VOAL

Cikël poetik nga BESIM BOKSHI- Përgatiti për botim MUHARREM KURTI

April 10, 2023

RUBRIKA: Krijues të shquar të letërsisë bashkëkohore shqipe, pjesëmarrës dhe fitues të çmimeve në Mitingun e Poezisë.

Besim Bokshi (1931, Gjakovë, 2014 Prishtinë). Botoi librat me poezi: Në pritje(1966), Hije të këputura (1996),

Është kontribuues i dalluar në Mitingun e Poezisë. Konsiderohet poet i antologjive të vërteta të poezisë shqipe bashkëkohore, i cili ka sjellë qytetari në poezinë moderne.

Është marrë me studime gjuhësore.

BESIM BOKSHI

LUMI I THELLË

Rrëshqet ngadalë̈ drejt detit të pafund

me gurgullimë të mbytur

si zë i shterur i mortjes.

Është lutje e moçme për një katarakt –

pëshpërisin të trandura fushat pranë̈.

Lart, në majet e veta,

yjtë qeshin e luhaten.

TIM ET

Më doli gjumi. Llampa e ndezur!

Ti i mbështetur po rrije në skaj

dhe shikoje dritën –

ndoshta edhe fluturën që sillej rreth saj.

Veshët ushtonin në qetësinë e natës

Flutura u dogj…

Në sytë e tu dallova lotë

e thashë: ç’brenga Baba ka ?!

Sot mendoj:

Babë, u dogje pa lëshuar zë!

NË PRITJE

Kam pritur – si shkëmbi,

si ylli skaj horizontit – në pikëllim,

vite me radhë…

Larg jam,

aty ku puthen jeta dhe vdekja –

aty i përtyp ditët e mia të gastarta…

Kur të vijë,

ndoshta do të më gjejë të mplakur

e s’do të mund të qesh si flladi i pranverës.

Të vdes – nga gëzimi

do të mundem!

NATA KRIMINELE

Sonte zbriti plakë e lodhur,

dhe thith gazin, vajin, gëmimet e ditës

thellë, thellë ku krrat terri.

Si nata vetë, bota u bë memece.

E ndjeva kur jehoi vonë

ne gjirin e saj prej korbi,

kur jehoi shurdhët si vdekja një fshamë.

Dikush humbi një yll,

një shok në natën memece!

E pashë kur ia thithi sytë

thellë ku krrat terri –

kur ai thithi lehtë si gjakun e tij.

Dije!

Sonte u shuan edhe dy xixa

këtu poshtë, në fund të natës.

Sonte vdiq një njeri shurdhazi si nata!

TË MËRKURËN

S’do të më gjesh kurrkund,

se unë jam jehonë që tani e tretur –

njeri që linda të mërkurën.

E të mërkurën heret arrin e diella e madhe

e i këput të gjitha kambanat e jetës.

Sa afër ka qenë e marta!…

Mëkat!

Sa afër e enjtja!…

E ti, bir i së premtes fatlume,

kurrë s’do ta dish as përrallën

për njerëzit që lindën të mërkurën.

Sa afër e enjtja!

Sa afër e marta!…

twitter
Follow
facebook
linkedin

Fjalë kyçe: BESIM BOKSHI, Muharrem Kurti

Cikël poetik nga BESIM BOKSHI- Përgatiti për botim MUHARREM KURTI

Lajmet me interesante

Lajmet e fundit

ARKIVA E LAJMEVE

RRETH NESH

Cikël poetik nga BESIM BOKSHI- Përgatiti për botim MUHARREM KURTI

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL