjedhimisht, ndërkohë që disa pjesë të Lule Qumështores mund të përdoren në mjekësinë popullore, bima vetë mund të jetë toksike.

Këshillohet që në përpunimin ose këputjen e saj të përdoren doreza. Farat e Lule Qumështores nuk shiten në treg dhe kanë një jetëgjatësi të kufizuar.

Të dhëna interesante për vlerat ushqimore dhe mjekësore

Sipas ekspertëve të AgroWeb.org, Lule Qumështorja, përmban disa minerale shumë të rëndësishme, në veçanti sodiumin, kaliumin, kalciumin dhe lithiumin. Bima përmban gjithashtu beta karoten, vitaminë C dhe fenolë.

Lule Qumështorja përdoret gjërësisht për të pastruar rrugët e frymëmarrjes dhe për të trajtuar astmën.

Ajo ka një efekt zgjerues dhe çlirues për rrugët e frymëmarrjes që e bën ideale për shumë simptoma që prekin ato.

Rrënja e bimës ka efekt kundër të vjellave. Siç e përmendëm edhe më lart, ndonëse gjethet, rrënjët dhe lulet kanë vlera mjekësore, qumështi që ato nxjerrin është helmues dhe mund të dëmtojë lëkurën dhe sipërfaqe të tjera të trupit.

Vlerat shëndetsore dhe Përdorimet Terapeutike

Lule Qumështorja përdoret gjërësisht për të trajtuar bronshitin dhe problemet që kanë të bëjnë me astmën.

Kjo lule ofron shërim dhe çlirim nga simptoma të shkaktuara nga i ftohti dhe gripi.

Përdorime të tjera të Lule Qumështores i gjeni si më poshtë.

• Gjethet e Lule Qumështores vijnë në ndihmë kundër irritimeve të lëkurës. Qumështi mund të jetë toksik por eshtë efikas për heqjen e lythave.
• Ekstrakti i luleve të copëtuara të Qumështores mund të shërojnë infeksionet e syrit dhe inflamacionet e tij.
• Bima besohet të ofrojë shërim nga ethet tropikale sepse lehtëson prodhimin e trombociteve.
• Lule Qumështorja mund të përdoret edhe për të trajtuar pickimin e gjarpërit.
• Lule Qumështorja njihet të ketë vlera kundër krimbave dhe parazitëve të tjerë që prekin organizmin.
• Lule Qumështorja stimulon prodhimin e qumështit tek nënat lehonë.
• Rrënja e Lule Qumështores mund të transformohet në një pastë për të shëruar dhimbjet e stomakut. Megjithatë, ajo duhet konsumuar vetëm në doza të rekomanduara sepse mund të shkaktojë të vjella.
• Lule Qumështorja mendohet të ketë vlera antivirale dhe është përdorur në trajtimet e disenterisë dhe zbutjen e simptomave të diaresë.
• Ekspertët e mjekësisë popullore Kineze e përdorin këtë barishte për efektin e saj laksativ. Ajo largon lëngjet e tepërta nga trupi, zbut edemën dhe inflamacionin në gjendrat limfatike.

blank

Përparim në rritjen e embrionit sintetik, por rritja e organeve njerëzore mbetet larg për t’u arritur

VOA/AFP

Shkencëtarët e qelizave embrionale thonë se kanë krijuar për herë të parë “embrione sintetike” pa përdorur spermën, vezët apo fekondimin, por perspektiva e përdorimit të një teknike të tillë për rritjen e organeve njerëzore për transplantim mbetet e largët.

Lajmi u përshëndet si një hap i madh përpara, megjithëse disa ekspertë thanë se rezultati nuk mund të konsiderohet plotësisht si embrion dhe paralajmëruan për mundësinë e shkeljeve etike në të ardhmen.

Në hulumtimin e botuar këtë javë në revistën Cell, shkencëtarët në Institutin e Shkencës Weizmann në Izrael thanë se gjetën një mënyrë për t’i bërë qelizat embrionale të miut të vetë-bashkohen në struktura të ngjashme me embrionin në laborator.

Ata filluan duke mbledhur qeliza nga lëkura e minjve, dhe më pas i bënë ato të ktheheshin në gjendjen e qelizave embrionale.

Qelizat embrionale më pas u vendosën në një inkubator të posaçëm të krijuar nga studiuesit, i cili lëvizte vazhdimisht për të imituar barkun e nënës.
Shumica dërrmuese e qelizave nuk arritën të formonin asgjë.

Por 50 – 0.5 përqind e 10,000 qelizave në total – u mblodhën në sfera, e më pas në struktura të ngjashme me embrionin, thanë studiuesit.

Pas tetë ditësh – rreth një e treta e periudhës 20-ditore të shtatzënisë së miut – kishte shenja të hershme të trurit dhe rrahjes së zemrës, shtuan studiuesit.
Ato u përshkruan si 95% të ngjashëm me embrionet normale të miut.

‘Koha do ta tregojë’

Nëse organet e njeriut mund të rriteshin një ditë në laborator, teknika mund të sigurojë transplante që do të mund t’u shpëtonin jetën mijëra njerëzve çdo vit.

Shkencëtari i qelizave embrionale Jacob Hanna, i cili udhëhoqi hulumtimin, i tha agjencisë AFP se “Problemi i madh me transplantimin është se duhet të gjesh një donator me të cilin të përputhen parametrat dhe ADN-ja nuk është kurrë identike me pacientin”.

Por duke përdorur teknikën e re, një ditë shkencëtarët mund të marrin qeliza nga mëlçia e një pacienti, për shembull, dhe t’i përdorin ato për të krijuar qeliza embrionale, për të rritur një embrion sintetik dhe pastaj “i transplanton ato përsëri te pacienti”, tha shkencëtari Hanna.

“Qeliza do të krijohet nga pacienti, kështu që do të jetë ADN-ja e njëjtë – pa patur nevojë për të gjetur donatorë dhe organizmi nuk do të ketë refuzim,” shtoi ai.

Ndërsa ato janë strukturat më të avancuara sintetike të ngjashme me embrionet e rritura ndonjëherë, disa shkencëtarë që nuk u përfshinë në kërkim paralajmëruan që të mos i quanin ato “embrione”.

“Këto nuk janë embrione,” tha për AFP-në shkencëtari francez i qelizave embrionale Laurent David.
Ai preferoi t’i quante ato embrioide, emërtimi për një grup qelizash që i ngjajnë embrionit.
Megjithatë, zoti David mirëpriti hulumtimin “shumë bindës”, për të cilin ai tha se mund të lejojë eksperimente të mëtejshme për të kuptuar saktësisht se si formohen organet.

Përveç organeve, shkencëtari Hanna tha se embrioidet mund të ndihmojnë gjithashtu në identifikimin e objektivave të rinj për barnat dhe potencialisht të ndihmojnë në gjetjen e zgjidhjeve për një sërë çështjesh si humbja e shtatzënisë, infertiliteti, endometrioza dhe preeklampsia.
“Koha do ta tregojë”, tha ai.

Hanna, një palestinez që drejtoi kërkimin në institutin në Izrael, tha: “Shkenca është largimi im nga realiteti i ashpër me të cilin përballem ndërsa jetoj në atdheun tim.”
“Dhe unë jam një nga ata me shumë ‘fat’”, shtoi ai.

Autori i studimit është një student i doktoraturës nga territori palestinez i Gazës, që ka nevojë për një leje speciale që rinovohet rregullisht për ta lejuar atë të punojë në institutin në qytetin izraelit të Rehovotit.

Implikimet etike

Jacob Hanna ka themeluar kompaninë, Renewal Bio, për të cilën tha se “do të përqëndrohet në testimin e aplikacioneve të mundshme klinike të embrioneve sintetike njerëzore”.

Ai tha se ata kishin miratimin për një testim të tillë në Izrael dhe se ai ishte i ligjshëm në shumë vende të tjera si SHBA dhe Britani.

“Duhet të kujtojmë se embrionet sintetike janë embrioide dhe jo embrione reale dhe nuk kanë potencial për t’u bërë të zbatueshme,” tha ai.

Por studiuesit që nuk u përfshinë në studim thanë se ishte shumë herët për të konsideruar përdorimin e një teknike të tillë për njerëzit.

Alfonso Martinez Arias i Universitetit Pompeu Fabra të Spanjës tha se zbulimi “hap derën për studime të ngjashme me qelizat njerëzore, megjithëse ka shumë pengesa rregullatore për të kaluar në fillim dhe, nga pikëpamja e eksperimenteve, ato të kryera tek sistemet njerëzore mbeten prapa atyre të kryera tek minjtë”.

Synimi për të marrë rezultate të ngjashme nga qelizat njerëzore ka të ngjarë të hapë një debat të ashpër etike.

“Megjithëse perspektiva e embrioneve sintetike njerëzore është ende e largët, do të jetë thelbësore të përfshihemi në diskutime më të gjera rreth ndërlikimeve ligjore dhe etike të një kërkimi të tillë,” tha James Briscoe nga Instituti britanik Francis Crick.

blank

Si të pastroni një Ekspres Moka – Këshilla për ta bërë atë të shkëlqejë si në fillim

Moka është një makineri që shërben për përgatitjen e kafesë, e cila u shpik gati 100 vjet më parë.Foto:Flickr

Moka është një makineri që shërben për përgatitjen e kafesë, e cila u shpik gati 100 vjet më parë.

Ata që e adhurojnë kafenë dhe janë meraklinj të mëdhenj, ja dinë mirë vlerën.

Me kalimin e kohës dhe përdormin e shpeshë, ajo fillon të zërë njolla dhe të vjetërohet. Por me pastrimin e duhur, ju mund ta ruani si të ishte e re.

AgroWeb.org në këtë artikull ndan me ju disa sekrete të cilat do ta bëjnë më të lehtë pastrimin e saj dhe do i japë më shumë shkëqim se kurrë.

Gjithashtu do ju njohim edhe me disa këshilla të vlefshme për ta ruajtur sa më gjatë atë.

Si të pastroni eksperesin tuaj Moka

Për të pastruar në mënyrë korrekte pjesët e jashtme të saj, thjesht duhet ta shpëlani mirë pas çdo përdorimi dhe ta thani për të shmangur formimin e njollave.

Herë pas here, përdorni një sfungjer të butë (për të mos gërvishtur makinerinë) të spërkatur me ujë dhe uthull të bardhë.

Kështu do të mund të lustroni lehtësisht pjesën e poshtme e cila në kontakt me flakën mund të bëhet e zezë.

Ju mund të shtoni një majë luge sodë buke në uthull dhe moka do të shkëlqejë si e re.

Ndërsa për të pasur një filtër të pastër është e rëndësishme ta shpëlani mirë me ujë të rrjedhshëm e të ftohtë përpara se ta mbushni me kafe.

Gjithashtu kur vrimat zihen, zhyteni filtrin në ujë të vluar me lëng limoni për 30 minuta, më pas shpëlajeni dhe thajeni mirë.

Nëse vrimat ende nuk janë pastruar, provoni t’i lironi ato me një kruese dhëmbësh.

Pjesa që duhet t’i kushtohet më shumë vëmendje është rezervuari. Brenda tij shpesh, edhe nëse nuk e vëreni, mund të krijohen njolla për shkak të lëndëve kimike të pranishme në ujë.

Për ta pastruar, mjafton ta mbushni me ujë dhe uthull të bardhë, shtoni një majë luge kripë, mbylleni pa e mbushur filtrin me pluhurin e kafesë, vendoseni në sobë dhe lëreni sa uji të dalë jashtë.

Në fund bëni një proces bosh, vetëm me ujë, për të eliminuar erën e uthullës.

Me kalimin e kohës, guarnicioni grumbullon mbetje të pluhurit të kafesë dhe konsumohet. Nëse është i ndotur, thjesht pastrojeni me ujë të nxehtë dhe uthull. Por nëse është gërryer dhe konsumuar, duhet të blini të ri.

Një herë në muaj, për të pasur një moka që shkëlqen dhe për të shijuar një kafe denjë,  ju këshillojmë të çmontoni të gjitha pjesët dhe t’i lini të zhyten në ujë me uthull për 30 minuta. Nëse moka është prej alumini mund të përdorni edhe acid citrik, ose limon.

Në fund shpëlajini dhe thajini ato, por mos harroni të bëni një proces bosh për të eliminuar erën e uthullës.

Gabimet që duhen shmangur

Asnjëherë mos përdorni sapun sepse nëse nuk shpëlahet mirë do ta bëjë kafenë tuaj të pakonsumueshme.

Nëse sapo keni blerë një moka dhe mezi prisni të bëni një kafe, mos harroni të bëni fillimisht një proces provë që do të eliminojë shijen e metalit.

Mos e lini gjatë kafen në makineri, sidomos në verë sepse rrezikoni që kafeja ose pluhuri i përdorur të myket.

Përpara se ta ruani mokën në dollapin e kuzhinës, mos harroni ta çmontoni, ta lani dhe ta thani mirë me një leckë pambuku. Në këtë mënyrë do të shmangni krijimin e njollave dhe mykut.

Nëse e shtrëngoni shumë mokën kur e mbyllni, rrezikoni që guarnicioni të konsumohet shpej. Dhe nëse nuk e shtrëngoni mjaftueshëm kafeja juaj do të derdhet. Me pak fjalë, kini kujdes.

blank

Të flasësh me veten është shenjë inteligjence

Ekspertët thonë se të shprehurit e mendimeve me zë të lartë të ndihmon të kesh një botëkuptim më të qartë të të tashmes dhe të ardhmes.

Mund të të ketë ndodhur edhe ty që po lexon këtë artikull. Mund ta kesh gjetur veten duke menduar me zë të lartë pavarësisht ambientit apo njerëzve që të rrethojnë.

Mos u shqetëso, nuk ka asnjë problem. Sipas ekspertëve të folurit me veten është diçka shumë e mirë.

E Folura Me Veten Dhe Rëndësia e Saj

Njeriu flet me veten në heshtje gjatë gjithë kohës.

Këto monologje janë të shëndetshme dhe e mbajnë mendjen në punë.

Falë të folurës së brendshme, ne jemi në gjendje të organizojmë mendimet, planifikojmë veprimet, konsolidojmë kujtesën dhe të përpunojmë emocionet.

Ekspertët thonë se të shprehurit e mendimeve me zë të lartë të ndihmon të kesh një botëkuptim më të qartë të të tashmes dhe të ardhmes.

Sipas tyre, mënyra se si i flasim vetes dhe me veten është një monolog i çmuarr që shpalos mendimet, gjendjen emocionale dhe sjelljen.

Të Flasësh Me Veten Për Shëndetin Mendor

Një nga mënyrat më të mira për ruajtjen e shëndetit mendor është që të shkruani gjërat për të cilat jeni mirënjohës dhe më pas të qëndroni para pasqyrës dhe t’i përsërisni ato që keni shkruar me zë të lartë.

Një praktikë e tillë do ju vëjë në pozita të mira me veten dhe do ju udhëheqë drejt një dashurie më të madhe për veten.

Studimet kanë konfirmuar se njerëzit që flasin mirë me veten dhe për veten kanë një sjellje, perspektivë dhe reagim më të mirë.

Psikologët inkurajojnë njerëzit që t’i përshpërisin vetes fjalë të mira herë pas here, pavarësisht situatës ku ndodhen.

Sipas tyre përshpëritja e fjalëve positive ndaj vetes mund të na japë më shumë forcë dhe kurajo për tu përballur më një situatë jo të zakontë.

Nëse ndiheni kritikues apo negativë ndaj vetes e folura me veten mund t’ju ndihmojë të keni një perspektivë më të qartë të asaj që po ndodh.

Ekspertët janë të bindur se e folura me veten mund të jetë një shenjë e një mendje në formë dhe një personi tejet intelektual./AgroWeb.org

blank

Shqipëria me përqindjen më të lartë të njerëzve në Europë që nuk mund të ndjekin një dietë të shëndetshme!

  • Disa njerëz përjetojnë panik dhe ankth thjesht kur i shohin apo mendojnë për perimet.

Rreth 20% e popullsisë në Shqipëri gjatë vitit 2020 nuk kishin mundësi të ndiqnin një dietë të shëndetshme, sipas një studimi krahasues të Bankës Botërore që u publikua së fundmi.

Në këtë studim, Shqipëria rezultoi si vendi me përqindjen më të lartë të popullsisë në Europë që nuk kanë mundësi të ushqehen shëndetshëm.

Përballueshmëria e dietës u bazua në çmimet e artikujve ushqimorë të marra nga Programi Ndërkombëtar i Krahasimit (ICP), të kombinuara me të dhënat e përbërjes së ushqimit dhe kërkesat ushqyese nga një gamë e gjerë burimesh, duke përfshirë udhëzimet kombëtare dietike.

Pas Shqipërisë përqindjen më të lartë të popullsisë, që nuk kishte mundësi të ndiqte dietën e shëndetshme e kishte Maqedonia me 18%. Vendet e tjera të Rajonit dhe Europës kanë një përqindje shumë më të ulët të popullsisë që nuk kanë mundësi të ndjekin një ditë të shëndetshme.

Në vitin 2020, kostoja mesatare ditore globale e një diete të shëndetshme e krahasuar me fuqinë blerës ishte 3,54 dollarë. Në vendet me të ardhura të ulëta kostoja mesatare ishte 3,20 dollarë, ndërsa në vendet me të ardhura të larta ishte pak më e lartë në 3,35 dollarë. Kostoja më e lartë u vu re në vendet me të ardhura të mesme të larta, ku një dietë e shëndetshme kushtonte 3,76 dollarë, ndërsa në vendet me të ardhura të mesme të ulëta mesatarja ishte pak më e ulët në 3,70 dollarë.

Këto kosto janë shumë më tepër se komponenti ushqimor (52%) i kufirit aktual ndërkombëtar të varfërisë prej 1,90 dollarë në ditë.

Krahasimi i këtyre kostove me të dhënat e shpërndarjes së të ardhurave tregon nivelin e përballueshmërisë së dietës. Rreth 42% – ose 3.07 miliardë njerëz nuk mund të përballonin një dietë të shëndetshme në vitin 2020. Në vendet me të ardhura të ulëta dhe ato me të ardhura mesatare më të ulëta proporcionet u rritën në 88% dhe 69% respektivisht, dhe në dymbëdhjetë vendet më të prekura – të gjitha në Afrikën Sub-Sahariane, mbi 90% e popullsisë nuk mund të përballonte një dietë të shëndetshme.

Përqindja e njerëzve të paaftë për të përballuar një dietë të shëndetshme ra në të gjitha grupet e të ardhurave dhe në shumicën e rajoneve midis 2017 dhe 2019, por u rrit përsëri në vitin 2020. Kjo mund t’i atribuohet rritjes së mprehtë në nivel global të çmimeve të ushqimeve të konsumit në gjysmën e dytë të 2020 duke ndikuar në përballueshmërinë.

Më te shtrenjta nga grupet ushqimore janë ushqimet me origjinë shtazore, me çmim mesatarisht 0,87 dollarë për sasinë ditore të nevojshme për një dietë të shëndetshme. Për këtë grup ushqimor, kostoja më e lartë e regjistruar është në Azinë Jugore me 1,08 dollarë. Perimet janë të dytat më të shtrenjta me 0,79 dollarë ndërsa frutat kushtojnë mesatarisht 0,66 dollarë.

Burimi: Revista Monitor


Send this to a friend