Dua të shoh kur fle

dhe nëse kjo është e pamundur.

Dua të shoh kur

fle. Vdes të fle

me ty. Si valë e qetë e errët

gjumi yt

të rrëshqasë rreth kokës sime

dhe të hyjë tek unë.

.

Të ecim bashkë në pyllin e shndritshëm

plot me gjethe blugjelbër që drithërojnë

me diellin e ujit bashkë me tri hëna

drejt guvës ku ma ndien zemra se do shkojmë

drejt frikës dhe misterit

.

Do doja të dhuroj degën e argjendtë

dhe lulen e vogël të bardhë dhe fjalën

që do të mbronte ëndrrën tënde

nga trishtimi i madh

dhe nga të gjitha trishtimet. Do të ndiqja

kur të ngjisje shkallët e pafundme;

Përsëri &bëhet!

Varkën që vozit ngadalë dhe kthehet

me kujdesin më të madh, flakën

në dy kupat e duarve

ku shtrihet trupi yt

ngjitur me timin dhe ti hyn tek unë

aq lehtë si të marrësh frymë.

.

Do të doja të isha ajër

ku ti banon për një çast

vetëm. Do të doja të isha e padukshme

& e domosdoshme.