Një burrë hyn në një dyqan lulesh

dhe zgjedh disa lule

luleshitësja i bën buqetë

dhe i lidh me një fjongo

ndërsa burri fut duart ne xhep

për të nxjerrë paratë që të paguajë lulet

por në këtë kohë krejt papritur

ai vë dorën mbi zemër

dhe bie

.

Dhe ndërsa ai bie

monedhat rrotullohen në dysheme

dhe lulet bien

bashkë me burrin

dhe paratë

dhe luleshitësja ka ngrirë atje

ndërsa monedhat rrokullisen

ndërsa lulet prishen

ndërsa burri vdes

kjo është vërtet kaq e trishtueshme

dhe ajo duhet të bëjë diçka

por luleshitësja

nuk di ç’të bëjë

ajo nuk di

ç’të bëjë më parë

.

Ka kaq shumë gjëra për të bërë

për këtë njeri që vdiq

për këto lule që u prishën

për këto monedha që rrokullisen

dhe s’kanë të ndalur