VOAL

VOAL

Aleanca për Mbrojtjen e Teatrit i drejtohet Komisionerit të BE-së Johannes Hahn: Mos mbështesni korrupsionin dhe paligjshmërinë e qeverisë Rama

October 5, 2018
1 Comments
  • author avatar
    Ylli 6 years ago Reply

    Sa hare zhytet ne hale Ps Cohen lugatete ne Europe e pjedhin-pjellin tori
    Per politikebthote nje znj. Qe prit gomarevte mbin bare
    Po qtsh nje parliament I korruptuare e kriminalizure nuk u dashka vetoing politike

    Teatri eshte tempull kulturrvartiitbkombetare.pse fjhrt pyrtetveuropa???
    Pdeveuropa nuke that eshte competence e populist shqiptar???
    Sepse vets Europa nxite korrupsionin ne shqiperi
    Po vcsre lobsoratori eshte Ai ne angli????Ai duet Ta kishte fegjistrure vets personine.
    Ago eshte manipulate ne sharper NBA markup e xhaferri we parasites Si Hitler??

Komentet

Shqipëri: mungesa e çertefikatave të pronësisë, pengesë për zhvillimin

Pronat në veri të Shqipërisë

 

VOA/Pëllumb Sulo

Në Shqipëri, megjithëse kanë kaluar më shumë se 30 vite nga rrëzimi i sistemit komunist, i cili nuk njihte pronën privat, pjesa më e madhe e banorëve që jetojnë në zonat malore, në veri të vendit, vazhdojnë të mos pajisen me çertifikatën e pronësisë për banesat dhe tokat e tyre. Në vitin 1992, ata refuzuan ligjin 7001 për ndarjen e tokës duke ruajtur kufijtë e vjeter të pronave, çka i la ata pa çertifikatë pronësie.

Ndërsa në vitin 1991, kur ndryshoi sistemi politik në Shqipëri dhe kur të gjithë krahët e politikës miratuan ligjin 7501 për ndarjen e tokës, banorët e zonave malore në Veri të Shqipërisë e refuzuan atë dhe u kthyen në tokat dhe trojet e trashëguara nga të parët.

Por, kur drejt Thethit, Valbonës, Vermoshit, Lëpushës, Tamarës, apo Razmës u shfaqën turistët, të shtyrë nga peisazhet alpine, tradita e mikpritjes, veshjet apo ushqimi, pjesa më e madhe prej tyre u përballën me mungesën e çertifikatave të pronësisë dhe pamundësinë për zhvillimin e pronës.

Kryetari i shoqatës “Dukagjini”, Ndue Sanaj, i tha Zërit të Amerikës se këtë shqetësim ua kanë paraqitur autoriteteve para 20 vitesh, por deri tani nuk është bërë asgjë.

“Ne e kemi filluar problematikën e kësaj çështje që në vitin 2008. Fakti është se e gjithë zona e Dukagjinit, ashtu siç kam njohuri unë edhe malet e tjera nuk kanë tapi (certefikatën e pronësisë) për pronat”, thotë ai.

Drejtuesi i shoqatës “Dukagjini” thotë se, përveç zonave të njohura për turizmin malor, edhe në zonat e tjera malore mungesa e çertifikatave të pronësisë po pengon zhvillimin.

“Janë të regjistruara që në vitin 1947, por tapi (certefikatën e pronësisë) nuk ka askush. Thethi ka probleme sepse është vendi që vijojnë turistët, dhe jo pak, por në vendet e tjera në malësi akoma nuk kanë dalur këto probleme, sepse akoma nuk është zhilluar turizmi”, thotë ai.

Nevoja për të investuar në ndërtimin e bujtinave apo rikonstruktimin e kullave ekzistuese i ka përballur banorët me ligjin. Dhjetëra banorë janë ndaluar nga policia dhe proceduar nga prokuroria për ndërtime të jashtëligjshme.

Sipas avokatit Anton Kosteri mungesa e titujve të pronësisë vazhdon t’i penalizojë banorët e zonave malore, përfshirë edhe ata të zonave turistike.

“Në këto zona do të jetë shumë e vështirë për të bërë investime sepse çdo ndërtim, qoftë edhe një tullë që do të vendoset atje, do të konsiderohet se vendoset në një tokë shtet dhe jo në tokën e tyre të trashëguar prej qindra vitesh, kjo për shkak të mos regjistrimit të titujve të pronësisë”, thotë ai.

Por avokati Kosteri thotë se, nëse politika dhe qeveria janë të gatshme për të mbështetur zhvillimin e këtyre zonave të varfëra, atëherë mund të gjenden zgjidhje për paisjen e tyre me çertifikata të pronësisë.

“Në këto kushte unë e çmoj të domosdoshme ndërhyrjen e shtetit duke ngritur grupe pune pranë njësive vendore, duke thirrur edhe persona, banorët më të vjetër, për të përcaktuar së pari kufizimet dhe të drejtën e pronësisë së gjithsecilit , sepse secili banor atje e di se ku e ka pronën e tij. Dhe mendoj që, me ngritjen e këtyre komisioneve me kryetarët e fshatrave, me përfaqësuesit e njësive administrative dhe me ekspertë të fushës, jam i sigurtë se gjendet zgjidhja, por nëse ekziston vullneti politik”.

Muajin e kaluar, Kryeministri Rama, gjatë një vizite në qendrën turistike të Thethit, u premtoi banorëve fshirjen e të gjitha gjobave për ndërtimet e paligjshme të bërë ndër vite në mungesë të çertifikatave të pronësisë si dhe zgjidhjen e problemeve të pronësisë duke i pajisur me titujt e pronësisë për pronat e trashëguara.

Ukraina pritet të furnizohet me tanke të reja suedeze

VOA/Anna Kosstutschenko

Holanda po investon më shumë se 420 milionë dollarë për të prodhuar automjete luftarake të dizajnuara nga Suedia për Ukrainën. Sipas portalit “Defense News”, ky lloj tanku tashmë po përdoret në mënyrë efektive nga ushtarët ukrainas në vijën e frontit. Tanket e reja pritet t’i dorëzohen Ukrainës deri në vitin 2026.

Me tanket CV90 u furnizua Brigada e 21-të e ushtrisë së Ukrainës në verën e vitit 2023. Drejtuesi i këtij automjeti, i cili pranoi të identifikohej me pseudonimin “Kipish”, punonte në ndërtim në Poloni përpara se Rusia të fillonte sulmin në shkallë të gjerë ndaj Ukrainës. Ai thotë se nevoja për të mbrojtur vajzën e tij të vogël e nxiti atë të kthehej në vend.

“Kur pashë në internet që armiku filloi të na bombardonte, mora në telefon vajzën time, njeriun më të çmuar në jetën time. Dhe ajo tha: “Babi, ata po na qëllojnë!”, tha ai.

Automjeti “CV90” mund të përdoret nga forcat e këmbësorisë për transportimin e trupave dhe për të sulmuar tanket e armikut.

Në fillim të qershorit, Holanda ra dakord të shpenzonte më shumë se 420 milionë dollarë për të prodhuar “disa dhjetëra” tanke suedeze për Ukrainën, tha ministri holandez i mbrojtjes.

Shefi i batalionit të Brigadës së 21-të , i cili e identifikoi veten me pseudonimin “Samurai”, thotë se automjete suedeze janë efektive përballë sulmeve të armikut me artileri të rëndë dhe dronë.

“Është e manovrueshme në fushën e betejës dhe ofron mbrojtje të mirë nga sulmet e armikut. Ushtarët thonë se “CV90” është shumë e qëndrueshme ndaj sulmeve me artileri dhe dronë.”

21-vjeçari “Samurai”, i diplomuar në Akademinë Ushtarake të Odesës, thotë se tanku “CV90” ofron siguri dhe është më i rehatshëm për trupat gjatë lëvizjeve nga një vend në tjetrin.

“Gjashtë ushtarë mund të ulen këtu dhe ka vend të mjaftueshëm edhe për pajisjet dhe ushqimin e tyre gjatë transferimit në pozicionet e tyre”, thotë ai.

Ky mjet luftarak suedez është i pajisur me një kamera termike, që ndihmon ekuipazhin ta drejtojë atë me lehtësi edhe gjatë natës. Automjeti është vështirë të zbulohet nga armiku falë teknologjisë së pakësimit të nxehtësisë.

Portali “Defense News” thotë se ministria holandeze e mbrojtjes pritet t’ia dorëzojë tanket e reja “CV90” Ukrainës deri në vitin 2026.

Forcat e Armatosura të Ukrainës: Janë vrarë 533 mijë ushtarë rusë deri tani

Që prej 24 shkurtit të vitit 2022, luftimet e ashpra mes ushtrisë ruse dhe asaj ukrainase vijojnë të marrin jetë njerëzish me ritme të tmerrshme.

Shtabi i Përgjithshëm i Forcave të Armatosura të Ukrainës, në një deklaratë të fundit, pretendon se që prej nisjes së luftimeve janë vrarë 533,090 ushtarë rusë. Sipas Kievit zyrtar, vetëm gjatë 24 orëve të fundit janë vrarë ose janë plagosur 1,110 ushtarë rusë.

Ditën e premte, dronë me rreze të gjatë veprimi të Ukrainës, goditën 4 rafineri ruse të naftës e po ashtu stacione radarësh dhe objektivë të tjerë ushtarakë në rusi.

Ushtria ruse tha më herët se kishte rrëzuar 70 dronë mbi detin e zi, dhe gadishullin e pushtuar të Krimesë, 43 dronë mbi rajonin rus të Krasnodar dhe një tjetër mbi atë të Volgograd.

Një burim i inteligjencës së Kievit, tha për agjencinë e lajmeve Reuters se rafineritë e naftës së Afipsky, Ilsky dhe Krasnodar prodhojnë karburant për flotën ruse në detin e zi, dhe se operacioni për shënjestrimin e tyre ishte zhvilluar në koordinim me shërbimet e sigurisë, SBU. sn

UGSHPD: VELIAJ, KJO PUSETË E KORRUPSIONIT TË RILINDJES SOCIALISTE

 

(Tallavaja e qeverisë Rama është një krizë më e rëndë se sa piramidat e mesviteve ’90-të)

 

Fasada e kryeqytetit  duket se ka mbetur e vetmja mburojë për kryetarin e bashkisë së saj Erion Veliaj i cili mbetet sot për sot është kampioni i mashtrimit politik dhe i gënjeshtrës ekonomike të kapur në flagrancë me shpërdorim dhe me përvetësim.

Edhe pse temperaturat e nxehta shënojnë 40 °C, Veliaj nuk kursehet të bëhet i dukshëm duke e shitur veten në dy mënyra, sa të freskët po aq edhe aktiv. Në kohën kur protestuesit demonstrojnë përpara Bashkisë Tiranë dhe tym del nga gomat e djegura dhe shishet flakë shpërthyese molotov, kryetari Veliaj zgjedh të mbajë ndezur fushatën e tij politike në Laprakë. Mes shprehjeve bajate të zgjedhura, slogani revanshist i Erion Velisë përpara qytetarëve të Lagjes Laprakë, ose Njësia Bashkiake Nr. 11 ishte; -“… digj goma, mbill flokë”. *

“Leshatori” Veliaj e do një përgjigje sepse prej kohësh është kthyer një politikan banal, pavarësisht se sa pushtet i kanë ofruar dhe pavarësisht se sa trim është kur pushtetin e ushtron përmes mashtrimit dhe përvetësimit. Pra freskinë dhe rolin aktiv, ai i luan njëkohësisht si një menaxhues i rëndësishëm të pushtetit vendor dhe po ashtu si drejtuesi politik i Qarkut të Tiranës. Pra në mes të protestës dhe vapës, me këto cilësi të larta Veliaj po tregon se është shëndosh e mirë në të tijën duke u bërë përditë lajm dhe njëkohësisht duke investuar për t’u bërë objekt i lajmit si në mediat zyrtare të pushtetit po ashtu edhe në ato private që e mbështesin. Karakteristike është se Veliaj nuk i mungon asnjë ditë medias. Propaganda të dy mënyrat se si ai sillet i shkrin në një, dhe e bëjnë Veliajn të duket se po noton ende në sipërfaqe duke dhënë maksimumin për rienergjizimin e Rilindjes Socialiste deri në mbajtjen e Kongresit Zgjedhor të PS më 20 Korrik 2024. Pra i kudondodhur edhe në më pak se një muaj të mbetur do të jetë i dukshëm si kryetari Erion Veliaj dhe drejtuesi politik i qarkut.

Por atij i duhet sqaruar së pari se ai e ka edhe një kusht me të cilin është toleruar “të lundrojë”. Vetëm përgjatë një tremujori, që kur SPAK i drejtoi thirrjen për t’u paraqitur, Veliaj është i vetmi person i administratës që nuk e ka të kufizuar lëvizjen brenda dhe jashtë shtetit edhe pse akuza të rënda me abuzime miliona euro gjinden në dosjet e SPAK. Kjo mos ndodh sepse Veliaj është “valvula” e shfryrjes së zemërimit brenda Partisë Socialiste apo se ai është i vetmi ndër rradhët e saj që ka cilësinë e shpëlarjes së korrupsionit për elitën e Rilindjes Socialiste deri në prag të Kongresit Zgjedhor duke u kthyer në një pusetë shkarkimi të saj.

Për këtë dilemë të drejtësisë dhe për këto arsye edhe pas 13 protestave të fundit të qytetarëve, opozitës dhe të Aleancës për Mbrojtjen e Teatrit, Veliaj, çështja qëndron ende.

Por Erion Veliaj shfaqet edhe njëkohësisht kudo. Ai fizikisht dhe virtualisht prodhon lajme sa politike e sportive aq edhe kulturore dhe mjedisore, sa jashtë bashkisë madje edhe jashtë shtetit. Ai është i vetmi kryetar bashkie që bën fushatë edhe kur garë politike nuk ka edhe të tjera punë dhe detyra i duhen kryeqytetit për të cilin atij i janë ngarkuar. Por dyfytyrësia e fajtorit dhe përvetësuesit ka ende vlerë për t’ju servilosur kreut të elitës së Rilindjes. Kështu Veliaj i shfrytëzuar brutalisht nga eprorët e tij detyrohet të jetë i kudondodhur dhe është harruar nga roli kryesor i përgjegjësive si kryetar.

Çdo ditë për të depozitohen dokumente dhe jepen prova përpara drejtësisë. Ndërsa firma dhe funksionet e Veliajt janë shndërruar tashmë në burokracinë modeste të prerjes së përurimeve të mbetura, shtrimit të darkave bamirëse për të varfërit, dhënies së titujve “Qytetar Nderi” i Tiranës,  apo të ndonjë binjakëzimi me çdo bashki të mundshme që përmban harta administrative e planetit. Pra i vetëm, në provë me paratë e taksapaguesve dhe pa shpenzimet e shtabit elektoral staf i cili tashmë gjendet në arrest dhe burgim.

I numërojmë të gjitha këto sepse për Erion Velinë më kryesoret harrohen kur ai vazhdon të prodhojë çdo ditë lajme.

Të gjithëve ju kujtohet se i kudondodhuri Erion Veliaj, thirrjen për t’u paraqitur në organet e drejtësisë SPAK. Ai e lexoi paraqitjen dhe e interpretoi vonesën me ndërhyrjen e heqjes së “gurëve në tëmth”, më 31 Mars, 2024 dhe më pas ose menjëherë shfrytëzoi fshehjen e lajmit. Prej atëherë, Veliaj kujton se njerëzit i kanë harruar sjelljet dhe mashtrimet që organizata e tij (siç preferon ta quaj institucionin e bashkisë së kryeqytetit, me mbi 11 mijë personel dhe që mbahet me një fond prej 100 milion euro për rrogat vjetore), ka me administratën e fryrë miliona eurot e buxhetit dhe abuzimin e punëve të pakryera dhe nuk mungoi të shprehej në një studio tv se: – “Ka qenë një javë sfiduese, edhe për shëndetin personal, dhe siç e thashë edhe për shëndetin e organizatës që drejtoj. Është një organizatë që kryen 1000 gara në vit, pra në një vit kalendarik janë disa qindra, disa herë 1000, disa herë më pak se 1000 dhe ka një procedurë se si kompanitë garojnë, se si kompanitë ankohen në KPP dhe sigurisht në 1000 gara, apo në 11 mijë vetë staf të Bashkisë së Tiranës, ka një probabilitet që të ketë problematika…” * Në të njëjtin emision Tv kur disa ditë përpara  zgjedhjeve vendore 2023, Veliaj i bindur në fitore e cilësonte marrëdhënien me kryeministrin Rama dhe njëherësh kryetarin e Rilindjes Socialiste si; “vëlla të madh”,… “Ka 20 vite që nuk ka ditë që unë nuk kam komunikuar me Edi Ramën”,… “E quaj bekim që kam kryeministrin që ka qenë kryetar bashkie, që i di hallet e qytetit. Kemi një simbiozë, kemi një energji dhe një kimi”, për ta mbyllur me atë deklaratë që do t’i duhej edhe më shumë herë më parësore për nga rëndësia SPAK-ut dhe drejtësisë për të kuptuar nga dokumenti oral i kryetarit të bashkisë Tiranë Erion Veliaj se:-“Unë dhe Rama po luftojmë si dashnorë për Tiranën”.*

Kjo është kur i jep shumë gojës në media!

Përulja dhe servilizmi janë dy cilësitë që tregojnë se Veliaj e ka me të hedhur edhe kur shpreh se e do shumë udhëheqësin apo edhe kur i lyp votën qytetarëve. Kjo e ka treguar se e bën shpesh pis politikanin Veliaj jo vetëm në përzgjedhjen e shprehjeve, por sidomos edhe gjatë një fushate zgjedhore të tij me ose pa mbrojtjen dhe investimet e shtabit elektoral 5D në çdo njësi të kryeqytetit. Ndërsa tani i mbetur vetëm nervozizmi politik po e vërteton dhe gabimet dhe gafat shtohen.

Kjo në të vërtetë është ajo pështirosje që e kanë parë, e kanë kuptuar dhe po e ndjejnë edhe më shumë qytetarët.

Pjesa më e ndërgjegjshme e tyre dhe opozita të ftuara në protestat e vazhdueshme prej Aleancës për Teatrin kanë mbetur e vetmja forcë prej vitesh dhe sidomos gjatë 13 protestave të fundit që po ritheksojnë qëndresën dhe shtrimin e fakteve përpara drejtësisë. Është e pashmangshme gjendja e krizës së kryeqytetit me një korrupsion dhe me një fasadë të tillë. Ndërhyrja e shpejtë dhe veprimi i ligjit janë emergjente për ta pastruar Tiranën dhe Shqipërinë nga kthetrat e korrupsionit. Kryeqyteti prej kohësh ka mungesën e një drejtuesi të mençur  si dhe të një grupi njerëzish të përgjegjshëm që u duhet me shpejtësi ta shëndoshin cilësinë e jetës së qytetarëve. Më imediatet janë ndalja e korrupsionit në bashki, furnizimi i qytetit me ujë dhe energji elektrike 24 orë, të eliminohet ndotja e ajrit nga tymi i plehrave që digjen, i karburantit të automjeteve dhe i pluhurave të ndërtimeve të cilët bashkë me varfërinë janë problemet e vërteta që mund t’ia grisin maskën fasadës së rilindjes që prej ardhjes së tyre në pushtet.

“…gomat e djegura, qimet e mbjella”, kjo gjetje në sloganin politik 2024 të Erion Velisë kur nuk ka fushatë zgjedhore e do një përgjigje. “Korrupsioni i pushtetit të Rilindjes Socialiste, shkakton gurët në tëmth”. Elita e Rilindjes ka aq mëkate si forcë politike sa do t’i duhet të mendojë që ngrehinën e mandatit të ardhshëm ta ndërtojë që nga themelet me “gurët e tëmthit” prej korrupsionit të saj”.

Jo më larg se Gushti i vitit 2018, “fDi magazine” shkruante për Erion Veliaj pedalimin e fuqisë së kryetarit të bashkisë në punët e Tiranës. Ai cilësim nuk ka ikur pa u vënë re për të mbushur lajmet nga mediat  ashtu sikurse dhe më fort të jenë përcjellë nga propaganda si atëherë po ashtu edhe tani kur e kujton dhe kuptuar se çili ka qenë misioni i medias. E shkruar në anglisht kjo fjali bën një përcaktim interesant të cilin as Rama ende nuk e ka ndier të përkëdhelet për të mos thënë se ka shprhur zilinë;

“Picture a cross between Justin Trudeau and Emmanuel Macron, add in a bicycle as an accessory, and you’ll have Erion Veliaj”. “Një skice mes Trudosë dhe Makronit po t’i shtoni ngjitur një biçikletë, do të keni Erion Veliajn”.

Krahasim i fuqishëm ky dhe që të bën të mendosh se është i porositur bukur. Pra vetëm biçikleta e ndan Veliajn, kryebashkiakun e Tiranës në përshtypje nga një kryeministër kanadez dhe nga një president francez.

Me kryeqytetin shqiptar Tirana, aty ku jeta institucionale dhe shërbimet sot janë përqendruar, aty ku po zhvillohet lufta politike dhe betejat ligjore të drejtësisë të opozitës për pluralizëm politik dhe të korrupsionit për të mos u vendosur një narkoshtet, paralajmërimi i humbjes së energjisë elektrike me temperaturat e larta të stinës së verës nxorri më dukshëm krizën.

Tirana nuk është më as fasada e koncerteve dhe as “Fan Zone” e Euro 2024. Tallavaja e qeverisjes po tallet çdo ditë me vështirësitë e kushteve të jetesës së qytetarëve deri në 20 Korrik, mes vapës dhe Kongresit Zgjedhor të PS.

Tiranasit pra tironcit qytetarë të hershëm bashkëjetojnë me të ardhurit nga rrethet e ndryshme apo edhe me shtetasit e huaj që prej 30 vitesh edhe pse sot Tirana mban gati 1/3 e  popullsisë së vendit. Janë rreth 1 milion banorë që falë lëvizjes së lirë që prej viteve ’90-të jetojnë ngjeshur mes pasigurisë së punës dhe të strehimit, të cilësisë së ulët të sistemit arsimor dhe shëndetësor, pluhurit dhe ndotjes, varfërisë dhe taksave pa harruar se këto kushte po i detyrojnë çdo ditë këta individë dhe familjet shqiptare që të largohen në masë për të siguruar një jetesë më të mirë. Sa më larg një regjimit narkoshtet që është i mbushur me propagandë dhe ku lajmi i mburrjes qeveritare vazhdon të mbetet shifra e turizmit. Fasada e pushtetit vazhdon të jetë turizmi edhe pse ujrat e zeza kanë shpërthyer rrugëve drejt detit në qytetet bregdetare aty ku uji dhe energjia elektrike po fillojnë të racionohen dhe ajri i ndotur nga tymi idjegies së plehërave me siguri që në ditët më të nxehta nuk do të mungojë.

_________

* Kronikë e Klan Tv  më 21 Qershor, 2024.

* Top Story më 8 Prill, 2024 dhe 4 Maj, 2023

*fDi intelligence- Courtney Fingar 16 Gusht, 2018

 

21 Qershor, 2024

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

‘Protesta kombëtare’- Partia Demokratike mbledh të hënën Kryesinë

Partia Demokratike pritet që të mbledh Kryesinë të hënën në orën 18:00, ku do të diskutohet për aksionin opozitar, por edhe organizimin për zgjedhjet e 2025.

Temë e mbledhjes do jetë edhe data që pritet të propozohet për protestën kombëtare, ku deri tani bëhet me dije se do të jetë 13 korriku, por nuk përjashtohet mundësia që tubimi të jetë edhe më afër në kohë.

Gjithashtu Kryesia e PD, do të diskutojë dhe për drejtuesit e rinj të qarqeve, ku këtë herë pritet të ketë risi, pasi nuk do të ketë nga një drejtues, por dy për çdo qark, të cilët do të jenë përgjegjës për organizimin.  sn

Pentagoni: Ukrainës i lejohet t’i përdorë raketat me rreze të gjatë për goditjet brenda Rusisë

Ushtria e Ukrainës lejohet të përdorë raketa me rreze më të gjatë të dhëna nga SHBA për të goditur objektivat brenda Rusisë, më shumë se vetëm në linjat e frontit pranë Kharkiv, nëse Kievi po vepron në vetëmbrojtje, tha Pentagoni.

Presidenti Joe Biden fillimisht hoqi kufizimet se si Ukraina mund të përdorte municionet e ofruara nga SHBA për t’i dhënë asaj një mundësi tjetër për të mbrojtur më mirë qytetin lindor të Kharkiv nga një breshëri e pamëshirshme e raketave ruse, raportoi AP.

Që nga fillimi i pushtimit të Rusisë në vitin 2022, SHBA-ja kishte mbajtur një politikë për të mos lejuar Ukrainën të përdorte armët që ofronte për të goditur objektivat brenda Rusisë nga frika e përshkallëzimit të mëtejshëm të luftës.

Rusia ka qëlluar mbi objektivat ukrainas nga brenda kufirit të saj, duke e trajtuar zonën e saj si një “zonë të sigurt”, tha Pat Ryder, sekretari i shtypit i Pentagonit.

“Ndërsa ne i shohim ato forca që kryejnë ato lloje operacionesh nga përtej kufirit, ne kemi shpjeguar se Ukraina mund dhe ka të drejtë të qëllojë për t’u mbrojtur”, u tha Ryder gazetarëve të enjten.  sn

‘Black Out’, ndërpritet energjia elektrike në të gjithë Shqipërinë

Raportime për ndërprerje të energjisë elektrike kanë ardhur në BalkanWeb në disa pjesë të kryeqytetit, por duket se kjo ka ndodhur jo vetëm në Tiranë.

Raportime për një gjë të tillë kanë ndodhur në disa qytetësi Durrësi, Elbasani, Kukës dhe Korçë.

Energjia i është ndërprerë edhe Gjykatës Kushtetuese ku po shqyrtohet padia e Partisë Demokratike në lidhje me mandatin e Olta Xhaçkës, e cila mbante detyrën e Ministres së Jashtme.

Mirëpo ndërkohë që seanca vijonte, transmetimi i saj live është ndërprerë.

OSHEE nuk ka bërë asnjë njoftim për ndërprerjen e papritur të energjisë elektrike në të gjithë vendin.

Një luhatje e tillë tensioni rrit rrezikun për të dëmtuar elektroshtëpiaket. Shumë abonentë familjarë por edhe biznese janë ankuar vazhdimisht për luhatjet e tensionit këto ditë të nxehta.

OSHEE ka publikuar ditën e djeshme një postim, ku ka njoftuar se dritat do të iknin në disa zona në Tiranë.

  • foto galeri

NATO me udhëheqje të re: Lidhjet e Mark Ruttes me Kosovën ndër vite

Presidentja e atëhershme e Kosovës, Atifete Jahjaga, dhe kryeministri i Holandës, Mark Rutte, gjatë takimit të tyre në Holandë më 5 dhjetor 2013.

 

Valona Tela

Te kryeministri i Holandës, Mark Rutte, autoritetet në Kosovë shohin një partner me të cilin mund të bisedojnë për një gamë të gjerë çështjesh – nga avancimi i vendit në rrugën drejt integrimit në Bashkimin Evropian deri te siguria dhe stabiliteti afatgjatë.

Në krye të Qeverisë holandeze nga viti 2010, Rutte pritet të konfirmohet në pozitën e sekretarit të përgjithshëm të NATO-s brenda ditësh.

Vizitën e fundit në Kosovë e zhvilloi korrikun e kaluar, kur së bashku me homologun e atëhershëm nga Luksemburgu, Xavier Bettel, i bënë thirrje Kosovës dhe Serbisë që t’i ulnin tensionet dhe t’i ktheheshin dialogut për normalizimin e marrëdhënieve.

Tensionet mes dy vendeve ishin në kulm, pasi në komunat me shumicë serbe në veri të Kosovës, pushtetin e morën kryetarët e zgjedhur shqiptarë.

“U bëjmë thirrje të dyja palëve që të marrin pjesë në dialogun e udhëhequr nga Bashkimi Evropian, ta shtensionojnë situatën dhe përfundimisht t’i normalizojnë marrëdhëniet”, shkroi Rutte atëkohë në platformën X.

Presidentja e Kosovës, Vjosa Osmani, e cilësoi takimin me dy udhëheqësit evropianë si mundësi për të diskutuar “përpjekjet për forcimin e bashkëpunimit, avancimin në rrugën drejt BE-së dhe përkushtimin e përbashkët për paqen, sigurinë dhe stabilitetin afatgjatë në kontinent”.

Holanda ishte në mesin e shteteve që e njohën pavarësinë e Kosovës brenda muajit të parë pas shpalljes, më 2008. Atëkohë kryeministër ishte Jan Peter Balkenende.

Rutte mori detyrën e kryeministrit mbi dy vjet më vonë – në tetor të 2010-ës.

Në dhjetor të 2013-ës, ai priti në zyrën e tij presidenten e atëhershme të Kosovës, Atifete Jahjaga, së cilës i shprehu mbështetjen e Holandës për Marrëveshjen e Stabilizim Asociimit mes Kosovës dhe BE-së.

Kjo marrëveshje – e para kontraktuale mes dy palëve – u nënshkrua në vitin 2015.

Qeveria e Ruttes, për një periudhë të caktuar, ishte kundërshtare e liberalizimit të vizave për qytetarët e Kosovës, së bashku me atë të Francës.

Një qëndrim i tillë i nxiti dhjetëra deputetë të Parlamentit Evropian t’i shkruanin letër Ruttes dhe presidentit të Francës, Emmanuel Macron, në vitin 2020, për t’iu kërkuar dritën jeshile për lëvizjen e lirë të kosovarëve.

Nga ajo kohë, procesi kaloi në disa faza dhe vizat u hoqën nga 1 janari i këtij viti.

Presidentja e Kosovës, Osmani, takoi për herë të fundit Rutten këtë javë, në margjina të një samiti për paqen në Ukrainë, që u mbajt në Zvicër.

“Samiti ishte një mundësi e shkëlqyer për të biseduar me kryeministrin holandez, Mark Rutte, për rëndësinë e së ardhmes euroatlantike të Kosovës”, shkroi Osmani në X.

Këta dy udhëheqës u takuan edhe në samitin e Komunitetit Politik Evropian, i cili u mbajt në tetor të vitit të kaluar në Granadë të Spanjës.

Osmani tha se në atë takim është folur për situatën e sigurisë në Kosovë, pas sulmit të armatosur të një grupi serbësh në pjesën veriore të vendit.

Në 2021-shin, ata patën një shkëmbim edhe në Asamblenë e Përgjithshme të Kombeve të Bashkuara, me ç’rast Osmani tha se është mirënjohëse për “mbështetjen dhe bashkëpunimin” e Ruttes.

Si e arriti Rutte majën e NATO-s?

Sekretarët e përgjithshëm të NATO-s zgjidhen me konsensus nga të 32 vendet anëtare.

Ruttes iu hap rruga pasi vende si Hungaria, Sllovakia dhe Rumania – përkundër hezitimeve fillestare – dhanë dritën jeshile.

Për pozitën u përfolën edhe emra të tjerë, si ai i presidentit rumun, Klaus Iohannis, apo i kryeministres estoneze, Kaja Kallas, por nuk shkuan përpara.

Rutte pritet ta marrë zyrtarisht detyrën më 1 tetor, nga shefi i deritashëm i NATO-s, Jens Stoltenberg.

Rutte, 57 vjeç, është aleat i Ukrainës dhe kritik i ashpër i presidentit rus, Vladimir Putin.

Ai ka qenë një nga mbështetësit më të mëdhenj të ndihmës ushtarake evropiane për Ukrainën, prej se Rusia ka nisur pushtimin në shkallë të plotë të saj në vitin 2022.

Mundja në fushëbetejë e Rusisë është jetike për të siguruar paqen në Evropë, thotë Rutte.

Nën udhëheqjen e tij, Holanda i ka rritur shpenzimet e mbrojtjes në më shumë se 2% të bruto prodhimit të brendshëm – prag ky që u kërkohet të gjitha vendeve anëtare të NATO-s.

Rutte do të tërhiqet zyrtarisht nga pozita e kryeministrit kur Qeveria holandeze e krahut të djathtë ta zëvendësojë koalicionin e tij të qendrës së djathtë – me gjasë brenda disa javësh.

Rutte, fillimisht, ka lënë të kuptohet se mund t’i pëlqejë të ligjërojë pas politikës, por, më pas, ka përmendur luftën në Ukrainë si arsye përse ka kërkuar një post ndërkombëtar.

Stoltenberg tha këtë javë se Rutte është një kandidat “shumë i fortë” për ta zëvendësuar atë.

Nën Stoltenbergun, i cili mori detyrën e shefit të NATO-s në vitin 2014, aleanca ushtarake u zgjerua me katër anëtarë të rinj: Malin e Zi, Maqedoninë e Veriut, Finlandën dhe Suedinë.

Nën udhëheqjen e tij, NATO-ja përforcoi edhe misionin e saj paqeruajtës në Kosovë vitin e kaluar, pas rritjes së tensioneve në veriun e banuar me shumicë serbe, ndërsa Asambleja Parlamentare e aleancës miratoi avancimin e statusit të Kosovës nga anëtare vëzhguese në anëtare të asocuar. Radio Evropa e Lirë

SHBA do ta furnizojë Ukrainën menjëherë me raketa të mbrojtjes ajrore

VOA

Shtëpia e Bardhë njoftoi të enjten se do t’i japë përparësi dërgimit në Ukrainë të raketave të fuqishme të mbrojtjes nga ajri, pasi një seri sulmesh ruse me raketa dhe dronë dëmtuan objekte energjetike në të gjithë Ukrainën.

Qindra raketa të sapo prodhuara të tipit Patriot dhe NASAMS – që përdoren për mbrojtjen tokë-ajër – do të dërgohen në Ukrainë përpara vendeve të tjera që i kanë porositur ato, tha John Kirby, zëdhënësi i Shtëpisë së Bardhë për Sigurinë Kombëtare.

Ai theksoi se dërgesat e planifikuara për Tajvanin dhe Izraelin nuk do të ndikohen nga kjo lëvizje dhe se vendet e tjera që prisnin dërgesat e ishin “gjerësisht mbështetëse” kur u informuan për vendimin e Uashingtonit.

“Natyrisht që nevojitet më shumë dhe nevojitet tani”, tha zoti Kirby për gazetarët gjatë një konference telefonike. “Pra, si rezultat, qeveria e Shteteve të Bashkuara ka marrë vendimin e vështirë, por të domosdoshëm për t’u dhënë përparësi dërgesave në Ukrainë të raketave Patriot dhe NASAMS”.

Një sulm rus masiv me raketa dhe dronë gjatë natës dëmtoi objekte energjetike në të gjithë Ukrainën, një ditë pasi vendi njoftoi ndërprerje të energjisë elektrike për shkaqe të lidhura me luftën.

Shpërndarësi kombëtar i energjisë, Ukrenergo, tha të enjten se një sulm rus gjatë natës në një termocentral shkaktoi dëme serioze dhe plagosi tre punonjës.

“Pajisjet e objekteve në rajonet Vinnytsia, Dnipropetrovsk, Donetsk, Kiev janë dëmtuar”, thuhet në deklaratën e kompanisë Ukrenergo.

Sulmet ruse me dronë dhe raketa kanë përgjysmuar aftësitë e Ukrainës për prodhimin e energjisë elektrike krahasuar me vitin e kaluar, tha Presidenti Volodymyr Zelenskyy në fillim të këtij muaji.

Në fjalimin e tij të përditshëm, zoti Zelenskyy tha se zyrtarët po kërkonin mënyra për të përmirësuar situatën.

“Po përgatisim zgjidhje që do të sigurojnë një kalim më të qëndrueshëm të sezonit të nxehtë veror dhe do t’u ofrojmë njerëzve më shumë mundësi për ta kaluar këtë periudhë jashtëzakonisht të vështirë, sa i përket mungesës dhe ndërprerjeve të energjisë”, tha ai.

Forca ajrore ukrainase thanë se rrëzuan pesë nga nëntë raketat dhe të 27 dronët e lëshuar nga Rusia mbi 10 rajone të Ukrainës gjatë sulmit të së enjtes. Ushtria ukrainase tha se Rusia kishte vënë në shënjestër kryesisht Ukrainën lindore dhe në veçanti rajonin Dnipropetrovsk.

Për këtë lajm u përdorën të dhëna nga Reuters dhe Agence France-Presse

Intervista- James Rubin: Qëllimi afatgjatë i normalizimit Kosovë-Serbi nënkupton njohjen

VOA/Garentina Kraja

I dërguari i posaçëm dhe koordinatori i Qendrës për Angazhimin Global të Departamentit të Shtetit James Rubin i tha Zërit të Amerikës se është vështirë të imagjinohet normalizimi i marrëdhënieve ndërmjet Kosovës dhe Serbisë pa njohje. Zyrtari i lartë amerikan, i cili luajti një rol të rëndësishëm gjatë luftës në Kosovës, thotë se aktualisht ka shqetësime për mënyrën se si qeveria e Kosovës po luan rolin e saj në aspektin diplomatik, duke mos përmbushur kërkesën për krijimin e asociacionit. Në një intervistë me kolegen Garentina Kraja, zoti Rubin flet edhe për shqetësimet lidhur me fushatën e dezinformacionit të përhapur nga Rusia dhe Kina në Ballkanin Perëndimor.

Zëri i Amerikës: Zoti Rubin, Departamenti amerikan i Shtetit kohët e fundit njoftoi për një nismë të përbashkët me Bashkimin Evropian për të luftuar dezinformimin dhe propagandën ruse dhe kineze në Ballkanin Perëndimor. Me çfarë sfide po përballeni?

James Rubin: Dezinformimi dhe manipulimi i informacionit janë një prej kërcënimeve më të mëdha të epokës tonë dhe Perëndimit i është dashur kohë për ta kuptuar shkallën e luftës informative që Rusia dhe Kina kanë zhvilluar kundër nesh. Prandaj na duhet të punojmë më shumë për t’u mbrojtur nga ky kërcënim. Nisma për Ballkanin Perëndimor synon të ndihmojë shtetet e Ballkanit, ato që duan të anëtarësohen në BE, që po punojnë për të përmbushur standardet e BE-së, për të hartuar procedura, politika, plane, për të ngritur kapacitetet, pra po hartojmë atë që e quajmë korniza për të luftuar informacionin e huaj. Kemi nënshkruar memorandume bashkëpunimi me disa shtete të Ballkanit për t’i ndihmuar që të ballafaqohen me këtë sfidë.

Rusia e përdor dezinformimin në gjithë botë, por në veçanti në Ballkanin Perëndimor. Ata po operojnë përmes (agjencisë ruse të lajmeve) ‘Sputnik Serbia’, përmes ‘RT Serbia’ që fatkeqësisht ende vazhdon të transmetojë . Dhe për shkak se shumë shtete flasin të njejtën gjuhë në Ballkanin Perëndimor, këto lloj informatash përdoren, ripërdoren dhe manipulohen.

Po përpiqemi t’i ndihmojmë shtetet e rajonit të mbrohen ndaj tyre, duke patur parasysh që të gjitha ato duan të anëtarësohen në BE duhet të përmbushin standardet e BE-së dhe një prej tyre është parandalimi i manipulimit të informacionit në vendet e tyre. Po përpiqemi t’i ndihmojmë të bëhen gati për këtë dhe në proces e sipër shpresojmë që ato do të përmirësojnë bashkëpunimin me njëra-tjetrën.

Zëri i Amerikës: Ekspertët rajonalë thonë se Ballkani Perëndimor është projekt i papërfunduar dhe se Rusia po shfrytëzon tensionet që mbretërojnë për t’u forcuar. A është rajoni një fushëbetejë ku Rusia dhe Perëndimi po luftojnë për mendjet dhe zemrat e njerëzve?

James Rubin: Nuk mendoj që bëhet fjalë për betejë. Vlerat e Perëndimit, vlerat e Shteteve të Bashkuara besoj që dominojnë në Evropë dhe në shtetet që duan të jenë pjesë e Evropës. Fatkeqësisht Rusia vazhdon të përpiqet të përdorë problemet mes Kosovës dhe Serbisë duke kërcënuar t’i vërë veton anëtarësimit të Kosovës në Kombet e Bashkuara përmes pretendimeve të rreme se gjoja Kosova mund bëhet shtet terrorist. Rusia përdor lloj-lloj formash të tjera dezinformuese për t’i mohuar Kosovës anëtarësimin në Interpol, UNESCO dhe hapa të tjerë.

Rusia përpiqet të fusë përçarje, ndërkohë që Shtetet e Bashkuara, së bashku me miqtë dhe aleatët tanë, po përpiqemi t’i tejkalojmë ditë e tmerrshme të së kaluarës, ndërkohë që rusët bëjnë përpjekje t’i mbajnë ato gjallë.

Zëri i Amerikës: Kosova sapo shënoi 25 vjetorin e çlirimit dhe përfundimit të luftës. Ju luajtët rol thelbësor për t’i dhënë fund atij konflikti. A mund të ndani me ne mendimet tuaja? A ishte ndërhyrja e NATO-s vendimi i duhur?

James Rubin: Mendoj se nuk ka dyshim që NATO-ja mori një vendim të fuqishëm për të parandaluar gjenocidin e mundshëm ndaj popullit të Kosovës. Operacioni që ne ndërmorëm ishte i suksesshëm. Ëërmbushëm qëllimet tona. Forcat serbe u larguan nga Kosova, Kosova u bë shtet demokratik, i pavarur me vlera demokratike, një vend mik i Shteteve të Bashkuara, një partner i afërt i Shteteve të Bashkuara dhe e tëra u arrit duke rrezikuar në minimum jetët e amerikanëve. Presidenti Biden ishte përkrahës i qartë i luftës në Kosovë dhe arsyes përse e ndërmorëm atë. Jam shumë krenar për rolin që kam luajtur duke përkrahur zonjën Madeleine Albright dhe Presidentin Bill Clinton, për të ndihmuar në çlirimin e popullit të Kosovës, për ta shpëtuar nga vrasja në masë.

Por dua ta bëj të qartë se unë sot po flas me ju si zyrtar i administratës së Presidentit Biden dhe ajo çfarë kam bërë, apo nuk kam bërë para 25 vitesh, nuk e ndryshon atë që them si zyrtar i administratës së Presidentit Biden. Komentet e mia përfaqësojnë politikën e administratës së Presidentit Biden. Do të kërkoja atë mirëkuptim që ne i japim Presidentit të Serbisë, i cili ka luajtur rol të madh në qeverinë e Millosheviçit, por ne nuk ia ngrejmë atij këtë çështje. Nuk fakt nuk ia përmendim kur takohemi me të. Por fatkeqësisht ka njerëz në Serbi, që sa herë unë flas në emër të administratës së Presidentit Biden, e lidhin me 25 vite më parë. Kërkoj të njëjtin mirëkuptim siç ia japim edhe ne presidentit të Serbisë në këtë aspekt.

Zëri i Amerikës: Sot, marrëdhëniet ndërmjet Shteteve të Bashkuara dhe Kosovës kanë kaluar nëpër momente tensionesh gjatë këtij viti dhe sipas vëzhguesve, ato janë në pikën më të ulët. Si e shihni situatën aktuale?

James Rubin: Qartazi ka shqetësime për mënyrën se si qeveria aktuale ka vepruar në aspektin diplomatik duke mos përmbushur (kërkesën) për krijimin e asociacionit. Por, thënë troç, jemi miq, jemi miq të mirë. Kjo është dëshmuar kur kam qënë në Kosovë, kur sekretarët e shtetit kanë vizituar Kosovën, kur Presidenti Clinton shkoi atje… populli i Kosovës dhe populli i Shteteve të Bashkuara nuk ka si të jenë më të afërt dhe nuk mendoj se ka dilemë rreth kësaj çështjeje. Por, po, në aspektin diplomatik, marrëdhëniet nuk janë aq të mira aktualisht, por kjo ndodh për shkak se çështja Kosovë-Serbi vazhdon të jetë barrë për banorët e rajonit.

Zëri i Amerikës: A ka ardhur koha për një strategji të re të Perëndimit, për një fillim të ri në dialogun Kosovë Serbi, tani që dërguarit e rinj posaçëm ende nuk janë emëruar?

James Rubin: Miku im i ngushtë Jim O’Brien është Ndihmës Sekretar i Shtetit për Çështjet Evropiane dhe i kam premtuar se nuk do të ndërhyj në punën e tij. I takon atij të vendosë, të përcaktojë politikën amerikane në Ballkan. Përgjigjen ndaj kësaj pyetje do t’ia lë atij, por dua të shtoj se tek fusha e informacionit, ku unë luaj rolin tim dhe ku Jim O’Brien dhe unë punojmë së bashku, dëshirojmë të shohim një fushë informacioni në Ballkanin Perëndimor të lirë nga dezinformimi rus, të lirë nga manipulimi kinez i informacionit dhe për këtë qeveria e Serbisë duhet të bëjë ndryshime.

Zëri i Amerikës: Cili është synimi përfundimtar i procesit të dialogut, i procesit të normalizimit? Në Kosovë Ambasadori Hovenier thotë se qëllimi përfundimtar duhet të jetë njohja e ndërsjellë. Në Serbi, Ambasadori Hill thotë se njohja nuk është kusht i BE-së si pjesë e këtij procesi. Cili është synimi përfundimtar?

James Rubin: Nuk do të dëshiroja të futesha në mes të dy ambasadorëve, por mund të them se qëndrimi amerikan është që qëllimi afatgjatë i normalizimit nënkupton njohje. Është vështirë të imagjinosh normalizimin e marrëdhënieve ndërmjet Kosovës dhe Serbisë pa njohje dhe fakti që disa shtete të tjera që janë pjesë e BE-së, nuk e njohin Kosovën, nuk ka lidhje me qëndrimin amerikan. Kosova dhe Serbia kanë probleme. Probleme duhet të zgjidhen. Ato duhet të normalizojnë marrëdhëniet. Ky është kuptimi i standardeve të BE-së. Si amerikanë ne nuk i themi Bashkimit Evropian se çfarë duhet të bëjë. Prandaj pikëpamjet e ambasadorëve amerikanë për atë mendon BE-ja nuk janë të rëndësishme. Me rëndësi është cili është qëndrimi ynë dhe qëndrimi ynë është të propozojmë që normalizimi të përfshijë njohjen e ndërsjellë të dy vendeve.

Zëri i Amerikës: Në kohën që bota është përfshira nga trazira të shumta, kur po sfidohet rendi botëror i krijuar pas Luftës së Dytë Botërore dhe kur demokracitë po sprovohen në baza ditore, cila është e ardhmja e shteteve si Kosova?

James Rubin: Në Kosovë nuk ka mëdyshje. Unë kam qënë atje. Nuk i shoh Rusinë dhe Kinën të shtrijnë ndikimin në Kosovë. Populli i Kosovës kanë bërë përparim shumë të madh. Isha atje gjatë ditëve dhe kapitujve më të errët për të. E kam parë zhvillimin e saj nga një zonë lufte me qytete të shkatërruara në një vend që tani duket si çdo qytet tjetër modern evropian. Nuk shqetësohem aspak se për cilat vlera do të përcaktohet populli i Kosovës, për vlerat demokratike të Amerikës, apo të shteteve autoritare që dëshirojnë të ndryshojnë sistemin ndërkombëtar. Nuk ka garë. Populli i Kosovës është pro-amerikan.

Zëri i Amerikës: Dhe në fund, a keni ndonjë gjë tjetër për të shtuar?

James Rubin: Jo, por do të shtoja, se shpesh është vështirë që kur diplomacia bllokohet, të arrish të vlerësosh përparimin e madh që është shënuar. I bëj thirrje popullit të Kosovës ta kuptojë sa shumë ka përparuar në këto 25 vite nga një periudhë kur jeta e njerëzve ishte në rrezik tek një periudhë e lirive bazike, me demokraci që funksionon, ekonomi që po shënon përmirësim dhe mundësinë reale për t’u bashkuar me BE-në që varet nga ata vetë, nga qeveria e tyre, që tani mund ta zgjedhin vetë fatin e tyre. Si zyrtar amerikan, ne do të sigurohemi që ata të jenë në gjendje të vendosin për veten e tyre. Por ata duhet ta bëjnë zgjedhjen dhe ne shpresojmë se do ta bëjnë.

Kryeministri holandez Rutte pritet të emërohet sekretar i përgjithshëm i NATO-s

VOA

Presidenti rumun Klaus Iohannis njoftoi të enjten se po e tërheq kandidaturën e tij për postin e Sekretarit të Përgjithshëm të NATO-s, duke i hapur rrugën Kryeministrit të Holandës Mark Rutte që të marrë drejtimin e aleancës ushtarake.

Rumania do të përkrahë zotin Rutte dhe do të japë Ukrainës njërin nga dy sistemet e saj të mbrojtës raketore “Patriot” me kusht që aleatët ta zëvendësojnë atë me një sistem të ngjashëm, njoftoi Këshilli i Lartë i Mbrojtjes i Rumanisë, CSAT, që drejtohet nga Presidenti Iohannis.

Vendimi për t’i dhënë Ukrainës sistemin ‘Patriot’ u mor “duke patur parasysh përshkallëzimin e dukshëm të situatës së sigurisë në Ukrainë pas sulmeve të vazhdueshme nga Rusia ndaj civilëve dhe infrastrukturës si dhe… për shkak të pasojave ndaj rajonit, përfshirë ndaj sigurisë së Rumanisë,” thuhet në deklaratën e Këshillit.

Presidenti Iohannis, sipas kësaj deklarate, ka njoftuar NATO-n për tërheqjen e kandidaturës javën e kaluar.

NATO-ja i merr vendimet në bazë të konsensusit dhe çdo kandidati i duhet përkrahja e 32 shteteve aleate. Vetëm Rumania zyrtarisht ende e kundërshtonte kandidaturën e zotit Rutte.

Që nga dita e martë kur Hungaria dhe Sllovakia hoqën dorë nga kundërshtimi i tyre, u bë e qartë që Kryeministri Rutte, një mbështetës i fortë i Kievit dhe kritik i Presidentit rus Vladimir Putin, do të jetë shefi i ri i NATO-s.

Sekretari i ri i përgjithshëm i NATO-s do të përballet me sfidën e ruajtjes së përkrahjes së aleatëve për luftën e Ukrainës ndaj sulmit rus ndërkohë që përkujdeset për t’iu shmangur përshkallëzimeve që mund ta përfshijnë aleancën ushtarake në një luftë të drejtpërdrejtë me Moskën.

Zoti Iohannis, i cili e përfundon mandatin e tij të dytë si President i Rumanisë gjatë këtij viti, vazhdimisht ka thënë se shtetet e Evropës Lindore kanë nevojë për një përfaqësim më të mirë në rolet udhëheqëse të aleancës euroatlantike.

Sipas Bashkimin Evropian dhe NATO-s, Rumania ka rritur shpenzimet buxhetore për mbrojtje në 2.5 për qind të prodhimit të saj bruto pas sulmit të Rusisë ndaj Ukrainës.

Në vitin 2017, Rumania nënshkroi një marrëveshje prej 4 miliardë dollarësh për të blerë sistemin ‘Patriot’, që përbën kontratën më të madhe në historinë e shtetit. Pjesa e parë e këtij sistemi mbrojtës u dërgua në Rumani në vitin 2020.

Osmani shpreh ngushëllime për vdekjen e at Belushit: Humbje e madhe për të gjithë arbëreshët

Presidentja e Kosovës, Vjosa Osmani ka shprehur ngushëllime për ndarjen nga jeta të at Antonio Belushit.

Ajo shprehet se Belushi mbrojti të drejtën e shqiptarëve për liri bashkë me presidentin e ndjerë të Kosovës, Ibrahim Rugovën, përcjell Klankosova.tv.

Tutje, presidentja shton se vdekja e Antonio Belushit është humbje e madhe për familjen e miqtë, kishën arbëreshe, institucionet e popullin arbëresh të Kalabrisë e gjithë Italisë së Jugut.

POSTIMI

Me dhimbje të thellë mora lajmin për kalimin në amshim të at Antonio Belushit, veprimtarit të paepur të çështjes shqiptare, i cili përveç se kultivoi me pasion gjuhën arbëreshe, nga vitet ‘90, bashkë me Presidentin Rugova e veprimtarë të tjerë, e mbrojti të drejtën e shqiptarëve për liri.

Ndarja e tij nga jeta është humbje e madhe për familjen e miqtë, kishën arbëreshe, institucionet e popullin arbëresh të Kalabrisë e gjithë Italisë së Jugut.

Si Presidente e Kosovës kam pasur nderin ta takoja në bibliotekën e pasur të tij, të cilën e krijoi dhe e mbajti me aq përkushtim deri në vdekje. Kur ia akordova shtetësinë e Kosovës, ishte i stërlumtur, sepse iu plotësua dëshira e tij jetësore.

I përhershëm qoftë kujtimi për at Antonio Belushin!


Send this to a friend