Qeveria franceze jo vetëm që dëshiron të shmangë një përshkallëzim në Lindjen e Mesme, po gjithashtu dëshiron të parandalojë që konflikti të importohet në Francë. Pesëdhjetë akte antisemitike thuhet se janë kryer që nga fundjava.

Krerët e tri institucioneve kryesore të Bashkimit Evropian u mblodhën jashtë Parlamentit Evropian në Bruksel për të mbajtur një minutë heshtje për të vrarët në sulmin e Hamasit në Izrael.

Momenti simbolik u pasqyrua në parlamentin gjerman dhe rumun.

Presidentja e Parlamentit të BE Roberta Metsola tha se 7 tetori do të mbetet në turpin e historisë.

“Ne jemi këtu me Presidentin e Këshillit Evropian, Presidentin e Komisionit Evropian dhe të gjithë ju si një për të shprehur solidaritetin tonë, për të dënuar aktet e tmerrshme të terrorit dhe vrasjeve dhe për të kërkuar lirimin e menjëhershëm të pengjeve,” i tha Metsola i tha turmës.

Zëdhënësi i qeverisë franceze Olivier Veran tha se gjithçka duhet bërë për të shmangur përshkallëzimin në Lindjen e Mesme dhe për të mbrojtur popullsinë civile:

“Këto sulme të pajustifikueshme terroriste nga Hamasi nuk duhet të na shpërqendrojnë nga kërkimi i një paqeje të qëndrueshme dhe një zgjidhje politike të konfliktit,” tha ai të mërkurën.

Qeveria franceze jo vetëm që dëshiron të shmangë një përshkallëzim në Lindjen e Mesme. Ajo gjithashtu dëshiron të parandalojë që konflikti të importohet në Francë. Pesëdhjetë akte antisemitike thuhet se janë kryer që nga fundjava.

Ndërkohë, presidenti i Turqisë Rexhep Tajip Erdogan u bëri thirrje Shteteve të Bashkuara dhe vendeve evropiane që të kenë një qasje të ekuilibruar ndaj konfliktit, duke akuzuar Izraelin se po zhvillon “jo një luftë, por një masakër”.

“Sulmet e tij disproporcionale në Gaza, pa ndonjë bazë morale, mund ta vendosin Izraelin në një pozicion të papritur dhe të padëshiruar në sytë e opinionit publik global”, tha Erdogan./ar.sh/SYRI.NET