VOAL- Zëvendëskryeministrja dhe ministrja e Punëve të Jashtme të Republikës së Kosovës Donika Gërvalla, në përgjigje të kritikave ndaj vlerësimit të saj se Bashkimi Evropian nuk është faktor paqeje dhe sigurie në Evropë dhe për ndikimin e këtij realiteti ndaj sigurisë në Ballkanin Perëndimor, ka publikuar në faqen e saj në facebook statusin e mëposhtëm:
“Një pyetje kyçe për sigurinë në Ballkanin Perëndimor është: A është BE-ja ajo që mund të garantojë sigurinë dhe paqen në Evropë?
Unë mendoj që ajo nuk është në gjendje dhe nuk ka kapacitet për ta garantuar sigurinë. Arsyet janë të qarta: mungon vullneti politik, mospajtimet brenda Bashkimit Evropian janë të mëdha dhe sa i përket sigurisë, pa SHBA-në dhe NATO-n, BE-ja është një tigër prej letre. BE-ja e di këtë dhe prandaj vazhdimisht lëshon pe, i ikën konfrontimit.”
I sfidoj publikisht “specialistët”, që para se të mësyjnë me sulme personale dhe etiketime nga më absurdet, të na tregojnë saktë se cila nga shkronjat e citatit të mësipërm është e pasaktë apo e pavërtetë.
Unë jam zëvendëskryeministre dhe ministre e Republikës së Kosovës, nuk jam zëdhënëse as e BE-së dhe as një mekanizmi tjetër. Si çdo politikan i përgjegjshëm, me fanatizëm dhe zë të lartë mbroj të vërtetën dhe interesin e vendit tim, dhe vetëm të vendit tim, kudo që më krijohet mundësia të flas, ashtu si edhe të tjerët mbrojnë interesin e vendeve apo organizatave që përfaqësojnë.
Një prej fatkeqësive të Kosovës është gjendja e mjerueshme e partive opozitare dhe përfaqësuesve të tyre. Si gjatë qeverisjes edhe tani në opozitë janë pa plan, pa strategji, pa vizion, pa dinjitet. Opozitë që përveç sulmeve personale, të bazuara në thashetheme dhe tituj bombastik dhe të pasaktë, asgjë nuk ofron.
E sa për PDK-në, e cila tenton të na frikësojë që, nëse ajo vjen në pushtet, ne nuk paskemi më vend në Kosovë, mundem vetëm t’iu përkujtoj që nuk janë të parët që nuk dëshirojnë të më shohin as fizikisht në vendin tim. I kam pasur vetëm 8 vjet kur më kanë përzënë për herë të parë nga vendi im. Por ata që për 19 vjet me radhë (1980-1999) më privuan nga e drejta për t’u kthyer në vendin tim, madje as edhe sa për të kthyer eshtrat e babait në tokën e tij, janë ata që nuk kanë më vend në Kosovën e lirë.
E për LDK-në, nuk po flas sonte. Po flasin kaq shumë vet, po vajtojnë, shajnë, mallkojnë e gënjejnë, saqë çdo fjalë nga ime do të ishte e tepërt.
Drejtuesi i Report tek RAI3 Sigfrido Ranucci: Do ta transmetojmë – presim akord të intervistojmë Ramën
Kumbulla e fëmijërisë Poemë nga Elida Buçpapaj
Autori i emisionit “Report” i referohet sondazhit të BalkanWeb: 60% e shqiptarëve i besojnë investigimit të RAI 3
Kujtim prej hiri që bie si muzg i vranët- Cikël poetik nga LULZIM LOGU
Poezi nga AVIGDOR HAMEIRI (1890 -1970)- I përktheu MIMOZA EREBERA
Dr. Gëzim Alpion: Forthcoming lectures on Mother Teresa in Singapore, Chennai and New Delhi – between 29th April and 3rd May
Marrëveshje 90 milionë euro mes Kosovës dhe Gjermanisë, synohet punësimi, energjia dhe integrimi
Pravda, rrjeti i dezinformimit të Rusisë, zgjerohet në Evropë pavarësisht ndalimeve
Skandali te shkolla e Magjistraturës- Lala: Po kapet sistemi i drejtësisë për 30 vitet e ardhshme
Veliaj shkoi vullnetarisht në SPAK? Gazetarja Lala nxjerr dokumentin: Ja e vërteta
MCC-ja dhe Kosova lansojnë programin për energjinë në vlerë prej 236 milionë dollarësh
Intervista- Gashi, thirrje banorëve në Kosovë të regjistrohen, pavarësisht përkatësisë etnike
