VOAL- Kryeministri i Republikës së Kosovës Albin Kurti në faqen e tij në facebook kujton tre vëllezërit Bytyqi- Yllin, Agronin dhe Mehmetin, të cilët u arrestuan nga policia serbe më 23 qershor 1999 dhe pastaj u vranë me plumba pas koke, duke ua zhdukur edhe gjurmët:
Fare pak ditë pas çlirimit të Kosovës, më 23 qershor të vitit 1999, tre vëllezër shqiptarë kishin ndërmarrë një nismë shumë njerëzore: të përcjellnin një familje rome nga Prizreni drejt kufirit me Serbi, që po shkonte drejt Kralevës. Por gjatë këtij udhëtimi, ata të tre e kaluan paqëllimshëm kufirin, për çka u arrestuan nga policia serbe dhe u dënuan nga Gjykata për Kundërvajtje në Prokuple me 15 ditë burgosje. Kur po përfundonin dënimin, tre vëllezërit Bytyqi, Ylli, Agroni dhe Mehmeti u dërguan në një bazë trajnimi të policisë serbe, ku u vranë me plumba pas koke dhe ua zhdukën gjurmët. Trupat e tyre u gjetën në vitin 2001, në një varrezë masive në Petrovo Sello, afër qytezës Kladovo, bashkë me shqiptarë të tjerë të vrarë nga forcat serbe gjatë luftës në Kosovë.
Sot janë bërë 24 vite nga dita e arrestimit të tre vëllezërve Bytyqi dhe që nga atëherë, autoritetet shtetërore të Serbisë, asnjëherë nuk kanë treguar vullnet dhe gatishmëri për hetime të drejta dhe të plota të këtij rasti. Vëllezërit Bytyqi janë vrarë dhe ky krim është fshehur nga po ata që kanë kryer vrasje dhe fshehur krime lufte dhe kundër njerëzimit gjatë luftës në Kosovë. Pavarësisht dëshmive dhe dëshmitarëve që ndër vite janë shfaqur pjesërisht edhe në publik dhe përmes të cilëve është e mundur të zbardhet plotësisht ky krim, ende nuk ka drejtësi për rastin e vrasjes së vëllezërve Bytyqi.
Yll, Agron dhe Mehmet Bytyqi kishin lindur në Shtetet e Bashkuara të Amerikës dhe jetonin në New York, para se në prill të vitit 1999, të ktheheshin në Kosovë, duke iu bashkuar njësitit të vullnetarëve “Atlantiku” të Ushtrisë Çlirimtare të Kosovës. Ylli, Agroni dhe Mehmeti u vranë nga shteti i Serbisë vetëm sepse kishin qenë ushtarë të UÇK-së dhe sepse ishin qytetarë amerikanë. Në tetor të vitit 2019 dhe në korrik të vitit 2022, Dhoma e Përfaqësueve e Kongresit Amerikan, ka miratuar dy rezoluta, me anë të të cilave, ShBA-ja i ka kërkuar veprime konkrete Serbisë dhe bashkëpunim me drejtësinë ndërkombëtare, për të nxjerrë para drejtësisë personat e përfshirë në këtë krim.
Ashtu siç e ruajmë nderimin me lavdi për luftëtarët e lirisë Yll, dhe Mehmet Bytyqin, do të vazhdojmë të angazhohemi për të arritur drejtësi për ta, deri në fund!
“Shota” e piktorit të famshëm Sam ASLLANIT prezantohet për here të parë në galerinë ESPASE 52 në Lozanë Nga Nexha Gjema
ANTOLOGJIA E POEZISË SHQIPE NË RUMANISHT FITON ÇMIMIN E PANAIRIT TË LIBRIT “LIBREX 2024” NË JASH TË RUMANISË
Gazetari italian: Më shumë u shqetësova kur pashë se si ishte zhdukur emri i Olsi Ramës nga hetimet
Kumbulla e fëmijërisë Poemë nga Elida Buçpapaj
Osmani – Vuçiçit: Viktimat janë këtu, kërkoju falje nëse ke dinjitet!
Më 23 prill 1850 u nda nga jeta poeti i shquar anglez William Wordsworth
Korrupsioni në bashki, gazetari: Veliaj të martën pyetet në SPAK
Skuadrat shqiptare bëjnë ligjin në Maqedoninë e Veriut, një tjetër ekip siguron ngjitjen në Superligë për sezonin e ri
Meta mbajti fjalim poshtë ballkonit të Berishës: Ish-kryeministri doli kundër copëtimit të Kosovës dhe shpopullimit të Shqipërisë
Ish-presidenti kroat, Mesiç: Vuçiçi si Millosheviçi, por “Serbia e madhe” nuk do të ndodhë
Gazeta britanike: Të burgosurit shqiptarë të dëbuar nga Britania e Madhe gëzojnë burgje të rehatshme me ‘dhoma dashurie’ dhe pako ushqimore
Ministri gjerman: Synimi i Putinit s’është Ukraina, por Evropa
