VOAL- Nina Christen dhe Nino Schurter do të mbajnë flamurin zviceran nesër në mbrëmje gjatë ceremonisë së hapjes së Lojërave Olimpike të Parisit. Në Lojërat e fundit në Tokio, 30-vjeçari nga Nidwalden fitoi medaljen e artë në 50 metra me pushkë duke gjuajtur tre pozicione dhe të bronztë në 10 metra pushkë me ajër, ndërsa motoristi 38-vjeçar nga Grisons ishte kampion olimpik në Rio de Zhaneiro në 2016 dhe gjithashtu krenohet me një bronz dhe një argjend me pesë unaza në palmarët e tij të pasur. Schurter kishte qenë tashmë bartës i standardit tetë vjet më parë, por me rastin e ceremonisë së mbylljes.

“Nina Christen është një përfaqësuese e jashtëzakonshme e një sporti që ka kaluar nga niveli amator në atë profesional dhe që do të na japë ende shumë kënaqësi”, tha shefi i delegacionit zviceran Ralph Stöckli – Nino Schurter nga ana tjetër e ka shënuar sportin e tij si asnjë tjetër dhe po e mban veten në një unik prej vitesh në krye të hierarkisë botërore”.RSI

Raketa ruse, sipas burimit, dëmtoi rëndë selinë e fondacionit zviceran të çminimit aktiv në Ukrainë me mbi 600 bashkëpunëtorë.

VOAL- Selia e Fondacionit Zviceran të Çminimit (FSS) u godit nga një raketë ruse të mërkurën në mëngjes në Harkiv, në Ukrainën lindore. Ndërtesa u dëmtua rëndë, por asnjë punonjës nuk u vra apo u plagos, tha OJQ-ja me bazë në Gjenevë.

Shpërthimi, siç tregojnë pamjet e para të incidentit, shkatërroi edhe automjete dhe pajisje, tha FSS.

Organizata tha se ishte “thellësisht e pikëlluar” dhe po merrte masa të menjëhershme për të garantuar sigurinë e stafit dhe për të mbështetur të prekurit. Ajo do të kryejë një vlerësim të dëmit të pësuar dhe do të zhvillojë një plan për të rifilluar operacionet “sa më shpejt të jetë e mundur”.

Mbi 600 njerëz janë të punësuar nga FSS në Ukrainë në pastrimin e “qindra mijëra minave kundër personelit dhe antitank dhe municioneve të pashpërthyera”, lexojmë në faqen e internetit të OJQ-së zvicerane.

Deminimi në vendin e sulmuar nga Rusia bëhet gjithashtu me mbështetjen financiare të Konfederatës. Shtatorin e kaluar Këshilli Federal miratoi një paketë prej 100 milionë frangash për rikuperimin e zonave civile dhe bujqësore në Ukrainë në vitet 2024-2027. ATS/RSI

Voal.ch – Gazeta Blick ka një shkrim autorial për dorëheqjen e sulmuesit më të suksesshëm të Kombëtares Zvicerane të titulluar: “Dorëheqja e Xherdan Shaqirit: frustrim apo miqësi”

Autori i shkrimit kujton se pas dy fitoreve, dy barazimeve dhe një humbje në Kampionatin Europian 2024 kaq ka mjaftuar që Zvicra të kridhet në gëzim kolekti. Në fakt kjo është një fitore e kurorëzuar si rezultat i një loje të një brezi shumë të talentuar lojtarësh dhe midis tyre Xherdan Shaqiri, sulmuesi më i mirë i Kombëtares zvicerane që është vetëm disa muaj më i madh se Granit Xhaka, i cili javën që shkoi dha dorëheqjen.

Autori përmend euforinë e mediave të cilat trajnerin e kombëtares Murat Jakin të kritikuar nga ekspert taktik me mangësi pas Kampionatit e transformuan në i preferuari i zviceranëve.

Por largimi i Xherdan Shaqirit përmes një lajmi të tij në rrjetin Instagram, pa asnjë lajmërim dhe as konferencë për shtyp ka krijuar hije dyshimi.

Dhe Blick pyet e si të jetë puna. A ka qenë i frustruar dhe i zhgënjyer Xherdan Shaqiri, pyet Blick.

Ne si spektatorë e kemi parë se Shaqiri është futur shumë pak gjatë ndeshjeve të Kampionatit Europian, por sa herë që është futur ai ka sjellë energji dhe është ndjerë prania e tij.

Blick, vë në dukje se zëvendësi i Kombëtares Pierluigi Tami, që moderoi mosmarrëveshjen Yakin/Xhaka vjeshtën e kaluar a ia ka futur gjumit me rastin e Shaqirit dhe ka nënvlerësuar eksplozivitetin e këtij personaliteti? A nuk mund të parandalohej ky fund i parakohshëm dhe Blick pyet “Çfarë roli luajti Murat Yakin në këtë?”/EB

22 korrik 2024

Njoftim për mediat

U nënshkrua Marrëveshja midis Kuvendit, Komisionit Qendror të Zgjedhjeve dhe Qeverisë së Zvicrës mbi përmirësimin e funksioneve parlamentare dhe proceseve zgjedhore

Kryetarja e Kuvendit, znj. Lindita Nikolla, Komisioneri Shtetëror i Zgjedhjeve, z. Ilirjan Celibashi, dhe Ambasadorja e Zvicrës, znj. Ruth Huber, nënshkruan sot në Kryesinë e Kuvendit marrëveshjen për programin “Mbështetje për Parlamentin dhe Edukimin Qytetar”.

Kjo marrëveshje tre-palëshe midis Kuvendit, Komisionit Qendror të Zgjedhjeve dhe Qeverisë së Zvicrës do të mbështesë me asistencë teknike përmirësimin e funksioneve përfaqësuese, ligjbërëse dhe mbikëqyrëse të Kuvendit si dhe administrimin dhe transparencën në proceset zgjedhore.

“Marrëveshja synon përmirësimin e funksionit përfaqësues, legjislativ dhe kontrollues të Kuvendit, nëpërmjet përmirësimit të procesit zgjedhor, realizimit të një procesi ligjbërjeje të bazuar në të dhëna, forcimit të bashkëpunimit me institucionet e pavarura dhe kontributit aktiv të shoqërisë civile në këto procese. Zbatimi i projektit do të kontribuojë në rritjen e përgjegjshmërisë, llogaridhënies, produktivitetit dhe transparencës së veprimtarive të Kuvendit të Shqipërisë. Suksesi i zbatimit të projektit PACEP na solli në këtë fazë të dytë, e cila kam besim se do të jetë po aq e sukseshme sa edhe e para.”, theksoi Kryetarja e Kuvendit, znj. Lindita Nikolla.

“Nga perspektiva e Zvicrës, ne e shohim rolin e Parlamentit si thelbësor për demokracinë në Shqipëri. Parlamenti është pjesë kyçe e sistemit të kontrolleve dhe balancave në vend. Dhe ai ka nevojë të mprehë dhe të përmirësojë tre funksionet kryesore: përfaqësimin e popullit, ligjbërjen e mirë, dhe mbikëqyrjen e qeverisë’, tha Ambasadorja zvicerane Ruth Huber.

“Me marrëveshjen e sotme ne i hapim rrugë fillimit të një metode më përmbledhëse të mbikëqyrjes dhe kontrolleve e balancave, duke theksuar punën e institucioneve të pavarura dhe shoqërisë civile”, shtoi Ambasadorja Huber.

“Marrëveshja që po nënshkruajmë sot, PACEP 2, është një dëshmi e angazhimit tonë të përbashkët për të forcuar demokracinë dhe për të garantuar transparencë dhe besueshmëri në proceset zgjedhore”, tha Komisioneri Shtetëror i Zgjedhjeve Ilirjan Celibashi.

“Falë mbështetjes dhe përkushtimit të Qeverisë Zvicerane, ne do të kemi mundësinë të integrojmë teknologji të avancuara që do të na ndihmojnë në përmirësimin e menaxhimit të zgjedhjeve, duke rritur efikasitetin dhe duke minimizuar gabimet. Kjo mbështetje është një vlerë e shtuar për proceset tona zgjedhore dhe do të shërbejë si një shembull i shkëlqyer i bashkëpunimit ndërkombëtar mes Kuvendit, KQZ dhe Qeverisë së Zvicrës. Një falënderim i veçantë shkon për ambasadoren Huber dhe ekipin e saj për përkrahjen dhe përkushtimin e tyre të vazhdueshëm ndaj zhvillimit demokratik të Shqipërisë.“ shtoi Z. Celibashi.

Sipas marrëveshjes, qeveria zvicerane përkushton 9.5 milion franga zvicerane për periudhën deri në 2028 për të realizuar këtë projekt mbështetës. Disa nga rezultatet e pritshme kanë të bëjnë me kuadrin ligjor të zgjedhjeve, me proceset e ligjbërjes, me rritjen e rolit mbikëqyrës të Parlamentit, me administrimin e zgjedhjeve si dhe rritjen e transparencës së proceseve zgjedhore.

Një nga shembujt e punë së nisur gjatë fazës së mëparshme është edhe përdorimi i teknologjisë novatore dhe digjitalizimit në procesin e ligjbërjes. Kjo formë asistence ka nisur nga OSBE dhe do të konsolidohet më tej gjatë kësaj faze.

Partnerët zbatues të projektit janë OSBE, Instituti Demokratik Kombëtar (NDI) dhe Global Partners Governance (GPG).

Nacional

Një studim i MeteoSvizzera thotë kështu – Ndryshimi i klimës është në rrënjë të fenomenit

VOAL- Për shkak të ndryshimeve klimatike, Zvicra përjeton reshje më të mëdha dhe më të shpeshta. Shpatet veriore dhe jugore të Alpeve dhe verilindja e vendit janë më të prekurat nga fenomeni. Këtë e tregon një studim i publikuar të dielën nga MeteoSvizzera. Një trend që është mjaft i dobët në Alpe dhe në disa pjesë të Romandisë dhe në Ticino qendrore-jugore. Në raport u morën parasysh tendencat ndërmjet viteve 1901 dhe 2023.

Mesatarisht, reshjet e dendura ditore janë tani 11% më intensive se në fillim të shekullit të 20-të. Ndërsa reshjet e dendura që ndodhin pothuajse katër herë në vit janë mesatarisht 25% më të shpeshta se në fillim të shekullit të kaluar.

Studimi analizoi gjithashtu reshjet intensive që zgjasin midis dhjetë minutave dhe pesë ditëve midis 1981 dhe 2023. Intensiteti i reshjeve të shkurtra – që zgjasin nga dhjetë minuta (+4,7% në dekadë) në gjashtë orë (+ 2,4% në dekadë) – është rritur ndjeshëm. Frekuenca e tyre, megjithatë, nuk ka ndryshuar shumë.

Rezultatet nga 120 vitet e fundit korrespondojnë me pritjet fizike që reshjet e mëdha do të rriten me rritjen e temperaturave për shkak të ndryshimeve klimatike, vëren MeteoSwiss. Megjithatë, ulja e shpeshtësisë dhe intensitetit të reshjeve të mëdha ditore dhe shumëditore gjatë 40 viteve të fundit tregon gjithashtu se ndikimi i ndryshueshmërisë natyrore mbetet i rëndësishëm. ATS/RSI

Ata që e përcjellin lojën e futbollit natyrisht janë edhe njohës të historisë së klubeve të ndryshme të Evropës. Madje ithtarët e vërtetë të kësaj loje të popullarizuar i njohin shumë mirë edhe biografitë e lojtarëve, si dhe lëvizjet e tyre nga njëra skuadër tek tjetra.

Me fillimin e shekullit të ri krahasuar me vendet e tjera të Perëndimit, futbolli në Zvicër, ka evoluar dukshëm.

Protagonistë të këtij zhvillimi kaq të hovshëm pa pikë dyshimi janë edhe të rinjtë shqiptarë. Ata kushtet e shkëlqyeshme të punës dhe leksionet e trajnerëve i kanë shfrytëzuar maksimalisht.

Qasja dhe ngulmi në punë kanë bërë që edhe pse pa ndonjë traditë të më hershme me ekipin nacional të Zvicrës, gjatë viteve 2003-2004, të luajë edhe Milaim Rama.

Paraqitjet e tij me Zvicrën ishin paralajmërim se të rinjtë shqiptarë do ta thyejnë bindjen e gabuar të grupeve ksenofobe se ata nuk janë shitës droge dhe keqbërës.

Pas Milaim Ramës me ekipin nacional të Zvicrës, do të shkëlqejnë edhe futbollistët si: Valon Behrami, Blerim Xhemaili, Amir Mehmedi, Pajtim Kasami, Frederik Veseli, Xherdan Shaqiri dhe Granit Xhaka.

Të nxitur nga arritjet e tyre dhe lojërat e mrekullueshme në listat e përzgjedhëseve të Zvicrës, në periudha të caktuara kohore do të jenë edhe Albian Ajeti, Florent Hadergjonaj, Shani Tarashaj, Florian Kamberi, Andi Zeqiri, Uran Bislimi, Kastriot Imeri, Ardon Jashari dhe Albian Hajdari.

Po ashtu me grupmoshat e juniorëve shpresë e Zvicrës, kanë defiluar dhjetëra shqiptarë të lindur apo të natyralizuar në Zvicër.

Në anën tjetër duke filluar nga Ligat e qarkut deri në Supërligën profesioniste të Zvicrës, në çdo skuadër kanë luajtur dhe luajnë të paktën 4-5 futbollistë me rrënjë shqiptare.

Kuptohet që Zvicra ka ndarë për vete ajkën e futbollistëve ikona. Në analet e historisë së futbollit zviceran me plotë meritë janë përjetësuar Xherdan Shaqiri e Granit Xhaka.

Bile, Xhaka me lojërat e manifestuara në Kampionatin Evropian “Gjermania 2024” ka plotësuar të gjitha konditat që të stoliset me trofeun e çmuar të Parisit “Topi i Artë”

Kjo plejadë lojtarësh  të shquar me gjenezë shqiptare përveç Zvicrës, i ka bërë krenar edhe mijëra bashkëkombës nga Kosova, Shqipëria, Maqedonia e Veriut, Kosova Lindore, Ulqini, Kraja e Gucia.

Dikur ekipet rivale Zvicrën e konsideronin si një nga rastet më të përshtatshme për të përmirësuar golaverashin e tyre.

Kjo përvojë e hidhur i takon të kaluarës. Sot, ekipi nacional i Zvicrës, është i frikshëm edhe për Brazilin, Argjentinën, Spanjën, Gjermaninë, Anglinë, Italinë, Holandën, Belgjikën etj.

Veç kësaj Zvicra është furnizuesja kryesore e Kosovës, Shqipërisë dhe Maqedonisë së Veriut, me futbollistë cilësorë.

Në skuadrat e Zvicrës, kanë luajtur me sukses: Lorik Cana, Burim Kukeli, Federik Veseli Taulant Xhaka, vëllezërit  Migjen e Vullnet Basha, Gjelbrinm Taipi, Jahmir Hyka, Armando Sadiku, Ermir Lenjani, Jurgen Gjasula, Fidan Aliti, dhe Shkelzen Gashi, të gjithë të angazhuar në kombëtaren e Shqipërisë.

Aktualisht ngjyrat e kombëtares së Shqipërisë i mbrojnë edhe futbollistët: Berat Gjimshiti, Arlind Ajeti, Naser Aliji, Nedim Bajrami, Amir Abrashi dhe Taulant Seferi, deri para 5-6, vjetëve shumica prej tyre  lojtarë standard të ekipeve të Superligës së Zvicrës.

Zvicra po ashtu është rezervuar edhe i kombëtares së Republikës së Kosovës. Në kombëtaren e Kosovës në intervale të ndryshme kohore kanë luajtur: Albert dhe Imran Bunjaku, Kristian Nushi, Mërgim Brahimi, Alban Pnishi, Denis Markaj, Benjamin Kololli, Idriz Voca, Hekuran Kryeziu, Jetmir Krasniqi, Shkëlqim Demëhasaj, Eris Abedini, Lorik Emini, Alban Ajdini etj.

Paraqitje të shpeshta në 11-shin e parë të Kosovës kanë bërë: Fidan Aliti dhe Florent Hadergjonaj.

Në regjistrat e kombëtares së Kosovës, figurojnë edhe futbollistët Mirlind Kryeziu, Donat Rrudhani dhe Betim Fazliu. Në dispozicion të kësaj kombëtareje  janë edhe Kreshnik Hajrizi, Tomi Domgjoni, Ismail Beka dhe Shkëlqim Vladi, aktiv edhe në skuadrat e Superligës zvicerane.

Në Zvicër hapat e parë si futbollist i ka bërë edhe Ezgjan Alioski. Paraardhësve të tij autoritet e atëhershme  sllavo-maqedonase ia kanë deformuar mbiemrin nga Aliu në Alioski. Kjo familje është puro shqiptare dhe origjina e saj është nga fshati Cernilishtë e Prilepit të Maqedonisë së Veriut.

Ezgjan Alioski do të mbetet gjatë në kujtesën e simpatizantëve të flaktë të klubeve zvicerane BSC  Young Boys, FC.Schaffhausen dhe FC. Lugano.  Ai në këto skuadra ishte shumë i frytshëm, qoftë në rolin e mbrojtësit apo sulmuesit. Alioski në ndeshjet vendimtare për skuadrat helvetike ka shënuar 27 gola.

Alioski që nga viti 2013, ka filluar të luajë në seleksionin e Maqedonisë së Veriut. Analistë dhe njohës të futbollit atë e konsiderojnë lokomotivë të kësaj ekipe.

Shpresojmë që një emër tjetër i lindur dhe i formuar si portier në Zvicër, shumë shpejtë do t’i pushtojë zemrat e mijëra sportdashëseve të Republikës së Kosovës.

Bëhet fjalë për djaloshin trupgjatë e në reagime vetëtimë Amir Shaipi, i cili me mbrojtjet e tij, bravuroze e ka mbajtur vite me radhë larg rrezikut FC Schaffhausen-in, pretendent për t’u rikthyer në shoqërinë e vjetër.

Murat Yakin, ish-reprezentues dhe për momentin selektor i Zvicrës, duke parë talentin e Shaipit u ka sugjeruar aksionarëve të FC. Schaffhausen, që në rast ofertash nga klube në rang më të lartë garash të mos pengohet.

Shaipi nga viti 2021 me sukses e ruan portën e skuadrës tiçineze FC Lugano. Ai me këtë ekip të Superligës së Zvicrës është paraqitur në 83-ndeshje.

Duke qenë çdoherë në nivel të detyrës, skuadra e tij është bërë Nënkampion për vitin 2023-2024 e Kampionatit futbollistik të Zvicrës. Gjithashtu tiçinezët janë edhe Finalist të Kupës së këtij vendi.

Amiri po ashtu është ftuar edhe në seleksionet U- 20 – dhe U-21 të Zvicrës, të cilat përgatisin futbollistë të dalluar për ekipin A të helvetikëve.

Shaipi i gjatë gati 2 metra dhe me trup elastik të gjitha goditjet në lartësi i dëbon me lehtësi mbi transversalen e portës së tij.

Ai shquhet edhe me degazhimet precize të topit dhe vështrimin e rrjedhës së lojës. Po ashtu në rast rreziku thërret bashkëlojtarët e mbrojtjes për syçelëtësi dhe pozicionim aty ku e kërkon nevoja.

Federata e Futbollit të Kosovës, nuk duhet të qëndrojë e hamendësuar dhe e përgjumur por duhet të arrijë sa më parë marrëveshje me Amir Shaipin, ngase ai lehtë mund të “rrëmbehet“ nga të tjerët.

Shaipi, në formë të shkëlqyer parashihet edhe si zëvendësim adekuat i portierëve Yann Sommer ,Gregor Kobel dhe Jonas Omlin të Zvicrës.

Sommer që në dhjetor mbush 36 vite e Omlin, më 10 janar ka mbushur të 30-tat,janë afër përfundimit të karrierës.

Prandaj,cilido qoftë përzgjedhësi i ekipit të Zvicrës, duhet të mendoj për zëvendësimin e tyre me ndonjë talent të kalibrit të Shaipit.

Ndërkaq, kombëtarja e Kosovës edhe pse me buxhet të varfër ngadalë, por sigurt po shkon drejt konsolidimit. Me ndonjë trajner profesionist dhe angazhimin e talenteve brenda dhe jashtë vendit Kosova, në një të ardhme të afërt mund të bëhet një Zvicër e dytë.

Amir Shaipi, një çun inteligjent mendojmë se në rastin konkret do ta kujtojë maksimën ” më mirë një zog në duar se njëqind në qiell” dhe do të gjejë gjuhë të përbashkët me krerët e Federatës së Futbollit të Kosovës.

Shaipi edhe me kombëtaren e Kosovës mund të afirmohet dhe të synojë kalimin në klube të njohura të Anglisë, Italisë, Gjermanisë apo Spanjës.

Ky djalosh entuziast dhe i edukuar nga bashkëlojtari i tij, Jetmir Krasniqi, ish-futbollist i FC Lugano dhe FC. Schaffhausen, vlerësohet lartë si portier i klasit më të mirë dhe si njeri i qytetëruar.
Andaj, Amir Shaipi me prejardhje nga komuna e Prizrenit të Kosovës,në këto çaste i nevojitet tepër Kosovës, sepse me ardhjen e tij shtohen aspiratat për kualifikim në Evropianin e radhës.

Detyrë jona është që Amirin ta mirëpresim dhe ta përkrahim sa më fuqishëm!
ARIF  EJUPI

SRG shpall qytetet finaliste, duke përjashtuar Zyrihun dhe Bernën. Vendimi përfundimtar do të merret në fund të gushtit

VOAL- Konkursi i ardhshëm i këngës në Eurovizion do të mbahet në Gjenevë ose Bazel. Këtë e bëri të ditur sot SSR. Ndaj dhe kandidaturat e Zyrihut dhe dyshes Bern-Bienne u hodhën poshtë, kjo e fundit ishte edhe vendlindja e Nemos.

Ngjarja do të mbahet në Zvicër në vitin 2025, pas fitores së Nemo në edicionin e sivjetmë të mbajtur në Malmö të Suedisë. Qyteti pritës do të vendoset në fund të gushtit.

Sipas asaj që u komunikua një muaj më parë nga autoritetet e saj, “Gjeneva ka gjithçka që duhet për të organizuar një edicion të suksesshëm 2025”. Të gjithë përdorin infrastruktura si Palexpo, rrjetin hekurudhor, aeroportin dhe hotelet.

Nga ana e tij Bazeli ofron mjediset e St. Jakobshalle ku zhvillohen ndeshjet e tenisit, të hendbollit dhe të lojërave të tjera me dorë për të mikpritur ngjarjen, dhe stadiumin e futbollit St. Jakob-Park për të mundësuar që 20 000 shikues të ndjekin Eurovizionin në një ekran të madh. ATS/RSI

 Zvicra ngjitet me katër vende, me Argjentinën ende në krye

VOAL- Pas arritjes në çerekfinale të Euro 2024, Zvicra u rikthye në top 15-shen e renditjes së FIFA-s. Falë fitoreve ndaj Hungarisë dhe Italisë dhe barazimit me Gjermaninë, Zvicra u ngjit në vendin e 15-të, duke kaluar Shtetet e Bashkuara, Meksikën, Japoninë dhe Senegalin. Argjentina është ende në komandë, përpara Francës dhe Spanjës, e cila fitoi pesë vende duke u bërë kampione evropiane. E katërta është Anglia, e cila kaloi Brazilin. RSI

Për viktimat e motit të keq që goditi Valais, Grisons dhe Ticino në fund të qershorit, Swiss Solidarity deri tani ka mbledhur mbi 10 milionë franga donacione me mbështetjen e SRG dhe mediave private.

VOAL- Falë bujarisë së madhe të popullsisë, shpjegon sot një shënim nga Zinxhiri i Solidaritetit, ndihmat e nisura tashmë në kantonet e prekura nga shkatërrimi do të mund të intensifikohen në javët dhe muajt e ardhshëm. Pagesat në Zinxhirin e Solidaritetit, për “motin e keq në Zvicër”, mund të bëhen përmes e-banking dhe përmes kodit QR më poshtë në: CH82 0900 0000 1001 5000 6

Paratë e mbledhura deri më tani janë të destinuara kryesisht për individët privatë që jetojnë në komunat e prekura – mbi 30 – dhe që kanë pësuar dëme. Për momentin, Swiss Solidarity ka transferuar tashmë mbi gjysmë milioni ndihmë urgjente për komunat e prekura dhe do të vërë në dispozicion fonde të tjera në ditët në vijim.

Në nivel lokal, sërish të martën, FC Lugano njoftoi nisjen e mbledhjes së fondeve “#noiuniti: le të mbështesim Alta Vallemaggia dhe Moesano”. Klubi fillimisht do të kontribuojë me 30,000 franga dhe të ardhurat nga shitja e biletave (dhe bluzave zyrtare) për ndeshjen debutuese në shtëpi në ligë kundër Grasshopper të Zyrihut do t’i dhurohen tërësisht nismës. RSI

Fusha Roseto në Val Bavona pas përmbytjes

Zyra Federale për Mjedisin ka publikuar analizën e parë të përmbytjeve që goditën Ticino, Grisons dhe Valais – I dyshuari kryesor ishte përzierja e shiut të dendur dhe borës në lartësi të mëdha.

VOAL- Përmbytjet e shkaktuara nga moti me stuhi shirash dhe bore që goditi rajonet Valais dhe Mesolcina më 21 qershor dhe ato më 29-30 qershor në Vallemaggia janë ngjarje që statistikisht ndodhin vetëm çdo 50-100 vjet. Kështu thuhet në një deklaratë për shtyp të lëshuar të martën nga Zyra Federale për Mjedisin. Vetë BAFU nënvizon se si reshjet e dendura u shoqëruan me shkrirje intensive të borës.

Që nga mesi i qershorit, stuhitë dhe reshjet e mëdha kanë goditur veçanërisht Valais, Grisons dhe Ticino, duke shkaktuar viktima dhe një “rritje ekstreme” të nivelit të ujit të lumenjve të mëdhenj dhe të vegjël, siç nënvizohet në analizën e parë të përmbytjeve të verës.

Situata u bë edhe më kritike nga fakti se në muajin qershor zonat me lartësi mbidetare ishin ende të mbuluara nga një sasi dëbore mbi mesatare. Temperaturat e ftohta të pranverës në fakt kanë vonuar procesin e shkrirjes, nënvizon BAFU.

Në gjysmën e dytë të qershorit temperaturat ishin të larta dhe kufiri i reshjeve të borës ishte në lartësi të madhe. Prandaj, grumbulli i borës ishte njomur dhe në proces shkrirjeje. Krahas motit të keq të kësaj periudhe, ka pasur një shkrirje intensive të borës. Kjo situatë rezultoi “vendimtare”, veçanërisht për shkak të prurjeve të larta të vërejtura në pellgun e lumit Rhone. RSI

Xherdan Shaqiri është larguar nga përfaqësuesja e Zvicrës. Pasi luajti për disa vite me fanellën helvete, lojtari me origjinë shqiptare ka vendosur të thotë mjaft.

“Shtatë turné, shumë gola, 14 vjet në Kombëtaren e Zvicrës dhe momente të paharrueshme. Është koha që t’i them lamtumirë Kombëtares. Kujtime të mëdha do të mbesin dhe ju them të gjithëve: Faleminderit”, shkroi Shaqiri.

32-vjeçari numëron 125 ndeshje me Zvicrën, në të cilat ka realizuar 32 gola. Nuk mund të lihet pa përmendur goli në këtë Europian ndaj Skocisë, një nga më të bukurit e turneut. Më parë, ai ka qenë pjesë e përfaqësueseve zinxhirë të zviceranëve. bw

Të paktën tri  viktima të aksidentit që ndodhi në kantierin e ndërtimit të qendrës tregtare Malley Lumières, në qytetin në periferi të Lozanës – Tetë persona të tjerë të plagosur, katër në gjendje të rëndë.

VOAL- Tre punëtorë humbën jetën dhe të paktën tetë të tjerë u plagosën, katër prej të cilëve janë në gjendje të rëndë, mëngjesin e së premtes në Prilly, jo shumë larg Lozanës, për shkak të shembjes së një skele të madhe. Kështu ka bërë të ditur policia e kantonit Vaud. Gjashtë persona të plagosur u dërguan në CHUV në Lozanë, duke përfshirë një me helikopter dhe dy të tjerë në HUG në Gjenevë.
Aksidenti ka ndodhur pak para orës 09:30. Në vendin e aksidentit ndodhet edhe Prokuroria Publike, e cila ka nisur hetimet për zbardhjen e shkaqeve të aksidentit.

Aksidenti i rëndë ndodhi në kantierin e “Malley Phare”, një projekt ngritës 14-katësh në çatinë e qendrës tregtare “Malley Lumières”, ngjitur me “Vaudoise Arena”. Dy ndërtesat u evakuuan përkohësisht dhe qendra sportive u përdor për të akomoduar dhe trajtuar të plagosurit.

Sipas disa dëshmitarëve dhe punëtorëve, një ashensor mallrash u shemb nga maja e kullës, duke marrë me vete edhe skelat e fasadës veriore. Shërbimet e urgjencës kanë frikë se mund të bjerë edhe pjesa tjetër e strukturës: është kryer punë sigurie. Ndërtesa ka gjithsej 19 kate dhe është pothuajse 60 metra e lartë.

Ekipi i ndihmës psikologjike në Vaud dhe ekipi i ndihmës emergjente u kujdesën për rreth njëzet persona të përfshirë, por jo të lënduar, dhe familjet e viktimave, shtohet.ATS/RSI