Dega Vatra Manhattan zhvilloi një takim me anëtarësinë për të diskutuar situatën aktuale në Federatën Vatra dhe zhvillimet e fundit që lidhen me përpjekjet për organizimin e një kuvendi në kundërshtim me vendimet e gjykatës.

Siç është bërë e qartë edhe në procesin gjyqësor në vazhdim, çdo veprim për organizim kuvendi apo aktivitetesh qeverisëse nën të ashtuquajturën Kushtetutë të vitit 2022 është në kundërshtim me rendin ligjor dhe vendimet e gjykatës.

Megjithatë, disa individë vazhdojnë të veprojnë në kundërshtim me këto vendime, duke rrezikuar përçarjen dhe dëmtimin e mëtejshëm të unitetit dhe integritetit të Vatrës.

Dega Vatra Manhattan mbetet e përkushtuar ndaj respektimit të ligjit, vendimeve të gjykatës dhe parimeve mbi të cilat është ndërtuar kjo organizatë historike. Në këtë kuadër, ne mbështesim përgatitjen e një procesi të rregullt dhe të ligjshëm për një kuvend gjithëpërfshirës, i cili duhet të zhvillohet vetëm në përputhje me vendimin përfundimtar të gjykatës dhe nën drejtimin e figurave me integritet dhe besueshmëri, si z. Ervin Dine, në rolin e tij si kryetar i Kuvendit.

I bëjmë thirrje të gjitha degëve legjitime të Vatrës që:

të mos bien pre e veprimeve të paligjshme;

të përgatiten për një proces të drejtë dhe transparent në momentin e duhur.

Gjithashtu, inkurajojmë komunikimin dhe koordinimin me Sekretaren e Përgjithshme të Vatrës, znj. Nazo Veliu, për çdo informacion të nevojshëm në lidhje me zhvillimet e mëtejshme.

U bëjmë thirrje të gjithë Vatranëve të tregojnë durim dhe maturi deri në përfundimin e procesit gjyqësor në Gjykatën Supreme të New York-ut.

Vetëm vendimi i gjykatës do të përcaktojë rrugën dhe kohën e kuvendit të ligjshëm — dhe askush tjetër.

Me respekt,

Dega Vatra Manhattan Branch

21q Screenshot