“Të Pamposhturit – Mafia shqiptare nga Roma drejt pushtimit të botës”, libri i gazetarit të njohur investigativ Nello Trocchia është bllokuar të përkthehet në gjuhën shqipe. E zbulon gazetarja Alba Kepi e ftuar në studion e ‘A Shoë’ mbrëmjen e sotme në Syri Tv.

Por çfarë tregon libri në fletët e tij?

Në libër gazetari Nello Trocchia, – I cili është marrë nën mbrojtje nga autoritetet italiane pas kërcënimeve serioze me jetë- përshkruan fuqizimin e grupeve kriminale shqiptare dhe depërtimin e tyre në trafikun ndërkombëtar të kokainës. Në libër flitet dhe takimi e zhvilluar në Aruba, ku sipas investigimeve të tij, përfaqësues pranë qeverisë së Edi Ramës janë takuar me eksponentë të karteleve të drogës për çështje që lidhen me pastrimin e parave në Shqipëri.

Trocchia analizon ngritjen e organizatave kriminale shqiptare nga grupime të vogla të viteve ’90 në struktura të fuqishme të narkotrafikut ndërkombëtar, të afta për të krijuar aleanca me mafian italiane dhe për të kontrolluar rrjete trafiku në Europë dhe Amerikën Latine.

U bllokua qëllimisht të sillej në shqip

Libri u botua në 2025. Edhe pse përpjekjet për ta sjellë të përkthyer në shqip kanë qenë të mëdha është refuzuar.

“Libri në Shqipëri është bllokuar për tu përkthyer. Kemi tentuar të sjellim në gjuhën shqipe dhe ka pasur bllokim derisa të thuhet pak interes, por është e natyrshme që ka qenë e qëllimshme. Një bllokim i qëllimshëm në gjuhën shqipe” thotë Alba Kepi

 “Libri ka emra të rëndësishëm dhe për takimin në ishullin Aruba, ku flitet se kanë marrë pjesë dhe personalitete të lartë të qeverisë shqiptare. Thuhet dhe vetë kryeministri. Ekziston një audio por që nuk identifikohet nëse ky zë është i kryeministrit  apo personi mjaft pranë kryeministrit shqiptar. Pra gjërat në atë libër janë mjaft të forta” shton më tej Kepi përballë Adri Krastës.

Kepi zbulon se janë 29 gazetarë në Itali të cilët janë mbarrë në mbrojtje nga autoritetet italiane nga të cilët 2 prej tyre janë gazetarë italianë që kanë denoncuar lidhjet e mafias shqiptare me qeverinë Rama.

“Nello Trocchia është gazetari i 29 – të që vihet nën mbrojtje nga shteti Italian plus 250 gazetarëve që janë nën mbikqyrje.  Pra kanë në shërbim njerëz të armatosur, truproje që mbrojnë jetën e tyre.

Dhe në mes të 29 kemi Nello Trocchia i cili u mor në mbrojtje pak muaj pasi publikoi librin ‘Të pamposhturit’ dhe Sigfrido Ranucci që pak muaj më parë shpëtoi nga një bombë e hedhur në banesën e tij dhe që në disa puntata të emisionit të tij ka thënë gjëra mjaft të forta të lidhura me qeverinë shqitare, vëllanë e kryeministrit dhe sekretarin e Përgjithshëm të qeverisë shqiptare”