Shoqata Kombëtare e Gjyqtarëve të Republikës së Shqipërisë i është drejtuar me një rezolutë Këshillit të Lartë Gjyqësor, duke ngritur shqetësime serioze dhe urgjente mbi funksionimin e gjykatave, veçanërisht atyre të Tiranës dhe Apelit.
Në dokument theksohet se mbingarkesa e jashtëzakonshme e çështjeve, mungesa e gjyqtarëve, problemet e sigurisë dhe standardet jorealiste të vlerësimit po cenojnë drejtpërdrejt pavarësinë e gjyqësorit, mirëqenien e gjyqtarëve dhe të drejtën e qytetarëve për një gjykim brenda një afati të arsyeshëm.
REZOLUTA
Drejtuar: Këshillit të Lartë Gjyqësor
Shoqata Kombëtare e Gjyqtarëve të Republikës së Shqipërisë, në ushtrim të rolit të saj përfaqësues dhe në përmbushje të misionit për mbrojtjen e pavarësisë, dinjitetit dhe kushteve të ushtrimit të funksionit gjyqësor, në mbledhjen e saj të fundit të dates 10.12.2025, vendosi t’i drejtohet Këshillit të Lartë Gjyqësor për të paraqitur shqetësime serioze dhe urgjente lidhur me funksionimin e disa gjykatave të juridiksionit të përgjithshëm, veçanërisht Gjykatës së Shkallës së Parë të Juridiksionit të Përgjithshëm Tiranë dhe Gjykatës së Apelit të Juridiksionit të Përgjithshëm. Në këtë moment, këto gjykata janë ato që përballojnë ngarkesën më të madhe të çështjeve të juridiksionit përkatës në shkallë vendi. Gjithashtu, i njëjti shqetësim vlen edhe për gjykatat administrative.
Që prej fillimit të zbatimit të procesit të rivlerësimit kalimtar të gjyqtarëve dhe prokurorëve (vetting), nga viti 2018 e në vijim, këto gjykata, dhe jo vetëm, janë përballur me një situatë mbingarkese të paprecedentë, të zgjatur në kohë, të shoqëruar me mungesë të theksuar të burimeve njerëzore, si në nivelin e gjyqtarëve ashtu edhe të administratës gjyqësore.
Kjo situatë ka tejkaluar kufijtë e një vështirësie të përkohshme, duke cenuar drejtpërdrejt respektimin e parimit të gjykimit brenda një afati të arsyeshëm, efikasitetin dhe eficiencën e administrimit të drejtësisë, si dhe perceptimin dhe besimin e publikut ndaj sistemit gjyqësor. Kjo situatë është shoqëruar madje dhe me raste ekstreme të cenimit të jetës së gjyqtarëve, deri në rastin tragjik të kolegut tonë gjyqtar z. Astrit Kalaja.
Njëkohësisht, mbingarkesa strukturore dhe afatgjatë (puna me orare përtej atij zyrtar, angazhimi me punë gjatë fundjavave dhe ditëve të festave zyrtare e pushimeve vjetore), ka cenuar rëndë mirëqenien fizike, psikologjike dhe sociale të gjyqtarëve dhe të stafit administrativ, duke krijuar kushte pune që bien ndesh me standardet kombëtare dhe ndërkombëtare për ushtrimin e pavarur dhe dinjitoz të funksionit gjyqësor. Mirëqenia e gjyqtarëve njihet tashmë edhe në dokumentet e Kombeve të Bashkuara si element thelbësor për garantimin dhe forcimin e pavarësisë së gjyqësorit dhe cilësisë së drejtësisë (Deklarata Nauru mbi Mirëqenien e Gjyqësorit datë 25.05.2024). Fluksi i jashtëzakonshëm i çështjeve, rishortimet e vazhdueshme dhe mungesa e infrastrukturës kanë vendosur gjyqtarët përballë një presioni të vazhdueshëm profesional dhe njerëzor, duke i cenuar në ushtrimin e pavarur dhe cilësor të funksionit gjyqësor.
Në këtë kontekst, Shoqata parashtron problematikat konkrete të mëposhtme dhe paraqet kërkesat përkatëse ndaj Këshillit të Lartë Gjyqësor, si organ kushtetues i qeverisjes së sistemit gjyqësor.
I. Problematikat e konstatuara
1. Siguria institucionale në gjykata
1.1. Kontrolli i personave që hyjnë në ambientet e gjykatave kryhet nga persona të patrajnuar dhe pa standarde të unifikuara sigurie, me trajtim finanaciar të ulët. Për pasojë punonjësit e sigurisë caktohen punonjës të sektorit të shërbimeve mbështetëse të cilet rekrutohen me pagën e përafërt me pagën minimale në shkallë vendi, të cilët nuk plotësojnë kriteret për të kryer këtë shërbim në mënyrë efikase.
1.2. Mungon ndarja funksionale e ambienteve të brendshme ndërmjet:
• gjyqtarëve;
• stafit administrativ;
• palëve në proces dhe publikut.
1.3. Në shumicën e ambienteve gjyqësore mungojnë pajisjet teknike të kontrollit të sigurisë (detektorë metalikë, mjete skanimi etj.).
1.4. Nuk ka personel të dedikuar për garantimin e rendit dhe sigurisë gjatë zhvillimit të seancave gjyqësore në sallat e gjykimeve.
2. Ngarkesa e punës dhe menaxhimi i çështjeve
2.1. Gjyqtarët e Gjykatës së Shkallës së Parë të Juridiksionit të Përgjithshëm Tiranë përballen aktualisht me një ngarkesë mesatare që tejkalon 1100 çështje për gjyqtar (ngarkesë kjo tashmë sistematike prej më shumë 7 vjetësh). Gjykata e Apelit të Juridiksionit të Përgjithshëm po ashtu përballet me një ngarkesë të lartë të çështjeve të prapambetura, duke e bërë të pamundur realizimin e standardit kushtetues të gjykimit brenda afateve të arsyeshme. Radha e shqyrtimit të ankimeve të zakonshme në këtë gjykatë është ende në vitet 2017–2018, ndërkohë që rreth 50.000 dosje presin shqyrtimin.
Kjo ngarkesë vjen si pasojë e:
a) organikës së paplotësuar të gjyqtarëve, e cila deri në fund të vitin 2022 për gjykatën e shkallës së pare ka qenë rreth 52% sipas raportit të ILD-së datë 29.09.2023 dhe vijon të jetë e tillë, ndërsa për gjykatën e apelit ka një numër shumë të vogël gjyqtarësh vetëm 32 nga 78 që duhet të kishte. Kohët e fundit KLGJ-ja, me delegimin dhe ngritjen në detyrë të disa gjyqtarëve nga gjykata e shkallës së parë, ka rritur numrin e gjyqtarëve në këtë gjykatë, por efektiviteti i kësaj vendim-marrje mbetet për t’u vlerësuar në kushtet e mungesës së infrastrukturës me salla gjykimi, zyra gjyqtarësh dhe staf administrative mbështetës.
b) mungesës së stafit administrativ shoqëruar me mangësi në trajnimin e tyre profesional, veçanërisht të sekretarëve dhe ndihmësve ligjorë, duke sjellë:
• vonesa procedurale;
• angazhim të gjyqtarëve në detyra administrative, në kundërshtim me natyrën e funksionit të tyre.
2.2. Transferimet e gjyqtarëve të kryera nga KLGJ-ja gjatë viteve të fundit nuk kanë prodhuar rritje reale të kapaciteteve gjyqësore, për shkak se janë shoqëruar me ngritje në detyrë dhe lëvizje paralele të gjyqtarëve në gjykata të tjera.
2.3. Rishortimi i çështjeve të mbetura nga gjyqtarët e larguar ose të transferuar ka krijuar:
• rritje të menjëhershme të ngarkesës për gjyqtarët aktualë dhe cenimin e mirëqenies së tyre fizike, psikologjike, emocionale, duke i vënë përballë një situate të vazhdueshme për gjykimin e çështjeve tej kapaciteteve të mundshme njerëzore dhe përballjen me presionin e palëve, për shkak të pamundësisë së respektimit të afateve ligjore të gjykimit të çështjeve dhe arsyetimit të vendimeve gjyqësore. Gjyqtarët përballen me menaxhimin e një situate të jashtëzakonshme, që nuk ka ardhur për faj të tyre;
• vonesa të mëtejshme në shqyrtimin e çështjeve;
• pakënaqësi dhe mungesë besimi nga ana e palëve në proces.
2.4. Transferimet, përfshirë edhe ato të përkohshme, nga një seksion në një seksion tjetër brenda së njëjtës gjykatë, kanë sjellë rishortim çështjesh sipas vendimit nr. 724, datë 07.12.2023, të KLGJ-së dhe ndërprerje të vazhdimësisë së gjykimit e për pasojë ngarkesë joproporcionale mes gjyqtarëve.
2.5 Nuk ka mjaftueshëm salla për të zhvilluar gjykimet në gjykata. Kjo ka sjellë si pasojë cenimin e cilësisë dhe transparencës së procesve gjyqësore në raport me palët. Godina e Gjykatës së Apelit të Juridiksionit të Përgjithshëm është krejtësisht e papërshtatshme, duke qenë se mungojnë hapësirat e nevojshme për salla gjyqi (ka vetëm 8 salla dhe me kalimin e gjyqtarëve të rinj në këtë gjykatë bëhet tejet e vështirë, në mos e pamundur, që gjyqtarët të zhvillojnë seanca gjyqësore), ka mungesë hapësire për arkiva, akomodim të gjyqtarëve dhe stafit ndihmës, mungesë të ambienteve të përshtatshme për avokatët, palët ndërgjyqëse, prokurorët, të paraburgosurit si dhe për qytetarët.
3. Vlerësimi dhe pëgjegjësia e gjyqtarëve
3.1. Vendimi nr. 433, datë 22.07.2025, i Këshillit të Lartë Gjyqësor, “Për përcaktimin e afateve standarde minimale kohore dhe standardeve minimale sasiore”, parashikon kritere të cilat, në kushtet aktuale të mbingarkesës strukturore, rezultojnë objektivisht të parealizueshme për një pjesë të konsiderueshme të gjykatave, veçanërisht për ato të Tiranës. Ky vendim parashikon mundësinë e gjykatave për të vendosur afate tej atyre të parashikuara në të , sipas specifikave të tyre, duke i deleguar kompetencën për të sanksionuar këto rregulla Mbledhjes së Përgjithshme të Gjyqtarëve, të secilës gjykatë. Megjithatë, vlerësojmë se ky mekanizëm krijon mundësinë që gjykata të ndryshme të vendosin rregulla të ndryshme mbi afatet e gjykimit dhe standartet minimale sasiore, për rrjedhojë shkallë të ndryshme vlerësimi. Kjo krijon premisën për pabarazi në trajtimin e gjyqtarëve në shkallë vendi .
Kjo sjell për pasojë:
• trysni dhe presion ndaj gjyqtarëve;
• subjektivizëm në procesin e vlerësimit;
• rrezik për ushtrimin e pushtetit diskrecional nga organet vlerësuese dhe kontrolluese;
• dekurajim të ushtrimit normal të funksionit gjyqësor, për shkak të kritereve jo të qarta; jotranspartente dhe jo të unifikuara të vlerësimit të gjyqtarëve.
Vendimi nr. 433/2025, shton klimën e trysnisë dhe presionit ndaj gjyqtarëve për të arritur afate jorealiste për kohën, dhe për pasojë cenon cilësinë e gjykimeve dhe në tërësi performancën e gjykatës. Deri tani gjyqtarët kanë treguar përgjegjshmëri dhe angazhimin maksimal në evadimin e një numri të konsiderueshëm dosjesh, i cili tejkalonte ndjeshëm standardet sasiore të ngarkesës, të cilat ishin në fuqi sipas Vendimit nr. 261/2, datë 14.04.2010, të KLD-së. Në këtë situatë të një krize komplekse, për shkak të ngarkesës dhe backlog-ut të mbivendosur prej disa vitesh, KLGJ-ja duhet të gjejë mekanizma për të rritur kapacitetet në gjykata, në vend të implementimit të një akti nënligjor shumë të kontestuar paraprakisht nga trupa gjyqësore. Ky akt nënligjor nuk kontribuon në mbështetjen e gjyqtarëve dhe as në një menaxhim më të mirë të kohës gjyqësore, por në rritjen e presionit ndaj tyre, si dhe në cenim të pavarësisë së brendshme të gjyqtarëve. Një rregullim i tillë nënligjor duhet të përputhet me kuadrin ligjor, realitetin objektiv të gjykatave, si dhe me praktikat me të mira ndërkombëtare për të përcaktuar, në funksion të sistemit të vlerësimit dhe mbikëqyrjes së gjyqtarëve, afate kohore dhe standarde sasiore që janë të arsyeshme, por dhe të mundshme, sidomos në situatën aktuale, për t’u realizuar. Për këto arsye, ky vendim duhet të rishikohet dhe të merren në konsideratë opinionet e trupës gjyqësore, të bëra prezent pranë KLGJ-së me komunikimet e mëparshme elektronike.
3.2. Standardi 4-mujor për arsyetimin e vendimeve gjyqësore, i vendosur mbi bazën e raportit të ILD-së, të datës 29.09.2023, dhe i miratuar nga KLGJ-ja, nuk është proporcional dhe as realist në kushtet e një ngarkese pune të jashtëzakonshme, që ka filluar prej më shumë se shtatë vitesh dhe që vijon të jetë e tillë. Madje, kjo është konstatuar edhe nga KLGJ-ja në rastet e kërkesave të ILD-së për masa disiplinore. Presioni i vazhdueshëm për respektimin e këtyre afateve cenon pavarësinë funksionale të gjyqtarit dhe të sistemit gjyqësor, që duhet të garantohet jo vetëm ndaj pushteteve të tjera, por edhe brenda vetë sistemit.
II. Kërkesa dhe propozime
1. Në lidhje me sigurinë institucionale
1.1. Rritja e numrit të punonjësve të trajnuar për garantimin e sigurisë në gjykata dhe përmirësimi i statusit të tyre financiar.
1.2. Vendosja e detektorëve dhe pajisjeve të tjera të kontrollit në hyrjet e gjykatave.
1.3. Krijimi i ambienteve të ndara dhe të sigurta për gjyqtarët dhe administratën gjyqësore, në funksion të garantimit të pavarësisë dhe paanshmërisë.
1.4. Sigurimi i personelit të dedikuar për ruajtjen e rendit në sallat e gjykimit.
1.5. Krijimi i ambienteve të reja per salla gjykimi.
2. Në lidhje me ngarkesën dhe menaxhimin e çështjeve
2.1. Plotësimi në mënyrë emergjente i vendeve vakante të gjyqtarëve në Gjykatën e Shkallës së Parë të Juridiksionit të Përgjithshëm Tiranë dhe në Gjykatën e Apelit të Juridiksionit të Përgjithshëm. Me qëllim plotësimin sa me shpejt të vendeve vakante, por edhe në funksion të mos cënimit të pavarësisë së brendshme të sistemit gjyqësor, propozojmë përshpejtimin e proceseve të vlerësimit të gjyqtarëve dhe mundësisht kryerjen e këtyre vlerësimeve përpara se gjyqtarët të hyjnë në proceset e ngritjes në detyrë apo të lëvizjeve paralele.
2.2. Në gjykatat e shkallës së pare propozohet mosshortimi i çështjeve të dorëzuar nga gjyqtarët për shkak të promovimit dhe lëvizjes paralele tek gjyqtarët aktualë të mbingarkuar, deri në emërimin efektiv të gjyqtarëve të rinj. Kjo kërkon eventualisht një ndërhyrje në vendimin nr. 724, datë 07.12.2023, të KLGJ-së.
2.3. Përmirësimi i mekanizmave nënligjorë, vendimit nr. 724, datë 07.12.2023, të KLGJ-së, për të shmangur rishortimin e çështjeve në rast transferimi nga një seksion në një seksion tjetër brenda të njëjtës gjykatë.
2.4. Shtimi i stafit administrativ, veçanërisht i sekretarëve gjyqësorë, trajnimi i tyre për të përmirësuar nivelin profesional, shoqëruar me përmirësimin e trajtimit financiar.
2.5 Implementimi i një sistemi të digitalizuar në gjykata, që do të rriste ndjeshëm eficiencën dhe efektivitetin në menaxhimin e çështjeve gjyqësore.
3. Në lidhje me vlerësimin dhe përgjegjësinë e gjyqtarëve
3.1. Përcaktimi i një ngarkese reale, objektive dhe të përballueshme çështjesh për çdo gjyqtar, duke garantuar një ndarje të drejtë dhe të barbartë mes tyre në shkallë gjykate dhe vendi.
3.2. Në lidhje me vendimin nr. 433, datë 22.07.2025, të Këshillit të Lartë Gjyqësor, “Për përcaktimin e afateve standarde minimale kohore dhe standardeve minimale sasiore”, vlerësojmë të përshtatshme dhe në përputhje me parashikimet kushtetuese dhe ligjore, në kuadër të propozimit për ndryshimin e këtij vendimi, të parashikohen rregullime në lidhje me standartet që normojnë veprimtarinë e gjykatave në një situatë të jashtëzakonshme dhe/ose pezullimin e zbatimit të tij, gjatë periudhës tranzitore të mbingarkesës strukturore, deri në përmirësimin e situatës përmes plotësimit të vakancave dhe arritjen e ngarkesë reale të punës së gjyqtarëve sipas pikës 3.1.
3.3. Moszbatimi i standardit 4-mujor për arsyetimin e vendimeve gjyqësore për aq kohë sa vazhdon situata e jashtëzakonshme e ngarkesës në punë.
3.4 Hartimi dhe zbatimi i një strategjie të unifikuar komunikimi institucional, me qëllim informimin transparent dhe objektiv të publikut mbi problematikat reale me të cilat përballet aktualisht sistemi gjyqësor, në funksion të ndërgjegjësimit mbi shkaqet e vonesave në gjykim dhe të forcimit të besimit të publikut në drejtësinë.
III. Përfundime
Për sa më sipër, Shoqata Kombëtare e Gjyqtarëve të Republikës së Shqipërisë i kërkon Këshillit të Lartë Gjyqësor të ndërmarrë masa konkrete dhe të menjëhershme për adresimin e problematikave të mësipërme, në funksion të garantimit të pavarësisë së pushtetit gjyqësor, mirëqenies së gjyqtarëve dhe ofrimit të një drejtësie cilësore, efektive dhe të besueshme për qytetarët. Shoqata shpreh gadishmërinë për të bashkëpunuar me Këshillin e Lartë Gjyqësor në adresimin e situatës dhe zgjidhjen e problemeve të mësipërme.
LETËR NGA DIASPORA
PËR KRYEFODULLIN, KRYEARROGANTIN, KRYESOCIALKOMUNISTIN E SHQIPËRISË!
EDHE UNË PROTESTOJ…!
Edhe unë protestoj; kundër korrupsionit, kundër padrejtësive në Atdheun tonë, që mbahet peng nga korrupsioni i një qeverie drogaxhinjësh të lidhur me krimin dhe me horlliqe hajdutërishë të flliqta.
Shqipëria dhe populli shqiptar nuk e meritojnë më gjatë ironinë, as harbutërinë tënde tallëse o Edi Rama!
Shqipëtarët dhe Shqipëria nuk i meritojnë gjithë abuzimet e tua dhe të ministrave të tu, me pushtetin!
Po të drejtohem në njëjës, pasi në shumës u drejtohemi burrave dhe grave të qytetruara që kanë edukatë dhe kulturë, të cilëve nuk u është dëgjuar asnjë fjalë banale as arrogante, as tallëse apo ironike, asnjëherë, ndaj të tjerëve!
Ndërsa ti nuk u përket atyre niveleve të mirsjelljes dhe edukatës, pasi nga foltoret e parlamentit të Shqipërisë, je parë e je dëgjuar duke përfolur banalitete…!
Sjelljet e tua prej gansterri, ku i shet karshillek çdo kujt që të kritikon apo të kërkon llogari se pse vidhen fondet, pse abuzoni me pushtetin, janë banalitete!
Ndërsa me të drejtën njerzore si çdo qytetarë shqiptar, kemi të drejtë të pyesim:
Përse u rrënuan institucionet e shtetit?
Përse Shqipërisë ja shkatërrove Drejtësinë ?
Përse i quajte të gjithë gjyqtarët dhe prokurorët e Shqipërisë, kriminelë, duke shkelur ligjet dhe konventat ndërkombëtare për të drejtat e njeriut, të cilat nuk lejojnë të para-akuzohet dhe as të para-gjykohet asnjë qytetar i botës ?
Ndërsa ju para-akuzoni dhe para-gjykoni çdo qytetar shqiptar që nuk i nënshtrohet diktatit tuaj, biles sot ju guxoni dhe flisni duke i kërcnuar hapur, që nëse qytetarët nuk u nënshrohen ju, diktatit tuaj, shqiptarët sdo të guxojnë të udhëtojnë as për në USA e as në Europë… sipas fjalëve tuaja kërcnuese !
Kush je ti që kërcnon shqiptarët me heqjen e të drejtës së udhëtimit të lirë nëpër botë ?!
Përse e mbushe parlamentin me kriminel?
Përse i mbron dy ministrat e lidhur me krimin Tahirin dhe Xhafën?
Përse e shkatrrove gjykatën Kushtetuese?
Kush i mbron ligjet Kushtetuese sot kur ajo gjykatë nuk ekziston më?
Përse e shkatërrove gjykatën e lartë?
Ku do të ankohen qytetarët për shkeljen e të drejtave të tyre kur shkallët më të larta të drejtësisë nuk e kzistojnë?
Kush do ti shqyrtojë 40 Mijë dosjet gjyqsore të bllokuara në gjykatën Kushtetuese?
Po Një Milion dosjet gjyqsore të bllokuara nëpër rrethe nga mungesa e gjyqtarve, kush do ti shqyrtoje e kur do të zhvillohen gjygjet o Kryeminister i pa papërgjegjshëm ?
Po Këshillin e lartë të drejtësisë përse e shkrive?
Sigurisht për ti dobësuar kompetencat Presidentit!
Ndërsa kompetencat e Presidentit ua le në dorë KLGj-ve si dhe kryetarëve të gjykatave të cilët tallin bythët me gjyqtarët dhe prokurorët, duke i nënshtruar në korrupsionin e tyre ose duke i transferuar nëpër zona të largëta, larg familjeve, nëse nuk do tu japin vendime fitimprurëse militantëve të qeverisë tënde, apo dhe ministrave të tu të korruptuar…
Pra po përdorni taktikën e diktaturës e cila i degdiste kuadrot e pakorruptueshem, të panënshtruarit, deri në Skrapar apo Pukë e Kukës, me qellim që ti terrorizonte shpirtërisht.
Ashtu po bëni dhe ju kundër gjyqtarëve dhe prokurorëve të cilët nuk pranojnë që të japin vendime të padrejta, as militantëve tuaj por as ministrave tuaj e as bandave tuaja të krimeve !
Përse vidhen miliarda euro Tendrash nga ti dhe ministrat e tu ?
Përse e ke mbushur qeverinë me bija e bij, nipër e mbeska diktatorësh komunist, me nepotizmin e ish diktatorve apo familjarë tuaj të partisë socialkomuniste…?
Përse tallesh me jetën e shqiptarve duke i detyruar që të arratisen qindra mijra shqiptar, deri dhe gazetarë, inginier, artistë etj, ndërsa ti u hap rrugë bizneseve të mafies italiane apo turke, që kanë kapur dhe mediat shqiptare, prej nga ku të mbrojnë ty, duke e deformuar të vërteten e krimeve të qeverisë tënde ?
Kush je ti që tallesh me diasporën shqiptare duke ftuar për të bërë samite vetem familjarët e farefisllenjtë e diktaturës, të cilët kanë dalë në emigracion me valixhet e mbushura me dollarë, ndërsa ti me ministrat e tu, ua paguat dhe biletat e avionëve që të vinin në Tiranë, vetëm për të përmbushur shoun tuaj kundër opozitës, kundër popullit shqiptar, duke klithur nga salla me shprehje dashnoresh “i love you…” ?!
Kujton ti se nuk u kuptua nga i gjithë emigracioni shqiptar në të gjithë Europën por dhe në Amerikë e Australi, që ti bashkë me ministrin tënd të gjoja diasporës u tallët me emigracionin shqiptar.
U tallët; sepse, ftuat ca militantë komunistë të njohur e familjarë të ministrave e shefave të tuaj, të ftuar të cilëve u pretë dhe biletat me fonde të qeverisë, të ftuar që nuk janë të zgjedhur nga emigracioni shqiptar ne asnjë kohë. Të ftuar që nuk përfaqësojnë asnjë shoqatë apo organizim shqiptarësh në emigracion.
Ndërkohë injoruat emigracionin real, qindra mijra e miliona emigrantë shqiptar, masat milionshe që nuk na përfaqësojnë kurrë ca komunistë të tutë, as të ministrit tënd të diaspores, si figurë boshe sa për ti dhënë një rrogë ministri, qyl.
Qyl, sepse ai as ti nuk e njihni emigracionin shqiptar.
Nuk keni marrë asnjëherë konakt real me emigraciinin, përveç ngrënieve të ndonjë darke të majme në restorantin e ndonjë shqiptaro amerikani të larguar që në kohën e Zogut.
Diaspora, dmth. Emigracioni shqiptar, sepse fjala diasporë është fjalë greke, që do të thotë: “farë e humbur”, pra emigracioni ska dërguar përfaqesues të vetët real në asnjë samit të organizuar nga ju.
Ndaj themi që samitet tua ishin fallso si aksione të enveristëve për të ju kundërvënë opozitës dhe të gjithë shqiptarve demokratë.
Emigracioni shqiptar ka njerëz të mënçur human dhe demokrat që nuk do vinin në Tiranë për të dëgjuar fjalimet shitmëndëse të tuat e as për të të thënë ty; “i love you…”!
Emigracioni shqiptar ka përballuar nëpër dekada jo vetëm injorimin dhe mos interesimin e qeverive të Shqipërisë për emigrantët, për të ditur se çfarë hallesh kanë apo çfarë nevojash kanë.
Qeveritë e Shqipërisë në asnjë periudhë kohe, si dhe as qeveria e sotme, nuk kanë dhënë as ndihmën më të vogël humane, deri dhe as për kthimin në Atdhe të kufomave të emigrantëve të vdekur.
Siç nuk keni dhënë asnjë investim për shkollimin e fëmijëve shqiptar në gjuhën shqipe në emigracion.
Qeveria e Shqipërisë nuk ka treguar asnjë fije kujdesi për asnjë emigrant, edhe pse emigrantët shqiptar janë ata që mbajnë me ndihma financiare familjet e veta në Shqipëri tash 29 vjet!
E po të ftoheshin përfaqësuesit e vërtetë të emigracionit në ato samithe në Tiranë, ti sdo të kishit të drejtë të mbani fjalime enveriste, por do të duhej tu përgjigjeshe pyetjeve!
Pyetje, që ske lejuar askënd që ti drejtojë.
Pyetje si këto që po ti bëjmë në këtë letër dhe që nuk u jep dot përgjigje, sepse korruptimi yt anti demokrat, anti human, anti zhvillimit të Shqipërisë, ka marrë përmasa degjeneruese që po të çon në theqafjen tënde.
Degjenerim i një qeverie që çojë në vetvrasje dhjetra qytetar shqiptar për një fatur dritash, shembi mijra ndërtesa e objekte me vlera, mbylli qindra biznese, deri dhe televizione, të cilat kanë fituar dhe gjygjet nderkombëtare të zhdëmtimit, siç fitojë pronari i Televizionit AGON, një Italian, ndaj të cilit Shqipëria duhet të paguajë 140-160 Milion Euro zhdëmtim, thjeshtë vetëm për pordhët e tua personale, pse ta deshi ty hunda që ta dëmtosh atë Italian duke ja mbyllur televizionin.
Sjellje degjenerative prej gansterri mullarësh ka plot nga ti dhe qeveria jote mbushur me hajdutë e të inkriminuar!
Përse e vure ish ministrin e diktaturës Gjinushi në krye të Akademisë së shkencave, ku dhe gjithë akademinë e mbushe me ish bashkpuntor sigurimi të diktaturës, siç ke mbushur dhe administratën shtetrore me ta?
Ka mijra pyetje që nuk u jepni dot më përgjigje, siç nuk justifikoni abuzimet e juaja me pushtetin, siç nuk justifikoni dot as pasuritë miliardëshe që ju keni ngritur me vila e llukse prej sheiku, me gjakun e popullit shqiptar.
Protesta e çdo qytetari është e drejtë!
Ju duhet të jepni dorëheqjen urgjentësisht dhe të shkoni në theqafjen tuaj, si i inkriminuar me drogën dhe me bandat e krimeve, të cilat, ti, me qeverinë tënde i mbron dhe i pasuron ato, sepse të duhen që të blesh vota të inkriminuara!
Ti nuk e meriton që të jesh as dhe një minut Kryeminister i Shqipërise, sepse; përveçse ka mijra fakte që ke abuzuar me pushtetin dhe je korruptuar në vjedhje e krime të tjera, ti je arroganti dhe më i pa-edukati qeveritar që ka pasë Shqipëria ndonjëherë, sepse ka mijra skena e fjalë tuajat tallëse, fyese, arrogante, me gjuhë dhe fjalor banal prej rrugaçi.
Ti e flliq dhe emrin e Nolit dhe të Konicës sa herë i përmend!
Mos u kthefsh kurrë më, në qeverisjen e vëndit!
Për largimin tënd nga pushteti protestoj dhe unë, si çdo shqiptar që don që Shqipëria të qeveriset nga njerëz të drejtë e të kulturuar, nga njerëz të ndershem, por jo të pa edukatë e hajdutë dhe të inkriminuar, si ju!
Shqipëria ka nevojë për qeveri që pastron korrupsionin, ringren institucionet e shëmbura nga ti, ndalon kriminelët, pastron vëndin nga droga dhe bandat, krijon vënde punë për të gjithë qytetarët, zhduk nepotizmin familjar nga zyrat e shtetit, pastron administratën shtetrore nga prostitucioni i kurvarëve dhe kurvave… ku çdo ministër, drejtor apo shef ka zënë dashnore sekretaren e zyrës, duke i kthyer zyrat në bordello.
Shqipëria dhe qytetarët shqiptar kanë nevojë për zhvillim të ndershem, për mbrojtjen e familjes, për të jetuar mirë sot dhe për të pasur një të ardhme të pastër!
Qeveritë duhet të rrëzohen çdo ditë, deri sa të vinë më të mirët më të drejtët në qeverisje, ata që pastrojnë shtetin nga parazitë hajdutë e të inkriminuar!
*
Shqipëtarë, mos heshtni, mos i duroni asnjë sekond pushtetarët hajdutë, pushtetarët e lidhur me krimin, pushtetarët mashtrues që ngrejnë vila kështjella me milionat e vjedhur në shtet, ndërsa mashtrojnë duke thënë se sikur e ndërtoj vilen me lekë të fituar në emigracion, pak ditë më pas thotë se e ka ndërruar gruaja…!
Mos i duroni asnjë sekond qeveritarët që vjedhin tendra dhe ua japim miqëve e shokëve, konçensionet, me të cilët ndajnë fondet e vjedhura në shtet!
Mos i duroni qeveritarët arrogant, ironik e tallës të cilët abuzojnë në çdo pikpamje me pushtetet dhe me institucionet e shtetit !!!